အခန်း (၃)
နာမ်တရားကို လေ့လာသုံးသပ်ခြင်း
လူဆိုတာ
ရုပ်နာမ်နှစ်ရပ် ပေါင်းစပ်ထားတဲ့အရာ ဖြစ်တာမို့ ရုပ်ရဲ့ အကြောင်းကို လေ့လာ
သုံးသပ်ပြီးတဲ့နောကမှာ နာမ်လို့ခေါ်တဲ့ သဘာဝတရားကို လေ့လာသုံးသပ်ဖို့
လိုအပ်ပါတယ်။
နာမ်အဓိပ္ပါယ်
“နာမ်” ဆိုတဲ့ စကားလုံးဟာ ပါဠိ “နာမ” ဆိုတဲ့ျေဝါဟာရကို မြန်မာမှု ပြုထားတာဖြစ်တယ်၊ “အာရုံရှိရာသို့ ညွတ်ကိုင်းခြင်း”
လို့ အဓိပ္ပါယ်ရှိတယ်၊ အာရုံဘက်သို့ ဦးလှည့်ပြီး နောတက်တယ်၊ ဒါကြောင့်မို့
ဒီသဘာဝတရားကို နာမ-ဆိုတဲ့ အမည် ပညတ် တင်ပြီးတော့ ခေါ်ထားတာ။
နာမ-
“နာမ်” လို့ဆိုတဲ့ ဒီစကားလုံးကို အင်္ဂလိပ်လို ‘mind’လို့ပြန်ရင်
သာမာန်အားဖြင့် ခြုံငုံမိမယ်လို့ ဆိုနိုင်ပါတယ်၊ ရုပ်ခန္ဓာကိုယ်ကြီးကို
‘body’ လို့ ပြန်ပြီးတော့ အသိစိတ်ကို ‘mind’ လို့ ပြန်မယ်ဆိုလို့ရှိရင်
ဒီကနေ့ ခေတ်မှာ အသုံးပြုနေတဲ့ ‘Mind, body’ ဆိုတာ ခြုံငုံမိပြီတော့
သွားမယ်၊ သို့သော် Mind လို့ ဆိုတဲ့အရာကို ဗုဒ္ဓမြတ်စွာက စိတ်ရယ်,
စေတသိတ်ရယ်လို့ (၂)မျိုး ခွဲပြီး ဟောထားတယ်။
စိတ္တအဓိပ္ပါယ်
စိတ်ဆိုတာ
ပါဠိစကား ‘စိတ’္တ ဆိုတဲ့ စကားလုံးက ‘တ’ ၀မ်းကပူ တစ်လုံးကို ဖျောက်ပြီးတော့
‘စိတ်’ လို့ မြန်မာလူမျိးတွေက အသုံးပြုကြတယ်၊ ဘာသာမပြန်ဘဲနဲ့ ‘စိတ္တ-စိတ်’
လို့ ပါဠိ စကားလုံး ကိုပဲ မြန်မာမှု ပြုပြီးတော့ သုံးလာခဲ့တာ၊ ရှေးယခင်
ကတည်းက ရှေးမြန်မာလူကြီးတွေ အဘိဓမ္မာကို သင်ကြားတဲ့ အခါ စိတ္တ- စိတလို့ပဲ
လွယ်လွယ်ကူကူ တစ်လုံးတည်းနဲ့ မှတ်လို့လါယ်အောင် သုံးခဲ့ကြတယ်။
ဒီကနေ့ခေတ်
မြန်မာလူမျိုးတိုင်းဟာ စိတ်ဆိုတာကို သိနေကြပြီး မြန်မာစကားလုံး
လိုဖြစ်နေပြီ၊ သို့သော် စိတ်ဆိုတာ ပါဠိဝေါဟာရက လာသည့်အတွက် ပါဠိအဓိပ္ပါယ်
ဖွင့်ဆိုချက်နဲ့ပဲ မှတ်သားကြရမှာ ဖြစ်ပါတယ်။
ပါဠိအဓိပ္ပါယ် ဖွင့်ဆိုတာက ‘စိတ္တ’ ဆိုတဲ့ မူရင်းစကားလုံးကို “အာရမ္မဏံ စိန္တေတီတိ စိတ္တံ” အာရမ္မဏံ - အာရုံကို၊ စိန္တေတိ - ကြံစည်တက် သိတက်၏၊ ဣတိ တသ္မာ-ထို့ကြောင့်၊ စိတ္တံ-
စိတ္တမည်၏၊ အာရုံကို သိတက် ကြံစည်တက်သောကြောင့် စိတ်၊ ဆိုလိုတာက အာရုံကို
ရယူတက်တဲ့သဘောလေးကို ပြောတာ၊ ဒီတော့ စိတ်အကြောင်းကို သိချင်လို့ရှိရင်
အာရုံဆိုတာ ဘာလဲဆိုတာကို သိဖို့ လိုလာတယ်။
ဒါကို
မပြောခင် နာမ်အကြောင်းလေးတွေကို နည်းနည်းပြောမယ်၊ နညမ်သည် စိတ်ရယ်
စေတသိတ်ရယ် (၂)ခု ပေါင်းထားတာဖြစ်တယ်၊ စိတ်ဆိုတာ အာရုံကို သိတက်တဲ့သဘော၊
အာရုံကို ရယူတက်တဲ့သဘောကို စိတ်လို့ခေါ်တယ်။
စေတသိကအဓိပ္ပါယ်
ဒါဖြင့် စေတသိက်ဆိုတာကျတော့ ဘာကို ခေါ်တာတုံး လို့ဆိုတော့ “စေတသိ ဘ၀ံ စေတသိကံ”
စိတ်ထဲမှာ ဖြစ်ပေါ်လာတဲ့အရာကို ‘စေတသိက်’လို့ ခေါ်တယ်၊ စိတ်မပါဘဲနဲ့
စေတသိက်ဆိုတာ ဖြစ်လို့မရဘူး၊ ဒါကြောင့်မို့ ‘စေတသိ ဘ၀ံ စေတသိကံ’ စိတ်နဲ့
စပ်ပြီးမှာ ဖြစ်လို့ရတဲ့ သဘာဝတရားတွေ၊ အဲဒီ စိတ်,စေတသိက်(၂)ရပ်
ပေါင်းစပ်ပြီးတော့ ‘နာမ်’ ဆိုတဲ့ ဝေါဟာရကို သုံးတယ်။
အဲဒီ
စိတ်နဲ့ စေတသိက် အသေးစိတ်တွေကို ဘုန်းကြီးတို့ ခန္ဓာကိုယ်ထဲမှာ လေ့လာကြရမှာ
ဖြစ်ပါတယ်၊ အခုလို စိတ်၊ စေသသိက်(၂)ခုကို ပေါင်းပြီးတော့ ဒီကနေ့
နာမ်အကြောင်းကို လေ့လာတာဖြစ်တော့၊ နာမ်တရားတွေဟာ ဘယ်လိုဖြစ်လာကြတယ်၊
ဘယ်လိုပေါ်လာကြတယ်၊ ဘာကြောင့် ဖြစ်ပေါ်လာကြသလဲ ဆိုတာကို လေ့လာသိရှိဖို့
လိုအပ်တယ်။
ရုပ်အကြောင်းကို
မနေ့က လေ့လာခဲ့ပြီးပြီ၊ လူ့ဘ၀ ကာလလရေကြည် ကတည်းက စပြီးတော့ ရုပ်အပေါင်း
ဘယ်လောက်နဲ့ ဖွဲ့စည်ထားတယ်၊ လူသား ပီပီပြင်ပြင် ဖြစ်လာလို့ ဒီကနေ့
မိမိရရှိထားတဲ့ ခန္ဓာကိုယ်မှာ ဘာတွေနဲ့ ဖွဲ့စည်းထားသလဲဆိုတာ မနေ့က အသေးစိတ်
ပြောထားပြီးပြီ၊ ရုပ်အကြောင်း ကို ကြားပြီကြပြီ။
ဒီကနေ့
နာမ်ဆိုတာကို ခြုံငုံပြီးတော့ ပြောမယ်၊ နောက် လာမယ့် ရက်တွေကျရင်
စိတ်အကြောင်းတို့ စေတသိတ်အကြောင်းတို့ကို ပြောမယ်၊ အဲဒါတွေက ပိုပြီးတော့
အရေးကြီးတယ်၊ ဘာဖြစ်လို့တုန်းဆိုတော့ လူတွေဟာ နေ့စဉ် လှုပ်ရှားသွားလာ
ဆောင်ရွက်နေကြတဲ့အခါမှာ ဟောဒီ စိတ်စေတသိက်တွေရဲ့ ဖြစ်ပေါ်လာတဲ့
စွမ်းအားအတိုင်း လူတွေဟာ လှုပ်ရှား သွားလာနေကြတာဖြစ်လို့ သိဖို့
အရေးကြီးတယ်။
အပြစ်ကင်းတဲ့
သဘောလား၊ အပြစ်မကင်းတဲ့ သဘောလား၊ ကိုယ့်စိတ်ထဲမှာ ဖြစ်တာ ဒီအတိုင်းပဲ၊
ကောင်းတာ ဖြစ်သလို မကောင်းတာလည်း ဖြစ်တယ်ဆိုတာတွေကို အသေးစိတ်
လေ့လာဖို့လိုတယ်၊ ဒါဖြင့် မကောင်းတာတွေ ဖြစ်လာရင် ဘယ်လို တားဆီးရမလဲ၊
ကောင်းတာတွေ ဖြစ်လာရင် ထပ်ဖြစ်အောင် ဘယ်လို လုပ်ရမလဲဆိုတာ ဒါတွေဟာ သိပ်
သိထိုက်တယ်။
ဒီ
သဘာဝတရားတွေ အားလုံးကို အဘိဓမ္မာ (၇)ကျမ်းမျာ ဘုရားရှင် ဟောထားတယ်။
သို့သော် စာအုပ်ထဲက အရာကို တွေးပြီး ကြည့်ရမှာ မဟုတ်ဘူး၊ ကိုယ့်သန္တာန်မှာ
ရှိတာတွေကို သိရမှာ၊ ရှိနေတာနဲ့ ရှိနိုင်တာ ဒီနှစ်မျိုးတော့ ရှိတာပေါ့၊
ခန္ဓာကိုယ်ထဲမှာ ရှိနေတဲ့ အရာထက် ရှိနိုင်တာတွေကို မြတ်စွာဘုရားက
ခွဲပြီးတော့ ဟောကြားထားတယ်။
ဒီနာမ်တရားတွေကို
လေ့လာကြည့်လိုက်ရင် ဆိုလို့ရှိရင် ခန္ဓာကိုယ်ဟာ ရုပ်နာမ်(၂)ရပ်
ပေါင်းစပ်ထားတဲ့ အရာသာ ဖြစ်တယ်၊ ခန္ဓာငါးပါးနဲ့ ပြောမယ်ဆိုရင် ရူပက္ခန္ဓာ တဲ့၊
ရုပ်ခန္ဓာတွေ ဒီအကြောင်းကို (၂)ရက်တိတိ အကျဉ်းချုံးပြီးတော့ ဟောခဲ့တယ်နော်။
နာမက္ခန္ဓာ ၄-ပါး
အခု
နာမ်အကြောင်းကို ပြောချင်လို့ရှိရင် ခန္ဓာနဲ့ ပြောရမယ်၊ ခန္ဓာနဲ့
ပြောရမယ်ဆိုလို့ရှိရင် ဝေဒနာက္ခန္ဓာ၊ သညာက္ခန္ဓာ၊ သင်္ခါရက္ခန္ဓာ၊ ၀ိညာဏက္ခန္ဓာ ဒီ
ခန္ဓာလေးမျိုး အကြောင်းကို ဟောရမှာပဲ၊ အဲဒီ ခန္ဓာ(၄)မျိုးကို ပေါင်းစပ်ပြီး
အကျဉ်းချုပ် ခေါ်လိုက်ရင် နာမ်လို့ ခေါ်ရတယ်။
အဲဒီတော့
ခံစားတာလည်း နာမ်ပဲ၊ မှတ်သားတာလည်း နာမ်ပဲ၊ စိတ်ထဲမှာဖြစ်နေတဲ့
စိတ်ရဲ့ခံစားမှုတွေ၊ စိတ်ထဲက မှတ်သားမှုတွေ၊ စိတ်ထဲက လှုံဆော်မှုတွေ၊ စိတ်ထဲက
သိရှိနေမှုတွေ အားလုံးကို ခန္ဓာနဲ့ ပြောမယ်ဆိုရင် ဒီ(၄)မျိုးကို နာမ်လို့
ပြောရမယ်။
ဒါဖြင့်
ရုပ်ခန္ဓာကိုယ်ကြီး ရှိနေတာကိုတော့ လူတိုင်း သိနေကြပြီ၊ မိခင်ရဲ့
ဝမ်းတွင်းမှာ ကလလရေကြည်က စလာတဲ့ ဒီရုပ်တရားတွေဟာ ကိုယ့်သန္တာန်မှာ ဒီနေ့အထိ
ဆက်လက် ဖြစ်ပေါ်နေတယ်ဆိုတာ အားလုံး သိနိုင်ကြတယ်၊
တွေ့နိုင်ကြမြင်နိုင်ကြတယ်။
နာမ်ဖြစ်ပေါ်ပုံ
ဒီကနေ့
လေ့လာရမှာ နာမ်လို့ပြောတဲ့ စိတ်နဲ့ စေတသိက် ၂-ခု၊ ဒီနှစ်ခုကလည်းပဲ ခွဲလို့
မရအောင် တွဲနေတဲ့အရာနှစ်ခုပဲ၊ ဆိုင်ရာ ဆိုင်ရာ စိတ်တွေ ပေါ်တိုင်း
ပေါ်တိုင်း ဆိုင်ရာဆိုင်ရာ စေသိတ်တွေနဲ့ group လိုက်၊ အစုလိုက် ဖြစ်နေတာ၊
တစ်ခု တည်း ဘယ်တော့မှ မဖြစ်ဘူးနော်။
လူတွေက
စိတ်ဆိုးတယ်လို့ ပြောရင် စိတ်တစ်ခုတည်းလို့ ထင်တယ်၊ စိတ်တစ်ခုတည်း
မဟုတ်ဘူး၊ စိတ်ဆိုတယ် ဆိုတဲ့ အထဲမှာ သဘာဝတရားပေါင်း(၂၂)မျိုး ရှိနိုင်တယ်၊
စိတ်တစ်ခု တည်းနဲ့ စိတ်မဆိုးတက်ဘူး၊ အဲဒီ သဘာဝတရား (၂၂)မျိုးထဲက တစ်ခုကို
ခေါင်းတပ်ပြီးတော့ စိတ်ဆိုးတယ်လို့ ပြောတယ်၊ အဲဒီ ကိုယ့်သန္တာန်မှာ
သဘာဝတရားတွေကို သိရှိ နားလည်နိုင်အောင်၊ ဘယ်ပုံဖြစ်ပြီး၊ ဘယ်ပုံ အလုပ်လုပ်
နေကြသလဲ သိရမယ်၊ စုပေါင်းပြီး အလုပ်လုပ်တယ်ဆိုတာ အလွန်ထင်ရှားတယ်။
စိတ်လို့
ပြောရင်လည်း စေတသိက် ပါတယ်ဆိုတာကို နားလည်ထားရမယ်၊ စိတ်စေတသိက်
ခွဲခြားပြီး ပြောတဲ့အခါမှသာ စိတ်နဲ့စေတသိက် တစ်ခြားစီလို့ ဒီလိုမှတ်ရမယ်၊
လူတွေပြောနေတဲ့ “ငါ စိတ်ဆိုးတယ်၊ စိတ်မကောင်းဘူး၊ စိတ်ညစ်တယ်” လို့ပြောတာ
စေတသိက်တွေနဲ့ ပြေနေကြတာ။ ဒါကြောင့် စိတ်လိုပြောလိုက်ရင် စေတသိက်လည်းပါတယ်၊
တစ်ခါတစ်ခါ နာမ်လို့ပြောရင်လည်း စိတ်စေတသိက် နှစ်ခုပေါင်း ပြောတာ၊
စိတ်လို့ပြောရင်လည်း စိတ်စေတသိက် နှစ်ခုပေါင်းကို ပြောတယ်လို့
ဒီလိုမှတ်ရလိမ့်မယ်။
လမ်းလျှောက်တာကိုပဲ
ကြည့်၊ သဘာဝချင်း မတူတဲ့အရာတွေ နှစ်ခုပေါင်းပြီး အလုပ် လုပ်နေတယ်ဆိုတာကို
အကြမ်းဖျင်း အားဖြင့် ပြောလို့ရှိရင် သိနိုင်တယ်၊ လမ်းလျှောက်တယ် ဆိုတဲ့
အခါမှာ တစ်လှမ်းပြီး တစ်လှမ်း လျှောက်တာ ခြေထောက်က လျှောက်တာ မဟုတ်လား၊
ခြေထောက်တွေပဲ ရှိမယ်၊ မျက်စိတို့ ဘာတို့မပါဘူး၊ စိတ်တို့ ဘာတို့
မပါဘူးဆိုရင် ခြေထောက်ချည်းပဲ လျှောက်နိုင်ပါ့မလား၊ စိတ်က ကြံတွေ ပေးရတယ်၊
မျက်စိက လမ်းကို ကြည့်ပေးတယ်၊ အကြမ်းဖျင်း ပြောတာနော်၊ စိတ်က
ကြံတွေးပြီးတော့ သိနေတယ်၊ လျှောက်မယ့်လမ်းကို အရင်မျက်စိက ကြည့်ပေးတယ်၊
ခြေထောက်က လျှောက်တယ်၊ ခြေထောက်က ငါ လျှောက်နေတာ ပါလားလို့ မသိဘူး၊
မျက်စိကလည်း ငါလမ်းကို ကြည့်နေတာပါလားလို့ မသိဘူး၊ သိတာ က စိတ်ကလေးပဲ။
ဒါ
ပေါင်းစပ်ပြီး အလုပ် လုပ်နေတယ်ဆိုတဲ့ သဘောတရားကို ပြောတာ၊ စိတ်ချည်း
ရှိနေယုံနဲ့လည်း လမ်းလျှောက်လို့ မရဘူး၊ မျက်စိချည်း ရှိနရုံနဲလည်း
လမ်းလျှောက်လို့ မရဘူး၊ မျက်စိရဲ့ တာဝန်က ကြည့်ပေးရတဲ့ တာဝန်၊ ခြေထောက်ရဲ့
တာဝန်က တစ်လှမ်းချင်း တစ်လှမ်းချင်း လျှောက်ပေးရတဲ့ တာဝန်၊ ဒါဖြင့် ကျန်တဲ့
ခန္ဓာကိုယ်တွေက ဘာမှ မလုပ်ဘူးလား ဆိုတော့ သူတို့က balance ဖြစ်အောင်
ထိန်းပေးနေတာပေါ့၊ သူတို့ မပါဘဲနဲ့ ခြေထောက်ချည်းပဲ ရှိလို့မှ မဖြစ်တာကိုး၊
အဲဒီတော့လက်
ကလေးတွေက စပြီး ရှေ့ကို ရွေ့အောင်လို့ ဆိုပြီးတော့ လွှဲယမ်းပေးနေရတာ၊
ဒီခန္ဓာကိုယ်မှာ ရှိတဲ့ အစိတ်အပိုင်းတွေဟာ စုပေါင်းပြီးတော့
အလုပ်လုပ်နေကြတာ၊ မျက်စိက ကြည့်ရုံ ကြည့်နိုင်တာ၊ လမ်းလျှောက်နိုင်ဘူး၊
ခြေထောက်ကလည်း လမ်းပဲ လျှောက်နိုင်တာ မကြည့်နိုင်ဘူး၊
နှစ်ခုပေါင်းစပ်လိုက်တဲ့ အခါမှာ လမ်းလျှောက်မှုဆိုတာ ပေါ်လာတာ မဟုတ်လား။
တို့တစ်တွေရဲ့
ခန္ဓာကိုယ်ကြီးဟာ ရုပ်နဲနာမ် သဘာဝနှစ်ရပ် ပေါင်းစပ်ပြီး ဖြစ်ပေါ်လာတယ်ဆိုတဲ့
သဘောတရားကို သိဖို့လိုတာပေါ့၊ နာမ်ဆိုတာ ဘယ်လိုဖြစ်ပေါ်လာတာလဲ၊
ခန္ဓာကိုယ်ထဲမှာ ရှိနေတာလား၊ နှလုံးသားထဲမှာ အမြဲတမ်း ရှိနေတာလား၊ သို့မဟုတ်
ဦးနှောက်ထဲမှာ ရှိနေတာလားလို့ မေးစရာရှိတယ်၊ ဒီကနေ့ ပညရှင်လို့ ခေါ်ကြတဲ့
အချို့ ပါမောက္ခကြီးတွေက ဦးနှောက်ကိုပဲ စိတ်လို့ ခေါ်ကြတာတောင် ရှိတယ်။
စိတ်နဲ့ ဦးနှောက်
ဘုန်းကြီးတို့
ပြီးခဲ့တဲ့ မေလက ဂျာမနီနိုင်ငံနားက Austria ဆိုတဲ့နိုင်ငံ ရောက်ခဲ့တယ်၊
အဲဒီနိုင်ငံမှာ ဗီယင်နာ တက္ကသိုလ်ဆိုတာ ရှိတယ်၊ မြန်မာပြည်
မင်းတုန်းမင်းခေတ် လောက်က တည်ထားတဲ့ တက္ကသိုလ်ကြီးပေါ့၊ အင်မတန် ရှေးကျတယ်၊
နာမည်လည်း အတော်ကြီးတယ်၊ အဲဒီ တက္ကသိုလ်က ထူးချွန်တဲ့ ပါမောက္ခကြီး ၉-ယောက်၊
နိုဘယ်(လ်)ဆု ရထား တာရှိတယ်၊ အင်မတန် ထူးခြားတဲ့ ပါမောက္ခကြီးတွေ၊
ပညာရှင်ကြီးတွေ အဲဒီ တက္ကသိုလ်ကြီးက မွေးထုတ်ပေးတယ်၊ တက္ကသိုလ်
အဆောက်အအုံကြီးကလည်း အင်မတန် ကြီးတယ်။
အဲဒီ
တက္ကသိုလ်ကြီးက လွန်ခဲ့တဲ့ ၂-နှစ်လောက်ကတည်းက ဘုန်းကြီးတို့ကို ဖိတ်တယ်၊
ဘုန်းကြီးတို့လည်း အချိန်မပေးနိုင်တာနဲ့ ဒီနှစ်တော့ မေလ (၂၀)ရက်နဲ့
(၂၁)ရက်မှာ စိတ်အကြောင်း ဟောပြောဖို့ ဖိတ်တာနဲ့ အဲဒီသွားပြီး စိတ်အကြောင်း
ဟောပြောတယ်၊ လူကတော့ သိပ်မများပါဘူး၊ လူ (၂၀)လေက်ပဲ ရှိပါတယ်၊
လာတက်တဲ့
လူတွေက ပါမောက္ခ ကြီးတွေ၊ အဲဒီတက္ကသိုလ်မှာ ဆရာလုပ်နေတဲ့ ပုဂ္ဂိုလ်တွေ
များတယ်၊ ဘာသာကတွေ ခရစ်ယာန်တွေပဲ များပါတယ်၊ အဲဒီမှာ ဘုန်းကြီးက
မေးခွန်းတစ်ခုကို မေးတယ်၊ စိတ်အကြောင်း ဟောပြီးတော့ စိတ်ဆိုတာ ဘယ်နေရာမှာ
ရှိသလဲလို့၊ identify လုပ်နိုင်သလားလို့ မေးလိုက်တော့ အဲဒီထဲက Psychology
ပါမောက္ခတစ်ယောက်ပါလာတယ်၊
သူက
ဦးနှောက်ထဲမှာ ရှိတယ်လို့ ဖြေတယ်၊ ဦးနှောက်ထဲမှာ ရှိတယ်လို့
ဖြေလိုက်တော့၊ ဘုန်းကြီးက စိတ်ဟာ တကယ်ပဲ ဦးနှောက်ထဲမှာ ရှိနေသလား၊
မရှိဘူးလား ဆိုတာ သိဖို့ ဥပမာလေးတစ်ခု ပြောရအောင်ပေါ့။
ဂီတာထဲမှာ
အသံဆိုတာ ရှိနေသလား မေးတော့ မရှိဘူးလို့ ဖြေကြတယ်၊ အေး -အဲလိုပဲ မရှိသလို
ဦးနှောက်ထဲမှာလည်း စိတ်ရှိနေတာ မဟုတ်ဘူးလို့၊ သူတို့က ဦးနှောက်ထဲကိုပဲ
စိတ်လို့ ယူဆတာ၊ ဦးနှောက်ရဲ့ လှုပ်ရှားမှုတွေကို စိတ်လို့ ယူဆတာဆိုတာကို
နောက်တော့ သိလာရတယ်။
စိတ်ဆိုတာ အကြောင်းရှိမှ ဖြစ်တာ
နောက်ပိုင်းကျတော့
ဗုဒ္ဓအဘိဓမ္မာအရ စိတ်ဆိုတာဟာ ရှိနေတာ မဟုတ်ဘူး၊ မီးခြစ်ဘူးထဲမှာ
မီးရှိမနေဘူး၊ သို့သော် အကြောင်းဆုံတဲ့အခါ မီးလေး ပေါ်လာသလိုပဲ၊ ဂီတာထဲမှာ
အသံတွေ ရှိနေတာ မဟုတ်ဘူး၊ တီးခတ်လိုက်တယ် ဆိုတဲ့ အကြောင်းဆုံတဲ့အခါ အသံလေး
ပေါ်လာတာလို့၊ အဲဒီ ဥပမာလေးတွေနဲ့ ရှင်းပြီး ပြောတဲ့အခါကျတော့
နောက်ပိုင်းမှာတော့ အဲဒီ Psychology ပါမောက္ခကြီး သူတို့ Psychology
အယူအဆနဲ့ ဗုဒ္ဓအယူအဆ မတူညီဘူး ဆိုတာလေးကို သူ သဘောပေါက်သွားတယ်၊ ဘုန်းကြီးက
သူ့ကို အထူးအားဖြင့် ၀မ်းပန်းတသာ နှုတ်ဆက်ပြီးတော့ ပြောတယ်၊ သူကလည်း
ဝမ်းပန်းတသာ ဖြစ်သွားတယ်။
ပထမတော့
ဒီလိုအသိုင်းအ၀ိုင်းမှာ မေးလိုက်တော့ သူအံ့အားသင့်သွားတယ်၊
ကြောင်သွားတယ်ပေါ့၊ အသံ မရှိဘူးဆိုရင် ဦးနှောက်ထဲမှာလည်း
စိတ်မရှိဘူးဆိုတဲ့အဖြေ ဖြစ်သွားတာကိုး၊ တကယ်တော့ မရှိဘူး၊ ဒါပေမယ့် လူတွေက
ထင်နေတယ်၊ စိတ်ဟာ အမြဲတမ်း ကိုယ်ထဲမှာရှိနေတယ်၊ ဦးနှောက်ထဲမှာ ရှိနေတယ်၊
သို့မဟုတ် နှလံးသားထဲမှာရှိ နေတယ်လို့ ထင်နေကြတယ်။
*ဆက်ရန်*{နာမ်တရား ဖြစ်ပေါ်ပုံ၊ စောင်းသံဥပမာ၊ မီးချစ်ထဲက ဥပမာ၊ မျိုးစေ့သတ္တိဥပမာ၊ ကိုယ်တိုင် သိမြင်နိုင်၊ စိတ်၏မှီရာ ၀တ္ထုရုပ် ၆-ပါး၊ စိတ်ဖြစ်လာပုံ} အား ဆက်လက်ရေးသား ပူဇော်ပါမည်။
*ကောက်နှုတ်ချက်* အဂ္ဂမဟာပဏ္ဍိတ အရှင်နန္ဒမာလာဘိဝံသ (Ph.D)
အဘိဓမ္မာ မြတ်ဒေသနာ (ပထမတွဲ) (စာ ၁၄၇-၁၅၆) မှ ကောက်နှုတ်ရေးသား ပူဇော်ပါသည်။
No comments:
Post a Comment