အနာဂတ်သာသနာရေး အပိုင်း(၁၂၇) ရွာကြီးတို့၌ စာသင်တိုက်ရှိကျိုး

ရွာကြီးတို့၌ စာသင်တိုက်ရှိကျိုး

မိမိတို့ရွာကြီးမှာ (သို့မဟုတ်) ရွာ၏အနီးမှာ စာသင်တိုက်ရှိလျှင် ဆယ့်သုံးလေးနှစ်သား အရွယ် မူလတန်းအောင်ပြီး၍ ဆယ့်ငါးနှစ် သားအရွယ်မှာ စာသင်တိုက်၌ စာသင်နိုင်၏၊ ဥတု မြေ ရေ တူမျှသောကြောင့် ကျန်းမာရေး၌လည်း မစိုးရိမ်ရ၊ အကယ်၍ မကျန်းမာလျှင် ချက်ချင်း ဆရာ မိဘ ရောက်လာနိုင်၏၊ ရပ်ရွာ နယ်ပယ် တစ်နယ်လုံးမှ စာသင်တိုက် တစ်တိုက်သာ ရှိသဖြင့် စားရေး သောက်တာ ပြည့်စုံနိုင်ရကား ငွေမပါဘဲ စာသင်နိုင်၏၊ သို့ဖြစ်လျှင် ငွေနှင့်စပ်သော အပြစ်အရပ်ရပ် ကင်း၍ သန့်ရှင်းလေပြီ၊ “မည်သူ့ သား မည်သည့် ဆရာ့တပည့်” ဟု အချင်းချင်း သိကြပြီးဖြစ်၍ ဟော့ရမ်း သော့သွမ်းမှုလည်း (ပွဲကြည့်မှု အိမ်လည်မှု စသည်လည်း) မရှိနိုင်တော့ပြီ၊ [ မျက်မြင်အားဖြင့် ရွာကြီးစာသင်တိုက် မြို့ငယ် စာသင်တိုက်များ၌ အုပ်ချုပ်၍ လွယ်ကူသည်ကို တွေ့ရပေ၏၊ ထို စာသင်တိုက်သံဃာများလည်း အချိုးကျကျ သီတင်းသုံးကြသည်သာများ၏။]

အနာဂတ်သာသနာရေး အပိုင်း(၁၂၆) စာသင်ကျောင်းတိုက်များ

စာသင်ကျောင်းတိုက်များ

အိမ်ခြေ နှစ်ရာ သုံးရာ ရှိကြသော ရွာကြီးနှင့် မြို့ကလေးများ၌ အစိတ်,သုံးဆယ်အောက် မနည်းသော သံဃာအများ သီတင်းသုံးရာ စာသင်တိုက်များ တစ်တိုက်ကျစီ တည်ရှိစေသင့်ပါသည်၊ အတော်အတန် ကြီးသော မြို့၌ကား နှစ်တိုက်လောက် ရှိစေကာမူ သင့်တော်ပေမည်၊ မန္တလေး ရန်ကုန် ကျောင်းတိုက်များမှာ အနာဂတ်ကာလ၀ယ် အထက်တန်းစာသင် ပုဂ္ဂိုလ်တို့သာ နေထိုင်ရာဖြစ်၍ ပါဠိတက္ကသိုလ် အဖြစ်ဖြင့် တည်ရှိစေသင့်၏၊ စာသင်တိုက်များ တည်ရာမဟုတ်သော ရွာငယ်များ၌ကား ရပ်ရွာ၏ သုမင်္ဂလ (အလှူအတန်း) ဒုမင်္ဂလ (အသုဘ) ကိစ္စတို့ကို  ရွက်ဆောင်ဖို့ရာနှင့် ရွာသားသူငယ်တို့အား မူလတန်းပညာ သင်ပြဖို့ရာ ရွာကျောင်းတစ်ကျောင်းသာ ရှိစေသင့် ပါသည်၊ ထိုစာသင်တိုက်, စာသင်ကျောင်းမှ တစ်ပါး တည်ရှိနေသော ကျောင်းတိုက်များကား တရားကျင့်ရာဌာနကျောင်းတိုက်များသာ ဖြစ်စေသင့်၏။

          ဤပြခဲ့သော စကားအရ ကျောင်းတိုက်အမျိုးအစားသည်… 

“၁-တက္ကသိုလ်ကျောင်းတိုက်၊ 

၂-မြို့ရွာစာသင်တိုက်၊ 

၃-ရွာငယ် မူလတန်းကျောင်း၊ 

၎-တရားကျင့်ကျောင်း”ဟု လေးမျိုးလေးစား ရှိသင့်ကြောင်းကိုပြသည်၊ [ မြို့ရွာစာသင်တိုက်များ၌ ပထမတန်း, ဒုတိယတန်း, တတိယတန်းစာသင်တိုက်ဟု သုံးမျိုးခွဲထားသင့်၏၊ ထိုသို့ ခွဲခြားဖို့ရန်လည်း စာသင်နည်းကိုက အတန်းခွဲပြီး ရှိရပေလိမ့်မည်၊ ထိုသို့ ခွဲခြားရာ၌ အုပ်ချုပ်သော ဆရာတော်တို့၌ စာပေ အရည်အချင်းလိုက်၍ ခွဲခြားသင့်၏၊ အနည်း အများလိုက်၍ ခွဲခြား ခဲ့လျှင် သံဃာများမှုကိုသာ ဂရုစိုက်ကြသဖြင့် မကြာခင် အုပ်ချုပ်၍ မနိုင်မနင်းဖြစ်ပါလိမ့်မည်။]

ကျောင်းမများခြင်းအကျိုး

“ဘုရား နှစ်ဆူပွင့်လျှင် သူ့ဘုရား ငါ့ဘုရားဟု အပြိုင်အဆိုင်စိတ်ထား သဖြင့် တရားမရနိုင်ဘဲ မတရားတွေ များဖွယ်သာရှိ၏”ဟု ကျမ်းစာ တို့၌ဆိုသည်၊ ထို့အတူ တစ်ရွာလျှင် စာသင်ကျောင်း စာသင်တိုက် နှစ်ဌာနရှိလျှင် သူ့ကျောင်း ငါ့ကျောင်းဟု ရွာသူ ရွာသား စိတ်ဝမ်း ကွဲပြားရုံသာမက အချင်းချင်း ပဋိပက္ခ ဖြစ်၍ ရုံးရောက်သော အမှုတွေ ယခုမျက်မြင်ပင် များလှပေသည်။

         

ထို့ကြောင့် တစ်မြို့ တစ်ရွာတည်း၌ စာသင်ကျောင်းတိုက် နှစ်ကျောင်း နှစ်တိုက် မလိုလားအပ်၊ သို့ရာတွင် ကမ္မဋ္ဌာန်းကျောင်းတိုက်လည်း သီးခြား ရှိဦးမည်ဖြစ်၍ ကျင့်လိုသော ပုဂ္ဂိုလ်များ ကမ္မဋ္ဌာန်းတိုက်၌လည်းကောင်း, စာသင်လိုသော ပုဂ္ဂိုလ်များ စာသင် တိုက်၌လည်းကောင်း တစ်စုတစ်ဝေးတည်း နေသင့်ပေသည်။

ကျေးရွာကြီးတို့၌ စာသင်တိုက်မရှိပြစ်

ထိုထိုရွာ၌ ရှိကြသော စာသင်သား အရွယ်ငယ်ငယ် ရဟန်းငယ်တို့သည် မိမိတို့ရပ်ရွာ အနီးအပါး၌ စာသင်တိုက်မရှိခြင်းကြောင့် ငယ်ရွယ်စဉ်က စည်းကမ်းကျအောင် စာမသင်ရဘဲ အသက်အရွယ် ကြီးမှ (ရဟန်းဖြစ်မှ) မြို့က စာသင်တိုက်သို့ ရောက်တတ်ကြ၏၊ ထိုသူတို့သည် ဉာဏ် အရည်အချင်း မည်မျှပင်ရှိသော်လည်း ထိပ်တန်းရောက်အောင် မတတ်မြောက်နိုိင်ကြတော့။

         

ထိုသို့ ကြီးရင့်မှ စာသင်ရသဖြင့် စာသင်မှု၌ ပျင်းရိချင် လည်ပတ်ချင်စိတ်သာများလျက် သွားလာ လည်ပတ်ကာ မြို့ရွာ အတွင်း၌ မကြည်ညိုဖွယ်တွေသာ ဖြစ်တော့၏၊ ကိုရင်တုန်းက စာသင်ထွက်ကြသူတို့မှာလည်း ဆရာ မိဘတို့နှင့် ဝေးကွာနေသည့် အတွက် ကျန်းမာရေး ကိုယ်ကျင့် ထိန်းသိမ်းရေးမှစ၍ ကြောင့်ကြ စိုးရိမ်ဖွယ်တွေ များလှ၏၊ အမှန်မှာလည်း ကျန်းမာရေး ချို့ယွင်းလျက် ကိုယ်ကျင့်ပျက်သူတွေသာ များလှတော့၏။

ဗုဒ္ဓအလိုတော် မကျ

ရှင်းပြဦးအံ့…မိဘနှင့်ဝေးကွာနေ၍ မြို့တိုက်များ၌ စာသင်ရန်ထွက်လာသူတိုင်း ငွေမပါလျှင် (ယခုအခါ) မပြီးသလောက် ဖြစ်နေ၏၊ ငွေကို ခံယူသည်ကစ၍ ၀ိနည်းတော်အရ နိသဂ္ဂိယပါစိတ် အာပတ်သင့်၏၊ ငွေကို ကိုင်တိုင်းကိုင်တိုင်း ဒုက္ကဋ်အာပတ် အပြည့်အကျပ် ထပ်နေပြန်၏၊ ထိုငွေဖြင့် ၀ယ်၍ စားသောက် သုံးစွဲသမျှ စားဖွယ်သုံးဖွယ်တွေလည်း နိသဂ္ဂိယပစ္စည်းဖြစ်၍ မစွန့်ပစ်သမျှ နိသဂ္ဂိယအာပတ်နှင့် စားတိုင်း သုံးတိုင်း ဒုက္ကဋ်အာပတ်တွေ မရေမတွက်နိုင်အောင် ဖြစ်နေ၏၊ ထိုပစ္စည်းကို အခြားသူများ သုံးစွဲလျှင်လည်း ထိုအတိုင်း ပင် အာပတ်သင့်ကြရ၏၊ ဤသို့လျှင် မိဘနှင့် ဝေးကွာနေသော မြို့စာသင်တိုက်များဝယ် ငွေမပါလျှင် မပြီးနိုင်ကြသောကြောင့် အာပတ်အပြစ်တွေ မရေမတွက်နိုင်အောင် များလှတော့၏၊ ဗုဒ္ဓရှင်တော်၏တရားတော်ကို သင်ယူနေကြပါသော်လည်း ဗုဒ္ဓရှင်တော် တားမြစ်ထားသော အပြစ်တွေကို နေ့ရှိသမျှ ကျူးလွန်နေရပါလျှင် အဘယ်မှာ ဗုဒ္ဓအလိုတော်ကျပါတော့မည်နည်း၊ ဗုဒ္ဓအလိုတော် မကျမှန်း သိလျက် နေလျှင် အဘယ်မှာ သံသရာကျိုး ရပါတော့ မည်နည်း။

သာသနာ၌မပျော်နိုင်

ထိုကဲ့သို့ အပြစ်များကို ကျူးလွန်လာခဲ့ရသော စာတတ်ပုဂ္ဂိုလ်တို့သည် … အဘယ်မှာ သာသနာတော်၌ တရားနှင့်ပျော်ပိုက်နိုင်တော့မည်နည်း၊ တစ်နည်းအားဖြင့် စဉ်းစားရသော် သူဆရာဖြစ်သောအခါ၌လည်း တပည့် ပရိသတ်များကို တော်သလိုသာ အုပ်ချုပ်ပေတော့မည်၊ သို့ဖြစ်လျှင် မြန်မာနိုင်ငံ သာသနာသည် အဘယ်မှာ ကိုယ်ကျင့် ဘက်က တိုးတက်နိုင်ပါတော့မည်နည်း၊ လှော်ရင်း နစ်ရသော လှေသဖွယ် မြုပ်ကွယ်ဖို့ အချက်သာ များတော့မည် မဟုတ်ပါလော၊ အုပ်ချုပ်သော ဆရာတော်တို့လည်း ထိုအပြစ်ကို မြင်တော်မူကြပေ သည်၊ သို့သော် မိမိကိုယ်တိုင်က ဆွမ်းမကျွေးနိုင်သော တပည့်လေးတွေကို “ငွေနှင့်ဝယ်၍ မစားကြနှင့်, အငတ်နေကြ”ဟု ဆိုရက်ကြ မည်လော၊ ထိုသို့ မဆိုရက်သဖြင့် အောင့်သက်သက်နှင့် ကြည့်နေကြရသည်၊ ထို့ကြောင့် စာသင်တိုက်များကို မိမိတို့ ရပ်ရွာ အနီးအပါး၌ မရှိ ရှိအောင် အနာဂတ်ကာလ၌ ဧကန်ကြိုးစားကြမှသာ ငွေမပါဘဲ ဖြစ်နိုင်သော စာသင်နည်းဖြင့် သန့်ရှင်းစင်ကြယ်စွာ စာသင်နိုင်ကြပေလိမ့်မည်၊ ထိုသို့ သင်နိုင်မှသာ သူတော်ကောင်း ဖြစ်ဖို့ လွယ်ကူပါတော့မည်။

တင်ပြသူ Yanan Sanein အချိန် 8:57 AM

အနာဂတ်သာသနာရေး အပိုင်း(၁၂၅) အနာဂတ်ကျောင်းတိုက်များ

အနာဂတ်ကျောင်းတိုက်များ

ပရိယတ်နှင့် ပဋိပတ်ကျောင်း

ဗုဒ္ဓရှင်တော်မြတ်၏ သြ၀ါဒပိဋကတ်တော်များကို တာဝန်ယူကြရသော ရဟန်းတော်တို့၏ သီတင်းသုံးရာ ကျောင်းတိုက်များသည် ဗုဒ္ဓအလိုကျ ဖြစ်ဖို့ရာ ကျမ်းစာများကို သင်ကြားပို့ချသော ပရိယတ်ကျောင်းတိုက်နှင့် တရားကျင့်သုံးနေသော ပဋိပတ်ကျောင်းတိုက်များသာ ဖြစ်စေ သင့်ပါသည်၊ [ သံဃာအနည်းငယ် သီတင်းသုံးရာဌာနကို “ကျောင်း”ဟု ခေါ်၍ သံဃာ အစိတ် သုံးဆယ် စသည်စုပေါင်းလျက် သီတင်း သုံးရာဌာနကို “ကျောင်းတိုက်”ဟု ခေါ်တွင်စေသင့်သည်၊] ထို ပရိယတ် ပဋိပတ် နှစ်မျိုးတွင် တစ်မျိုးမျိုးမျှ ကျကျနန မရှိသော ကျောင်း, ကျောင်းတိုက်များသည် နှစ်အတော်ကြာလျှင် အလိုအလျောက် ကွယ်ပျောက်လောက်အောင် အစိုးရနှင့် ၀န်ဆောင် များက ကြောင့်ကြစိုက်သင့်ပါသည်။

အနာဂတ်သာသနာရေး အပိုင်း(၁၂၄)မစွဲလမ်းရာ ဆယ်ဌာန

၅။ အနာဂတ်သာသနာခန်း

ကာလာမသုတ်တော်

မစွဲလမ်းရာ ဆယ်ဌာန

ကောသလတိုင်း အပါအ၀င်ဖြစ်သော ကာလာမမင်းတို့၏  အုပ်စိုးရာ   ကေသမုတ္တ  နိဂုံးသည် တောအုပ်တစ်ခု၏ အ၀င်ဝ၌ တည်သောကြောင့် ထိုတောလမ်းခရီးသွားတို့၏ တည်းခိုရာအရပ် ဖြစ်နေ၏၊ အယူ အမျိုးမျိုးရှိသော ဆရာကြီးတို့သည် ထိုအရပ်ရောက်လျှင် မိမိတို့ အယူကို ၀ါဒဖြန့်၍ အခြားအယူများကို ဖိနှိပ်ဟောပြောတတ်ကြ ကုန်၏၊ ထိုနိဂုံးသားတို့သည် အယူဝါဒနှင့် စပ်၍ ယောင်ဝါးဝါး ဖြစ်နေကြစဉ် ဗုဒ္ဓအရှင်တော်မြတ်လည်း ထိုအရပ်သို့ ရောက်တော် မူလာ၏၊ ထိုနိဂုံးသားတို့သည် အယူဝါဒအမျိုးမျိုးကို ကြားနေကြရ သဖြင့် ဟိုသူပြောတာ ဟုတ်နိုးနိုး, ဒီသူပြောတာ ဟုတ်နိုးနိုး တွေးတောနေကြရပါကြောင်း လျှောက်ကြလေရာ ဗုဒ္ဓအရှင်တော် မြတ်က အမျိုးမျိုးကြားနေရသော သင်တို့မှာ ယုံမှားတွေးတောစရာပဲ ဟု မိန့်တော်မူပြီးလျှင် နားထောင်ကြ ကာလာမအမျိုးသားတို့…

၁။       ကလေးဘ၀မှ စ၍ ကြားနာ မှတ်သားခဲ့ခြင်းဖြင့်လည်း ““ဟုတ်တယ် မှန်တယ်””ဟု အစွဲအမြဲ မယူကြနှင့်။

၂။       မိဘဘိုးဘွား စသည်တို့မှ ဆင်းသက်၍ (ပရံပရ-အဆက်ဆက်) မှတ်ယူလုပ်ကိုင်ရိုးဖြစ်၍လည်း အစွဲအမြဲ မှတ်ယူမထားကြနှင့်။

၃။       ““ဣတိ ကိရ-ဒီဟာက ဒီလိုတဲ့””ဟု အခြားတစ်ယောက်က ပြောလိုက်ရုံမျှဖြင့်လည်း အမြဲမှတ်ယူမထားကြနှင့်။

၎။       ““ဒီအယူအဆသာ ငါတို့ သင်အပ်သော ကျမ်းစာနှင့်ညီတယ်”” ဟု မိမိတို့ ကျမ်းစာနှင့် ညီနေရုံဖြင့်လည်း အတည်တကျ မှတ်ယူမထားကြနှင့်။

အနာဂတ်သာသနာရေး အပိုင်း(၁၂၃) ရာဇဂုရုတချို့

ရာဇဂုရုတချို့ 

ရဟန်းခံကိစ္စတစ်ခုကြောင့် သံဃာအများစုမိရာ သိမ်အတွင်း၌ … ဆရာတော်ကြီး တစ်ပါးက  သြ၀ါဒပေးရင်း “ကိုယ်တော်တို့ ကောင်းကောင်း နေကြပါ၊ ရှင်ဘုရင် လက်ထက်တုန်းက ရာဇဂုရုတံဆိပ်ရ တချို့သော်မှ ပြိတ္တာဘ၀၌ ရောက်နေကြသည်”ဟု အထင်အမြင် ပေါက်နေသော ပြာသာဒ် အုတ်ကျောင်းဆရာတော်က အမိန့်ရှိသည်ဟု ပြောပါသတဲ့။

မှတ်ချက်။       ။         ရာဇဂုရုတချို့ဟု ဆိုသဖြင့် ကောင်းမွန်စွာကျင့်တော်မူကြသော ရာဇဂုရုဆရာတော်များ မပါဝင်ဟု မှတ်ပါ၊ မှန်၏၊ ရာဇဂုရုပင် ဖြစ်သော်လည်း ရှင်ဘုရင်က ထောက်ပံ့ သော ဆန်များကို ဆွမ်းမချက်တော့ဘဲ ရောင်းစားကြသောကြောင့် တချို့ဆရာတော်များအား ““ဆန်တော်ပါဘုရား””ဟု လျှောက်၍ ငွေကို လစဉ် ထောက်ပံ့ကြရပါသည်တဲ့၊ ထိုသို့ ဖြစ်လျှင် ယခုအခါ အဂ္ဂမဟာပဏ္ဍိတ တချို့အတွက် စဉ်းစားစရာပေ။

ဘုရားလူကြီးပြိတ္တာတွေ

လွန်ခဲ့သော တမြန်နှစ်လောက်က…ဘုန်းကြီးနှင့်စပ်သော ဆိုင်ရာဂုဏ်းဝင် ဒကာအချို့သည် အထက်၌ ထင်ရှားသော ဘုရားများကို အဖူးမြော် သွားကြ၏၊ မြို့တစ်မြို့သို့ ရောက်သောအခါ ဒကာတစ်ယောက်သည် ထင်ရှားသော ဘုရားကုန်းတော်ပေါ်သို့ ညဥ့်အချိန် တစ်ယောက် တည်း တက်သွား၍ ဘုရားစာများကို ရွတ်ပြီးလျှင် ကုသိုလ်အဖို့ကို အမျှဝေသောအခါ ဘုန်းကြီးတစ်ပါးလည်း ပါဝင်သော ဘုရားလူကြီးတွေဟု ထင်ရသော ပြိတ္တာအချို့သည် အလွန် ဆိုးရွားသော ရုပ်အဆင်းဖြင့် သာဓုခေါ်ဖို့ရန် ပါးစပ်မှ အသံမျှ မထွက်နိုင်သော ကြောင့် အလွန် ပင်ပန်းစွာ ခံနေရသည်ကို တွေ့ရပါသည်တဲ့။ [ထို အရပ်ရှိ လူတို့က ထိုဘုန်းကြီး၏ ဘုရားနှင့်စပ်၍ မတရားစီးပွား ရှာပုံကို ပြောပြလိုက်ပါသည်တဲ့။]