သတိ
နောက်တစ်ခုက
သတိတဲ့၊
လူတိုင်းလူတိုင်း ပြောနေတာ ‘သတိထား’ လို့၊ သတိဆိုတာ လူတွေရဲ့ စိတ်ထဲမှာ ဖြစ်တာ၊
အဘိဓမ္မာတရားတော်အရ သတိဆိုတာ သောဘဏလို့ခေါ်ထားတဲ့ အခါကျတော့ ကောင်းတာတွေကို အမှတ်ရတာကိုမှ
‘သတိ’ လို့ ပြောရမယ်၊ အရပ်ထဲမှာ ပြောနေကြတဲ့ သတိတွေဟာ တစ်ချို့က ဒီသတိ
မဟုတ်ဘူးလို့ ပြောရမယ်။
ခိုးဝှက်မယ့်
သူကလည်းပဲ သူလည်း သတိရှိနေတာပဲလေ၊ ဘယ်အချိန် ဘယ်နား ဘာထားတယ်ဆိုတာ သူ သတိထားရတာပဲ၊
သူလည်း သတိရှိတာပဲ၊ အဲဒီ သတိမျိုး သုတ္တန်မှာတော့ မိစ္ဆာသတိ လို့ ခေါ်တယ်၊ မိစ္ဆာသတိဆိုတာ
ဒီသတိစေတသိက်ကို ပြောတာ မဟုတ်ပါဘူး၊ ဒီသတိက အကောင်းဘက်မှာသာ သုံးတဲ့
စကားလုံးပါလို့ မှတ်ရမယ်နော်။
လူ့ဝေါဟာရအရ
အသုံးအနှုန်း define လုပ်ထားတယ်၊ ကန့်သတ်ချက်ရှိရမယ်၊ ဘယ်ဘာသာ စကားပဲဖြစ်ဖြစ် ဒါ
အတူတူပဲ၊ ပါဠိမှ မဟုတ်ဘူး၊ မြန်မာစကားမှာလည်း အကန့်အသတ်ရှိတာပဲလေ၊ သေချာ
စဉ်းစားကြည့်ရင် မြန်မာစကားမှာလည်းပဲ ပြောတဲ့အတိုင်း အကုန်ယူရတာမှ မဟုတ်ဘဲ၊ ဒီနေရာ
ဒါသုံးတယ်ဆိုတာ မှတ်ထားရမယ်၊ ဒိပြင်နေရာ သုံးလို့ ဖြစ်နိုင်တာမှ မဟုတ်ဘဲနော်၊
ဒီမှာလည်း သတိဆိုတာ အကောင်းဘက်ပဲ ယူတယ်။
သတိထားမှုနှင့်
မှတ်မိမှု
သတိဟာ
၂-မျိုးလို့ မှတ်ရမယ်၊ သူ့ရဲ့ အသွင်အပြင် လက္ခဏာဆောင်ရွက်မှု ၂-မျိုးရှိတယ်၊ တစ်ခုက
ဘာတုံး ဆိုရင် အာရုံပေါ် စိတ်စိုက်နေမှု၊ နောက်တစ်ခုက အမှတ်ရမှု၊ မှတ်မိမှု။
‘ဟို
လွန်ခဲ့တဲ့ အကြောင်းအရာတွေကို မှတ်မိတယ်’၊ အဲဒါ သတိရဲ့ စွမ်းဆောင်ချက် တစ်ခုပဲ၊
‘အခု လောလောဆယ် ဘာလုပ်နေတယ်ဆိုတာ သတိထားနေတယ်’၊ ဟော သတိထားနေတယ်ဆိုတာ တစ်ခု၊
အမှတ်ရနေတယ်ဆိုတာ တစ်ခု၊ အဲဒီ ၂-ခုစလုံးဟာ သတိနဲ့ဆိုင်တဲ့ အရာတွေချည်းပဲ လို့
မှတ်ရမယ်။
ဒါကြောင့်မို့
အင်္ဂလိပ်လို ပြန်တဲ့အခါကျတော့ mind ful lness လို့ပြန်တယ်၊ mind ful lness
ဆိုတာ အခုလောလောဆယ် လုပ်နေတဲ့ ကိစ္စနဲ့သာ ဆိုင်တာ၊ မနှစ်က ကိစ္စမှတ်မိတာ၊ mind ful
ness မဟုတ်ဘူး၊ အဲဒါကျတော့ မှတ်မိတာ၊ rememberance လုိ့ ဖြစ်ရမယ်ပေါ့၊ စာပေမှာ
သတိကို ဒီလို ၂-မျိုးခွဲထားတာကို သတိထားဖို့ လိုတယ်၊ သတိဆိုတာ ယခုလုပ်နေတဲ့
ကိစ္စတွေအပေါ် စိတ်စိုက်နေတာ၊ သတိထားနေတာ၊ လွန်ခဲ့တဲ့ နှစ်ပေါင်းများစွာက ပြောခဲ့တာတွေ၊
လုပ်ခဲ့တာတွေကို အမှတ်ရတာတဲ့၊ ဟော နှစ်ခု ဟောထားတယ်။
ဒါကြောင့်မို့
သတိဆိုတာ တချို့က ငယ်ငယ်လေးထဲက မှတ်မိတယ်၊ ကိုယ်ဟာကိုယ် ပြန်ပြီးတော့
အဖြေထုတ်ကြည့် လူ့ဘဝ ရောက်လာတဲ့အခါကစပြီး ကိုယ့်ဘဝကိုယ် အောက်မေ့ကြည့်၊
ဘယ်အရွယ်ကဟာကို မှတ်မိသလဲ၊ ဘယ်အရွယ်က စပြီးတော့ ကိုယ်အသိတရား ဝင်လာသလဲ၊
မှတ်မိတဲ့စိတ် ဝင်လာသလဲဆိုတာ သတိထားမိလား။
ဘုန်းကြီးတော့
မှတ်မှတ်ရရ ၅-နှစ်အရွယ်လောက်မှ မှတ်မိတယ်၊ အရှေ့ပိုင်းကဟာတွေ တယ် မမှတ်မိတော့ဘူး၊
ဒုတိယ ကမ္ဘာစစ်ကြီး ဖြစ်နေတဲ့အခါ ကျွဲညီနောင်ဆိုတဲ့ လေယျဉ်ပျံကြီး နှစ်စင်းဟာ ‘ဒက်
ဒက် ဒက် ဒက်’ နဲ့ လျှောက်ပြီးတော့ စက်သေနတ်တွေနဲ့ ရမ်းတာ မှတ်မိတယ်၊ အဲဒီအချိန်
ပြန်တွက်မယ်ဆိုရင်တော့ ၄-နှစ်၊ ၅-နှစ်သားပဲ ရှိသေးတယ်နော်၊ တောထဲမှာ ပုန်းရတာတွေ
မှတ်မိတယ်၊ ဒါက မှတ်မိတာလေးတွေ ပြန်ပြီးတော့ ပြောတာနော်။
အဋ္ဌာကထာထဲမှာ
မှတ်တမ်းတင်ထားတဲ့ ဆရာတော်ကြီး တစ်ပါးကတော့ ‘သူက ဖွားပြီးတဲ့နောက်မှာ ၉-ရက်သား
အရွယ်မှာ သူ့မိခင်က ကုန်ပြီး နမ်းလိုက်တဲ့အခါ ဆံထုံးနဲ့ ပန်းကုံးကြီး သူ့ရင်ဘက်ပေါ်
ပြုတ်ကျတာ မှတ်မိတယ်’ တဲ့၊ အဲဒီလောက်က စပြီးတော့ သူ မှတ်မိတယ်တဲ့။
ကဲ
ကိုယ့်ဘာသာကိုယ် ကိုယ့်ဘဝ ဘယ်အချိန်က မှတ်မိလဲဆိုတာလေးတွေကို
ရှာကြည့်လိုက်မယ်ဆိုရင် တစ်ယောက်နှင့်တစ်ယောက် တူကြမယ် မထင်ဘူးနော်၊ အဲဒီတော့
သတိစွမ်းအားချင်းဟာ တစ်ယောက်နဲ့ တစ်ယောက် မတူကြဘူး။
သတိနှင့်
သညာ
အဲဒီသတိက
သညာနဲ့
တွဲထားတာ၊ “ထိရသညပဒဋ္ဌာနာ”
ခိုင်မြဲတဲ့သညာက သတိကို စွမ်းအားထက်စေတယ်၊ ဒါကြောင့် သညာနဲ့တွဲရတယ်၊ သတိဆိုတာ
ကောင်းတဲ့ဘက်မှာ အသုံးပြုရတယ်၊ သတိဆိုတာ အရေးပါတဲ့အရာ ဖြစ်သည့်အတွက်ကြောင့် မဂ္ဂင်
၈-ပါး ထဲမှာလည်း သတိပါတယ်၊ ဗောဇ္ဈင် ၇-ပါးထဲမှာလည်း သတိပါတယ်၊ သတိဆိုတာ အမြဲတမ်း
လိုအပ်တယ်တဲ့၊ သတိမလိုအပ်တဲ့ အခါရယ်လို့ မရှိဘူး၊ ပညာဖြစ်ဖို့ ဆိုတာ သတိမပါရင်
လုံးဝမဖြစ်နိုင်ဘူး။
သို့သော်
သတိရဲ့စွမ်းဆောင်ချက်သည်
အာရုံပေါ်မှာ စိတ်စိုက်ထားရုံမျှသာ ဖြစ်တယ်၊ သတိက သိနိုင်စွမ်းတော့
မရှိဘူး၊ သိတာက ပညာပဲ၊ ပူးပေါင်းပြီး အလုပ် လုပ်တဲ့ သဘောပေါ့၊ မျက်စိက
ကြည့်ပေးတယ်၊ ခြေထောက်က လမ်းလျှောက်တယ် ဆိုတာလိုပဲ၊ စာအုပ်တစ်အုပ်
ဖတ်တော့မယ်ဆိုရင် လက်က စာအုပ်ကို ဖွင့်ပေးတယ်၊ မျက်စိက စာအုပ်မှ
မဖွင့်နိုင်ဘဲ၊ သူက ကြည့်ရုံ ကြည့်နိုင်တာ၊ မျက်စိနဲ့ လက်နဲ့ ပေါင်းပြီးတော့
စာအုပ်ဖတ်လို့ ရတာပေါ့၊ အဲဒီသဘောပဲ။
သတိနှင့်
ပညာ
သတိနဲ့ပညာ
ပေါင်းပြီးတော့ သတိက မှတ်ချက်ကလေး တွေ ပေးတာကို ပညာက သိရတာ၊ သတိက မှတ်မပေးလို့
ရှိရင် ပညာက မသိနိုင်ဘူး၊ ဒီလိုပဲ ပူးပေါင်း ဆောင်ရွက်မှုသဘောလေး၊ သတိဟာ အရေးပါတဲ့
သဘာဝတရားတစ်ခု ဖြစ်တယ်၊ သူက တိုးတက် ကြီးထွားလာအောင် လုပ်လို့ရတယ်၊ သူ တိုးတက်
ကြီးထွားလာလေလေ အကုသိုလ်တရားတွေ နည်းလေလေပေါ့၊ သူ့ကို တိုးတက်ကြီးထွားအောင်
လုပ်တဲ့နည်းတွေ မြတ်စွာဘုရားက မဟာသတိပဋ္ဌာန်သုတ် ဟောထားတယ်လေ၊ ကာယ ဆိုတဲ့
အာရုံပေါ်မှာ၊ ဝေဒါနာဆိုတဲ့
အတွေ့အကြုံပေါ်မှာ၊ စိတ္တလို့ဆိုတဲ့
စိတ်သဘော တွေပေါ်မှာ၊ ဓမ္မ
လို့ဆိုတဲ့ ကျန်တဲ့ အနေအထားတွေပေါ်မှာ သတိကို မွေးမြူ လေ့ကျင့်ပေးရမယ်၊ သတိကို
တည်ဆောက်ပြီးတော့ ပေးရမယ်။
‘စားရင်
စားတယ်လို့ မှတ်၊ သွားရင် သွားတယ်လို့မှတ်’ ဆိုတာ သတိကို မွေးမြူနေတာ၊
လေ့ကျင့်ပေးနေတာ၊ အလကား မှတ်ခိုင်းတာ မဟုတ်ဘူးနော်၊ ဘုန်းကြီးတို့တစ်တွေ
ဘယ်လောက်ထd သတိ ကင်းနေသလဲဆိုတာ စဉ်းစားကြည့်၊ တစ်ယောက်တည်း ကိုယ့်ဘာသာကိုယ်
ထိုင်နေလို့ရှိရင် စိတ်က ငါ ထိုင်နေတာပါလားလို့ မသိဘူး၊ တခြား တွေးနေတာပဲလေ၊ စိတ်က
ဟိုးအတိတ်ရောက်ချင် ရောက်နေတယ်၊ နောက်တစ်ရက် အတွက် ရောက်ချင်ရောက်နေမယ်၊
ကိုယ့်ကိုယ်ကို ဘာလုပ်နေတယ်ဆိုတာ စိတ်စိုက်မိတာ အင်မတန် ရှားတယ်။
ဒါကြောင့်မို့
ရိပ်သာတွေမှာ သတိပဋ္ဌာန်ကျင့်စဉ်ကို ပြတဲ့ အခါမှာ ခန္ဓာကိုယ်ရဲ့ လှုပ်ရှားမှုတွေ
အားလုံးကို မှတ်မိအောင် ကြိုးစားပါ၊ ‘မှတ်ပါ မှတ်ပါ’ ဆိုတာ သတိ မွေးမြူတာပဲ၊
လုံလောက်တဲ့ သတိတစ်ခု ရလာလို့ရှိရင် သတိ အခြေခံနဲ့ နောက်က ပညာဉာဏ် လိုက်လာတယ်နော်၊
ဒါကြောင့်မို့ သတိဟာ အင်မတန် အရေးပါတဲ့ စိတ်ဖြူစင်မှုအတွက် အရေးပါတဲ့ အင်အားစုထဲမှာ
အရေးပါဆုံး အရာတစ်ခုလို့ မှတ်ရမယ်၊ ဘုရားက “သတိံစ ခွါဟံ သဗ္ဗတ္ထိကံ ဝဒါမိ” သဗ္ဗတ္ထိက
- အချိန်မရွေး လိုအပ်တာတော့ သတိပဲ၊ ခုန သဒ္ဓါဆိုတာ အချိန်မရွေး လိုအပ်တာ မဟုတ်ဘူး၊
သတိက အချိန်မရွေး လိုအပ်တယ်။
ဟိရီ
သြတ္တပ္ပ
နောက်တစ်ခုက
ဟိရီ သြတ္တပ္ပ၊ ‘ဟိရီ’
ဆိုတာ ရှက်တာ၊ စက်ဆုပ်တာ၊ ‘သြတ္တပ္ပ’
ဆိုတာ ကြောက်လန့်တာ၊ ရှက်တယ် စက်ဆုပ်တယ် ဆိုတာ ဘာကို ပြောတာတုန်းဆိုရင် မဟုတ်တာ
လုပ်ရမှာကို ရှက်တယ်၊ လိမ်ပြောရမှာကို ရှက်တယ်၊ မကောင်းတာ လုပ်ရမှာကို
ရှက်တယ်၊ လူ ရှိရှိ, မရှိရှိ ရှက်တဲ့လူက ရှက်တာပဲ၊ ဟိရီ ဆိုတာ
ကိုယ့်ကိုယ်ကို ရှက်တာ၊ ကိုယ့်သိက္ခာကို လုံအောင် ထိန်းတယ်၊ မဟုတ်တာ လုပ်ရမှာ
သိပ်ရှက်တယ်၊ မတော်တဆ လိမ်မိပြီးရင် ‘သြော်- ငါ လိမ်ထားတာပါလား’ လို့ ရှက်လို့
မဆုံးဘူး၊ ဟိရီ မရှိတဲ့ပုဂ္ဂိုလ်ကတော့ ရှက်ကို မရှက်ဘူးလေ၊ မျက်နှာပြောင် တိုက်တယ်၊
အဲဒါကျတော့ အဟိရီကလို့
ခေါ်တယ်။
ဒါကြောင့်
ဟိရီဆိုတာ ရှက်တာ၊ ရှယ်တယ်ဆိုတာ ကိုယ့်ကိုယ်ရဲ့ ဂုဏ်သိက္ခာကို ထိန်းတာလို့
ပြောတာနော်၊ ငါလို လူက မဟုတ်တာ မလုပ်ဘူးဆိုပြီး ကိုယ့်ရဲ့ ဂုဏ်သိက္ခာကို ထိန်းတယ်၊
ကိုယ့်အရည်သွေးကို ကိုယ် အားကိုးတယ်။
သြတ္တပ္ပ ဆိုတာ မကောင်းတာလုပ်ဖို့
ဟာအတွက် လန့်တယ်၊ ကြောက်တယ်၊ သူ့ကျတော့ ဘာကို တွေးပြီး
စိတ်ထိန်းတာတုန်းဆိုတော့ ကိုယ့်ရဲ့ ပတ်ဝန်းကျင်၊ ကိုယ့်ရဲ့ ပတ်ဝန်းကျင်က သိမှာ
သူကြောက်တယ်၊ ကိုယ့်ရဲ့ ပတ်ဝန်းကျင်ရှေ့မှာ မျက်နှာမပြရဲမှာ ကြောက်တယ်၊ “ငါ ဒါတွေ
လုပ်လို့ရှိရင် ငါ့အမေ ထိခိုက်မယ်၊ အဖေကို ထိခိုက်တယ်၊ ငါ့အမျိုး တွေ
ထိခိုက်မယ်၊ ငါ့အမျိုးတွေ ထိခိုက်မယ်” လို့တွေးတယ်၊ သူက ဒီလို စဉ်းစားတာ။
ဟိရီ ကတော့ ဒီလို မဟုတ်ဘူး၊ “အို
ငါ့အရည်အချင်းတွေ ထိခိုက်လိမ့်မယ်၊ငါလို လူတော်လူကောင်းတစ်ယောက် ဖြစ်ရဲ့သားနဲ့
အကုသိုလ်တွေလုပ်ရင် ငါ့ဂုဏ်ကို ထိခိုက်လိမ့်မယ်” လို့ တွေးတယ်၊ သြတ္တပ္ပကတော့
“ငါ့ပတ်ဝန်းကျင် ထိခိုက်လိမ့်မယ်” အတွေးချင်းကွာတယ်၊ အကုသိုလ်က
ရှောင်တာချင်းကျတော့ အတူတူပဲ။ ဟိရီနဲ့ သြတ္တပ္ပ သိပ်အရေးကြီးတယ်။
လောကပါလတရား
မြတ်စွာဘုရားက လောကပါလတရား လို့ ဒီတရား ၂-ပါးကို
ဟောတယ်၊ ဟိရီသြတ္တပ္ပက လူ့လောကကြီးကို ထိန်းသိမ်းစောင့်ရှောက် ပေးထားတာတဲ့၊
လူ့လောကမှာ ဟိရီ, သြတ္တပ္ပ မရှိတော့ဘူးဆိုရင် လူ့လောကကြီးဟာ တိရစ္ဆာန်လောကကြီးနဲ့
ရောထွေးသွားမယ်တဲ့၊ လူတွေက တိရစ္ဆာန်ထက် အဆင့်အတန်း မြင့်နေတာ ဟိရီ
သြတ္တပ္ပကြောင့်လို့ ပြောတာ၊
လူတွေဟာ နေရာတိုင်းမှာ အဆင့်မြင်တယ်ချည်း မထင်နဲ့နော်၊
ငါးနဲ့ ရေပြိုင်ကူးရင် ဘယ်သူ ရှုံးမယ်ထင်တုန်း၊ လူတွေ ရှုံးတယ်၊ ငှက်နဲ့ကောင်းကင်ပျံ
ပြိုင်မယ်ဆိုရင် လူ နိုင်ပါ့မလား၊ လူတွေ အများကြီးရှုံးတယ်၊ ဆင်တွေနဲ့
ပြိုင်ပြီးတော့ အားစမ်းကြမယ်ဆိုရင် ဘယ်သူရှုံးမလဲ၊ လူပဲ ရှုံးမှာပဲ၊ ဆင်လောက်လည်း
အားမကောင်းဘူးနော်၊ တိရစ္ဆာန်တွေလောက်လည်း အပြေးမသန်ဘူး၊ ငါးတွေလောက်လည်း
ရေမကူးနိုင်ဘူး၊ ဘယ်သူပြိုင်ကူးနိုင်မလဲ၊ လူချင်းသာ ပြိုင်လို့ ရတာ။
အခြား
စွမ်းရည်သတ္တိတွေ ကြည့်လိုက်မယ် ဆိုလို့ရှိရင် လူရဲ့ အမြင်ကလည်း လင်းယုန်ငှက်ရဲ့
မျက်လုံးလောက် မစူးရှဘူး၊ လင်းယုန်ဆိုတာ ဟိုအမြင့်ကြီးက ကြည့်လို့ရှိရင်
မြက်ကလေးတွေကြား မှာ မြွေသွားနေတာတို့ ကြွက်ကလေးတွေ သွားနေတာတို့ မြင်ရတယ်၊
သူ့မျက်လုံးက လူ့မျက်လုံးထက် သာတယ်၊ အဲဒီတော့ ဒီပြင် အတိုင်းအတာတွေအရဆိုရင် သူက
ပိုသာတယ်၊ အနံ့ခံဆိုရင် လူရဲ့နှာခေါင်းက ပုရွက်ဆိတ် နှာခေါင်းလောက်တောင်
အဆင်မပြေဘူးနော်၊ သူတို့ အကုန်သိတယ်၊ ဘာပဲ ထားထားရောက်လာပြီ။ အဲဒီတော့ စွမ်းရည်
သတ္တိချင်း ပြိုင်ကြမယ်ဟေ့ သာမန်သတ္တိ ပြိုင်မယ်ဆိုရင် လူက တိရစ္ဆာန်တွေကို ရှုံးနေတာ
အများကြီးပဲ၊ စဉ်းစားကြည့်။
အဲဒီတော့
လူက သူတို့ထက် သာတာတစ်ခုက ဘာတုံးဆိုလို့ရှိရင် အသိဉာဏ်ပဲ၊ အသိဉာဏ်
ရှိသည့်အတွက်ကြောင့် တိရစ္ဆာန်တွေ အားလုံးအပေါ်မှာ လွှမ်းတက်သွာတယ်၊
လောကီလိုပြောရင်တော့ brain ပေါ့၊ ဥဏှောက်သာတာ၊ အဲဒီထက် နောက်တစ်ခု တော်တာက အဲဒီ
ဟိရီ,သြတ္တပ္ပ၊ ဟိရီ,သြတ္တပ္ပရှိသည့် အတွက်ကြောင့် လူဟာ ဂုဏ်သိက္ခာ အပြည့်ရှိတယ်၊
ဟိရီ,သြတ္တပ္ပ မရှိရင် ဂုဏ်သိက္ခာမဲ့တဲ့ ပုဂ္ဂိုလ် ဖြစ်သွားမယ်။
ဒါကြောင့်မို့
မြတ်စွာဘုရားက ‘လောကပါလ’
လူ့လောကကြီးကို ထိန်းသိမ်း စောင့်ရှောက်နေတဲ့ တရားတဲ့၊ နောက်ပြီးတော့ ‘သုက္ကမ္မ’ -
လူတွေရဲ့ ဖြူစင်တဲ့ ကောင်းကျိုးချမ်းသာတွေ ရနေဖို့ အတွက်ဖြူစင်စေတဲ့ တရားလို့လည်း
ဟောတယ်၊ နောက်တစ်ခုက ‘ဒေဝဓမ္မ’
တရားလို့လည်း ဟောတယ်။
** ဆက်ရန် **
{ဒေဝဓမ္မ၊ ဒေဓမ္မဇာတ်၊ဟိရိ သြတ္တပ္ပ }
*ကောက်နှုတ်ချက်*
အဂ္ဂမဟာပဏ္ဍိတ အရှင်နန္ဒမာလာဘိဝံသ (Ph.D)
အဘိဓမ္မာ မြတ်ဒေသနာ
(ပထမတွဲ) (စာ ၃၁၀- ၃၁၈) မှ ကောက်နှုတ်ရေးသား ပူဇော်ပါသည်။
