စုံစမ်းပြီးပြန်ပုံ
ဥတ္တရလုလင်သည် ဂန္ဓကုဋိသို့ ၀င်၍ ဗုဒ္ဓနေထိုင်ပုံကို စုံစမ်း၏၊ ဗုဒ္ဓသည်
တစ်ခဏမျှ လဲလျောင်းနေဖို့ရန် အခြင်းအရာကို ပြသောအခါ လုလင်သည် ဂန္ဓကုဋိမှ ထွက်နေ၏၊ ဗုဒ္ဓသည်
တစ်ခဏမျှ လဲလျောင်း၍ ထတော်မူပြီးလျှင် ဖလသမာပတ်ကို ၀င်စားတော်မူ၏၊ [ယခုကာလ
ကမ္မဋ္ဌာန်း ထိုင်သကဲ့သို့ နိဗ္ဗာန်ကို အာရုံပြု၍ စိတ်အစဉ် ဖြစ်နေစေမှုကို ဖလသမာပတ် ၀င်စားသည်ဟု
ခေါ်၏။]
သမာပတ်ဝင်စားတော် မူပြီးနောက် တရားနာဖို့ရန် ပရိသတ်များ ရောက်လာကြောင်းကို သိတော်မူ၍
တရားဟောရာ ဓမ္မာရုံသို့ ကြွတော်မူကာ တရားဟောတော်မူစဉ် လုလင်လည်း အနီးမှာ ထိုင်၍ “ဘယ်လိုစကားမျိုးကို
ပြောသလဲ၊ ပရိသတ်ကို မြှောက်နေသလား, သို့မဟုတ် နှိမ့်ချ ပြောနေသလား”စသည်ဖြင့် အကဲခတ်နေ၏၊
ဤနည်းအားဖြင့် ဗုဒ္ဓကို စုံစမ်းနေသည်မှာ (၇)လလောက် ကြာသွားလေသည်၊ ထိုအခါ စဉ်းစားမိသည်မှာ…
ငါသည် (၇)လပတ်လုံး တကောက်ကောက်လိုက်၍ အပြစ်ရှာသော်လည်း အရှင်ဂေါတမ၏
အပြစ်ကို အနည်းငယ်မျှ မတွေ့ရ၊ နောက်ထပ် ဆက်၍
(၇)နှစ်, အနှစ် တစ်ရာ, အနှစ် တစ်ထောင် ကြာအောင် အပြစ်ရှာသော်လည်း တွေ့မည် မဟုတ်၊ ငါ၏ဆရာပါမောက္ခကြီးလည်း အသက်ကြီးရှာပြီ၊
“ယောဂက္ခေမ”ခေါ်
တရားတော်ကို ဆရာကြီး သိသင့်သည်၊ သို့ဖြစ်၍ ဆရာကြီးထံ အမြန် ပြန်ပြီးလျှင် ဗုဒ္ဓအစစ်ဖြစ်ကြောင်းကို
ပြောပြတော့မည်၊ ဤသို့ ကြံစည်ကာ ဗုဒ္ဓရှင်တော်မြတ်ထံ… ပြန်ပါဦးမည့်အကြောင်း … ခွင့်တောင်း၍
အကျွမ်းဝင်နေသော သံဃာများကိုလည်း ၀ပ်ချကာ ထွက်ခွာသွားလေသည်။
ဆရာကြီးထံ ပြန်ပြောပုံ
ဥတ္တရလုလင်
ပြန်ရောက်လျှင် ရောက်ချင်း ပါမောက္ခကြီးက “ဘယ့်နှယ်လဲ ဥတ္တရ… ရှင်ဂေါတမရဲ့ ကျော်စောခြင်းသည် အမှန်
ကျော်စောထိုက်သော ဂုဏ်ရှိ၍ ကျော်စောခြင်း ဟုတ်ပါရဲ့လား”ဟု မေးလေရာ ဥတ္တရလုလင်သည် သူ့ကိုယ်တိုင်
တွေ့ခဲ့ ကြုံခဲ့ စုံစမ်းခဲ့သမျှကို ခရေစေ့တွင်းကျ ပြန်၍ ပြောပြသည်မှာ…အရှင်ဆရာကြီး,
ထိုအရှင်ဂေါတမသည် ယောက်ျားမြတ်၏ လက္ခဏာ (၃၂)ပါးလုံး ပြည့်စုံပါသည်၊ ထိုလက္ခဏာတို့တွင်…
၁။ ခြေဖ၀ါးသည် လူအများကဲ့သို့ အလယ်၌ ချိုင့်၍ ခွက်၍မနေဘဲ
“ဖနောင့်, အလယ်သား, ဖ၀ါးစွန်း” သုံးဌာနလုံး
ညီနေပါသည်။ [ဤလက္ခဏာတော်ကြောင့် မြေ၌ နင်းလိုက်သောအခါ
တညီတညွတ်တည်း ထိရကား ခြေ၏ လက္ခဏာ (ခြေရာတော်)များအပြည့်အစုံ ထင်နိုင်လေသည်။]
၂။ ခြေဖ၀ါးတော်၏ အပြင်တို့၌
စက်ဘီးပုံသဏ္ဌာန် (အကန့်ဒေါက်ဆန်, အကွပ်, ပုံတောင်း) အပြည့်အစုံပါသော စက်လက္ခဏာလည်း ရှိပါသည်။
၃။ သူတစ်ပါးထက်ရှည်သော ဖနောင့်လည်း ရှိပါသည်။ [ခြေဖ၀ါးကို
အလျားလိုက် တိုင်း၍ (၃)ပုံ ပုံထားလျှင် (၂)ပုံသည် ခြေဖျားဘက်မှာ ပါ၍ တစ်ပုံအထက်၌ ခြေသလုံးတည်၏၊ နောက်တစ်ပုံမှာ ဖနောင့်ပင်တည်း၊ ထိုဖနောင့်တော်ကား ပွတ်ဖြင့်ပွတ်၍ထားသကဲ့သို့ လုံးလုံးဝိုင်းဝိုင်း
ရှိသည်။]
၎။ အရင်းတုတ်၍အဖျားသွယ်သောလက်ချောင်း ခြေချောင်းတော်များလည်း
ရှည်ရှည်လျားလျား ညီညွတ်စွာ ရှိပါသည်၊ ဆီနှင့်နယ်၍လုံးထားသော
ဆေးဒန်းအတောင့်များနှင့်တူပါသည်။
၅။ ဖွားခါစ သတို့သား၏ လက် ခြေများကဲ့သို့ အမြဲ နုနယ်သောလက်ခြေလည်း ရှိပါသည်။
၆။ (ခြေမ လက်မမှတစ်ပါးသော)လက်ချောင်း ခြေချောင်းတို့သည်အတိုအရှည်
မရှိ၊ မုယောစပါးနှင့်တူသော အမှတ်အသားချင်း ဆက်သွယ်ကာ လေသာပြတင်းပေါက်ဝယ် ဇာကွက်တပ်ထားပုံနှင့်
တူပါသည်။
၇။ ဖမျက်တို့သည် (ယခုလူများ၌ ခြေဖမိုး အထက်နားဝယ်
ကပ်၍ တည်သကဲ့သို့ မဟုတ်ဘဲ) အထက်၌ မြင့်နေကြပါသည်။
၈။ ခြေသလုံးသည် (ယခု လူများဝယ် နောက်တစ်ဖက်၌သာ အသားစိုင်ပါသကဲ့သို့ မဟုတ်ဘဲ) ရှေ့နောက်နံပါးတို့၌အသားစိုင်ရှိရကား
သလေးစပါးလုံးကလေးများနှင့် တူကြပါသည်။
၉။ ကိုယ်ခန္ဓာ၏ အထက်ပိုင်း အောက်ပိုင်း ညီမျှသောကြောင့်
မကုန်းမကွ မကိုင်းရဘဲ မတ်မတ်ရပ်ကာ ဒူးပဆစ်တို့ကို လက်နှစ်ဖက်ဖြင့် ထိအောင်
သုံးသပ်နိုင်ပါသည်။
၁၀။ [အင်္ဂါဇာတ်တော်၏ လက္ခဏာကို ရှေ့၌ ပြခဲ့ပြီ။]
၁၁။ ခန္ဓာကိုယ်သည် လုံးလုံးကျစ်ကျစ်ရှိ၍ အရေအဆင်းမှာ ရွှေအဆင်းရှိပါသည်။
၁၂။ အသားအရေလည်း အလွန်နုနယ်ပါသည်။
၁၃။ မွေးညင်း တစ်တွင်းတစ်တွင်းတို့၌ မွေးညင်း တစ်ချောင်းစီတစ်ချောင်းစီ
ပေါက်ကြသည်။
၁၄။ ထို မွေးညင်းတို့သည် မျက်စဉ်းညိုရောင်အဆင်း ရှိကာ လက်ယာရစ် လည်၍ အထက်သို့
အဖျားလှည့်နေပါသည်။
၁၅။ ဖြောင့်စင်းသော ခန္ဓာကိုယ်လည်း ရှိပါသည်။
၁၆။ လက်ဖမိုး နှစ်ဖက်, ခြေဖမိုး နှစ်ဖက်, ပခုံးစွန်း နှစ်ဖက်, လည်ကုပ်ဟူသော (၇)ဌာနတို့၌
အသား ပြည့်ဖြိုးရကား အကြော အရိုးများ မထင်ရှားပါ။
၁၇။ ခြင်္သေ့၏
ရှေ့ပိုင်း ကိုယ်တစ်ဝက်သည် ပြည့်စုံသကဲ့သို့ ရှေ့ပိုင်း နောက်ပိုင်း အထက်ပိုင်း
အောက်ပိုင်း အားလုံးပင် ပြည့်စုံပါပေသည်။
၁၈။ လက်ပြင်ရိုး နှစ်ခု၏ အကြား၌ ပြည့်ဖြိုးသော အသားလည်း
ရှိပါသည်။
၁၉။ ၀န်းဝိုင်းသော ပညောင်ပင်သည် အမြင့်နှင့် အ၀ိုင်း ညီမျှသကဲ့သို့ ကိုယ်တော်၏အရပ်နှင့် အလံပမာဏ (၄ တောင်
အတိအကျ) ညီမျှပါသည်။
၂၀။ အညီအမျှ လုံးသောပခုံး (လည်ပင်း)လည်း ရှိပါသည်။
၂၁။ အရသာကို ဆောင်ယူနိုင်သော အကြောကောင်းများလည်း
ရှိပါသည်။
၂၂။ ခြင်္သေ့၏ အောက်မေးသည် ပြည့်ဖြိုးသကဲ့သို့ ပြည့်ဖြိုးသော
အထက်မေး အောက်မေး နှစ်မျိုးလုံး ရှိပါသည်။
၂၃။ (ယခုလူများ၌ ၃၂ ချောင်းသောသွား ရှိပါသော်လည်း)
အရှင်ဂေါတမမှာ သွားပေါင်း (၄၀) ရှိပါသည်။
၂၄။ ထိုသွားတော်အားလုံး ညီနေပါသည်။
၂၅။ သွားတော်အားလုံး ကျိုးတိုးကျဲတဲ မရှိပါ။
၂၆။ သွားတော်အားလုံး ဖြူစင်သည်ထက် စွယ်တော်(၄)ချောင်းမှာ
အထင်အရှား ဖြူဆွတ်ပါသည်။
၂၇။ [လျှာတော်၏လက္ခဏာကို ပြခဲ့ပြီ။]
၂၈။ ကရ၀ိက်သံကဲ့သို့ အသံတော် အလွန်ကောင်းပါသည်၊ (သလိပ်
စသည်တို့ အငြိအတွယ် မရှိခြင်း, သာယာခြင်း, စကားလုံး ပီသပြတ်သားခြင်း, နားထောင်ကောင်းခြင်း,
ဖရိုဖရဲ မကွဲအက် ခြင်း, လုံးလုံးစည်းစည်း ရှိခြင်း, နက်နဲသော ချက်အရပ်မှစ၍ ထွက်လာသော
အသံဖြစ်ရကား အသံမတိမ်ခြင်း, ကြောင် တက်တက် မဟုတ်၊ ပဲ့တင်ထပ်မျှ ဟိန်းခြင်း၊ ဤသို့သော
ဂုဏ်အင်္ဂါများနှင့် ပြည်စုံသည်-ဟူလို။)
၂၉။ ညိုသင့်သောအရပ်၌ အလွန်ညိုသော မျက်လုံးရှိပါသည်။
၃၀။ ဖွားပြီးခါစ
နွားနီကလေး၏ မျက်လုံးအိမ်နှင့် တူသော
မျက်လုံးအိမ်လည်း ရှိပါသည်။
၃၁။ မျက်ခုံးနှစ်ဖက်အလယ်တည့်တည့်၌ နူးညံ့သော ၀ါဂွမ်းကဲ့သို့
အလွန်နု၍ ဖြူဆွတ်သောအမွေးလည်း ပေါက်လျက်ရှိပါ သည်။ [ဥဏ္ဏလုံမွေးရှင်တော်ဟု ခေါ်သည်။]
၃၂။ လက်ယာနားစွန်းမှ စ၍ လက်ဝဲနားစွန်းတိုင်အောင် အထက်တက်သော အသားလွှာသည်
နဖူးတစ်ပြင်လုံး ဖုံးနေရကား နဖူးတော်တစ်ပြင်လုံး သင်းကျစ်ပြားဖြင့် ဖွဲ့ထားသကဲ့သို့
ထင်ရလောက်အောင် ပြေပြစ်ပါသည်။
Credit to
No comments:
Post a Comment