အနိစ္စ ဒုက္ခဖြင့် အနတ္တထင်ပုံ
၂။ အတ္တဟု စွဲလမ်းသူတို့က
“အတ္တသည် မပျက်မစဲ ခိုင်မြဲ၏”ဟုလည်း ယူကြ၏၊ သို့သော် “ဤရုပ်ခန္ဓာသည် မြဲသလား, မမြဲ ဘူးလား”ဟု
စစ်ဆေးကြည့်လျှင် မမြဲကြောင်း ထင်ရှား၏၊ [၀ိပဿနာ သမ္မာဒိဋ္ဌိအခန်း၌ အနိစ္စဖြစ်ပုံကို ပြခဲ့ပြီ၊]
မမြဲသည့်အတွက် တစ်ပျက်တည်း ပျက်နေသော ရုပ်ခန္ဓာကို
“ဒုက္ခလို့ ဆိုမည်လား, သုခလို့ ဆိုမည်လား”ဟု မေးလျှင် ဒုက္ခဟုပင် ဖြေကြပေလိမ့်မည်၊
ထိုသို့
မခိုင်မြဲ၍ ဒုက္ခအတုံးအခဲ ဖြစ်လျက် ပျက်စီးတတ်သော ဤရုပ်ခန္ဓာ ကို “ငါ့ရုပ်, ငါ့ခန္ဓာ,
ငါ့ဥစ္စာ”ဟု တဏှာသဘောအားဖြင့်လည်း စွဲလမ်းသင့်ပါဦးမည်လော၊ “ငါဆိုတာ ဒီရုပ်ခန္ဓာပဲကွ”ဟု
မာန သဘောအားဖြင့်လည်း စွဲလမ်းသင့်ပါဦးမည်လော၊ “ဒီရုပ်ခန္ဓာ သည်ပင် ငါ၏ အတ္တ=ငါ၏ အသက်ကောင်,
လိပ်ပြာကောင်”ဟု ဒိဋ္ဌိသဘောအားဖြင့်လည်း စွဲလမ်းသင့်ပါဦးမည်လော၊ “မစွဲလမ်း သင့်တော့ပြီ။”
[ဝေဒနာစသည်ကိုလည်း ဤသို့ စစ်ဆေးကြည့်ပါ။]
ရုပ်နာမ်အားလုံး မစွဲလမ်းသင့်
၃။
ယခုဘ၀၌ ရှေးရှေး နှစ်လ နေ့ရက် အချိန်များစွာတုန်းက ဖြစ်ခဲ့ကြသော, ရှေးရှေး ဘ၀များစွာက
ဖြစ်ခဲ့ကြသော ရုပ်နာမ် အားလုံးသည်ပင် အမြဲမရှိသော အနိစ္စတရား, ပျက်စီးဖောက်ပြန်သော ဒုက္ခတရား
(အသက်ကောင် လိပ်ပြာကောင် ၀ိညာဉ်ကောင် ဟူ၍ စွဲလမ်း ထင်မှတ်အပ်သော အတ္တမရှိ၍) အနတ္တတရား
ဖြစ်ကြသောကြောင့် ထိုရှေးရှေးက ရုပ်နာမ်များသည် ယခုဘ၀ ယခုအချိန်၌ ရှာ၍ မရအောင် ပျက်ခဲ့ကြပြီး
နောက်နောက် ဖြစ်ပျက်သမျှလည်း ဤကဲ့သို့ ပျက်ကြရဦးမည်၊
ယခု
ဖြစ်ဆဲ ရုပ်နာမ်တရားတွေလည်း ၀ိပဿနာဉာဏ် ပညာစက္ခုဖြင့် မကြည့်ရှုနိုင်ကြသေး၍ မျက်ဝါး ထင်ထင်
မမြင်ရစေကာမူ နှမ်းအိုးခင်း၌ နှမ်းတွေ တဖျစ်ဖျစ် မြည်လျက် ကျက်နေသကဲ့သို့ အချိန်မလပ်
ခန္ဓာကိုယ် အရပ်တိုင်းမှာ အမှန်ပင် ပျက်နေကြသည်၊ ကိုယ့်သန္တာန်က ရုပ်နာမ်တွေ ဖြစ်လိုက်
ပျက်လိုက်နေကြသလို သူတစ်ပါးသန္တာန်မှာလည်း ဖြစ်ပျက်၍ နေကြပေသည်၊
ထို့အတူ
အကြမ်း အနု အယုတ် အမြတ် အဝေး အနီး ဖြစ်သော ရုပ်နာမ်အားလုံးတို့ ဖြစ်ပျက်နေရကား ရုပ်နာမ်အားလုံးကို
“ငါ့ဥစ္စာ မဟုတ်”ဟု သိသော ၀ိပဿနာဉာဏ်, ထိုဉာဏ်ထက် ထက်သန်သော မဂ်ဉာဏ်ဖြင့် တဏှာစွဲကို
ဖြုတ်သင့်ကြပြီ၊ “ငါ ငါ”ဟု မာနစွဲကိုလည်း ဖြုတ်သင့်ကြပြီ၊ “ရုပ်နာမ်ကို ငါ၏ အတ္တ”ဟု
ဒိဋ္ဌိစွဲ ကိုလည်း ဖြုတ်သင့်ကြပြီ။
အဆင့်ဆင့်တက်၍ ရဟန္တာဖြစ်ပုံ
၎။ ဤပြခဲ့သော နည်းဖြင့် ရုပ်ခန္ဓာနှင့် ဝေဒနာ စသော နာမ်ခန္ဓာကို
ဉာဏ်ဖြင့် ဆင်ခြင်ကြည့်လေ့ရှိသော သူတော်ကောင်း ပညာရှိသည် ထိုရုပ်နာမ်ခန္ဓာ အပေါ်၌ (မွေ့လျော်
ပျော်ပိုက်ခြင်း မရှိဘဲ) ငြီးငွေ့လာ၏၊ ငြီးငွေ့လာလျှင် ထိုရုပ်နာမ်ခန္ဓာ အပေါ်၌ နှစ်သက်တွယ်တာမှု
ကင်းရှင်းသွား၏၊ [တွယ်တာမှု ကင်းရှင်းသွားလျှင် မဂ်ရပြီ ဆိုရ၏၊] တွယ်တာမှု ကင်းရှင်း၍
မဂ်ကို ရလျှင် ရုပ် နာမ်အပေါ် တွယ်တာနေခြင်းမှ လွတ်မြောက်သွားတော့၏၊ [ဖိုလ်ကို ရပြီဟု
ဆိုလိုသည်၊]
ထို့နောက်
မိမိစိတ်အစဉ်သည် “ကိလေသာတို့မှ လွတ်ပြီ”ဟု ကိုယ်တိုင်လည်း သိ၏၊ ငါသည် နောက်ဘ၀၌ ပဋိသန္ဓေ
နေဖွယ်မလို, ပြုကျင့်ဖွယ် တရားများကို ပြုကျင့်ပြီးပြီ၊ နောက်ထပ် ကျင့်ဖွယ် မလိုတော့ပြီဟုလည်း
ကိုယ်တိုင် သိနိုင်ပေသည်၊ ဤစကား စဉ်ဖြင့် “ရုပ်နာမ်ကို အနိစ္စ ဒုက္ခ အနတ္တဟု ပိုင်နိုင်စွာ
ရှုနိုင်သူတို့ သည် သောတာပန် စသော အရိယာအဖြစ်သို့ ရောက်၍ နောက်ဆုံး ရဟန္တာ ဖြစ်ကြသည်”ဟု
ဆိုလိုသည်။
အမှာ။ ။ ဤစာကြည့်ရင်း စာဆိုသည့်အတိုင်း ဉာဏ်ကို စိုက်၍
စိုက်၍ စဉ်းစားကြည့်ကြပါလေ၊ အပေါ်ယံ ဖတ်သွား ရုံမျှဖြင့်ကား အကျိုးများလှမည် မဟုတ်ပါ။
အခြားဘာသာ၌ အနတ္တဟု ဟောချက်ရှိသလော
ယခု
လောက၌ ထင်ရှားသော ဘာသာဝါဒကြီးတို့တွင် ဟိန္ဒူဝါဒသည် ဗုဒ္ဓ၀ါဒနှင့်အတော် နီးစပ်၏၊ ဗုဒ္ဓသည်ပင်
ဗုဒ္ဓမဖြစ်ခင်က ဟိန္ဒူဝါဒကို လိုက်နာခဲ့သော အမျိုးပေတည်း၊ ထိုဟိန္ဒူဝါဒီတို့သည် ကံနှင့်
ကံ၏အကျိုး နားလည်၍ ယုံလည်း ယုံကြည်ကြ၏၊ သို့သော် အတ္တ အယူအဆကိုကား အလွန်ယုံကြည်စွဲမြဲလေသည်၊
ဗုဒ္ဓသာဝကတွင် ပါဝင်ကြသော ဥပါသကာ ဥပါသိကာမတို့၌သော်မှလည်း ထိုအတ္တစွဲလမ်းမှုများ ရှိကြသေး၏၊
အတ္တနှင့် အနတ္တသည် ဟိုဘက်ကမ်းနှင့် သည်ဘက်ကမ်း အလှမ်းဝေးသလို ဖြောင့်ဖြောင့် ဆန့်ကျင်ဘက်ဖြစ်ကာ
တစ်ဝါဒနှင့်တစ်ဝါဒ အလွန် ခြားနားလျက် ရှိ၏။
အတ္တဟု စွဲလမ်းနေသမျှလည်း ရုပ်နာမ်တို့၏ အနိစ္စ ဒုက္ခကို ပိုင်နိုင်စွာ
မသိနိုင်၊ အပေါ်ယံ ရုပ်တရားနာမ်တရား ပျက်သော်လည်း အမာခံ အထည်ကိုယ် အတ္တကလေးကား မပျက်ဘဲ
ကျန်နေသေး၏ဟု ယူကြဦးမည်သာ၊ ထို့ကြောင့် အခြားဝါဒ၌ “အနတ္တ”ဟူသော အရိပ်အယောင် အသံကလေးမျှ
ရှိချင်ရှိပေလိမ့်မည်၊ သို့သော် ဗုဒ္ဓ၏ အလိုတော်ကျဖြစ်သော အနတ္တအယူ အဆကား မုချမရှိနိုင်၊
အနတ္တဟု မယူနိုင်သေးသမျှလည်း အတ္တဟု ထင်မှတ်ရာ ခန္ဓာငါးပါးမှ မလွတ်လပ်နိုင်၊ ထိုသို့ မလွတ်လပ်သမျှ
အနတ္တဖြစ်သော နိဗ္ဗာန်ဓာတ်သို့ မပြောင်းနိုင်ကြဟု မုချဆတ်ဆတ် မှတ်သားကြပါလေ။
အနတ္တလက္ခဏသုတ်ပြီးပြီ။
No comments:
Post a Comment