သင်္ခါရကြောင့် ၀ိညာဉ်ဖြစ်
ဝိညာဉ်သည်
အကျိုးဝိညာဉ်, ကုသိုလ်ဝိညာဉ်, အကုသိုလ်ဝိညာဉ်, ကြိယာဝိညာဉ်ဟု လေးမျိုးရှိရာ၌ “၀ိပါက်”ဟု
ခေါ်သော အကျိုးဝိညာဉ် တစ်မျိုးသာ ကံ(သင်္ခါရ)ကြောင့် ဖြစ်ရသည်၊ ထိုဝိပါက်ဝိညာဉ်စိတ် သည်လည်း
ပဋိသန္ဓေ တည်နေခါစ၌ ဖြစ်ရသော ၀ိညာဉ် (ပ၀တ္တိ အခါဟု ကျမ်းစာတို့၌ ခေါ်ရသော) ပဋိသန္ဓေမှ နောက်ကာလ၌
ဖြစ်ရသော ၀ိညာဉ်ဟု နှစ်မျိုးကွဲ၏၊ ထိုတွင် ကံသင်္ခါရကြောင့် ပဋိသန္ဓေ၀ိညာဉ် ဖြစ်ပုံကို
ပြမည်၊ ထိုသို့ ပြရာဝယ် ပဋိသန္ဓေလေးမျိုး ကို နားလည်ပြီးမှ ၀ိညာဉ်ဖြစ်ပုံကို နားလည်မည်ဖြစ်သောကြောင့်
ရှေးဦးစွာ ပဋိသန္ဓေလေးမျိုးကို ပြပေအံ့။
သံသေဒဇသတ္တ၀ါ
သံသေဒဇပဋိသန္ဓေ,
သြပပါတိကပဋိသန္ဓေ, အဏ္ဍဇပဋိသန္ဓေ, ဇလာဗုဇပဋိသန္ဓေအားဖြင့် ပဋိသန္ဓေ လေးမျိုးရှိ၏၊ [သံသေဒ-ကပ်ငြိတွယ်တာရာအရပ်၌
+ ဇ- ဖြစ်သော သတ္တ၀ါ၊]
ရေပုပ်,
ငါးပုပ်, ပန်းအမှိုက်ပုပ် (ကစီရည်စသည်တို့ဖြင့် စေးကပ်အောင် ပြုရသော) သက္ကလတ်စသော အ၀တ်,
မစင်, ကျင်ငယ်စသည်တို့၌ ငြိတွယ်၍ဖြစ်ရ, ပဒုမ္မာကြာတိုက်စသည်၌ ဖြစ်ရသော သတ္တ၀ါတို့သည်
သံသေဒဇသတ္တ၀ါများတည်း၊ ထိုသတ္တ၀ါတို့၌ မိဘ၏ သုက်သွေးကို မမှီရဘဲ ရှေးက ပြုထားသောကံ သင်္ခါရအားလျော်စွာ
ဆိုင်ရာအရပ်၌ “၀ိပါက်ဝိညာဉ်”ခေါ် ပဋိသန္ဓေ စိတ် ဖြစ်ရ၏၊ ပဒုမ္မာကြာတိုက်, ၀ါးလုံးခေါင်း,
မန်ကျည်းပင်စသည်၌ ဖြစ်ရသော ပဒုမ၀တီမိဖုရား,
အာသင်္ကာမိဖုရား, ဝေဠုဝတီမိဖုရား နှင့် စိဉ္စမာဏ၀ိကာတို့သည်
ကုသိုလ်ကံ သင်္ခါရအစွမ်းကြောင့် ကောင်းကျိုးဝိညာဉ်ဖြင့် သန္ဓေနေရသူများတည်း၊ ထိုသူများကို
“သံဒေသူ”ဟု ခေါ်ကြသည်၊ မစင်ပုပ် စသည်၌ ၀ိညာဉ်တွယ်ရသော သတ္တ၀ါတို့ကား မကောင်းသော သင်္ခါရကြောင့်
ဖြစ်ရသူများတည်း။
အမှာ။ ။ တချို့ပိုးလောက်များသည် ယင်ကောင်၏ ဥမှဖြစ်ရသော
အဏ္ဍဇများလည်းရှိကြပေ၏၊ သေတ္တာတွင်း၌ ထည့်သွင်းထားသော သကလတ်စသည်ဝယ် ပထမဆုံးဖြစ်သော ပိုးကောင်
များကား မိဘကို မမှီဘဲ ဖြစ်ရသော သံသေဒဇများသာတည်း။
သြပပါတိကသတ္တ၀ါ
[ဥပပါတ-ရှေးဘ၀မှ
ခုန်ကျော် ကျရောက်လာသကဲ့သို့+ဣက-ဖြစ်သော သတ္တ၀ါ] လက်ခြေအင်္ဂါ ကိုယ်ခန္ဓာအပြည့်အစုံဖြင့်
အထင်အရှား တစ်ပြိုင်နက် ဖြစ်ပေါ်လာသောကြောင့် ရှေးဘ၀မှ ခုန်ကျော် ကျရောက်လာသကဲ့သို့
ထင်ရသော သတ္တ၀ါတည်း၊ ထိုသတ္တ၀ါကို “ဥပပတ်ပုဂ္ဂိုလ်” ဟု ခေါ်၏၊ ထိုပုဂ္ဂိုလ်များကား နတ် ဗြဟ္မာများနှင့်
ကမ္ဘာဦးက လူသတ္တ၀ါများတည်း၊ ထိုသတ္တ၀ါတို့လည်း မိဘ မရှိ၊ မိဘတို့၏ သုက်သွေးကို မမှီကြဘဲ
ကံသင်္ခါရကြောင့် ကိုယ်ခန္ဓာ အထင်အရှား ဖြစ်ပေါ်လာကြရသည်၊ ပြခဲ့သော ပိုးမွှားတိရစ္ဆာန်များလည်း
ဤ ဥပပတ်ပဋိသန္ဓေနေသူ တချို့တလေ ရှိနိုင်သေး၏။
ကမ္ဘာဦးအခါ
“ကမ္ဘာဦးက
ဗြဟ္မာကြီးလေးယောက် လူ့ပြည်ဆင်း၍ လူတွေ ဖြစ်လာကြသည်”ဟု ဗုဒ္ဓ ဘာသာကျမ်းစာများ၌ မိန့်ဆိုကြောင်းကို
ရေးသား ဟောပြောကြ၏၊ ဗုဒ္ဓ၏ ကျမ်းစာများ၌ ဤသို့ မဆိုပါ၊ “ကမ္ဘာကြီး အသစ် စတည် ပြီးသောအခါ
ကမ္ဘာပျက်ရာတွင် မပါဝင်သော အထက်ဗြဟ္မာ့ပြည်မှ စုတေချိန်ကျ၍ စုတေခဲ့ကြသော ဗြဟ္မာတချို့သည်
အောက်အောက် ဗြဟ္မာ့ပြည်နှင့် နတ်ပြည် လူ့ပြည်ဝယ် ဥပပတ်ပဋိသန္ဓေ တည်နေ ကြသည်”ဟုသာ ဆိုပါသည်။
မှတ်ချက်။ ။ သံသေဒဇသတ္တ၀ါတို့သည် အလွန် သေးငယ်စွာ ၀ိညာဉ်တွယ်ပြီးမှ တဖြည်းဖြည်း
ကြီးပွားကြရ၏၊ ဥပပတ်သတ္တ၀ါတို့ကား စ၍ ဖြစ်လျှင်ပင် ကိုယ်ခန္ဓာ အပြည့်အစုံနှင့် ကြီးသင့်သလောက်
ကြီးပြီးသား အနေဖြင့် အထင်အရှား ဖြစ်ကြရသည်။
အဏ္ဍဇနှင့် ဇလာဗုဇသတ္တ၀ါ
[အဏ္ဍ-ဥခွံတွင်း၌+ဇ-ဖြစ်သောသတ္တ၀ါ]
ဥခွံအတွင်း၌ ဖြစ်သော ငှက်စသောသတ္တ၀ါများ တည်း၊
တချို့လူများသည် ဥခွံ၌ ဖြစ်ကြရသည်ဟု ဆို၏၊ [ဇလာဗု-မိခင်၏သားအိမ်၌+ဇ-ဖြစ်သောသတ္တ၀ါ၊]
လူ ခွေး စသည်တို့သည် ဇလာဗုဇသတ္တ၀ါများတည်း၊
ဤအဏ္ဍဇနှင့် ဇလာဗုဇ နှစ်မျိုးကို ပေါင်း၍ ““ဂဗ္ဘသေယျကသတ္တ၀ါ””ဟု ခေါ်၏၊ [ ဂဗ္ဘ-အမိဝမ်းတိုက်၌+သေယျက-ကိန်းအောင်းသောသတ္တ၀ါ၊]
ဤဂဗ္ဘသေယျကသတ္တ၀ါနှစ်မျိုးသည် များသောအားဖြင့် မိဘ၏ သုက်သွေးကို မှီ၍ ၀ိညာဉ်ဖြစ်ကြရသည်။
No comments:
Post a Comment