အနာဂတ်သာသနာရေး အပိုင်း(၄၇) အဓိပ္ပာယ်ရှင်းပြချက်

အဓိပ္ပာယ်ရှင်းပြချက်

ဤအခန်းကို   ကြည့်ရှုသူတို့အား ဓမ္မစကြာတရား စ၍ ဟောတော် မူချိန်ကို ခန့်မှန်းစေလိုပါသည်၊ ရှင်တော်မြတ်သည် ဗုဒ္ဓဖြစ်ပြီးခါစ သက်တော် (၃၅)နှစ် အရွယ်မျှဝယ် ကမ္ဘာလောက၌ ထူးခြားသော တရားတော်ကို ပထမဆုံး ဟောတော်မူရမည့် အခါပေတည်း၊ လူ ပုဂ္ဂိုလ်ထဲက ငါးဦးမျှသောပဉ္စ၀ဂ္ဂီတို့သည် တရားဦးကို နာယူမည်ဟု မျှော်လင့်တောင့်တ စောင့်ဆိုင်းခဲ့ကြသည်မှာ (၃၅)နှစ်လောက်ပင် ကြာပါပေပြီ၊ 

ယခုအချိန်မှာ သူတို့ မျှော်လင့်နေသော အလောင်းတော်မင်းသား၏ ဗုဒ္ဓဖြစ်ကြောင်းကို ယုံကြည်လာကြပြီ ဖြစ်၍ တရားတော်ကို နာလိုသောဆန္ဒလည်း အလွန်ထက်သန်လျက် ရှိကြပေလိမ့်မည်၊ နေရာဌာနမှာလည်း လူသံကင်းဝေး အေးဆေးငြိမ်သက် လှစွာ မိဂဒါဝုန် ရဂုံမြိုင်တွင်းဖြစ်၏၊ အချိန်မှာ ၀ါဆိုလပြည့်နေ့ဝယ် နေစွယ်ယွန်း၍ လ၀န်းပေါ်စအချိန် ဖြစ်ပေသည်၊ ထိုအချိန်ကောင်းဝယ် အရွယ် (၃၅)နှစ်မျှ အားအင်တော်ပြည့်၍ ၀ါဝင်းသပ္ပာယ်သော ကိုယ်ခန္ဓာတော်တွင် ကြည်လင်အေးမြသော မျက်နှာတော်ဖြင့် သာယာသော အသံတော်ကို ထုတ်ဖော်ကာ ““ဒွေမေ ဘိက္ခဝေ အန္တာ ပဗ္ဗဇိတေန န သေ၀ိတဗ္ဗာ”” အစချီသော တရားရတနာကို မိန့်တော်မူပါသည်။

ကာမသုခလ္လိကအကျင့်

ကာမချမ်းသာကို  ခံစားသော  လူဝတ်ကြောင်များသည် မိမိတို့ ကာမစိတ်အလိုကျအောင် လှပသောအဆင်း, သာယာသော တီးမှုတ်သံ, မွှေးကြိုင်သောအနံ့ အရက်သေစာမှ စ၍ အစားအသောက်မျိုးစုံဖြင့် တစ်ယောက်နှင့်တစ်ယောက် တွေ့ကာထိကာ မီးခိုးမဆုံး မိုးမဆုံးသော ခံစားဖွယ်တွေကို ရနိုင်သမျှ ခံစားကြ၏၊ ထိုကာမစိတ်ကြိုက် အလိုလိုက်သောအကျင့်သည် ကာမသုခလ္လိကအကျင့်မည်၏၊ ထိုကာမအကျင့်သည်အောက်တန်းကျ၍ယုတ်မာ ညစ်ညမ်းသောကြောင့် လူလယ်ကောင်၌ မပြုရဲကြ၊ အိမ်သူအိမ်သားတွေရဲ့ အကျင့်သာ ဖြစ်၏၊ အထက်တန်းကျသော အနာဂါမ် ရဟန္တာများ မကျင့်ကြချေ။

          မှန်၏၊ ဤအကျင့်သည် ကာမရာဂ မကုန်သေးသူတို့အတွက် အကောင်းကြီးဟု ထင်ရသော်လည်း ရာဂကုန်နေသူတို့အတွက်မှာ စိတ်ပျက် ရွံရှာဖွယ်သာ ဖြစ်၏၊ ဥပမာ…ခွေးဘ၀၌ ဖြစ်ခိုက် မစင်ကို အလွန် နှစ်သက်သော်လည်း ခွေးဘ၀မှ လွတ်၍ လူဖြစ်လာသော အခါ မစင်သည် စက်ဆုပ်ရွံရှာဖွယ် ဖြစ်သကဲ့သို့တည်း၊ ထို့အတူ ကာမရာဂ မကင်း၍ အကောင်းကြီးထင်ရသော ကာမခံစားမှုသည် ကာမရာဂ ကင်းကွာပြီးသော အနာဂါမ်ဖြစ်လျှင် ရွံဖွယ်ဟုသာ ထင်မြင်လေတော့သည်၊ ထိုအကျင့်ကို လိုက်စား၍ လောကအကျိုး သံသရာအကျိုး ပွားတိုးသည်ဟု မရှိ၊ စင်စစ်သော် ထိုအကျင့်ယုတ်ကို အားထုတ်လိုက်စားသူတို့မှာ ဉာဏ်ပညာ မတိုးပွားသည့်ပြင် နဂိုရှိသမျှ ပညာဉာဏ်သည်ပင် ထိုင်းမှိုင်းတတ်သေး၏၊ ထို့ကြောင့် ထို ကာမသုခလ္လိကာအကျင့်ကို ရသေ့ ရဟန်း သူတော်စင် ဟူသမျှတို့ ဝေးနိုင်သမျှ ဝေးအောင် ရှောင်ကြဉ်ကြရပေသည်။

မေထုန်ငယ်ခုနစ်မျိုး

[ ဤနေရာဝယ်  ““အင်္ဂုတ္တိုရ် သတ္တကနိပါတ်”” လာ မေထုန်ငယ် ခုနစ်ပါးကို သတိထားသင့်သည်၊] အိုပုဏ္ဏား…သမီး ခင်ပွန်းချင်း ကာမစည်းစိမ် ခံစားနေခြင်းကိုသာ ““မေထုန်””ကိစ္စဟု မမှတ်လင့်၊

၁။ ရေချိုးရာ၌ မာတုဂါမ၏ ပွတ်တိုက်ပေးခြင်း, အခြားနေရာ၌ ခြေဆုပ်လက်နယ် ပြုပေးခြင်းကို သာယာနေခြင်းလည်း မေထုန်ကိစ္စ တစ်မျိုးပင်တည်း၊

၂။ ထိုသို့ ပြုစုခံခြင်းမှ ရှောင်ကြဉ်နိုင်သော်လည်း မာတုဂါမနှင့်အတူ ပြုံးကာ ရယ်ကာ တို့ကာ ဆိတ်ကာ သာယာနေခြင်းလည်း မေထုန် ကိစ္စ တစ်မျိုးပင်တည်း၊

၃။ ထိုသို့ ပြုံးရယ် တို့ဆိတ်ခြင်း စသည်ကို ရှောင်ကြဉ်နိုင်သော်လည်း မျက်နှာချင်းဆိုင်၍ အားရပါးရ ကြည့်ရှု နေခြင်းလည်း မေထုန်ကိစ္စ တစ်မျိုးပင်တည်း၊

၎။ ထိုသို့ ကြည့်ရှု ခြင်းမျိုးမှ ရှောင်နိုင်သော်လည်း မိမိ၏ မမြင်ကွယ်ရာ အနီးအပါးမှ ရယ်သံ စကားပြောသံကို ကြား၍ သာယာသောအားဖြင့် နားစိုက် နေခြင်းလည်း မေထုန်ကိစ္စ တစ်မျိုးပင်တည်း၊

၅။ ထိုသို့ နား မထောင်ဘဲ ရှောင်လွှဲနိုင်စေကာမူ သီလမဆောက်တည်ခင် ရှေးက မာတုဂါမနှင့်အတူ ပျော်ပျော်ရွှင်ရွှင် ကြင်ကြင်နာနာ နေခဲ့ရဖူးသည်ကို တွေး၍ မျက်စိထဲ၌ တရေးရေး မြင်နေရခြင်းလည်း မေထုန်တစ်မျိုးပင်တည်း၊

၆။ ထိုသို့မတွေးဘဲ နေနိုင်စေကာမူ လူဝတ်ကြောင် များ၏ ခံစားမှုကို မြင်ရ၍ အားကျနေခြင်းလည်း မေထုန်တစ်မျိုးပင်တည်း၊

၇။ ထိုအားလုံးကို ရှောင်ကြဉ်၍ သူတော်စင်ပီပီ တည်ကြည်ပါသည်ဟု ချီးမွမ်းရမည် ဖြစ်သော်လည်း ယခုဘ၀၌ စောင့်စည်းရသော အကျင့်သီလဖြင့် နောက်ဘ၀ နတ်ဖြစ်ရတော့ မည်ဟု မျှော်လင့်လျက် နှစ်သက်သာယာနေခြင်းလည်း မေထုန် တစ်မျိုးပင် ဖြစ်၏။

          ထိုစိတ်မျိုး ဖြစ်နေသမျှ အဗြဟ္မစရိယ (မေထုန်)မှ ရှောင်ကြဉ်မှု သီလသည် ညှိုးနွမ်း ပေါက်ကျားနေသေး၏ဟု ဟောတော်မူသည်၊ ထို့ကြောင့် ကာမသုခလ္လိကနုယောဂအကျင့်ကို ရှောင်ကြဉ်၍ သူတော်စင်ပီပီ တည်ကြည်သော ရသေ့ ရဟန်း သီလရှင် ဖြစ်လိုသူ များကား ထိုအားလုံးမှ ရှောင်ရှားနိုင်အောင် ကိုယ်ရော စိတ်ပါ သတိထားကြရပေလိမ့်မည်။

 

Credit to

တင်ပြသူ Yanan Sanein အချိန် 2:58 PM