ငါးပါးသီလကို ၀ါရိတ္တသီလလို့ခေါ်တယ်။ ငါးပါးသီလပြည့်စုံမှ လူ့ဘ၀ပြည့်စုံမယ်။ လူတစ်ယောက်
ဟာ အရင်ဘ၀တုန်းက ငါးပါးသီလထဲက လေးပါးကို ပြည့်စုံအောင် ဖြည့်ကျင့်ခဲ့တယ်။ အဲဒီထဲမှာ
“ပါဏာတိပါတကံ”ကို မလုံခြုံခဲ့ဘူးဆိုရင် လူ့ဘ၀ရောက်လာတဲ့အခါမှာ ချမ်းချမ်းသာသာဖြစ်ပေ
မယ့်လို့ အသက်တိုမယ်၊ အနာရောဂါများမယ်။(ငရဲကျတာ၊ မကျတာ အသာထား) အပေါ့ဆုံး အ
ပြစ်က ဒီအထိအောင် ခံရမှာပါ။
“အာဒိန္နာဒါနကံ” မလုံခြုံခဲ့ရင် ပစ္စည်းဥစ္စာတွေဟာ ရှာလို့တော့ ရပါရဲ့၊ ခဏခဏ ပျက်စီး
သွားမယ်၊ မီးလောင်တဲ့အထိ ပါသွားမယ်၊ ကိုယ်ရဲ့ပစ္စည်းဥစ္စာဟာ အမြဲတမ်း ပျက်စီးဆုံးရှုံးနေမယ်၊
နောက်တစ်ခု “ကာမေသု မိစ္ဆာစာရကံ” မလုံရင် လူမုန်းများမယ်၊ အခြောက်တိုက် မုန်းတာမျိုးလို
သူ့မျက်နှာမြင်တာနဲ့ အလိုလိုမုန်းလာမယ်။
“မုသာဝါဒကံ” မလုံရင် သူ့စကားကို မယုံကြတော့ဘူး၊ မယုံကြည်တဲ့အခါ သူ့ရဲ့စကား
အရာမရောက် ဖြစ်တယ်၊ ဒါကြောင့် မုသားဆို ရယ်စရာအနေနဲ့တောင် မပြောဘဲ ရှောင်ကြဉ်သင့်
တယ်လို့ မြတ်ဗုဒ္ဓ ဟောကြားထားတယ်။ “သုရာမေရယကံ” မလုံခြုံခဲ့သူဟာ ဖြစ်ရာဘ၀မှာ
ဦးနှောက်မပြည့်ဘူး၊ ရူးနှမ်းနှမ်းဖြစ်တတ်တယ်။
