မီး(၁၁)ပါး ၇၊သောကမီး

သောကမီးလျှံ အဖန်ဖန် အဆက်ဆက် လောင်မြဲလောင်လျက်

မရဏမီးအကြောင်း တစေ့တစောင်း တင်ပြဆွေးနွေးပြီးတဲ့နောက်မှာ သောက မီးလျှံအကြောင်း ဆက်ပြီးတင်ပြလိုပါတယ် ၊ လူရယ်လို့ ဖြစ်လာကြရင် သောကတရားဆိုတာ အနည်းနဲ့အများဆိုသလို ဖြစ်တတ်ကြပါတယ် ၊ သို့သော် တရားဘာဝနာ ပွားများအားထုတ်လို့ အနာဂါမ်အဆင့် ရောက်သွားကြရင်တော့ သောကဆိုတာ လုံးဝမရှိတော့ပါဘူး ၊ ပြီးတော့တခါ တရားဘာဝနာပွားများအားထုတ်လို့ ဈာန်တရားတွေ ရရှိပြီး သေသွားတဲ့အခါမှာ ဗြဟ္မာဘုံ ကိုရောက်ရှိကြပါတယ် ၊ ရရှိထားတဲ့ ဈာန်တရားအဆင့်အတန်း အားလျှော်စွာ သက်ဆိုင်ရာ ဗြဟ္မာဘုံတွေမှာ သွားရောက်ပြီး ပဋိသန္ဓေနေကြရတဲ့ ဗြဟ္မာတွေမှာလဲ သောကတရား လုံးဝ မရှိကြပေဘူး။

စိုးရိမ်ခြင်းလို့ဆိုတဲ့ ဒီသောကတရားဟာ ကြီးငယ်မရွေး ပုဂ္ဂိုလ်တိုင်းမှာ ဖြစ်တတ်ကြပါတယ် ၊ စိတ်ဓာတ်ခိုင်မာမှုရှိသူ ၊ ကောင်းသောတွေးခေါ် မြော်မြင်မှုရှိသူ ၊ တရားနှလုံးသွင်းမှုရှိသူနဲ့ ဘာဝနာတရား ရှုမှတ်မှုရှိသူတွေမှာတော့ သောကတရားအဖြစ်နည်း ဖွယ်ရှိပါတယ် ၊ ခလေးဘ၀မှာလဲ ခလေးအလျှောက် သူများတွေလို မစားရ , မ၀တ်ရ, မပျော်ပါးရမှာကို တွေးပြီး ပူပန်မှု စိုးရိမ်မှုဆိုတဲ့ သောက်မီးက လောင်ပြီးနေတာပဲ ၊ ဆယ်ကျော်သက်ရွယ်ရောက်လာပြန်တော့ ပညာရေးအတွက် စာမေးပွဲအတွက် ၀တ်ရေး စာရေးအတွက် စိုးရိမ်ပူပန်မှုတွေ ရှိလာရပြန်ပါတယ်။

လူငယ်ဘ၀ မီးသောက

အပျို လူပျိုဘ၀ ရောက်လာကျပြန်တော့ သမီးရည်းစားနဲ့ ပတ်သက်ပြီး သောကမီးတွေ တိုးပြီး အလောင်ခံကြရ ၊ တစ်ယောက်မကောင်း တစ်ယောက်ပြောင်းနဲ့ ဆန္ဒပြည့်နိုးနိုးနဲ့ တကယ့်လက်တွေ့မှာတော့ စိုးရိမ်မှု သောကမီးကတော့ လောင်မြဲလောင် လျက်ပါပဲ။

ပညာရေးနဲ့ပတ်သက်ပြန်တော့လဲ စာမေးပွဲအောင်မှ အောင်ပါ့မလား ၊ လိုချင် တဲ့အောင်မှတ် ရမှရပါ့မလား ၊ လိုချင်တဲ့ကျောင်းကို တက်ရောက်နိုင်ခွင့် ရမှရပါ့မလား ၊ သက်ဆိုင်ရာ နာမည်ကြီး အကယ်ဒမီကျောင်း တက္ကသိုလ်တွေက ကိုယ့်ကိုလက်ခံပါ့မလား စသဖြင့် စိတ်ကူးကြံစည်ပြီး ပူပန်ရတဲ့အကြိမ်နဲ့ အချိန်တွေကလဲ နည်းမှာ မဟုတ်ပါဘူး။

လိုချင်တဲ့ကျောင်းကို တက်ရောက်နိုင်ဖို့ ငွေကြေး အထောက်အပံ့ ရရှိနိုင်ပါ့မလား စသဖြင့် ပူပန်ရတာကလဲ တမျိုး ၊ ဒီကြားထဲမှာ မိသားစုရဲ့ စီးပွားရေး အလုပ်အကိုင် ပြေ လည်မှု သိပ်မရှိလှတာကို သိရ မြင်ရလို့ ကိုယ့်ရဲ့အနာဂတ် ပညာရေး စီမံကိန်းတွေ မအောင် မြင်မှာကို တွေးပူပြီး နေရတာလဲ ရှိသေး ၊ တချို့ကများဆိုရင် မိသားစုတွင်းရဲ့ဆက်ဆံရေး မိသားစုရဲ့အိမ်ထောင်ရေးအခြေအနေ ပြေလည်မှု မရှိလို့ ကတောက်ကဆ ဖြစ်နေကြတာကို တွေ့ရမြင်ရ ကြားရပြန်တော့ နေ့စဉ်ဆိုသလို စိုးရိမ်မှု ပူပန်မှုဆိုတဲ့ သောကမီး ဖီစီး လောင် ကျွမ်းခံရလို့ စိတ်ဓာတ်အကြီးအကျယ်ကျ နွမ်းလျပိန်ခြုံ လူလုံးမလှ ဖြစ်ကြရသူတွေအဖို့ ကရုဏာ သက်စရာ အင်မတန်မှ ကောင်းလှပါတော့တယ်။

　

　

အိမ်ထောင်သည်တို့ဘ၀ မီးသောက

အိမ်ထောင်လျက်သားကျသွားပြန်တော့ တစ်ဦးအပေါ်တစ်ဦး သံယောဇဉ်ကြီး လွန်း လှပြီး စိတ်မချတဲ့စိတ် ၀န်တိုစိတ်တွေက ၀င်လာပြန်တော့ သောကမီး လောင်ခံရပြန်ပြီ ၊ တကယ်လို့များ တစ်ဦးတစ်ယောက်က အိမ်ထောင်ရေး ဖောက်ပြားမှုဖြစ် ဒီပြင်လူ တစ်ဦးဦးနဲ့ တွဲသွားလိုက်ပြီဆိုမှဖြင့် ကျန်တစ်ဦးမှာ ဘယ်လောက်အထိ စိတ်ဓာတ်ထိခိုက် အပူရိုက် လိမ့်မလဲဆိုတာ မှန်းဆကြည့်လို့ သိနိုင်ပါတယ်။

အိမ်ထောင်ကျလို့ သားသမီးတွေ ရရှိလာကြတဲ့အခါ တစ်ပူပေါ် နှစ်ပူဆင့် ဆိုသလို သားသမီးတွေရဲ့ စားဝတ်နေရေး ကျန်းမာရေး ပညာရေး အနာဂတ်ရေး တွေအတွက် ဘ၀ပေးတာဝန်အရ ပူပန်ရတာကလဲ ရှိသေးတယ် ၊ ကံကောင်းလို့ သားကောင်း သမီးကောင်း တွေ ရရှိတာ ဖြစ်ကြပေမယ့် မတော်လို့များ သားသမီးတို့ခမျာ မကောင်းတဲ့သူတွေနဲ့ ပေါင်းလို့ မကောင်းတဲ့ ပတ်ဝန်းကျင်နဲ့ပါသွားရင်တော့ ဒုက္ခပဲဆိုပြီး စိတ်ကူးစဉ်းစားလိုက်တိုင်း ပူပန် သောက ဖြစ်ကြရတယ်ဆိုတာကလဲ ဓမ္မတာလိုပါပဲ။

ကံမကောင်းလို့ သားဆိုးသမီးဆိုးတွေကို ရရှိလာကြတဲ့ မိဘများမှာဆိုရင် နေ့စဉ်နဲ့အမျှ ပူပင်သောကတွေဖြစ်ရလို့ သားသမီးတွေ နှိပ်စက်လို့ နွမ်းချုံကျတဲ့မိဘတွေမှာ ငရဲနဲ့ သိပ်မခြားတော့ပါဘူး ၊ မူးယစ်ဆေးဝါးစွဲတဲ့ သားသမီး၊ သတ်မှုဖြတ်မှု ခိုးမှု လိမ်မှု ကောက်မှုတွေနဲ့ ကျင်လည်ပြီး နေထိုင်ကြတဲ့ သားသမီးများ ၊ လိင်မှုဆိုင်ရာတွေနဲ့ ဖောက်ပြား ကျူးလွန်မှု ရှိနေကြတဲ့ သားသမီးများတွေအတွက် မိဘများမှာ မျက်နှာပူရ ၊ ရှက်ရ ၊ မျက်နှာ ငယ်ရ ၊ ငွေကြေးကုန်ကျဖြစ်ရတာနဲ့ပဲ လုံးလည်လိုက်ပြီး သောကမီး လောင်ကျွမ်းခံရတဲ့ မိဘဖြစ်သူများအတွက် ‘‘ဆော်ရီးပဲ’’ လို့ပဲ ပြောရပါတော့မယ်။

ဒုတိယအရွယ်မှာ စီးပွားရှာ အလုပ်လုပ် မိသားစုများရဲ့ ၀န်ထုပ်ကို ထမ်းဆောင်ကြရတယ် ၊ မိဘများဖြစ်သူတို့ရဲ တာဝန်ဝတ္တရားအရ သားသမီးများရဲ့ စားဝတ် နေရေး ကျန်းမာရေး ပညာရေး အနာဂတ်ရေးအတွက် နေစဉ်နဲ့အမျှ ပူကြရတယ် ၊ မိမိတို့ရဲ့ အလုပ်အကိုင် ရာထူးဌာနန္တရ စီးပွားရေးတွေဟာ မြဲမှ မြဲပါ့မလား ၊ မမျှော်လင့်ဘဲ တစ်စုံတစ်ခု တစ်မျိုးတစ်ဖုံ ဖြစ်သွားလိုက်ကာမှဖြင့် ခက်ရချည်ရဲ့လို့ ပူပင်သောက ဖြစ်ကြရတာလဲ ဓမ္မတာပါ ၊ သားသမီးတွေ ပြောစကား နားမထောင် ၊ ဆိုးတဲ့ အပေါင်းအသင်းတွေ နောက်လိုက်ပြီး ပြည်သူတွေရဲ့ချဉ်ဖတ်ဖြစ် ၊ ရာဇ၀တ်မှုတွေ ကျူးလွန်ပြီး ဘ၀ပျက်သွားမှာကိုလွန်စွာမှစိုးရိမ်ကြရပါတယ်၊ ပြောလာသမျှတွေဟာ သောကမီးတွေ လောင်ခံနေရခြင်းပါပဲ။

အသက်အရွယ်တွေက အိုမင်းလာ ကျန်းမာရေးကလဲ ခါတိုင်းနဲ့မတူတော့ဘဲ ချို့ယွင်းလာပြီဆိုမှဖြင့် မိမိတိုရဲ့ နောင်ရေးအတွက် ပူပန်ရတာက တစ်မျိုး သားသမီးနဲ့ ချစ်သူခင်သူတွေအတွက် ပူပင်သောက စိတ်မချရတာက တစ်ဖုံ သေခါနီးအချိန်တိုင်အောင် သောက်မီးလောင်ရင်းနဲ့ သေသွားကြရသူတွေလဲ နည်းမှာ မဟုတ်ပါဘူး။

သောကမီးလျှံ ငြိမ်းသတ်ရန်

သောကမီး အလောင်ခံရတာ ချစ်ခင်မှု တွယ်တာမှု စွဲလမ်းမှု ရချင်မှု ဖြစ်ချင်မှုဆိုတဲ့ သမုဒယကြောင့် ဖြစ်ရတာလို့ ဘုရားရှင်က ဟောခဲ့ပါတယ် ၊ သိပ်ပြီး မှန်ကန်လှပါတယ် ၊ ဒီတော့ကာ သောကမီးငြိမ်းသွားအောင် နောက်ထပ် မလောင်ရအောင် အကြောင်းဖြစ်တဲ့ သမုဒယကို အရှိန်ကျအောင် ကြိုးစားပြီးပြုရတော့မှာ ဖြစ်သလို အပြတ်ပယ်သတ် နိုင်အောင် လဲ ကြိုးစားရတော့မှာပဲ။

မိမိတို့ရဲ့အဆင့်အတန်း အသက်အရွယ် အလုပ်အကိုင် အားလျှော်စွာ အကောင်းဆုံးဖြစ်အောင် ကြိုးစားပြုလုပ်ဖို့က မိမိတို့ရဲ့တာဝန်ပါ ၊ ရရှိလာမဲ့ အကျိုးတရားရဲ့ အနည်းအများအပေါ် ကြိုတင်ပြီ ပူပန်ရသလို တကယ့်လက်တွေ့မှာ မြင်ချင်မှလဲ ဖြစ်မှာ ၊ ကောင်းလိမ့်မှာ မဟုတ်ဘူးလို့ ထင်ထားပေမယ့် ကောင်းချင်ကောင်းနေမှာပါ ၊ အရှုံးပေါ် လိုက်မယ်လို့ ထင်မြင်ထားပေမဲ့ အမြတ်ထွက်ချင် ထွက်လာလိမ့်မယ် ၊ ဒီလိုပါပဲ မိမိတို့က အဆိုးထင်ထားပေမဲ့ တကယ့်လက်တွေ့မှာ မယုံနိုင်လောက်အောင် ကောင်းချင်ကောင်းနေမှာ၊ ဒါ့ကြောင့် မရေရာ မသေချာတဲ့ အနာဂတ်ရေးအတွက် ကြိုတင်တွေးပြီး ပူဆွေးရတာက တော့ဖြင့် သဘာဝမကျသလို ဖြစ်နေပါတယ် ၊ တန်ဘိုးရှိတဲ့အချိန်ကို ပူပန်မှုနဲ့ အချိန်ဖြုန်း ပစ်တာကတော့ဖြင့် နှမြောဖို့ အင်မတန် ကောင်းလှပါတယ်။

တကယ်တော့ အနာဂတ်ရေးကို တွေးပြီး ပူပန်နေခြင်းထက် ပစ္စုပ္ပန်မှာ မိမိတို့ ရဲ့ ကိုယ်အား ဥာဏ်အား ပစ္စည်းအား အချိန်အား အခွင့်ရေးအား ရှိသမျှ အိတ်သွန် ဖာမှောက် ကြိုးစားပြီး ပြုလုပ်နေထိုင်ပေးရပါ့မယ် ၊ ခြေချော် လက်ချော်ဖြစ်သွားတာကလွဲလို့၊ ၀ဋ်ကြွေး ကံကျွေးရှိတာက လွဲလို့ မအောင်မြင်နိုင်စရာ အကြောင်းမရှိပါဘူး ၊ ပညာရေးဆိုလဲ ပညာရေး အလျှောက် အထွဋ်အထိပ်ရောက် အောင်မြင်မှုတွေ ရသွားမှာပဲ ၊ စီးပွားရေးဆိုလဲ စီးပွားရေး အလျှောက် အောင်မြင်မှုတွေ အဆင့်ဆင့် ရရှိသွားမှာပဲ ၊ လူမှုရေး နိုင်ငံရေးနဲ့ ပတ်သက်ပြီး တော့လဲပဲ အောင်မြင်မှုတွေရ ဆန္ဒတွေ ပြည့်ဝလို့ နေပေမှာပဲ ၊ ကြိုတင်ပြီး ပူပန်သောက မဖြစ်သင့်လှတာ အမှန်ပါ ၊ တွေးထားတဲ့အတိုင်း မှန်းခြေနဲ့ မကိုက်ဖြစ်ခဲ့သည်ရှိသော် တရားသဘောနဲ့ ဖြေလိုက်ရုံပဲ ၊ လောကကြီးမှာ ခိုင်တယ်မြဲတယ်ရယ်လို့ ဘာတစ်ခုမှ မရှိပါဘူး ၊ ဆန္ဒရှိတိုင်း ကိုယ်စိုးကိုယ်ပိုင် လုပ်နိုင်တဲ့သဘော မရှိတာလဲ လောကရဲ့ ဓမ္မတာ ပါပဲ ၊ ကိုယ့်ဘ၀အတွက် မငဲ့ကွက်ဘဲ အများအတွက်ကိုချည်း တွေးပြီး ပူနေလို့ကလဲ ဟန်မကျသေးပါဘူး ၊ သားသမီးစတဲ့သူတို့တတွေမှာ ကောင်းတဲ့ကံတွေလဲ ပါရှိလာကြသလို နေ့စဉ်နဲ့အမျှ ကြီးပြင်းလာ အတွေ့အကြုံတွေလဲ ရင့်ကျက်ကြွယ်ဝလာနေတာဖြစ်လို့ သူ့ကိုယ် သူ့ဘ၀ ထိန်းကျောင်းနိုင် ရပ်တည်နိုင်တဲ့ စွမ်းရည်သတ္တိ လုံ့လ၀ီရိယတွေလဲ ရှိနေကြပါတယ် ၊ ဒုက္ခိတတွေ မဟုတ်ကြပါ ၊ ဒါကြောင့် အချောင်ပူ အကုသိုလ်မယူဘဲ နေနိုင်ကြရင်တော့ သိပ်ကောင်းမှာပဲ။

ဖူးစာရေစက် ပါရမီဖြည့်ဖက်နဲ့ ပတ်သက်ပြီးတော့လဲ ထိုနည်း၎င်းပဲ ၊ မိမိတို့ရဲ့ ဘ၀အဆင့်အတန်း မြင့်သထက်မြင့်အောင် မြှင့်တင်ပေးဖို့သာ လိုပါတယ် ၊ မိမိရဲ့ စိတ်နေ သဘောထားကလဲ ကောင်းမွန်မြင့်မြတ် ၊ နှလုံးသားမှာလဲ တရားဓမ္မကိန်းဝပ်လို့ ပညာရေးဖက် မှာလဲ အထက်တန်းကျ ၊ သူ့တကာတွေနဲ့ တန်းသူ ရှိနေမှတော့ မိမိနဲ့ထပ်တူ ညီမျှတဲ့သူနဲ့ပဲ တွေ့ရ တွဲရဖို့ပဲ ရှိတော့မှာပေါ့ ၊ မိမိကသာ အောက်တန်းကျ ပေါ့ပေါ့ဆဆ လွယ်လွယ်နဲ့ပဲ နေတတ်စားတတ်ပြီး အနာဂတ် ရည်ရွယ်ချက်ပန်းတိုင်ရယ်လို့ ခိုင်ခိုင်မာမာ သတ်သတ် မှတ်မှတ် မရှိခဲ့ရင်တော့ စိတ်ဓာတ်ပျော့ညံ့ အောက်တန်းကျတဲ့သူနဲ့ပဲ တွေ့ရဖို့များပါလိမ့်မယ် ၊ ဒါဟာ လောကတံတွာ ဓမ္မတာပါ ၊ ဘ၀မှာ မှန်းခြေနဲ့ မကိုက် ကြုံကြိုက်ခဲ့သည်ရှိသော် အတိတ်က ဖြစ်ရပ်တွေကနေ တစ်ဆင့် သင်ခဏ်းစာယူ၊ ပြုပြင်သင့်တာပြုပြင်၊ တရားသဘော နဲ့ ဆင်ခြင်ကုစား ၊ သောကမီးပွား ငြိမ်းပြီးသွားပေမှာပဲ ၊ တရားဖက်တော့ အမျက်ပြေ သောက တွေ ငြိမ်းအေးသွားမှာပါ။

ပျက်စီးခြင်းအ၀၀နဲ့ကြုံ သောကမီးတဟုန်ဟုန်

များသောအားဖြင့် ပျက်စီးးခြင်းတရားတွေနဲ့ တွေ့ကြုံရတဲ့အခါမှာ သောကတရား ဆိုတာ ဖြစ်ကြရတယ် ၊ ဆိုကြပါစို့ ၊ မိသားစု ဆွေမျိုးသားချင်းနဲ့ ချစ်သူ ခင်သူတွေထဲက တစ်ဦးတစ်ယောက် ဆုံးပါးသွားရတဲ့အချိန်အခါမျိုးမှာ နှလုံးသားမှာ တရားမရှိ နေမိလို့ကတော့ သောကမီး အကြီးအကျယ် ငြိတွယ်လောင်ခံရတော့တာပဲ။

ဒါမှမဟုတ် မိမိတို့ စုဆောင်းရှာဖွေထားတဲ့ ၀တ္ထုပစ္စည်းတွေ သက်ဆိုင်ရာ အာဏာပိုင်တွေက သိမ်းယူသွားလို့ပဲဖြစ်ဖြစ် ၊ သူခိုး ဓားပြတွေ လာရောက်လုယူ ဖျက်ဆီး သွားလို့ပဲ ဖြစ်ဖြစ် ၊ ဒါမှမဟုတ် မီးလောင်ကျွမ်းလို့ ၊ လေမုန်တိုင်း တိုက်ခိုက်လို့ ၊ ရေကြီး တိုက်စား မျောပါသွားလို့ ၊ မြေငလျင်လှုပ်လို့ စသဖြင့် သဘာဝဘေးဒဏ် ရန်မာရ် အန္တရာယ် တွေနဲ့ တွေ့ကြုံလိုက်ရလို့ စည်းစိမ်ဥစ္စာ အိမ်ရာခြံမြေ အထွေထွေတို့ လက်လွှတ်ဆုံးရှုံး သွားကြရတဲ့ အခါမျိုးမှာလဲ သောကမီးရဲ့ဒဏ်ချက် မသက်မသာ ခံစားကြရပါတယ်။

ဒါ့အပြင် မိမိတို့ ရရှိနေတဲ့ လုပ်ကိုင်နေရတဲ့ ရာထူး ဌာနန္တရ အားလျှော်စွာ ၀င်ငွေကောင်းကောင်း လခကောင်းကောင်းနဲ့ ရှိနေရာကနေပြီး မမျှော်လင့်ဘဲနဲ့ အလုပ် တွေပြုတ် လခကောင်းကောင်း ၀င်ငွေကောင်းကောင်း ရရှိနေရာကနေ တစ်ပြားတစ်ချပ်မှ မရရှိတော့ပဲ ၀င်ငွေတွေ အကြီးအကျယ် လက်လွှတ်ဆုံးရှုံးလိုက်ရတဲ့အခါမှာလဲ သောကမီး ဒဏ် ဘယ်လောက်ထိ ခံကြရမယ်ဆိုတာ ကိုယ်ချင်းစာကြည့် သိနိုင်ပါတယ်။

တချို့များကျတော့ ပြင်ပဗဟိဒ္ဓ သဘာဝ ဘေးဒဏ်ကြောင့် မဟုတ်ဘဲ မိမိတို့ မွေးထားတဲ့ သားဆိုးသမီးဆိုးတွေရဲ့ မလိမ္မာ ယုတ်မာ အကျင့်ပျက်မှုတွေကြောင့် နှစ်ပေါင်း များစွာ အစဉ်အဆက် စုဆောင်းသိမ်းဆည်း ရရှိထားတဲ့ အမွှေအနှစ်တွေ တဖြည်းဖြည်းနဲ့ လျော့ပါး ကုန်ဆုံးသွားရတဲ့ သူများအဖို့ ပူပင်သောက ဖြစ်ကြရတာချည်းပဲ။

တချို့များကဆိုရင် ကျန်းမာရေးကောင်းရာကနေပြီးတော့ မမျှော်လင့်ဘဲနဲ့ အသက်ကိုပင် အန္တရာယ်ပြုနိုင်တဲ့ ရောဂါတစ်ခုခု ရရှိနေပြီး လပိုင်း နှစ်ပိုင်းလောက်သာ ခံတော့မယ်လို့ သိလိုက်ရတဲ့ အချိန်ကစပြီး လူနာတို့ခမြာ ဘယ်လောက်ထိ သောက တရားဖြစ်ပွားကြရတယ်ဆိုတာ ကိုယ်ချင်းစာတရားဖြင့် သိနိုင်တဲ့ အရာတွေပါပဲ။

ကုစားလို့ မရနိုင်တဲ့ ရောဂါဖြစ်နေလို့ မကြာတော့တဲ့ အချိန်ကာလမှာ မိမိတို့ နှစ်သက်မြတ်နိုးလှတဲ့ ပစ္စည်းတွေကိုရော မိသားစု ဆွေမျိုး မိတ်သင်္ဂဟတွေ အားလုံးကိုပါ ခွဲခွာပြီး သွားရတော့မယ်ဆိုတော့ ပူပင်သောက မဖြစ်ဖို့ဆိုတာ ဘုရားပေးတဲ့ ဓမ္မဆေးကို တိုက်ကျွေး သုံးဆောင် မှီဝဲခြင်းမှတပါး တခြားဆေးဆိုလို့ မရှိတော့တာ အမှန်ပါ။

ဖြတ်လမ်းနဲ့ ချမ်းသာချင်သူတွေ ၊ မိမိတို့ရဲ့ စိတ်ဆန္ဒ တဏှာလောဘကို မထိန်း နိုင်တဲ့ သူတွေမှာလဲ ပစ္စုပ္ပန် ကောင်းစားရေး တဒင်္ဂ တစ်ခဏမျှ သာယာရေးမျှ လောက်ကိုသာ ကြည့်ပြီး သနားညှာတာမှုကင်း သူ့အသက်ကို သတ် ၊ သူပိုင်ဥစ္စာကို ခိုးယူ လုယက် ၊ သူတပါး အိမ်ရာ သားသမီးများကို ဖျက်လိုဖျက်ဆီးပြု ၊ မဟုတ်မမှန်တာတွေ ပြောဆိုပြီး ကိုယ်ကျိုး အတ္တအတွက် မတရားရယူ ၊ မူးယစ်ဆေးဝါးတွေ သောက်သုံးမှီဝဲ ရောင်းဝယ်ဖောက်ကား စီးပွားရှာ စသဖြင့် ဥပဒေလမ်းကြောင်းကနေ ဖီလာဆန့်ကျင်မှုတွေလုပ် ဘုရားမကြိုက်တဲ့ အလုပ်တွေကို လုပ်မိလို့ ကိုယ်ကျင့်သီလတွေ အကြီးအကျယ် ပျက်စီးကုန်ပြီဆိုမှဖြင့် တသက် လုံး သောကမီး ဟုန်းဟုန်းတောက်တော့တာပါပဲ။

စဉ်းစားသာ ကြည့်ပါတော့ ၊ ဥပဒေလမ်းကြောင်းကနေ ဖီလာဆန့်ကျင် ပြုလုပ်နေတာဖြစ်လို့ တစ်နေ့တစ်ချိန်မှာ ဥပဒေလမ်းကြောင်းအရ အရေးယူခံရလိမ့်မယ်ဆိုပြီး ပူနေရမှာပဲ ၊ လူ့ဘုံအလယ်မှာ မျက်နှာပြဖို့ဆိုတာ မ၀ံ့မရဲ သောကမီး လောင်မြဲလောင်လျက်ပဲ၊ ဒါတင်ဘယ်ကအုးံမလဲ ၊ ကိုယ်ကျင့်သီလ လုံးဝပျက်စီးသွားပြီဖြစ်လို့ သေသွားရင်တောင် လူ့ဘောင်ပြန်ရောက်ဖို့ မရှိ အပါယ်ဒုဂ္ဂတိဆီကို တန်းပြီးသွားရအုံးတော့မယ်လို့ သိထားတဲ့ အတိုင်း ဘ၀တစ်သက်တာမှာ နောက်ဆုံး ဘ၀နိဂုံး အဆုံးသတ် အသက်ရှု ရပ်သွားတဲ့ အချိန်ထိ သောကမီးကတော့ မပြတ်လောင်နေမှာပါပဲ ၊ အဲဒီလိုနဲ့ ကိုယ်ကျင့်တရားတွေ ပျက်စီး လောဘမီးတွေ မပြတ်လောင် နောင်ဘ၀မှာလဲ ငရဲမီးဆက်လောင်ဖို့သာ ရှိတော့တယ် ဆိုတာ မြေကြီးလက်ခတ် မလွဲတော့ပါဘူး ၊ ကြောက်စရာကြီးပါပဲလား။

တချို့သောသူတွေမှာ ခေတ်မီတဲ့ လူတစ်ယောက်အနေ မိမိကိုယ့်ကိုယ်ကို ထင်မှတ်ပြီး ဘုရားရဲ့တရားတော်တွေကိုလဲ မယုံကြည်ချင် ၊ ရုပ်ဝါဒကို အလေးပေး စဉ်းစား ၊ မဟုတ် မတရားတာတွေကို လျှောက်တွေး ၊ ကုသိုလ်ကံ အကုသိုလ်ကံရဲ့အကျိုးတရားတွေကိုလဲ မယုံကြည် ၊ နောင်ဘ၀ဆိုတာ မရှိ ၊ မိဘဂုဏ်ကျေးဇူးရှိတယ်ဆိုတာကိုလဲ လက်မခံချင် ၊ ငရဲ မရှိ ၊ နတ်ပြည် မရှိ ၊ လုပ်ချင်တာလုပ် ဘာအပြစ်မှ မရှိ စသဖြင့် အတွေးအခေါ် အယူအဆ ဒဿန အမြင်တွေက ဖောက်ပြန်ပျက်စီး အန္တရာယ်ကြီးလှတဲ့ အဲဒီအမြင်အတွေး ရှိနေသူ တို့မှာ ပြုသမျှ ပြောသမျှ ကြံသမျှတွေဟာ ဥပဒေလမ်းကြောင်း ဓမ္မလမ်းကြောင်းကနေ သွေဖီ သွား နေပြီဖြစ်လို့ သူတို့ရဲ့ဘ၀မှာ တနေ့တစ်ချိန်မှာ သောကမီးဒဏ် အလောင်ခံရဖို့ စာချုပ် ထားပြီးသလို ဖြစ်နေပါပြီ ၊ ဒီဘ၀မှာ သောကမီးဒဏ် နောင်ဘ၀မှာ ငရဲမီးလျှံ ခါးတောင်းကြိုက် ခံဖို့သာ ပြင်ကြရတော့မလို ဖြစ်နေပါပေါ့လား။

သောကမီးကင်းဝေး နေနိုင်ရေး

အထက်ပါ တင်ပြလာခဲ့တဲ့အတိုင်း မိဘဆွေမျိုးတွေ ပျက်စီးလို့ ၊ စည်းစိမ်ဥစ္စာတွေ ပျက်စီးလို့ ၊ ကျန်းမာရေး ပျက်စီးလို့ ၊ ကိုယ်ကျင့်သီလတွေ ပျက်စီးလို့ ၊ အယူအဆ အတွေး အခေါ်တွေ လမ်းချော် ပျက်စီးလို့ သောကမီးလျှံ အလောင်မခံရလေအောင် မည်သို့ကျင့် ဆောင် ကာကွယ် ရှောင်တိမ်းရမယ်ဆိုတာနဲ့ ပတ်သက်ပြီး တင်ပြဆွေးနွေးလိုပါတယ် ၊ မိသားစု ဆွေမျိုး မိတ်သင်္ဂဟတွေထဲက တစ်ဦးတစ်ယောက် ပျက်စီးဆုံးရှုံးလိုက်ရတဲ့အခါမှာ သောကမီး မလောင်ကျွမ်းဖို့ နှလုံးသွင်း မှန်ကန်ဖို့ လိုပါတယ် ၊ နဂိုကတည်းက ဘာဝနာတရား ရှုမှတ်ပွားများထားလို့ မမြဲဆင်းရဲ အစိုးမရတဲ့သဘောကို ကောင်းကောင်း သိမြင်သဘော ပေါက်ထားပြီးဆိုရင်တော့ အကောင်းဆုံး ဖြစ်ပေမှာပဲ။

လောကကြီးမှာ ဇာတိရလာကြသူတွေမှန်သမျှ သေမျိုးတွေချည်းပဲ ၊ ဘုရား ပစ္စေကဗုဒ္ဓါ ရဟန္တာတွေက စပြီး မိမိတို့ရဲ့ ဘိုးဘွားဘေဘင်တွေအားလုံးဟာ သေမျိုး တွေမို့လို့ ဒီလမ်း ဒီစခန်းကို သွားကြရတယ် ၊ မိမိတို့ ကိုယ်၌ကလဲပဲ ဒီလမ်း ဒီစခန်းအတိုင်း သွားကြရအုံးမှာပဲဆိုတာ သေချာနေပါတယ် ၊ အနီးနဲ့ အဝေး ၊ အနှေးနဲ့ အမြန်လောက်သာ ကွာကြမှာပါ ၊ မွေးလာတဲ့ သူတွေမှန်သမျှ သေရမှာချည်းဖြစ်နေတော့ ပူပင်သောက ဖြစ်နေလို့ ဘာအကျိုးတရား တစ်စုံတစ်ရာမှ မရရှိနိုင်တာ အမှန်ပါ ၊ တစ်ပူပေါ် နှစ်ပူ မဆင့်ဖို့ နှလုံးသွင်းမှန်ရပါ့မယ် ၊ ဖြစ်ပေါ်လာသမျှ ရုပ်နာမ်ဓမ္မ သင်္ခါရတရား သက်ရှိသက်မဲ့ အရာမှန် သမျှတွေဟာ မမြဲဘူး ၊ နောက်ဆုံးမှာ ကုန်ဆုံးချုပ်ပျောက်သွားရတာချည်းပဲ ၊ မိမိတို့အလို အကြိုက် စီမံခန့်ခွဲ ပြုပြင်ညွှန်းကြာအစိုးရနိုင်တဲ့ သဘော လုံးဝ မရှိပါ ၊ အဲဒီအမှန်တရားကို မိမိတို့က လက်ခံသိမြင် နှလုံးသွင်း ဆင်ခြင်လိုက်နိုင်မယ်ဆိုရင် သေဆုံးလေသူအတွက် ရတက်မအေး ပူဆွေးသောက ကင်းပလျော့နည်းသွားပေလိမ့်မယ်ဆိုတာ ကိုယ်တွေ့တွေ ဖြစ်သွားကြမှာပါ။

စည်းစိမ်ဥစ္စာ ရတနာရွှေငွေ အထွေထွေတို့ လက်လွှတ်ဆုံးရှုံးရလို့ ပူပန်သောက ဖြစ်ရတယ်ဆိုတာ ဘာအကျိုးတရားမှ ပေါ်ထွက်မလာပါ ၊ သောကမီးပွား အကုသိုလ်များရုံပဲ ရှိတော့မှာပေါ့ ၊ ဖြစ်ပေါ်လာသမျှ အကျိုးတွေမှန်သမျှဟာ အကြောင်းမကင်းကြပါဘူး ၊ ပစ္စုပ္ပန် မှာဖြစ်တဲ့ အကြောင်းတွေကြောင့် ပစ္စည်းဥစ္စာတွေ ပျက်စီးဆုံးရှုံးခဲ့ရသလို မိမိတို့ရဲ့အတိတ် အကြောင်း မကောင်းမှုကံတွေကြောင့် ဒီပစ္စုပ္ပန်ဘ၀မှာတွေ့ကြုံခံစားရအတိတ်က၀ဋ်ကြွေး တွေကို ပြန်လည်ပြီး ပေးဆက်ရတဲ့သဘောမျိုး ဖြစ်ကောင်းဖြစ်နိုင်ပါတယ်။

ဆုံးရှုံးရမှု အပေါ်မှာ သင်္ခဏ်းစာယူ အမြတ်ထုတ်ယူရပါ့မယ် ၊ နောင်အနာဂတ်မှာ အဲဒီလို ထပ်ပြီး မဖြစ်ရ မဆုံးရှုံးရလေအောင် ဘယ်ပုံဘယ်နည်း ပြုလုပ် ကျင့်ဆောင် ထိန်း သိမ်း ကာကွယ် စောင့်ရှောက်ရမယ်ဆိုတာ မှားခဲ့တဲ့ ဆုံးရှုံးခဲ့တဲ့ သင်္ခဏ်းစာအပေါ် ရှုမြင်သုံး သပ် ကြောင်းကျိုးစပ်ပြီး ပြုလုပ်ဆောင်ရွက် ရပါတော့မယ်။

အတိတ်ဘ၀က မကောင်းကံကြောင့် ပစ္စည်းဥစ္စာ ဆုံးရှုံးရပါတယ်ဆိုရင်တော့ ဒီဘ၀မှာ မကောင်းတဲ့ကံတွေ ထပ်ပြီးမပြုလုပ်ဖို့ စောင့်စည်းရပါ့မယ် ၊ ကံတရားဆိုတာ ပြုတဲ့အတိုင်း ထပ်တူထပ်မျှ အကျိုးပေးလာတတ်ပါတယ်၊ ဥပမာ အတိတ်ဘ၀တုံးက သူတပါးတွေရဲ့ ပစ္စည်းဥစ္စာတွေကို မီးတိုက်ဖျက်ဆီးခဲ့ဖူးရင် ဒီဘ၀မှာ ကိုယ်ပစ္စည်းတွေ မီးလောင်ပျက်စီး ခံရတတ်ပါတယ် ၊ သူများရဲ့ပစ္စည်းတွေကို မတရားသဖြင့် လုယက်ဖျက်ဆီး ခိုးယူခဲ့ဖူးတယ် ဆိုရင် ဒီဘ၀မှာ ကိုယ်ပစ္စည်းကို တပါးသောသူတွေရဲ့ အလုယက် အဖျက်အဆီးပြုခြင်းကို ခံကြရပါတယ် ၊ ပြုခဲ့တဲ့ကံအတိုင်း ခံရတဲ့သဘောပါ။

ပြီးတော့ ဥစ္စာပစ္စည်းဆိုတာ ရန်သူမျိုးနဲ့ ဆက်ဆံမှုရှိနေတယ် ၊ ခိုင်မြဲတဲ့သဘော မရှိဘူးလို့ နှလုံးသွင်းဆင်ခြင် တရားသဘောနဲ့ ဖြေသိပ်တတ်မယ်ဆိုရင် သောကမီး အဘယ် မှာ လောင်မြှိုက်ခွင့်ရနိုင်တော့မှာလဲ ၊ ရှိတဲ့ပစ္စည်းဥစ္စာတွေကို မိမိတို့ဘ၀အတွက် မျှမျှတတ ဝေဘန်မှုပြု သုံးဆောင်ခံစားလို့ တစ်ဖက်မှာကလဲ လှူမှု ကမ်းမှု စွန့်ကြဲမှုတွေပြုလို့ ပစ္စည်းဥစ္စာအပေါ်မှာ တွယ်တာငြိကပ် စွဲလမ်းမှုမရှိ တန်ဘိုးသိသိ အကျိုးရှိရှိ ဝေဘန်သုံးစွဲ တတ်သူတွေအဖို့ လောကဓံတရားနဲ့ ကြုံတွေ့လာလဲ့ သောကမီး လောင်ခွင့် မရှိနိုင်ပါ ၊ တွယ်တာမှု လောဘတရား မရှိလို့ပါပဲ ၊ တရားဘာဝနာများ အားထုတ် လို့ အနိစ္စသဘောကို ပိုင်ပိုင်နိုင်နိုင်သိမြင်တဲ့အတိုင်း ပစ္စည်းဥစ္စာအပေါ် ခင်မင်တွယ်တာမှု ကျဆင်းလျော့ နည်းပြီး နေမယ်ဆိုရင် သောကမီးလဲ ကျဆင်းလျော့နည်းပြီနေမယ်ဆိုတာ ကိုယ်တွေ့တွေ ဖြစ်သွားမှာပါ။

ကျန်းမာရေးတွေ ချို့တဲ့ယိုယွင်းလာတဲ့အခါမှာလဲ သောကဖြစ်စရာ မလိုပါ ၊ သောကဖြစ်လေလေ ရောဂါဆိုးလေလေဖြစ်သွားလိမ့်မယ် ၊ ရောဂါဖြစ်တယ်ဆိုတာ အဓိက အခြေခံအကြောင်းရင်းက စိတ်ကြောင့်ပါပဲ ၊ အတိတ်ကံကြောင့်ဖြစ်တဲ့ရောဂါ ၀ဋ်နာကံနာကို ဘယ်သူမှ ကုသပေးလို့ ပျောက်ကင်းနိုင်ဖွယ် မရှိပါ ၊ တင်ရှိတဲ့ ၀ဋ်ကြွေးကို ခုမှပေးဆပ်လိုက် ရတဲ့သဘောပဲလို့နှလုံးသွင်းဆင်ခြင် တရားနဲ့ဖြေသိပ်ခြင်းဖြင့် သောကမီးငြိမ်း သွားနိုင်ပါတယ၊် ဥတုနဲ့အာဟာရကြောင့် ဖြစ်ပေါ်လာတဲ့ ရောဂါမျိုးဖြစ်မယ်ဆိုရင် ဥတုရာသီ အပူအအေးမျှတ အောင် ကျင့်ဆောင်နေထိုင် ပြုလုပ်ပေးရမယ် ၊ မိမိနဲ့တည့်တဲ့ အစာ အာဟာရကို မှီဝဲလို့ ရောဂါနဲ့ မတည့်တဲ့အစာအာဟာရ အသောက်အစားတွေကို ရှောင်ကြဉ်ရ ပါ့မယ် ၊ အာဟာရ ဆိုတာ ဆေးပါပဲ ၊ ဒါ့အပြင် ကောင်းနိုးရာရာ ဆေးဝါးများကိုလဲ မှီဝဲသုံး ဆောင်ရပါ့မယ် ၊ တိုင်းရင်း ဗိန္ဓော ခေတ်ပေါ်ဆေးအမျိုးမျိုးတွေနဲ့ ခေတ်ဟောင်း ခေတ်သစ် သမားတော်ကြီး တွေနဲ့လဲ ကုသခံယူကြရမယ် ၊ အဲဒီလိုနဲ့ ရောဂါဝေဒနာ ပျောက်ကင်း ချမ်းသာအောင် မိမိတို့ တတ်အားသမျှ ကုသိုလ်ကံအသစ်တွေကို တတ်နိုင်သမျှပြု စိတ်ဓာတ်ခိုင်ခံ့ ကြည်လင် ဖြူစင်အောင်ထား ၊ အပူအအေးမျှတမှုရှိအောင် ကျင့်သုံးနေထိုင် ၊ သင့်လျှော်တဲ့ အာဟာရ တွေကိုသုံးဆောင် ဆေးကောင်းဝါးကောင်း ဆရာဝန်ကောင်း သမားတော်ကောင်းတွေနဲ့ ကုသခံယူခြင်းကို ပြုလုပ်ပြီး ဖြစ်နေပြီဆိုကာမှတော့ နောက်ထပ်ဘာများ ပူစရာလိုတော့မှာလဲ မိမိတို့ ပြုလုပ်နိုင်တာတွေ အကုန်လုံး စုံအောင် ပြုလုပ်ပြီးဖြစ်လို့ ၀ဋ်နာ ကံနာသာ မဟုတ်ဘူး ဆိုရင် ခံစားနေရတဲ့ ရောဂါဝေဒနာဟာ ပျောက်ကင်းပါတော့မယ်လို့ စိတ်ထားမှာ ယုံကြည်မှု ထား ၊ မပျောက်ခဲ့သည်ရှိသော် ဘာမှ ပူစရာ မရှိတော့ ၊ ဖြစ်ချင်တာ ဖြစ်ပလေစေတော့ ၊ မမြဲခြင်းဆိုတဲ့အနိစ္စ အစိုးမရခြင်းဆိုတဲ့ အနတ္တကိုလက်ခံ နှလုံးသွင်းမှန်ပြီဆိုကာမှဖြင့် သောကမီးဒဏ် ခံရဖွယ် မရှိတော့ပါ။

ဒီရောဂါဝေဒနာကို ငါကိုယ်တိုင်င်ခံစားရသလို တပါးသောသူတွေ မခံစားကြရပါစေနဲ့လို့ ကိုယ်ချင်းစာတရားထား မေတ္တာတရားပါ ပွားလိုက်နိုင်မယ်ဆိုရင် အမှိုက်ထဲက ရွှေကောက် အရှုံးထဲက အမြတ်ရောက် သောကမီး ငြိမ်းပျောက်သွားနိုင်ပါတယ်။

ကိုယ်ကျင့်တရား ယိုယွင်း ပျက်စီးမှုကြောင့် အနာဂတ်မှာ တွေ့ကြုံရမဲ့ဘေးကို တွေးပြီး ပူပန်သောက ဖြစ်နေမဲ့အစား ပျက်အစဉ်ပြင်ခဏဆိုသလို မကောင်းမှု ဒုစရိုတ် ပြုလုပ် နေခြင်းမှ ချက်ချင်းရပ် အတိတ်က ဖြစ်ရပ်တွေအပေါ် သင်္ခဏ်းစာယူ ကိုယ်ချင်းစာ တရား ရင်ဝယ်ထားပြီး နောင်ကို မကောင်းတာမှန်သမျှ ဘာတစ်ခုမှ မလုပ်တော့ဘူးလို့ သံမဏိ အဓိဋ္ဌာန်ပြုပြီး ပြုပြင်လိုက်မယ်ဆိုရင် လူသာဓုခေါ် နတ်သာဓုခေါ်ဖြစ်သွားမှာပါပဲ ၊ မိမိမိုက်တာ မှားတာကို မိုက်မှန်း မှားမှန်းသိတဲ့သူမှာ အချိန်မရွေး သူတော်ကောင်းကြီး ဖြစ်သွားနိုင်ပါတယ် ကိုယ်ကျင့်သီလ ပျက်စီးသူမှာ မိမိကိုယ်ကို မကြည်ညိုနိုင် ၊ သူတပါးတွေကလဲ ပြစ်တင်ရှုတ်ချ ဘေး ဒဏ် အန္တရာယ်တွေလဲ အချိန်မရွေးကျရောက်နိုင် ၊ ခုပစ္စုပ္ပန်မှာ တွေးမိတိုင်း သောကမီး တောက် ၊ သေလွန်တဲ့အခါကျပြန်တော့ ငရဲရောက် ကြောက်စရာ အင်မတန်မှ ကောင်းလှပါ တယ်။

ကိုယ်ကျင့်သီလ ကောင်းမွန်တဲ့ ပုဂ္ဂိုလ်တွေမှာဖြင့် ခုဘ၀မှာ ပစ္စည်းဥစ္စာ ရှာဖွေရတာ အင်မတန် လွယ်ကူ ၊ ကောင်းတဲ့ ဂုဏ်သတင်းတွေ လူ့အသိုင်းအ၀ိုင်းမှာ ပျံ့နှံ့ ကျော်ကြားမှုရှိ ပရိသတ်အလယ်မှာ မျက်နှာပန်းလှ ၊သခါနီးမှာလဲသတိတရားရှိမတွေမဝေသေရ  သေသွားပြန်တော့ ကောင်းတဲ့သုဂတိဘုံဘ၀ ရောက်ရှိလို့ လောကီအကျိုးတရားတွေကို ခံစားရသလို ဓမ္မရေးဖက်မှာလဲ အကျိုးတရားတွေ အနန္တရရှိစေနိုင်ပါတယ် ၊ ကိုယ်ကျင့်သီလ ကောင်းတဲ့ပုဂ္ဂိုလ်မှာ မိမိကိုယ်ကို ပြန်ပြီးလေးစားနိုင် ၊ ဂုဏ်ယူနိုင်သလို ၀မ်းသာပီတိ တွေ ဖြစ်လို့ ၊ ၀မ်းမြောက်ပီတိ ရှိလာတဲ့အခါမှာ ကိုယ်ရောစိတ်ပါ ချမ်းသာသုခတွေ ရရှိခံစားနိုင်ပါ တယ် ၊ ချမ်းသာသုခ ရရှိကြသူတွေမှာ စိတ်ဓာတ်တည် ကြည်မှုရ ၊ စိတ်ဓာတ်တည်ကြည်မှုကို အကြောင်းပြုပြီး အမှန်တရားကို သိနိုင်တဲ့ ဥာဏ်ပညာ တွေ ရင့်သန်ထက်မြက်လို့ ဈာန်ချမ်းသာ မဂ်ဖိုလ်ချမ်းသာတိုင်အောင် ပို့ဆောင်ပေးနိုင်တာကို တွေးခေါ် မြော်မြင်ပြီး မကောင်းတဲ့ ကိုယ်ကျင့်တရား ရှိခြင်းကနေ ရပ်ဆိုင်း လူသစ်စိတ်သစ်နဲ့ ကိုယ်ကျင့်သီလ ကောင်းသူ သူတော်ကောင်းတစ်ဦးအဖြစ် ပြောင်းလဲပစ်လိုက်မယ်ဆိုရင် သောကမီးတွေဟာ လျော့နည်းကျဆင်းရုံတင်မက လုံးဝဥဿုံ ကုန်ဆုံးချုပ်ငြိမ်းသွား စေနိုင်တဲ့အဆင့်ထိ ရောက်ရှိ နိုင်ကြောင်းပါဆိုတာ ဘုရားဟောဒေသနာတော်အရ သာဓကပေါင်းများစွာက ထောက်ပြ လျက် ရှိနေပါတယ် ၊ ယုံမှားသံသယမရှိ ၊ ကိုယ်ကျင့်တရား ကောင်းအောင်သာ ချက်ချင်းပြင် ဖြစ် အောင်သာ ပြင်လိုက်ပါတော့ ၊ ဆိုခဲ့ပြီးအတိုင်း မကောင်းကျိုးတွေ ပပျောက် ၊ ကောင်း ကျိုးတွေ ရောက်ရှိလာပြီး နိဗ္ဗာန်အထိ တာဝန်ယူပို့ပေးနေတဲ့ အခြေခံအုဋ်မြစ်ကြီး တစ်ခုပဲ ဖြစ်ပါပေတော့တယ်။

အယူမှောက်မှား တွေးခေါ်မြော်မြင်မှု ပျက်စီးပြီးနေကြတဲ့ သူတွေအဖို့ မိတ်ကောင်းဆွေကောင်းကို ရှာပြီး မှီဝဲဆည်းကပ် ၊ လောက ဓမ္မသဘာဝ အကြောင်းအကျိုး တွေကို အောက်မေ့ဆင်ခြင်ပေးရမယ် ၊ လူလူချင်း တူကြပေမဲ့ အသက်တိုရှည် ၊ ဆင်းရဲ ချမ်းသာ မတူညီကြဘူးဆိုတာ ပြုခဲ့တဲ့ကံမတူလို့ပါပဲ ၊ ကောင်းကံပြုသူတွေက ကောင်းကျိုးကို ရရှိကြပြီး မကောင်းကံပြုသူတွေက မကောင်းကျိုး ဆိုးကျိုးတွေကို တွေ့ကြုံခံစား ကြရတယ်ဆိုတာ ဘယ်သူတစ်ဦးတစ်ယောက်မှ ငြင်းကွက် မထုတ်နိုင်ပါဘူး ၊ အင်မတန်မှ တိကျမှန်ကန်တဲ့ သဘာဝတရား အစုံတွေပါ ၊ ဒါကို မျက်စိမှိတ်ပြီး ငြင်းဆန်မနေဘဲနဲ့ အမှန်ကို အမှန်အတိုင်း လက်ခံမှုပြုလိုက်ရင် မကောင်းကံတွေကို ရပ်ဆိုင်း ကောင်းကံတွေ ကိုသာ ပြုလုပ်အားထုတ်သွားမယ်ဆိုလို့ရှိရင် ကောင်းတဲ့အကျိုးတရားတွေကို ဒီဘ၀မှာရော နောင် ဘ၀မှာပါ ရရှိခံစားကြရပါတော့မယ်။

မှားယွင်းတဲ့အယူအဆ အတွေးအခေါ် ရှိကြတဲ့ပုဂ္ဂိုလ်တွေမှာ မိုက်မှားတဲ့ ကိုယ်အမှုအရာ အလုပ်အကိုင် အပြောအဆိုတွေ ရှိပြီး နေတာမို့လို့ မိမိတို့ မနှစ်သက်တဲ့ အကျိုးတရား အခြေအနေတွေနဲ့ ရင်ဆိုင်ရပြီးတော့ ပူပန်သောကတွေ ဖြစ်လို့မဆုံးနိုင်ပဲ ရှိတတ်ပါတယ် ၊ ဒါကြောင့် မိမိတို့ရဲ့ ကိုယ်ကို ချစ်မြတ်နိုးသောအားဖြင့် မှန်ကန်ကောင်းမွန်တဲ့ အတွေးအမြင်တွေ ရှိကြပြီး ကောင်းတဲ့အလုပ် ဟုတ်တဲ့အပြော ရှိကြသလို ကောင်းတဲ့ အကျိုးတရားတွေကိုသာလျှင် ရရှိခံစားရလို့ သောကကင်းဝေး နေနိုင်ကြပါစေလို့ ဆန္ဒပြုလိုက်ပါရစေ...။

Credit to

 (တအာင်း-အမေရိကန်ဆရာတော်ဦးဇေယျသုတ ဓမ္မာစရိယ၊ B.A India ၊ M.A Srilanka ၊ A.G.S USA)