ဥပါဒါန်ကြောင့် ဘ၀ဖြစ်ပုံ
“ဘ၀”ဟူရာ၌ ကမ္မဘ၀,
ဥပပတ္တိဘ၀ဟု ဘ၀နှစ်မျိုး ရှိ၏၊ ထိုတွင်
သင်္ခါရအရ၌ ပြခဲ့သော ကုသိုလ်ကံ အကုသိုလ်ကံသည် ကမ္မ ဘ၀ မည်၏၊ ထိုကံကြောင့် နောက်ဘ၀၌ ပဋိသန္ဓေ၀ိညာဉ်နှင့်
ကမ္မဇရုပ်တို့ ဖြစ်ရခြင်းသည် ဥပပတ္တိဘ၀မည်၏၊
ချဲ့ဦးအံ့…
ယခု ဘ၀၌ အာရုံတစ်ခုခုကို (သား, မယား စသည်ကို) ဥပါဒါန်ဖြင့် စွဲလမ်းနေရာ ထိုဥပါဒါန်
အရင်းခံ၍ သူ့ကို ရဖို့ရန်, ရပြီး ပြန်လည် ကျွေးမွေးစောင့်ရှောက်ဖို့ရန် အကုသိုလ်ကံကို
ပြု၏၊ နောက်ဘ၀၌ အတူတကွ ချမ်းသာသုခရဖို့ရန် ကုသိုလ်ကံကိုလည်း ကြိုးကြိုးစားစား ပြု၏၊
ဤကံမျိုးသည် ယခုလက်ရှိအာရုံကို စွဲလမ်းသော ဥပါဒါန်ကို အရင်းခံ၍ ဖြစ်ရသော ကမ္မဘ၀တည်း။
တချို့ကား နောက်ဘ၀ လူ့ပြည် နတ်ပြည်၌ ကာမဂုဏ်တွေကို ခံစားလိုသော
ဥပါဒါန် ဖြစ်၏၊ ထိုဥပါဒါန်ကြောင့် (မသူတော်တို့၏ တရားကို နာမိ၍ ကောင်းမှု အထင်ဖြင့်) မကောင်းမှုကံကိုလည်း ပြုမိ၏၊ (သူတော်ကောင်းတရားကို
ကြားနာရ၍) ကောင်းသော ကံကိုလည်း ပြုမိ၏၊ ရူပဘုံ, အရူပဘုံ၌ကား ထိုကာမချမ်းသာ ထက်ပင် ချမ်းသာသေး၏ဟု
စွဲလမ်းမှု ဥပါဒါန်ကြောင့် ရူပကံ, အရူပ ကံကိုလည်း ပြုပြန်၏၊
အယူမှားမှု
ဒိဋ္ဌိဥပါဒါန်ကြောင့် ကုသိုလ်ကံ အကုသိုလ်ကံဟူသော ကမ္မဘ၀တွေ ဖြစ်သေး၏၊ ထိုသို့ ကမ္မဘ၀ ဖြစ်လျှင်
နောက်ဘ၀၌ ပဋိသန္ဓေ၀ိညာဉ်နှင့် ကမ္မဇရုပ်ဟူသော ဥပပတ္တိဘ၀လည်း ဖြစ်ရတော့မည်သာ၊ ထို့ကြောင့်
“ဥပါဒါနပစ္စယာ ဘဝေါ-ဥပါဒါန်ကြောင့် ဘ၀ဖြစ်သည်”ဟု ဟောတော်မူသည်။
ဘ၀ကြောင့် ဇာတိ, ဇာတိကြောင့် ဇရာ,မရဏ
နောက်ဘ၀၌
ဝိညာဉ်နှင့် ရုပ်တို့၏ ပထမဖြစ်မှုကို “ဇာတိ” ဟု လည်းကောင်း, “ပဋိသန္ဓေ” ဟု လည်းကောင်း ခေါ်၏၊ ပဋိသန္ဓေတည်ခြင်းဟုလည်း
ခေါ်သည်၊ ထိုသို့ ပဋိသန္ဓေ(ဇာတိ)ဖြစ်လျှင် ရင့်ရော်မှု ဇရာလည်း ဖြစ်ရ၏၊ သေကျေမှု မရဏလည်း
ဖြစ်ရတော့၏၊ မည်သူမဆို မသေမီ ရင့်မှု ဇရာ ဖြစ်သေး၏၊ သေတော့မည်ဆိုလျှင် နဂိုရုပ်ကလေးတွေ
ဆွေးမြည့်လာ၏၊ ထိုဆေးမြည့်မှု လည်း ဇရာပင်တည်း။
ဤစကားစဉ်အရ “သတ္တ၀ါတွေ ဘာကြောင့် သေရပါလိမ့်”ဟု စဉ်းစားလျှင် “ဇရာကြောင့်
သေရ၏”ဟု အဖြေတွေ့ရလိမ့်မည်၊ “ဘာကြောင့် ဇရာ ဖြစ်ရပါလိမ့်”ဟု စဉ်းစားပြန်လျှင် “ပဋိသန္ဓေ
တည်နေမှု ဇာတိရှိသောကြောင့် ဇရာဖြစ်ရသည်”ဟုအဖြေတွေ့ရ၏၊ “ဘာကြောင့် ဇာတိ ဖြစ်ရသနည်း”စသည်ဖြင့်
ဆက်ကာ ဆက်ကာ စဉ်းစားပြန်လျှင် ရှေးဘ၀ကံ ယခုဘ၀ ၀ိညာဉ်နှင့် ကမ္မဇရုပ်တို့ ကြောင့် ဇာတိဖြစ်ရသည်၊
ဥပါဒါန်ကြောင့် ကမ္မဘ၀ဖြစ်ရသည်၊ တဏှာကြောင့် ဥပါဒါန်ဖြစ်ရသည်၊ ဝေဒနာကြောင့် တဏှာဖြစ်ရ၏
စသည်ဖြင့် အ၀ိဇ္ဇာကြောင့် သင်္ခါရဖြစ်ရသည်ဟု သိနိုင်ပေသည်။
သောကစသည်ဖြစ်ပုံ
ဆွေမျိုး
ဥစ္စာစသည်တို့၏ ဆုတ်ယုတ်မှု ပျက်စီးမှုကြောင့် ဖြစ်ရသော
ဝမ်းနည်း ခြင်းသည် “သောက”မည်၏၊ ငိုကြွေးခြင်းသည် “ပရိဒေ၀” မည်၏၊ ခန္ဓာကိုယ်မှာဖြစ်စေ,
စိတ်မှာ ဖြစ်စေ ဆင်းရဲနေခြင်းသည် “ဒုက္ခ” မည်၏၊ စိတ်မချမ်းမသာ ဖြစ်ရခြင်းသည် “ဒေါမနဿ”
မည်၏၊ အလွန် ပြင်းထန်စွာ စိတ်ပင်ပန်းခြင်းသည် “ဥပါယာသ” မည်၏၊
ဤသောက
စသည်တို့သည် ဘ၀တိုင်း၌ တွေ့ကြုံရသောတရားများ မဟုတ်ကြ၊ လူ့ဘ၀၌ ပဋိသန္ဓေ တည်ပြီး၍ မကြာခင်
သေရသူ, နတ်ဘ၀ ဗြဟ္မာဘ၀၌ ဖြစ်ရသူတို့မှာ ဤသောကစသည် ဖြစ်ခွင့် မရှိ၊ သို့သော် ဇာတိရှိလျှင်
တချို့ဘ၀၌ တွေ့ရတတ်သောကြောင့် ဇာတိ၏ အကျိုး အဆက်ဆက်မျှကို ပြတော်မူခြင်းငှာ “ဇာတိပစ္စယာ
ဇရာမရဏံ”ဟု ဟောတော်မူပြီးနောက် “သောကပရိဒေ၀ဒုက္ခ ဒေါမနဿုပါယာသာ သမ္ဘ၀န္တိ”ဟု ဆက်လက်၍ ဟောတော်မူသည်။
သံသရာစက်လည်ပုံ
ဤပဋိစ္စသမုပ္ပာဒ်တရားတော်၌
“အ၀ိဇ္ဇာပစ္စယာ သင်္ခါရာ”ဖြင့် လွန်ခဲ့ပြီးသော အတိတ်ဘ၀ ရှိနေကြောင်းကို ပြ၍ “သင်္ခါရပစ္စယာ
ဝိညာဏံ”မှ စ၍ “ဥပါဒါနပစ္စယာ ဘဝေါ” ဖြင့် ကမ္မဘ၀ ထိအောင် ယခုဘ၀၌ ဖြစ်ပျက်ပုံကို ပြတော်မူ၏၊
မှန်၏၊…
ရှေးဘ၀၌ သင်္ခါရကြောင့် ယခုဘ၀၌ စိတ်ဝိညာဉ် စေတသိက်နှင့် ရုပ်ခန္ဓာ ဖြစ်ရသဖြင့် သတ္တ၀ါတစ်ယောက်
အကောင်အထည် ပေါ်လာ၏၊ ထိုရုပ်နာမ် ကြောင့် သဠာယတနဖြစ်ရလျှင် ယခုဘ၀၌ မြင်မှု, ကြားမှု, နံမှု,
အရသာခံမှု, တွေ့ထိမှု, စိတ်သိ သိမှုတွေ ဖြစ်ပေါ်ကာ လူမှုရေး ရာတွေ အကုန်အစင် ဖြစ်နေနိုင်လေပြီ။
ထိုအခါ ဖဿ ဝေဒနာ တဏှာ ဥပါဒါန် ဖြစ်သဖြင့် နောက် ဘ၀၌ ဆက်၍ ဖြစ်ဖို့ရာ
“ကမ္မဘ၀”ဟု ခေါ်သော ကံသင်္ခါရ တရားတွေ ဖြစ်ရပြန်လေသည်၊ ထိုကံသင်္ခါရ ဖြစ်လာကတည်းက အ၀ိဇ္ဇာလည်း
အရင်းခံပြီး ဖြစ်နေပြန်၏၊ ထိုကမ္မဘ၀ကြောင့် နောက်ဘ၀၌ ပဋိသန္ဓေ ၀ိညာဉ်အသစ် ဟူသော ဥပပတ္တိဘ၀
ဖြစ်ပြန်ရကား ဇာတိ ဇရာ မရဏတွေ ဆက်၍ ပွားပြန်တော့သည်။
ဤနည်းအရ စဉ်းစားလိုက်လျှင် သတ္တ၀ါဟုလည်းကောင်း, “ငါ သူ ယောက်ျား
မိန်းမ”ဟုလည်းကောင်း ခေါ်ဆိုနေကြခြင်းသည် နာမည်မျှသာ ဖြစ်၏၊ အမှန်မှာ သတ္တ၀ါ မရှိ၊ သူ
ငါ စသည် မရှိ၊ ရုပ် နာမ်တရားတို့ သူ့သဘာဝအတိုင်း ဆိုင်ရာကိစ္စကို ရွက်ဆောင် နေကြခြင်းသာ
ဖြစ်၏၊ စီမံဖန်ဆင်း၍ ပေးနိုင်သူလည်း မရှိ၊ အနတ္တ လက္ခဏသုတ်၌ ပြခဲ့သော အတ္တလည်း မရှိ၊
“အ၀ိဇ္ဇာနှင့် သင်္ခါရ စသည်တို့လည်း မည်သည့် ကမ္ဘာက စ၍ ဖြစ်ခဲ့ကြသည်”ဟု အစ မရှိရကား မိမိလည်း
အစမရှိသူပင် ဖြစ်ရတော့သည်။
No comments:
Post a Comment