အမှတ်စဉ်(၃၃) {{ရုပ်တရား စဖြစ်ချိန် (ပဋိသန္ဓေ)၊ ပဋိသန္ဓေ ၄-မျိုး၊ ကာလရေကြည်၊ ကမ္မဇရုပ်၊ စိတ္တဇရုပ်၊ အာဟာရရုပ်၊ ဥတုဇရုပ်}

ရုပ်တရားစဖြစ်ချိန်   

         ရုပ်တရားတွေဟာ ဘယ်အချိန်ကစ ဖြစ်လာသလဲဆိုတာ နည်းနည်း ကြည့်ရအောင်၊ လူသားတစ်ယောက်အနေနဲ့ ပြောမယ်၊ လူသားတစ်ယောက်ရဲ့ သန္ဓေဘ၀ကစနေစပြီး ပြောကြမယ် ဆိုလို့ရှိရင် ကာလရေကြည်က စတယ်၊ အင်မတန် သေးငယ်တဲ့ အစက် အပေါက်ကလေးမှာ ရုပ်နဲ့နာမ် ဒီနှစ်ခု စထင်လာတယ်၊ ပဋိသန္ဓေစိတ် စေတသိက်နဲ့ ကံကြောင့်ဖြစ်တဲ့ ရုပ်(၃)ခုတို့ အခြေပြုလာကြတယ်။

သက်ရှိသတ္တ၀ါတွေမှာ မွေးဖွားပုံ (၄)နည်းရှိတယ်၊ အကျဉ်းချုပ်ကလေးတော့ ပြောမယ်နော်။

ပဋိသန္ဓေ ၄-မျိုး

သတ္တ၀ါတစ်ဦး မွေးဖါားလာပုံ (၄)န်း ရှီတယ်တဲ့၊ ဘွားကနဲ ခန္ဓာကိုယ် ထင်ထင်ရှားရှား ပေါ်လာတဲ့ မွေးဖွားနည်းလည်းရှိတယ်၊ အဲဒါ ဘယ်သူတွေ မွေးဖါားတာတုန်းဆိုရင် နတ်တွေ ဗြဟ္မာတွေ ကမ္ဘာဦးလူသားတွေ နောက်ပြီး ငရဲသားတွေပဲ၊ သူတို့ရဲ့ ခန္ဓာကိုယ်ဟာ ဘွားခနဲ ပေါ်လာတာ၊ အဲဒါကို ‘ဥပပါတ် ပဋိသန္ဓေ’ လို့ ခေါ်တယ်။

နောက်အချို့ သတ္တ၀ါတွေကျတော့ moisture လို့ခေါ်တဲ့ အညှိတို့ အစိုဓာတ်တို့ကို စွဲပြီးတော့ ဖြစ်တယ်၊ ပဒုမဒေ၀ီက ကြာပန်းထဲမှာ ဖြစ်တယ်ဆိုတာ ကြားဖူးတယ် မဟုတ်လား၊ မြန်မာရာဇ၀င်ထဲ ဝေဠုဝတီကလည်း ၀ါးပင်မှာ ဖြစ်တယ်လို့ ဆိုတာပေါ့နော်၊ ပေါက္ခရသာတိပုဏ္ဏားကြီးလည်းပဲ ပဒုမ္မာ ကြားပန်းထဲမှာ ပဋိသန္ဓေတည်တယ်လုိ့ ပြောတာပဲ၊ အဲဒီလို အညှိကိုစွဲပြီး မွေးတာကျတော့ ‘သံသေဒဇ ပဋိသန္ဓေ’ လို့ ခေါ်တယ်။

မိခင်ရဲ့ သားအိမ်ထဲမှာ ဖြစ်ပြီး မွေးတာကို ပါဠိလို ‘ဇလာဗုဇ ပဋိသန္ဓေ’ လို့ ခေါ်တယ်၊ ဇလာဗု - ဆိုတာ မိခင်ရဲ့ သားအိမ်၊ အဲဒီ သားအိမ်ထဲမှာ သန္ဓေတည်ပြီးတော့ ဖြစ်တာကို ဇလာဗုဇ၊ ကြက်တွေ ငှက်တွေက ဥထဲမှာ  သန္ဓေတည်လို့ ‘အဏ္ဍဇပဋိသန္ဓေ’၊ ဒီလို ပဋိသန္ဓေ လေးမျိုးရှိတယ်၊ 

သတ္တ၀ါတွေရဲ့ မွေးပုံ လေးမျိုးရှိတယ်၊ လူတွေလည်း အဲဒီ လေးမျိုးလုံးနဲ့ မွေးနိုင်တယ်လို့ ပြောတယ်၊ လူတွေမှာ ဥကမွေးတဲ့လူ ရှိသတဲ့၊ ရာဇ၀င်ထဲမှာ ရှိတယ်၊ ပါဠိစာပေထဲမှာလည်း ဥကမွေးတဲ့သူ ရှိတယ်၊ နဂါးဥထဲက လူမွေးတာမျိုးပေါ့၊ ကဲထားပါတော့။

ကလလရေကြည်

ဒီကနေ့ခေတ် မိခင်ရဲ့ဝမ်းထဲ သန္ဓေတည်စမှာ ဘယ်ရုပ်တွေက စပေါ်တုန်းလို့ဆိုရင် လူရဲ့ခန္ဓာကိုယ် (body) ဆိုတာ အရင် ရှိရမယ် မဟုတ်လား၊ ဒါကြေင့်မို့ ကာယပသာဒလို့ဆိုတဲ့ sensitive body နဲ့ အခြေခံကမ္မဇရုပ် (၉)ခုနဲ့ ပေါင်းလိုက်တဲ့အခါ(၁၀)ခု၊ အဲဒီ (၁၀)ခုအပေါင်း ရုပ်ကလေး စပေါ်လာတယ်၊ ပြီးတော့ ဟဒယ၀တ္ထုအခြေခံတဲ့ရုပ် (၁၀)ခု၊ နောက်ပြီးတော့ အမျိုးသား အမျိုးသမီးဖြစ်ဖို့ အခြေခံ ဘာဝရုပ်ကလည်း သန္ဓေတည်ကတည်းက ပါလာတာ၊ ဣတ္ထိဘာဝရုပ် အခြေခံတဲ့ (၁၀)ခုရယ်၊ သို့မဟုတ် ပုမ္ဘာ၀ရုပ် အခြေခံတဲ့ (၁၀)ခုရယ် ပေါင်းလိုက်လို့ရှိရင် အမျိုးသမီးမှာ အစရုပ် (၃၀)၊ အမျိုးသားမှာ အစရုပ် (၃၀)။

အဲဒီ ရုပ်အရေအတွက် (၃၀)၊ group အားဖြင့် ပြောမယ်ဆိုရင် (၃)ခု အစု၊ အဲဒီ (၃)ခုအစုလေးဟာ အပြန်အလှန် မှီပြီးတော့ လူ့ဘ၀မှာ စတင်ပြီး ပေါ်လာတဲ့ ရုပ်တရား၊ အဲဒီတော့ ကမ္မဇရုပ်ဟာ ပဋိသန္ဓေစိတ်ကလေးရဲ့ ဥပါဒ်က စတယ် လို့ ပြောကြတယ်နော်။

ကမ္မဇရုပ်တွေနဲ့ ဖွဲ့စည်းထားတဲ့ လူ့ခန္ဓာကိုယ်ဟာ ဘယ်ပုံပြောင်းလဲ လာသလဲ ဆိုတာ မြတ်စွာဘုရားက သံယုတ္တနိကာယ် ယက္ခသံယုတ်ပါဠိတော် ဣန္ဒသုတ်မှာ ဟောထားတာ ရှိတယ်။

ဘုန်းကြီးတို့ ၂၀၀၃-ခုနှစ် ဂျာမနီ ဘာလင်မြို့မှာ အဘိဓမ္မာသင်တန်း ပို့ချတုန်းက ဂျာမကြီးတစ်ယောက်က မေးတယ်၊ (embryology)နဲ့ ပတ်သက်ပြီးတော့ ဘုန်းကြီးက အဲဒီသုတ္တန်အရ မိခင်ရဲ့ ၀မ်းထဲက လူ့သန္ဓေအစ ဖြစ်လာပုံကို ရှင်းပြတော့ “အရှင်ဘုရား၊ ၂၅၀၀-က ဒီလိုဟာတွေ တက်ယ်ရှိလား” တဲ့၊ ဘုရားဟောတဲ့အထဲမှာ ရှိတယ်လို့ ပြောတော့ သူ အံ့သြနေတယ်။

အဲဒီမှာ မြတ်စွာဘုရားက  လူဆိုတာ တခြားကနေ ဖြစ်လာတာ မဟုတ်ဘူး၊ ဟောဒီလို သန္ဓေတည်ပြီး ဖြစ်လာတယ် ဆိုတာကို ဟောတာ၊ ‘ပထမံ ကလံလံ ဟောတိ’ ပထမဆုံးမှာ ကလလဆိုတဲ့ ရေကြည်ပေါက်ကလေးက စတယ်တဲ့၊ အဲဒါက တစ်ပတ်တိတိ ကြတယ်၊ ကလလရေကြည်လေးက တစ်ပတ်ကြာတဲ့အခါကျတော့ အနေအထားပြောင်းသွားတယ်၊ ဘယ်အရာမှ မတည်မြဲဘူး ဆိုတာကိုတော့ မှတ်ထား၊ ဘယ်အရာမှ ရပ်နေတာမရှိဘူး၊ ထ၀ရ ပြောင်းနေတာ၊ အဲဒီ ကာလလဆိုတဲ့ ရေကြည်လေးက နောက်တစ်ပတ် ရောက်တဲ့အခါကျတော့ ‘ကလလာဟောတိ အဗ္ဗုဒံ’ တဲ့ ရေကြည်ကနေ အမြှုပ် ဖြစ်လာတယ်၊ တတိယပတ်ကျတော့ ‘အဗ္ဗုဒါ ဇာယတေ ပေသိ’ ဆိုတဲ့အတိုင်း သားတစ်ကလေး ဖြစ်လာတယ်။

ပဋိစ္စသမုပ္ပါဒ်မှာ “သင်္ခါရပစ္စယာ ၀ိညာဏံ၊ ၀ိညာဏ ပစ္စယာ နမရူပံ” ဆိုတာ အဲဒီ ကလလအဆင့်ကစတဲ့ ရုပ်နာမ်ကိုဟောတာ၊ လူ့ဘ၀မှာ အဲဒီလို ဖြစ်လာတာ (၄)ပတ်ကြာတော့ အနေအထား ပြောင်းလာတယ်၊ ဘာဖြစ်လာတုံးဆိုရင် “ပေသိနိဗ္ဗတ္တတေ ဃနော” အတုံးအခဲလေး ဖြစ်လာတယ်၊ (၅)ပတ်ကြာတော့ အဲဒီ အတုံးအခဲလေးမှာ အဖုလေး ငါးခု ပေါ်လာတယ်၊ အဖုတစ်ခုက ခေါင်း၊ ကျန်တဲ့ အဖုနှစ်ခုက လက်နှစ်ဖက်၊ နောက် အဖုနှစ်ခုက ခြေထောက်၊ အဖုလေး ငါးခု ထွက်လာတယ်တဲ့ (embryology) စာအုပ်မှာ ကြည့်ရင်လည်း အဲဒီ ပုံစံပဲနော်၊ အဲဒီတော့ လူ့ခန္ဓာကိုယ်ဖြစ်လာပုံကို မြတ်စွာဘုရားက ဟောထားတာနော်။

 “ပထမံ ကလလံ ဟောတိ၊ ကလလာ ဟောတိ အဗ္ဗုဒံ၊
  အဗ္ဗုဒါ ဇာယတေ ပေသိ၊ ပေသိ နိဗ္ဗတ္တတီ ဃနော၊
  ဃနာ ပသာခါ ဇာယန္တိ” ခက်မငါးဖြာ ထွက်လာတယ်၊ ပြီးတော့မှ ‘ကေသာလောမာ နခါ ပိ စ’ ဆိုတာ ဆံပင်မွေးညှင်း စတာတွေ ပေါက်လာတယ်၊ ကြားထဲမှာတော့ အသေးစိတ် မပြောတော့ဘူး။

လူ့ခန္ဓာ တည်လို့ စလာတဲ့ ခန္ဓာကိုယ်မှာ ရုပ်တွေဟာ ဒီလိုနဲ့ တိုးပွားလာတယ်ဆိုတာကို ဟောတာနော်၊ ပထမဆုံး သန္ဓေတည်စ အစပျိုးတဲ့ အချိန်ပိုင်းက ရက်သတ္တ (၅)ပတ်လောက် အထိတောင် ဒီလို အစပျိုးနေတာ၊ ရက်သတ္တ(၆)ပတ် သို့မဟုတ် (၈)ပတ်ရဲ့နောက်တော့ ဖီးတပ်စ် ဆိုတဲ့ သန္ဓေသားပုံသဏ္ဌာန်ပေါ်လာတယ်၊ သတ္တ၀ါလေး ပီပီသသ ဖြစ်လာတယ်၊ အဲဒီက ရက်သတ္တပတ် (၁၁)ပတ်မြောက်တဲ့အခါကျတော့ မျက်လုံးတွေ ဘာတွေ အကုန်လုံး ပေါ်လာပြီနော်၊ ဆံပင်တွေက (၄၂)ပတ် မြောက်မှာ ပေါက်တယ်။

ဒါက စာပေကျန်းဂန်အရ၊ embryology နဲ့ ပြန်ညှိကြည့်ရင် ဒါတွေဟာ မကွဲပြားလှဘူး၊ လူရဲ့ ခန္ဓာကိုယ်မှာ ရုပ်တရားတွေဟာ ဒီလို စပေါ်တာ၊ ကဲ ဘုန်းကြီးတို့ တစ်တွေ ကိုယ့်ခန္ဓာကိုယ်ကို ပြန်ပြီး ကြည့်မယ်ဆိုရင် တို့ဘ၀က ဒီလို စလာတာပါလား၊ ရုပ်တရားတွေ အဲလို စလာတဲ့အထဲမှာ ကံကြောင့် ဖြစ်တဲ့ရုပ်တွေက စဖြစ်တဲ့အချိန်မှစပြီး မရပ်မနား ဖြစ်နေတာတဲ့၊ နာရီလက်တံလေး သွားနေသလိုပဲ၊ ကမ္မဇရုပ်တွေက ကံရဲ့အရှိန်နဲ့ မသေမချင်း မပျက်မချင်း ဆက်လက်ပြီး သွားနေမှာပဲနော်။

ကမ္မဇရုပ်

ဒါ လူရဲ့ ခန္ဓာကိုယ်အစ၊ ရုပ်နာမ်တရားတွေက ဘာတွေ တုံးဆိုရင် ခုနပြောတဲ့ ကာယဒသကကလာပ်၊ ဘာဝဒသကကလာပ်၊ ၀တ္ထုဒသကကလာပ် အဲဒီ ရုပ် ၃၀-ရယ်နဲ့ အတူဖြစ်လာတဲ့ စိတ် စေတသိတ် နာမ်တရားတွေကို ပြောတာ၊ ကမ္မဇရုပ်ဖြစ်ပုံ စိတ်နဲ့ယှဉ်ပြီးပြောမယ်ဆိုရင် စိတ်ရဲ့ဥပါဒ်ခဏမှာလည်း ကမ္မဇရုပ်တွေ ဖြစ်တယ်၊ ဌီခဏမှာလည်း ဖြစ်တယ်၊ ဘင်ခဏမှာလည်း ဖြစ်တယ်၊ စိတ်ကလေးရဲ့ three moments ခဏလေးသုံးခု တိုင်းမှာပဲ ကမ္မဇရုပ်တွေဟာ တစ်ဆက်ပြီး တစ်ဆက် ဖြစ်နေတာ။

နောက်ဆုံး သေခါနီး သေတော့မယ်ဆိုတဲ့စိတ် ပေါ်ခါနီးမှာ အဲဒီ မပေါ်ခင် ပြန်ရေတွက်ရင် (၁၇)ချက်မြောက်ဖြစ်တဲ့ စိတ်ရဲ့ ဌီခဏက စပြီး မဖြစ်တော့ဘူး၊ အဲဒီအခါကျတော့ အသစ်မလာတော့ဘူး၊ ကမ္မဇရုပ်က အဲဒီမှာ အသစ်မဖြစ်တော့ဘူး၊ ဥပါဒ်ခဏမှာ ဖြစ်သေးတယ်၊ ဒါကြောင့် အတိတ်က ပြုခဲ့တဲ့ ကံကြောင့် ဖြစ်တဲ့ ကမ္မဇရုပ်တွေဟာ ကံကြောင့်ဖြစ်နေတဲ့ တစ်ဘ၀ရဲ့ အစ ပဋိသန္ဓေစိတ်နဲ့အတူ စဖြစ်ခဲ့သလို၊ တစ်ဘ၀ရဲ့ အဆုံးစိတ် စုတိစိတ်နဲ့လည်း ပြိုင်ပြီးချုပ်တယ်ဆိုတာ သိထားရမယ်၊ အဲဒါ ရုပ်နာမ်တရားတွေထဲမှာ အသိစိတ် နာမ်တရားတွေနဲ့ ကမ္မဇရုပ်တွေ အမြဲတမ်း၊ ယှဉ်တွဲ သွားနေပုံနော်။

အဲဒီလို ပဋိသန္ဓေစိတ်က စ,လိုက်တာ ဘယ်အထိလဲဆို နောက်ဆုံး စုတိစိတ်ထိအောင် ဖြစ်တော့လည်း အတူတူ ဖြစ်တယ်၊ ပျက်တော့လည်း အတူတူပျက်တယ်၊ ဒီ နာမ်နဲ့ ကမ္မဇရုပ်၊ ရုပ်နဲ့ နာမ်တရားဟာ ပြိုင်တူချုပ်တယ်၊ တစ်ခုနဲ့တစ်ခုဟာ ဘယ်သူကမှ အရင်ကျတယ်လို့ မရှိဘူး၊ ဘယ်သူက နောက်ကျတယ်လို့ မရှိဘူး၊ တစ်ဘ၀မှာ ဒါ ကန့်သတ်ချက်ပဲ၊ ဒီလို အတူတူ သွားနေပေမယ့် “၀ိပ္ပယုတ္တပစ္စယော” တဲ့၊ သဘာဝချင်း မတူလို့ မရောဘူး။

သို့သော် ကမ္မဇရုပ်နဲ့ နာမ်ဟာ side by side ယှဉ်တွဲလျက် ကံစွမ်းအားနဲ့ ဖြစ်နေတာ၊ အရှိန်မကုန်သေးသမျှ သွားနေတာ၊ နောက်ဆုံး စုတိစိတ်ထိအောင် သွားနေတယ်၊ ဒီလို ကမ္မဇရုပ်ဟာ ပဋိသန္ဓေရဲ့ ဥပါဒ်ခဏမှ စပြီးတော့ စိတ်ရဲ့ ခဏတိုင်း ခဏတိုင်း ဖြစ်တာ၊ နောက်ဆုံး စုတိစိတ်ကျခါနီးအထိ၊ စုတိစိတ်ကနေ ပြန်ရေလို့ (၁၇)ချက်မြောက် စိတ်ရဲ့ ဥပါဒ်ထိအောင် ဖြစ်ကြတယ်တဲ့၊ ဖြစ်ပြီးသား ကမ္မဇရုပ်က စိတ်ခဏ (၁၇)ချက် အသက်ရှည်မယ်၊ ဟုတ်တယ်နော်၊ ဒါကမ္မဇရုပ်တွေ ဖြစ်ချုပ်ကြပုံပဲ။

 စိတ္တဇရုပ်

စိတ္တဇရုပ်ကျတော့ ဘယ်ကနေ စဖြစ်လာတုန်းဆိုရင် ပဋိသန္ဓေနောက်မှာ ပေါ်လာတဲ့စိတ်ကို ပထမဘ၀င်စိတ်လို့ ခေါ်တယ်၊ အဲဒီ ပထမဘ၀င်စိတ်ကလေးက စပြီး စိတ္တဇရုပ်တွေ ဖြစ်တယ်၊ စိတ်ဖြစ်တိုင်း ဖြစ်တိုင်း စိတ်က ဥပါဒ်ခဏတိုင်းမှာ ရုပ်ကို ထုတ်လုပ်လိုက်တယ်၊ စိတ်ဟာ ဖြစ်လျှင်ဖြစ်ချင်း ရုပ်ကို ထုတ်လုပ်တာ၊ ဖြစ်နိုင်ပါ့မလားဆိုတော့ ဖြစ်တာပေါ့။ ကြည့်၊ ဖယောင်းတိုင်မီးလေး ထွန်းလိုက်လို့ရင် မီးတောက်ကလေး လင်းတာနဲ့ အလင်းရောင်ကို တစ်ခါတည်း မွေးထုတ်လိုက်တာပဲ မဟုတ်လား၊ ဒါတစ်ခါတည်း ထုတ်လိုက်တာပဲလေ၊ မီးတောက်ကလေး ပေါ်လာတာနဲ့ အလင်းက တစ်ခါတည်း ပါလာတာပဲ။

အဲဒီလိုပဲ စိတ်ကလေးပေါ်လာတာနဲ့ တပြိုင်နက် စိတ်ကြောင့်ဖြစ်တဲ့ စိတ္တဇရုပ်က ဖြစ်လာတာပဲ၊ စိတ်ရဲ့ ဥပါဒ်တိုင်း ဥပါဒ်တိုင်း စိတ္တဇရုပ်တွေက ဖြစ်နေတယ်၊ သူက ဘယ်အထိ ထုတ်လုပ်သွားတုန်းဆို နောက်ဆုံးစိတ်အထိ စိတ္တဇရုပ်တွေ ထုတ်လုပ်တယ်၊ ဒါကြောင့် စုတိစိတ် ချုပ်ပြီးတဲ့နောက်တောင်မှပဲ စိတ္တဇရုပ်က အနည်းငယ် လှုပ်ရှားပြီး ကျန်နေတယ်၊ ပြီးမှ ချုပ်သွားတယ်တဲ့။

အာဟာရဇရုပ်

နောက်တစ်ခု၊ လူတွေစားတဲ့ အစာအာဟာရက ဖြစ်စေတဲ့ အာဟာရဇရုပ်က ဘယ်က စဖြစ်တာတုန်းဆို ခုနက သန္ဓေသား ကလေးဟာ အကောင်အထည် ပေါ်လာပြီဆိုရင် သူ့တံတွေးသူ မြိုတဲ့အချိန်ကစ (သို့) မိခင်နဲ့ ချက်ကြိုး တွယ်ထားတော့ မိခင်စားတဲ့ အစာအာဟာရသည် ချက်ကြိုးကနေ အဲဒီ သန္ဓေသား ကလေးဆီ ရောက်တဲ့အချိန်က စတယ်၊ ဒါကြောင့် သန္ဓေရှိတဲ့ မိခင်တွေဟာ ရေခဲမုန့်တွေစားရင်  အထဲက ကလေး ချမ်းနေမယ်၊ မသက်သာ ဘူးနော်၊ ရေခဲမုန့်ကြိုက်တဲ့ မိခင်ရဲ့ကလေးက ချမ်းလွန်းလို့ တုန်နေမှာ၊ ငရုတ်သီးကြိုက်ရင်လည်း ဟိုလူမှာ စပ်လွန်းလို့ လူးလူးလွန့်လွန့် ဖြစ်နေမယ်။

ဒါကြောင့် သန္ဓေသားရှိတဲ့ မိခင်တွေဟာ သိပ်ပူလွန်းတဲ့ အစာလည်း ရှောင်ရတယ်၊ သိပ်အေးလွန်းတဲ့ အစာလည်း ရှောင်ရတယ်လို့ ပြောတာ၊ အထဲမှ သန္ဓေသား သွားထိခိုက်တယ်။

ယဉ္စဿ ဘုဉ္ဖတီ မာတာ၊ အန္နံ ပါနဉ္စ ဘောဇနံ။

တေန သော တတ္ထ ယာပေတိ၊ မာတုကုစ္ဆိဂတော နရော။

အမိဝမ်းထဲက ကလေးဟာ ချက်ကြိုးကနေ ဆက်သွယ်ပြီး အမေစားတဲ့ အစာတွနဲ့ မျှတရတယ်တဲ့၊ ဒါက အာဟာရဇ ရုပ်တွေ အဲဒီလို စ,ဖြစ်တယ်လို့ ပြောတယ်။

 ဥတုဇရုပ်

          ဥတုဇရုပ်ကျတော့ ဘယ်ကလာတုန်းဆိုရင်  ဥတုဆိုတာ ကမ္မဇဥတုကို ပြောတယ်၊ ကမ္မဇရုပ်ဆိုတာ ခုနက ပဋိသေန္ဓေ စိတ်ကလေးနဲ့အတူ ကာယဒသကကလာပ်၊ ၀တ္ထုဒသကကလာပ်၊ ဘာဝဒသကကလာပ်ထဲမှာ တေဇောဓာတ်ပါတယ်၊ အဲဒီ တေဇောဓာတ်ဟာ ဥတုပဲ၊ အဲဒီ ဥတုဟာ ပဋိသန္ဓေစိတ်ရဲ့ ဌီခဏရောက်တဲ့အခါကျတော့ သူက ရုပ်အသစ်တွေကို စတင်ပြီး ထုတ်လုပ်ပြီ၊ ဌီခဏရောက်တိုင်း သူက ဥတုဇရုပ် အသစ်ကို ထုတ်လုပ်သွားတယ်။

ဒီလို ရုပ်နဲ့နာမ်ဆိုတာ တစ်ဘ၀လုံး ဆက်ပြီးတော့ ဖြစ်နေတာ အာဟာရဇ ရုပ်တွေဟာ စုတိစိတ်ကျတာနဲ့ အနည်းငယ်လောက်ပဲ ဆက်ပြီး ရှင်သန်နိုင်တယ်၊ ဥတုဇရုပ်ကျတော့ အဲဒီလို မဟုတ်ဘူးတဲ့၊ သေလို့ သုသာန်ရောက်ပြီးတဲ့နောက် သဂြိုလ်ပြီးတဲ့ အထိ ပြာအထိတောင် ဥတုဇရုပ်က ရှိနေတယ်၊ ဒါကြောင့်မို့ ဗမာတွေ ရှေးတုန်းက ရေးကြတယ်၊ “ကြွင်းကျန်ရစ်သော ဥတုဇရုပ်ကလာပ်ကို” တဲ့ စာသံပေသံနဲ့ ရေးတာ၊ ခန္ဓာကိုယ်ထဲမှာ ကျန်ရစ်တာ ဥတုဇရုပ်တွေပဲ ကျန်ရစ်တာ၊ ကမ္မဇရုပ်တွေ ချုပ်သွားကုန်ပြီ၊ စိတ္တဇရုပ်တွေ ချုပ်သွားကုန်ပြီ၊ အာဟာရဇရုပ်တွေ ချုပ်သွားကုန်ပြီ၊ ကျန်ရစ်တာ ဥတုဇရုပ်ကြီး ကျန်ရစ်တယ်၊ အဲဒီ ဥတုဇရုပ်ကို သွားပြီးပို့ရတာ။

ဒါကြောင့် ရုပ်ကို လေ့လာ သုံးသပ်ခြင်းပါပဲ။ ရုပ်တွေ ဘယ်လို စတင် ဖြစ်ပြီး နောက်ဆုံး ဘယ်လို ချုပ်သွားကြတယ် ဆိုတာ မျက်မြင်ကိုယ်တွေ့ သိရှိ လေ့လာနိုင်ပါတယ်၊ ဒါ ဗုဒ္ဓမြတ်စွာရဲ့ အဘိဓမ္မာမှာ ရုပ်တရားနဲ့ ပတ်သက်ပြီး ဟောထားချက် ဒီထက်ပိုပြီးတော့ အသေးစိတ် လေ့လာချင်ရင် ၀ိသုဒ္ဓိမာဂ်ကျမ်းတို့၊ အဘိဓမ္မာတ္ထသင်္ဂဟာကျမ်းတို့၊ ဋီကာကျော်ကျမ်းတို့ကို ဖတ်ရှုလေ့လာရမှာ ဖြစ်ပါတယ်။

ဒီကနေ့တော့ ရုပ်နဲ့ ပတ်သက်လို့ သိစရာလေးတွေ အတော်များများ စုံအောင် ဟောခဲ့တာ ဖြစ်ပါတယ်၊ ဒါကြောင့်မို့ ဒီရုပ်ခန္ဓာကိုယ်ကြီးရဲ့ သဘာဝတရားတွေကို အသေးစိတ် လေ့လာခြင်းဖြင့် ဘာအကျိုးရှိတုန်းဆို “သတ္တသညံ ဥဂ္ဃါဋေတိ” သတ္တ၀ါ ဆိုတဲ့ အတွေးကို ဖျောက်နိုင်ပါတယ်တဲ့။

သဘာဝတရားတွေဟာ သူ့ဟာသူ ဖြစ်နေတယ် ဆိုတဲ့အမြင်ကို မြင်လိုက်တာနဲ့ သတ္တ၀ါဆိုတာ မဟုတ်ဘူးဆိုတာကို ထင်ရှားစေတယ်၊ ဒါကြောင့် သတ္တ၀ါဆိုပြီး မှားနေတဲ့ သတ္တသညာ စိတ်ထဲမှာ စွဲနေတဲ့ အမှတ်သညာကြီး ပျောက်သွားအောင် ဗုဒ္ဓရဲ့ အဘိဓမ္မာအရ ရုပ်တရားတွေကို ဆင်ခြင်ခြင်းဖြင့် အမှန်တရားကို တွေ့ရှိနိုင်ကြပါစေကုန်သတည်း။

သာဓု - သာဓု - သာဓု

*ဆက်ရန်* အခန်း(၃) နာမ်တရားကို လေ့လာသုံးသပ်ခြင်း မှ {နာမ်အဓိပ္ပါယ်၊ စိတ္တအဓိပ္ပါယ်၊ စေတသိတ်ကအဓိပ္ပါယ်} အား ဆက်လက်ရေးသား ပူဇော်ပါမည်။

*ကောက်နှုတ်ချက်* အဂ္ဂမဟာပဏ္ဍိတ အရှင်နန္ဒမာလာဘိဝံသ (Ph.D)
အဘိဓမ္မာ မြတ်ဒေသနာ (ပထမတွဲ) (စာ ၁၃၆-၁၄၆)  မှ ကောက်နှုတ်ရေးသား ပူဇော်ပါသည်။

တင်ပြသူ Yanan Sanein အချိန် 8:45 PM