အမှတ်စဉ်(၃၀) {ဟဒယ၀တ္ထုရုပ်}

ဟဒယ၀တ္ထုရုပ် 

နောက်တစ်ခု ဘာရှိသေးတုန်း၊ ဟဒယ၀တ္ထုရုပ် ရှိသေးတယ်၊ စိတ်တွေရဲ့ မှီရာရုပ်ကို ၀တ္ထုရုပ်လို့ မြတ်စွာဘုရားက ပဋ္ဌာန်းမှာ ဟောတာ၊ အရှင်မဟာဗုဒ္ဓဃောသ အဋ္ဌကထာဆရာ လက်ထက်ရောက်တော့ ဟဒယဆိုတဲ့ စကားလုံးလေးလည့်ပြီးတော့ ဟဒယ၀တ္ထုရုပ်လို့ ရေးတာ၊ ဓမ္မသင်္ဂဏီပါဠိတော်မှာ ဟဒယ၀တ္ထုရုပ်ကို ဖော်ပြထားခြင်း မရှိပါဘူး၊ သို့သော် ပဋ္ဌာန်းပါဠိတော်ကျတော့ “ခန္ဓာ ၀တ္ထုဿ ၀တ္ထု ခန္ဓာနံ” ၀တ္ထုဆိုတဲ့ နာမည်နဲ့ ဟောထားတာရှိတယ်၊ တစ်ခါ ရူပဆိုတဲ့ သာမည နာမည်နဲ့လည်းပဲ ပဋ္ဌာန်းပါဠိတော်မှာ ၀တ္ထုရုပ်ကို ရည်ညွှန်းပြီး ဟောကြားတယ်၊ “ယံ ရူပံ နိဿယ မနော ဓာတု စ မနောဝိညာဏဓာတု စ ၀တ္တန္တိ၊ တံ ရူပံ မနောဓာတုယာ စ မနောဝိညာဏဓာတုယာ စ တံ သမ္ပယုတ္တကာနဉ္စ ဓမ္မာနံ နိဿယပစ္စယေနပစ္စယော” ဆိုပြီး ယံ ရူပံ - အကြင်ရုပ်လို့ ဒီလိုပဲ ဟောထားတယ်၊ အဲဒီတော့ ပဋ္ဌာန်းပါဠိတော်မှာ “ရူပ” လို့ ရုပ်သာမန်အနေနဲ့လည်း ဟောတယ်။

     
     ၀တ္ထုကို စိတ်ရဲ့ တည်ရာလို့ ဟောတယ်၊ ဒီလို ဟောထားတာကို ရှင်မဟာဗုဒ္ဓဃောသက ဘာကြောင့် ဟဒယဆိုတဲ့ စကားလုံး ထည့်လိုက်ရတာလဲဆိုတာ လေ့လာကြည့်သင့်တယ်၊ ဟဒယ ဆိုတဲ့ စကားလုံးက နှလုံးသားကို ရည်ညွှန်းတယ်၊ အင်္ဂလိပ်လိုတော့ (Heart) ဆိုတဲ့ စကားလုံးပေါ့နော်၊ ဟဒယဆိုတာ နှလုံးသားကို ပြောတယ်၊ နောက်တစ်ခုက စိတ်ကို ပြောတယ်၊ အင်္ဂလိပ်လို (Heart to Heart) ဆိုတာ စိတ်ချင်းသိတာကို ပြောတာ၊ Heart လို့ ပြောလိုက်လို့ရှိရင် နှလုံးသားကိုသာ ရည်ညွှန်းတာ မဟုတ်ဘူး တစ်ခါတစ်ရံ စိတ်ကိုလည်း ရည်ညွှန်းတယ်။

ဗမာစကားမှာလည်း ပြောတယ် မဟုတ်လား၊ ဒီလူဟာ စိတ်နှလုံးကောင်းတယ်၊ စိတ်နှလုံး ချမ်းမြေ့တယ် စသည်ဖြင့်  စိတ်နှင့် တွဲပြီးတော့ ပြောလေ့ရှိကြတယ်၊ စိတ်ကို ရည်ညွှန်းပြီး ပြောဆိုလေ့ ရှိတယ်။

ရှင်မဟာဗုဒ္ဓဃောသက ဟဒယဆိုတဲ့ စကားလုံးကို သုံးပြီး ဒီရုပ်ဟာ ဘယ်နေရာမှာ ရှိတုန်းလို့ မေးတဲ့အခါ စာပေလာအတိုင်း ပြောရမယ်ဆိုရင် နှလုံးထဲက သွေးမှာရှိတယ်၊ ဒီကနေ့ ခေတ်မှာ ဒီနှလုံးသားရဲ့ function လုပ်ဆောင်ချက် အကြောင်းကို လူတွေ သိကြတယ်။

နှလုံးသားဟာ (၂၄)နာရီ ခုန်နေတာ မဟုတ်လားနော်၊ E.C.G ရိုက်ကြည့်ပြီး နှလုံးခုန်တာ မှန်သလား၊ မမှန်ဘူးလား လို့နော်၊ နားကျပ်နဲ့ တိုင်းကြည့်လို့ ရတယ်၊ ကျန်းမာရေး အတွက် ဒီ နှလုံးက အင်မတန် အရးကြီးတယ်၊ ၂၄-နာရီ အနားမယူဘဲနဲ့ ခုန်နေတာ၊ နှာခေါင်းက အသက်ရှူနေတာရယ် နှလုံးက ခုန်နေတာရယ် ဘယ်တော့မှ နားရတယ် မရှိဘူး၊ လူ အိပ်နေလည်း ခုန်နေတာပဲနော်။

အဲဒါ ဘာအလုပ် လုပ်နေတာတုန်းဆိုတော့ ခန္ဓာကိုယ်ထဲမှာ သွေးလည်ပတ်မှုအတွက် သူက pump သဘောမျိုးနဲ့ ညှစ်ထုတ်ပေးနေတယ်လို့ ဒီလို ဆိုကြတယ်၊ ဒါဖြင့် ဟဒယရုပ်ဟာ ဘယ်မှာ ရှိတာတုန်းဆိုရင် အဘိဓမ္မာ ကျန်းဂန်တွေမှာ ဘယ်လိုပြောတုန်းဆိုရင် နှလုံးသွေးထဲမှာ ရှိတယ်။ အဲဒီ သွေးဟာ လည်ပတ်နေတာ ဖြစ်ပေမယ်လို့ နှလုံးသားထဲ ရောက်နေတဲ့ သွေးကိုသာ ဆိုလိုတယ်။ ဘယ်လောက်ရှိလဲလို့ ဆိုရင် လက်ဖ၀ါးလေးကို အထက်လှန် နည်းနည်းလေး တွန့်ပြီး ခုံးထားလိုက်၊ အဲလို ခုံးထားတဲ့အထဲကို ရေထည့်လိုက်ရင် ရေရဲ့ ပမာဏတစ်ခုကို ရလိမ့်မယ်၊ အဲဒီ ပမာဏကို ဗမာဝေါဟာရနဲ့ ‘တစ်လက်ဖက်’ ‘တစ်လက်ဆွံ့’ လို့ ခေါ်တယ်၊ အဲဒီအတိုင်းအတာ ပမာဏခန့်ရှိတဲ့ သွေးထဲမှာ ဟဒယ၀တ္ထုရုပ် ရှိတယ်လို့ ပြောတာ။

ဟဒယ၀တ္ထုရုပ်ဆိုတာ သွေးကို ပြောတာလည်း မဟုတ်ဘူး၊ နှလုံးသားကို ပြောတာလည်း မဟုတ်ဘူး၊ အဲဒီ ဟဒယ ၀တ္ထုရုပ်သည် စိတ်အချို့ရဲ့ မှီရာအဖြစ် ဆောင်ရွက်တယ်၊ မျက်စိကမြင်တဲ့ အဆင်းအာရုံဟာ စက္ခုဒွါရဆိုတဲ့ မျက်စိပေါက်တင်မကဘူး၊ အဲဒီ ဟဒယရုပ်ပေါ်မှာ တည်နေတဲ့ ဘ၀င်စိတ် ဆိုတဲ့ မနောဒွါရအထိ ရောက်တယ်လို့ ဆိုတယ်နော်။

အဲဒီ နှလုံးသားမှာ မှီပြီး စိတ်ဖြစ်တယ်ဆိုတော့ ခုခေတ်အနေနဲ့ အချို့ စဉ်းစားကြတယ်ပေါ့လေ၊ နှလုံးသားက သိတာမဟုတ်ဘူး၊ ဦးနှောက်က သိတာ၊ အချို့ ဦးနှောက်ကိုပဲ ဉာဏ်လို့သတ်မှတ်တယ်၊ သိတာကိုလည်း ဦးနှောက်ကလို့ ဒီလို ယူဆကြတယ်၊ အဲဒီတော့ အဲဒီအဆိုနဲ့ ဆိုရင် ဟဒယ ၀တ္ထုရုပ်ဆိုတာ ဟုတ်ပါ့မလားလို့ ယုံးမှားကြတယ်။

သို့သော် နှလုံးသားမှာ စိတ်ဖြစ်တယ် မဖြစ်ဘူးဆိုတာလေးကို သာမန်တွေးကြည့်တဲ့ အတွေးနဲ့ ကြည့်မယ်ဆိုရင် မျက်စိနဲ့ ကြောက်စရာအာရုံကို မြင်ရင် ရင်ထဲမှာ ‘ဒိတ်ခနဲ’ မဖြစ်ဘူးလား၊ မကောင်းတဲ့သတင်း ကြားလိုက်ရင်လည်း ရင်ထဲမှာ ‘ဒိတ်ခနဲ’ မဖြစ်ဘူးလား၊ နားက ကြားလိုက်ရင်လည်း ရင်ထဲမှာ ‘ဒိတ်ခနဲ’ ဖြစ်သွားတာပဲ၊ ၀မ်းသာစရာသတင်း ကြားလိုက်ရင်လည်း ဘယ်က အရင်ခုန်လည်း ဆိုရင် နှလုံးက အရင်ခုန်တယ်နော်၊ ဒီလို ထင်ရှားတဲ့အချက်ကို  ကြည့်ပြီး ရှင်မဟာဗုဒ္ဓဃောသက ဟဒယ၀တ္ထုလို့ ဒီလိုသုံးခဲ့တာလည်း ဖြစ်နိုင်တယ်။

နောက်တစ်နည်းက ဟဒယဆိုတာ စိတ်ကို ရည်ညွှန်းတာ၊ ၀တ္ထုဆိုတာ တည်ရာမှီရာ၊ စိတ်ရဲ့မှီရာရုပ်လို့ ဆိုလိုတယ်၊ အဲဒီတော့ စိတ်ရဲ့မှီရာဆိုတာ နှလုံးသားနဲ့ ဦးနှောက် တစ်ခုခု။ ဟဒယနေရာပဲ ဖြစ်ဖြစ် စိတ်ပေါ်တဲ့နေရာ။ မြတ်စွာဘုရားကတော့  ဘယ်နေရာရယ်လို့ မဟောခဲ့ဘူး၊ ဟဒယ၀တ္ထုကို ခုနက နှလုံးသားထဲမှာ ရှိတဲ့သွေး တစ်လက်ဆွံ့လောက်ရှိတဲ့ သွေးထဲမှာ တည်နေတယ်လို့ ဆိုတဲ့ အဋ္ဌကထာစကားအပြင် တစ်နည်း စဉ်းစား ကြည့်နိုင်သေးတယ်။

ဟဒယဆိုတာ စိတ်ကို ဟောတယ်ဆိုလို့ရှိရင် ဟဒယ၀တ္ထုဆိုတာ စိတ်ရဲ့တည်ရာရုပ် ဖြစ်တယ်၊ နှလုံးသားလည်း ဖြစ်ချင် ဖြစ်မယ်၊ ဦးနှောက်လည်း ဖြစ်ချင်ဖြစ်မယ်၊ ဘာဖြစ်လို့တုန်းဆိုရင် ချစ်တယ် မုန်းတယ်ဆိုရင် နှလုံးသားမှာ ဖြစ်တာ၊ တစ်စုံ တစ်ခု ခက်ခက်ခဲခဲ ကြံစည်တွေးတောတယ်ဆိုရင် ခေါင်းကိုကုတ်လား၊ ဗိုက် ကုတ်လား၊ ခေါင်းကုတ်တာ၊ တွေးပြီဆိုရင်တော့ ခေါင်းကိုအသုံးချတာ ဖြစ်လို့ ဦးနှောက်မှာ ဖြစ်တယ်၊ ဟုတ်ရဲ့လား။

အစစ အရာရာ လူတွေက တွေးပြီးနေတယ်ဆိုရင် တစ်ခါတည်း မျက်မှောင်လေးကြုတ် ခေါင်းလေးကုတ်ပြီး စဉ်းစားတာ၊ ဘယ်လိုလုပ်ရ ကောင်းမတုန်းပေါ့၊ အဲဒီတော့ အကြံဉာဏ်တွေက ဘယ်က ထွက်နေတာတုံး၊ ခေါင်းကထွက်တာ၊ အဲဒီလိုပြောရင်တော့ ဟဒယ၀တ္ထု၊ ဟဒယဆိုတာ စိတ်၊ ၀တ္ထုဆိုတာ တည်ရာ၊ မြတ်စွာဘုရားက ဒါကြောင့်များ ဒီရုပ်ကို ၀တ္ထုလို့ သာမန်ဟောခဲ့တာပဲလားလို့ တွေးတောစရာ ရှိတယ်။

ရှင်မဟာဗုဒ္ဓဃောသက ဟဒယ၀တ္ထုလို့ ‘ဟဒယ’ ထည့်လိုက်တာလည်း မမှားဘူးလို့ ပြောရမယ်၊ စိတ်ရဲ့တည်ရာလို့ အဓိပ္ပါယ် ရနိုင်တယ်၊ ဟဒယဆိုတာ စိတ်၊ ၀တ္ထုဆိုတာ တည်ရာ၊ နှလုံးသားကို ရည်ညွှန်းတာ မဟုတ်ဘူး၊ လူတွေမှာ စိတ်အဖြစ်များတာက နှလုံးသားနဲ့ ဦးနှောက်မှာ၊ ချစ်တာ မုန်းတာကျတော့ နှလုံးသား၊ တွေးတော ကြံစည်တာကျတော့ ဦးနှောက်မှာ၊ ဟောဒီလို နှစ်ခု စပ်ကြားမှာ ဖြစ်နေကြတယ်လို့ ဒီလိုပြောရမယ်။

ဝမ်းသာရင် ၀မ်းနည်းရင် ခေါင်းကိုင်တာလား၊ ဗိုက်ကိုင်တာလား၊ ရင်ဘတ်ကို ကိုင်တာနော်၊ နှလုံးကို ဖိတယ်လေ၊ ၀မ်းသာရင် အဲဒီနေရာကို သွားဖိတယ်၊ စိတ်ညစ်ရင်တော့ ခေါင်းကို ကုတ်တယ်နော်၊ ဟဒယ၀တ္ထုရုပ်ဆိုတာ စိတ်ဖြစ်ပေါ်တဲ့ နေရာမှာ တည်ရှိတယ်လို့ ပြောမယ်ဆိုလို့ရှိရင် ဗုဒ္ဓမြတ်စွာရဲ့ အလိုတော် ကျနိုင်လောက်စရာ ရှိတယ်နော်၊ ဘာဖြစ်လို့တုန်း ဆိုရင် မြတ်စွာဘုရားက ယံ ရူပံ နိဿယ- အကြင်ရုပ်ကို အမှီပြုပြီး မနောဓာတ်တို့, မနောဝိညာဏဓာတ်တို့ဆိုတဲ့ အသိစိတ်တွေ ပေါ်တယ်တဲ့၊ အဲဒီရုပ်ဟာ” လို့   ဒီလိုသာမန်ပဲ ဟောခဲ့တယ်၊ ဘယ်နေရာမှာ ရှိတယ်လို့ မဟောခဲ့ဘူးနော်၊ မဟောခဲ့သည့်အတွက်ကြောင့် စိတ်ဖြစ်နိုင်တဲ့ နေရာမှာ ဒီရုပ်ရှိတယ်လို့ ဒီလို ပြောနိုင်တယ်။

ဟဒယ၀တ္ထုရုပ်ဟာ နှလုံးသားထဲက သွေးထဲမှာ ဆိုတဲ့ အဆိုအရ ဘာပြဿနာ ဖြစ်နိုင်တုန်းဆိုရင် လူတွေရဲ့ ဒီနှလုံးကို ပြောင်းလဲပြီး တပ်ဆင်တာတို့၊ နှလုံးစက် တပ်တာကို့၊ နှလုံးကို ခွဲစိပ်ကုသတာတို့ ဒီ (Heart transplant) လုပ်တာတွေတို့ကျတော့ တွေးတောစရာတွေ ဖြစ်လာပြန်တယ်၊ သို့သော်လည်း ခုနက သွေးထဲမှာ တည်တာဆိုတော့ နှလုံးတုထဲမှာရှိတဲ့ သွေးဟာလည်း အဓိကကတော့ သွေးပဲနော်၊ သွေးထဲမှာ ဟဒယ၀တ္ထုရုပ် ရှိတယ် ဆိုတော့ သွေးရှိသမျှ စိတ်လည်း ဖြစ်နေဦးမယ်နော်၊ သွေးမရှိရင်တော့ မရတော့ဘူးပေါ့။

ဒါကြောင့် ဘယ်နေရာမှာပဲဖြစ်ဖြစ် အများသိသာတဲ့ စကားလုံးနဲ့ ပြောရင် ချစ်တာ,မုန်းတာက နှလုံးသား၊ တွေးတာ,ကြံတာက ဦးနှောက်၊ အဲဒီနှစ်ခုကြားမှာ စိတ်ဖြစ်တယ်လို့ ပြောရင် ဒီကနေ့ခေတ် အားလုံး လက်ခံနိုင်တဲ့ အနေအထား ရှိနိုင်တယ်ပေါ့။

မြတ်စွာဘုရားက  “ဟဒယ၀တ္ထု” အမည်နဲ့ ဟောထားခဲ့တယ် ဆိုရင်တော့ ဘာမှ စဉ်းစားစရာ မလိုဘူး၊ မြတ်စွာဘုရားက ဟဒယ၀တ္ထုရုပ်လို့ တိုက်ရိုက် မဟောခဲ့ဘူး၊ ပဋ္ဌာန်းမှာ ‘၀တ္ထု’ လို့သာ ဟောခဲ့တယ်၊ ‘ယံ ရူပံ’ လို့သာ ဟောခဲ့တယ်၊ သို့သော် မနောဓာတ် မနောဝိညာဏဓာတ်ခေါ်တဲ့ စိတ်ရဲ့ မှီရာ ရုပ်ဆိုတာ လိုအပ်နေတယ်။

ဟဒယ၀တ္ထုရုပ် ဆိုတာလည်း စ်ိတ်အချို့ရဲ့ မှီရာအနေနဲ့ လူရဲ့သန္တာန်မှာ ရှိနေတယ်၊ ဒါကလည်း ဘယ်အရာက ဖန်တီးပေးတာတုန်းဆို ကံက ဖန်တီးပေးထာ၊ ဟဒယ၀တ္ထုလည်း အနည်းဆုံး ရုပ် ၁၀-ခု အပေါင်းနဲ့ တည်ရှိတယ်၊ unity of ten ပေါ့၊ ၁၀-ခု ရှိရမယ်၊ ဇီဝိတရုပ် အပါအ၀င်ဖြစ်တဲ့ ၉-ခုကို အခြေခံပြီး ဟဒယ၀တ္ထုရုပ် တစ်ခု၊ အားလုံး စုပြီးနေတယ်၊ ကံကြောင့် ဖြစ်တဲ့ ရုပ်တွေဟာ ၁၀-ခု၊ ၁၀-ခု စုပြီးနေတယ်လို့ ဒီလို မှတ်ရမယ်၊ ပေါင်းလိုက်တော့ ခုနက ပြောတဲ့ အဓိက အခြေခံရုပ်တရားတွေရဲ့ အစုအဝေးဖြစ်တဲ့ (၈)ခု၊ ဇီဝိတ ထပ်ထည့်လိုက်တော့ (၉)ခု၊ အမျိုးသားတွေမှာ ပုမ္ဘာ၀၊ အမျိုးသမီးတွေမှာ ဣတ္ထိဘာဝ၊ နောက် ဟဒယထည့် (၁၀)ခုစီ ဖြစ်သွားတယ်။

*ဆက်ရန်* {ပသာဒရုပ် ၅-ပါး၊ အခြေခံရုပ် ၈-ခုတွင် သဒ္ဒရုပ် မပါဝင်ရခြင်း} အား ဆက်လက်ရေးသား ပူဇော်ပါမည်။

*ကောက်နှုတ်ချက်* အဂ္ဂမဟာပဏ္ဍိတ အရှင်နန္ဒမာလာဘိဝံသ (Ph.D)
အဘိဓမ္မာ မြတ်ဒေသနာ (ပထမတွဲ) (စာ ၁၁၈-၁၂၅)  မှ ကောက်နှုတ်ရေးသား ပူဇော်ပါသည်။

တင်ပြသူ Yanan Sanein အချိန် 1:39 PM