လောက သံသရာနှစ်ဖြာ ကြီးပွားတိုးတက်ဖို့အတွက်ဆိုလျှင်။

     ဗုဒ္ဓမြတ်စွာဘုရား ဟောတော်မူခဲ့တဲ့ ဒေသနာတော်အရ ဘ၀ကြီးပွားတိုးတက်ရေးအတွက်
မိတ်ကောင်းဆွေကောင်း လိုအပ်ပါတယ်။ ဘ၀သံသရာဝဋ်မှ လွတ်မြောက်ပြီး နိဗ္ဗာန်ချမ်းသာကို
မျက်မှောက်ပြုဖို့ အတွက်လည်း မိတ်ကောင်းဆွေကောင်း လိုအပ်ပါတယ်။ လောကီရေးကိစ္စမှာ
ဖြစ်ဖြစ် လောကုတ္တရာရေးကိစ္စမှာဖြစ်ဖြစ် မိတ်ကောင်းဆွေကောင်းဟာ အင်မတန်မှ အရေးကြီး
တဲ့ အခန်းကဏ္ဍမှာ ရှိပါတယ်။
         မြတ်စွာဘုရားက လောကသံသရာနှစ်ဖြာ ကြီးပွားတိုးတက်ဖို့အတွက် (၁)။ မိတ်ကောင်း
ဆွေကောင်း ရှိရမယ်။ ဒါက အပြင်ဘက်က အကြောင်းတရား Externak Condition ပါ။ (၂)။
“ ယောနိသော မနသိကာရ ” မှန်မှန်ကန်ကန် နှလုံးသွင်း ဆင်ခြင်တတ်မှု ရှိရမယ်။ ဒါက အတွင်းဘက် အကြောင်းတရား Internal Condition ပါ။
         အပြင်အကြောင်းတွေက ဘယ်လောက်ကောင်းကောင်း“ ယောနိသော မနသိကာရ” ဆို
တဲ့ အတွင်းအကြောင်း မကောင်းဘူးဆိုရင် ကြီးပွားတိုးတက်မှု မရနိုင်ဘူး။ အတွင်းအပြင် ဘက်
စုံကောင်းဖို့  လိုအပ်တယ်လို့ မြတ်စွာဘုရားက ဟောထားပါတယ်။
         အပြင်ဘက်က အကြောင်းတရား၊ အတွင်းဘက်က အကြောင်းတရား။ အတွင်းနှင့်အပြင်
ဒီ အကြောင်းနှစ်ခု ပေါင်းစပ်ပြီးမှ အကျိုးတရား ထုတ်လုပ်လို့ ရပါတယ်။ အပြင်ဘက်က    မိတ် ကောင်းဆွေကောင်း ရှိရမယ်။ အတွင်းလူ ကိုယ်တိုင်ကလည်း မှန်ကန်တဲ့ နှလုံးသွင်းတရား ရှိရ
မယ်။ အဲဒီနှစ်ခု ပေါင်းစပ်ပြီဆိုရင် ကောင်းကျိုးချမ်းသာတွေ ရနိုင်ပါတယ်။
         အပြန်အလှန်အားဖြင့် နားလည်ရမှာက အပြင်ဘက်က မိတ်ကောင်းဆွေကောင်း မရှိဘူး။
ကိုယ်ကိုယ်တိုင်ကလည်း “ ယောနိသော မနသိကာရ” လို့ခေါ်တဲ့ မှန်ကန်စွာ တွေးတောဆင်ခြင်
တတ်မှု မရှိဘူးဆိုရင် အကျိုးဆုတ်ယုတ် လိမ့်မယ်။
         မကောင်းကျိုးတွေဖြစ်ဖို့ အခြေခံအားဖြင့် ဒီ အကြောင်းတရားတွေပါပဲ။ ကောင်းကျိုးတွေ
ရဖို့ ဟာလည်း အခြေခံအားဖြင့် ဒီ အကြောင်းနှစ်ခုပဲ။ အတွင်းနှင့် အပြင် အကြောင်းတရားနှစ်ရပ်
ပေါင်းစပ်ပြီးတဲ့အခါမှ အကျိုးတစ်ခု ဖြစ်ပေါ်တာပါ။
         ဆိုပါစို့။ သူတော်ကောင်းတို့တတွေ နေ့စဉ်စားနေတဲ့ အစာအဟာရပဲ ကြည့်လေ။ ခန္ဓာ
ကိုယ်က ကျန်းမာမှု။ ကံကြောင့်ဖြစ်တဲ့ “သြဇာ ”လို့ ခေါ်ရတဲ့ အတွင်းအဟာရ ရုပ်က အခြေအ
နေကောင်းဖို့ လိုပါတယ်။ အပြင်ဘက်က စားလိုက်တဲ့အစာထဲမှာ ပါလာတဲ့ ဗဟိဒ္ဓသြဇာကလည်း
ကောင်းဖို့လိုပါတယ်။ အဇ္ဈတ္တသြဇာ၊ ဗဟိဒ္ဓသြဇာ အဲဒီနှစ်ခု ပေါင်းစပ်လိုက်တဲ့ အခါကျတော့မှ
 ခန္ဓာကိုယ်ရဲ့ လိုအပ်ချက်ကို ဖြည့်ဆည်းပေးနိုင်ပါတယ်။
         ဒါကြောင့်မို့ အပြင်အစားအစာလည်း လိုအပ်ပါတယ်။ အတွင်းက ကျန်းမာရေး အခြေအ
နေ ကောင်းဖို့လည်း လိုအပ်ပါတယ်။ ကျန်းမာရေး မကောင်းတဲ့ ပုဂ္ဂိုလ်ကို ဘယ်လောက် အစာ
ကျွေးနေနေ တိုးတက်ကောင်းမွန်လာမှာ မဟုတ်ပါ။ ထို့အတူပဲ အပြင်ဘက်က မိတ်ကောင်းဆွေ
ကောင်း ကိုယ်ကိုယ်တိုင်ကလည်း မှန်ကန်တဲ့ နှလုံးသွင်းတရားရှိပါက လောက၊ သံသရာနှစ်ဖြာ
ကြီးပွားတိုးတက်အောင်မြင်ပါမယ်။ ဖြစ်ကြောင်း သိရှိနားလည်ကြပြီး မိမိကိုယ်တိုင်ကလည်း
အများရဲ့ မိတ်ကောင်းဆွေကောင်း ဖြစ်အောင် ကြိုးစားကြဖို့၊ မိမိတို့ ပေါင်းသင်းတဲ့ ပုဂ္ဂိုလ်တွေ
ကလည်း တကယ့်မိတ်ကောင်းဆွေကောင်းတွေဖြစ်ဖို့ အာရုံထားပြီး ကျင့်ကြံကြိုးကုတ် အားထုတ်
နိုင်ကြပါစေ ကုန်သတည်း။
 { ကောဇာသက္ကရာဇ် ၁၃၇၁ ခုနှစ်၊ တန်ဆောင်မုန်းလဆန်း ၅ ရက်၊ လှိုင်မြို့နယ်၊ တိုင်းရင်း 
 သားများ ဖွံ့ဖြိုးရေး ပရဟိတကျားကျောင်း၌ အဂ္ဂမဟာပဏ္ဍိတ ဒေါက်တာအရှင်နန္ဒမာလာဘိ
   ၀ံသ၏ မိတ်ကောင်းဆွေကောင်း တရားဒေသနာတော်မှ ကောက်နုတ်ရေးသားပါသည်။ }
   ဦးသိန်းဝေ။
       http://www.facebook.com/damanadi.tk
 http://www.facebook.com/damanady.tk
   http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။
----------------------------------------------------------------------
      “အဓိဌာန်”
     ========
ငါ့တွက်များမြောက်  ချမ်းသာရောက်ဖို့
ခုလောက်ကြိုးကုတ်  အားမထုတ်ဘူး
ဗုဒ္ဓ မြတ်စွာ   သာသနာ၏
ရှည်စွာအဓွန့်   ရောင်လျံကွန့်ဖို့
စွန့်စွန့် စားစား   ငါကြိုးစားသည်
စိတ်ထား  ငါ့မှာ  အမြဲတည်း။ ။
(ဆရာတော် အရှင်ဇနကာဘိဝံသ)

Posted by ဦးသိန်းဝေ at 10:00 AM