အမှတ်စဉ်(၃၉) {စိတ်ကရှေ့ဆောင်၊ အစဉ်၂-မျိုး၊စိတ်အစဉ်ပြတ်တဲ့အခါ၊စိတ်မဲ့ဘ၀၊ နိရောဓသမာပတ် ၀င်စားသူ}

အခန်း(၄) 

စိတ်ကိုလေ့လာသုံးသပ်ခြင်း

ရုပ်အကြောင်းကို လေ့လာခဲ့ကြပြီးနောက်မှာ စိတ်နှင့် စေတသိက်ကို ဖွဲ့စည်းထားတဲ့ နာမ်အကြောင်းကိုလည်း လေ့လာခဲ့ကြပြီးပြီ၊ နာမ်တရားတွေထဲက စိတ်ကို သီးသန့်ထုတ်နှုတ်ပြီး လေ့လာကြည့်ရအောင်၊ စိတ်အကြောင်းကို ပြောရမယ်ဆိုလို့ရှိရင် စေတသိက်ကလည်းပဲ ပါလာတယ်၊ ထို စေတသိက်အကြောင်းကို နောက်ရက်များမှာ သီးသန့်ပြောမှာ ဖြစ်ပါတယ်၊ ဒီကနေ့ စိတ်ကလေးကိုပဲ သီးသန့် လေ့လာသုံးသပ် ကြည့်ကြရအောင်။

 ဒီကနေ့ပြောမယ့် စိတ်ဆိုတဲ့ထဲမှာ စေတသိက်တွေ မပါသေးဘူးလို့ မှတ်ရမယ်၊ လူတွေ ပြောနေကြတဲ့ စိတ်ဆိုတဲ့ အထဲမှတော့ စိတ်ရော၊ စေတသိက်ရော နှစ်မျိုးလုံးပါတယ်၊ “စိတ်မချမ်းသာဘူး” လို့ ပြောတဲ့စကား စိတ်သက်သက်က ချမ်းသာတယ် မချမ်းသာဘူးဆိုတာ မရှိဘူး၊ စေတသိက်နဲ့ တွဲမှ စိတ်ချမ်းသာတယ် စိတ်မချမ်းသာဘူးလို့ ပြောလို့ရတာ၊ စိတ်ပျော်တယ်၊ စိတ်မပျော်ဘူး၊ ပျော်တဲ့စိတ်၊ မပျော်တဲ့စိတ်ဆိုတဲ့ အဲဒီ စကားဟာလည်း စိတ်သက်သက်ရဲ့ သဘာဝကပျော်တာလည်း မရှိဘူး၊ မပျော်တာလည်း မရှိဘူး၊ စေတသိက်နဲ့ တွဲတဲ့အခါကျမှ ပျော်တယ်၊ မပျော်ဘူးဆိုတာ ဖြစ်တယ် လို့ ဒီလိုမှတ်ရမယ်။

စိတ်ကရှေ့ဆောင်

ဒီကနေ့ စိတ်တစ်ခုတည်း အကြောင်းကို ပြောရအောင်၊ စိတ်ဆိုတဲ့ သဘာဝတရားလေးဟာ နာမ်ထဲမှာတော့ သူက မူလပဓာန အဓိကကျတယ်၊ စေတသိက်တွေရဲ့ ဦးဆောင်ဦးရွက် ဖြစ်တယ်၊ ဒါကြောင့် သုတ္တန်ပါဠိတော်တွေနဲ့ ဓမ္မပဒဂါထာမှာ “မနော ပုဗ္ဗင်္ဂမာ” ခံစားမှု မှတ်သားမှု စေ့ဆော်မှုဆိုတဲ့ သဘာဝ တရားတွေကို စိတ်ဟာ ရှေ့ဆောင်နေပါတယ်လို့ ဗုဒ္ဓမြတ်စွာက ဒီလိုဟောတယ်၊ စိတ်က ရှေ့ဆောင်နေတယ်ဆိုတာ စိတ်ဖြစ်မှ စေတသိက်တွေ ဖြစ်နိုင်တာ၊ စိတ်နဲ့စေတသိက် အတူတူပဲ ဖြစ်ကြတယ်၊ အတူကွ ချုပ်ကြတယ်၊ အာရုံတစ်ခုတည်းကိုပဲ အာရုံပြုကြတယ်၊ မှီရာဝတ္ထုကလည်း တစ်ခုတည်းပဲတဲ့။

ဆိုလိုတာက စိတ်နဲ့ စေတသိက်ဟာ တစ်ခုအနေနဲ့ ဖွဲ့စည်းထားတယ်၊ ဆိုပါစို့-ရုပ်ဆိုတာဟာလည်း တစ်ခုတည်းမှာ ရုပ်ရှစ်ခုအပေါင်း၊ ကိုးခုအပေါင်း၊ ဆယ်ခုအပေါင်းဆိုသလိုပဲ စိတ်မှာလည်း အနည်းဆုံး ရှစ်ခုပေါင်းထားတယ်၊ စေတသိက် ခုနှစ်ခုနဲ့ စိတ်တစ်ခု၊ ဖြစ်စဉ်မှာ အဲဒီလို သွားမယ်။

ယနေ့ စိတ်အကြောင်းကို ပြောမယ်၊ စိတ်ကို ခွဲခြမ်းစိတ်ဖြာ လိုက်တဲ့အခါ အဘိဓမ္မာတရားတော်အရ စိတ်ဟာ ၈၉-မျိုး ရှိတယ်၊ ၈၉-မျိုးဆိုတာ ရှိနိုင်တာကိုပြောတာ၊ လူတွေရဲ့ နေ့စဉ် ဘ၀မှာ ရှိနေတာကို ပြောတာမဟုတ်ဘူး၊ ဘုန်းကြီးတို့ နေ့စဉ်ဘ၀မှာ ဆိုရင် စိတ် ၈၉-မျိုးလုံး မဖြစ်ဘူး၊ လူတိုင်းမှာလည်း စိတ်၈၉-မျိုး မဖြစ်ဘူး၊  ၈၉-ဆိုတာ မွေးရာပါ မဟုတ်ဘူး၊ အဲဒီ ၈၉-ကို စိတ်တစ်ခုယုတ် (၉၀)လို့ခေါ်တယ်၊ တစ်ခုလျော့နေတဲ့(၉၀)၊ ဈာန်တရားတွေနဲ့ မြှောက်ပွားလိုက်တဲ့အခါကျတော့ လောကုတ္တရာ စိတ်ဟာ အကျယ်ဖြစ်တာမို့ (၁၂၁)၊ အဘိဓမ္မာသင်ဘူးသူတိုင်း ရှေးဦးစွာ “စိတ်အကျဉ်း ၈၉-၊ စိတ်အကျယ်-၁၂၁” ဆိုတာ ကြားဖူးနားဝ ရှိနေကြပြီးသားပါ။

 အစဉ် ၂-မျိုး

                   သို့သော် ဒီကနေ့ စိတ်အကြောင်း ရှင်းပြတဲ့အခါ အဘိဓမ္မတ္ထသင်္ဂဟကျမ်းလာ စိတ်ပိုင်းမှာ ပြဆိုထားတဲ့အစဉ်နဲ့ မဟုတ်ဘဲ လူတွေရဲ့ သန္တာန်မှာ ဖြစ်တဲ့ဖြစ်စဉ်နဲ့ ပြောပါတယ်၊ ကျမ်းစာထဲမှာ ကတော့ မှတ်တမ်းတင်ထားတဲ့အနေနဲ့ စုံစုံစေ့စေ့ ရေးသားထားတယ်၊ ကျမ်းစာထဲမှာ ပြထားတဲ့အစဉ်နဲ့  လူတွေ သန္တာန်မှာ ဖြစ်တဲ့အစဉ်က တစ်မျိုးစီ၊ ကျမ်းစာထဲကလာတဲ့ အစဉ်ကို ဟောပြောတဲ့အစဉ် “ဒေသနာက္ကမ” လို့ခေါ်တယ်၊ ဖြစ်စဉ် မဟုတ်ဘူး။

အစဉ်ဆိုတာ နှစ်မျိုးရှိတယ်၊ ဒေသနာက္ကမ ဟောပြောတဲ့အစဉ်နဲ့ ဥပ္ပတ္တိက္ကမ ဖြစ်စဉ်၊ ကျမ်းစာထဲမှာ ဖော်ပြထားတာက ဟောပြောတဲ့ အစဉ်အနေနဲ့သာ ဖော်ပြတာ၊ လူတွေရဲ့ သန္တာန်မှာ ဖြစ်ပေါ်တဲ့ ဖြစ်စဉ်နဲ့ ဖော်ပြတာ မဟုတ်ဘူး၊ အဲဒါကြောင့်မို့- လူတွေရဲ့ သန္တာန်မှာ စိတ်ဆိုတာ ဘယ်တုန်းကစပြီး ဖြစ်သလဲ။ ဒီဘ၀မှာ အစဆုံးစိတ်က ဘယ်စိတ်လဲ၊ ဘယ်စိတ်မှာ အဆုံးသတ်မလဲ၊ အဲဒီစိတ်ရဲ့ အမျိုးအစားက ဘာတွေလဲ၊ လူတွေမှာ အခြေခံစိတ် ဘယ်နှစ်ခု ရှိသလဲ၊ ဖြစ်ပေါ်လာတဲ့  စိတ်တွေ ဘယ်နှစ်ခု ရှိသလဲ ဆိုတာကို ဆိုင်ရာဆိုင်ရာ အကြောင်းလေးတွေကို ကြည့်ပြီး စိတ္တာနုပဿနာ သဘောမျိုး ကိုယ့်စိတ် ကလေးကို ကိုယ်သိသွားအောင် ဒီကနေ့ဟောမှာ ဖြစ်ပါတယ်။

စိတ်အစဉ်ပြတ်တဲ့အခါ

ဒါ မပြောခင် တစ်ခုမှတ်ထားဖို့က ဘ၀သံသရာမှာ စိတ်အစဉ်ဟာ ပြတ်တောက်သွားတယ်ဆိုတာ မရှိသလောက် ရှားတယ်၊ မရှိဘူးလို့ ပြောနိုင်တယ်၊  အကြာကြီး ပြတ်တောက်သွားတဲ့အခါ လုံးဝမရှိဘူးလားလို့ ပြောလို့ရှိရင် ပုဂ္ဂိုလ်နှစ်ဦးမှာတော့ ရှိနိုင်တယ်၊ စိတ်အစဉ် ပြတ်တောက်သွားတဲ့ ပုဂ္ဂိုလ်တွေက  သာမန်ပုဂ္ဂိုလ်အနေနဲ့ ပြေမယ်ဆိုရင် ဈာန်တရားကို အားထုတ်ပြီးတော့ စိတ်ကို မုန်းတီးပြီး(မုန်းတီးတယ်ဆိုတာ ဒေါသနဲ့ မုန်းတာ မဟုတ်ဘူး၊ စိတ်ကို မလိုချင်တာ၊ စိတ်ရဲ့ အပြစ်တွေကို မြင်တာ) မလိုချင်တဲ့ ဈာန်ရတဲ့ ပုဂ္ဂိုလ်က တစ်ဦး။

ဆိုပါစို့၊ ဈာန်တရား အားထုတ်ပြီးတော့ သူက စတုတ္ထဈာန်ထိအောင် ရောက်သွားတယ်၊ အဲဒီ ရောက်သွားတဲ့ ပုဂ္ဂိုလ်ဟာ ( ပဉ္စကနည်းနဲ့ဆိုရင် ပဉ္စမဈာန်၊ ဈာန်လေးမျိုးနဲ့ ဆိုရင် စတုတ္ထဈာန်၊) စတုတ္ထဈာန် သို့မဟုတ် ပဉ္စမဈာန်ရသွားတဲ့ ပုဂ္ဂိုလ်က ဘယ်လိုတွေးလဲဆိုရင် စားချင်တာလည်း ဒီစိတ်ပဲ၊ အိပ်ချင်တာလည်း ဒီစိတ်ပဲ၊ စိတ်ကအိပ်ချင်လို့ လိုက်အိပ်နေရတယ်၊ စိတ်က စားချင်လို့ လိုက်စားနေရတယ်၊ စိတ်မရှိရင် သိပ်ကောင်းမှာပဲလို့ အတွေးဝင်သွားတယ်၊ သူ့ရဲ့ သမာဓိစွမ်းအားက အလွန်ကောင်းတယ်၊ သူ့ကုသိုလ်ကံက အလွန်ထက်တယ်၊ ဒီတော့ သူ့ရဲ့ စိတ်ဆန္ဒဟာ ပြည့်ဝတယ်နော်။ လိုတရတယ်ဆိုတာ အဲဒီမှာနော်၊ ဒီမှာ တကယ်ကို စိတ်ဖြစ်မလာရင် ကောင်းမှာပဲလို့ သူ ဆန္ဒပြုတယ်။

ဒီလိုစိတ်ရှိနေတဲ့ ဘ၀ကနေ သေးဆုံးသွားတဲ့အခါ အသညသတ္တခေါ်တဲ့ စိတ်မဲ့ သတ္တ၀ါ ဗြဟ္မာကြီးသွားဖြစ်တယ်၊ ဒီဘ၀က ထိုင်လျက်သေရင် ဟိုဘ၀မှာ  ထိုင်လျက်၊ ဒီဘ၀မှာ အိပ်လျက်သေရင် ဟိုဘ၀မှာ အိပ်လျက် ရုပ်တုကြီးလိုပဲ၊ ဘယ်လောက်ကြာသလဲ၊ ကမ္ဘာငါးရာ ကြာတယ်။ အသညသတ်ဘုံမှာ အဲဒီလို ဗြဟ္မမျိုး ဖြစ်နေရင်တော့ စိတ်ဟာ ပြတ်တောက်သွးတယ်လို့ ပြောရမယ်။

ပြတ်တောက်သွား တယ်ဆိုတာ ယာယီ ရပ်ဆိုင်းသွားတယ်လို့ ပြောရမယ်၊ ဘာဖြစ်လို့ ပြတ်တောက် သွားသလဲဆိုရင် (condition) စိတ်ဖြစ်စရာ အကြောင်းတရားတွေ ခေတ္တရပ်ဆိုင်းပစ်လိုက်လို့ပဲ၊ stop လုပ် ပစ်လိုက်တယ်တဲ့၊ ဒီအခါ စိတ်ကလေးရပ်သွားတယ်၊ ရုပ်တွေချည်းပဲ သွားဖြစ်တယ်၊ စိတ်ဖြစ်စရာ အကြောင်းမရှိတော့ စိတ်က ရပ်တယ်၊ ဒါပေမယ့် ဒီလို stop လုပ်တာ ထာဝရလားဆိုတော့ မဟုတ်ဘူး၊ အတိုင်းအတာတစ်ခုနဲ့ လုပ်တာ၊ ကမ္ဘာငါးရာ ပြည့်လို့ သက်တမ်းကုန်တာနဲ့ တစ်ပြိုင်တည်း ပြန်ပေါ်လာတာ၊ ဘာဖြစ်လိ့ ပြန်ပေါ်တာလဲ၊ အကြောင်းတရားက (condition) ပြန်ပေါ်လာလို့ ပြန်ပေါ်လာတာ၊ အဲဒီဘုံမှာ ရောက်နေတဲ့ ပုဂ္ဂိုလ်တွေောတ့ စိတ်အစဉ် ခေတ္တပြတ်တောက် သွားတယ်လို့တော့ ပြောလို့ရတယ်။

စိတ်မဲ့ဘ၀

ဒါကြောင့်မို့ ပုဗ္ဗေနိဝါသနုဿတိအဘိညာဉ် ၀င်စားတဲ့ ပုဂ္ဂိုလ်ဟာ ငါ ဘယ်ဝက လာတာပါလိမ့်ဆိုပြီး အတိတ်ဘ၀တွေကို ပြန်ပြီးတော့ ကြည့်တယ်၊ trace လုပ်ကြည့်တယ်၊ အတိတ်က ဘ၀တွေကို နောက်ကြောင်းပြန်ကြည့်လိုကတဲ့အခါ ဘ၀ပေါင်း မြောက်မြားစွာထဲမှာ ကွက်လပ်ကြီးဖြစ်သွားတဲ့ ဘ၀တစ်ခု သွားတွေ့တယ်၊ စိတ်လုံးဝ ရှာမတွေ့တော့တဲ့အခါ ဗုဒ္ဓရဲ့ အဆုံးအမ မရတဲ့ ပုဂ္ဂိုလ်တွေကျတော့ ဘယ်လိုတွေးမိလဲ ဆိုတော့ ငါက အဲဒီကျမှ သတ္တ၀ါရယ်လို့ဖြစ်တာ၊ ဟိုဘက်တုန်းက ငါက မရှိသေဘူး၊ ဒါ ငါ့ရဲ့ သံသရာအစပဲလို့ဆိုတဲ့ အယူဝါဒတစ်ခု ပေါ်သွားတယ်၊ ဘာဖြစ်လို့လဲဆိုရင် သူ့ကိုယ်သူ မဆုံးဖြတ်နိုင်ဘူး၊ ဒီကွက်လပ်ကြီးကို မြင်လိုက်တဲ့အခါ ငါ ဟိုဘ၀တုန်းက မရှိခဲ့ဘူး၊ နောက်မှ ငါဖြစ်တာ၊ တစ်ခုခုက ဖန်ဆင်းလို့ ငါဖြစ်လာတာပဲလို့ အတွေးတွေဝင်တယ်။

ဗုဒ္ဓမြတ်စွာ သာသနာတော်မှာ အသိဉာဏ်ရှိတဲ့ ပုဂ္ဂိုလ်တွေကတော့ “သြော် အသညသတ်ဘုံ ငါရောက်သွားတာပဲ ဖြစ်မယ်” လို့ ဒီလို တွက်နိုင်မယ်၊ အဲဒီလို တွက်ပြီး ဟိုဘက်ကို ဆက်စဉ်းစားလိုက်တော့ တစ်ခါ ဘ၀ကို ပြန်တွေ့တယ်၊ အဲဒါကို အသညသတ်ဘုံမှာ ရောက်နေတယ်လို့ ဗုဒ္ဓသာသနာမှာ အသိဉာဏ်ရှိတဲ့ ပုဂ္ဂိုလ်တွေက ဆုံးဖြတ်နိုင်မယ်၊ အခြားဘာသာမှာရှိတဲ့ ပုဂ္ဂိုလ်တွေကတော့ ဒါ မဆုံးဖြတ်နိုင်ဘူး၊ မိစ္ဆာအယူဝါဒ တစ်ခုကို ယူမိသွားတက်တယ်။

နိရောဓသမာပတ် ၀င်စားသူ

နောက်ပုဂ္ဂိုလ်တစ်ဦးက ဘယ်သူလဲဆိုရင် နိရောဓသမာပတ် ၀င်စားနိုင်တဲ့ အနာဂါမ်နဲ့ ရဟန္တာ၊ စိတ်ကို ခေတ္တခဏ ရပ်ဆိုင်းတဲ့ နိရောသမာပတ်ကို ၀င်စားလိုက်တဲ့အခါ (၇)ရက် လောက်စိတ်အစဉ်လေးဟာ ပြတ်တောက်သွားတယ်၊ သို့သော် (၇)ရက်ထက် ကျော်ပြီးတော့ ၀င်စားလေ့မရှိဘူး၊ ဘာဖြစ်လုိ့ဝင်စားလေ့ မရှိသလဲဆိုရင် လူတွေပြောလေ့ရှိကြတယ် မဟုတ်လား ၊ ထမင်းအသက် (၇)ရက် ဆိုတာလေ၊ သေတာ,မသေတာ အသာထား ထမင်းက ထိန်းနိုင်တဲ့ ရက်က (၇)ရက်ပဲ ရှိတယ်ပေါ့၊ (၇)ရက်ကျော်လို့ သေချင်မှတော့ သေမှာပေါ့လေ၊ သေတာကို ပြောတာမဟုတ်ဘူး၊ ခန္ဓာကိုယ်ကို ထိန်းသိမ်း စောင့်ရှောက်ထားနိုင်တဲ့ အစာအဟာရရဲ့ စွမ်းရည်သတ္တိ ကုန်သွားပြီလို့ ဆိုတယ်၊  ရှေ့ကို ဒီအာဟာရက ဆက်မထိန်းနိုင်တော့ဘူးလို့ ဆိုလိုတယ်၊ အဲဒီ ဆက်မထိန်းနိုင်တာကို ဆက်တိုးသွားရင် ကိုယ့်ကိုယ်ကို ညှဉ်းဆဲရာ ရောက်တယ်။

ဒါကြောင့်မို့ နိရောသမာပတ် ၀င်စားတဲ့အခါ (၇)ရက်ပဲ ၀င်စားလေ့ရှိတယ်၊ (၇)ရက်ထက် ပိုပြီးတော့ ၀င်စားလေ့ မရှိကြဘူး၊ စိတ်ကို  ခေတ္တခဏ ဖြတ်တောက်ထားလိုက်တာ၊ စိတ်ပိုင်းဆိုင်ရာတွေ အားလုံးကို ဖြတ်တောက်ထားလိုက်တာ၊ အဲဒီ အချိန်မှာ စိတ်တွေ၊ စေတသိတ်တွေ မပေါ်လာတော့ဘူး၊ စိတ်ကြောင့်ဖြစ်တဲ့ ရုပ်တရားတွေလည်း ရပ်ဆိုင်းသွားတယ်၊ ဘာပဲကျန်သလဲ ဆိုတော့ အတိတ်ဘ၀ ကံရဲ့စွမ်းအားတွေ၊ ကမ္မဇရုပ်တွေတော့ လည်ပတ်နေသေးတယ်၊ ဥတုရဲ့စွမ်းအားနဲ့ ဥတုဇ ရုပ်တွေလည်း လည်ပတ်နေသေးတယ်၊  မ၀င်စားခင်က စားထားတဲ့ အစာအဟာရရဲ့ စွမ်းအားကြောင့် အာဟာရဇရုပ်တွေတော့ ဖြစ်နေသေးတယ်၊ ဒီလို စိတ်ပြတ်တောက်ပုံ ပြတ်တောက်နည်း နှစ်ခုလို့ ပြောလို့ရတယ်၊ ဒီပြင်အချိန်မှာတော့ စိတ်ဟာ ပြတ်တောက်သွားတာ မရှိဘူး။

*ဆက်ရန်* အခန်း(၄) စိတ်ကိုလေ့လာသုံးသပ်ခြင်း မှ {အနမတဂ္ဂ၊ ပဋိသန္ဓေစိတ်၊ လူ့ပဋိသန္ဓေစိတ် ၂-မျိုး၊ မဟာဝိပါတ်စိတ် ၈-ခု၊ ဘုရားအလောင်းတို့ရဲ့ ပဋိသန္ဓေစိတ်၊ အသိဉာဏ် ပါ,မပါ} အား ဆက်လက်ရေးသား ပူဇော်ပါမည်။
 *ကောက်နှုတ်ချက်* အဂ္ဂမဟာပဏ္ဍိတ အရှင်နန္ဒမာလာဘိဝံသ (Ph.D)
အဘိဓမ္မာ မြတ်ဒေသနာ (ပထမတွဲ) (စာ ၁၈၃-၁၉၀)  မှ ကောက်နှုတ်ရေးသား ပူဇော်ပါသည်။

တင်ပြသူ Yanan Sanein အချိန် 10:24 PM