အနာဂတ်သာသနာရေး အပိုင်း(၇၂) ဂတိနိမိတ်ထင်ပုံ

ဂတိနိမိတ်ထင်ပုံ        

ကံအားလျော်စွာ ရောက်ရမည့် နောက်ဘ၀ကို “ဂတိ”ဟု ခေါ်၏၊ ထိုဂတိ၌ တွေ့ကြုံရမည့် အာရုံနိမိတ်ကို “ဂတိနိမိတ်”ဟုခေါ်သည်၊ သတ္တ၀ါတို့ ရောက်ရမည့် နောက်ဘ၀ ဂတိသည်

၁။ ဒေ၀ဂတိ-နတ်ဗြဟ္မာဘ၀,

၂။ မနုဿ ဂတိ-လူ့ဘ၀,

၃။ နိရယဂတိ-ငရဲသားဘ၀,

၎။ ပေတဂတိ-ပြိတ္တာ ဘ၀ (တစ္ဆေ, မှင်စာ, အစိမ်း, သရဲ, သဘက်, ဘီလူး, အသုရကာယ် ခေါ် ပြိတ္တာအကြီးစားများသည် ဤ ပေတဂတိ၌ ပါဝင်ကြသည်၊)

၅။ တိရစ္ဆာနဂတိ - တိရစ္ဆာန်ဘ၀ (အခြေ လေးချောင်းရှိသော သားကောင်များ, အခြေနှစ်ချောင်းရှိသော ငှက်များ, အခြေမရှိသော မြွေ စသည်နှင့် ငါး လိပ်စသော ရေသတ္တ၀ါတို့ ပါဝင်ကြ၏၊ ဤသို့ ငါးမျိုးရှိသည်။

          နတ်ဘ၀ ရောက်ရမည့်သူ၌ ဘုံဗိမာန် ဥယျာဉ် ရေကန် နတ်သမီး နတ်သားစသည် ထင်လာ၏၊ လူ့ပြည်ရောက်မည့်သူ၌ အမိဝမ်းရေ ထင်လာ၏၊ တိရစ္ဆာန်ဖြစ်မည့်သူ၌လည်း တိရစ္ဆာန် အမိ၏ ၀မ်းရေ ထင်လာဖွယ်ရှိ၏၊ ငရဲရောက်ရမည့်သူ၌ ငရဲမီး စသည် ထင်လာ၏၊ ပြိတ္တာဖြစ်မည့်သူ၌ မိမိတို့ ဖြစ်ရမည့် တော တောင် စသောအရပ် ထင်လာ၏၊

မီးဖြင့် ယဇ်ပူဇော်၍ နတ်ကို ကိုးကွယ်သူတစ်ယောက်သည် သေခါနီး၌ မီးနိမိတ် ထင်လာ၏၊ သူ၏ ဆရာများလည်း အနီး၌ ရှိနေစဉ် သူ့မှာ ထင်နေသည်ကို သတိရ၍ ပြန်ပြောသောအခါ ဆရာများက ဗြဟ္မာ့ပြည်သို့ ရောက်ရတော့မည်ဟု အားပေးကြ၏၊ “ဗြဟ္မာ့ပြည်ဆိုတာ ဘယ်မှာရှိသလဲ”ဟု မေး၏၊ “အထက်မှာ ရှိတယ်”ဟု ပြောကြ၏၊ “ယခု ထင်လာတာက အောက်မှာ ထင်လာတယ်”ဟု ပြောပြန်ရာ “ကိစ္စမရှိဘူး, အောက်က ထင်လာပေမယ့် အထက်ရောက်မှာပဲ”ဟု အားပေးကြစဉ် စုတေ၍ ငရဲသို့ ကျသွားလေသတဲ့။

နိမိတ်ထင်ပုံကို ပြရကျိုး              

ကံသင်္ခါရကြောင့်   ဘ၀သစ်ဝယ် ၀ိပါက်ဝိညာဉ် ဖြစ်ရာ၌ ဘာ့ကြောင့် စုတေခါနီး အာရုံထင်ပုံတွေကို ပြနေပါလိမ့်မည်နည်းဟု စဉ်းစားကြပေလိမ့်မည်၊ ရည်ရွယ်ချက်ကား… ယခုဘ၀၌ သေချိန် မကျမီ ရှေးကဖြစ်စေ, ရှေးရှေး ဘ၀များစွာက ဖြစ်စေ ပြုခဲ့သော ကံသင်္ခါရတို့သည် အကျိုးပေးဖို့ရာ အခွင့်ရောက်သောအခါ သူတို့နှင့်စပ်သော အာရုံများသည် သေခါနီး၌ တစ်နည်းနည်းဖြင့် ထင်လာတတ်ရကား ယခု လောလောဆယ် ပြုရသော ကံများနှင့် မခြားပင် ဖြစ်သည်ဟု နားလည်စေလိုသောကြောင့် ဤသို့ သေခါနီး၌ အာရုံ ထင်လာပုံတွေကို ကြားဖြတ်၍ ပြရပေသည်။

          ဤသေခါနီး ထင်လာသော အာရုံသည် ဘ၀သစ်ဝယ် ၀ိညာဉ်အသစ် ဖြစ်ဖို့အရေး၌ အချက်ပေးသောအာရုံ ဖြစ်ရကား စုတေခါနီး၌ အာရုံကောင်းရဖို့ အရေးကြီး၏၊ သတိမလစ်သူ ဖြစ်နေလျှင် မိမိနေရာကို သန့်ရှင်းစင်ကြယ်စွာ ပြင်ဆင်၍ ကိုယ်တိုင်ပင် ကိုယ့်စိတ်ကို ပြုပြင်ကာ ဘုရား တရားအာရုံများကို စဉ်းစားနေသင့်၏၊ သတိလစ်တတ်ပါလျှင် အနီးအပါး မိတ်ဆွေကောင်းများက အာရုံကောင်း ထင်လာအောင် ကြိုးစားပေးသင့်၏၊ ပန်းပူဇော်ခြင်း, ပရိတ် ရွတ်ခြင်း, တရားရွတ်ခြင်း စသည်ကို ပြုပေးသင့်၏၊

ယခုကာလ၌ကား သေခါနီးကျမှ (ရေနစ်သူများလို) ဗျာပါသောကများကြသဖြင့် ထင်ချင်ရာအာရုံတွေ ထင်ကာ ဘ၀သစ်၌ ဖြစ်ချင်သလို ၀ိညာဉ်တွေ ဖြစ်ကြရလေတော့သည်၊ ထိုသို့ အပြုအပြင် မရှိဘဲ စုတေကြရသူတို့မှာ ရှေးက ပြုခဲ့သော ကံကိုသာ အားကိုးရပေ တော့သည်၊ ကံကောင်းသူများ၌ အာရုံကောင်း ထင်နိုင်မည်၊ ကံဆိုးများလျှင်ကား အာရုံဆိုးပင် ထင်ဖွယ်ရှိသည်-ဟူလို။

 

Credit to 

တင်ပြသူ Yanan Sanein အချိန် 6:28 AM