ဆိုရင် ဗုဒ္ဓဘာသာဝင်တွေဟာ ဗုဒ္ဓရဲ့ပုံတော်၊ ရုပ်ဆင်းတုတော်တွေကို ဘာ
ကြောင့် ကိုးကွယ်နေကြသလဲလို့ မေးနိုင်ပါတယ် ? ။
** အဖြေက လွယ်ပါတယ်၊ ဗုဒ္ဓဘာသာဝင်တွေဟာ ဗုဒ္ဓရဲ့ပုံတော်ကို ရှိခိုးပူဇော်
နေကြတာဟာ ချမ်းသာစည်းစိမ်တစ်စုံတစ်ခုကို မျှော်လင့်တောင့်တပြီး ရှိခိုးနေ
ကြတာ မဟုတ်ပါဘူး။ အသက်ထင်ရှားရှိတဲ့ ဗုဒ္ဓရဲ့ရှေ့မှောက် ရောက်နေတယ်
လို့ ထင်မှတ်ပြီး အလွန်လေးနက်သော ဂါရ၀ဖြင့် ရှိခိုးပူဇော်နေကြခြင်း ဖြစ်
တယ်။ အဲဒီ ရှိခိုးပူဇော်နေကြတဲ့ ဗုဒ္ဓဘာသာဝင်တွေရဲ့စိတ်ထဲကို မိမိရဲ့စိတ်သွင်း
ပြီး ကြည့်လိုက်စမ်းပါ။ ဘယ်လောက် အံ့သြစရာကောင်းသလဲ ? ။
*** အတုမရှိတဲ့မဟာပုရိသ ဗုဒ္ဓရဲ့ပုံတော်ရှေ့မှာ ပန်း၊ ရေချမ်း၊ ဆီမီး၊ ဆွမ်း စ
သည်ကပ်လှူ ပြီး ရှိခိုးနေရတာဟာ ဗုဒ္ဓဘာသာဝင်တို့ရဲ့စိတ်နှလုံးမှာ ကြည်
လင်အေးချမ်းပြီးတော့ ဆုတ်နစ်သောစိတ်ဓာတ်ဟာ တက်ကြွလာတယ်။ ကျ
ဆင်းနေသောစိတ်ဓာတ်ဟာ တိုးပွားလာတယ်။ ညစ်ညူးနေသောစိတ်ဓာတ်
ဟာ ကြည်လင်လာတယ်။
“ဗုဒ္ဓလက်ခံခဲ့တဲ့ ယုံကြည်ကိုးကွယ်မှု”
==================
* ဗုဒ္ဓရှင်တော်ကလည်း မိမိရဲ့သာဝကတွေကို မိမိကျင့်သလို ကျင့်စေချင်တယ်။
မိမိကို အတုယူစေချင်တယ်။ ဗုဒ္ဓရဲ့ပုံတော်ရှေ့မှောက်မှာထိုင်၍ ဗုဒ္ဓကို အာရုံပြုပြီး
ပူဇော်လိုက်တဲ့အခါ ဗုဒ္ဓနဲ့အတူတူနေရတယ်လို့ စိတ်မှာ ၀င်စားလာတတ်ပါတယ်။
** ဗုဒ္ဓနဲ့ အတူတူနေရတဲ့ပုဂ္ဂိုလ်ဟာ မကောင်းသောအကျင့်တွေကို ကျင့်လို့ ဘယ်
ဖြစ်တော့မလဲ။ တဖြည်းဖြည်း ဗုဒ္ဓဓာတ်ကူးလာနိုင်ပါတယ်။
*** ဒါ့ကြောင့် ဗုဒ္ဓကလည်း ပညာဉာဏ်ကို အရင်းခံသော ယုံကြည်မှုဖြင့် ကိုးကွယ်
ဆည်းကပ်သည်ကို လက်ခံပါတယ်။ ဗုဒ္ဓဘာသာဝင်တွေကလည်း ဤရည်ရွယ်
ချက်ဖြင့် ဗုဒ္ဓပုံတော်ကို ကိုးကွယ်ကြခြင်း ဖြစ်ပါတယ်။
**** ညောင်ပင်ဟာ ဗောဓိဉာဏ်ရဲ့အထိမ်းအမှတ်တစ်ခု ဖြစ်ပါတယ်။ ဒီညောင်ပင်
မှာ ဗောဓိဉာဏ်ရလို့ ဒီညောင်ပင်ကို ဗောဓိပင်လို့ခေါ်ကြပါတယ်။
“ဗုဒ္ဓဘာသာရဲ့ပဓာနလုပ်ငန်းတစ်ခု”
==================
* ရုပ်တု၊ ဆင်းတု၊ ညောင်ပင် စသည်ပူဇော်ခြင်းတွေဟာ ဗုဒ္ဓဘာသာမှာ အရေး
ကြီးတဲ့ အချက်တွေတော့ မဟုတ်ပါဘူး။ အဓိကပဓာနလုပ်ငန်းများလဲ မဟုတ်
ပါဘူး။ သို့သော် သမာဓိကောင်းစွာ ရရှိနိုင်တဲ့အတွက် လုပ်ထိုက်သော လုပ်ငန်း
တစ်ရပ်ဖြစ်ပါတယ်။
** ဒါ့ကြောင့် အသိဉာဏ်ရှိတဲ့ပုဂ္ဂိုလ်များဟာ အတုမဲ့ မဟာပုရိသဖြစ်တော်မူတဲ့
ဗုဒ္ဓရဲ့ပုံတော်ကို သူတို့စိတ်ထဲမှာ ထင်ထင်ရှားရှား ထည့်သွင်းထားပြီး ဗောဓိ
ဓာတ်ကို ရအောင်ယူတတ်ကြတယ်။ စိတ်ကြည်လင်မှု၊ ချမ်းသာမှုကို ရှာဖွေကြ
တယ်။
*** သို့သော် ဗုဒ္ဓဘာသာဝင်တွေဟာ ကျေးဇူးရှင် မြတ်ဗုဒ္ဓကို ရှိခိုးပူဇော်ကြခြင်း
ထက် မြတ်ဗုဒ္ဓကဲ့သို့ သစ္စာတရားတို့ကို သိအောင် အားထုတ်ခြင်း၊ သိက္ခာသုံးပါး၊
မဂ္ဂင်ရှစ်ပါး၊ ပါရမီဆယ်ပါးတို့ကို အားထုတ်ခြင်းကသာလျှင် ပိုမြတ်ပါတယ်။ ဗုဒ္ဓ
ကလည်း တပည့်သာဝကတို့ရဲ့ပူဇော်ခြင်းထက် မိမိကျင့်သလို အကျင့်မြတ်တွေ
ကျင့်ကြံလိုက်နာခြင်းကိုသာ မျှော်လင့်ပါတယ်။ ကျင့်ဖို့ချည်း တိုက်တွန်းနှိုးဆော်
ပါတယ်။
“ဗုဒ္ဓကို မြင်တွေ့တဲ့လူဆိုတာ”
==============
* “ငါဘုရား၏အဆုံးအမ အကျင့်မြတ်တွေကို ကျင့်ကြံလိုက်နာသူသည် ငါဘုရား
ကို အမြတ်ဆုံးပူဇော်သူမည်၏။ တရားမြင်သောသူသည် ငါဘုရားကို မြင်၏။ တရား
မမြင်လျှင် ငါဘုရားကို မမြင်သေး”ဟု ဟောတော်မူခဲ့ပါတယ်။
** သို့သော် ဗုဒ္ဓပုံတော်ထက် ပို၍ ခန့်ညား၊ သပ်ရပ်၊ ထည်ဝါပြီး ကျက်သရေရှိ
သောအခြားရုပ်ပုံတစ်ခု ဤကမ္ဘာလောကမှာ မရှိတော့ပါ။
*** မျက်စိနဲ့မြင်ရတဲ့ဗုဒ္ဓပုံတော်ကို မြင်ရကြည့်ရသောအခါ ဗုဒ္ဓပုံတော်ထဲမှာ ဗုဒ္ဓရဲ့
စိတ်ဓါတ်တွေ ပါဝင်လာတယ်လို့ ထင်ရပြီး မိမိရဲ့နှလုံးသားမှာလဲ ဗောဓိဉာဏ်ရဲ့
အရောင်ဟာ ထင်ဟပ်လာတယ်လို့ ထင်မှတ်ရပါတယ်။
**** နောက်ထပ် ပြောလိုတာက ဗုဒ္ဓ၀ါဒ၊ ဗုဒ္ဓဘာသာမှာ အသနားခံ၍ ဆုတောင်း
ခြင်း၊ ဗုဒ္ဓနှင့်ဆုတောင်းသူတို့ကြားထဲမှာ ဆက်သွယ်သူ(အောင်သွယ်သဘော)
ကိုယ်စားလှယ်ထား၍ ဆုတောင်းခြင်းဆိုတာ မရှိပါဘူး။
●“ဗုဒ္ဓဘာသာတို့ ဆုတောင်းတယ်ဆိုတာ”●
● ဘုန်းကြီးက လူတွေအလယ် ဆုတောင်းပေးရတယ်ဆိုတာမျိုး၊ ဒုက္ခရောက်လာ
လို့ကယ်တင်တော်မူပါ၊ ကျူးလွန်မိလာလို့ သနားစောင့်ရှောက်တော်မူပါ ဆိုတာ
မျိုးတွေ မရှိပါဘူး။
● သို့သော် ဗုဒ္ဓထံမှာ ဆုပန်တယ်၊ ဆုတောင်းတယ်ဆိုတာ ရှိပါတယ်။ ကယ်တင်
ဖို့၊ စောင့်ရှောက်ဖို့ တောင်းတာ မဟုတ်ပါဘူး။ မိမိဖြစ်ချင်တဲ့ဆန္ဒကို မိမိရဲ့
ကောင်းမှုပေါ်မှာ အခြေခံပြီး ထုတ်ဆိုခြင်းသာ ဖြစ်ပါတယ်။
● ဗုဒ္ဓကလဲ သင်တို့တောင်းဆိုတာတွေကို ငါဘုရား ပေးမယ်လို့ ဘယ်တော့မှ ဘယ်တုန်းကမှ
တာဝန်မခံပါဘူး။ အသနားခံခြင်း၊ ဆုတောင်းခြင်းတွေမှတစ်ပါး မိမိဘ၀ ဖြူစင်သန့်ရှင်းရေး၊
အသိဉာဏ်ပွင့်လင်းရေး၊ ဒုက္ခမှလွတ်မြောက်ရေးတို့
အတွက် သိက္ခာသုံးပါး ကျင့်သုံးဖို့ကိုသာ ဗုဒ္ဓသည် ညွှန်ပြတော်မူလေ့ရှိပါတယ်။
● သိက္ခာသုံးပါးဆိုတာ သီလ၊ သမာဓိ၊ ပညာပါဘဲ။ သီလကျင့်တော့ ကိုယ်နှုတ်
စိတ်နှစ်ပါးဖြူစင်သန့်ရှင်းသွားတယ်။ သမာဓိ ရအောင် အားထုတ်တော့ စိတ်
အညစ်အကြေးတွေ တစ်ခဏ တစ်ဘ၀ သန့်ရှင်းအေးချမ်းသွားတယ်။ ပညာ
ကျင့်စဉ် ကျင့်လိုက်တော့ ကိလေသာအညစ် အကြေးတွေ အပြီးတိုင် ကင်းဝေး
သန့်ရှင်းသွားတယ်။
(သီတဂူဆရာတော်အရှင်ဉာဏိဿရ မှ ကူးယူရေးသားမျှဝေပူဇော်ပါသည်)
(မှားယွင်းမှုများရှိသော် အစဉ်သနားသောအားဖြင့် သည်းခံခွင့်လွှတ်ပေးပါရန်
ဦးခိုက်လျှောက်ထားပါသည် ဆရာတော်အရှင်သူမြတ်ဘုရား)
ဦးသိန်းဝေ။
http://www.facebook.com/damanadi.tk
http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။
