အနာဂတ်သာသနာရေး အပိုင်း(၁၀) ဆွမ်းဘုဉ်းပေးပုံနှင့် ဆေးကြောပုံ

ဆွမ်းဘုဉ်းပေးပုံနှင့် ဆေးကြောပုံ

[သပိတ်ဖြင့် ဆွမ်းဘုဉ်းပေးကြောင်း, ဟင်း       ကိုလည်း  သပိတ်၌  ထည့်၍  ဘုဉ်းပေးကြောင်းကို ရှေးဦးစွာ သတိပြုပါ။] ဆွမ်း ကပ်ခါနီးသော် လူတို့က သပိတ်ဆေးဖို့ ရေကို ယူလာ၍ သပိတ်၌ လောင်းထည့်သောအခါ သပိတ်နှုတ်ခမ်းကို ဒီဘက်စောင်း ဟိုဘက် စောင်း  ဘေးစောင်း မဖြစ်စေဘဲ  လက်နှစ်ဖက်ဖြင့် ကိုင်၍ အနည်းငယ် စောင်းပြီး ခံယူပါသည်၊ ရေကိုလည်း မနည်းလွန်း မများ လွန်းဘဲ သင့်တော်ရုံကိုသာ ခံယူပါသည်၊ သပိတ်ကို ဆေးသောအခါ  ရေသံ မမည်စေပါ၊ သပိတ်အပြင်ကိုလည်း ရှေးဦးစွာ မဆေးပါ၊ သပိတ်ဆေးပြီးသည်နှင့် တစ်ပြိုင်နက် လက်ဆေးပြီးလည်း ဖြစ်ပါတော့၏၊

ထိုသပိတ်ဆေးရေကို အဝေးလှမ်း၍ မသွန်, အနီး၌လည်း ကပ်၍ မသွန်ပါ၊ (အဆင်သင့်ရုံ မနီးမဝေးမှာ သွန်ပါသည်-ဟူလို၊) ဆွမ်းကို ခံယူသည့်အခါလည်း (ရေကို ခံယူတုန်းကကဲ့သို့) သပိတ် နှုတ်ခမ်းကို တည့်တည့်ထား၍ အနည်းငယ် စောင်းပြီး မနည်းလွန်း မများလွန်း ခံယူပါသည်၊ ဟင်းကိုလည်း ဆွမ်းနှင့် မျှတရုံ (ဆွမ်း၏ လေးပုံတစ်ပုံမျှသာ) ခံယူပါသည်၊ ဆွမ်းဘုဉ်းပေးပြီးသောအခါ ဆွမ်းလည်း မပို, ဟင်းလည်း မလိုပါ။

          ဗုဒ္ဓရှင်တော်၏ ကျယ်ပြန့်သော လျှာ်ပေါ်ဝယ် သွားဖြင့် နှစ်ကြိမ် သုံးကြိမ်မျှ ကြိတ်ခြေခြင်းခံရသော အစာသည် ကျောက်ပျဉ်၌ ကြိတ် အပ်သော နံ့သာပျောင်းကဲ့သို့ ကြေညက်သွားပါတော့၏၊ ထို့ကြောင့် နှစ်ကြိမ် သုံးကြိမ်လောက် လျှာပေါ် လှည့်ပတ်ပြီးလျှင် ဆွမ်းလုတ်ကို မျိုချပါသည်၊ ထမင်းအဆန်ကလေး တစ်လုံးတလေမျှ ခံတွင်း၌ မကျန်ရစ်ပါ၊ စားသည့်အခါလည်း အရသာကို ခံစားနေပုံမရပါ၊

ဤခန္ဓာကိုယ် တည်တံ့နိုင်ရုံ, မျှတနိုင်ရုံ (မစားလျှင် ပင်ပန်းမည် ဖြစ်၍) မပင်ပန်းရုံ, သာသနာကို ချီးမြှောက်နိုင်ရုံ ရည်မှန်း၍ ဘုဉ်းပေးသုံးဆောင်နေဟန်တူပါသည်၊ ထိုသို့ ဆွမ်းဘုဉ်းပေးပြီးသော အခါ ရှေးနည်းအတိုင်း သပိတ်ဆေးရေကို ခံယူ၍ သပိတ်တော်ကို ဆေးပြီးနောက် သုတ်ပြီးလျှင် မနီးမဝေးမှာ ချထား၍ တစ်ခဏမျှ တိတ်တိတ်ဆိတ်ဆိတ် နေပါသည်။

မှတ်ချက်။       ။ ယခုအခါ သံဃာတော်များဆွမ်းကပ်ရာ၌ ဆွမ်းရော ဟင်းပါ များစွာပိုလျှံနေအောင် ထည့်လေ့ လိုက်လေ့ ရှိကြ၏၊ ဆွမ်းစား၍ ပြီးခါနီးသော်လည်း ပန်းကန်ထဲ၌ မောက်လျှံနေအောင် လိုက်လေ့ရှိ၏၊ ထိုသို့ မောက်လျှံနေမှ အကျိုးပေးရာ၌ လည်း ပိုပိုလျှံလျှံ ပေးမည်ဟု ယူဆကြဟန်တူ၏၊ ဘုန်းကြီးကား စားပြီးသည်နှင့် တစ်ပြိုင်နက် ဆွမ်းရော ဟင်းပါ (ဗုဒ္ဓရှင်တော် ဘုဉ်းပေးတော်မူသကဲ့သို့ တိကာ တိုင်းကာ) ကုန်မှ ကျေနပ်၏၊ ပိုနေသော ဆွမ်းဟင်းများကို နောက်မှ စားသူများအား သန့်သန့် ရှင်းရှင်း စားစေလို၏၊

အလှူ့ရှင်မှာလည်း အကုန်မများတန်လျှင် အကုန်မများဘဲ ဒါနအထမြောက်စေလို၏၊ မကြာမီက ဘုန်းကြီး ကျောင်းတိုက် သံဃာများကို သူကြီးတစ်ယောက် ဆွမ်းကပ်ရောက်လာရာ တစ်ထပ်ကပ်ဖို့ မှန်းသော်လည်း မှန်းသလောက် မကုန်သဖြင့် နှစ်ထပ်ကပ်သွားရ၏။ [မိုမောက်လျှံအောင် တစ်ကြိမ်လှူ၍ ရသော အကျိုးနှင့် တစ်ကြိမ်အလှူက နှစ်ကြိမ်ဖြစ်ရသော အလှူ၏အကျိုးကို စဉ်းစား နှိုင်းယှဉ်ကြပါလေ။]

ဆွမ်းအနုမောဒနာပြုတော်မူပုံ

[ဆွမ်းကပ်သူတို့ ၀မ်းမြောက်ဖွယ် တရားစကား ပြောခြင်း ကို “အနုမောဒနာ”ဟု ခေါ်၏၊ (အနု-လျော်စွာ၊ ၀ါ-အထပ်ထပ် + မောဒနာ - ၀မ်းမြောက်ကြောင်းစကား၊)] ယခုကာလ အချို့ ဆွမ်းတရားဟောရာ၌ ဆာလွန်း၍ ထမင်းစားနေသူ, ငိုနေသော ကလေးများကို  ထမင်းကျွေးနေသူ,  သိမ်းဆည်းဖွယ်များကို သိမ်းဆည်းနေသူတို့ မလာကြသေးမီ အဆောတလျင် (ဆွမ်းစားပြီးလျှင် ပြီးချင်း) တရားဟောတတ်ကြ၏၊

ထိုသို့ လူမစုံခင်ဟောသည့် အခါ တချို့လူများက ကပျာကယာ လာကြ၍ တချို့လည်း မလာဘဲ နေကြတော့၏၊ တချို့ပုဂ္ဂိုလ်များကား လူအတော်စုံနေသော်လည်း “မည်သူမလာသေးပါလား, ဘယ်သွားနေတုန်း၊ အင်း…မာကြရဲ့နော်, ရောင်းလို့ ၀ယ်လို့ ကောင်းကြရဲ့လား” စသည်ဖြင့် လောကွတ်စကား ပြော၍လည်းကောင်း၊ “မည်သည့်ဟင်းက တယ်ကောင်းတယ်, ဆွမ်းချက်ပုံက ကောင်းတယ်”စသည်ဖြင့် မြှောက်ပင့်ပြောဆို၍လည်းကောင်း  အချိန်ဖြုန်းကာ  တရားမဟောဘဲ  နေတတ်ကြသေး၏။

ဗုဒ္ဓရှင်တော်မြတ်ကား ပရိသတ်မစုံခင်လည်း မဟောသေး, စုံလျှင်လည်း အချိန်မဖြုန်းဘဲ ဟောတော်မူ၏၊ တရားဟောရာ၌ ဆွမ်းကို လည်း မကဲ့ရဲ့, နောက်တစ်နေ့ ဆက်လက်ပင့်အောင် ဆွယ်တရား လည်း မပါ၊ တရားသဘောသက်သက်ကိုသာ ဟောပြီးလျှင် ပြန်ကြ တော်မူသည်။

မှတ်ချက်။       ။ အထက်ပါ အပြစ်များသည် ကျမ်းစာ၌ တိုက်ရိုက်ပါ၏၊ သို့ပါလျက် ယခုကာလ များစွာသော ဆွမ်း ဒကာ ဒကာမတို့သည် “နေထိုင်ကောင်းကြရဲ့လား, (သာသမီးစသော အရေးပါသူကို နာမည်တပ်၍) မည်သူ ဘယ်သွားသလဲ, ချက်ပြုတ်ပုံ တယ်ကောင်းတယ်, စားရတာ မြိန်တယ်” စသည်ဖြင့် မြှောက်ပင့် ချော့မော့ပြောခြင်းကို  တရားသဘော ပြောခြင်းထက် နှစ်သက်ကြ လေသည်။ အများဆွမ်းကျွေးရာ၌ ထိုိုသို့ အမြှောက်အပင့် အဆွယ် စကားတွေကို ကြားရသည့်အခါ စဉ်းစားသော ဆရာတော်များနှင့် လူကြီးလူကောင်းတို့ကား နားရှက်ကြ၏၊ ထို့ကြောင့် အနာဂတ် ကာလ၌ ဤနည်းများ ကွယ်ပပါစေသတည်း။

 

Credit to  

တင်ပြသူ Yanan Sanein အချိန် 1:30 PM