ဇာတိမီး
မျက်စိ , နား, နှာ, လျှာ, ကိုယ် နဲ့ မနောဒွါရမှာ
လောဘမီး ဒေါသမီး မောဟမီး လောင်ပုံနဲ့ ငြိမ်းသတ်ပုံအကြောင်း တစေ့တစောင်း
တင်ပြဆွေးနွေးလို့ ပြီးသွားပါပြီ ၊ ခုတခါ ဇာတိမီးအကြောင်းဆက်လက်ပြီး
တင်ပြလိုက်ပါရစေ ၊ ဘ၀ တခုမှာ စတင်ဖြစ်ပေါ်လာခြင်းကို ဇာတိလို့ ခေါ်ပါတယ် ၊
ဘုံနဲ့ ပုဂ္ဂိုလ်အလိုက် ဖြစ်ပေါ်လာပုံခြင်းကတော့ မတူကြဘူးပေါ့ ၊ အုပ်စုလိုက်
ခွဲခြားလိုက်မယ်ဆိုလို့ရှိရင် လေးမျိုးလေးစားလောက် ကွဲပြားလာပါတယ် ၊ (၁)
လူပုဂ္ဂိုလ်တွေလို အမိဝမ်းကနေပြီးတော့ ဇာတိရ ပေါက်ဖွားလာတာက တစ်မျိုး၊ (၂)
ကြက်ငှက် တွေလို ဥခွံကနေ တစ်ဆင့် ဇာတိရ ပေါက်ဖွားလာတာက တစ်မျိုး ၊ (၃)
ခြင်ကောင် လောက်ကောင် ပိုးကောင်တွေလို သားပုပ် ငါးပုပ် ရေပုပ် အညှိကနေ
ပေါက်ဖွားလာတာက တစ်မျိုး ၊ (၄) ဆိုခဲ့ပြီး သုံးပါးတို့မှ အလွတ်ဘွားကနဲ
ဖြစ်ပေါ်လာကြတဲ့ နတ် ဗြဟ္မာတွေ၊ တစ်ချို့သော ပြိတ္တာတွေရဲ့ ဇာတိဖြစ်ခြင်းက
တစ်ဖုံ လေးစုံခန့် ရှိကြပါတယ်။
လူ့ဇာတိမီး
ဒိပြင်ပုဂ္ဂိုလ်သတ္တ၀ါတွေရဲ့ ဇာတိမီးလောင်ပုံကို အသာထား
လူသားတွေရဲ့ ဇာတိ မီးလောင်ပုံကို ရှုကြည့်ကြပါစို့ ၊ မိမိတို့ရဲ့
ကံအားလျှော်စွာ မိခင်ရဲ့ဝမ်းကြာတိုက်မှာ စတင်ရောက်ရှိ သန္ဓေတည်မိကြတဲ့
သူငယ်လေးမှာ အဦးအစ ဖြစ်ခြင်းလို့ဆိုတဲ့ ဇာတိမီးဟာ စတင်ပြီး
လောင်တော့တာပါပဲ ၊ သန္ဓေ တည်စက စပြီး ၉-လ ၊ ၁၀-လကြာ မွေးဖွားလိုက်ရတဲ့
အချိန်တိုင်အောင် ကျဉ်းကျပ် ပိတ်လှောင်မှောင်မိုက်လှတဲ့ အမိဝမ်းမှာ
ငုတ်တုတ်ထိုင် နေရရှာတဲ့ ခလေးငယ်ရဲ့ ဒုက္ခကတော့ဖြင့် စိတ်နဲ့သာ မှန်းပြီး
ကြည့်လိုက်စမ်းပါတော့ ၊ လူ့ဘ၀ လူ့လောကမှာ ဦးစွာပထမ ပဋိသန္ဓေ တည်နေရခြင်းရဲ့
ဆင်းရဲဒုက္ခ ဇာတိမီးအစပျိုး လောင်ကျွမ်းမှု ပြုလိုက်ခြင်းပါပေပဲ ၊ ကံ, စိတ်,
ဥတု, အာဟာရတို့ကြောင့် ဖြစ်ပေါ်လာကြတဲ့ ရုပ်တရားတွေနဲ့အတူ ပဋိသန္ဓေစိတ်
ဘ၀င်စိတ် အစဉ်တွေကလဲ ဆီမီးလျှံပမာ တဖြတ်ဖြတ် တဖြန်းဖြန်းနဲ့ စဉ်ဆက် မပျက်
ဖြစ်ပေါ်လာပြီးတာနဲ့ တပြိုင်နက် ချက်ချင်းပျက် အသစ်တဖန် ဆက်ဖြစ်ပြန်
အဖြစ်ဆိုတဲ့ ဇာတိမီးက လောင်မြဲလောင်လျက်ပဲ ၊ လူ့ပြည်မှတပါး တခြားသော
လောကသား သတ္တ၀ါတွေရဲ့ ပဋိသန္ဓေအစ ရုပ်အစဉ် နာမ်အစဉ်တွေ စတင်ဖြစ်ပေါ်လာတာ
မှန်သမျှ ဇရာမီး မရဏမီး ဆက်ပွားလောင်နိုင်အောင် စပြီးမီးမွှေး
ပေးလိုက်ခြင်းပင်ဖြစ်ပါတယ် ၊ ဒါကြောင့်မို့လို့ ဘယ်ဘုံဘ၀ ဘယ်သတ္တ၀ါတွေရဲ့
ပဋိသန္ဓေအစ ဇာတိရလာတာပဲဖြစ်ဖြစ် ဇာတိမီးလို့ပဲ ခေါ်ရပါ တော့တယ် ၊ ‘‘ဘ၀အစ
ဇာတိမီးက’’လို့ ပြောလို့ရပါတယ်။
ရီးစားထားခြင်းအစ ဇာတိမီးလျှံထ
လူသားတို့ရဲ့သဘာဝ အပျိုလူပျိုတို့ရဲ့ဘ၀
ရောက်လာကျပြန်တော့ တစ်ဦးဦးကို သဘောကျ စိတ်ထဲက ကြိတ်ပြီး ချစ်စိတ်တွေ
စဖြစ်ကြရတယ် ၊ အဲဒီချစ်စိတ်ရဲ့အစ ရာဂ ဖြစ်ပေါ်လာခြင်းကို ဇာတိမီး စနေပြီလို့
မှတ်ရမယ် ၊ ချစ်စိတ်စပြီး ဖြစ်ပြီဆိုမှဖြင့် ရှေ့နားမှာ ဒီချစ်စိတ်နဲ့
ပတ်သက်ပြီး ငိုဖို့သာ အဆင့်သင့် ပြင်ထားကြပေတော့ပဲ ၊ ချစ်စိတ် ရီးစားစိတ်
စရှိလာပြီးသူတွေ မျက်ရည်မကျရ မငိုရသူ နှလုံးသွေး မပူလောင်ရသူတွေ
လူ့လောကကြီးမှာ ရှာလို့ ရနိုင်မှာ မဟုတ်ဘူးဆိုတာ အသင် စာရှုသူကိုယ်တိုင်
ကိုယ်တွေ့ဖြစ်ကောင်း ဖြစ်နိုင်ပါတယ် ၊ ဒါဟာ စပြီးရီးစားထားရှိခြင်းကြောင့်
ဇာတိမီး လောင်ပုံပါပဲ။
အိမ်ထောင်ကျခြင်းအစ ဇာတိမီးတပြပြ
ဟော - လာပြန်ပြီ ၊ သမီးရီးစားဘ၀ကနေ တစ်ဆင့်တိုးပြီး
အိမ်ထောင်သည်ဘ၀ စကြပြန်ပါပြီ ၊ မင်္ဂလာဆောင် အိမ်ထောင်အသစ်စပျိုး
အိမ်ထောင်သည်ဘ၀ နှောင်ကြိုးတွေ တုတ်ဖွဲ့ ချည်နှောင်
အိမ်ရာတည်ထောင်ခြင်းအစလို့ဆိုတဲ့ ဇာတိမီး တညီးညီးနဲ့ စလောင်ပြီး
နေပါတော့တယ် ၊ တာဝန်နဲ့ ၀တ္တရား ပိုပြီး ရှိလာကြတဲ့ အားလျှော်စွာ လောဘ
တရားနဲ့ လုပ်ရ တဲ့အခါ လုပ်ရ ၊ ဒေါသတရားနဲ့ ပြောဆိုရတဲ့အခါ ပြောရနဲ့ တခါတလေ
ကျပြန်တော့ မနာလို ၀န်တိုမှုတွေ စသဖြင့် လောဘမီး ဒေါသမီးတွေကလဲ လောင်လိုက်
သေးတယ် ၊ ဒီအစဖြစ် ခြင်းဆိုတဲ့ ဇာတိမီးက သတ္တ၀ါတွေကို ဇရာမီး မရဏမီးသို့
မရောက် ရောက်အောင် ခရီးနှင် ပို့ဆောင်ပေးနေလျက် ၊
စပြီးမီးမွှေးလိုက်ပြီဆိုမှတော့ လမ်းဆုံးသည့် တိုင် လောင်စာကုန် သည့်တိုင်
လောင်မြဲလောင်လျက် တစ်ရက်မှ မပြတ်တော့ပါဘူး ၊ အချိန်တန်လို့ အိမ်ထောင်
ဘက်ဖြစ်သူက ဇရာမီး ဗျာဓိမီးလောင်လို့ ဒါမှမဟုတ် မရဏ မီးလောင်လို့
ကျန်တစ်ဦးမှာ ကိုယ်ရော စိတ်ပါ ပင်ပန်းနွမ်းလျ မီးအလောင်ခံကြရပြန်တယ် ၊
အစဆိုတဲ့ ဇာတိ အိမ်ထောင် ပြုမိလို့ ခံလိုက်ရတဲ့မီးပဲ မဟုတ်ပါလား ၊ အစကတည်းက
မီးမမွှေးမိရင် နောက်ဆက်တွဲဆိုတဲ့ မီးတွေလဲ လောင်ကျွမ်းစရာ မရှိနိုင်ပါ ၊
မိမိကိုယ်ရေး ကိုယ်တာအတွက် ဇာတိမီးက ရှိနင့် နေလို့ ဇရာမီး မရဏမီး
လောင်ခံထိနေတာကို အားမရသေးလို့ အပိုမီး ထပ်ညှိတော့ ပိုပြီး
လောင်ခံရတော့တာပေါ့ ၊ တရားသဘောအရ ဓမ္မဓိဋ္ဌာန်ကျကျ ကြောင်းကျိုးပြ
ပြောဆိုခြင်း မျှသာပါ ၊ ရီးစားထား အိမ်ထောင်ကျသူတွေကို အပြစ်မြင်
ပြောဆိုခြင်း မဟုတ်ရပါ ၊ ကာမဘုံ သား ကာမသတ္တ၀ါတွေရဲ့ ယေဘုယျ သဘာဝပါလုိ့
ကောင်းစွာသိမြင်ပါတယ် ၊ ယေဘုယျ များသောအားဖြင့်ဆိုတာ ၉၀ရာခိုင်နှုန်းလောက်
ရှိနေခြင်းကို ဆိုလိုပါတယ် ၊ ကျန်တဲ့ ဆယ်ရာ ခိုင်နှုန်းထဲမှာ
ရှိနေနိုင်ကြရင်တော့ မီးလောင်ခံ သက်သာလိမ့်မယ်ဆိုတာ မေတ္တာစိတ်ဖြင့်
သိစေချင်တဲ့ သဘောပါ ၊ ဒို့က သတ္တိကောင်း အာဇာနည် မောင်မယ်တွေပဲဆိုပြီး
ဇာတိမီးမွှေး ပြီး ထပ်ပြီးတောက်လောင်လာမဲ့ မီးပုံကြီးတွေပေါ်မှာ
အလောင်ခံပြပြီး ငရဲမီးအထိ ခါးတောင်း ကျိုက် အလောင်ခံပြ မယ်ဆိုရင်လဲပဲ
သဘောပါပဲဗျာ ၊ ကန့်ကွက်စရာ မရှိရိုး အမှန်ပါ။
ကိုယ်ပိုင်စီးပွားအစ ဇာတိမီး တရွရွ
သက်မွေးဝမ်းကျောင်းမှုနဲ့ ပတ်သက်ပြီး အစိုးရ၀န်ထမ်း
သက်ဆိုင်ရာ ကုမ္မဏီ တွေမှာ အလုပ်လုပ်ကြတာက များလှပါတယ် ၊ လက်ရှိအလုပ်နဲ့
အားမလို အားမရဖြစ်ပြီး ကိုယ်ပိုင်စီးပွားရေးကို စပြီးတည်ထောင်လိုက်တယ်
ဆိုကြပါစို့ ၊ ကိုယ်ပိုင်စီးပွားရေး ကိုယ်ပိုင် လုပ်ငန်း
စလိုက်ပြီဆိုမှဖြင့် အစတည်ခြင်းလို့ဆိုတဲ့ ဇာတိမီး စလိုက်ပါပြီ ၊
အစိုးရအလုပ် ကုမ္မဏီအလုပ် လုပ်တုံးကဆိုရင် အလုပ်ချိန်ပြီးတာနဲ့ တာဝန်ကျေ
လွတ်လပ်သွားပြီ ၊ မိမိရဲ့ ခေါင်းထဲ ရင်ထဲမှာ ရှင်းလို့ လင်းလို့ ပေါ့လို့
သွားချေပြီ ၊ ကိုယ်ပိုင်စီးပွားရေးဆိုတာက သိကြတဲ့ အတိုင်း အစ အလယ် အဆုံး
အကုန်လုံးမှာ တာဝန်ရှိတဲ့အတွက် အမြတ်အစွန်း ပိုပြီး ရရှိအောင်
ကြံဆောင်နေရတယ် ၊ အရှုံးမပေါ်အောင် အကြံထုတ် ပြုလုပ် ပြောဆိုပြီး နေရပါ
တော့တယ် ၊ ဒါဟာလဲ အစပြု တည်ထောင်လိုက်တဲ့ ဇာတိလို့ဆိုတဲ့မီး စတင်ဖီစီး
လောင်ကျွမ်း လိုက်ခြင်းပါပေပဲ။
ဇာတိမီးလျှံ လောင်မြဲလောင်လျက် အတန်တန်
အမိဝမ်းမှာ ကိန်းအောင်နေတာကိုသာ ဇာတိလို့ ပြောတာ
မဟုတ်သေးပါဘူး ၊ တကယ်မှာတော့ ဘ၀တစ်သက်သာ တစ်သံသရာလုံး ရုပ်နာမ်ဓမ္မတွေရဲ့
အမြဲမပြတ် ဖြစ်ပေါ်လာနေတဲ့ အချိန်တိုင်း ခဏတိုင်းဟာ ဇာတိလို့ ခေါ်နိုင်ပါတယ်၊
ဖြစ်ခြင်းလိုဆိုတဲ့ ဇာတိတရားကလဲ သက်တမ်းမရှည်လှပါ ၊ ဖြစ်ပြီးပြီးချင်း
ချက်ချင်းဆိုသလို ပျက်စီး ချုပ်ပျောက် ဘယ်ရောက်သွားမှန်းမသိ ဖြစ်ရတယ် ၊
ကြောက်စရာ အင်မတန်မှ ကောင်းလှ ပါတယ် ၊ မသိလို့သာ မကြောက်ကြတာပါ ၊
အကြောင်းတိုက်ဆိုင် ညီညွတ်တိုင်း ဖြစ်ဖြစ်လာ တာကို တားဆီးလို့လဲ
မရနိုင်လို့ မဖြစ်အောင်လဲ ပိတ်ပင်လို့ မရနိုင်တဲ့တရားပါ ၊ အကြောင်း ကြောင့်
အကျိုးဖြစ်ပေါ်လာတာကို မိမိအလိုကျ ဘာတစ်ခုမှ လုပ်လို့ မရပါ ၊ ဖြစ်ပေါ်လာပြီး
ပျက် ၊ မိမိအလိုအကြိုက် လိုက်ပါခြင်း မရှိ ၊ ဆင်းရဲခြင်းအတိ ဖြစ်ပေါ်ခြင်း
ဇာတိမီး ညီးညီးပြောင်ပြောင် လောင်နေခြင်းပင် ဖြစ်ပါပေတော့တယ် ၊
ဒီဇာတိမီးကိုတော့ဖြင့် ဘ၀သံ သရာမှာ ကျင်လည်နေရသမျှ ငြိမ်းသတ်
သုတ်သင်ပေးနိုင်တဲ့ဆေးဝါး လက်နက် ကိရိယာ တန်ဆာပလာဆိုလို့ မရှိနိုင်တာကတော့
အမှန်ပါပဲ ၊ လောကထွဋ်တင် ဘုရားသခင်ပင် သူ့ကို လက်မြှောက်အရှုံးပေးနေရတဲ့
ကြီးငယ်မဟူ မည်သူကိုမှ ဘာကိုဘာမှ သူမထီ တကယ့် ဇာတိမီး အစစ်ပါပေတကား...။
Credit to
No comments:
Post a Comment