အမှတ်စဉ်(၃၁) {ပသာဒရုပ် ၅-ပါး၊ အခြေခံရုပ် ၈-ခုတွင် သဒ္ဒရုပ် မပါဝင်ရခြင်း}

ပသာဒရုပ် ၅-ပါး

နောက်ပြီး သက်ရှိသတ္တ၀ါတွေမှာ ထူးခြားတဲ့ ရုပ်ကလေးတွေ ပါလာပြန်တယ်၊ ကံကြောင့် ပါလာတာ၊ ကံကြောင့်ဖြစ်တဲ့ ရုပ်တွေက ဘာလဲဆိုရင် စက္ခုပသာဒရုပ်တဲ့၊ ပသာဒ ဆိုတာ ကြည်တယ်ဆိုတဲ့ အဓိပ္ပါယ် ရတယ်၊ မျက်လုံးကလေးရဲ့ အကြည်ဓာတ်နဲ့ ဒီ ခန္ဓာကိုယ်ရဲ့ အကြည်ဓာတ်နဲ့ မတူဘူး၊ ဟုတ်လား၊ ကြည်တယ်ဆိုတာ အာရုံကို ဖမ်းယူနိုင်တဲ့ စွမ်းရည်သတ္တိကို ပြောတာ၊ အပြင်ဘက်က အဆင်းအာရုံတွေကို ဖမ်းယူနိုင်တဲ့ မှန်လေးလို ကြည်နေတာ၊ မျက်လုံးကိုလည်း အဲဒီလို အကြည်လို့ပဲ ခေါ်တယ်၊ သို့သော် အင်္ဂလိပ်လို ပြန်တဲ့အခါကျတော့ sensitive လို့ ပြန်တယ်၊ sensitive eye၊ ပါဠိလိုတော့ စက္ခုပသာဒရုပ်တဲ့၊ ပသာဒရုပ်ဟာ လူတွေမှာ (၅) ခုရှိတယ်၊ ‘ပသာဒရုပ်’ ဆိုသည်မှာ ပြင်ပက အာရုံတွေကို ဖမ်းယူနိုင်တဲ့ စွမ်းရည်သတ္တိရှိတဲ့ ကံက ပေးထားတဲ့  ရုပ်ငါးမျိုးလို့ ဒီလို ပြောတာ၊ အကြမ်းဖျင်း ပြောမယ်ဆိုလို့ရှိရင် မျက်စိရယ်၊ နားရယ်၊ နှာခေါင်းရယ်၊ လျှာရယ်၊ ကိုယ်ရယ်၊ ဟုတ်ရဲ့လား။

အဆင်းအာရုံကို မျက်စိက ဖမ်းယူတယ်၊ အသံအာရုံကို နားက ဖမ်းယူတယ်၊ အနံ့အာရုံကို နှာခေါင်းက ဖမ်းယူတယ်၊ ရသာရုံကို လျှာက ဖမ်းယူတယ်၊ ခန္ဓာကိုယ်မှာ ထိတဲ့ အာရုံတွေကို ဘယ်နေရာထိထိ ကာယပသာဒက ဖမ်းယူတယ်လို့ ဆိုတယ်၊ ဒါ ပသာဒရုပ် ငါးခုပဲ။

စဉ်းစားကြည်ပါ၊ လူတွေမှာ ပြင်ပနဲ့ ဆက်သွယ်စရာ အဲဒီရုပ်ငါးခုသာ မပါလို့ရှိရင် ဘယ်လိုနေပါ့ မလဲ၊ အဆက် အသွယ်တွေ ပြတ်မနေဘူးလား၊ ပြင်ပကဟာလည်း ဘာမှ မမြင်ရဘူး၊ အသံကလည်း ဘာမှ ကြားရမှာ မဟုတ်ဘူး၊  အနံ့လည်း ဘာမှ မရဘူး၊ အရသာလည်း သိမှာ မဟုတ်ဘူး၊ ထိလည်း သိမှာ မဟုတ်ဘူး၊ ဘာနဲ့ တူတုန်းဆို ရုပ်တုကြီးနဲ့ တူမနေဘူးလား၊ အဲဒါတွေ မပါရင် ရုပ်တုကြီးနဲ့ တူနေမှာပဲ။

ပဋိစ္စသမုပ္ပါဒ်မှာ မြတ်စွာဘုရားက ‘နာမရူပပစ္စယာသဠာယတနံ’ ဆိုတာ  ဒါပြောတာ၊ ဆက်သွယ်စရာ အင်္ဂါရပ်တွေ လူတွေပေါ်မှာ ပေါ်လာတယ်၊ အဲဒါတွေက ပသာဒရုပ်ငါးခု၊ ဒီ ပသာဒရုပ်(၅)ခုသည် ကံကြောင့်သာ ဖြစ်တယ်လို့ စက္ခုပသာဒ၊ သေတာပသာဒ၊ ဃာနပသာဒ၊ ဇိဝှာပသာဒ၊ ကာယပသာဒလို့ အကြည် ရုပ်ငါးမျိုး၊ အကြည်ဆိုတာ မှန်လိုကြည်နေလို့ အကြည်လို့ ပြောတာမဟုတ်ဘူး၊ အာရုံကို ရယူနိုင်တဲ့ စွမ်းရည်သတ္တိရှိတာ၊ တယ်လီဗေးရှင်း ကြည့်ချင်ရင် ဘာတပ်ထားကြတုန်း၊ အန်တဲနာတွေ စလောင်းတွေက ဖမ်းပေးတာပဲလေ၊ ဒီပြင် တုတ်ချောင်း ထောင်လားလို့ မရဘူးနော်၊
သူ့ဟာနဲ့သူမှ ဖမ်းလို့ရတာ၊ ထို့အတူပဲ မျက်စိကမှ အဆင်းအာရုံကို မြင်တာ၊ နားကမှ အသံအာရုံကို ကြားတာ၊ သူ့ဟာနဲ့သူ လူ့ခန္ဓာကိုယ်မှာလည်းပဲ ပြင်ပနဲ့ အာရုံတွေနဲ့ ဆက်သွယ်ဖို့, ဖမ်းယူဖို့ အင်္ဂါရပ်တွေ ပေါ်နေတယ်၊ အဲဒီအင်္ဂါတွေကို ရုပ်တရားလို့ ခေါ်တယ်။

အဲဒီတော့ ရုပ်တရားတွေကို ပြန်တွက်ကြည့်လိုက်ရင် အားလုံး အခြေခံက (၈)ရုပ်၊ ဇိဝိတထ်ည့်ရင် (၉)ခု၊ ဣတ္ထိဘာဝ, ပုမ္ဘာဝ ထည့်လိုက် (၁၁)ခု၊ နောက်တစ်ခါ ဟဒယထည့်လိုက် (၁၂)ခု၊ နောက်ပြီးတော့ စက္စုပသာဒ၊ သောတပသာဒ၊ ဃာနပသာဒ၊ ဇိဝှာပသာဒ၊ ကာယပသာဒ ထည့်လိုက်လို့ ရှိရင် (၁၇)ခု ရှိသွားပြီ၊ ဒါ ရုပ်အစစ်(၁၇)ခု။

အခြေခံရုပ် ၈-ခုတွင် သဒ္ဒရုပ်မပါဝင်ရခြင်း

ဒီထဲမှာ ‘သဒ္ဒ’ ဆိုတဲ့ရုပ်ကလေးတစ်ခု အကြောင်း မပြောရသေးဘူး၊ ဒီသဒ္ဒဆိုတဲ့ ရုပ်ကလေးက စိတ်ကြောင့် ဥတုကြောင့်သာ ဖြစ်တာ၊ ကံကြောင့် မဖြစ်ဘူး၊ ဒါကြောင့်မို့ အဋ္ဌကလာပ်ရုပ် ၈-ခုထဲမှာ သူက မပါဘူး၊ ဘာလို့လဲဆိုတော့ စိတ်တို့ ဥတုတို့ဆိုတာက ပစ္စုပ္ပန် အကြောင်းတရား၊ ကံက အတိတ်အကြောင်းတရား၊ စိတ်ဆိုတာ ခုလောလောဆယ် ရှိနေတဲ့ စိတ်ကိုပြောတာ၊ ဥတုဆိုတာလည်း အခုကြုံတွေ့နေတဲ့ ဥတုကို ပြောတာ၊ ဒါတွေက ပစ္စုပ္ပန်အကြောင်းတရားတွေ ဖြစ်သောကြောင့် အဋ္ဌကလာပ်ရုပ် ၈-ခုထဲမှာ သဒ္ဒရုပ်ကို မထည့်ဘူး။

ဘုန်းကြီးတို့ ဂျာမနီနိုင်ငံသွားပြီး အဘိဓမ္မာတရားပို့ချတဲ့အခါ သင်တန်းလာတက်တဲ့ ဂျာမန်တစ်ယောက်က ဒီအသံအကြောင်းကို မေးတယ်၊ ဒီ ရုပ်(၈)-ခုထဲမှာ ဘာဖြစ်လို့ အသံ မပါတာတုန်းတဲ့၊ အဆင်းတို့, အနံ့တို့, အရသာတို့တော့ ပါတယ်ပေါ့၊ ဘာဖြစ်လို့ အသံမပါတာလဲတဲ့၊ အသံလည်း ဖြစ်နိုင်တယ် မဟုတ်လားတဲ့။

ဘုန်းကြီးက ခုနက ဥပမာနဲ့ ပြောပြတယ်၊ မင်းတို့ဆီမှာ ဂစ်တာရှိတယ် မဟုတ်လား၊ ဂစ်တာထဲမှာ အသံ ရှိလို့လား၊ မရှိဘူးတဲ့၊ မရှိရင် ဒီအသံက နဂိုက ဖွဲ့စည်းထားတာ မဟုတ်ဘူး၊
ဆိုင်ရာအကြောင်းကြောင့် ဖြစ်တယ်လို့၊ သူက ဘာနဲ့သွားပြီး ရောထွေးနေတုန်းဆိုရင် အသံကို ရီကော်ဒါနဲ့ မှတ်တမ်းတင်ထားလို့ရတာ, ခုခေတ်ပြောတဲ့ Mp3 တို့ Mp4 နဲ့ အသံကို ဖမ်းထားလို့ ရတာနဲ့ ရောထွေးနေတာ၊ အသံဖမ်းလို့ ရနေတာဟုတ်တယ်၊ အသံ ဖြစ်လာပြီးတဲ့နောက်မှ ဖမ်းလို့ ဖမ်းထားလို့ ရတာလေ၊ မဖြစ်သေးတဲ့အသံကု ဘယ်နား ရှိနေတယ်လို့ မဆိုနိုင်ဘူး၊ ဘယ်နေရာမှာ အသံရှိနေတယ်ဆိုတာ ရှာကြည့်လေ။

 မီးခြစ်ဘူး ဥပမာပဲ ကြည့်ဦးပေါ့၊ မီးရှိနေရဲ့လား၊ မီးခြစ်ဘူးထဲမှာ မရှိဘူး၊ အကြောင်းဆုံမှသာ ဖြစ်လာတာ၊ အသံဆိုတာလည်း ထို့အတူပဲ၊ ဘယ်နေရာမှာမှ ရှိနေတာ မဟုတ်ဘူး၊ သို့သော် ဆိုင်ရာ အကြောင်းတရားတွေ ပေါင်းဆုံမိရင် ပေါ်လာတဲ့ သဘောပဲ ရှိတယ်။

ဒါကြောင့် ဒီသဒ္ဒရုပ်ဟာ ခုနက အဆင်းတို့ ဘာတို့နဲ့ မတူဘူး၊ သူက ရှိနေတဲ့အရာမဟုတ်ဘူး၊ ဖြစ်လာတဲ့အရာပဲ ဖြစ်တယ်၊ အဋ္ဌကလာပ်ရုပ် (၈)ခုက ရှိနေတဲ့ အရာတွေ၊ ရုပ်ဝတ္ထုတိုင်းမှာ remain ဖြစ်နေတယ်၊ တည်ရှိနေကြတယ်၊ အသံက ဒီလို မဟုတ်ဘူး၊ ဆိုင်ရာအကြောင်းနဲ့ ပေါင်းလိုက်တဲ့ အခါမှာ ပေါ်လာတဲ့ ရုပ်၊ နောက်ပိုင်းတော့ သူ သဘောပေါက်သွားပုံရတယ်၊ ဘာမေးခွန်းမှ မမေးတော့ဘူး။

မြန်မာလူမျိုးတွေ ရင်းနှီးနေတဲ့ စောင်းကို ကြည့်ပေါ့၊ စောင်းထဲမှာ အသံတွေရှိရဲ့လား၊ မရှိဘူးနော်၊ စောင်းအိုးရယ် စောင်းကြိုးရယ် တီးတဲ့လက်ရယ် ပေါင်းလိုက်မှ အသံဖြစ်လာတာလေ၊ ပစ္စုပ္ပန်အကြောင်းကြောင့် အသံထွက်လာတာ၊ အဲဒါကြောင့်မို့ အသံ(သဒ္ဒရုပ်) ဆိုတာ “သဒ္ဒေါ စိတ္တောတုဇော” ဆိုတဲ့အတိုင်း စိတ် ဥတုဆိုတဲ့ ပစ္စုပ္ပန်အကြောင်းတရားကို စွဲပြီး ဖြစ်ပေါ်လာတာ ဖြစ်သောကြောင့် အခြေခံ အဋ္ဌကလာပ်ရုပ်တွေထဲမှာ ထည့်မထားဘူး၊ ဒါကြောင့် ဒီသဒ္ဒရုပ် ထည့်လိုက်ရင် ရုပ်ပေါင်း ၁၈-ခု ဖြစ်လာတယ်၊ အဲဒီ ရုပ် ၁၈-ခုကို နိပ္ဖန္နရုပ် လို့ ခေါ်တယ်၊ ဘာကြောင့်တုံးဆို ဆိုင်ရာ အကြောင်းတရားတွေက ထုတ်လုပ်တဲ့ ရုပ်ဖြစ်လို့ပါ။

အဲဒီ နိပ္ဖန္နရုပ်ဆိုတဲ့ ရုပ်ကသာလျှင် သဘာဝရုပ်၊ တကယ့်ရုပ်အစစ် ဖြစ်တယ်၊ ၀ိပဿနာကမ္မဋ္ဌာန်း အားထုတ်ရင် အဲဒီ (၁၈)ခုထဲက တစ်ခုခုကို ရှုပြီး အားထုတ်ရတယ်၊ ရုပ် (၁၈)ခုဟာ ၀ိပဿနာရဲ့ အာရုံ ဖြစ်တယ်၊ ရုပ် (၂၈)ခုလို့ ကြားဖူးပါတယ်၊ ဘယ်နှယ့်ကြောင့် (၁၈)ခုကသာ ရုပ်အစစ် ဖြစ်ရတုန်းဆို ကျန်တာတွေက ဆင့်ပွားထားတဲ့ ရုပ်တွေ၊ ၀ိပဿနာဉာဏ်နဲ့ ရှုမြင် သုံးသပ်ဖို့ မလိုဘူး။

*ဆက်ရန်* {အနိပ္ဖန္နရုပ် ၁၀-ပါး၊ အာကာသဓာတ်၊ ပရိစ္ဆေဒရုပ်၊ ၀ိညတ်ရုပ် ၂-ပါး၊ ၀ိကာရရုပ်၊ လက္ခဏရုပ် ၄-ပါး} အား ဆက်လက်ရေးသား ပူဇော်ပါမည်။
 *ကောက်နှုတ်ချက်*အဂ္ဂမဟာပဏ္ဍိတ အရှင်နန္ဒမာလာဘိဝံသ (Ph.D)
အဘိဓမ္မာ မြတ်ဒေသနာ (ပထမတွဲ) (စာ ၁၂၅-၁၂၉)  မှ ကောက်နှုတ်ရေးသား ပူဇော်ပါသည်။

တင်ပြသူ Yanan Sanein အချိန် 6:28 PM