အနာဂတ်သာသနာရေး အပိုင်း(၁၃၀) ကထိန်ခင်း ပြုပြင်ရေး

ကထိန်ခင်း

ဝါဆိုလပြည့်ကျော် (၁)ရက်နေ့၌ ၀ါကပ်၍… (၀ါ မပျက်စေဘဲ) သီတင်းကျွတ်လပြည့်နေ့၌ ပ၀ါရဏာပြုသော ရဟန်းရှိရာ ကျောင်းတိုက်၌ သင်္ကန်းတစ်ထည် ဖြစ်စေ, အများဖြစ်စေ “ဣမံ စီဝရံ သံဃဿ ဒေမိ-ဤသင်္ကန်းကို သံဃာတော်များအား လှူဒါန်းပါ၏”ဟု လျှောက်ထား၍ လှူရ၏၊ ထိုသင်္ကန်းကို သင်္ကန်းမရှိသော ရဟန်းအား ပေး၍ ထိုရဟန်းက (၀ိနည်းထုံးစံအရ) ကထိန်ခင်းရ၏၊ သံဃာအားလုံး သင်္ကန်းပြည့်စုံ ကြလျှင် အကြီးဆုံး မထေရ်အား ပေး၍ ထိုမထေရ်ကြီးက ကထိန် ခင်းရ၏၊ ထိုကထိန်ကို ၀မ်းမြောက်ကျေနပ်ပါကြောင်းပြောသော ရဟန်းများလည်း ကထိန်ခင်းသော ရဟန်းနှင့် အလားတူရသင့်သော အမျိုးများကို ရကြ၏၊ ရသင့်သော အကျိုးများကို စာလာအတိုင်း သိလိုသူတို့ စာတော်သော ဆရာသမားထံ မေးကြပါလေ။

ယခုခေတ်ကထိန်

အစပထမ၌  ““ကထိန်အလှူ”” ဟူသည် …သင်္ကန်းအလှူပင်ဖြစ်၏၊ နောက်မှ သင်္ကန်း၏ အခြံအရံအဖြစ်ဖြင့် အခြားလှူဖွယ်တွေ ပါလာ၏၊ ထိုအခြား လှူဖွယ်များတွင် ကျောင်း၌ မရှိမဖြစ်သော ပစ္စည်းမျိုးဆိုလျှင် သင့်တော်ပါသေး၏၊ ယခုသော် ပဒေသာပင် သီး၍ လှပအောင် တိုလီမိုလီကလေးတွေ များလှ၏၊ ပဒေသာတစ်ပင်လျှင် (၅၀)တန် တစ်ရာတန် စသည်ဖြင့် ဂုဏ်ယူကြ၏၊ ကျောင်းရောက်သော်ကား အသုံးမကျလှ၊ လူတွေမှာလည်း အကုန်မနည်းချေ၊ ဒီအထဲမှာ ပွဲတွေ ကိုလည်း ထည့်လိုက်ရသေး၏။

အနာဂတ်သာသနာရေး အပိုင်း(၁၂၉) သိမ်သမုတ်, ရဟန်းခံ

သိမ်သမုတ်

“သီမာ” ဟူသော  ပါဠိသည်  “အပိုင်းအခြား -နယ်နိမိတ် သတ်မှတ်ထားသော အရပ်” ဟု အဓိပ္ပာယ်ထွက်၏၊ “ရဟန်းများ ကံကြီးကံငယ် ပြုဖို့ရာ နယ်နိမိတ် သတ်မှတ်ထားသောအရပ်”ဟု သံဃာအများက အသိအမှတ်ပြုခြင်းကို “သိမ်သမုတ်”ဟု ခေါ်၏၊ ထို့ကြောင့် အစိုးရက နေရာတစ်ခုကို လူဝတ်ကြောင်တစ်ယောက်အား ဥပဒေနှင့်အညီ “သီးခြားရွာ”ဟု ပေးလိုက်လျှင်လည်း သိမ်သမုတ်ခြင်းကိစ္စ ပြီးတော့၏။

          သိမ်သမုတ်ရာ၌ အလွန်များစွာ ငွေကုန်ခံမည့်အစား ထိုနေရာ၌ မိုးလုံလေလုံရှိအောင် ကျောင်းဆောက်လိုက်ခြင်းသာ သာ၍ အကျိုး ရဖွယ် ရှိ၏၊ သို့ရာတွင် သိမ်သမုတ်ရာ၌ ပိဋကတတ်ကျွမ်းသော ဆရာတော်များ ပါဖို့ အရေးကြီး၏၊ နားမလည်သူများချည်းသာ သမုတ်လျှင်ကား အောင်မြင်ဖို့ မလွယ်ကူချေ။

အနာဂတ်သာသနာရေး အပိုင်း(၁၂၈) စာသင်တိုက်ကျောင်းဆောက်မှု

စာသင်တိုက်ကျောင်းဆောက်မှု

ကျောင်းဆောက်မှု၌ စဉ်းစားထိုက်သော အချက်တွေများလှ၏၊ စာသင်တိုက်ဟူသမျှ အသစ်တည်ရတော့မည်ဖြစ်လျှင် ကံကြီး ကံငယ် ပြုဖို့ရန် သိမ်လည်း ဖြစ်နိုင်, စာချကျောင်းလည်း ဖြစ်နိုင်, ဘုရားဆင်းတုတော် သီတင်းသုံး၍ ဘုရားဝတ်ပြုကြဖို့ရာ ဘုရား ကျောင်းလည်း ဖြစ်နိုင်, ကာလအားလျော်စွာ စည်းဝေးဟောပြော ဖို့ရာ ဓမ္မာရုံလည်း ဖြစ်နိုင်သော အလယ်ကျောင်းကြီးတစ်ကျောင်း (မြို့ရွာဒေသလိုက်၍) ခပ်ကောင်းကောင်း ဖြစ်ရန်လိုပေသည်၊ ထို ကျောင်းကြီးကို ပစ္စည်းတတ်နိုင်သူ တစ်ဦးတစ်ယောက်က မတည်၍ မြို့ရွာက ၀ိုင်းဝန်းကြပြီးလျှင် တစ်မြို့လုံးနှင့်ဆိုင်သော ကျောင်း ဖြစ်မှသာ ရပ်သူ ရွာသားတို့ သာ၍ ညီညွတ်ဖွယ်ရှိသည်။

          ထို့နောက် သံဃာအများ နေထိုင်ဖို့ရာ (စာချဘုန်းကြီးများနှင့် စာသင်သားများအတွက်) နှစ်ပါးနေ သုံးပါးနေ မိုးလုံ လေလုံ ခပ်ကြမ်းကြမ်း ကျောင်းကလေးတွေနှင့် ဆွမ်းစားကျောင်းကို လည်းကောင်း, သံဃာအလွန်များလျှင် စာချဖို့နေရာများကိုလည်းကောင်း အစီအစဉ်ကျကျနှင့် သပ်သပ်ရပ်ရပ် တည်ဆောက်သင့်ကြပေသည်၊ အနီးအပါး ကျောင်းဟောင်း ကျောင်းပျက် ဇရပ်ပျက်များကိုလည်း “၀ိနည်းတော်နှင့် မဆန့်ကျင်သော ကျောင်း ဇရပ်”ဟု စိတ်ချရလျှင် ရွှေ့ပြောင်း ဆောက်သင့်၏၊ နဂိုက ၀ိနည်းတော်နှင့် အပ်စပ်ပုံမရသော ကျောင်းများကို မူလစပ်ဆိုင်သော ဆွေမျိုးများက သူတို့ပိုင် ပစ္စည်းဟု သဘောထား၍ သယ်ယူရွှေ့ပြောင်း လှူလျှင် အပ်တော့သည်သာ၊ ထိုသို့ ကျောင်းဆောက်ပြီးနောက် စားရေးသောက်တာ အတွက်ကိုမူ ဂေါပကအဖွဲ့နှင့် ရပ်ရွာမြို့နယ်ကို အားထားရပေ လိမ့်မည်။ [ဤနေရာ၌ ဆိုင်ရာကျောင်းတိုက်များ၏ စည်းကမ်း ဥပဒေကိုလည်း သီးခြား ရေးသင့်၏။]