အမှတ်စဉ်(၅၃){လောဘမူလစိတ် ၈-မျိုးဖြစ်ပုံ၊ ဒေါသ၊ ဒေါသမီး၊ မြွေဟောက်လို၊ အပြစ်ကြီးပေမယ့်၊ ဒေါသရဲ့ အပြစ်၊ ဒေါသမူစိတ် ၂-မျိုးဖြစ်ပုံ}

လောဘမူလစိတ် ၈-မျိုးဖြစ်ပုံ

ဒီ လောဘလေးဟာ စိတ် ၈-မျိုးမှာ ယှဉ်တယ်၊ လောဘအခြေခံတဲ့စိတ်က ၈-ခု ရှိတယ်၊ သို့သော် အခြေအနေလေးတွေက တစ်ခါတစ်ခါ မတူတက်တာရှိလို့ ၈-မျိုး ခွဲလိုက်တာ၊ လောဘနဲ့ ယှဉ်တဲ့ စိတ်ကို ၈-မျိုးခွဲတာ စိတ်ပိုင်းတုန်းက မပြောခဲ့ဘူး၊  အခု သိသာရုံလေး ပြောမယ်။

တစ်ခါတစ်ရံ လောဘဖြစ်တာဟာ အယူအဆ မှားတာလေးကို အခြေခံပြီး ဖြစ်တာရှိတယ်၊ အယူအဆ မှားတာကို အခြေမခံဘဲနဲ့ ဖြစ်တာရှိတယ်၊ စာလိုပြောရင် ‘ဒိဋ္ဌိဂတသမ္ပယုတ် နဲ့ ဒိဋ္ဌိဂတဝိပ္ပယုတ်’ ပေါ့၊ အမှားကို အခြေခံတာနဲ့ အမှားကို အခြေခံတာ မဟုတ်ဘူးဆိုတဲ့ ၂-မျိုး ခွဲလိုက်မယ်။

အဲဒီ ၂-မျိုးမှာ ခံစားချက် ၂-မျိုးနဲ့ ထပ်ပြီးတော့ ပြောရင် လောဘဖြစ်တဲ့အခါ တစ်ခါတလေ ဝမ်းမြောက်ဝမ်းသာ ဖြစ်တယ်၊ ဥပမာ- လိုချင်စရာ အာရုံလေးက အသစ်အဆန်းလေး ဖြစ်လို့ရှိရင် ဝမ်းမြောက်ဝမ်းသာ လိုချင်တယ်၊ ရလာရင်လည်း သိပ်ဝမ်းသာတယ်၊ အဲဒါ ‘သောမနဿဝေဒနာ’ လို့ခေါ်တယ်၊ အဲဒီလို မဟုတ်ဘဲ တွေ့နေအခါကျတော့, ရိုးနေပြီဆိုတဲ့ အခါကျတော့ ဝမ်းသာသေးလား၊ မသာတော့ဘူး၊ သိပ်မသာဘူး၊ ဝမ်းနည်းတဲ့ အဆင့်လည်း မဟုတ်ဘူး၊ သိပ်မသာတော့ဘူးဆိုတော့ ဝမ်းသာမှုလျော့ကျသွားတာ၊ အဲဒါကို ‘ဥပေက္ခာဝေဒနာ’ လို့ခေါ်တယ်၊ 

ဝမ်းသာနေတာက သောမနဿဝေဒနာ၊ ဝမ်းသာမှု လျော့ကျသွားတာက ဥက္ခောဝေဒနာဆိုတဲ့ ခံစားချက် အတွေ့အကြုံ ၂-ခုနဲ့ မြှောက်လိုက်၊ ခုနက ၂-ခုကို ၂-ခုနဲ့ မြှောက်တဲ့အခါကျတော့ လောဘမူလစိတ် ၄-ခု ဖြစ်သွားတယ်။

တစ်ခါတစ်ရံကျတော့ လိုချင်စိတ်သည် တိုက်တွန်း မနေရအောင် ထက်မြက်တယ်၊ တစ်ခါတစ်ရံကျတော့ တုံ့ဆိုင်းတုံ့ဆိုင်းဖြစ်တယ်၊ အဲလို ထက်မြက်တာရယ်၊  တုံ့ဆိုင်းတုံ့ဆိုင်း ဖြစ်တာရယ် ၂-ခုနဲ့ ခုနက ၄-ခုကို မြှောက်လိုက်လို့ရှိရင် (လောဘမူလစိတ်) လောဘအခြေခံတဲ့စိတ် ၈-ခုကို ရတယ်၊ အခြေခံအားဖြင့် ဒီလို ၈-မျိုး ကွဲလာနိုင်တယ်လို့ ပြောတာနော်။

 ဒီ ၈-မျိုးတင် မကဘူး၊ မြင်တဲ့အာရုံမှာ ၈-မျိုး၊ ကြားတဲ့အသံပေါ်မှာလည်း ဒီလို ၈-မျိုး ဖြစ်နိုင်တယ်၊ နံတဲ့ အနံ့ပေါ်မှာ၊ ရှူရတဲ့ အနံ့ပေါ်မှာ ၈-မျိုး ဖြစ်နိုင်တယ်ဆိုတော့ အာရုံ ၆-ပါးနဲ့ မြှောက်လိုက်မယ်ဆိုရင် လောဘမူစိတ်တွေ အများကြီးဖြစ်သွားမယ်၊ 

မိမိသန္တာန်မှာ ဖြစ်တဲ့ လောဘ၊ သူတပါးသန္တာန် မှာဖြစ်တဲ့ လောဘ၊ အဲဒီလို စိတ်တွေခွဲလိုက်ရင် အများကြီး၊ မနေ့တုန်းက လောဘ၊ ဒီကနေ့ လောဘ၊ မနက်ဖြန် လောဘလို့ ခွဲလို့ ရသေးတယ်၊ အဲလို မြှောက်ပွားလိုက်မယ်ရှိရင် လောဘမူစိတ်တွေ မြောက်မြားစွာ ဖြစ်နိုင်တယ်။

ဒေါသ

နောက်တစ်ခုက ‘ဒေါသ’ တဲ့၊ ဒေါသဆိုတဲ့ စကားလုံးဟာ နားယဉ်နေတဲ့, အားလုံးနဲ့ ရင်းနှီးနေတဲ့ စကားလုံးပဲ၊ ဒေါသဆိုတာ ငြိမ်းချမ်းနေတဲ့, ရွှင်ပျနေတဲ့ စိတ်အခြေအနေတစ်ခုကို ဖျက်ဆီးပစ်ခြင်းလို့ အဓိပ္ပါယ်ရတယ်၊ ဒုဿတိ -ဖျက်ဆီးတက်တယ်၊ စိတ်ဆိုးပြီး ဆိုလို့ရှိရင် ရုပ်ရော စိတ်ရော ပုံပျက်သွားတာပဲ၊ စိတ်ပျက်တာတော့ အကုန် မြင်ချင်မှ မြင်ရမှာ၊ လူတွေက ပြောတယ်၊ စိတ်ပျက်လိုက်တာ၊ စိတ်ပျက်လိုက်တာနဲ့ ပြောတယ်၊ ရုပ်ပျက်တာကတော့ သိသာတယ်၊  စိတ်ဆိုးနေတဲ့မျက်နှာကြီးကို မှန်ထဲ ကြည့်လိုက်မယ်ဆိုရင် ကိုယ့်ဘာသာ ကိုယ်တောင် လန့်ကောင်းလန့်မယ်၊ ရုပ်ပျက်တာတော့ သေချာတယ်နော်။  ဒါကြောင့်မို့ ဖျက်ဆီးတက်လို့ ‘ဒေါသ’ လို့ ခေါ်တာ၊ ပင်ကိုယ် အခြေအနေလေးတွေ ပျက်စီးသွားတယ်၊ ဘယ်သူက ဖျက်ဆီး၊ ဒေါသက ဖျက်ဆီးတယ်။

ဒေါသမီး

           ဒေါသက သူဖြစ်နေတဲ့ နေရာကို လောင်ကျွမ်း ပျက်စီးစေတယ်၊ ဘာနဲ့ ဥပမာတူတုန်းဆို တောမီးနဲ့ တူတယ်တဲ့၊ ကြည့်လေ သစ်ပင်တွေပေါ် စွဲတဲ့မီးသည် ဘယ်သူ့ကို ဖျက်ဆီးတာတုံး၊ တောတွေကိုပဲ ဖျက်ဆီးတာပဲ မဟုတ်လား၊ ထင်းလောင်တဲ့မီးသည် ထင်းကို ဖျက်ဆီးပစ်တယ်၊ စိတ်ကိုမှီပြီး ဖြစ်တဲ့ ဒေါသသည် စိတ်ကို ဖျက်ဆီးပစ်လိုက်တာပဲ၊ ဒါကြောင့် ဒေါသကို ဒါဝဂ္ဂိဝိယ- တော်မီးလိုပဲတဲ့၊ ဒီလိုခေါ်တာ။
  
မြွေဟောက်လို

ဒေါသဆိုတာ ကြမ်းတမ်းတဲ့ သဘောရှိတယ်၊ ဒါကြောင့်မို့ မြွေဟောက်ကို တုတ်နဲ့ ရိုက်လိုက်တယ်ဆို ရှူးခနဲ ခေါင်းကြီးထောင်မလာဘူးလား။ အဲဒီလိုမျိုးပဲတဲ့၊ ဒေါသက အဲဒီလို စိတ်ထဲမှာ ပြင်းထန်တဲ့, ကြမ်းတမ်းတဲ့ သဘာဝတွေ ပေါ်လွင် ထင်ရှား လာစေတက်တယ်။

အပြစ်ကြီးပေမယ့်

အဲဒီ ဒေါသဟာ အပြစ်ကြီးတယ်တဲ့၊ မဟာသာဝဇ္ဇော- အပြစ်ကြီးတယ်၊ သို့သော် ခိပ္ပဝိရာဂီ - ပြေလွယ်တယ်လို့ မြတ်စွာဘုရားက ဟောတော်မူတယ်၊ ခုန လောဘက ပြေခဲတယ်၊ အပြစ်နည်းတယ်၊ ဒေါသလောက် အပြစ်မကြီးဘူး၊ ဒေါသကျတော့ အပြစ်ကြီးတယ်၊ ရာဇဝတ်မှု ကျူးလွန်တာပဲဖြစ်ဖြစ် သတ်မှု၊ ဖြတ်မှု၊ ဒုစရိုက်မှု ကျူးလွန်တာပဲဖြစ်ဖြစ် ကျူးလွန်လို့ ဒေါသအလျောက် ကျူးလွန်လိုက်ရင် နောက်ဆုံး အပါယ်ငရဲထိအောင် ကျသွားတယ်၊ ဒေါသက ပိုပြီး ကြမ်းတယ်၊ ကြမ်းတမ်းသည့် အတွက်ကြောင့် သူ့ရဲ့ဒဏ်က ပိုပြင်းထန်တယ်လို့ ပြောတာ။

ဒေါသရဲ့ အပြစ်

 ဒီ ဒေါသက ပြေတော့ ပြေလွယ်တယ်၊ ဒါပေမယ့် ဒီ ဒေါသကြောင့် ကျူးလွန်မိတာတွေထဲမှာ အမေသတ်မိတာ ရှိတယ်၊ အဖေသတ်မိတာတွေရှိတယ်၊ ဟော ဒေါသအလျောက် အနန္တရိယကံတွေကို ကျူးလွန်မိတာတွေ  ရှိတယ်၊ ကိုယ့်ကိုယ်ကိုလည်း ဖျက်ဆီး တက်တယ်၊ ဒေါသက ကိုယ့်ကိုယ်ကို သတ်သေတဲ့ suicide လုပ်တယ်ဆိုတာ ဒေါသကြောင့်ပဲ၊ လောကကြီးကို မကျေမနပ်ဖြစ်ပြီးတော့ ကိုယ့်ကိုယ်ကို မုန်းတီးပြီး ကိုယ့်ကိုယ်ကို သတ်သေတာတွေ ကမ္ဘာမှာ တော်တော်များတာပဲ၊ ခုလည်း ရှိတာပဲ၊ အဲဒါ ဒေါသကြောင့် ဖြစ်တာနော်။

တစ်ယောက်နဲ့ တစ်ယောက် မတည့်လို့ ရန်ဖြစ်တာ၊ လောကဘကြီးမှာ ကြည့်လေ၊ မတည့်လို့ ရန်ဖြစ်ကြ၊ ရိုက်ကြ၊ နှက်ကြ၊ နေ့စဉ်နှင့်အမျှ ရှိနေတာ၊ ဒါ ဒေါသရဲ့အပြစ်တွေချည်းပဲပေါ့၊ ဒေါသေ ရှိနေသေးသမျှ မုန်းတီးတဲ့ အတွေးတွေ၊ မုန်းတီးတဲ့ အပြောတွေ၊ မုန်းတီးတဲ့ ပြုမူချက်တွေဟာ ရှိနေဦးမှာပဲ၊ ဒေါသပျောက်သွားတာနဲ့ တပြိုင်နက် အဲဒါတွေ အကုန်လုံး မရှိတော့ဘူး၊ ဒါ ဟေတုပစ္စယော ရှုထောင့်က ပြောတာနော်။

 ဒေါသမူစိတ် ၂-မျိုး ဖြစ်ပုံ

ဒေါသက စိတ်နဲ့ယှဉ်တဲ့အခါ ဒေါသမူစိတ် ၂-ခု၊ သူရဲ့ ခံစားချက်က ဝမ်းနည်းမှုပဲ၊ အမြဲတမ်း စိတ်ထဲ မကျေမနပ်ဖြစ်မှု ဆိုတဲ့ ခံစားချက်တစ်ခုပဲရှိတယ်၊  သူကျတော့ ဘာနဲ့ခွဲလဲဆိုရင် စိတ်ဆိုးတာဟာ ဝုန်းဒိုင်းနဲ့ဆိုးတာ ရှိသလိုပဲ၊ တဖြည်းဖြည်းနဲ့ တွေးပြီးတော့ ဆိုးတာလည်းရှိတယ်၊  စိတ်ဆိုးတာလည်း နှစ်မျိုးရှိတယ်၊ ခံစားချက်ကတော့ အတူတူပဲ၊ တစ်ခါတစ်လေကျတော့ တစိမ့်စိမ့် တွေးရင်းကနေ ဒေါသက ပေါက်ကွဲလာတာ အစပထမကတော့ သူ့ဆဲသွားတာ ဒေါသဖြစ်ရမှန်းမသိဘူး၊ နောက်ကျတော့ မှ ဒီကောင် ငါ့ဆဲတာ ထင်ပါရဲ့၊ ငါ့ဆဲတာ ထင်ပါရဲ့ ဆိုပြီးတော့ တွေးရင်းတွေးရင်းနဲ့ ပေါက်ကွဲတာ၊

 ဟောဒီလို သူက အခြေအနေ နှစ်ခုရှိတယ်၊ ‘အင်္သါရိက’ ပေါ့၊ တဖြည်းဖြည်းတွေးပြီးတော့ ပေါက်ကွဲလာရင်တော့ ‘သသင်္ခါရိက’ လို့ ဒီလို ခွဲတယ်၊ အဲဒါကြောင့်မို့ ဒေါသမူစိတ်ဆိုတာ နှစ်မျိုးပဲ ရှိတယ်။

 ** ဆက်ရန် **  {မောဟ၊ အကုသိုလ်ဖြစ်တိုင်း၊ လောဘ ဒေါသ မောဟတို့ရဲ့ ဖြေဆေး၊ အဟိရိက၊ အနောတ္တပ္ပ၊ ဥဒ္ဓစ္စ၊ ဒိဋ္ဌိ}

*ကောက်နှုတ်ချက်* အဂ္ဂမဟာပဏ္ဍိတ အရှင်နန္ဒမာလာဘိဝံသ (Ph.D)
အဘိဓမ္မာ မြတ်ဒေသနာ (ပထမတွဲ) (စာ၂၆၉-၂၇၄)  မှ ကောက်နှုတ်ရေးသား ပူဇော်ပါသည်။

တင်ပြသူ Yanan Sanein အချိန် 2:40 PM