ဒိဗ္ဗစက္ခုဉာဏ် ရတော်မူပုံ
အလောင်းတော်သည်
ကိုယ်တော်မြတ်၏ အဖြစ်ဟောင်းတွေကို သိမြင်နိုင်ပြီးနောက်
ဆယ်နာရီကျော်လောက်မှ စ၍ သတ္တ၀ါအများ၏ အရေးကို ဆက်လက်၍ တွေးတောစဉ်းစားပြန်ရာ သန်းခေါင်ကျော်
နာရီပြန် တစ်ချက် နှစ်ချက်အတွင်းလောက်အချိန်မှာ လူ့ပြည် နတ်ပြည်နှင့် ဗြဟ္မာ့ပြည်တို့၌
ချမ်းသာသုခ ရရှိနေကြသော သတ္တ၀ါတို့ကိုလည်းကောင်း, ငရဲ ပြိတ္တာ တိရစ္ဆာန်ဘ၀နှင့်လူ့ဘ၀အောက်တန်း
၌ ဆင်းရဲဒုက္ခ ခံနေရသော သတ္တ၀ါတို့ကိုလည်းကောင်း မျက်ဝါး ထင်ထင် မြင်ရသကဲ့သို့ မြင်နိုင်သော
“ဒိဗ္ဗစက္ခု”ခေါ် အသိဉာဏ်ကို ရတော်မူ၏။
ထို့နောက် “ဒုက္ခိတသတ္တ၀ါတွေ ဘာ့ကြောင့် ဤကဲ့သို့ ဆင်းရဲစွာ နေကြရပါလိမ့်မည်နည်း၊
လူ့အထက်တန်းစားနှင့် နတ်ဗြဟ္မာများကား ဘာ့ကြောင့် ချမ်းသာကို ရရှိကြပါလိမ့်မည်နည်း”ဟု
ဆက်လက် စဉ်းစားတော်မူရာ ကိုယ်စီကိုယ်င သူတို့ ပြုခဲ့ကြသော အကုသိုလ်နှင့် ကုသိုလ်ကံများကို
တွေ့မြင်တော်မူလေသည်၊ ဤသို့ သိနိုင်သော ဉာဏ်ကို “ယထာကမ္မူပဂဉာဏ်”ဟု ခေါ်၏၊ ဤသို့ မြင်ရလျှင်ပင်
အားလုံးသတ္တ၀ါတွေကို မကောင်းမှုဟူသမျှ မပြုကြဖို့ရန်နှင့် ကောင်းမှုဟူသမျှတို့ကို ပြုကြဖို့ရန်
အလွန်ဟောပြောချင်စိတ်တွေ ယိုဖိတ်မတတ် ရှိပေလိမ့်မည်။
ထိုဉာဏ်နှစ်ပါး၏ စွမ်းအား
ထိုသို့ ဒိဗ္ဗစက္ခုဉာဏ်နှင့် ယထာကမ္မူပဂဉာဏ်တော် ရသည့်အခါ
သတ္တ၀ါတွေကို မည်သူကမျှ ဖန်ဆင်းထားသည်မဟုတ်၊
ကိုယ့်ကံကြောင့် ကိုယ်ဖြစ်သည်ဟု ရှင်းလင်းစွာ သိတော်မူရကား “သတ္တ၀ါတစ်ယာက်သေလျှင် သူ့အတွက်
အဆက်ပြတ်၍ (ဖန်ဆင်း လိုက်မှုကြောင့်) အသစ်သတ္တ၀ါတစ်မျိုး ဖြစ်ရသည်”ဟု ယူမှားသော ဥစ္ဆေဒဒိဋ္ဌိနှင့်
န၀သတ္တပါတုဘာဝဒိဋ္ဌိလည်း ပုဗ္ဗေနိဝါသဉာဏ် ရစဉ်က ရှင်းပြီးအပေါ်မှာ သာ၍သန့်ရှင်းလာလေတော့၏၊
[န၀သတ္တ=အသစ်သတ္တ၀ါ၏+ပါတုဘာဝ=ထင်ရှားပေါ်လာခြင်း၊]
ကံနှင့်
ကံ၏ အကျိုး (ခံရ စံရပုံတွေ)ကို မျက်ဝါးထင်ထင် တွေ့မြင်နေရကား သတ္တ၀ါတို့၏ သန္တာန်မှာ
မိမိပြုထားသောကံသာ သွားလေရာ လိုက်ပါသော ကိုယ်ပိုင်ဥစ္စာ ဖြစ်ပေသည်ဟု သိမြင်သော “ကမ္မ
ဿကတာဉာဏ်”ခေါ် အယူမှန် သမ္မာဒိဋ္ဌိသည် အငြိအကပ်မရှိ ရှင်းလင်းပေတော့၏။ [ကမ္မ = ကံ+သကတာ
= ကိုယ့်ဥစ္စာရှိသူ၏ အဖြစ်ဟု+ဉာဏ=သိခြင်း။]
ထို့ပြင် တဏှာမကင်းသေးသမျှ တစ်ဘ၀အဆုံးတွင် ထိုထိုဘ၀၌ စိတ်ညွတ်မှု
ဖြစ်နေရကား “ထိုတဏှာ၏ ကိုင်းညွတ်မှုကြောင့် ပြုခဲ့သမျှ ကံသည် ဘ၀အသစ်၌ ရုပ် နာမ်ကို ဖြစ်စေရပြန်သည်”
ဟုလည်း သိမြင်ရကား “ဘ၀အသစ်တစ်ခု ဖြစ်ဖို့အရေး၌ တဏှာနှင့် ကံသည် အရေးကြီးသော တာဝန်ခံများ
ဖြစ်ပေ၏”ဟု သိရှိသည့်ပြင် “ထိုတဏှာ မရှိလျှင် ဘ၀အသစ်လည်း မဖြစ်နိုင်တော့” ဟု သိမြင်လာပေသည်။
Credit to
No comments:
Post a Comment