@font-face { font-family:'MON3 Anonta 1'; src:local('MON3 Anonta 1'),url('http://mmwebfonts.comquas.com/fonts/mon3.ttf'); } body,html,p,code,*,table,td,tr,span,div,a,ul,li,input,textarea{font-family:'MON3 Anonta 1'!important;}
ဤဆိုဒ်သို့ လာရောက်လေ့လာသူများ နှင့်အတူတကွ ၃၁ ဘုံကျင်လည်ကြကုန်သော ဝေနေများစွာ သတ္တဝါအားလုံး စိတ်ဆင်းရဲခြင်းကင်းပါစေ ကိုယ်ဆင်းရဲခြင်းကင်းပါစေ ကိုယ်စိတ် နှစ်ဖြစ် ချမ်းသာစွာဖြင့် မိမိတို့၏ ခန္ဓာဝန်ကို ကျေပွန်စွာရွက်ဆောင် နိုင်ပါစေ ။

Friday 6 June 2014

အနာဂတ်သာသနာရေး အပိုင်း(၆၂) ၀ိညာဉ်ကို အတ္တဟုစွဲပုံ



ဝိညာဉ်ကို အတ္တဟုစွဲပုံ
ခံစားတတ်သော ဝေဒနာကို အတ္တဟုလည်းကောင်း, ဟိုဟာ သည်ဟာ မှတ်သားတတ်သော သညာကို အတ္တဟုလည်းကောင်း, ထိုထိုကိစ္စ တို့၌ လှုံ့ဆော်ပေးတတ်သော စေတနာသင်္ခါရကို အတ္တဟုလည်းကောင်း, (တွေ့ထိမှု ဖဿ စသည်ကို အတ္တဟုလည်းကောင်း), စိတ် ၀ိညာဉ်ကို “အတ္တ”ဟုလည်းကောင်း တချို့က စွဲလမ်းကြ၏။
          ထိုတွင် ၀ိညာဉ်ကို “အတ္တ”ဟု စွဲလမ်းခြင်းသည် ယခုအခါ ဗုဒ္ဓကျမ်းစာတို့၌ (အထူးအားဖြင့် အဘိဓမ္မာသဘော၌) မကျွမ်းကျင်သူ မြန်မာလူမျိုးတို့ စွဲလမ်းပုံနှင့် ထပ်တူကျ၏၊ မြန်မာလူမျိုးတို့သည် လူတစ်ယောက်သေဆုံးသောအခါ၌ အသက်ကောင် ၀ိညာဉ်ကောင် ဟု ထင်မှတ်ထားသောအရာသည် ဤခန္ဓာအိမ်မှ ထွက်ခွာသွား၍ ကံအားလျော်စွာ ခန္ဓာအိမ်အသစ်မှာ ငြိတွယ်၏၊ ခန္ဓာအိမ်အသစ် တွယ်စရာ မရှိလျှင် ခန္ဓာအိမ် အဟောင်းကိုပင် မလွှတ်သေး၊ ခန္ဓာဟောင်း၌ တစ်စွန်းတစ်စ တွယ်ကပ်လျက် ခန္ဓာအသစ်ကို ထောက်လှမ်း ရှာဖွေနေ၏၊
ခန္ဓာသစ်တွေ့၍ ထိုခန္ဓာသစ်၌ တစ်စွန်းတစ်စ ငြိတွယ်မှ ခန္ဓာအဟောင်းကို စွန့်လွှတ်သည်ဟု ကြံစည်ယူဆ ကြလေသည်၊ အကယ်၍ ခန္ဓာအသစ် မရသေးခင် ခန္ဓာအဟောင်း ကို မနေသာသဖြင့် စွန့်လွှတ်ရပြန်သော် ခန္ဓာအသစ် မရသေးသမျှ အတ္တကလေးသည် မိမိအိမ် အနီးအပါးဝယ် သွားလာ လှည့်ပတ် နေ၏၊ (တစ္ဆေ ဖြစ်နေသည်ဟု ဆိုလိုသည်၊) ကလေး ငယ်ငယ် ရွယ်ရွယ် လန့်သွား၍ မေ့သွား၍ မတုန်မလှုပ် ဖြစ်နေလျှင် “၀ိညာဉ် ကောင် လိပ်ပြာ စဉ်ထွက်သွားသည်”ဟု ယူဆ၍ လိပ်ပြာ ပြန်လာအောင် ခေါ်နည်းကို (ရှေးလူကြီးသူမတို့) ပြုကြလေသည်။

          တရုတ်လူမျိုးတို့ကား ၀ိညာဉ်လိပ်ပြာ၏ နေထိုင်ရာ အိမ်ကိုပင် တခမ်းတနား ပြုလုပ်ထားကြသေး၏၊ တစ်ရံတစ်ခါ သေသူ၏ လိပ်ပြာသည် သား သမီး အစရှိသော ကျန်ရစ်သူများ၏ လိပ်ပြာကို မကြာခဏလာခေါ်နေသဖြင့်(ကျန်ရစ်သူကိုပါ သေ၍ လိုက်သွားမည် စိုးသောကြောင့်) လိပ်ပြာခွဲနည်း အစီအစဉ်ကိုပင် ပြုလုပ်ကြရသေး၏၊ ဤကား စိတ်ဝိညာဉ်ကို အတ္တဟု ယူဆ၍ (ထိုအတ္တကိုပင် အသက်ကောင်, ၀ိညာဉ်ကောင်, လိပ်ပြာဟု ခေါ်ကြသော မြန်မာ လူမျိုးတို့) အတ္တစွဲလမ်းချက်တည်း။
မှတ်ချက်။       ။ သေပြီးသည့်နောက် အိမ် စသည်ကို တွယ်တာ၍ အနီးအပါးမှာ တစ္ဆေဖြစ်နေသူသည် ၀ိညာဉ်ကောင် မဟုတ်၊ ပြိတ္တာဘ၀ ရောက်နေသူသာတည်း၊ သေပြီးနောက် ရောက်ဖို့ရာဘ၀ကို ဂတိဟု ခေါ်၏၊ ထိုဂတိသည် လူ, နတ်, ငရဲ, ပြိတ္တာ, တိရစ္ဆာန်အားဖြင့် ငါးမျိုးရှိသည်။
Credit to

အနာဂတ်သာသနာရေး အပိုင်း(၆၁) အတ္တ၏နာမည်နှင့်သတ္တိ



အတ္တ၏နာမည်နှင့်သတ္တိ
ပါဠိဘာသာဖြင့် “အတ္တ”ဟု ထင်ရှားသော ထိုအရာကို မြန်မာတို့က… “အသက်ကောင်, ၀ိညာဉ်ကောင်, လိပ်ပြာ”ဟု ခေါ်ကြသည်၊ ထိုအတ္တ၏သတ္တိကား (ကာရက) ပြုဖွယ်ကိစ္စ အ၀၀တို့ကို ပြုလုပ်နိုင်၏၊ (ဝေဒက) ခံစံစရာဟူသမျှကို ကောင်းကောင်းဆိုးဆိုး ခံနိုင်စံနိုင်၏၊ (သာမီ) ခန္ဓာအိမ်၏ အရှင်သခင်လည်း ဖြစ်၏၊ (နိဝါသီ) ခန္ဓာအိမ်၌ အမြဲနေ၏၊ (သယံဝသီ) ခန္ဓာအိမ်နှင့်ဆိုင်သော ကိစ္စဟူသမျှကို သူ့ အလိုသို့ လိုက်စေနိုင်၏ဟု ယူဆကြသည်။
          ချဲ့ဦးအံ့…(မိမိကိုယ်ကို စဉ်းစားကြည့်ပါ၊) အဆင်းကို မြင်ရာ၌ မျက်လုံးအတွင်းရှိ စက္ခုဟုခေါ်အပ်သောပသာဒဖြင့် အသက်ကောင် ၀ိညာဉ်ကောင်ဖြစ်သော အတ္တက မြင်၏၊ အတ္တသည် မြင်ခြင်းကိစ္စ ကို ဖြစ်စေ၏၊ ထို့အတူ နားဖြင့် ကြားရာ, နှာခေါင်းဖြင့် အနံ့ယူရာ, လျှာဖြင့် အရသာခံရာတို့၌ အတ္တသည် ကြား၏၊ အတ္တသည် အနံ့ကို သိ၏၊ အတ္တသည် အရသာအကောင်း အဆိုးကို ခံစား၏၊ တုတ်စသည်ဖြင့် ထိ၍ နာကျင်ရာ၌ အတ္တသည် နာ၏၊ မီးဖြင့် ထိရာ၌ အတ္တသည် ပူ၏၊ ရေဖြင့် ထိရာ၌ အတ္တသည် အေး၏၊ ဖဲမွေ့ရာ စသော  အခင်းအနှီး  နုနုညံ့ညံ့ကို  တွေ့ထိရာတို့၌  အတ္တသည် အရသာကို ခံစား၏၊ စိတ်ကူး၍ တရားကို အာရုံပြု၍ အာရုံတစ်ခုခု ထင်လာရာတို့၌ အတ္တသည် ထိုအာရုံကို သိ၏။

အနာဂတ်သာသနာရေး အပိုင်း(၆၀) အတ္တ၏ပုံသဏ္ဌာန်နှင့် တည်နေရာ

အနတ္တလက္ခဏသုတ်တော်
အတ္တ၏ပုံသဏ္ဌာန်နှင့် တည်နေရာ
အနတ္တလက္ခဏသုတ်ကို   သိလိုသူတို့သည်   ရှေးဦးစွာ   အတ္တအယူဝါဒကို နားလည်သင့်ကြ၏၊  အတ္တနှင့် စပ်၍ နားလည်ဖွယ်တို့ကား… အတ္တ၏ ပုံသဏ္ဌာန်, အတ္တ၏ တည်ရာ, အတ္တ၏ နာမည်, အတ္တ၏ သတ္တိ, အတ္တ၏ စွဲချက်များတည်း၊ “အတ္တ” ဟူသည် အစစ်အမှန်ရှိသောအရာ မဟုတ်၊ ဗုဒ္ဓမပွင့်ရာခေတ်၌ ပရမတ္ထသဘာဝဓမ္မကို ကျနစွာ မသိသော ပညာရှိတို့ အမျိုးမျိုး အဖုံဖုံ တွေးဆကြည့်သောအခါ “ဒီလို ဖြစ်တန်ရာ၏”ဟု ကြံစည် မှန်းဆအပ်သော အရာသာတည်း၊
ထို့ကြောင့် အစစ်အမှန်မဟုတ်သော အတ္တ၏ပုံသဏ္ဌာန်ကို ကြံစည်ကြရာ၌ ဆရာ တစ်ဦးနှင့်တစ်ဦး အယူအဆ မတူကြသည်မှာ ဓမ္မတာပင် ဖြစ်၏၊ ဥပမာ…မိန်းမမြုံမ၏ သားကလေးပုံသဏ္ဌာန်ကို ကြံကြံဖန်ဖန် တွေးရာ၌ တစ်ယောက် နှင့်တစ်ယောက် မတူနိုင်သကဲ့သို့တည်း။
          ထို့ကြောင့် ဆရာတချို့က “အတ္တသည် အလွန့်အလွန် သေးငယ်၏၊ ပရမာဏုမြူခေါ်(လူတို့မျက်စိဖြင့် ကြည့်၍ မမြင်နိုင်သော) အသေးငယ်ဆုံး မြူမှုန်မျှလောက်သာ ရှိ၏”ဟု ယူဆကြ၏၊

အနာဂတ်သာသနာရေး အပိုင်း(၅၉) သစ္စာလေးပါး အကြောင်းအကျိုးဆက်ပုံ

သစ္စာလေးပါး   အကြောင်းအကျိုးဆက်ပုံ
ယခု အချိန်အခါသည် မြန်မာနိုင်ငံကို  လက်အောက်ခံ ဘ၀မှလွတ်အောင် ကြိုးစား၍ လွတ်လုခါနီး ဖြစ်နေသော အချိန်အခါတည်း၊ ဘာ့ကြောင့် ကျွန်ဘ၀သို့ ရောက်ခဲ့ရပါသလဲ၊ (၁၂၄၇ တစ်ထောင့်နှစ်ရာလေးဆယ်ခုနစ်)ခုနှစ် မရောက်မီက မြန်မာပြည်သူ ရှင်လူဟူသမျှတို့သည် တိုင်းရေးပြည်ရာဝယ် အမြင်မကျယ်ခဲ့ကြ၊ (အသိဉာဏ် နည်းခဲ့ကြ၏၊) မြန်မာပြည် အောက်ပိုင်းကို ပေးလိုက်ရသည့်တိုင်အောင်လည်း သတိမရခဲ့ကြ၊
တိုင်းရေးပြည်ရာဝယ်လည်း အမြင်မကျယ်ခြင်းသည် အကြောင်း, ကျွန်ဘ၀၌ ဒုက္ခဖြစ်ရခြင်းသည် အကျိုး၊ ယခုအခါ လွတ်လပ်အောင် ကြိုးစားကြခြင်းသည် အကြောင်း, နောင် လွတ်လပ်ခွင့်ရခြင်းသည် အကျိုး၊ ဤသို့လျှင် လက်ရှိ နိုင်ငံရေး၌ မကောင်းသော အကြောင်း နှင့် အကျိုးသည်လည်းကောင်း, လွတ်လပ်ရေးနှင့်ဆိုင်သော ကောင်းသော အကြောင်းနှင့် အကျိုးသည်လည်းကောင်း ဆက်သွယ် နေသကဲ့သို့ ထို့အတူပင် တဏှာလောဘ သမုဒယသစ္စာသည် အကြောင်း, ဇာတိမီး အစရှိသည်တို့၏ လောင်စာဖြစ်သော ရုပ် နာမ် ခန္ဓာသည် အကျိုးတည်း၊ (ဤကား မကောင်းကြောင်းနှင့် မကောင်းကျိုးတည်း၊) သမုဒယသစ္စာ တဏှာ လောဘကြောင့် ကျွန် ဘ၀ရောက်နေသော ဒုက္ခသစ္စာ ခန္ဓာအနေမှ ထွက်မြောက်အောင် ကြိုးစားသော ၀ိပဿနာအခြေခံပါသော မဂ္ဂသစ္စာသည် အကြောင်း, ဒုက္ခအားလုံးမှ ကုန်ဆုံးလွတ်လပ်ရာ နိရောဓသစ္စာသည် အကျိုး၊ (ဤကား ကောင်းသော အကြောင်းနှင့် အကျိုးတည်း။)
ဤဆိုက်တွင်ပါရှိသော posts များသည် တခြား ဆိုက်များမှ ကူးယူ ဖော်ပြထားခြင်း ဖြစ်ပါသည်။
ထို posts ပိုင်ရှင် များ ကို ကြိုတင် ခ္ဂင့် မတောင်း ပဲ ကူးယူခဲ့ မိသည်ကို ခွင့်လွှတ်ပေးပါရန် အထူး တောင်းပန် ပါသည် ။

Gold price estimated