အနာဂတ်သာသနာရေး အပိုင်း(၂၁)ဘ၀အနည်းငယ်ဖြင့် ပါရမီမပြည့်

ဘ၀အနည်းငယ်ဖြင့် ပါရမီမပြည့်

[သတ္တ၀ါတို့သည် တစ်ဘ၀နှင့်တစ်ဘ၀ကံ၏  သတ္တိဖြင့်  ဆက်သွယ်လျက်ရှိကြောင်းကို ယုံကြည်နှင့်ပါ၊] သတ္တ၀ါတို့၏ ယခုဘ၀၌ ဖြစ်သမျှ ထက်မြက်သော ဇောစိတ်၏ ဓာတ်သတ္တိများသည် နောက်နောက်ဘ၀တို့၌လည်း အဆက်မပြတ်လိုက်ပါ၍ သွားတတ်ကြ၏၊

ဥပမာ-ယခုဘ၀၌ မေတ္တာ ကရုဏာ လွန်ကဲသူ သည် ရှေးရှေးဘ၀တို့မှ မေတ္တာ ကရုဏာ ဓာတ်ခံပါလာ၍ နောက် နောက်ဘ၀သို့လည်း ထိုဓာတ်ခံသည် ဧကန် ပါသွားဦးမည်သာတည်း၊ ထို့အတူ သဒ္ဓါလွန်ကဲသူ, ပညာလွန်ကဲသူတို့၌လည်း ထို ဓာတ်ခံမျိုး လိုက်ပါလျက် ရှိသကဲ့သို့ လောဘ ဒေါသဓာတ်ခံရှိသူ တို့မှာလည်း ထိုသို့ဓာတ်ခံ ပါနေတတ်သည့်အားလျော်စွာ နိဗ္ဗာန်ကို ရည်စူး၍ ပါရမီဖြည့်နေသူတို့သည် ဘုရားလောင်း မဟုတ်စေကာမူ ထိုက်တန်သမျှ သဒ္ဓါ ပညာ စသော ဓာတ်ခံကောင်းတွေ ရှိစေရမည်သာ၊ ဘုရားအလောင်း, အဂ္ဂသာဝက မဟာသာဝကအလောင်း တို့မှာကား မေတ္တာ ကရုဏာမှ စ၍ ထိုဓာတ်ခံကောင်းမျိုးကို ရိုးရိုး ပါရမီဖြည့်သူတို့ထက် နှစ်ဆ သုံးဆမျှမက ရာထောင်စသည် သာလွန်အောင် ကြိုးစားရပေမည်၊ ထိုသို့ ကြိုးစားသော်လည်း ဘ၀ အနည်းငယ်ဖြင့် ထိုပါရမီများ လုံလောက်အောင် ပြည့်ဝလိမ့်မည် မဟုတ်ပါ။

အဆင့်ဆင့်ရင့်အောင် အားထုတ်ရပုံ

လောက၌ ပညာကို လုံးလုံးမလိုက်စားဘဲ အောက်ကျနောက်ကျ ဖြစ်ချင်ဖြစ်ပါစေဟု နေသူ, အနည်းငယ် ရှာသူ, အလယ်လတ် ရှာသူ, အထက်တန်းရောက်အောင် ရှာသူ, အထက် တန်းရောက်ရုံမျှဖြင့်လည်း အားမရသေးဘဲ ထိပ်တန်းရောက်လိုသူဟု အမျိုးမျိုး ရှိရာ ထိုသူတို့မှာ မိမိတို့၏ ဆန္ဒအလိုက် အကျိုးရမည် ဖြစ်သော်လည်း ထိုအကျိုးရဖို့ရာ လူကျန်းမာရေး, ငွေကုန်ခံနိုင်ရေး, အနှောင်အဖွဲ့ လွတ်လပ်ရေး, ဉာဏ်ထက်မြက်ရေး, လုံ့လ၀ီရိယ(ဇွဲ) ရှိရေးများနှင့် ပြည့်စုံရမည့်အပြင် သင်ပေးမည့် ဆရာကလည်း ပြည့်စုံရသေး၏၊

ထိုသို့ ပြည့်စုံသူသည် ရည်ရွယ်ချက်ဆန္ဒက အထက်တန်းကျလျှင် အချိန်ကြာမြင့်စွာလည်း ကြိုးစားရသကဲ့သို့ ထို့အတူ ပါရမီပြည့်ဝအောင် ဆည်းပူးတော်မူကြသော အလောင်းတော်များလည်း ဆန္ဒတော်အလိုက် ကမ္ဘာပေါင်းများစွာ ကာလ ကြာအောင် ကြိုးစားတော်မူကြရပေသည်။

          ထိုသို့ ကြိုးစားရာဝယ် ပညာကို အဓိကထား၍ ကြိုးစားလျှင် ပညာဓာတ်သည် တစ်ဘ၀ထက် တစ်ဘ၀ တက်၍ လာ၏၊ ၀ီရိယကို အဓိကထား၍ ကြိုးစားလျှင် ၀ီရိယဓာတ်သည် တစ်ဘ၀ထက် တစ်ဘ၀ တက်၍ တက်၍ လာ၏၊ ထိုသို့ တိုးတက်နေသော်လည်း ဆန္ဒနှင့် လိုက်အောင် ဒီဂရီမကိုက်သေးသမျှ ထပ်၍ ထပ်၍ ဖြည့်ရ ဦးမည်၊

ဥပမာ-အထက်တန်းစာမေးပွဲ ကြိုးစားနေသော ဉာဏ်အားကိုးသူ, ၀ီရိယအားကိုးသူ နှစ်မျိုးလုံးပင် မူလတန်းမှ စ၍ တစ်ဆင့်ထက် တစ်ဆင့် အသိဉာဏ်ကား ရင့်ခဲ့ပေ၏၊ သို့သော် မိမိ၏ အသိဉာဏ်သည် နောက်ဆုံး ထိပ်တန်းနှင့် ဒီဂရီမကိုက်သေး သမျှ ဉာဏ်ကိုလည်းကောင်း, ၀ီရိယကိုလည်းကောင်း ထပ်၍ ထပ်၍ အသုံးပြုကြရ, ကြိုးစားရသေးသကဲ့သို့တည်း။

          ဆက်ဦးအံ့- ဤကမ္ဘာ၌ ဗုဒ္ဓလေးဆူ ပွင့်တော်မူပြီးဖြစ်ရာ ပထမ  ကကုသန်ရှင်တော်ဘုရားသည် … အနှစ်လေးသောင်း အသက်တမ်းအချိန် ပွင့်တော်မူ၏၊ ထို့နောက် အသက်တမ်း ဆုတ်ယုတ်၍ (၁၀)နှစ်တမ်းမှ တက်ပြီးနောက် အသင်္ချေတမ်းရောက်၍ တစ်ဖန် ဆုတ်ယုတ်လာသောအခါ အနှစ်သုံးသောင်းတမ်း၌  ကောဏာဂုံရှင်တော်ဘုရားပွင့်တော်မူ၏၊ ဤနည်းဖြင့် အသက်တမ်း အစွမ်းကုန် ဆုတ်၍ တိုးတက်လာပြီးနောက် ဆုတ်ယုတ်လာပြန်ရာ အနှစ် နှစ်သောင်းတမ်း၌ ကဿပရှင်တော်ဘုရား ပွင့်တော်မူခဲ့၍ ထို့အတူ ဆုတ်ယုတ်လာကာ အနှစ် တစ်သောင်းတမ်းမှာ ငါတို့ ဗုဒ္ဓ ရှင်တော်ပွင့်သင့်သော်လည်း ဗုဒ္ဓအဖြစ်သို့ ရောက်နိုင်လောက်အောင် ပါရမီတော် မပြည့်သေးသဖြင့် ထပ်၍ ကြိုးစာတော်မူရသောကြောင့် အနှစ် တစ်ရာတမ်း ရောက်မှ ဗုဒ္ဓဖြစ်လောက်သော ပါရမီတော်များ ပြည့်ဝတော်မူပေသည်၊ ဤသို့လျှင် “မြင့်မြတ်သူတို့၏ အလုပ်ကို ပါရမီ”ဟု ဆိုခဲ့ရာ ရည်ရွယ်ချက် ဆန္ဒနှင့် ကိုက်ညီအောင် ထိုပါရမီကို ဖြည့်ရသောအချိန်အခါလည်း ရည်ရွယ်ချက်မြင့်လျှင် မြင့်သလောက် ကြာညောင်းရသည့်ပြင် ထိုအချိန်ကာလ အတွင်းမှာလည်း စိတ်မပျက် လက်မပျက်ဘဲ ဇွဲကောင်းကောင်းနှင့် ကြိုးစားတော်မူကြရပေသည်။

စရိယာသုံးပါး

[ဗုဒ္ဓဖြစ်အောင် ကြိုးစားရာ၌ ပါရမီဆယ်ပါးကို အများဖြည့်ရိုးအတိုင်းလည်း ဖြည့်ရ, ကိုယ်အင်္ဂါ အပျက်အစီးခံ၍လည်း ဖြည့်ရ, မိမိအသက်ကိုပင် စွန့်လွှတ်၍ သို့မဟုတ် သူများအသက်ကိုပင် ကယ်တင်နိုင်လောက်အောင်လည်း ဖြည့်ရကြောင်းကို “ရတနာ့ဂုဏ်ရည်”စသော အခြားကျမ်းစာတို့၌ တွေ့ဖူးကြပါလိမ့်မည်၊ ဤကျမ်း၌ကား စရိယာသုံးပါးအကြောင်းကို ပြပါအံ့၊] “လောကတ္ထစရိယာ, ဉာတတ္ထစရိယာ, ဗုဒ္ဓတ္ထစရိယာ”ဟု စရိယာသုံးပါးရှိ၏၊ ထိုတွင် ကမ္ဘာသူ ကမ္ဘာသား သတ္တ၀ါအများ အကျိုးငှာ ဖြည့်ကျင့်တော်မူခြင်းသည် “လောကတ္ထစရိယာ”မည်၏၊ [လောက=သတ္တ၀ါအများ၏+အတ္ထ=အကျိုးကို+စရိယာ=ပြုကျင့်မှု, အားထုတ်ပြုလုပ်မှု၊] အမျိုးသားတို့၏ အကျိုးငှာ ပြုလုပ်အားထုတ် ခြင်းသည် ဉာတတ္ထစရိယာ မည်၏၊  [ ဉာတိ = အမျိုးသား၊ ]  ဗုဒ္ဓ ဖြစ်နိုင်လောက်သည့်အထိ  ဉာဏ်ပညာ  ကြီးမားအောင်  ပြုကျင့် အားထုတ်ခြင်းသည်  ဗုဒ္ဓတ္ထစရိယာမည်၏၊ [ဗုဒ္ဓိ=ဉာဏ်ပညာ] ကမ္ဘာများစွာတို့၌ ထိုအကျင့်သုံးပါးတွင် တစ်ပါးပါးကို အဓိကထား၍ ကြိုးစားခဲ့ရာ ဘ၀တွေကား မရေမတွက်နိုင်အောင် များလှပေသည်။

တင်ပြသူ Yanan Sanein အချိန် 2:26 PM