အမှတ်စဉ်(၃၅) {နာမ်တရား ဖြစ်ပေါ်ပုံ၊ စောင်းသံဥပမာ၊ မီးချစ်ထဲက ဥပမာ၊ မျိုးစေ့သတ္တိဥပမာ၊ ကိုယ်တိုင် သိမြင်နိုင်၊ စိတ်၏မှီရာ ၀တ္ထုရုပ်}

အမှတ်စဉ် (၃၅) ကျော်သွားသဖြင့် ပြန်လည် တင်ပြအပ်ပါသည်။  (ရနံ့စံအိမ်)

နာမ်တရား ဖြစ်ပေါ်ပုံ

သို့သော် ဗုဒ္ဓရဲ့ အဘိဓမ္မာအရ စိတ်ဆိုတာ ရှိနေတဲ့ အရာ မဟုတ်ဘူး၊ ဖြစ်လာတဲ့ အရာသာဖြစ်တယ်လို့ ဒီလိုပြောရတယ်၊ “အသိစိတ်ဆိုတဲ့ နာမ်တရားလေးဟာ ဒီ ရုပ်ထဲမှာ ရှိနေတာလား” လို့ ဆိုရင် ရှိနေတာ မဟုတ်ဘူးလို့ သိရမယ်၊ ဒါဖြင့် နာမ်တရားဟာ ဘယ်ပုံဘယ်နည်းနဲ့ ဒီလူတွေရဲ့ သန္တာန်မှာ ဖြစ်လာတာတုန်းလို့မေးရင် မြတ်စွာဘုရားက နာမ်တရားတွေ ဖြစ်ပေါ်ဖို့ ဆိုင်ရာ ဆိုင်ရာ အကြောင်းတွေ ရှိတယ်လို့ ဟောထားတယ်။

 ဒါကြောင့် နာမ်တရား ဖြစ်ပေါ်ပုံ လေ့လာကြည့်ရအောင်၊ သူက ရှိနေတဲ့အရာ မဟုတ်ဘူး၊ ဖြစ်လာတဲ့အရာသာ ဖြစ်တယ်၊ ၀ိသုဒ္မိမဂ်မှာ စည်ကိုတီးလိုက်တဲ့အခါ သံထွက်သလာသလိုပဲ၊  စည်ဆိုတဲ့ ရုပ်တရားနဲ့ လက်ဆိုတဲ့ ရုပ်တရားချင်း ထိတွေ့မှုကို အကြောင်းပြုပြီးတော့ နာမ်ဆိုတာ ပေါ်လာတာပါတဲ့။

နာမ်ဆိုတာ ပေးလာတဲ့တရား ဖြစ်လာတဲ့တရား၊ ရှိနေတဲ့ တရား မဟုတ်ဘူးလို့ ဒီလိုပြောတာ၊ ရှိနေတယ်ဆိုတာ အထဲထဲမှာ သိုလှောင်ထားတာမျိုး၊ ဘယ်လိုနည်းနဲ့ ရှိရှိ၊ ရှိနေတာ မဟုတ်ဘူး၊ ‘substance’ အနေနဲ့ မရှိဘူးလို့ ပြောတာ။

သို့သော် နာမ်ဖြစ်ဖို့ အနေအထား potentiality possibility တော့ ရှိတာပေါ့၊ အသံဖြစ်စေနိုင်တဲ့ အနေအထားရှိမှ အသံထွက်တယ်၊ အသံထွက်နိုင်တဲ့ အနေအထားမရှိရင် အသံ မထွက်နိုင်ဘူး၊ လက်နဲ့စည်နဲ့ တီးခတ်မှဆိုတဲ့ အကြောင်းတရားတွေ ပေါင်းဆုံလိုက်တဲ့ အခါမှ စည်သံလေး ပေါ်ထွက်လာတယ်။

စောင်းသံဥပမာ

စောင်းတီးရင်လည်း ထို့အတူပဲ၊ လက်နဲ့ စောင်းကြိုးနဲ့ ထိတာဟာ အကြောင်းတရား၊ အကြောင်းတရား မဟုတ်ဘူးဆိုရင် စောင်းထဲမှာ အသံသွင်းထားရမယ်၊ ဥပမာ- ကက်ဆက်နဲ့ အသံသွင်းထားတာမျိုးဆိုရင် တစ်သံတည်းပဲ တစ်မျိုးတည်ပဲ ထွက်မှာ ဖြစ်တယ်၊ ပထမလုပ်ထားတဲ့ အသံအတိုင်းပဲ၊ နောက်ထပ် အသံစုံအောင် တီးလို့ရမှာ မဟုတ်ဘူး၊

အဲဒီလို မဟုတ်ဘဲ ကြိုက်သလို အသံတွေ မျိုးစုံရအောင် တီးနေကြတာလေ၊ ဒီသီချင်းသွားလေး တီးရင် ဒီအသံထွက်တယ်၊ ဟိုသီချင်းသွားလေး အလိုက် တီးရင် ဟိုအသံ ထွက်တယ်၊ အကယ်၍ သံတွေကို inatall လုပ်ထားတယ်ဆိုရင် ရှိနေတဲ့ အသံပဲ ထွက်မှာဖြစ်တယ်၊ အမျိုးစုံ ထွက်ဖို့ မဖြစ်နိုင်ဘူး။

 မီးခြစ်ထဲက မီးဥပမာ

ဒီလိုပဲ ဂက်(စ်)မီးခြစ်မှာလည်း မီးခြစ်ထဲမှာ ဂက်(စ်)ရှိဖို့ လိုတယ်၊ ဘီးလေးနဲ့ အောက်မှကျောက်နဲ့ ဖိပွတ်လို့ရှိရင် မီးထွက်နိုင်တဲ့ အခြေအနေမျိုး ရှိရမယ်၊ ဒီလို ကိရိယာ စုံစုံလင်လင်ရှိနေခြင်းကို potentiality possibility ဖြစ်နိုင်တဲ့ အနေအထားလို့ ပြောတာ၊ အဲဒီလိဖြစ်နိုင်တဲ့ အနေအထားမှာ နောက်ထပ် အကြောင်းတစ်ခု ပေါင်းစပ်ပေးလိုက်တယ်၊ ဖိပြီးတော့ ပွတ်ခြစ်ခြင်းဆိုတဲ့ အကြောင်းတခု၊ ဖိပြီး ခြစfလိုက်တာနဲ့ တစ်ပြိုင်နက် မီးလေးပွင့်လာတယ်။

မျိုးစေ့သတ္တိဥပမာ

အဲဒီတော့ လူရဲ့ သန္တာန်မှာ စိတ်တွေ ဘာကြော့် ဖြစ်နေတုန်းဆိုရင် ပင်ကိုယ်ကနေ စိတ်ဖြစ်နိုင်တဲ့ အကြောင်းတရား တွေရှိတယ်၊ ဥပမာ-မျိုးစေ့လေးကို ကြည့်ရောအင်။

မျိုးစေ့လေးထဲမှာ အပင်ပေါက်နိုင်တဲ့ သတ္တိတွေ ရှိမနေဘူးလား၊ သို့သော် အပင် ရှိနေသလား၊ မရှိဘူး၊ မရှိဘူးဆိုတာ သေချာတယ်၊ မယုံရင် ခွဲကြည့်လေ၊ ဘယ် မျိုးစေ့ထဲမှာ မှ အပင်တို့ အမြစ်တို့ အရွက်တို့ အသီးတို့ဆိုတာ ရှိနေတာမှ မဟုတ်တာ၊ သို့သော် ကျောက်တုံးထဲမှာတော့ potentiality မရှိဘူး၊ ‘condition’ မစုံဘူး၊ အကြောင်းတရား မစုံဘူး၊ အပင်ပေါက်နိုင်တဲ့ energy စွမ်းရည်သတ္တိ အခြေအနေကို က မရှိဘူး၊ မျိုးစေ့ လေးကတော့ ကျောက်တုံးနဲ့ မတူဘူး၊ ခုနက အမြစ်ထွက်နိုင်တဲ့ အခြေအနေတွေ၊ အသီးထွက်နိုင်တဲ့ အခြေအနေတွေ၊ အပွင့် ဖြစ်နိုင်တဲ့ အခြေအနေတွေ စွမ်းရည်တွေ သူ့ထဲမှာ ရှိနေတယ်၊ ကျောက်တုံးထဲမှာတော့ မရှိဘူး။

အဲဒါမျိုးလိုပဲ၊ လူရဲ့ခန္ဓာကိုယ် တည်ဆောက်ထားတဲ့ ရုပ်တွေ၊ အဲဒီရုပ်တွေဟာ အကောင်းတစ်ခုခုနဲ့ ပေါင်းစပ်လိုက်လို့ ရှိရင် နာမ်တရားဖြစ်ပေါ်လာဖို့ အခြေအနေတွေ ရှိနေတယ်လို့ ပြောလို့ ရမယ်ပေါ့၊ သို့သော် နာမ်တရားတွေ အထဲထဲမှာ သိုမှီး ထားပြီးတော့ ရှိနေတာ မဟုတ်ဘူးဆိုတာကို သဘောပေါက်ရမယ်။

 ကိုယ်တိုင် သိမြင်နိုင်

ဗုဒ္ဓရဲ့ တရားတော်တွေကို သန္ဒိဋ္ဌိကော ကိုယ်တိုင်မြင်လို့ ရတယ်၊ ဒါ ယုံရမယ်လို့ မြတ်စွာဘုရားဟောတာ မဟုတ်ဘူး၊ ဗုဒ္ဓတရားတ်ေမှာ သဒ္ဓါ ဆိုတာ မလိုအပ်ဘူးလား၊ လိုအပ်တယ်၊ ဘာအတွက် လိုအပ်တာလဲဆိုလို့ရှိရင် သဒ္ဓါ ဆိုတဲ့ ယုံကြည်ချက် ရှိမှ ဗုဒ္ဓမြတ်စွာနဲ့ တွေ့မယ်၊ တွေ့တဲ့အခါကျတော့ သဒ္ဓါဆိုတဲ့ ယုံကြည်ချက်က ဒီလောက် အဆုံးအဖြတ်မပေးဘူး၊

ပညာ ဆိုတာက အဆုံးအဖြတ် ပေးသွားတယ်၊ understanding ဆိုတဲ့ အမှန်သိသွားဖို့က ပိုအရေးကြီးတယ်၊ သဒ္ဓါ ဆုံမိအောင် ဖန်တီးပေးတဲ့ အကြောင်းတရားလောက်ပဲ ဖြစ်တယ်၊ ဒီယုံကြည်မှုကို အခြေခံတယ်၊ ယုံကြည်မှုက ဆုံးဖြတ်တာလား မေးရင် ယုံကြည်မှုက ဆုံးဖြတ်တာ မဟုတ်ဘူး၊ ဆုံးဖဖြတ်နိုင်တာက ပညာပဲ၊ သူ့ဟာနဲ့ သူနော်။

ဒါကြောင့်မို့ ဗုဒ္ဓရဲ့ တရားတော်က အမှန်သိဖို့ပဲ အဓိကထားတယ်၊ ယုံဖို့ အဓိကထားတာ မဟုတ်ဘူး၊ ယုံဖို့က ဒီနေရာရောက်အောင် ပို့ဆောင်ပေးတာမျှသာ ဖြစ်တယ်၊ အမှန်သိဖို့ ဆိုတာ ပညာနဲ့သာ သွားရတယ်။

စိတ်၏မှီရာ ၀တ္ထုရုပ် ၆-ပါး
                   မြတ်စွာဘုရားက သုတ္တန်တရားတွေမှာ ဘယ်လို ဟောထားတုန်း၊ အသိစိတ်ကကော ဘယ်လိုပေါ်လာသလဲ၊ အသိစိတ်ပေါ်ဖို့ရာ အကြောင်းတရားတွေ အခြေအနေတွေက ဘာတွေတုံးလို့ မေးရင် စိတ်ဟာ ဘယ်ကနေ ဖြစ်လာတာလဲ၊ ဘာကို အမှီပြုပြီးတော့ ဒီစိတ်ကလေး ဖြစ်ရတာလဲဆိုတာ သိရအောင် ၀တ္ထုရုပ် ၆-ပါးဆိုတာ အရင် လေ့လာရမယ်၊ မနေ့တုန်းက ၀တ္ထုရုပ်လို့ ဘုန်းကြီး မပြောခဲ့ဘူးနော်၊ အဲဒီ ရုပ်တရားထဲကပဲ ပြန်ပြီးတော့ ပြောမယ်။

စက္ခုပသာဒ-မျက်စိအကြည်ကလေးက ဒါစိတ် ဖြစ်ပေါ်ဖို့ အတွက် base လေးတစ်ခုပဲ၊ မျက်စိပသာဒရုပ် မကောင်းတော့ဘူးလို့ဆိုရင်လည်း မြင်ပြီးသိတဲ့စိတ် မဖြစ်နိုင်ဘူး၊ ဒါကြောင့် မျက်စိအကြည်လေးဟာ မြင်သိစိတ် ဖြစ်ဖို့အတွက် အခြေခံလေး တစ်ခုလို့ ပြောတာ၊ စက္ခုဝတ္ထုရုပ်လို့ ခေါ်တယ်။

 သောတပသာဒ-နားအကြည်လေးကလည်းပဲ အသံကို သိတဲ့စိတ်ဖြစ်ဖို့ အခြေခံလေးတစ်ခုပဲ၊ အကယ်၍ နားကန်းသွားမယ်၊ ဒီပသာဒရုပ် မရှိဘူးဆိုလို့ရှိရင် နားအကြည်ရုပ်ကလေးဟာ ကြားပြီးတော့ သိစိတ်ဖြစ်ဖို့ရာ အခြေခံတစ်ခု၊ သောတ၀တ္ထုရုပ်။

နှာခေါင်းပေါက်ရှိတဲ့ ဃာနပသဒရုပ် ကလေးဟာ အနံ့ကို သိတဲ့စိတ်ဖြစ်ပေါ်ဖို့ အခြေခံတစ်ခု၊ ဃန၀တ္ထုရုပ်။

ဇိဝှာပသာဒ ဆိုတဲ့ လျှာအကြည်ရုပ်ကလေးဟာ အရသာ သိတဲ့စိတ် ပေါ်ဖို့အတွက် အခြေခံတစ်ခု၊ ဇိဝှါဝတ္ထုရုပ်။

ခန္ဓာကိုမှာ အနှံ့တည်ရှိနေတဲ့ senstivite လို့ ပြောချင်ပြောပေါ့၊ ဘယ်နေရာပဲဖြစ်ဖြစ် ထိရင်သိတဲ့ နေရာလေးပဲ၊ အဲဒီ ကာယပသာဒရုပ်တွေဟာ ခန္ဓာကိုယ်တစ်ခုလုံး ပျံ့နှံ့နေတာ ဖြစ်သောကြောင့် ဘယ်နေရာ ထိလိုက် ထိလိုက် အသိစိတ် ကလေးတွေ မပေါ်ဘူးလား၊ ထုံသွားတဲ့အခါမှာရော အသိစိတ်ပေါ်သေးလား၊ မပေါ်တော့ဘူးလား၊  ပသာဒရုပ် ပျက်သွားရင် ဘယ်လို ထိထိ မသိတော့ဘူး၊ ဆံပင်မှာ အဖျားကလေးကို ကိုက်ရင် မသိဘူး၊ အရင်းကိုကိုင်မှ သိတယ်၊ အဖျားကလေးကို ကိုက်ရင် မသိဘူး၊ အရင်းကိုင်မှသိတယ်၊ အဖျားကလေးကျတော့ ကယပသာဒ မရှိတဲ့ နေရာမို့ သူက အသိစိတ် မပေါ်နိုင်တော့ဘူး၊ အဲဒါကြောင့်မို့ ခန္ဓာကိုယ် တစ်ခုလုံးမှာ ပျံ့နှံ့ပြီးတော့ နေတာဟာ ဘယ်နေရာကို ကြည့်လိုက် ကြည့်လိုက် ဘယ်နေရာလေးကို လက်ကလေးနဲ့ တို့လိုက် တို့လိုက် ထိတယ်ဆိုတာ သိလာတယ်၊ အဲဒီ အသိစိတ်ကလေးတွေ ပေါ်ဖို့ရာအတွက် ဒီ ကာယပသာဒဟာ အခြေခံရုပ် တစ်ခုပဲ၊ ကာယ၀တ္ထုရုပ်။

 စိတ်ဖြစ်လာပုံ

 စိတ်ကလေးတွေ ပေါ်လာတာကို ကြည်၊ မြင်သိစိတ် တဲ့၊ မြင်သိစိတ်လို့ ပြောတာ၊ ဒါနာမ်တရားကို ပြောတာ၊ စတ်ရော စေတသိတ်ရော နှစ်ခုလုံးပါတယ်၊ ကြားသိစိတ်တဲ့၊ နံသိစိတ်တဲ့၊ လျက်သိစိတ်၊ ထိသိစိတ်တဲ့၊ ဟောဒိစိတ်ကလေးတွေဟာ ထ၀ရ ရှိနေတာ မဟုတ်ဘူး၊ ဒါကြောင့်မို့ စိတ်ရဲ့ အခြေခံတွေဟာ

စက္ခုပသာဒ- မျက်စိအကြည်ရုပ်၊ သောတပသာဒ-နား အကြည်ရုပ်၊ ဃာနပသာဒ-နှာခေါင်းအကြည်ရုပ်၊ ဇိဝှာပသာဒ-လျှာအကြည်ရုပ်၊ ကာယပသာဒ-ကိုယ် အကြည်ရုပ်ဆိုတဲ့ ဟောဒိ (၅)ခုဟာ စိတ်ရဲ့တည်ရာမှီရာ၊ စိတ်ရဲ့ အခြေခံရုပ်တွေလို့ ပြောတာ။

ခုနက စောင်ကြိုးတို့၊ စောင်းအိုးတို့ဟာ အသံဖြစ်ပေါ်ဖို့ အတွက် အခြေခံ မဟုတ်ဘူးလား၊ အေး- ကြိုးမရှိတဲ့နေရာ သွားတီးမယ်ဆိုရင် မြည်ပါ့မလား၊ မမြည်ဘူး၊ စောင်းကြိုးတို့ စောင်းအိုးတို့ ဒီပြင်ကြိုး သွားတီးရင်လည်း မြင်ချင်မှ မြည်မှာ၊ သူ့ဘာသာသူ အခြေခံထားရတာ၊ အေး -အဲဒီလိုပဲတဲ့၊ အသံထွက်ဖို့ရာအတွက် အခြေခံကောင်းရှိသလို စိတ်ဖြစ်ဖို့ရာအတွက် ဟောဒီ အခြေခံဝတ္ထုရုပ် (၅)မျိုး ရှိတယ်။

နောက်တစ်ခုက ဘာလဲဆိုလို့ရှိရင် အတွေးစိတ်တွေကျတော့ မျက်စိနဲ့လည်း မဆိုင်ဘူး၊ နားနဲ့လည်း မဆိုင်ဘူး၊ နှာခေါင်းနဲ့လည်း မဆိုင်ဘူး၊ လျှာနဲ့လည်း မဆိုင်ဘူး၊ ခန္ဓာကိုယ် ထိတာနဲ့လည်း မဆိုင်ဘူး၊ စိတ်ကနေ တွေးပြီး သိတာမျိုးကော မဖြစ်နိုင်ဘူးလား၊ လူတွေက တွေးပြီး စိတ်ရှုပ်လာပြီဆိုရင် ဘယ်ကုတ်တာလဲ၊ ခေါင်းကုတ်တာ၊

အဲဒါကို ဟဒယ၀တ္ထုလို့ စိတ်ရဲ့ အခြေခံရုပ်၊ ကျန်တဲ့စိတ်တွေရဲ့ အခြေခံ ရုပ်လို့၊ အတွေးစိတ်တွေရဲ့ အခြေခံရုပ်လုိ့ ဒီလိုပဲ အလွယ်မှတ်လိုက်တာပေါ့။ ဟဒယ၀တ္ထုလို့ ခေါ်တယ်၊ ဦးနှောက်ပဲဖြစ်ဖြစ်, နှလုံးသားပဲ ဖြစ်ဖြစ် လူတွေက အသစ်အဆန်း ဖြစ်တဲ့အခါကျတော့ ဘာဖြစ်သလဲ၊ ခေါင်းရှုပ်တာလား၊ ရင်ခုန်တာလား၊ အသစ်အဆန်းတွေ့ရင် ရင်ခုန်မှာပါ၊  ခေါင်းမကုတ်ပါဘူးနော်၊ အဲဒီတော့ အသစ်အဆန်းတွေ့ပြီး ကျန်တဲ့ စိတ်ကလေးဟာ ရင်ခုန်တဲ့စိတ်ကလေး နှလုံးသားပေါ့၊ စိတ်ဖြစ်တဲ့ အခြေခံလေးဟာ နှလုံးသားလို့ ပြောရမှာပေါ့၊ အဲဒီ (၂)ခုကို ခြုံငုံပြီးတော့ မြတ်စွာဘုရားက ၀တ္ထုရုပ်လို့ ဒီလို ဟောခဲ့တယ်တဲ့။

အားလုံးပေါင်းလိုက်တဲ့အခါကျတော့ ဘယ်နှစ်ခု ရှိသွားလဲ၊ ၆-ခု ဖြစ်သွးတယ်၊ စက္ခု၊ သောတ၊ ဃန၊ ဇိဝှာ၊ ကယ၊ ဟဒယဆိုတဲ့ စိတ်ဖြစ်တဲ့ နေရာတွေ၊ ဒါတွေ မရှိဘဲနဲ့ စိတ်မဖြစ်နိုင်ဘူး၊ ကျောက်တုံးမှာ စက္ခုလည်း မရှိဘူး၊ သောတလည်း မရှိဘူး၊ ဃနလည်း မရှိဘူး၊ ဇိဝှာလည်း မရှိဘူးဆိုတော့ ကျောက်တုံးထဲမှာ ဘယ်စိတ်ဖြစ်နိုင်မလဲ။ ခုန မီးခြစ်ဘူးလေးကို ကြည့်၊ ခြစ်ရတယ်ဆိုတဲ့ အထဲမှာ ဖြစ်လိုက်ရင် မီးထွက်တယ် ဆိုတာ မီးခြစ်ဘူးထဲမှာ ဂက်(စ်) ရှိတယ်လေ။

အဲဒီလို အခြေအနေ ကောင်းတွေကို ပြောတာ potentiality possibility ဆိုတာတွေ ရှိနေလုိ့ရှိရင် နောက်ထပ် အကြောင်းတစ်ခု ပေါင်းစပ်လိုက်တာနဲ့ တစ်ပြိုင်နက် စိတ်ဟာ ဘွားကနဲ ပေါ်လာတဲ့၊ ပေါ်လာတဲ့ စိတ်ဟာ အဖြစ်တရား၊ အရှိတရား မဟုတ်ဘူး၊ ‘ရှိ’ဆိုတာက သိုလှောင်ထားတဲ့ တရားကို ပြောတာ၊ နဂိုက ရှိနေတဲ့အရာ မဟုတ်ဘူး၊ ဒါကြောင့် စိတ်ရဲ့ မှီရာဝတ္ထု ရုပ် ၆-မျိုးလို့ ခေါ်တာ။

ဝတ္ထုရုပ်ဆိုတာ ‘base’ ပဲ၊ ‘mental base base’ of mind စိတ်ရဲ့ အခြေခံရုပ်၊ ခုနက မီးဖြစ်ပေါ်ဖို့ရ အခြေခံအကြောင်းတရား၊ အသံပေါ်ဖို့ရာ အခြေခံတွေ ဆိုသလိုပဲ စိတ်ဖြစ်ပေါ်ဖို့ အခြေခံ မှီရာတွေ ဒီ(၆) ခု ရှိရတယ်တဲ့၊ ဥပမာ- စည်တို့စောင်းတို့ကို ကြည့်၊ ကြိုးနဲ့အိုးနဲ့ ဒီအတိုင်းထားရင်း တီးတဲ့သူလည်း မရှိဘူး ဆိုရင်ကော မြည်ပါ့မလား၊ စည်တော့ ရှိတယ် ဘယ်သူက မှ လာပြီး လက်နဲ့လည်း မတီးဘူး၊ တုတ်နဲ့လည်း မခေါက်ဘူး ဆိုရင် မမြည်ဘူး။

ဝတ္ထုနဲ့အာရုံ ဆုံမိမှ
                   အဲဒီလိုမျိုးပဲ မျက်စိတော့  ရှိတယ်၊ အပြင်က တုတ်နဲ့ အလားသဏ္ဍာန်တူတဲ့ လက်နဲ့ အာလးသဏ္ဍာန်တူတဲ့ အာရုံက လာမတိုက်ဘူးဆိုရင် မြင်သိစိတ် မဖြစ်ဘူး၊ ခုနက စည်ကို လက်နှင့်မတီးရင် အသံ မထွက်သလိုဘဲ၊ မျက်စိကို ရူပါရုံက လာပြီးတော့ မတိုင်ဘူးဆိုရင် မြင်သိစိတ် ပေါ်နိုင်ပါ့မလား၊ မပေါ်နိုင်ပါဘူး၊ အဲဒီ သဘောလေးတွေ စဉ်းစားကြည့်၊ မြင်သိစိတ်ဆိုတာ ရှိနေတာ မဟုတ်ဘူး၊ ရူပါရုံက လာတိုက်မှ ဖြစ်လာတာ၊

အဲဒီတော့  ရူပါရုံဆိုတဲ့ အဆင်းကလေးဟာ ဘာနဲ့ ဥပမာ တူလဲ ဆိုတော့ စည်တီးတယ် ဆိုပါစို့၊ စည်ကို လက်နဲ့တီးရင် ရူပါရုံက လက်နဲ့တူတယ်၊ စည်မျက်နှာပြင်က စက္ခုသာဒရုပ်နဲ့ တူတယ်၊ ဒီလို ပြောရမှာပေါ့၊ အဲဒီတော့ ရူပါရုံနဲ့ စက္ခုပသာဒ နှစ်ခုဆုံလိုက်တဲ့ဟာက ထိခိုက်လိုက်တာ တီးလိုက်တာလို့ ခေါ်တယ်။

တစ်ခုခုနဲ့  ၀င်တိုက်လိုက်ရင် “ဒိုင်းခနဲ” မမြည်ဘူးလား၊ သဘာဝတွေရဲ့ စွမ်းအား ပြင်းထန်တယ်နော်၊ ထိုက်ခိုက်မှုက လျှပ်စစ်ကြိုးလေး နှစ်ခု တိုက်လိုက်တဲ့အခါ မီးတွေ မထွက်ဘူးလား၊ အဲဒါမျိုးလိုပဲ၊ ဒါတိုက်ခိုက်မှုလို့ ခေါ်တယ်၊ မျက်စိနဲ့ အဆင်းအာရုံ ဒီ(၂)ခု ဆုံလိုက်တာဟာလည်း တိုက် လိုက်တာပဲ၊ “ဒိုင်းကနဲ” အသံထွက်သွားသလိုပဲ အသိစိတ်ကလေး ဘွားခနဲ ပေါ်လာတာ ဒီသဘောကိုပြောတာ။

*ဆက်ရန်*
{အာရုံ ၆-ပါး၊ ဒွါရ ၆-ပါး၊ မနောဒွါရဆိုတာ} အား ဆက်လက်ရေးသား ပူဇော်ပါမည်။
 *ကောက်နှုတ်ချက်* အဂ္ဂမဟာပဏ္ဍိတ အရှင်နန္ဒမာလာဘိဝံသ (Ph.D)
အဘိဓမ္မာ မြတ်ဒေသနာ (ပထမတွဲ) (စာ ၁၅၆-၁၆၅)  မှ ကောက်နှုတ်ရေးသား ပူဇော်ပါသည်။

တင်ပြသူ Yanan Sanein အချိန် 4:30 PM