အနာဂတ်သာသနာရေး အပိုင်း(၇၈) သဠာယတန၏ သရုပ်နှင့်သတ္တိ

သဠာယတန၏ သရုပ်နှင့်သတ္တိ

          မျက်လုံးအတွင်း  မျက်နက်ဝန်း၏  အလယ်ကောင်၌ ““စက္ခုပသာဒ””ခေါ် အကြည်ဓာတ် ပါ၏၊ ထိုအကြည်ဓာတ်ကို ““စက္ခာယတန””ဟု ခေါ်၏၊ နားရွက်၏ လိုဏ်ခေါင်းအတွင်း၌ ““သောတပသာဒ””ခေါ် နားအကြည်ဓာတ် ပါ၏၊ ““သောတာယတန””ဟု ခေါ်၏၊ နှာခေါင်း ပေါက်၏အတွင်း၌““ဃာနပသာဒ””ခေါ် နှာခေါင်းအကြည်ဓာတ်ပါ၏၊ ””ဃာနာယတန””ဟု ခေါ်၏၊ လျှာ၏ အလယ်၌ ““ဇိဝှာပသာဒ””ခေါ် လျှာအကြည်ဓာတ် ပါ၏၊ ““ဇိဝှာယတန””ဟု ခေါ်၏၊ ခန္ဓာကိုယ်၏ ထိုထို အရပ်ဌာန၌ ““ကာယပသာဒ””ခေါ် ကိုယ်အကြည်ဓာတ် ပါ၏၊ ““ကာယာယတန””ဟု ခေါ်၏၊ ပဋိသန္ဓေ တည်သည်မှစ၍ (၀ီထိစိတ် မဖြစ်သမျှ) အမြဲဆက်၍ ဖြစ်ပျက်နေသော ၀ိညာဉ်ကို ““မနာယတန”” ဟု ခေါ်၏။

အာရုံခြောက်ပါး

အပြင်ဘက်၌  အဆင်း အရောင်  အမှောင် အမည်း ဟူသမျှသည် ရူပါရုံ မည်၏၊ စက္ခု အကြည်ဓာတ် ရှိရာတိုင်း၌ ရှေးရှုတွေ့နေသော ရူပါရုံဟူသမျှသည် ဓာတ်သဘာဝအလိုက် တိုက်ဆိုက်လျက် ရှိ၏၊ (စက္ခုအကြည်ဓာတ် မရှိလျှင် မည်မျှလောက် ကြိုးစားသော်လည်း ထိုရူပါရုံများ မတိုက် ဆိုက်နိုင်၊) ထို့အတူပင် နားအကြည်ဓာတ် ရှိရာ၌ ကြားလောက်ရာ အရပ်က အသံအာရုံများ တိုက်ဆိုက်၏၊ နှာခေါင်းအကြည်ဓာတ် ရှိရာတိုင်း၌ ရောက်လာသော အနံ့အာရုံဟူသမျှ တိုက်ဆိုက်၏၊ လျှာပေါ်၌ ရောက်သော အစာအာဟာရများဝယ် ချို, ချဉ်, စပ်, ဖန်, အငန်, အခါး အရသာများသည် လျှာအကြည်ဓာတ်၌ တိုက် ဆိုက်၏၊ ထိုထို အတွေ့အထိအာရုံများသည် ခန္ဓာကိုယ်နှင့်ထိမိသမျှ အရပ်တိုင်း၌ ကာယအကြည်ဓာတ်ဝယ် တိုက်ဆိုက်လျက် ရှိ၏၊ ထို အာရုံငါးပါးအပြင် စိတ်ဖြင့်သာ သိရသော အာရုံများကို ဓမ္မာရုံဟု ခေါ်၏၊ ထို ဓမ္မာရုံများကား အရေအတွက် မကုန်နိုင်အောင် များလှ၏၊ ထိုဓမ္မာရုံများလည်း စိတ်စွမ်းသတ္တိအလိုက် ထိုမနောအကြည်ဓာတ်၌ ထင်ပေါ်လာတတ်ကြသည်။

သဠာယတနကြောင့် ဖဿဖြစ်ပုံ

စက္ခုအကြည်ဓာတ်  စသည်၌  ဆိုင်ရာအာရုံ ထင်လာသောအခါ  (အာရုံတိုင်း မဟုတ်သော်လည်း တချို့အာရုံအတွက်) ဓာတ်သဘာဝအလိုက် စိတ်၌ ထိခိုက်မှု ဖဿဖြစ်၏၊ (အရာဝတ္ထုချင်း မထိဘဲလျက် ထိရသလို ဖြစ်အောင် ထိခိုက်လာ၏၊) ထိုသို့ ဓာတ်ခိုက်ခြင်း ဓာတ်ထိခြင်း ဓာတ်တွေ့ခြင်းကိုပင် ““ဖဿ””ဟု ခေါ်၏၊

ထင်ရှားစေအံ့… အချဉ်စားသူကို မြင်ရာ၌ (မိမိ မစားရဘဲ) လျှာရည် ကျတတ်၏၊ ဓားသွေးကျောက်၌ သဲရှပ်ရှပ်နှင့် ဓားသွေး နေသည်ကို မြင်ရ ကြားရသောအခါ အနားက နေသူမှာ သွားကျိန်း သလို ဖြစ်နေတတ်၏၊ သတ်ပုတ် ရိုက်နှက် သွေးထွက်သံယို ဖြစ်နေ သည်ကို မြင်ရာ၌ ကြောက်တတ်သူ အချို့မှာ မြောမေ့၍ပင် သွားတတ်၏၊ သစ်ပင်ခေါင်ဖျား တက်နေသည်ကို မြင်ရာ၌ ကြောက်တတ်သူမှာ မြေပေါ်နေပါလျက် ဒူးတုန်၍ နေတတ်သည်။

          အေးမြငြိမ်းချမ်း ကျောင်းသင်္ခမ်းရိပ်သာဝယ် ဘာဝနာကမ္မဋ္ဌာန်း ဖြင့် ရွှင်လန်းနေသော သူတော်စင်ကို မြင်ရာ၌ ထိုမြင်ရသူ၏စိတ်မှာ သာယာ အေးမြလာ၏၊ ဤသို့ ဖြစ်ရခြင်းများသည် အာရုံနှင့်စိတ်၏ ထိခိုက်မှု ဖဿပင်တည်း။

          ရှေးကံသင်္ခါရကြောင့် ခန္ဓာကိုယ်၌ စက္ခာယတန စသော အာယတနခြောက်ပါး ဖြစ်ခဲ့ရကား စက္ခာယတန ရှိ၍ ရူပါရုံနှင့် ဓာတ်ထိမှု ဖဿ ဖြစ်ရ၏၊ သဒ္ဒါယတနရှိ၍ သဒ္ဒါရုံနှင့် ဓာတ်ထိမှု ဖဿ, ဃာနာယတနရှိ၍ ဂန္ဓာရုံနှင့်, ဇိဝှာယတနရှိ၍ ရသာရုံနှင့်, ကာယာယတနရှိ၍ ဖောဋ္ဌဗ္ဗာရုံနှင့်, မနာယတနရှိ၍ သိဖွယ်ဟူ သမျှနှင့် ဓာတ်ထိမှု ဖဿ ဖြစ်ရ၏၊

ရှေးကံ မကောင်း၍ စက္ခု အလင်းမရသူမှာ အဆင်းအာရုံကို ဓာတ်ထိ-ထိနိုင်သော စက္ခုဖဿ မဖြစ်၊ ထို့အတူ နားပင်းသူ ဃာနပသာဒ ပျက်စီးသူ, ဇိဝှာပသာဒ ပျက်စီးနေသူတို့၌လည်း သောတဖဿ, ဃာနဖဿ, ဇိဝှာဖဿများ မဖြစ်နိုင်ကြပါ။

          ထို့ကြောင့် ““သဠာယတနပစ္စယာ ဖေဿာ=အာယတနခြောက် မျိုးကြောင့် ဖဿ ခြောက်မျိုး ဖြစ်ရ၏””ဟု မိန့်တော်မူသည်၊ အာယတန တစ်ပါးပါး ချို့ယွင်းလျှင် ထိုနှင့်ဆိုင်သော ဖဿလည်း မဖြစ်၊ အာယတနခြောက်ပါးလုံး မရှိလျှင် ဖဿခြောက်မျိုးလုံး မရှိနိုင်။

 

Credit to 

တင်ပြသူ Yanan Sanein အချိန် 8:17 PM