အနာဂတ်ကျောင်းတိုက်များ
ပရိယတ်နှင့် ပဋိပတ်ကျောင်း
ဗုဒ္ဓရှင်တော်မြတ်၏
သြ၀ါဒပိဋကတ်တော်များကို တာဝန်ယူကြရသော ရဟန်းတော်တို့၏ သီတင်းသုံးရာ ကျောင်းတိုက်များသည်
ဗုဒ္ဓအလိုကျ ဖြစ်ဖို့ရာ ကျမ်းစာများကို သင်ကြားပို့ချသော ပရိယတ်ကျောင်းတိုက်နှင့် တရားကျင့်သုံးနေသော
ပဋိပတ်ကျောင်းတိုက်များသာ ဖြစ်စေ သင့်ပါသည်၊ [ သံဃာအနည်းငယ် သီတင်းသုံးရာဌာနကို “ကျောင်း”ဟု
ခေါ်၍ သံဃာ အစိတ် သုံးဆယ် စသည်စုပေါင်းလျက် သီတင်း သုံးရာဌာနကို “ကျောင်းတိုက်”ဟု ခေါ်တွင်စေသင့်သည်၊]
ထို ပရိယတ် ပဋိပတ် နှစ်မျိုးတွင် တစ်မျိုးမျိုးမျှ ကျကျနန မရှိသော ကျောင်း, ကျောင်းတိုက်များသည်
နှစ်အတော်ကြာလျှင် အလိုအလျောက် ကွယ်ပျောက်လောက်အောင် အစိုးရနှင့် ၀န်ဆောင် များက ကြောင့်ကြစိုက်သင့်ပါသည်။
ကမ္မဋ္ဌာန်းဘုန်းတော်ကြီးများ
ကမ္မဋ္ဌာန်းအားထုတ်သော
အရှင်မြတ်တို့သည် သက်တော်ကြီး ၀ါတော်ကြီး ပုဂ္ဂိုလ်များနှင့် မကျန်းမမာဖြစ်သော ပုဂ္ဂိုလ်များကို
ချန်၍ ကျန်ပုဂ္ဂိုလ်များမှာ (အမြဲဆွမ်းခံစားရသော) ပိဏ္ဍပါတိကဓုတင် ဆောင်များချည်းသာ ဖြစ်စေသင့်၏၊
ထိုတရားကျင့်ပုဂ္ဂိုလ်များလည်း မြို့ရွာနှင့်စပ်သော သုမင်္ဂလ, ဒုမင်္ဂလကိစ္စတို့၌ ကြောင့်ကြစိုက်ဖွယ်
မလိုတော့ရကား ဖိုးသူတော်, ကပ္ပိယဒကာများမှ တစ်ပါး ကျောင်းသားသူငယ် စသူတို့
ရှိဖွယ်မလိုတော့၊ သို့ရာဝယ် အလွန်
ထင်ရှား ကျော်စောသော တရားကျင့်ဆရာတော်များ
ကျောင်းတိုက် ၌ကား အခါအားလျော်စွာ ဥပါသကာ ဥပါသိကာမတို့ ဆည်းကပ် လျက် ရက်ပေါင်း ကြာညောင်းစွာ
နေထိုင်ရာလည်း ဖြစ်ရလိမ့်မည်၊ အလွန် ဘုန်းကံကြီးမားသော ထိုတရားကျင့် ဆရာတော်များလည်း
ဘုန်းကံအလျောက် ပေါများပိုလျှံသော လာဘ်များကို အနီးအပါး၌ ရှိသော စာသင်တိုက်များအား
ချီးမြှောက်ခြင်းဖြင့် ပရိယတ္တိသာသနာ ကိုလည်း စောင့်ရှောက်တော်မူနိုင်ကြပေလိမ့်မည်။
[ကျေးဇူးရှင် မဟာဂန္ဓာရုံဆရာတော်သည် ဤအတိုင်း ချီးမြှောက်ခဲ့ပါသည်။]
ကမ္မဋ္ဌာန်းကျောင်း
“ကမ္မဋ္ဌာန်းအလုပ်”ဟူသည်
ကိစ္စနည်းလေ ကောင်းလေ ဖြစ်၏၊ ကမ္မဋ္ဌာန်းတရားကို အားထုတ်လိုသူတို့ မနေထိုက်သော ကျောင်းသည်
“မဟာဝါသ-ကျောင်းကြီး တိုက်ကြီး၊ န၀ါဝါသ-အလုပ်အကိုင် ပြုစရာတွေ များ သော ကျောင်းသစ်
တိုက်သစ်၊ ဇရာဝါသ-ပြုပြင်စရာတွေများသော ကျောင်းအို၊ ပန္ထနီ-လူသွားလူလာလမ်းနှင့် နီးသောကျောင်း”
ဤသို့ စသည်ဖြင့် တစ်ဆယ့်ရှစ်မျိုး ရှိသည်၊ ထို့ကြောင့် ကမ္မဋ္ဌာန်းတိုက် များ၌ ကျောင်းကြီးများကို
ဆောက်လုပ် လှူဒါန်းကြခြင်းသည် ကုသိုလ်ရသော်လည်း ကမ္မဋ္ဌာန်းအလုပ်ကို နှောင့်ယှက်ရာရောက်၏။
ရှင်းပြဦးအံ့…ကမ္မဋ္ဌာန်းဘုန်းတော်ကြီးသည် တစ်ပါးနေ လောက်ရုံ ကျောင်းကလေးဖြင့်
ရိုးရိုးကုတ်ကုတ် တရားကိုသာ အားထုတ်နေ၏၊ ကြည်ညိုသော ဒကာ ဒကာမတို့က ကျောင်းကြီး တိုက်ကြီး
ဆောက်၍ လှူဒါန်းကြ၏၊ ထိုဘုန်းကြီးမှာ လက်သမား ပန်းရန်သမား ကူလီများနှင့်စကားပြောရသဖြင့်
တရားအားထုတ်ချိန် နည်းသွား၏၊ နဂိုက ရလက်စ သမာဓိလည်း လျော့သွား၏၊ လက်သမား စသူတို့နှင့်
စကားမပြောရစေကာမူ သူတို့ကို တွေ့ရ မြင်ရ, သူတို့၏ လုပ်ကိုင်သံကို ကြားရ၍ သမာဓိပျက်ရ၏၊
ကျောင်းပြီးသောအခါ၌ကား ကျောင်းကြီးကို ပိတ်ရ ဖွင့်ရ တံမြက်လှည်းရ စောင့်ရှောက်ရနှင့်
တာဝန်တွေများကာ တရား၏ အနှောင့်အယှက် သာ ဖြစ်တော့သည်။
ပြုပြင်ရေး
ဤပြခဲ့သော
စကားစဉ်အရ ဒကာ ဒကာမများ၏ ကျောင်းကြီး ဆောက်လုပ်လှူဒါန်းမှုသည် ကုသိုလ် ရသော်လည်း အလှူခံပုဂ္ဂိုလ်မှာမူ
တရားအလုပ် ဆုတ်ယုတ်ရကား ပဋိပတ်ကို အားပေးရာ မရောက်ဘဲ တစ်နည်းအားဖြင့် ဖျက်ဆီးရာ ရောက်နေ၏ဟု
သတိပြုကာ အနာဂတ်ကာလ၌ ကမ္မဋ္ဌာန်းတိုက်များဝယ် ကျောင်းကြီး ဆောက်လုပ် လှူမည့်အစား ထိုပုဂ္ဂိုလ်
တစ်သက်တာမျှ ချမ်းချမ်းသာသာ အားထုတ်နိုင်အောင် ဆွမ်း ဆေးနှင့် နေသာ ထိုင်သာရုံရှိ ကျောင်း
စင်္ကြံ ရေကန် ရေတွင်း လိုသလောက်ကိုသာ ကြည်နူးဖွယ်ရှိအောင် တည်ဆောက် လှူဒါန်း သင့်ကြပါသည်။
အချုပ်မှာ…မည်သည့် အလှူဒါနမဆို မိမိကုသိုလ်ရရုံလောက်ကိုသာ မတွေးဘဲ
အလှူခံပုဂ္ဂိုလ်၌ အသုံးကျ-မကျ, အလုပ်ကို အားပေးရာ ရောက်-မရောက်ကိုပါ ထည့်သွင်း စဉ်းစားပြီးလျှင်
ပရိယတ်ကိုဖြစ်စေ, ပဋိပတ်ကို ဖြစ်စေ အားပေးသော ဒါနကိုသာ ပြုသင့်ကြသည်၊ မစဉ်းမစား ဒါနပြုလျှင်
ပင်ပန်းကြီးစွာ ရှာထားရသော ပစ္စည်းများအတွက် အကျိုးရသင့်သလောက် ရလိမ့်မည် မဟုတ်ပါ၊ တချို့မှာမူ ကျောင်းနေပုဂ္ဂိုလ်ကို
မကျေနပ်သည့်အတွက် “အေးစေဖို့ တရားနာ, ပူဇာစအကျိုး” ဖြစ်တတ်ပါသေးသည်။
ရှေးခေတ်ကမ္မဋ္ဌာန်းတိုက်
ပါစီန၀ံသတော၌
အရှင်အနုရုဒ္ဓါ, အရှင်နန္ဒိယ, အရှင်ကိမိလတို့ သီတင်းသုံးတော်မူကြသည်၊ ထိုတောကျောင်း၌
သစ်ရွက်တို့ဖြင့် မိုးကာထားသော ကမ္မဋ္ဌာန်းကျောင်းကလေး သုံးကျောင်း, စင်္ကြံ သွားဖို့နေရာ
သုံးဌာနနှင့် ရေကန်, ဆွမ်းစားကျောင်းကလေး, ကုဋီအိမ် စသည်မျှသာ ရှိ၏၊ ထိုတောကျောင်းသို့
ဗုဒ္ဓရှင်တော် ရောက်တော်မူလာ၍ အရှင်အနုရုဒ္ဓါက “မိမိတို့သည် ရေနှင့်နို့ရည် ရောထားသကဲ့သို့
အချင်းချင်း ချစ်ကြည်သော စက္ခုဖြင့်ကြည့်ကာ ညီညွတ် ချမ်းသာစွာ နေထိုင်ကြရပါကြောင်း”အောက်ပါအတိုင်း
လျှောက်လေသည်။
“ဤသီတင်းသုံးဖော်များနှင့် အတူနေရသော တပည့်တော်မှာ အလွန်ကြီးစွာသော
လာဘ်ကို ရနေသည်ဟု ယူဆပါသည်၊ ရဟန်း ဘ၀ကို ကောင်းသောရခြင်းဟု ယူဆပါသည်၊ သီတင်းသုံးဖော်နှစ်ပါး
(အရှင်နန္ဒိယနှင့်အရှင်ကိမိလ)တို့ အပေါ်၌ ကိုယ်ဖြင့် ပြုစရာရှိလျှင် မေတ္တာပါသော ကိုယ်အမှုကို
ပြုပါသည်၊ နှုတ်ဖြင့် ပြောစရာရှိလျှင် မေတ္တာပါသော စကားကိုသာ ပြောပါသည်၊ စိတ်ဖြင့် ကြံစရာရှိလျှင်
မေတ္တာစိတ်ကိုသာ ဖြစ်စေပါသည်၊ ရှေ့မှာ ဖြစ်စေ, ကွယ်ရာမှာ ဖြစ်စေ မေတ္တာထားမှုကား မထူးခြားပါ။
မည်သည့်ကိစ္စမဆို တပည့်တော်၏ စိတ်အလိုကို ဖယ်ထား၍ သူတို့နှစ်ပါး၏
စိတ်အလိုကျသာ ဖြစ်စေပါသည်၊ တပည့်တော်တို့ သုံးပါးမှာ ခန္ဓာကိုယ်သာ ကွဲပြား၍ စိတ်ထားမှာမူ
တစ်စိတ်တည်းလို ဖြစ်နေပါသည်၊ (နှစ်ကိုယ့် တစ်စိတ် ဆိုသလို သုံးကိုယ့် တစ်စိတ် ဖြစ်နေပါသည်၊)-ဟူလို။
[အရှင်နန္ဒိယ, အရှင်ကိမိလတို့ကလည်း ထိုအတိုင်းပင် လျှောက်ကြသည်။]
ထို့နောက် နေထိုင်ပုံကို လျှောက်ပြန်သည်မှာ ဆွမ်းခံပြန်လာ သောအခါ
အလျင်ရောက်သော မထေရ်က ဆွမ်းစားဖို့ နေရာခင်း ခြေဆေးခုံ ခြေဆေးရေထား၍ ဆွမ်းပိုသေးလျှင်
ထည့်ဖို့ရာ ခွက်ကို ဆေးထားပါသည်၊ သောက်ရေ သုံးရေကိုလည်း ခပ်ထားနှင့်ပါသည်၊ ထိုအလျင်ရောက်သော
မထေရ်သည် ဆွမ်းပိုမည်ထင်လျှင် ဆွမ်းပို ထည့်စရာ ခွက်၌ သန့်သန့်ထည့်ပြီးမှ ဆွမ်းစားပါသည်၊
ဆွမ်းစား ပြီးနောက် သပိတ်ကို စင်ကြယ်စွာ ဆေးကြောသုတ်သင်ပြီးလျှင် သပိတ်အိပ်၌ ထည့်၍
ယူသွားပါသည်၊ နောက်ရောက်လာသော အရှင်လည်း ထိုနည်းအတိုင်း ဘုဉ်းပေးပါသည်၊ (ဆွမ်းမလောက်လျှင်
အပိုထည့်ထားသော ခွက်မှ ယူ၍ ပိုနေလျှင်လည်း ခွက်၌ ထပ် ထည့်၍ ဘုဉ်းပေးပါသည်။)
နောက်ဆုံးရောက်သောအရှင်ကား ထိုနည်းအတိုင်း ဘုဉ်းပေး ပြီးနောက်
နေရာထိုင်စသည်ကို သိမ်း၍ သောက်ရေ သုံးရေအိုးများ ကို သိမ်းပါသည်၊ ဆွမ်းပိုလျှင် ပိုးကောင်ကလေးတွေ
မရှိသော ရေထဲ၌ဖြစ်စေ, မြက်သစ်ပင်မရှိသော မြေပြင်၌ဖြစ်စေ သွန်ပြီးမှ ခွက်ကို ဆေး၍ သိမ်းထားပါသည်။
အခြားနေရာ၌ သောက်ရေ သုံးရေများ မရှိသည်ကို မြင်လျှင် ရေအိုးကို
ရေကန်သို့ ယူသွား၍ ဆေးကြောပြီးမှ ရေထည့်ပါသည်၊ ထို့နောက် တစ်ပါးတည်း မယူနိုင်လျှင်
(သမာဓိပျက်မည်စိုးသော ကြောင့် အဝေးက လှမ်းမခေါ်ဘဲ) မြင်လောက်သော အရပ်တိုင် အောင် သွားပြီးမှ
(အသံပြုလျှင် အခြားတစ်ပါး ကြားမည်စိုးသော ကြောင့် အသံမပြုဘဲ) လက်ယပ်ခေါ်ခဲ့၍ မူလနေရာသို့
ထိုရေအိုးကို နှစ်ပါး ရွှေ့ယူပါသည်၊ ဥပုသ်နေ့များ၌ တရားစကား ဆွေးနွေးကြ သည့်အပြင် ငါးရက်တစ်ကြိမ်လည်း
တစ်ညလုံး တရားဆွေးနွေးကြ ပါသည်၊ ဤကဲ့သို့ လျှောက်ပြီးသောအခါ ဗုဒ္ဓရှင်တော်ဘုရားသည် တရားစကားကို
ဆက်လက် မိန့်တော်မူပြီး၍… ထိုမှ တစ်ဖန် ပါလိလေယျကတောသို့ ကြွတော်မူသည်။
No comments:
Post a Comment