မောဟ
နောက်တစ်ခုက
မောဟ၊ မောဟ ဆိုတာ မြန်မာလို တွေဝေတယ်လို့ ဘာသာပြန်တယ်၊ တွေဝေနေတယ်လို့ဆိုရင် ဘာမှ
မသိဘူးလို့ ထင်ကောင်း ထင်လိမ့်မယ် မဟုတ်ဘူး၊ သူက တလွဲသိနေတယ်၊ အာရုံရဲ့
အစစ်အမှန်သဘောကို ဖုံးကွယ်ထားပြီး အမှားကို သိနေတယ်၊ ဖုံးကွယ်ထားတယ်ဆိုတာ
ဒီမောဟကြောင့် အမှန်မမြင်ဘူးလို့ ပြောတာနော်၊ မောဟက အာရုံရဲ့ အစစ်အမှန်သဘောကို
မသိဘဲနဲ့ တလွဲ သိနေတယ်တဲ့၊
အဲဒါ မောဟရဲ့ စွမ်းရည်သတ္တိပဲ၊ အဲဒီ မောဟဟာ သူက
အာရုံရဲ့ သဘောကို ဖုံးတယ်လို့ ဆိုပေမယ့် တစ်ဖက်က တလွဲထင်တဲ့ နေရာမှာ သူက
အစွမ်းသတ္တိရှိတယ်၊ သူ့ကို ‘အဝိဇ္ဇာ’
လို့ ခေါ်တယ်၊ ဉာဏ်ရဲ့ ဆန့်ကျင်ဘက်၊ အဝိဇ္ဇာလို့ ခေါ်တာ ပဋိစ္စပမုပ္ပါဒ်ထဲမှာ ဒီ
မောဟပဲ၊ ဉာဏ်ပညာရဲ့ ဆန့်ကျင်ဘက်။
အကုသိုလ်ဖြစ်တိုင်း
ဒီ မောဟကတော့
အကုသိုလ်ဖြစ်တိုင်း ပါတယ်၊ သူက ယဉ်ယဉ်လေးရယ်၊ သိပ်ပြီးတော့ ရှေ့တန်း ထွက်မလာဘူး၊
ဘာလို့လဲဆိုတော့ သူက အမှန်ကို အမှားထင်နေ တာလေးပဲ၊ သူကရှိတယ်၊ လုပ်သွားတာတော့
လောဘတို့၊ ဒေါသတို့က များတယ်၊ လောဘလို့ သိကြတယ်၊ ဒေါသလို့ သိကြတယ်၊ မောဟကျတော့
ဘယ်လို ဖြစ်တာတုန်းဆို လုပ်သင့်တာနဲ့ မလုပ်သင့်တာ ခွဲခြားမသိဘူး၊ မသိတော့ ဘာဖြစ်၊
မလုပ်သင့်တာကို လုပ်သင့်တယ်လို့ ထင်တယ်၊ လုပ်သင့်တာကို မလုပ်သင့်ဘူးလို့ ထင်တယ်၊
အဲဒီတော့မှားမှားယွင်းယွင်းတွေ အကုန် ဖြစ်ရော၊ ဒါ မောဟကြောင့် ဖြစ်တာ။
ဟောဒီ
မောဟကတော့ အကုသိုလ်ဖြစ်တိုင်း သူ ပါတယ်တဲ့၊ ဒါကြောင့်မို့ အကုသိုလ်စိတ်
၁၂-ခုလုံးနဲ့ ယှဉ်တယ်၊ အကုသိုလ်စိတ် ၁၂-ခုဆိုတာ လေဘာကို အခြေပြုပြီးတော့ ဖြစ်တာက
၈-ခု၊ ဒေါသကို အခြေခံပြီးတော့ ဖြစ်တာက ၂-ခု၊ မောဟ သက်သက်ကို အခြေခံပြုတာ ၂-ခု
အားလုံးပေါင်းတော့ အကုသိုလ်စိတ် ၁၂-ခု ဆိုပြီးတော့ ခွဲတယ်။
လောဘ ဒေါသ မောဟတို့ရဲ့ ဖြေဆေး
အဲဒီ လောဘတို့၊
ဒေါသတို့၊ မောဟတို့ ဆိုတာတွေဟာ စိတ်ရဲ့ အညစ်အကြေး တွေပါ၊ ဒါတွေကို ဖယ်ရှားပစ်လို့
ရပါတယ်။ လောဘကို အကြမ်းဖျင်းအားဖြင့် ဘာနဲ့ ဖယ်ရှားတုန်းဆိုလို့ရှိရင် ‘အလောဘ’ ဆိုတာနဲ့ ဖယ်ရှားတယ်၊
ဒါတိုက်ရိုက် ဖယ်ရှားတဲ့ နည်းပေါ့၊ ဒေါသကို ‘အဒေါသ’ ဆိုတဲ့ မေတ္တာနဲ့ ဖယ်ရှားပစ်ရတယ်၊ မောဟကို
‘အမောဟ’
လို့ဆိုတဲ့ အသိဉာဏ်နဲ့ ဖယ်ရှားပစ်ရမယ်၊ ဖြေဆေးတွေ သူ့ဘာသာသူ ရှိတယ်။
အဝတ်မည်းသွားလို့ရှိရင်
ဘာဆပ်ပြာနဲ့ ချွတ်ရမယ်ဆိုတာ သူ့ဟာနဲ့သူ ရှိတယ်ပဲလေ၊ ဘာနဲ့ ချွတ်ရင် ကျွတ်တယ်ဆိုတာ
ရှိတာပဲ၊ အဲဒါမျိုးလိုပဲ၊ စိတ်ရဲ့ အညစ်ကြေးတွေကလည်းပဲ ခုနက လောဘဖြစ်နေလို့ရှိရင် ‘အလောဘ’ ကိုယ့်ရဲ့ရင်ထဲ
နှလုံးသားထဲမှာ ထူထောင်ပေးရမယ်၊ ဒေါသဖြစ်လာရင် ‘အဒေါသ’ ထူထောင်ပေးရမယ်၊ ဖြစ်အောင်လည်း လုပ်ရမယ်၊
မောဟဖြစ်ရင် ‘အမောဟ’
ကို ထူထောင်ပေးပြီး ဖယ်ရှားပစ်ရမယ်၊ ဒါ ဖြူအောင် လုပ်တဲ့နည်းပဲ။
အဟိရိက
နောက်တစ်ခုက
ဘာလဲဆိုရင် အကုသိုလ် ဖြစ်တိုင်းပါတဲ့ ‘အဟိရိက’
ဆိုတာ ရှိတယ်၊ အဟိရိကကတော့ မြန်မာလို ပြောရင် အရှက်မဲ့တဲ့သဘော၊ အရှက်မဲ့တဲ့သဘော ဆိုတာ မကောင်းတဲ့
အလုပ်ကို လုပ်ရမှာ မရှက်ဘူး၊ မကောင်းတဲ့ အလုပ်ကို မရွံရှာဘူး၊ ဒုစရိုက်အလုပ်တွေ၊
အကုသိုလ်အလုပ်တွေ မရှက်တဲ့သူက ဘာမဆို လုပ်ဝံ့တော့တာပဲ။
ဒီနေရာမှာ မရှက်ဘူးဆိုတာက လူလယ်ခေါင်မှာ
ထပြီးတော့ ဆဲရဲတယ်၊ အဲဒါမျိုး၊ အကုသိုလ်အလုပ်နဲ့ ပတ်သက်လာလို့ရှိရင် မရှက်တာကို
ပြောတာ၊ လူသတ်ရမှာ မရှက်ဘူး၊ တိရစ္ဆာန်တွေ သတ်ရမှာ မရှက်ဘူး၊ သူများပစ္စည်း ခိုးရမှာ
မရှက်ဘူး၊ မကောင်းတဲ့ အကုသိုလ်အလုပ်တွေ မရှက်ဘူးလို့ ပြောတာ၊ အဲဒါကလည်း ဟောဒီ
အဟိရိကကြောင့်ပဲ၊ မျက်နှာပြောင်တိုက်ပြီး အကုသိုလ်အမှုပြုလုပ်တာ၊ အကုသိုလ်
လုပ်တိုင်း ဒီအညစ်အကြေးက ပါတယ်။
အနောတ္တပ္ပ
နောက်တစ်ခုက အနောတ္တပ္ပ မလန့်ဘူး၊ မကြောက်ဘူး၊
အကုသိုလ်ကို မလန့်ဘူး၊ ဒုစရိုက်တွေကို မလန့်ဘူး၊ မကြောက်ဘူး၊ အကုသိုလ်
ဒုစရိုက်တွေက ဖြစ်ပေါ်လာမယ့် အကျိုးတရားတွေကို မလန့်ဘူး၊ မကြောက်ဘူး၊ မကြောက်လို့
လုပ်တယ်၊ လုပ်တော့ ခံရတယ်ပေါ့၊ ဒါပါပဲ၊ ဟုတ်ရဲ့လား။
အဟိရိက၊
အနောတ္တပ္ပ ဆိုတဲ့ ဒီ
သဘာဝတရား ၂-ခု ဟာလည်း စိတ်အညစ်အကြေးပါပဲတဲ့၊ ဘာဖြစ်လို့တုန်းဆို
သူတို့ဖြစ်လာလို့ရှိရင် အကုသိုလ်ကို ဖိတ်ခေါ်နေတာနဲ့ အတူတူပဲ၊ ကျန်တဲ့
လောဘတွေ၊ ဒေါသတွေ ဖိတ်ခေါ်လာတာနဲ့ အတူတူပဲ၊ ဒါကြောင့်မို့ အဟိရိက, အနောတ္တပ္ပ ဆိုတာ
လူရဲ့ သန္တာန်မှာ အညစ်အကြေး တစ်ခုပဲလို့ ပြောတယ်။
ဥဒ္ဓစ္စ
နောက်တစ်ခုကကတော့
“ဥဒ္ဓစ္စ”
လုိ့ခေါ်တယ်၊ ဥဒ္ဓစ္စဆိုတာ စိတ်ကလေးက မငြိမ်သက်၊ မငြိမ်းချမ်းဘူးဆိုတာ တစ်ခါတစ်ခါ
လူတွေ ပြောကြတယ်၊ စိတ်ဟာ စုစည်းလို့ မရဘူး၊ လေနေတယ်၊ ဘာလုပ်ရမှန်းလည်း မသိဘူး၊
ဘာကိုင်ရမှန်းလည်း မသိဘူး၊ စိတ်တွေ လေနေတယ်လို့ ပြောကြတယ်၊ “ငါ့ စိတ်တွေ
လေနေလိုက်တာ စုစည်းလို့ မရဘူး၊ ငြိမ်းချမ်းမှုတွေ ပျက်ပြားနေတယ်”၊ ဒါ ဥဒ္ဓစ္စ
လို့ခေါ်တယ်။
အဲဒီ ဥဒ္ဓစ္စကလည်း
အကုသိုလ်စိတ် ဖြစ်တိုင်းဖြစ်တိုင်း ပါတယ်၊ လောဘ ဖြစ်နေရင်လည်း စိတ်လေတာပဲ၊ ဒေါသ
ဖြစ်နေရင်လည်း စိတ်လေတာပဲ၊ သို့သော် သူက မောဟနဲ့ ယှဉ်တွဲရလို့ရှိရင်
ပိုပြီးစိတ်လေမှုက ထင်ရှားလာတယ်။ ဒါကြောင့်မုိ့ “ဥဒ္ဓစ္စ သဟဂုတ်စိတ်” ဆိုပြီး သီးသန့် မောဟမူ စိတ်ထဲမှာ
ပါတယ်၊ ဥဒ္ဓစ္စ နဲ့ ယှဉ်တွဲတဲ့စိတ်၊ တကယ်တော့ ဥဒ္ဓစ္စဟာ အကုသိုလ်စိတ်အားလုံးမှာ
ယှဉ်တယ်၊ သို့သော် သူ့ရဲ့ စွမ်းဆောင်မှုဟာ နောက်ဆုံးစိတ်မှာ ပိုပြီးတော့
အင်အားကောင်းနေတယ်၊ ဒါကြောင့်မို့ ဥဒ္ဓစ္စသဟဂုတ်စိတ်လို့ ခေါ်လိုက်တာနော်၊ နေရာတိုင်း
အားကောင်းတာ မဟုတ်ဘူး။
စာဖတ်တဲ့အခါမှာ
ဘယ်အရာကို အသုံးပြုရတုံး၊ နားလား၊ မျက်စိလား၊ မျက်စိကို အသုံးချရတာ၊ သူက
အင်အားကောင်းတာ၊ တရားနာတဲ့အခါ မျက်စိလား၊ နားလား၊ နားက အင်းအားကောင်းတာပေါ့၊
ဥဒ္ဓစ္စကလည်း ထို့အတူပဲ၊ မောဟနဲ့ တွဲတဲ့အခါ ဥဒ္ဓစ္စက အင်အားကောင်းတယ်၊ ဒိပြင်နေရာမှာ
သူ ရှိနေပေမယ့်လို့ အင်အားမကောင်းဘူးတဲ့။
ပေါင်းလိုက်တော့
‘မောဟရယ်၊ အဟိရိကရယ်၊ အနောတ္တပ္ပရယ်၊ ဥဒ္ဓစ္စရယ်’ ဆိုတဲ့ ဒီစိတ်အညစ်အကြေး ၄-ခုဟာ
အကုသိုလ်စိတ် ဖြစ်တိုင်း ဖြစ်တိုင်း ပါနေကြတယ်၊ ပါဝင် ပတ်သက်မှုတွေ ရှိနေတယ်၊
ခွဲထုတ်လို့ မရတဲ့ သဘာဝတရားတွေတဲ့။
** ဆက်ရန် ** {ဒိဋ္ဌိ၊ မာန၊ သူတောင်းစားမာန၊ အကောင်းအဆိုး၊ မထားသင့်တဲ့မာန၊ မာနခံလျှင် တရားမရ}
*ကောက်နှုတ်ချက်* အဂ္ဂမဟာပဏ္ဍိတ အရှင်နန္ဒမာလာဘိဝံသ (Ph.D)
အဘိဓမ္မာ မြတ်ဒေသနာ (ပထမတွဲ) (စာ၂၇၄-၂၇၉) မှ ကောက်နှုတ်ရေးသား ပူဇော်ပါသည်။
No comments:
Post a Comment