အမှတ်စဉ်(၄၀) {အနမတဂ္ဂ၊ ပဋိသန္ဓေစိတ်၊ လူ့ပဋိသန္ဓေစိတ် ၂-မျိုး၊ မဟာဝိပါတ်စိတ် ၈-ခု၊ ဘုရားအလောင်းတို့ရဲ့ ပဋိသန္ဓေစိတ်}

အနမတဂ္ဂ

သံသရာထဲမှ ရှေ့စိတ်ချုပ်ရင် နောက်စိတ်ဖြစ်တယ်၊ ဒီအတိုင်း သွားနေတာ၊ ဘ၀သံသရာဟာ ဘယ်က စ,ခဲ့တယ်လို့ ပြေလို့ မရအောင် အလွန်ရှည်ကြာတယ်၊ မြတ်စွာဘုရားရှင် ကိုယ်တော်မြတ်က ‘အနမတဂ္ဂေါ ယံ ဘိက္ခဝေ သံသရော’ တဲ့၊ ဖြစ်လိုက် အိုလိုက် နာလိုက် သေလိုက်ဆိုတဲ့ ဒီ ဖြစ်စဉ် ကြီးတစ်ခုလုံးဟာ အနမတဂ္ဂ လို့ ဟောတယ်။ အနု+ အမတ+ အဂ္ဂ၊ ဒီစကားလုံး သုံးလုံးကို ပေါင်းထားတာ အနု-အသိဉာဏ်ဖြင့် နောက်ကြောင်း ပြန်လိုက်တဲ့အခါ၊ အမတ-မသိနိုင်တဲ့၊ အဂ္ဂ-အစ၊ ဘယ်က စခဲ့တာလဲလို့ တွေးကြည့်ရင် ဘယ်တော့မှ အစကို မသိနိုင်ဘူးလို့ ပြောတာ။

နောက်တစ်နည်း “န+ အမတ+ အဂ္ဂ” အစကို မသိနိုင်ဘူး၊ မြတ်စွာဘုရား ဟောထားတဲ့ အနမတဂ္ဂဆိုတာ သံသရာ၏ အစဟာ မသိနိုင်ဘူး၊ ဘယ်လောက် ရှည်သလဲလို့ မေးရင် အလွန်ရှည်တယ်၊ အသိဉာဏ်နဲ့ နောက်ကြောင်းပြန်ပြီး လှည့်လိုက်လို့ရှိရင် အမတ-မသိနိုင်တဲ့၊ အဂ္ဂ-အစရှိတယ်၊ ဒါကို အနမတဂ္ဂလို့ခေါ်တာ။

မသိနိုင်ဘူးဆိုတာနဲ့ မရှိဘူးဆိုတာမတူဘူး၊ ဒါကိုလည်း သတိထား၊ မသိနိုင်ဘူး ပြောတာလား၊ မရှိဘူး ပြောတာလား၊ မသိနိုင်ဘူး ပြောတာ၊ ဒါတွေကို နောက်ကြောင်းပြန်ရှာ

နေရင် မဆုံးနိုင်တော့ဘူး ဆိုတာမျိုးလိုပဲ၊ ဘာဖြစ်လို့ မသိနိုင်သလဲ ဆိုရင် ရှည်ချင်တိုင်းရှည်လို့ မသိနိုင်တာ၊ အဲဒီ မသိနိုင်တဲ့စိတ် အစဉ်ကြီးဟာ တစ်ခုဖြစ်ပြီး တစ်ခုပျက်နဲ့ ဆုံးကို မဆုံးနိုင်တော့ဘူး၊ လူသားတွေအနေနဲ့ ပြောမယ်ဆိုရင် အရင်ဘ၀ရဲ့ နောက်ဆုံး စိတ်သည် စုတိစိတ်၊ ဒီလိုမှတ်ရမယ်၊ က ဒီဘ၀မှာ ဘယ်စိတ်က စလဲ။

ပဋိသန္ဓေစိတ်

ပဋိသန္ဓေစိတ်က စတယ်၊ လူသားတွေအတွက် ပဋိသန္ဓေစိတ်က ဘာစိတလည်းဆိုတော့ အကျိုးစိတ် ၀ိပါတ်စိတ်ဖြစ်တယ်၊ “၀ိ” ဆိုတာ မတူထားခြားတဲ့ သဘာဝလက္ခဏာချင်းကွဲပြာခြားနားတဲ့  ကုသိုလ်,အကုသိုလ်ရဲ့၊ ပါက-အကျိုးတရား၊ အဲဒါကို ဘာသာမပြန်ဘဲ ‘၀ိပါက်စိတ်’ လို့ ပြောလိုက်တယ်။

လူတွေရဲ့ သန္တာန်မှာ အကျိုးတရားဖြစ်တဲ့ ၀ိပါစိတ်တွေ ရှိတယ်၊ အကျိုးဆိုတာ ဘယ်သူ့ရဲ အကျိုးလည်းဆိုတော့ အတိတ်ဘ၀က ကံတစ်ခုရဲ့ အကျိုး၊ ကံပေါင်း မြောက်မြားစွာ ရှိတဲ့အထဲက  ကံတစ်ခုခုရဲ့ အကျိုး၊ အဲဒီအကျိုးအနေနဲ့ ဒီဘ၀မှာ ပထမဆုံး ပေါ်လာတဲ့ စိတ်ကလေးကို ပဋိသန္ဓေစိတ်လို့ ခေါ်တယ်။

လူ့ပဋိသန္ဓေစိတ် ၂-မျိုး

လူ့သားတွေရဲ့ ပဋိသန္ဓေစိတ်ကို အကျဉ်းအားဖြင့် နှစ်မျိုး ပြောရအောင်၊ အသိဉာဏ်ပါတဲ့ ပဋိသန္ဓေစိတ်နဲ့ အသိဉာဏ် မပါတဲ့ ပဋိသန္ဓေစိတ်။ စာပေလိုပြောရင် ‘ဉာဏသမ၌ယတ် ပဋိသန္ဓေစိတ်’၊ ‘ဉာဏ၀ိပ္ပယုတ် ပဋိသန္ဓေစိတ်’။

‘ဉာဏသမ္ပယုတ်’ ဆိုတာ အသိဉာဏ်ပါတဲ့ ပဋိသန္ဓေစိတ်၊ ‘ဉာဏ၀ိပ္ပယုတ်’ ဆိုတာ အသိဉာဏ်မပါတဲ့ ပဋိသန္ဓေစိတ်၊ အဲဒါကို အဘိဓမ္မာလေ့လာသူအနေနဲ့ ပြောမယ်ဆိုရင် မဟာဝိပါက်စိတ်(၈)ခုမှာ အသိဉာဏ်ပါတဲ့ ၀ိပါစိတ်က (၄)ခု၊ အသိဉာဏ်မပါတဲ့ ၀ိပါတ်စိတ်က (၄)ခု ပေါင်း(၈)ခု ဖြစ်တယ်၊ သာမန်လူသား တစ်ယေက်ဟာ အကြမ်းဖြင်းအားဖြင့် မဟာဝိပါတ်စိတ်(၈)ခု ထဲက တစ်ခုခုနဲ့ ပဋိသန္ဓေ နေတယ်လို့ ပြောရမယ်၊ လူစဉ်မမီတဲ့ လူတစ်ယောက်ရဲ ၀ိပါက်စိတ်ကို ပြောပါဆိုရင် “ကုသလ၀ိပါက် ဥပေက္ခာသန္တီရဏစိတ်” လို့ ခေါ်တယ်။ 

 စကားလုံးတွေက အဘိဓမ္မာ    စကားလုံးတွေ၊ ကြားဖူးနားဝ မရှိတဲ့သူတွေမှာ ပါဠိဘာသာနဲ့ ဝေးနေရင်တော့ နည်းနည်းလေး အခက်အခဲရှိချင်ရှိမယ်၊ သို့သော် နာမည်လေးတော့ မှတ်ထားပေါ့၊  ဥပေက္ခာသန္တီရဏ ကုသလ၀ိပါက်စိတ် လို့ခေါ်တယ်၊ ကုသလ၀ိပါတ်စိတ်ဆိုတာ ကုသိုလ်ရဲ့ အကျိုးဖြစ်တဲ့ ဥပေက္ခာ သန္တီရဏစိတ်ဖြစ်တယ်၊ အဲဒါ ဘယ်လိုပုဂ္ဂိုလ်တွေမှာ ဖြစ်သလဲဆိုရင် လူ့ဘ၀မှာ လူစဉ်မမီဘဲ ဖြစ်လာတယ်၊ သန္ဓေကပဲ မျက်စိ မပါတဲ့ ပုဂ္ဂိုလ်၊ ဆွံ့,အ,နားမကြား ဖြစ်လာတဲ့ ပုဂ္ဂိုလ်မျိုးတွေမှာ ဖြစ်တယ်ပေါ့။

တစ်ခါတစ်ရံ အမိဝမ်းထဲမှာ မျက်စိပါပြီးမှ ပျက်သွားတဲ့ ပုဂ္ဂိုလ်မျိုးလည်း ရှိသေးတယ်၊ နားကြားပြီးမှ တစ်ခုခုကြောင့် ပိုးကြောင့်ပဲဖြစ်ဖြစ် ဘာကြောင့်ပဲဖြစ်ဖြစ် နားပျစ်စီးသွားတဲ့ ပုဂ္ဂိုလ်မျိုး ရှိသေးတယ်၊ အဲဒါမျိုးကျတော့ ဒီ ပဋိသန္ဓေမျိုး မဟုတ်ဘူး၊  ခုန နားဖြစ်နိုင်လောက်အောင် မျက်စိ ပါလောက်အောင် ကုသိုလ်ကံက အားမကောင်းသည့် အတွက် ကုသိုလ်ကလည်း ခပ်ညံ့ညံ့၊ ဥပမာ ပဲပင်ကသီးတဲ့ ပဲစေ့လေးတွေဆိုပါတော့၊ ၊ အောင်တဲ့ အစေ့ရှိသလို မအောင်တဲ့ပဲစေ့လည်း ရှိပါတယ်၊ မျိုးစေ့တွေ လိုက်ကြည့်ရင် မအောင်လို့ရှိရင် ရှုံ့တုံ့တုံ့လေး ဖြစ်နေတယ်နော်၊ သို့မဟုတ် ပိုးကျနေတဲ့ ပဲစေ့လေးလည်း ဖြစ်နိုင်တယ်။

ကုသိုလ်ကံစွမ်းအား မကောင်းဘူးဆိုရင် ရလာတဲ့ အကျိုး ၀ိပါက်စိတ်က အောင်အောင်မြင်မြင် မဖြစ်ဘူး၊ မအောင်မြင်နိုင်ဘူး၊ မအောင်မြင်လျှင် ပီပီပြင်ပြင် ဖြစ်မလာဘူး၊ အောင်မြင်မှ ပီပြင်မယ်၊ လူချင်းတူပေမယ့်လို့ အသိဉာဏ်ပါတဲ့ သန္ဓေစိတ်က(၄)ခု၊ အသိဉာဏ်မပါတဲ့စိတ်က ဥပေက္ခာသန္တီရဏ ထည့်လိုက်ရင်(၅)ခု အားလုံး (၉)ခု ရှိတယ်လို့ မှတ်ထားပါ၊ သာမန် လူသားအနေနဲ့ ပြောမယ်ဆိုရင် မဟာဝိပါတ်စိတ် (၈)ခု အနေနဲ့ ပြောကြတာပေါ့၊ အသိဉာဏ်ပါတဲ့လူ၊ အသိဉာဏ်ပါတဲ့သူ၊ အသိဉာဏ်ပါတဲ့ထဲကမှ နံပါတ်(၁)လား၊ (၂)လား၊ (၃)လား (၄)လား ကွဲပြားသေးတယ်၊ စိတ်ရဲ့ စွမ်းအားတွေ တစ်ဦးနဲ့တစ်ဦး မတူကြဘူး။

မဟာဝိပါတ်စိတ် ၈-ခု

ပထမ သဘောပေါက်အောင် မဟာဝိပါတ်စိတ် (၈)ခု ဆိုတာကို ပြောကြည့်ရအောင်၊ မဟာဝိပါတ်(၈)ခုကို ဘယ်ပုံဘယ်နည်းနဲ့ ခွဲတာလည်းဆိုတာ အကြမ်းဖျင်း ရှင်းအောင် ပြောရမယ်ဆိုရင် အသိဉာဏ် ပါ,မပါ ဒီနှစ်ခုကို အရင် မှတ်ရမယ်၊ အဲဒီနှစ်ခုမှာ ခံစားချက်နဲ့ ထပ်ခွဲလိုက်၊ အသိဉာဏ် ပါတဲ့စိတ်မှာလည်း ဝမ်းသာတဲ့ခံစားချက်၊ ဝမ်းသာမှု မပီပြင်တဲ့ခံစားချက် ရှိတယ်၊ အသိဉာဏ် မပါတဲ့စိတ်မှာလည်း ဝမ်းသာတဲ့ခံစားချက်၊ ဝမ်းသာမှု မပီပြင်တဲ့ခံစားချက် ဆိုတာ ရှိတယ်၊  အသိဉာဏ်ပါ, မပါ၊ ဒီနှစ်ခုကို ဝမ်းသာမှု ထင်ရှား မထင်ရှား ဒီနှစ်ခုနဲ့ ထပ်ပြီးခွဲခြားလို့ ရတယ်။

စာလိုပြောရင် အသိဉာဏ်ပါတဲ့စိတ်ကို ဉာဏသမ္ပယုတ်စိတ်၊ အသိဉာဏ်မပါတဲ့စိတ်ကို ဉာဏဝိပ္ပယုတ်စိတ် လို့ခေါ်တယ်၊ သောမနဿ၊ ဥပေက္ခာ ဒီနှစ်ခုကို မြှောက်၊ (၂)ကို (၂)နဲ့ မြှောက်ရင် (၄)ရမယ်၊ တစ်ခါ ထပ်မှတ်လိုက်၊ ပင်ကိုယ်က စိတ်စွမ်းအား ထက်မြတ်မှု ရှိတာနဲ့ မရှိတာ၊ စိတ်စွမ်းအား ထက်မြတ်မှု ရှိတာကို အသင်္ခါရိကစိတ်၊ မရှိတာကို သသင်္ခါရိကစိတ်၊ဒီစိတ်နှစ်ခုနဲ့ ထပ်မြှောက်လိုက်မယ်၊ အဲဒါကို ‘မဟာ ဝိပါက်စိတ်(၈)ခု’ လို့ ခေါ်တယ်၊ အလွယ်နည်းနဲ့ မှတ်ထားဖို့ အခြေခံ အကြမ်းဖျင်း ခွဲခြားတာဖြစ်တယ်။

ဘုရားလောင်းတို့ရဲ့ ပဋိသန္ဓေစိတ်

စိတ်မှန်ရင် ခံစားချက်ရှိတာချည်းပဲ၊ ခံစားချက်ထင်ရှားတဲ့စိတ်၊ ခံစားချက် မထင်ရှားတဲ့စိတ် နှစ်ခုရှိတယ်၊ အခြေခံအားဖြင့် မြှောက်ပွားထားတာ ဘာဖြစ်လို့လဲဆိုတော့ စိတ်စွမ်းအားချင်း တစ်ခုနဲ့ တစ်ခု မတူဘူးလေ၊ နံပါတ်(၁) မဟာဝိပါတ်စိတ်က ခံစားမှုက ဝမ်းသာတယ်၊ အသိဉာဉ်ရှိတယ်၊ သိတ်ထက်မြက်တယ်၊ မြတ်စွာဘုရားအလောင်း  ပဋိသန္ဓေနေတာ အဲဒီ နံပါတ်(၁)စိတ်နဲ့နတာ၊ ဘုရားရဲ့ ပဋိသန္ဓေစိတ်က ဝမ်းသာတယ်၊ အသိဉာဏ်ရှိတယ်၊ ထက်မြက်တယ်၊ တိုက်တွန်း နှိုးဆော်နေရတာမဟုတ်ဘူး၊ ပင်ကိုယ် ထက်မြက်တယ်။

*ဆက်ရန်*  အခန်း(၄) စိတ်ကိုလေ့လာသုံးသပ်ခြင်း မှ {အသိဉာဏ် ပါ,မပါ၊ တိဟိတ်နှင့် ဒွိဟိတ်၊ သင်္ခါရပစ္စယာ ဝိညာဏံ၊ ပဋိသန္ဓေ, ဘဝင်, စုတိ တစ်ဘဝမှာတူ} အား ဆက်လက်ရေးသား ပူဇော်ပါမည်။

 *ကောက်နှုတ်ချက်* အဂ္ဂမဟာပဏ္ဍိတ အရှင်နန္ဒမာလာဘိဝံသ (Ph.D)
အဘိဓမ္မာ မြတ်ဒေသနာ (ပထမတွဲ) (စာ ၁၉၀-၁၉၅)  မှ ကောက်နှုတ်ရေးသား ပူဇော်ပါသည်။

တင်ပြသူ Yanan Sanein အချိန် 7:35 AM