မဟာသမယသုတ် သမိုင်းအကျဉ်း

https://www.dropbox.com/s/ah8qruo88q4s52a/053-AshinJanakabhivamsa-MaHaThaMaYaThoat.mp3

ရှေးအခါက အိန္ဒိယနိုင်ငံတွင် ကပိလ၀တ်ပြည်မှ လယ်သမားများနှင့် ကောလိယပြည်မှ လယ်သမားတို့ ရောဟိနီမြစ်မှ ရေကို အကြောင်းပြု၍ ရေလုပွဲကြီး ဆင်နွဲခဲ့ကြဖူး၏။ လယ်သမားများကို အကြောင်းပြု၍ နှစ်ဖက်နိုင်ငံမှ မင်းညီမင်းသားများနှင့် စစ်သည်တော်များသည်လည်း ရောဟိနီမြစ် ရှိရာသို့ ရောက်ရှိလာကြ၏၊ နှစ်ဖက်နိုင်ငံမှ လူအများတို့သည် တုတ် ဓား လက်နက် ကိုင်ဆောင်၍ ထိုးခုတ်တိုက်ခိုက်တော့မည့် အခြေအနေသို့ ရောက်ရှိနေကြ၏၊

ပဋိပက္ခဖြစ်သည့်နေရာသို့ မြတ်စွာဘုရား ရောက်ရှိလာပြီး ငြိမ်းချမ်းရေးကိုရှေးရှု၍ အောက်ပါဝတ္ထုများကို သာဓကထုတ်၍ ငြိမ်းချမ်းရေးတရားကို ဟောကြားတော်မူလေသည်။

၁။ ၀က်ဝံနှင့် ရုက္ခစိုးနတ်တို့ ရန်ညိုးဖွဲ့မှား၍ နှစ်ဦးစလုံ ပျက်စီးကြပုံ ““ဖန္ဒနဇာတ်””။
၂။ မြေပြိုပါပြီ ဟု ထင်ကြေးဖြင့် ဟစ်အော်ထွက်ပြေးသော ယုန်တစ်ကောင်၏စကားကို ယုံမှား၍ တိရစ္ဆာန်များ အပြေးမှားပြီး ဆင်းရဲဒုက္ခရောက်ကြရပုံ ““ဒုဒ္ဒုဘဇာတ်၊ ပထ၀ီဥန္ဒြိယဇာတ်””။
၃။ အားသေးသော နှံစုတ်ငှက်မ က အားကြီးသော ဆင်ပြောင်ကြီးကို အနိုင်ယူဖူး၍ ရန်သူကို အထင်မသေးသင့်ပုံ ““လဋုကိကဇာတ်””။

အနာဂတ်သာသနာရေး အပိုင်း(၇၅) ရုပ်အဆင်းကွဲပြားပုံနှင့် စိတ်ချင်းကွဲပြားပုံ

ရုပ်အဆင်းကွဲပြားမှု    

ရှေးရှေးဘ၀၌  ပြုအပ်သော  ကံသင်္ခါရကြောင့်  ယခုဘ၀၀ယ်  စိတ်ဝိညာဉ် စေတသိက်နာမ်နှင့် ကံကြောင့်ဖြစ်သော ရုပ်တရားတို့ ပဋိသန္ဓေ တည်စ ပထမအချိန်မှ အစပြု၍ ဖြစ်ကြရသည်ဟု ဗုဒ္ဓရှင်တော် မိန့်တော်မူသည့်အတိုင်း ယခုကာလ၌ ရုပ်အဆင်းချင်း မတူကြပုံကို ကိုယ်တိုင်ဒိဋ္ဌ မြင်နေကြရပေပြီ၊ သို့သော် ထပ်၍ ရှင်းပြဦးအံ့… ပဋိသန္ဓေ တည်စ၀ယ် ရှေးကံသင်္ခါရကြောင့် ရုပ်မှုန့်ကလေး ဖြစ်သည်မှ စ၍ တစ်စ တစ်စ ကြီးထွားလာရာ၌ အမိအဖတို့၏ သုက်သွေးသည် ထိုရုပ်မှုန့်ကလေးအား အငွေ့ဓာတ် (တေဇော-ဥတု) ပေးလျက် ရှိ၏။

          ထို့ကြောင့် မြေနီတွင်းအောင်း ဖွတ်သတ္တ၀ါသည် “ဖွတ်နီ”ဖြစ်၍ မြေနက်တွင်းအောင်း ဖွတ်သတ္တ၀ါသည် “ဖွတ်နက်”ဖြစ်ရသကဲ့သို့ ထို့အတူ မိဘတို့၏ သုက်သွေးကို လိုက်၍ ရုပ်ဖြူ ရုပ်ဝါ ရုပ်မည်းများ ဖြစ်လာရုံသာမက  မိဘတို့နှင့်  ပုံသဏ္ဌာန်လည်း  အတော်အတန် တူလာကြပေသည်၊ ထိုသို့ ဖြစ်ရာ၌ အမြွှာမွေး ညီနောင်နှစ်ယောက် ၏ ရုပ်အဆင်း ပုံသဏ္ဌာန်ကို သေချာစွာ ကြည့်သောအခါ … တူသယောင်ယောင် ရှိနေသော်လည်း တစ်ထပ်တည်းကား မတူ နိုင်ပုံ, အဖြူ အမည်း ကွဲပြားပုံ, လက် ခြေ အနေအထား ကွဲပြားပုံ, အနိမ့် အမြင့် ကွဲပြားပုံကို တွေ့ရ၏။