မီး(၁၁)ပါး ၁၀၊ဒေါမနဿမီး

ဒေါမနဿမီးလျှံ ရုပ်ဟဒယံမှာ

ကိုယ်ဒုက္ခမီးအကြောင်းနဲ့ ငြိမ်းသတ်နည်း နိသျည်းကိုပါ တင်ပြဆွေးနွေးလို့ ပြီးသွားပါ ပြီ ၊ အခု ဆက်လက်ပြီးတော့ နှလုံးမသာယာမှု ဒေါမနဿမီးအကြောင်း တင်ပြပါရစေ ၊ ဒေါမနဿ ဆိုတာ စိတ်နှလုံးနဲ့ပတ်သက်တဲ့ ခံစားမှု ဒုက္ခဝေဒနာပါပဲ ၊

စိတ်ဒုက္ခခံစားကြရတဲ့သူတွေမှာ ဘယ်လိုများ ညည်းညူတတ်ကြသလဲဆိုတော့ ၊ သူတို့ကို ကြည့်ရ မြင်ရတာ စိတ်မချမ်းသာလိုက်တာ ၊ သားသမီးတွေအတွက် ၊ အိမ်ထောင် ရေးအတွက် ၊ စီးပွားရေးအတွက် ၊ အလုပ်အကိုင်အတွက် ၊ ဆွေမျိုးအတွက်စသဖြင့် စိတ်မချမ်း မသာ ဖြစ်လိုက်ရ ခံစားလိုက်ရတယ်ဆိုတာတွေဟာ ဒီဒေါမနဿမီး လောင်နေခြင်း ကို ဆိုလိုပါတယ် ၊ ဒီမီးက နှလုံးထဲမှာ တမြေ့မြေ့နဲ့ လောင်ကျွမ်းနေတာဖြစ်လို့ အပြင်က လူတွေ မသိ မမြင်နိုင်တဲ့မီးပါပဲ ၊ အိပ်ပျော်နေတဲ့အချိန်ကလွဲလို့ အချိန်မရွေး ဣရိယာ ပုထ်မရွေး နေရာမရွေး အမြဲမပြတ် ဒလစပ် လောင်မြိုက်ပြီး နေတတ်ပါတယ် ၊ ခန္ဓာကိုယ်ရဲ့ အလယ်ဗဟိုရ် နှလုံးသားမှာ လောင်ကျွမ်းနေတဲ့မီးမို့ ကြောက်စရာ အင်မတန် ကောင်း လှပါတယ် ၊ အဲဒီမီး အလောင်ခံရတဲ့ ပုဂ္ဂိုလ်များမှာ မကြာခင်မှာပဲ ရုပ်ရည်ရူပကာယတွေ ပိန်ချုံးပြီး လူလုံးမလှ အရွယ်တွေကျ အိုရုပ်ပေါက်သွားက များပါတယ်။

　

နှလုံးမသာယာ မီးမဟာကြီး ငြိမ်းသတ်နည်း

နှလုံးမီးလောင်ပုံကို ပြောပြပြီးတဲ့နောက် မီးငြိမ်းသတ်နည်း နိသျည်းကို ဆက်ပြီးတင်ပြလိုပါတယ် ၊ နှလုံးမသာယာ ခံစားနေရခြင်းဟာ နှလုံးသွင်းမှု မမှန် ရှုမှတ်မှု ဘာဝနာဥာဏ် မရှိလို့ပဲ ဖြစ်ပါတယ် ၊ ပြင်ပဗဟိဒ္ဓရုပ်ဝတ္ထုနဲ့ လူပုဂ္ဂိုလ်တွေဟာ တပါးသော ပုဂ္ဂိုလ်တွေရဲ့ ပြင်ပဗဟိဒ္ဓ ခန္ဓာကိုယ်ကိုသာလျှင် နာကျင်အောင် ပြုနိုင်စွမ်း ရှိတာပါ ၊ နှလုံးသားထိ နာကျင်အောင် မလုပ်နိုင်ပါဘူး ၊ နှလုံးနာကျင် ခံစားရခြင်းဟာ ကာယကံ ရှင်ရဲ့နှလုံးသွင်း မမှန်ချက်ကြောင့် နှလုံးနာရတာပါ ၊ ဒါ့ကြောင့်မို့လို့ ခန္ဓာကိုယ် အရိုက်ခံထိတဲ့ အနာဂါမ် ရဟန္တာတွေမှာ ကိုယ်ကသာ နာချင်နာမယ် နှလုံးမသာမယာ နှလုံးနာကျင်ခြင်း ဆိုတာ လုံးဝမရှိတော့ပါ ၊ သာမာန်ပုဂ္ဂိုလ်တွေအနေနဲ့ကလဲ မကောင်းတာတွေကို မြင်ရ ကြားရ တဲ့အခါမှာ နှလုံးမသာမယာ မဖြစ်ဖို့ နှလုံးသားမီး မလောင်စေဖို့ နှလုံးသွင်းမှန်ကန်မှုရှိခြင်း ဘာဝနာတရား ရှုမှတ်မှုရှိခြင်းဖြင့် ကာကွယ်မှု ပြုပေးရမယ် ၊ မိမိတို့အနေနဲ့ ကာကွယ်မှုမပေး ငြိမ်းသတ်ဆေး ဘာဝနာရှုမှတ်မှုမှ မရှိခဲ့ရင်တော့ နှလုံးမသာယာမှုကြီး ဒေါမနဿမီးက လောင်တော့မှာပဲ။

ခဏတာမျှ မြင်ရကြားရတဲ့ အာရုံအပေါ် အခြေခံပြီး မိမိရဲ့နှလုံးသားကို မီးအလောင် ခံခြင်းဟာ အင်မတန်မှ နစ်နာလှပါတယ် ၊ ဒီလိုသာ မိမိမကြိုက်မနှစ်သက်တဲ့ အမြင် အကြား အာရုံတွေကို မြင်ရ ကြားရတိုင်း နှလုံးသားကို မီးအလောင်ခံနေရမယ်ဆိုရင်တော့ လူဖြစ်လဲ ရှုံး သာသနာတော်နဲ့ ကြုံတွေ့ရလဲ အမြတ်မထွက် သက်သက်အရှုံးကြီး ရှုံးရပါတော့မယ် ၊ မိမိကိုယ်ကိုလဲ မသနားရာရောက် ဘုရားစကားတော်ကိုလဲ သပိတ်မှောက် နောက်လိုက် တပည့်ကောင်း တစ်ယောက် မဖြစ်နိုင်တော့ပါဘူး။

နှလုံးသွေးပူလောင် ညီးညီးပြောင်ပြောင် မီးလောင်ခံရတဲ့ သူမှာ မိမိရဲ့ဘေးမှာ မီးငြိမ်းသတ်ဆေး ရှိနေပါလျက်နဲ့ အခွင့်အရေးရယူ မီးငြိမ်းမှုမပြုဘဲ ညည်းရုံသာ ညည်းညူနေကြမယ်ဆိုရင် မသိတတ်ရာအလွန်ကျ ဗုဒ္ဓရဲ့တပည့်သားကောင်းတစ်ယောက် မဟုတ်တော့ပေဘူးလို့သာ မှတ်လိုက်ပါတော့ ၊ မကောင်းတဲ့ အမြင် အကြား , ကောင်းတဲ့ အမြင် အကြား ဘာကိုပဲ မြင်ရမြင်ရ, ကြားရကြားရ မြင်ရုံမျှ ကြားရုံမျှမှာထားပြီး ပုဂ္ဂိုလ် သတ္တ၀ါ မိန်းမ ယောက်ျား ချောမချော လှမလှ ကောင်းမကောင်းအဆင့်အထိ ဆင်ခြင်ကြည့် မနေသင့်ပါ ၊ မြင်ပြီး ကြားပြီးတဲ့နောက်မှာ မြင်ရတဲ့ ကြားရတဲ့အာရုံတွေလဲ ကုန်ဆုံးချုပ်ပျောက် မျက်စိကွယ်ရာ နားကွယ်ရာမှာ ရောက်ရှိသွားကြပါပြီ ၊ မြင်တဲ့စိတ် ကြားတဲ့စိတ်တွေလဲ အလျင်အမြန်ကြီး လျှပ်ပြက်သလို ဖြစ်ချုပ်သွားကြလေကုန်ပြီ ၊ ပစ္စုပ္ပန်တည့်တည့်မှာ စိတ်ကိုမထားဘဲ အတိတ်ကို ပြန်ပြီး နှလုံးသွင်းဆင်ခြင် ရှိနေခြင်းကြောင့် နှလုံးမသာယာ ဒေါမနဿမီး အားကြီးလောင်ကျွမ်းနေရခြင်းပါ၊

အိပ်ပျော်ချိန်နဲ့ ဘာဝနာတရား ပွားများအားထုတ်ချိန်တို့ကလွဲလို့ မျက်စိနဲ့ နားကို အမြဲတမ်း ဖွင့်ကြည့် နားစွင့်နေရခြင်းဟာ လူ့သဘာဝပါ ၊ နေ့စဉ်နဲ့အမျှဆိုသလို အကောင်း အဆိုး အမြင်အကြားတွေနဲ့ မြင်တွေ့ ကြားရနေမှာပဲ ၊ ကောင်းဆိုးနှစ်တန် မြင်ရ ကြားရတာ မှန်သမျှ ကိလေသာမီးစာတွေ မဖြစ်စေဘဲ သံဝေဂဥာဏ် ၀ိပဿနာဥာဏ်ရဲ့ အာရုံအဖြစ် မဂ်ဥာဏ်ထိရောက်အောင် အသုံးချ ဆင်ခြင်သုံးသပ် ရှုမှတ်နိုင်ကြပါစေ ၊ ရှုမှတ်လိုက်ပါ တော့လို့ တိုက်တွန်းလိုက်ပါရစေ....။

လူ့ဘ၀ဆိုတာ မိုးကျရွှေကိုယ် မဟုတ်ကြပါ ၊ မိသားစု အပေါင်းအသင်း အဖွဲ့အစည်းနဲ့ နေကြရပါတယ် ၊ မိဘဆွေမျိုး ညီကိုမောင်နှမတွေ ရှိကြတာချည်းပဲ ၊ စားဝတ်နေရေးအတွက် အလုပ်အကိုင်ရှိရ စီးပွားဥစ္စာ ရှာကြရပါတယ် ၊ လူရဲ့ခန္ဓာကိုယ်မှာ ဓာတ်ကြီးလေးပါး ဖောက်ပြန်လာတဲ့အခါ ရောဂါဝေဒနာတွေလဲ ရရှိလာကြပါတယ်။

လောကသဘာဝအရ ခိုင်တာမြဲတာရယ်လို့ ဘာတစ်ခုမှ မရှိပါဘူး ၊ သက်ရှိလဲ သက်ရှိအလျှောက် သက်မဲ့လဲ သက်မဲ့အလျှောက် အချိန်တန်တော့လဲ ပျက်စီးယိုယွင်း အိုမင်း ချုပ်ပျောက်ကြရတာချည်းပဲ ၊ မပျက်စီးအောင် အမိန့်ပေးလို့ မရနိုင်တဲ့ အနတ္တတရားတွေပဲ မဟုတ်ပါလား ၊ ဒါ့ကြောင့် အချိန်တန်လို့ မိသားစု ဆွေမျိုးထဲက တစ်ယောက်ယောက် သေပျောက်ပျက်စီးရတာ ဓမ္မတာပါပဲလေ ၊ မိမိတို့လဲ ဒီလမ်းဒီစခန်းအတိုင်း နောက်က လိုက်ရ ပေဦးမယ် ၊ တရားသဘောအတိုင်း ဖြစ်ပျက်နေတာကို သံဝေဂယူ ဥာဏ်ကူလိုက်ရင် နှလုံးမီး ပူလောင် ခံစားရခြင်းမှ သက်သာခွင့်ရနိုင်ပါတယ် ၊ သတိပဋ္ဌာန်တရားနဲ့အညီ ပွားများ အားထုတ်လို့ နှလုံးသားမှာ ဓမ္မဥာဏ်ကြာပွင့် ကိန်းဝပ်သွားပြီဆိုမှဖြင့် ကိုယ်ဆင်းရဲမှုရော စိတ်ဆင်းရဲမှုပါ ကင်းပျောက်ချုပ်ငြိမ်းနိုင်ကြောင်းပါဗျာ။

စီးပွားဥစ္စာအလုပ်အကိုင်ရာထူးဌာနန္တရတွေတည်မြဲခြင်းမရှိလက်လွှတ်ဆုံးရှုံးရတဲ့အခါမှာလဲ လောကဓမ္မတာတစ်ခုအနေနဲ့ ဖြေသိမ့် ကျေနပ်ကြရမှာပဲ ၊ ဘ၀ဆိုတာ အနိမ့်အမြင့် အတက်အကျ ရှိစမြဲပါ ၊ မိမိတို့ရဲ့ ကံ ဥာဏ် ၀ီရိယအပေါ်မှာ မှီတည်ပြီးတော့ ဖြစ်ပျက်နေရပါတယ် ၊ အသိဥာဏ်တစ်ချက် လွဲလိုက်တာနဲ့ ပျက်စီးဆုံးရှုံးမှု ဖြစ်ပေါ်လာရသလို လုံးလ၀ီရိယမဖက် ပေါ့ဆမှုရှိတဲ့အတွက်ကြောင့် နစ်နာဆုံးရှုံးရတာလဲ တပုံကြီးပဲ။

ပညာဥာဏ်အဆင်ခြင်နဲ့ လုံ့လ၀ီရိယအပြည့် ရှိပင်ရှိငြားသော်လဲ အတိတ်ကံ မကောင်းခဲ့မှုကြောင့် မမျှော်လင့်ဘဲ စီးပွားရေး ချွတ်ခြုံကျ ၊ အလုပ်အကိုင် ရာထူးဌာနန္တရတွေ ပြုတ်လို့ နေရတဲ့အခါလဲ ရှိတတ်ပါသေးတယ် ၊ ဒါတွေကလဲ ယာယီခဏတာပါ ၊ တစ်သက်လုံး ဒီလိုချည်း ဖြစ်မနေပေဘူး ၊ ကောင်းတဲ့ကံတွေကို ကြိုးစားပြု အဖက်ဖက်က ဆင်ခြင်စဉ်းစား ဥာဏ်အသစ်တွေထုတ် ၊ တတ်အားသမျှ လုံ့လဥဿာဟထုတ် ပြန်ပြီးကြိုးစားလိုက်ရင် လက်လွှတ်ဆုံးရှုံးလိုက်ရတဲ့ စီးပွားရေးတွေ ပြန်လည်ပြီး ဦးမော့လာနိုင်ပါတယ် ၊ အရင်က ထက်လဲ စီးပွားတိုးတက်ဖြစ်ထွန်းနိုင်ခွင့် ရှိပါတယ်၊ သင့်လျှော်ကောင်းမွန်းတဲ့အလုပ်အကိုင် ရာထူးဌာနန္တရတွေကိုလဲ ပြန်လည်ရရှိနိုင်ပါတယ် ၊ လူသာ အဓိကပါ ၊ ကံ . ဥာဏ် . ၀ီရိယ ဤ

သုံးဝနဲ့ ပြစုံအောင်သာ ကြိုးစားလိုက်ပါတော့ ၊ နှလုံးပူဆွေး ဒေါမနဿမီးဘေးကနေ အမြန်ထွက်ခဲ့စမ်းပါလော့ ၊ ဘုရားပေးတဲ့နည်းအတိုင်း ယုံယုံကြည်ကြည် လိုက်နာ ပြုလုပ်ခြင်း ဖြင့် ကိုယ်တွေ့အကျိုးတရားရရှိ တွေ့မြင် ဘုရားသခင်ကို ကျေးဇူးတင်မဆုံးဖြစ်မှာ သေချာပါ တယ်။

ခန္ဓာကိုယ်ရရှိလာလို့ကတော့ ရောဂါဝေဒနာဆိုတာ ခန္ဓာကိုယ်ရဲ့ အမွှာပူးပဲ ၊ ပူလိုက်အေးလိုက် ၊ ဆာလောင်မွတ်သိပ် ခြင်းဖြစ်လိုက် ၊ ကျင့်ကြီးကျင့်ငယ် စွန့်ရနဲ့ ဒီရောဂါ ဝေဒနာတွေက မွေးလာကတည်းက သေတဲ့အထိ ကပ်ပြီးနှိပ်စက်မြဲ နှိပ်စက်နေပေမှာပဲ ၊ အသက်ရလာတာနဲ့အမျှ ဓာတ်လေးဝ ကမောက်ကမဖြစ်လို့ ရောဂါဝေဒနာဆိုးတွေ ၀င်ရောက်ပြီး နှိပ်စက်တတ်တာလဲ ဓမ္မတာတစ်ခုလို ဖြစ်နေပါတယ် ၊ ခန္ဓာရှိလို့ နာရတာပဲ ၊ နောက်ထပ်ခန္ဓာမရအောင် ပြုလုပ်အားထုတ်သွားဖို့သာ ရှိပါတော့တယ် ၊ နှလုံးသားကို မီး လောင်ခံ နှလုံးမသာမယာ အိပ်မပျော် စားမ၀င်ရှိနေခြင်းဖြင့် ဘာမှအကျိုးမရသလို အသက် တိုဖို့သာ ရှိပါပေတော့တယ် ၊ ဒါကြောင့်မို့လို့ နှလုံးမသာမယာ စိတ်ဆင်းရဲမှု ခံစားရရင် ‘‘စိတ် ဆင်းရဲတယ်’’လို့ ရှုမှတ်ပေးပါ ၊ သတိပညာနဲ့ ရှုမှတ်သိမြင်ပေးတဲ့အတိုင်း ဒေါမနဿဝေဒနာ မီးဟာ ချက်ချင်းပဲ ငြိမ်းသွားပါလိမ့်မယ် ၊ စိတ်ဆိုတာဟာ တစ်ကြိမ်တစ်ကြိမ်မှာ နှစ်စိတ် ပြိုင်တူ မဖြစ်ကောင်းပါဘူး ၊ စိတ်ဆင်းရဲမှု ဖြစ်နေတဲ့အချိန်မှာ သတိ ပညာဦးစီးတဲ့ ကုသိုလ် စိတ်ဆိုတာ မဖြစ်နိုင်ပါ ၊ ဘာဝနာကုသိုလ်စိတ် ဖြစ်လိုက်တဲ့အခါမှာ စိတ်ဆင်းရဲမှုဆိုတဲ့ အကုသိုလ်စိတ် ဖြစ်ခွင့်မရှိနိုင်တော့ပါ ၊ ရှုမှတ် ပွားများမှု ဘာဝနာ ကုသိုလ်စိတ်ဖြစ်နေသမျှ ဒေါမနဿမီး ငြိမ်းမြဲငြိမ်းနေမှာပဲ။

ရှုမှတ်မှု ဘာဝနာတရားမှ မရှိခဲ့ရင် ဒီဒေါမနဿမီးလျှံဟာ မီးကုန်ယမ်းကုန် စိတ်တိုင်းကျ လောင်ကျွမ်းပြီး နေပေတော့မယ် ၊ တန်ဘိုးရှိတဲ့လူ့ဘ၀ အချိန်ရဲ့တန်ဘိုးကို စိတ်ဆင်းရဲမှုဖြင့် အလဟဿ မဖြုန်းပစ်သင့်တာ အမှန်ပါ ၊ ဒေါမနဿမီးကို အရှုံးမပေး သတိပဋ္ဌာန်ဆေးနဲ့ပဲ ငြိမ်းသတ်ပစ်လိုက်ပါတော့လို့ ထပ်မံပြီး တိုက်တွန်းလိုက်ပါရစေ...။

Credit to 

 (တအာင်း-အမေရိကန်ဆရာတော်ဦးဇေယျသုတ ဓမ္မာစရိယ၊ B.A India ၊ M.A Srilanka ၊ A.G.S USA)