လွန်စွာပြင်းပြ ဥပါယာသမီး
မီးဆယ့်တစ်ပါးအကြောင်း တင်ပြဆွေးနွေးလာခဲ့တာ အခုဆိုရင်
နောက်ဆုံးနံပါတ် ဥပါယာသမီးအကြောင်း တင်ပြဆွေးနွေးဖို့အချိန်
ကျရောက်ပြီးတော့ လာပါပြီ ၊ ဥပါယာသမီးဆိုတာ စိတ်ထဲမှာ အလွန်အမင်း ပြင်းစွာ
ပူပန်ဖြင်ရှိတာကို ဆိုလိုပါတယ် ၊ ထိမ်းမရ သိမ်းမနိုင် နှလုံးသားအိမ်းမှာ
လောင်မြိုက်နေတဲ့ ဒီမီးအရှိန်ဟာ ပြင်းထန်လွန်းလို့ နှလုံးစို့ မိုက်လာနဲ့
ခန္ဓာကိုယ်ပစ်လဲ သတိလွတ်ကင်း တောင့်တင်းခိုင်မာ ကိုယ်ခန္ဓာကြီးကို
သတိပြန်ရအောင် မနည်းပြီး နှိပ်နယ်ဆွဲဆန့်ပေးနေရတဲ့အထိပဲ ဆိုပါတော့ ၊
ဒီဥပါယာသ မီးလျံဟာ ဘယ်အချိန်အခါမှာ လောင်ကျွမ်းတတ်ပါသလဲဆိုရင်တော့
ပျက်စီးခြင်းတရား ငါးပါးနဲ့ ကြုံတွေ့ရတဲ့အခါမှာပေါ့။
ပျက်စီးခြင်းတရားငါးပါး
(၁) မိဘဆွေမျိုး ခင်သူမင်သူ တစ်ဦးတစ်ယောက် ပျက်စီးဆုံးရှုံးခြင်း၊
(၂) မိမိတို့ရဲ့ ပစ္စည်းဥစ္စာ ရတနာရွှေငွေ အလုပ်အကိုင် ရာထူးဌာနန္တရပျက်စီး ဆုံးရှုံးရခြင်း၊
(၃) ရောဂါဝေဒနာ ဖိစီးနှိပ်စက်လို့ လောက ဓမ္မအကျိုးတွေ လက်လွှတ်ဆုံးရှုံးခဲ့ရခြင်း၊
(၄) ကိုယ်ကျင့်သီလတို့ ပျက်စီးဆုံးရှုံးခြင်း၊
(၅) ကောင်းတဲ့အယူအဆ အတွေးအခေါ် အမြော်အမြင်တို့ ပျက်စီးယိုယွင်းခြင်း။
မိမိတို့ အင်မတန်မှ အားကိုးတကြီးထား ချစ်ခင်လေးစားရသူ
မိဘဆွေမျိုး ညီကိုမောင်နှမ ဇနှီး ခင်ပွန်းဖြစ်သူ တစ်ဦးတစ်ယောက်
ကွယ်လွန်အနိစ္စရောက်သွားတဲ့အခါမှာ သက်ဆိုင်သူများထဲက တရားလက်လွတ် ရှိနေတဲ့
တချို့သောသူတွေအဖို့ နှလုံးအိမ်မှာ ပြင်းထန်လှတဲ့ ဥပါယာသမီး
အလောင်ခံလိုက်ရပြီဆိုမှဖြင့် အကြီးအကျယ် ငိုယိုမြည်တမ်း ရာကနေပြီးတော့
အရှက်တရားလဲ မရှိ ၊ သတိလွတ်ကင်း မေ့မျောခြင်းသို့ ရောက်သွားကြ ရတဲ့သူတွေကို
တွေ့မြင်ဖူးကြမှာပါ ၊ ဒါဟာ ဥပါယာသမီးရဲ့ ဒဏ်ချက်ပါပဲ ၊ တချို့များကျတော့
နှလုံး သားထဲမှာ တမြေ့မြေ့ပူလောင် လူ့ဘောင်မှာ မနေချင်တော့တဲ့စိတ်ပေါက်
စိတ်ဓာတ်တွေ ဂယောင်ချောက်ချားဖြစ် ဆေးရုံကို အမြန်ဆုံးပို့လိုက်ရတဲ ဒုက္ခသည်
ဥပါယာသမီးတရားခံတွေလဲ မနည်းပါဘူး။
အကြောင်းအမျိုးမျိုးကြောင့် ချစ်ခင်သူ သမီးရီးစား
ပျက်ပြားဆုံးရှုံးသွားရလို့ ပြင်းထန်တဲ့ စိတ်ဆင်းရဲမှုဝေဒနာ ခံစားရသူတွေလဲ
ရှိနေပါတယ် ၊ ဖြစ်လွယ် ပျက်လွယ်တဲ့ ခုခေတ်သမယ ၂၁ရာစု ကာလမှာ သေကွဲမဟုတ်ဘဲ
ရှင်ကွဲ ကွဲနေကြရတဲ့ ရင်ကွဲနာ ဒုက္ခသည်ပေါင်းဟာ နည်းမှာ မဟုတ်ပါဘူး ၊
ရိုးသား ဖြောင့်မတ် သစ္စာရှိတဲ့ ရင်ကွဲနာ ဒုက္ခသည်တွေအဖို့ကိုတော့ ကရုဏာသက်မိ
ရပါတယ် ၊ ရိုးသားဖြောင့်မတ် သစ္စာရှိတဲ့ မောင်မယ်တွေမှာ မိမိတို့နဲ့
ဘ၀လက်တွဲပြီး ပါရမီ ဖြည့်ဖက်အဖြစ် သက်ဆုံးတိုင် လက်တွဲမဖြုတ် ဘ၀စခန်းကို
လျှောက်လှမ်းသွားတော့ မယ်လို့ ဆိုပြီးတော့ အနာဂတ်ကို ပုံဖော်စိတ်ကူးယဉ်
အိပ်မက်မက်ထားလိုက်တာ ၀မ်းသာလို့မဆုံး ရှိနေတုံးမှာပင် ကိုယ့်လူက
နောက်တစ်ယောက်နဲ့ တွဲလို့ ပါသွားချေပြီလို့ သိလိုက်မြင်လိုက်
ကြားလိုက်ရတယ်ဆိုရင်ဖြင့် ဘယ်လောက်အထိ နှလုံးကွဲနာ ခံစားလိုက်ရမယ်ဆိုတာ
စဉ်းစားသာ ကြည့်ကြပေတော့ ၊ သေချင်စော် နံ့သွားမှာ သေချာပါတယ် ၊
မိမိကိုယ်ကို သေကြောင်းကြံတဲ့အထိ ဖြစ်သွား နိုင်ပါတယ် ၊ စိတ်ကူးယဉ်နဲ့
အနာဂတ် ကောင်းကင်မှာ တည်ဆောက်ထားခဲ့တဲ့ တိုက်ကြီး ဗိမာန်ကြီးဟာ
လေမုန်းတိုင်းကြီး လေဆင်နှာမောင်းကြီး တိုက်ခတ်လို့ ဘာမှအကျန်မရှိ
လုံးဝပါသွားရပါချေပြီ ၊ မသေချာ မရေရာတဲ့ လောကကြီးပါကလား ၊ ကြံစည်တိုင်းလဲ
မဖြစ်ဘဲ ပျက်တတ်တာပါကလား ၊
တပါးသူရဲ့အချစ်မေတ္တာကို ရချင်လို့ အချစ်ဓားပြတိုက်တာရော
သူ့အချစ်မေတ္တာကို မရနိုင်လို့ ကိုယ်အသက်နဲ့လဲ သေပွဲဝင်လိုက်တဲ့
ပုဂ္ဂိုလ်တွေပါ အာဇာနည် သူရဲကောင်းတွေ မဟုတ်ကြ ပါ ၊ စိတ်ဓာတ် ဖျင်းသိမ်
အရှုံးသမားတွေရဲ့ စက်ဆုပ်ဖွယ် ဖြစ်ရပ် အမူအရာတွေပါ ၊ နှလုံး အိမ်မီးလောင်
ဒေါမနဿမီး အကြီးအကျယ် နှိပ်စက်ခံရရင်းနဲ့ ကိုယ့်ကိုယ်ကိုသက်သေ
ဘ၀ဇာတ်လမ်းသိမ်းသွားရှာတဲ့ ပုဂ္ဂိုလ်များမှာ နောက်ထပ်မီးတစ်ပုံ
ဆက်လောင်ဖို့က အသင့် စောင့်ကြိုနေမှာပဲ ၊ အလျှံတပြောင်ပြောင်
တောက်လောင်ပြီး စောင့်ကြိုနေတဲ့ မီးဟာ လူ့ဘ၀ လူ့လောကက လွန်စွာပြင်းပြ
ဥပါယာသမီးထက် အဆအရာအထောင်မက ပြင်းပြပူလောင် ကြာညောင်းလှစွာ
လောင်ကျွမ်းနေမဲ့ ငရဲမီးပါဗျာ။
ဆွေမျိုးပျက်စီး ပြင်းပြမီးလျှံ ငြိမ်းသတ်ရန်
အဲဒီလို နှလုံးအိမ်မှ ပြင်းပြလှတဲ့ ဒီမီးလျှံကို
ငြိမ်းသတ်နိုင်ဖို့ သတိပဋ္ဌာန် ဘာဝနာဥာဏ်မှတပါး တခြားနည်းလမ်းဆိုတာ မရှိပါ ၊
မိဘဆွေမျိုးတွေအပေါ်မှာ မေတ္တာ တရားသာ အတတ်နိုင်ဆုံးထား ပြုစုထောက်ပံ့ပြီး
စိတ်ချမ်းသာမှုရှိအောင် ပြုလုပ်ပေးရပါ့မယ် ၊ လောဘသံယောဇဉ်နဲ့ ငြိတွယ်
ဖွဲ့နှောင်လွန်အားကြီးမရှိရင်တော့ သိပ်ကောင်းမှာပါပဲ ၊ သံယောဇဉ်ဆိုတဲ့
တရားဟာ ပယ်ရမဲ့အကုသိုလ်တရားတွေပါ ၊ လောဘ ဒိဋ္ဌိဆိုတဲ့ သံယောဇဉ်နှောင်ကြိုး
သိပ်ပြီးတော့ အတင်းအကြပ် ဖွဲ့ချည် တုတ်နှောင်ထားမှု မရှိခဲ့ရင်
တစ်ဦးတစ်ယောက် ပျက်စီးကွယ်လွန် ဆုံးရှုံးသွားတဲ့အခါမှာ
နှလုံးအိမ်မီးဟပ်ပြီး မေ့မျော သွားရတဲ့အဆင့်ကို ကျော်လွှားသွားနိုင်မှာ
ဖြစ်ပါတယ် ၊ မွေးလာတဲ့သူမှန်သမျှ မသေတာ တစ်ယောက်မျှ မရှိပါ ၊ အဲဒီအသိ
ရင်ထဲရှိက သက်သာလှပါတယ် ၊ မိဘဆွေမျိုး ချစ်သူခင်သူ သေတိုင်း သံဝေဂဥာဏ်ယူ
ဘာဝနာဥာဏ်အကူနဲ့ သုံးသပ်ဆင်ခြင် ရှုမှတ်မှုရှိနေမယ်ဆိုရင် ဥပါယာသမီးငြိမ်း
ခန္ဓာဒုက္ခ ဇာတ်သိမ်းသွားတဲ့အထိ အကျိုးပြုပေးနိုင်ပါလိမ့်မယ်။
ရင်ကွဲနာမီး ငြိမ်းသတ်နည်း
သမီးရည်းစား ဇနှီးခင်ပွန်းနဲ့ ပတ်သက်ပြီး ဆုံးရှုံး
လက်လွှတ်လိုက်ရတဲ့အခါမှာ ရင်ကွဲနာ မရရှိဖို့ နှလုံးသွင်းမှန်ရမယ် ၊
ကမ္ဘာ့လူဦးရေး သန်းပေါင်း ခုနှစ်ထောင် (ခုနစ်ဘီလျံ) ခန့်ရှိတဲ့နေရာမှာ
မိမိနဲ့အတူ ပါရမီဖြည့်ဖက်အဖြစ် လက်တွဲ လှမ်းလျှောက်ရမဲ့သူဟာ အတိတ် ဘ၀က
ကုသိုလ်ပါရမီအတူ ပြုဖူးခဲ့တဲ့ပုဂ္ဂိုလ်ပဲ ဖြစ်ရပါ့မယ် ၊ တကယ့်ဖူးစားရေစက်
လို့ဆိုရ ပါ့မယ် ၊ စိတ်သဘောချင်း မတိုက်ဆိုင်လို့ တွဲလိုက် ပျက်လိုက်
ဖြစ်နေရတဲ့သဘောဟာ ကိုယ့်ရဲ့ဖူးစာရေစက် တွဲဖက်ရမဲ့ပုဂ္ဂိုလ်မှန်
လူမှန်မဟုတ်သလိုပဲလို့ တွက်ဆ ဆင်ခြင်ပေး လိုက်ပါ ၊ အဲဒီလူနဲ့ လက်တွဲပြီး
တစ်သက်လုံး ပူပန်သောက ပြင်းပြမီးလျံ လောင်ခံရခြင်းထက် စောစောစီးစီး
တကြိမ်တည်းဖြင့် နှလုံးသွေး ပူလောင်ခံရတာက ပိုကောင်းသေးတယ်လို့ ဆိုရတယ်၊
ပါရမီဖြည့်ဖက် ဖူးစာရေစက် လူမှန် ပုဂ္ဂိုလ်မှန်က On the way မှာ ရောက်ရှိ
နေတာ ဖြစ်ကောင်းဖြစ်နိုင်ပါတယ် ၊ ဆုံးရှုံးပျက်ကွယ် လမ်းခွဲသွားလေသူအတွက်
ဝမ်းနည်း ကြေကွဲမှု မဖြစ်စေဘဲ မိမိထံမှောက် ဦးတည်လျှောက်လှမ်းလာနေတဲ့
လူမှန် ပုဂ္ဂိုလ်မှန် ပါရမီဖြည့်ဖက် လက်တွဲမပျက်မဲ့သူကို ၀မ်းမြောက်စွာနဲ့
ကြိုဆိုဖို့သာ ပြင်ထားပေတော့ ၊ တကယ်လို့များ အတိတ်ဘ၀က ကုသိုလ်ပါရမီ
အဓိဋ္ဌာန်ရှိထားလို့ အမတကြငှန်း နိဗ္ဗာန်နန်းကို အမြန် ရောက်နိုင်ဖို့ ပလိဗောဓ
ကြောင့်ကြမှု မရှိ လွတ်လွတ်ကျွတ်ကျွတ် သက်သက်သာ လွတ်လပ် စွာဖြင့်
ပါရမီကုသိုလ် များထိုထိုကို ဖြည့်ကျင့်ဆည်းပူးနိုင်ဖို့ မြတ်သောမနသီ
ရှိခဲ့ဖူးမယ်ဆိုရင်လဲ တစ်ဦးတည်းနေ ကုသိုလ်တွေပွား လင့်ကျွန် မယားကျွန်
ဖြစ်စရာ မရှိတော့ပါ ၊ လွတ်လွတ် လပ်လပ် အကောင်းတကာ့ အကောင်းဆုံး
ကုသိုလ်ပါရမီတွေ ရင့်သထက်ရင့်အောင် ကျင့်ဆောင်ဖြည့်ဆည်းနိုင်တော့မှာ
အမှန်ပါ။
ဘောဂပျက်စီး ဥပါယာသမီး
စည်းစိမ်ဥစ္စာတွေ ရန်သူမျိုးငါးပါးနဲ့ တွေ့ကြုံရလို့
ဆုံးရှုံးရတဲ့အခါ အလုပ်အကိုင် တွေပြုတ် ရာထူးတွေ အဖြုတ်ခံရတဲ့အခါမှာ
အကြီးအကျယ် စိတ်မချမ်းမသာ ဖြစ်တတ်ကြ ပါတယ် ၊ ဒီစာကို ရေးနေတဲ့
ရက်ပိုင်းအတွင်းမှာပဲ မိမိနေထိုင်ရာ မြို့က Water District Departmentက
အရာရှိတစ်ဦး Lay off ထိသွားလို့ ရက်ပိုင်းအတွင်းမှာပဲ Red-Rock ဆိုတဲ့
နေရာမှာ သွားရောက်ပြီး သူ့ကိုယ်ကို အဆုံးစီရင်ပစ်လိုက်တယ် ၊ သူ့မိတ်ဆွေက
သူ့ကို ရည် စူးပြီး ကျောင်းမှာ အလှူဒါနပြု ရေစက်ချ အမျှပေးဝေခဲ့ပါတယ် ၊
ခပ်ပေါ့ပေါ့ ခပ်လွယ်လွယ်နဲ့ ပဲ ဆုံးဖြတ်ချက်ချ ဘ၀ကို အရှုံးပေးလိုက်တဲ့အတွက်
ကျန်ရှိနေသေးတဲ့ ဇနှီးမယား သမီးသား တွေအတွက် ဘယ်လောက်ထိ ကသိကအောက်ဖြစ်
ကျန်ရစ်ခဲ့မယ်ဆိုတာ မစဉ်း စားဝံ့စရာပါ ၊ နှလုံးအိမ်ကို အကြီးအကျယ်
မီးလောင်ခံရတဲ့အခါမှာ တရားမရှိ တရား မသိကြ တဲ့သူတွေအဖို့
အန္တရာယ်များလှပါတယ် ၊ မိမိတစ်ဦး အဆင်ခြင်မဲ့ ဆုံးဖြတ်ချက်မှား ပြုလုပ်
သွားခြင်းကြောင့် မှီခိုသူများ ခင်မင်သူများ ဒုက္ခပွားရတာကတော့ဖြင့်
အတော့်ကို မကောင်းတာပါပဲ။
ဘောဂပျက်စီး ငြိမ်းပါဥပါယာသမီး
ကုန်ရှုံးလျှင် တစ်ခေါက်ဆိုသလို ပစ္စည်းဥစ္စာဆိုတာ မသေရင်
ပြန်ရှာလို့ ရနိုင်ပါသေးတယ် ၊ ပစ္စည်းဥစ္စာ ဆုံးရှုံးလို့ အပြင်းအထန် ပူပန်ပှု
မရှိသင့်ပါဘူး ၊ စိတ်အေး အေးထား တဖြည်ဖြည်း ကြိုးစားပြီး ရှာလိုက်ရင်
ပြန်ပြီး ရရှိနိုင်ပါတယ် ၊ လက်ရှိအလုပ် အကိုင်ပြုတ် အလုပ်လက်မဲ့ဘ၀ ရောက်ရလဲ
သိပ်ပြီး မပူပန်စေချင်ပါ ၊ ရရာအလုပ် ခဏ၀င်လုပ်ပြီး မိမိနဲ့သင့်လျှောက်
ကောင်းမွန်တဲ့အလုပ် အချိန်ယူ လိုက်ရှာလိုက်ရင် ရနိုင် ကောင်းပါတယ်။
ရာထူးပြုတ်တဲ့အခါမှာလဲ အကောင်းမြင်ဝါဒ ထားရှိပြီး ဘ၀ကို
မျှမျှတတ အေးအေးဆေးဆေး စီမံခန့်ခွဲ ထိန်းကျောင်းပြီး ရတာ ရှိတာလေးနဲ့
နှစ်သိမ့်ကျေနပ်မှု ရှိရ ပါ့မယ် ၊ တရားသဘောအရ လောကမှာ ဘာတစ်ခုမျှ မြဲတယ်
အစိုးရတယ်ရယ်လို့ မရှိနိုင်ပါ၊ အခြေအနေပေးတုံး အတတ်နိုင်ဆုံး
လုံ့လစိုက်ပြီး ပစ္စည်းရှာရမယ် ၊ စိတ်တိုင်းကျ အစစ အရာရာ အဆင်ပြေနေတုံးမှာ
ဘ၀မမေ့ ဘ၀င်မမြင့်ဖို့ လိုအပ်ပါတယ် ၊ အောင်မြင်မှုတွေ ရရှိ ပစ္စည်းဥစ္စာတွေ
တိုးပွားလာတဲ့အခါမှာ လှူဒါန်းပေးကမ်း စွန့်ကြဲမှုကို ပြုပေးရမယ် ၊ ဒါနမှုမှ
မပြုလုပ်ရင် ရရှိထားတဲ့ပစ္စည်းဥစ္စာ တာရှည်ခံဖို့ မလွယ်ပါဘူး ၊ ပစ္စည်းဥစ္စာ
တိုးတက်လေ ကုသိုလ်ဆက်ပေးလေ ၊ ဘယ်တော့မှ အခြေမပျက်ပါ ၊ မကောင်းကံ
အကျိုးပေးလို့ ပစ္စည်း ဥစ္စာ လျော့နည်း ဆုံးရှုံးမှုနဲ့ ကြုံတွေ့ရတဲ့အခါမှာ
စိတ်ဓာတ်အကြီးအကျယ်ကျ အိပ်မရ စားမ ၀င် ပူပင်မှုသိပ်ပြီး မဖြစ်ဖို့
ဘုရားရှင်ကိုယ်တော်မြတ်ကြီး နည်းပေးညွှန်ပြ ဆုံးမသတိပေး တော်မူခဲ့တာကို
ကျင့်သုံးလိုက်နာ နိုင်ကြမယ်ဆိုရင် စိတ်ဓာတ်အကြီးအကျယ် ထိခိုက်ဖွယ်
မရှိနိုင်တော့ပါ။
တရားဘာဝနာ ပွားများအားထုတ်ကြတဲ့သူတို့အဖို့မှာ
ရုပ်နာမ်ဓမ္မ သင်္ခါရတရား တွေ မမြဲကြောင်း အစိုးမရကြောင်း
ကောင်းကောင်းသိထားကြတဲ့သူတွေပီပီ တကယ်လက် တွေ့ နဖူးတွေ့ ဒူးတွေ့
ရင်ဆိုင်ကြုံတွေ့လိုက်ရတဲ့အခါမှာ စိတ်သက်သာရာ အများကြီး ရရှိစေနိုင်ပါတယ် ၊
မမြဲတဲ့တရားမို့ အစိုးမရနိုင်တဲ့တရားမို့ ဒီလိုဒီပုံ ဒီအခြေအနေမျိုးဖြစ်ရ
ရောက်ရတာပဲလို့ ဖြေသိပ်လို့ ရနိုင်ကောင်းပါတယ် ၊ ပစ္စုပ္ပန်မှာ
စိတ်ခံစားမှုရှိတဲ့အတိုင်း စိတ်ပူပန်ရင် ပူပန်မှန်းသိ ရှုမှတ်လိုက်ရင်
ချက်ချင်းပျောက်သွားတာကို ဥာဏ်နဲ့တွေ့မြင် နိုင်ပါတယ် ၊ စိတ်ပူပန်မှုကို
ဥာဏ်က အနိုင်ရအောင် လေ့ကျင့်ပျိုးထောင် မပြတ်တမ်း
ရှုမှတ်မှုပြုလုပ်ပေးခြင်းဖြင့် ပြင်းစွာပူပန်ခြင်း ဥပါယာသမီး
လျော့နည်းကျဆင်း ပျောက်ကင်း ချုပ်ငြိမ်းသွားတာကို ကိုယ်တွေ့ ဖြစ်သွားမှာပါ။
ကိုယ်ကျင့်သီလပျက်စီး ဥပါယာသမီး
ငါးပါးသီလ တစ်ပါးမှမရှိ ကိုယ်ကျင့်တရား
ပျက်စီးသူတို့မှာ မိမိကိုယ်ကိုလဲ မကျေနပ် ၊ သက်ဆိုင်ရာ အာဏာပိုင်တို့က
မိမိကို အရေးယူ ပြစ်ဒဏ်ချမှတ်လာမှာကိုလဲ စိုးရိမ်ကြောင့်ကြ ၊ လူ့အဖွဲ့အစည်း
အသိုင်းအ၀ိုင်းထဲမှာလဲ မျက်နှာ မပြရဲကြ ၊ အပူလုံးတွေ တကြွကြွ တရွရွနဲ့မို့
သေရကောင်း မလားလို့တောင် တွေးမိကောင်းတွေးမိမှာပါပဲ။
သီလပျက်စီး ဥပါယာသမီးငြိမ်း
ပျက်အစဉ် ပြင်ခဏဆိုသလို ပြုလုပ်နေကျ
ဒုစရိုက်အလုပ်မျိုးကို ရပ်ဆိုင်း ၊ ဘ၀သစ် အတွေးသစ် ကောင်းကျင့်တွေကိုသာ
ပြုလုပ်သွားတော့မယ်ဆိုရင် ဘုရားရှင်ကြိုက် နှစ်သက်တဲ့ အလုပ်ပါပေပဲ ၊ အတိတ်က
အမှားတွေကို သင်္ခဏ်းစာယူ သူတော်ကောင်း စိတ်မွေး တောင်းပန်သင့်သူကို
တောင်းပန်မှုပြု ၊ နောက်ထပ်မပြုဘဲနေမယ်ဆိုရင် ကိုယ့်ကိုယ် ကို လေးစားဂုဏ်ယူ
ခွင့်လွှတ်နိုင်သည့်အလျှောက် နှလုံးသားကို အကြီးအကျယ် မီးလောင်ခံရ ခြင်းမှ
ကင်းလွတ်သွားနိုင်တော့မှာပါပဲ၊
ကိုယ်ကျင့်သီလ ပျက်စီးခြင်းဟာ ပစ္စည်းဥစ္စာ
ပျက်စီးဆုံးရှုံးရတာထက် ပိုပြီးဆိုးဝါးလှပါတယ် ၊ ပစ္စည်းဥစ္စာ
ဆုံးရှုံးရုံနဲ့တော့ နှလုံးမီးလောင်ခံရရုံပဲ ရှိမှာပေါ့ ၊ ဒါပေမယ့် လို့
ကိုယ်ကျင့်သီလ ပျက်စီးသွားပြီဆိုမှဖြင့် ငရဲမီးအလောင်ခံရတဲ့အထိ
အပြစ်ကြီးလေး လှပါတယ်၊ သီလရှိခြင်းရဲ့အကျိုး ပျက်စီးခြင်းရဲ့အပြစ်ကို
ဝေဘန်သုံးသပ်ပြီး ကိုယ့်ကိုယ်ကို ကြည်ညိုနိုင်အောင် ကိုယ်ကျင့်သီလ
ခိုင်မြဲဖြူစင်သူတစ်ယောက် ဖြစ်ပါစေ…..လို့ပဲ တိုက်တွန်းလိုက်ပါရတယ်။
အယူမှောက်မှားပျက်စီး ဥပါယာသမီး
အများအတွေးအခေါ်နဲ့ဆန့်ကျင် အမှန်တရား ဓမ္မတရားကို သွေဖီ
နောင်ဘ၀ဆို တာ မရှိ ၊ ကံအကျိုးပေးဆိုတာ မရှိ ၊ မိဘဂုဏ်ကျေးဇူးဆိုတာ
မရှိစသဖြင့် မရှိဝါဒကို လက်ခံ ယုံကြည်ထားပြီး ထင်ရာစိုင်း
မိုက်ရိုင်းခဲ့တဲ့ပုဂ္ဂိုလ်မှာ အချိန်တန်လို့ တစ်နေ့တစ်ချိန်မှာ
ကံကောင်းချင်တော့ မှားမှန်းသိ နောင်တတရား ရရှိလို့လာပြန်တယ် ၊
မိမိရဲ့အတိတ်က မိုက်မဲချက် အယူအဆမှားယွင်းချက်ကြောင့် ပြုလုပ်
ပြောဆိုခဲ့တာကို ပြန်ပြောင်းသတိရတိုင်း နှလုံးသား ပူလောင်
လူတောင်းမဖြစ်ချင်တော့တဲ့အထိ ခံစားမိမှာ သေချာပါတယ် ၊ ဒါဟာ
အယူမှောက်မှားမှုမှ ဖြစ်ပေါ်လာရတဲ့ နှလုံးသား ပြင်းစွာပူလောင် ဥပါယာသမီးဒဏ်
ခံနေရခြင်းပဲ ဖြစ်ပါတော့တယ်။
မှားသောအယူအဆမှ ဥပါယာသမီးငြိမ်း
အတွေးအခေါ် အယူအဆ ကမောက်ကမ မှားယွင်းလှတဲ့အတွက်
မကောင်းမှုပေါင်းစုံ ပြုလုပ် အများတကာတွေကို ဒုက္ခအကြီးအကျယ်ပေး
ပြည်သူတွေအော့နှလုံးနာအောင် ပြုလုပ်ခဲ့မိတာကို ပြန်ပြောင်းသတိရ
သံဝေဂယူသင့်ပါတယ် ၊ လောကမှာ လူရယ်လို့ ဖြစ်လာ ရတဲ့အခါမှာ
မိမိအယူအဆမှားမှုကြောင့် အများတကာတွေ ဒုက္ခမရောက်စေသင့်ပါ ၊ ရခဲလှတဲ့
လူ့ဘ၀ကို ရရှိလာပြီးတဲ့နောက်မှာ တန်ဘိုးရှိတဲ့ဘ၀ဖြစ်အောင် လုပ်ဆောင်ကြရမယ် ၊
အကြောင်းအကျိုး ဆက်သွယ်မှု သဘာဝကို ဘယ်သူမှ လွန်ဆန်လို့ မရနိုင်တာ အမှန်ပါ ၊
မနေ့ရှိလို့ ဒီကနေ့ရှိလာတာ-ဒီကနေ့ပြီးရင် မနက်ဖြန်လာအုံးမှာ ၊ ဘ၀ဆိုတာ
နာရီလက်တံလို့ အတိတ် ပစ္စုပ္ပန် အနာဂတ် လည်ပတ်လို့မဆုံး ဓာတ်ခဲမကုန်မချင်း
ရပ်တယ်ရယ်လို့မရှိပါ ၊ လူ့ဘ၀မှာ ပစ္စုပ္ပန်လဲကောင်း နောင်အနာဂတ်လဲ
ကောင်းအောင် အယူအဆကောင်း ရှိဖို့လိုပါတယ် ၊ အယူအဆကောင်းတော့
စိတ်ကောင်းရှိလာမယ် ၊ စိတ်ကောင်းရှိတော့ အများ အကျိုးသယ်ပိုး
ရွက်ဆောင်နိုင်မယ် ၊ ဒါမှပဲ လူဖြစ်ကျိုးနပ် ၊ လူ့တာဝန်ကျေပွန်ပါတော့မယ် ၊
ကောင်းမှန်မြင့်မြတ်တဲ့ အယူအဆ အတွေးအခေါ်ရှိလာခဲ့သော် ကိုယ်ချင်းစာတရား
မေတ္တာ တရား သစ္စာတရား ရှိရုံတင်မက ပြုလုပ်သမျှ ပြောဆိုသမျှတွေဟာလဲ
နောင်လာနောက်သား တွေအတွက် အသိဥာဏ်အမွေ စံပြ သင်္ခဏ်းစာအမွေတွေ ပေးအပ်ရာလဲ
ရောက်ပါတယ် ၊ အမြင်မှန် ရရှိလာပြီဆိုမှဖြင့် အတိတ်က မှားခဲ့တာကို
ပြည်လည်ချေဆပ်သောအနေအားဖြင့် အများ အကျိုး အမျိုးဘာသာ သာသနာအကျိုးအတွက်
၃-၄ထပ်ကွင်း အတိုးချပြီး ပြုလုပ်သွား ပေးခြင်းဖြင့် အတိတ်က မှားခဲ့လို့
နောင်တတဖန် ပူပန်မှု အကြီးအကျယ်ဖြစ်ရခြင်းကနေ လုံးဝ ကင်းစင်သွားနိုင်ပါတယ် ၊
ဒီလောက်တင်မက ၀ိပဿနာတရား ဘာဝနာကိုပါ ပွားများ အား
ထုတ်လိုက်မယ်ဆိုလို့ရှိရင် ရုပ်နာမ်တရားကသာ အမှန်ရှိနေတာပါကလားလို့လဲ
သိရမယ် ၊ အစစ အရာရာမှာ အကြောင်းရှိလို့သာ အကျိုးက ထင်ရတာ ၊ အရင်တုံးက
ထင်ထားတာနဲ့ တခြားစီပါလားဆိုတာ ကိုယ်တွေ့ဖြစ်သွားပါလိမ့်မယ် ၊
ဖြစ်ပေါ်လာသမျှ အမြဲမတည် ရုပ်ချည်း ချုပ်ပျောက်သွားတာဖြစ်လို့
မနှစ်သက်နိုင်စရာတွေပါပဲလို့ သိလာနိုင် ပါတယ် ၊ အကြောင်းရှိလို့ အကျိုးပေါ် ၊
ပေါ်ပြီးတခါ ချုပ်ပျောက်သွားပြန်ပါတယ် ၊ မဖြစ်အောင် မပျောက်အောင် လုပ်နိုင်
စွမ်းမရှိ အစိုးမရတဲ့တရားတွေပါကလားလို့ သိရမယ် ၊ ဒီလိုနဲ့ပဲ ဆက်လက်ပြီး
ရှုမှတ်ပွားများ အားထုတ်သွားမယ်ဆိုရင် ပစ္စုပ္ပန်မှာ ပေါ်လာတဲ့အာရုံအပေါ်
စိတ်ကရောက်ရောက်ပြီးနေမှာပဲ၊ အတိတ်က အရိပ်တွေဆီ စိတ်မရောက်တော့လို့
အယူမှားခဲ့မှုနဲ့ ပတ်သက်ပြီး စိတ်ရဲ့ပြင်းစွာ ပူပန်ခြင်း ဥပါယာသမီး
ငြိမ်းပြီးတော့ နေမှာပဲ ၊ ကောင်းတဲ့အမြင် ကောင်းတဲ့အသိတွေ
တိုးတက်ရင့်သန်လာပြီး ဥပါယာသမီးရော အပါယ်ငရဲမီးပါ ငြိမ်းနိုင်တော့မှာ
ဖြစ်ပါတယ်။
မီး၁၁-ပါးတို့ရဲ့အကြောင်းရင်းမှန်နဲ့ ငြိမ်းသတ်ရန်
မီး၁၁-ပါးကို လောကလူသားတွေ ပြေးမလွတ်နိုင်ပါ ၊
ဆိုခဲ့ပြီး တစ်ဆယ့်တစ်သီးသော မီးတို့ လောင်ကျွမ်းနေပုံနဲ့
ငြိမ်းသတ်ပုံအကြောင်း တစ်စေ့တစ်စောင်း တင်ပြဆွေးနွေးလို့ ပြီးသွားပါပြီ ၊
ဇာတိမီး ဇရာမီး မရဏမီး ဒီသုံးမီးကို ဒီဘ၀မှာ ဘယ်လိုမှ ငြိမ်းသတ်လို့
မရနိုင်တဲ့မီးတွေပါ ၊ လောဘမီး ဒေါသမီး မောဟမီးတွေ မဖြစ်ပေါ်လာရလေအောင်
ဘာဝနာတရား ပွားများရှုမှတ်ခြင်းဖြင့် ငြိမ်းသတ်နိုင်ပါတယ် ၊ ကျန်တဲ့ သောကမီး
ပရိဒေ၀မီး ဒုက္ခမီး ဒေါမနဿမီးနဲ့ ဥပါယာသမီးတွေဆိုတာ မိခင်လောဘမီး ဒေါသမီး
မောဟမီး ကနေတစ်ဆင့် ပေါက်ဖွားဖြစ်ပေါ်လောင်ကျွမ်းလာတဲ့ နောက်ဆက်တွဲ
အဆွယ်အပွား မီးတွေ ပါပဲ ၊ ဒါကြောင့်မို့လို့ မူလဘူတ အကြောင်းရင်း
သူတို့ရဲ့မိခင်ဖခင်သဖွယ်ဖြစ်ကြတဲ့ လောဘမီး ဒေါသမီး မောဟမီးတွေကို
ပယ်သတ်ချုပ်ငြိမ်းစေဖို့ လိုရင်းပဓာန ဖြစ်ပါပေတော့တယ်။
ဗုဒ္ဓဘုရားရှင်ရဲ့ တရားတော်တွေကို လေ့လာကြည့်ရင်
ဒုက္ခသစ္စာ မီးမဟာတွေကို လွန်မြောက်ကင်းပ ချမ်းသာရအောင်
ညွန်ပြဟောကြားတော်မူတာကို တွေ့နိုင်ပါတယ် ၊ ဒါနတရားပြုလုပ်ကြတဲ့ သူတွေမှာ
ကိုယ်တွင်းလောဘ မစ္ဆရိယ ၀န်တိုမှုကို လျော့နည်းအောင် ပြုလုပ်ခြင်းဖြင့်
ကောင်းတဲ့ဘ၀အဆင့်အတန်း အခြေအနေမှာ ရောက်ရှိရပြီး အဲဒီကနေ တစ်ဆင့်
ကုသိုလ်ပါရမီတွေ လွတ်လွတ်လပ်လပ် ချမ်းချမ်းသာသာ ပြုလုပ်နိုင်ကြပြီးတော့
နောက်ဆုံးမှာ ဇာတိ ဇရာ မရဏ အစရှိတဲ့ မီးတစ်ဆယ့်တစ်တန် ငြိမ်းရာမှန်တဲ့
နိဗ္ဗာန်ချမ်း သာအထိ ရရှိခံစားသွားနိုင်ကြမှာ အမှန်ပါ။
ကိုယ်ကျင့်သီလ ပြည့်စုံရဖို့ ကိုယ်ချင်းစာတရားထား
မေတ္တာရှေ့သွား ပြုပြီး စောင့်စည်းကြရပါတယ် ၊ ဒေါသဆိုတဲ့တရားကို
လျော့ပါးကျဆင်းအောင်ပြုလုပ် ကိုယ်ကျင့်တရားနဲ့ ပြည့်စုံကြတဲ့ သူတွေမှာ
ခုဘ၀ရော နောင်ဘ၀မှာပါ ကောင်းတဲ့ ပတ်ဝန်း ကျင် ဘုံဘ၀မှာ ပြည့်စုံကုံလုံမှုရှိ
ကျန်းမာသက်ရှည်ပြီး ပြင်သင့်ပြုထိုက်တဲ့ ပါရမီကုသိုလ် များထိုထိုကို
တစ်ဆင့်ထက်တစ်ဆင့် ရင့်သထက်ရင့်အောင် ပြုလုပ်ကျင့် ဆောင်နိုင်မှာဖြစ်လို့
မီးစာသိမ်းပြီး ဒုက္ခတွေအကုန်လုံး ချုပ်ငြိမ်း ဇာတ်သိမ်း အေးချမ်းရာအမှန်
မြတ်နိဗ္ဗာန်အထိ ရောက်ရှိသွားနိုင်ကြောင်းပါ။
သမထ , ၀ိပဿနာတရား ပွားများအားထုတ်ကြတဲ့
ပါရမီရှင်အပေါင်း သူတော်ကောင်းတို့မှာ လောဘ ဒေါသ မောဟလို့ဆိုတဲ့ ကိလေသာ
မီးမဟာကို တဖြည်းဖြည်း နဲ့ ခေါင်းပါးလျော့နည်း တဒင်္ဂတခဏ
ကင်းပချုပ်ငြိမ်းရာကနေပြီး အချိန်အတော်ကြာကြာငြိမ်း အဲဒီကနေတစ်ဆင့်
အမြစ်ပြတ်ချုပ်ငြိမ်းသွားစေနိုင်တဲ့ အခြေအနေ အခွင့်အလမ်းအထိ ရှိပြီးနေ
ပါတော့တယ် ၊ ဒါကြောင့်မို့လို့ ဒုက္ခမီးတွေအကြောင်း
ကောင်းကောင်းသိရပြီးတဲ့အခါ ဒီဆယ့်တစ်သီးသော မီးမဟာ ဒုက္ခကမ္ဘာကြီးကို
အမြစ်ပြတ်ချုပ်ငြိမ်းစေပြီး သန္တိသုခလို့ဆိုတဲ့ နိဗ္ဗာနဓာတ် ချမ်းသာမြတ်ကို
ရရှိခံစားကြရလေအောင် ဘုရားရှင်ကိုယ်တော်မြတ်ကြီး
နည်းပေးညွှန်ပြဆုံးမထားတဲ့အတိုင်း တတ်အားသမျှ ဒါနတရား မြတ်မင်္ဂလာကို
နေ့စဉ်နဲ့ အမျှပြု ၊ ကိုယ်ကျင့်သီလ မြတ်ဓမ္မကို အမြဲနိစ္စ ထာဝရစောင့်ထိန်း ၊
သမထ ၀ိပဿနာ ဘာဝနာတရားကို အရေးကြီးဆုံးအလုပ်မှတ် မရပ်မနား
ကြိုးစားအားထုတ်နိုင်ကြပါစေ ၊ ပြုလုပ်အားထုတ်နိုင်ကြတဲ့အတိုင်း
မီးတစ်ဆယ့်တစ်တန်း ငြိမ်းအေးရာမှန် မြတ်နိဗ္ဗာန်ကို မဂ်ဥာဏ် ဖိုလ်ဥာဏ် ဖြင့်
မျက်မှောက်ပြုနိုင်ကြပါစေသောဝ်...........။
မေတ္တာဖြင့်
ဦးဇေယျ
အန န္တဂိုဏ်းဝင် ကျေးဇူးရှင်အပေါင်းကို ဤဓမ္မစာစောင်ဖြင့် ပူဇော်ပါ၏ ၊
ဤဓမ္မစာစောင်ကို
စိတ်ဝင်တစား အားပေး ဖတ်ရှုကြသူများကိုလည်း ကျေးဇူးတင်ပါ၏ ၊ ပြုသမျှကုသိုလ်
များထိုထိုကို သဗ္ဗေသတ္တာ များဝေနေယျအား အမျှပေးဝေပါ၏ ၊
တစ်ဦးတစ်ယောက်မျှမကျန် ဝေဘန် ရရှိခံစားနိုင်ကြပါစေ ၊ ဒုက္ခမီးဟုန်
အကုန်လုံး ချုပ်ဆုံး ငြိမ်းသတ်နိုင်ရပါလို၏........။
Credit to
(တအာင်း-အမေရိကန်ဆရာတော်ဦးဇေယျသုတ ဓမ္မာစရိယ၊ B.A India ၊ M.A Srilanka ၊ A.G.S USA)
ဂျွန်လ ၄-ရက် ၊ ၂၀၁၄။
၁၃၇၆-ခု၊ နယုန်လဆန်း (၇)ရက်၊ ဗုဒ္ဓဟူးနေ့။
