သောတာပန်ဖြစ်ပုံ
ထို့နောက် ဗုဒ္ဓသည်
ဒါန သီလ နတ်ပြည် အကြောင်းတို့ဖြင့် လောကီအာရုံ ကာမဂုဏ် စည်းစိမ်ချမ်းသာတို့ကို
ပြပြီး၍ ထိုစည်းစိမ်တို့၏ အပြစ်ကိုလည်းကောင်း, ကာမဂုဏ်မှ ခွာနိုင်လျှင် ရနိုင်သည့်
အကျိုးအာနိသင်ကိုလည်းကောင်း ပြတော်မူရာ ဥပါလိ၏စိတ်သည် ကာမဂုဏ်၌ အပြစ် မြင်ကာ လွန်စွာ
နူးညံ့နေစဉ် သစ္စာလေးပါးတရားကို ဟောပြတော်မူလေသော် ထိုနေရာ၌ပင် သောတာပန်ဖြစ်လေသည်၊ ထို့နောက်
ဗုဒ္ဓကို ၀ပ်ချ၍ အိမ်သို့ ပြန်ရောက်သောအခါ သူ၏ တံခါးမှူးကို အမိန့်ပေးသည်မှာ…
“အချင်းတံခါးမှူး…ယနေ့မှ စ၍ နိဂဏ္ဌတို့အတွက် အိမ်တံခါးကို ပိတ်၍
ဗုဒ္ဓနှင့် တပည့်တို့အတွက် တံခါးကို ဖွင့်လိုက်ပါပြီ၊ အကယ်၍ နိဂဏ္ဌတစ်ယောက်တလေလာလျှင်
ဒီမှာ ရပ်ပါ, မ၀င်ခဲ့ပါနှင့်, ဆွမ်းအလိုရှိလျှင် ဆွမ်းယူခဲ့ပါလိမ့်မည်”ဟု ပြောဖို့ရန်
အမိန့် ပေးလေသည်။
ဒီဃတပဿီလိုက်လာပုံ
ဒီဃတပဿီသည်
နိဂဏ္ဌဆရာကြီး၏ လက်ထောက်ဖြစ်သော်လည်း ဆရာကြီးထက် အကင်းပါးသူဖြစ်၏၊ ထို့ကြောင့် ဗုဒ္ဓအထံသို့
ဥပါလိ သွားမည်ဟု ဆိုကတည်းကပင် သဘောမတူခဲ့၊ သူ၏တွေးဆချက်မှာ ရဟန်းဂေါတမသည် ရုပ်ရည် လှပ၍
ကြည့်ရှုဖွယ်ကောင်း၏၊ တရားစကားလည်း ကောင်း၏၊ ဥပါလိသည် မြင်ရုံမျှဖြင့် ကြည်ညိုပေလိမ့်မည်၊
စကားကို ကြားရလျှင်လည်း ကြည်ညိုပေလိမ့်မည်၊ ရဟန်း ဂေါတမကို ဆည်းကပ်လျှင်လည်း ဆည်းကပ်ပေလိမ့်မည်၊
ဤသို့
တွေးဆကာ စိတ်တထင့်ထင့်နှင့် သတင်းကိုသာ နားထောင်နေသောကြောင့် “ဥပါလိသည် ရဟန်းဂေါတမ၏
သာဝက ဖြစ်သွားပြီတဲ့” ဟူသော စကားကို ပထမဆုံး ကြားရလေသည်၊ ထိုသို့ ကြားလျှင် ကြားခြင်း
ဆရာကြီးထံ သွား၍ ထိုအကြောင်းကို ပြောပြလေရာ ဆရာကြီးက “ဥပါလိသည် ရှင်ဂေါတမ၏ သာဝကဖြစ်ဖို့ရန်
အကြောင်းမရှိပါဘူး၊ ဖြစ်ချင်းဖြစ်လျှင် ရှင်ဂေါတမသာ ဥပါလိ၏ သာဝကဖြစ်ဖို့ရန် အကြောင်းရှိပါတယ်”ဟု
အတင်းငြင်းနေပြန်သဖြင့်
“ကိုင်း…ဒါဖြင့်
ဟုတ်, မဟုတ် သိရအောင် ယခုပဲ သွားပါမည်”ဟု ပြောဆိုကာ ဥပါလိအိမ်သို့ အလာတွင် တံခါးမှူးက
ဝင်ခွင့် မပေး သောကြောင့် ထိုနေရာမှ ပြန်လှည့်ကာ ဆရာကြီးထံသို့ လာ၍ အမှန်ပင် ရဟန်းဂေါတမ၏
တပည့်ဖြစ်သွားကြောင်းနှင့်တကွ “တပည့်တော်… ဒီလို ဖြစ်လိမ့်မည်ဆိုတာ ကြိုတင်၍ မြင်သော
ကြောင့် ရဟန်းဂေါတမထံ ဥပါလိ သွားဖို့ရန် သဘောမတူခဲ့ပါ၊ ယခုတော့ ကိုယ်တော်ရဲ့ ဥပါလိသူကြွယ်ကို
ရဟန်းဂေါတမက မျက်လှည့်ဖြင့် လှည့်ပတ်လိုက်ပေါ့ဘုရား”ဟု ၀မ်းနည်းပန်းနည်း ပြောပြရှာလေသည်။
ဆရာကြီးကိုယ်တိုင် လိုက်လာပုံ
ဥပါလိသူကြွယ်ဆိုသူကား နိဂဏ္ဌတို့၏ ပဓာနလက်သုံး မျက်နှာဖုံးဗန်းပြ (ဒီလို ပညာရှိ သူဌေးကြီးကတောင် ငါတို့ကို
ကိုးကွယ်နေရတာပဲဟု ညွှန်ပြရသော) သာဝက ဖြစ်ခဲ့သူတည်း၊ ထို့ကြောင့် ဥပါလိကိစ္စအတွက် ဆရာကြီးကိုယ်တိုင်
မယုံတစ်ဝက် ယုံတစ်ဝက်ဖြစ်ကာ ဥပါလိအိမ်သို့ နိဂဏ္ဌပရိသတ် များစွာ ခြံရံလျက် ကိုယ်တိုင်ထွက်လာလေသော်
တံခါးမှူးက တားပြန်သဖြင့် “ငါတို့ လာတဲ့ အကြောင်းကို ဥပါလိအား ပြောပေးပါ”ဟု တံခါးမှူးကို
တောင်းပန်လေသည်၊
တံခါးမှူးလည်း
ဥပါလိထံ သွား၍ ပရိသတ် များစွာနှင့်တကွ နိဂဏ္ဌဆရာကြီး တံခါးပေါက်၌ ရောက်နေကြောင်း ကို
ပြောပြလေရာ အလယ်တံခါးမုခ်၌ (တံခါးပေါင်း ခုနစ်ထပ်ရှိသည့်အနက် အလယ်တံခါး၏ ဆင်ဝင်၌) နေရာခင်းထားလိုက်ဟု
အမိန့် ပေးပြီးလျှင် ဥပါလိ လာ၍ အကောင်းဆုံးနေရာဝယ် ထိုင်နေပြီးမှ နိဂဏ္ဌတို့ကို ၀င်ခဲ့ဖို့ရန်
အကြောင်းကြားစေလေသည်။
ထို့နောက် နိဂဏ္ဌပရိသတ်ကြီးနှင့်အတူ ဆရာကြီး ၀င်လာရာ (ရှေးအခါကဆိုလျှင်
နိဂဏ္ဌဆရာကြီး လာသောအခါ မိမိတိုက်၌ အကောင်းဆုံးနေရာကို မိမိအပေါ်ခြုံဖြင့် ထပ်၍ ဖုန်ခါသလို
ခါလိုက် သေး၏၊ ထို့နောက်မှ ဆရာကြီးကို သူကိုယ်တိုင် သူ့ခြုံထည်ဖြင့် ပွေ့ဖက်ဖေးမပြီးမှ
ထိုနေရာ၌ ထိုင်စေလေသည်၊ ယခုသော်ကား မိမိကိုယ်တိုင်က နေရာမှ မထဘဲ) “အရှင်ဘုရားတို့
…နေရာတွေ အများကြီး ရှိပါတယ်၊ ထိုင်လိုလျှင် ထိုင်ကြပါ”ဟု ပြောလေသည်။
ဆရာကြီး။ ။ (ထိုစကားကို ကြားလျှင် ဆရာကြီးလည်း ထိုင်မျှ
မထိုင်နိုင်တော့ဘဲ) “သူကြွယ်… သင် ရူးလာသလား, ထိုင်းမှိုင်းလာသလား, ရဟန်းဂေါတမအပေါ်
“အပြစ်တင်လိုက်မည်”ဟု ကြုံးဝါးသွားလျက် ယခုတော့ များစွာသော ဆန့်ကျင်ဘက်ဝါဒ အပေါင်းကို ဦးခေါင်းပေါ် စွပ်ပြီး
ပြန်လာခဲ့သလား, သင့်ကို မာယာ မျက်လှည့်ဖြင့်
လှည့်ပတ်လိုက်ပြီလား။
ဥပါလိ။ ။ (မိမိရထားသော သောတာပတ္တိမဂ်ဉာဏ်ကို ရည်ရွယ်၍)
အရှင်ဘုရား…ဗုဒ္ဓရဲ့ မျက်လှည့်မာယာသည် အလွန်ကောင်းပါပေတယ်၊ ဒီမျက်လှည့်မျိုးဖြင့် တပည့်တော်၏
ချစ်သူတွေကို လှည့်ပတ်မည်ဆိုလျှင် ထိုချစ်သူများလည်း စီးပွားချမ်းသာ ကြာမြင့်စွာ ဖြစ်ကြဖို့ပါပဲ၊
မင်း, ပုဏ္ဏား, သူဌေး, သူကြွယ်, ကုန်သည်, ဆင်းရဲသားစုကို လှည့်ပတ်လျှင်လည်း ထိုသူအားလုံး
ချမ်းသာဖို့ပါပဲ။
တပည့်တော် ဥပမာတစ်ခု ပြုပါရစေ၊ ပညာရှိပုဂ္ဂိုလ် များဟာ
ဥပမာစကားဖြင့်လည်း နားလည်နိုင်ကြပါတယ်၊ (ဤသို့ ပြော၍ ရတနာ့ဂုဏ်ရည်၌ ရေးခဲ့ဖူးသော မျောက်ပင်းမင်းပေးပုံ
ဥပမာကို ပြသည်၊) ထိုဥပမာပြ၌ မျောက်ကလေးသည် အလှဆေးဆိုးသာ ခံနိုင်၍ ဖွပ် လျှော်ဖို့ရန်
အထုအရိုက် အနင်းအနယ် မခံနိုင်သကဲ့သို့ နိဂဏ္ဌတို့၏ ၀ါဒသည် အပေါ်ယံဗန်းပြ အလှဆေးရောင်
တင်ဖို့လောက်သာ ကောင်း၍ ဉာဏ်ဖြင့် စူးစူးစိုက်စိုက် ကြိတ်ကြိတ်နယ်နယ် စဉ်းစားခြင်းကို
မခံနိုင်ပါ၊ ဗုဒ္ဓ၏ ၀ါဒကား ထိုအားလုံးကို ခံနိုင်ပါတယ်-ဟု ပြန်ပြောလေသည်။
ဆရာကြီး။ ။ ဥပါလိ…သင့်ကို မင်းနှင့်တကွ ပရိသတ်က နိဂဏ္ဌ၏တပည့်ဟု
အသိအမှတ် ပြုနေကြတယ်၊ ယခု ဘယ်သူ့တပည့်ဟု မှတ်ရမှာလဲ။
ဥပါလိ။ ။ နေရာမှ ထပြီးလျှင် ဗုဒ္ဓဘက်သို့ လက်အုပ်ချီ၍
“ဘယ်သူ့တပည့်ဆိုတာ သိချင်ရင် နားထောင်ပါ”ဟု ပြော၍ ဗုဒ္ဓ၏ဂုဏ်တော်တို့ကို ဆယ်ဂါထာလောက်
ထုတ်ဖော်ရွတ်ပြကာ ထိုဗုဒ္ဓ၏ တပည့်သာဝက ဖြစ်ပါကြောင်း ပြောပြလေသည်။
ဆရာကြီး။ ။ ယခုမှ တပည့်ဖြစ်လာတယ်, အရှင်ဂေါတမ၏ ဂုဏ်တော်တွေကို
ဘယ်တုန်းက ဂါထာစီကုံးထားသလဲ။
ဥပါလိ။ ။ပန်းအမျိုးမျိုးပုံထားတဲ့ ပန်းပုံကြီးကို
တွေ့ရသောအခါ အဆင်သင့်ကောက်ယူကာ ဆန်းကြယ်သော ပန်းကုံးဖြစ်အောင် ကုံးလိုက်ရုံသာ ဖြစ်သကဲ့သို့
ဗုဒ္ဓမြတ်စွာ၌ ဂုဏ်တော်တွေ တစ်ပုံကြီးရှိနေမှတော့ ထို ဂုဏ်တော်များကို ကောက်ကာငင်ကာ
ဂါထာစီကုံးလိုက် ရုံပါပဲ၊ ဂုဏ်တော်ပန်းတွေကို ရှာဖွေနေဖို့ မလိုပါဘူး။
ဆရာကြီးဖြစ်ပုံ ဆရာကြီးသည် ထိုသို့ ဥပါလိ၏ ဗုဒ္ဓအပေါ်၌ ရိုသေလေးစား
သွားရခြင်းကို မခံချင်လှသော ဒေါသစိတ်, ဥပါလိအိမ်သို့ (၅၀, ၆၀) အခြံအရံဖြင့် ၀င်ရောက်
စားသောက်နေကျ ဖြစ်သော်လည်း နက်ဖြန်က စ၍ မစားရတော့ဘဲ မိမိ၏ ထမင်းအိုးကြီး ကွဲရ၍ ၀မ်းနည်းလှသော
သောကစိတ်တို့ဖြင့် အတွင်း၌ ပူလောင်ကာ စိတ္တဇအပူဓာတ်သည် နှလုံးကို ဟပ်တော့၏၊ ထို့ကြောင့်
နှလုံးသွေး ကြေမွလျက် အထက်သို့ လေပင့်ကာ သွေးအန်၍ လဲရှာလေသည်၊ ထို့နောက် အတော်ကြာလျှင်
ထိုရောဂါဖြင့် ဆုံးရှာလေတော့သည်။
မှတ်ချက်။ ။ ဤ၀တ္ထု၌ မှတ်သားဖွယ် အချက်တွေ များလှ၏၊
မိမိက ပြည့်စုံသော ဆရာသမား မဟုတ်သူသည် မိမိ၏ ဒကာ ဒကာမများကို ပြည့်စုံသော ဆရာသမားတို့နှင့်
တွေ့မည်ကို ကြိုတင်၍ စိုးရိမ်နေတတ်၏၊ အကယ်၍ မိမိ ဒကာ ဒကာမတို့သည် ကိုယ့်ထက်သာသော ဆရာသမားကို
ကိုးကွယ်သွားကြလျှင် နိဂဏ္ဌဆရာကြီးကဲ့သို့ ဖြစ်တတ်၏၊ ထိုသို့ မဖြစ်ရလေအောင် ဆရာလုပ်သူတိုင်း
အပြောင်းအလဲ ဖြစ်နိုင်သော ဒကာ ဒကာမထက် မိမိကိုယ်ကိုသာ အားကိုးသင့် ကြပါသည်။
No comments:
Post a Comment