ပဋ္ဌာန်းမြတ်ဒေသနာတော် အပိုင်း ၁၆၊ Dr နန္ဒမာလာဘိဝံသ

April 26, 2014 at 11:56am

ပဋ္ဌာန်းမြတ်ဒေသနာတော် အပိုင်း ၁၆

Dr နန္ဒမာလာဘိဝံသ

သမ္ပယုတ္တပစ္စယော

သမ္ပယုတ္တပစ္စယော မှာ ရှေးဦးစွာ သမ္ပယုတ္တဆိုတဲ့ စကားလုံးရဲ့ အဓိပ္ပာယ်ကို ရှင်းရှင်းလင်းလင်း သိထားဖို့ လိုတယ်။ ပါဠိစကားလုံးတွေဟာ အင်မတန်တိကျ သေချာတဲ့အဓိပ္ပာယ်မျိုးကို ဖေါ်ပြတယ်၊ စကားလုံးအဓိပ္ပာယ်ကို ဖေါ်ပြတာနဲ့ပဲ အဒီပစ္စည်းအကြောင်းကို အတော်အသင့် နားလည်ပြီးသား ဖြစ်သွားနိုင်တယ်၊ သမ္ပယုတ္တကို ပ ဒ သုံးခုနဲ့ ဖွဲ့စည်းထားတယ်၊ သံ ဆိုတာ ပုဒ်တစ်ခု၊ ပ ဆိုတာက ပုဒ်တစ်ခု၊ ယုတ္တ ဆိုတာက ပုဒ်တစ်ခု၊ ပေါင်းလိုက်တော့ သမ္ပယုတ္တလို့ ဖြစ်တယ်၊ “ပဒ” လို့ဆိုတာ အသီးသီးအဓိပ္ပာယ်ရှိတဲ့ စကားလုံးတွေကို ခေါ်တယ်၊ မြန်မာလိုက “ပဒ” ကို ပုဒ်လို့ ပြောလိုက်တော့ မြန်မာစကားမှာ အဓိပ္ပါယ် အမျိုးမျိုးတွေ ရှိတယ်၊ ဒီတော့ “ပဒ” ဆိုတဲ့စကားကို အသုံးပြုပြီးတော့ပြောရင် ပိုရှင်းတာပေါ့၊ ပဒဆိုတာ အနက် အဓိပ္ပာယ်ရှိတဲ့စကားလုံး၊ အနက်ကို ဖေါ်ပြနိုင်တဲ့စကားလုံး ဖြစ်တယ်။

ပဋ္ဌာန်းမြတ်ဒေသနာတော် အပိုင်း ၁၅၊ Dr နန္ဒမာလာဘိဝံသ

April 26, 2014 at 11:53am

ပဋ္ဌာန်းမြတ်ဒေသနာတော် အပိုင်း ၁၅

Dr နန္ဒမာလာဘိဝံသ


မဂ္ဂပစ္စယော

မဂ္ဂဆိုတာ သာမန်အားဖြင့် လမ်းကြောင်းလို့ အဓိပ္ပာယ်ရတယ်၊ လူတွေလျှောက်လှမ်းစရာ လမ်းကြောင်း၊ ယာဉ်တွေ သွားစရာလမ်းကြောင်း၊ တစ်စုံတစ်ခုဘက်ကို ဦးတည်ပြီး သွားနေတဲ့ လမ်းကြောင်းမှန်သမျှကို “မဂ္ဂ” လို့ ခေါ်တယ်၊ မဂ္ဂပစ္စယော ဆိုတဲ့နေရာမှာ မဂ္ဂ ဟာ မဂ် ဖိုလ် နိဗ္ဗာန်လမ်းနဲ့သာ သက်ဆိုင်တာ မဟုတ်ဘူး၊ ငရဲသွားတဲ့လမ်းကြောင်းကိုလည်း မဂ္ဂ လို့ ခေါ်တာပဲ၊ ငရဲ တိရစ္ဆာန် ပြိတ္တာ အသူရကာယ် အပါယ်လေးဘုံသွားတဲ့ လမ်းကြောင်း၊ အကုသိုလ်ဖြစ်စရာ လမ်းကြောင်းကိုလည်းပဲ မဂ္ဂလို့ ခေါ်တာပဲ၊ ဒီတော့ မဂ် ဖိုလ် ဆိုတာမှာပါတဲ့ မဂ္ဂထက် မဂ္ဂပစ္စယော မဂ္ဂက ပိုပြီးတော့ အဓိပ္ပာယ်ကျယ်ပြန့်တယ်လို့ ဒီလို မှတ်ရမယ်၊ ဒါက ရှေးဦးစွာ မှတ်ထားရမယ်။

မဂ္ဂဆိုတာ လမ်းကြောင်းပဲ၊ ဥပမာ - သမထကျင့်စဉ်ကျင့်လို့ ဈာန်ရလာတယ်ဆိုရင် အဲဒီဈာန်တရားဟာ ဗြဟ္မာ့ပြည်သွားဖို့ လမ်းကြောင်းပဲ၊ အဲဒါကိုလည်း မဂ္ဂလို့ပဲ သုံးတာပဲ၊ ဒါနကောင်းမှု သီလကောင်းမှု ဘာဝနာကောင်းမှု၊ ဒီကောင်းမှုတွေဟာ နတ်ပြည်ရောက်ကြောင်း (သို့မဟုတ်) သုဂတိရောက်ကြောင်း လမ်းကြောင်းသဖွယ်ဖြစ်လို့ ဒီကုသိုလ်တွေကိုလည်း မဂ္ဂလို့ပဲ ခေါ်တာပဲ၊ ဒီတော့ မဂ္ဂဆိုတာ တစ်စုံတစ်ခုသောအရပ်သို့ ဦးတည်ပြီးသွားနေတဲ့ လမ်းကြောင်း မှန်သမျှဟာ ဒီနေရာမှာ မဂ္ဂပစ္စယောလို့၊ လမ်းကြောင်းပမာ ကျေးဇူးပြုတတ်တဲ့ သဘာဝတရားတဲ့။

ပဋ္ဌာန်းမြတ်ဒေသနာတော် အပိုင်း (၁၄)၊ Dr နန္ဒမာလာဘိဝံသ

April 26, 2014 at 11:48am

ပဋ္ဌာန်းမြတ်ဒေသနာတော် အပိုင်း (၁၄)

Dr နန္ဒမာလာဘိဝံသ

ဈာနပစ္စယော

ဗုဒ္ဓမြတ်စွာက အကြောင်းတရားတွေကို ၂၄ ပစ္စည်းနဲ့ ရှင်းပြတော်မူခဲ့တယ်၊ ဒီကနေ့ ဈာနပစ္စယော ဟောမယ်၊ ဈာနပစ္စယောဆိုတာ “ဈာန်အင်္ဂါတို့၊ တူစွာဖြစ်ငြား၊ ရုပ်နာမ်များကို၊ ရှုစားစေမှု၊ သတ္တိစုဖြင့်၊ ကျေးဇူးပြုငြား၊ ဈာနပစ္စည်းတရားလည်းကောင်း” ဆိုတဲ့အတိုင်း အာရုံကိုကပ်ပြီးရှုခြင်းဆိုတဲ့ အဓိပ္ပာယ်နဲ့ မြတ်စွာဘုရား ဟောတော်မူခဲ့တယ်။

ဈာနဆိုတဲ့စကားလုံးကို မြန်မာလိုပြန်တဲ့အခါ အဓိပ္ပာယ်မပြန်ဘူး၊ ဈာနကို ဈာန်လို့ ဒီလိုပဲပြန်ကြတယ်၊ ဈာန်ဆိုတဲ့စကားလုံးကို အကြောင်းပြုပြီး မြန်မာစကားတွေထဲမှာ ဈာန်ဝင်စားတယ်၊ ဈာန်ပျံတယ်ဆိုတဲ့ ဝေါဟာရတွေ ပေါ်လာခဲ့တယ်၊ အာရုံတစ်ခုတည်းပေါ်မှာ ကျရောက်တည်နေတယ်ဆိုတဲ့ ဧကဂ္ဂဆတာ သမာဓိတဲ့၊ အဲဒီသဘာဝတရားငါးခုတို့ရဲ့အပေါင်းကို ဈာနလို့ ခေါ်တယ်၊ တစ်ခုစီကို ဈာနလို့ မခေါ်ဘူး၊ ၀ိတက် ၀ိစာရ ပီတိ ဝေဒနာ ဧကဂ္ဂတာ သို့မဟုတ် သုခဥပေက္ခာ။

ပဋ္ဌာန်းမြတ်ဒေသနာတော် အပိုင်း (၁၃)၊ Dr နန္ဒမာလာဘိဝံသ

April 26, 2014 at 11:43am

ပဋ္ဌာန်းမြတ်ဒေသနာတော် အပိုင်း (၁၃)

Dr နန္ဒမာလာဘိဝံသ

ဣန္ဒြိယပစ္စယော

“ဣန္ဒြိယ” ကို မြန်မာလို ဣနြေ္ဒလို့ ပြန်ဆိုကြတယ်၊ ဣနြေ္ဒဆိုတဲ့ မြန်မာစကားဟာ ပါဠိက ဆင်းသက်လာတယ်၊ “ဣနြေ္ဒကောင်းတယ်၊ ဣနြေ္ဒမကောင်းဘူး၊ ဣနြေ္ဒရရ နေပါ” စသည်ဖြင့် မြန်မာမှာ ဒီစကားလုံးကို တွင်တွင်ကျယ်ကျယ် သုံးကြတယ်၊ အမျိုးသမီးတွေနဲ့ ပတ်သက်လို့လည်း “မိန်းကလေးတို့ဣနြေ္ဒ ရွှေပေးလို့မရ” ဆိုတဲ့စကားလုံး သုံးကြတယ်၊ မြန်မာ့ကျင့်စဉ်နဲ့ ပတ်သက်လို့ “ဣနြေ္ဒကို စောင့်ထိန်းတယ်၊ ဣနြေ္ဒသမ္ပတ္တိနဲ့ ပြည့်စုံတယ်” စသည်ဖြင့် ဣနြေ္ဒကို ရည်ညွှန်းပြီး ပြောလေ့ ရှိကြတယ်။

စာပေကျမ်းဂန်မှာ ဣနြေ္ဒငါးမျိုး၊ ဣနြေ္ဒ ၆ မျိုး၊ ဣနြေ္ဒ ၂၂ မျိုးလို့ ဒီလို ပြထားတာ ရှိတယ်၊ သူ့နေရာလေးနဲ့သူ သဘောပေါက်နားလည်ဖို့တော့ လိုတယ်ပေါ့နော်။

ပဋ္ဌာန်းမြတ်ဒေသနာတော် အပိုင်း (၁၂)၊ Dr နန္ဒမာလာဘိဝံသ

April 26, 2014 at 11:41am

ပဋ္ဌာန်းမြတ်ဒေသနာတော် အပိုင်း (၁၂)

Dr နန္ဒမာလာဘိဝံသ

အာဟာရပစ္စယယော

အာဟာရပစ္စယောဆိုတာ ရုပ်နာမ် ၂ ရပ်ကို တည်တံ့အောင် ထောက်ပံ့ပေးနိုင်တဲ့ စွမ်းရည်သတ္တိလို့ ဒီလိုအဓိပ္ပာယ်ရှိတယ်၊ များသောအားဖြင့် အာဟာရဆိုရင် စားသောက်စရာလို့ အသိများကြတယ်၊ စားစရာအာဟာရမျှကိုသာ ဒီနေရာမှာ အာဟာရပစ္စည်းလို့ ခေါ်တာ မဟုတ်ဘူး၊ ဆိုင်ရာဆိုင်ရာ အကျိုးတရားတွေကို စွမ်းဆောင်မှုပေးနေတဲ့ အကြောင်းတရားတွေကိုလည်း အာဟာရ။

စွမ်းဆောင်တယ်ဆိုတဲ့နေရာမှာ သာမန်ထက် ထူးကဲပြီး စွမ်းဆောင်တာ၊ ဒါကြောင့်မို့ အာဟာရပစ္စည်းနဲ့ အဓိပ္ပာယ်ဖွင့်ဆိုတဲ့အခါမှာ သက်ဆိုင်ရာ အကျိုးတရားများကို လွန်စွာစွမ်းဆောင်နိုင်တဲ့ အကြောင်းတရားလို့၊ သက်ဆိုင်ရာအကျိုးတရားများကိ
ု လွန်စွာ စွမ်းဆောင်နိုင်တဲ့ အကြောင်းတရားသည် အာဟာရပစ္စည်းလို့ ဒီလိုမှတ်ရမယ်။
အကြောင်းတရား သာမညကို ပြောတာမဟုတ်ဘူး၊ လွန်ကဲစွာစွမ်းဆောင်နိုင်တဲ့ စွမ်းရည်သတ္တိရှိတဲ့ အကြောင်းတရားတွေလို့ ပြောတာ။

ပဋ္ဌာန်းမြတ်ဒေသနာတော် အပိုင်း (၁၁)၊ Dr နန္ဒမာလာဘိဝံသ

April 26, 2014 at 11:39am

ပဋ္ဌာန်းမြတ်ဒေသနာတော် အပိုင်း (၁၁)

Dr နန္ဒမာလာဘိဝံသ

ဝိပါကပစ္စယော

“၀ိပါက” အကျိုးတရား၊ ၀ိပါက ကို မြန်မာလို “အကျိုးတရား” လို့ ပြန်သလို ငါဠိစကားလုံးနောက် လိုက်ပြီးတော့ “၀ိပါက်” လို့လည်း အသုံးပြုကြသေးတယ်၊ ၀ိပါက်လို့ ရေးတဲ့အခါ အသံထွက်ကို ကြည့်မယ်ဆိုရင် စာလုံးပေါင်း မှားတတ်တယ်၊ ၀ိပါက ပုဒ်မှာ ကကြီးသတ်လိုက်ရုံပဲ ၀ိပါက်။

ပါဠိလိုဖတ်ရင် “ပ” စောက်သံ ပီပီသသ ဖတ်ရတယ်၊ မြန်မာတွေရဲ့ အသံနေ အသံထားအတိုင်း သွားတဲ့အခါ ၀ိပါက ဆိုတုန်းက ပစောက်သံ ပီသော်လည်း ၀ိပါက်လို့ဆိုတဲ့အခါ “ဘ” ကုန်းသံ ဖြစ်သွားတယ်၊ ရှေ့စာလုံးကိုကြည့်ပြီးတော့ ဒါက အသံရဲ့ ပြောင်းလဲမှုပေါ့၊ မြန်မာစကားမှာ ရှိတယ်၊ “ရေးတော့အမှန် ဖတ်တော့အသံ”၊ ဒါ ဘယ် language ဘယ် ဘာသာ စကားမှာပဲဖြစ်ဖြစ် ဒီလိုပဲရှိတယ်၊ မြန်မာဘာသာမှ မဟုတ်ဘူး။

ဒီမှာလည်း “၀ိပါက” ဆိုတဲ့ စကားလုံးကို မြန်မာမှုပြုလိုက်တဲ့အခါ “၀ိဘက်” တဲ့။ “ကာလ၀ိဘက် နောက်ပိုးတက်” ဆိုပြီး အကျိုးဝိပါက်ကို ခံစားရတယ်၊ ၀ိပါက၀ဋ်က မလွတ်ကြဘူးတဲ့။

ပဋ္ဌာန်းမြတ်ဒေသနာတော် အပိုင်း (၁၀)၊ Dr နန္ဒမာလာဘိဝံသ

April 25, 2014 at 6:44pm

ပဋ္ဌာန်းမြတ်ဒေသနာတော် အပိုင်း (၁၀)
Dr နန္ဒမာလာဘိဝံသ

ကမ္မပစ္စယော
ဗုဒ္ဓဘာသာဝင်သူတော်စင်တွေ အများအားဖြင့် ကံအကြောင်းကို ပြောလေ့ရှိကြတယ်။ ကံ ကံ၏အကျိုးကို ယုံကြည်ခြင်း၊ ကံ ကံ၏ အကျိုးကို သိမြင်ခြင်းဆိုတဲ့ ကမ္မဿကတာ သမ္မာဒိဋ္ဌိ ဟာ ဗုဒ္ဓကို ယုံကြည်ကိုးကွယ်ကြတဲ့ ပုဂ္ဂိုလ်တွေရဲ့ အခြေခံ ခံယူချက် ဖြစ်ပါတယ်။ ကံ ကံ၏အကျိုးကို လက်မခံဘူး၊ ကံ ကံ၏အကျိုးကို ငြင်းပယ်တယ်ဆိုရင် မိစ္ဆာဒိဋ္ဌိအမြင်ပဲ၊ အကုသိုလ်မနောကံ ၃ မျိုးမှာပါတဲ့ မိစ္ဆာဒိဋ္ဌိက ဘာကိုပြောတာတုန်းဆိုရင် ကံ ကံ၏အကျိုးကို ငြင်းပယ်တာ၊ သို့မဟုတ် ကံ၏ အကျိုးကို ငြင်းပယ်တာကို ပြောတာ၊ နတ္ထိကဒိဋ္ဌိလို့ ဆိုတယ်၊ အခြား မိစ္ဆာဒိဋ္ဌိတွေနဲ့ သွားမရောစေနဲ့။

မနောကံထဲမှာပါတဲ့ မိစ္ဆာဒိဋ္ဌိဆိုတာ ပါဠိတော်အဖွင့်တွေထဲမှာ “ကတမာ စ ဘိက္ခဝေ မိစ္ဆာဒိဋ္ဌိ” လို့ ဆိုပြီး ရှင်းပြတယ်၊ “နတ္ထိ ဒိန္နံ၊ နတ္ထိ ယိဋ္ဌံ၊ နတ္ထိ ဟုတံ” ၊ ဒိန္နံ - ပေးလှူကြောင်း ဒါနစေတနာရဲ့အကျိုးတရားသည်၊ နတ္ထိ - မရှိတဲ့၊ စကားလုံးအနေနဲ့ကတော့ ဒိန္နံ - ပေးလှူခြင်းသည် နတ္ထိ - မရှိတဲ့၊ ပေးလှူခြင်းကို ငြင်းပယ်တာ မဟုတ်ဘူး၊ ပေးလှူခြင်းဒါနစေတနာရဲ့ အကျိုးတရားကို ငြင်းပယ်တာ၊ ဒါနကိုပဲ ဒီနေရာမှာ ၃ မျိုး ခွဲပြီး ပြောတယ်၊ ယိဋ္ဌ ဆိုတာ ပူဇော်တာ၊ ဟုတ ဆိုတာ လက်ဆောင်ပဏ္ဏာပေးတာမျိုး၊ အကုန်လုံး ပေးကမ်းတာချည်းပဲ၊ ဒါနကုသိုလ် ဒါနစေတနာရဲ့ အကျိုးတရားကို ငြင်းပယ်တယ်၊ လက်မခံဘူးဆိုရင် ကံရဲ့အကျိုးတရားကို ငြင်းပယ်တာပဲ။

ပဋ္ဌာန်းမြတ်ဒေသနာတရားတော် အပိုင်း ၉၊ Dr နန္ဒမာလာဘိဝံသ

April 25, 2014 at 6:34pm

ပဋ္ဌာန်းမြတ်ဒေသနာတရားတော် အပိုင်း ၉
Dr နန္ဒမာလာဘိဝံသ

အာသေ၀နပစ္စယော

အာသေ၀နဆိုတာ အဖန်ဖန်အထပ်ထပ် မှီဝဲခြင်း၊ အဖန်ဖန် အထပ်ထပ် စွမ်းရည်တွေရအောင် လေ့ကျင့်ခြင်း၊ အဖန်ဖန်အထပ်ထပ် ဖြစ်ပေါ်ခြင်းဆိုတဲ့ အဓိပ္ပာယ်၊ “အာ” ဆိုတာ အဖန်ဖန် အထပ်ထပ်၊ “သေ၀န” မှီဝဲတယ်၊ ဖြစ်ပေါ်တယ်၊ ဘယ်အရာပဲဖြစ်ဖြစ် တစ်ကြိမ်တစ်ခါတည်း ဖြစ်ရင် စွမ်းရည်သတ္တိက မထက်ဘူး၊ အကြိမ်ကြိမ် လုပ်ကြရတယ်၊ စာကျက်တာတောင်မှပဲ အကြိမ်ပေါင်းများစွာ ဆိုရတယ်၊ နမော တဿ အကြိမ်ပေါင်းများစွာ ဆိုထားတဲ့အခါ စွမ်းရည်သတ္တိတွေက ထက်နေလို့ အိပ်ရာက နှိုး ဆိုခိုင်းတောင် နမော တဿ လွဲမယ်မထင်ဘူး။

အာသေ၀နသတ္တိဆိုတာ ကျေညက်နေတဲ့ စာပေတစ်ခုဟာ သတိမထားဘဲနဲ့ ရွတ်ဆိုလည်း လွဲချော်သွားတယ် မရှိဘူး၊ လမ်းကြောင်းက ဖြောင့်နေတာ၊ ဘာဖြစ်လို့ လမ်းကြောင်းက ဖြောင့်တာလဲ၊ အာသေ၀န အထပ်ထပ်လုပ်ထားလို့၊ အထပ်ထပ် လုပ်ထားတော့ ခေါက်ရိုးကျိုးသွားတာ၊ ခေါက်ရိုးကျိုးသွားတော့ စွမ်းရည် သတ္တိတွေက ပြည့်ဝတာ။

ပဋ္ဌာန်းမြတ်ဒေသနာတရားတော် အပိုင်း ၈၊ Dr နန္ဒမာလာဘိဝံသ

April 25, 2014 at 6:31pm

ပဋ္ဌာန်းမြတ်ဒေသနာတရားတော် အပိုင်း ၈
Dr နန္ဒမာလာဘိဝံသ

ပစ္ဆာ - နောက်မှ ၊ ဇာတ - ဖြစ်ပြီးတဲ့အခါမှာ ၊ ပစ္စယော - ကျေးဇူးပြုတယ်၊ နောက်မှဖြစ်ပြီး ကျေးဇူးပြုတဲ့တရားဆိုတော့ အကျိုးတရားက အရင်ပေါ်နေတယ်၊ အကြောင်းတရားက နောက်မှဖြစ်လာပြီး အကျိုးတရားကို အထောက်အကူပြုတယ်၊ အကြောင်းအကျိုးလို့ ပြောရပေမယ့်လို့ သူ့ကြောင့်ဖြစ်တဲ့အကျိုးတော့ မဟုတ်ဘူး။

အဲဒီတော့ ပဋ္ဌာန်းတရားမှာ အကြောင်းနဲ့အကျိုးလို့ ဆိုတဲ့စကားဟာ ပိုကျယ်ပြန့်တယ်လို့ ဒီလိုမှတ်ရမယ်၊ မြန်မာစကား အကြောင်းနဲ့အကျိုးဆိုလို့ရှိရင် အကြောင်းတရားသည် အကျိုးတရားကို ဖြစ်စေတတ်တယ်၊ အကျိုးတရားသည် အကြောင်းတရားကြောင့် ဖြစ်ပေါ်လာတယ်၊ ဒီလိုရှိတယ်။

ပဋ္ဌာန်းမြတ်ဒေသနာတော် အပိုင်း ၇၊ Dr နန္ဒမာလာဘိဝံသ

April 25, 2014 at 6:26pm

ပဋ္ဌာန်းမြတ်ဒေသနာတော် အပိုင်း ၇
Dr နန္ဒမာလာဘိဝံသ

ပဋ္ဌာန်းမြတ်ဒေသနာတော် အပိုင်း ၇ ၊ ပုရေဇာတ ပစ္စယော ၊ ဗုဒ္ဓမြတ်စွာက သိသာထင်ရှားအောင် ပုရေဇာတ ပစ္စယောဆိုတာ အင်မတန်ထင်ရှားတဲ့ လူတိုင်းလူတိုင်း နေ့စဉ်ကြုံတွေ့နေရတဲ့ လူတိုင်း လူတိုင်းမှာ ပါရှိနေတဲ့ မျက်စိအကြည်၊ နားအကြည်၊ နှာခေါင်းအကြည်၊ လျှာအကြည်၊ ကိုယ်အကြည်ဆိုတဲ့ ပသာဒရုပ် ငါးပါး (သို့မဟုတ်) ၀တ္ထုရုပ်များကို ပုရေဇာတပစ္စည်းလို့ ထိုအခြေခံ ၀တ္ထုတွေကို အခြေပြုပြီးတော့ မြင်သိစိတ်၊ ကြားသိစိတ်၊ နံသိစိတ်၊ လျက်သိစိတ်၊ ထိသိစိတ် ဆိုတာတွေ ဖြစ်ရတယ်။ ထိုရုပ်နဲ့နာမ် သဘာဝတရားနှစ်ခုဟာ ပုရေဇာတသတ္တိနဲ့ ရုပ်တရားက နာမ်တရားကို ပုရေဇာတသတ္တိနဲ့ အထောက်အကူပြုထားတယ် ဆိုတဲ့ သဘောတရားကို မြတ်စွာဘုရားက ထင်ရှားသိသာအောင် ဟောကြားထားတာ ဖြစ်ပါတယ်။

ပဋ္ဌာန်းမြတ်ဒေသနာတော် အပိုင်း ၆၊ Dr နန္ဒမာလာဘိဝံသ

April 25, 2014 at 6:11pm

ပဋ္ဌာန်းမြတ်ဒေသနာတော် အပိုင်း ၆
Dr နန္ဒမာလာဘိဝံသ

အခုဒီကနေ့ဟာ ပဋ္ဌာန်းမြတ်ဒေသနာတော် အပိုင်း ၆ လို့ အဲဒီလို ဟောတဲ့ထဲမှာ ပစ္စယနိဒ္ဒေသလို့ ခေါ်တဲ့ ၂၄ ပစ္စည်းကို မကျဉ်းမကျယ်ချဲ့ဖွင့်ပြီးတော့ ပြတဲ့အခန်းကို အဓိကပဓါနထားပြီးတော့ ဟောကြားခဲ့တယ်။ ထိုပစ္စယနိဒ္ဒေသအခန်းနဲ့ ခပ်ဆင်ဆင်တူပြီး ထိုပစ္စယနိဒ္ဒေသအခန်းထက် ကျယ်ဝန်းတဲ့ ပညာဝါရကိုလည်းပဲ တစေ့တစောင်းလှမ်းကြည့်ပြီးတော့ ထည့်သွင်းပြောကြားခဲ့ပါတယ်။

ပစ္စယနိဒ္ဒေသနဲ့ပညာဝါရဆိုတာ ဒီကဏ္ဍနှစ်ရပ်ဟာ ပစ္စယနိဒ္ဒေသကအကျဉ်း ပညာဝါရကအကျယ်လို့ ဒီလို နားလည်ရမယ်။ အဲတော့ သိပ်အကျဉ်းလည်းမဖြစ်ရလောက်ေ
အာင် သိပ်အကျယ်ကြီးလည်း မဖြစ်ရလောက်အောင် မဖြစ်ရလေအောင် ပဋ္ဌာန်းတရားကြီးရဲ့ သဘာဝကို အနည်းငယ် ရိပ်စားမိအောင် တို့ရဲ့ နေ့စဉ်ဘ၀ကို ပဋ္ဌာန်းတရားကြီးနဲ့ ဘယ်လိုဆက်သွယ်နေတာကို သိရှိနားလည်အောင် ဘုန်းကြီးတို့ ကြိုးစားပြီးတော့ ဟောတယ်။
ဟေတုပစ္စယောကနေစတင်ဟောခဲ့တာ ဥပနိဿယပစ္စယောထိအောင် ရှင်းလင်းဟောပြပြီးသား ဖြစ်ပါတယ်။ အခုဒီကနေ့ည ပုရေဇာတပစ္စယောဆိုတာကို ဟောပါမယ်။ စကားလုံးရဲ့ အဓိပ္ပာယ်ကို ရှေးဦးစွာ ရှင်းရမယ်။ ပုရေဇာတ …. ပုရေဆိုတာ ရှေးဦးစွာ ကြိုတင်ပြီးတော့ဆိုတဲ့ အဓိပ္ပာယ်ရတယ်။ ဇာတဆိုတာ …. ဖြစ်နှင့်နေတဲ့ ပစ္စယ …. အကြောင်းတရားတဲ့။

ပဋ္ဌာန်းမြတ်ဒေသနာတော် အပိုင်း ၅၊ Dr နန္ဒမာလာဘိဝံသ

April 25, 2014 at 6:05pm

ပဋ္ဌာန်းမြတ်ဒေသနာတော် အပိုင်း ၅

Dr နန္ဒမာလာဘိဝံသ

ဒီကနေ့ အနန္တရပစ္စယော၊ သမနန္တရပစ္စယော၊ အညမညပစ္စယော၊ နိဿယပစ္စယောလို့ ဒီပစ္စည်းတွေကို အကျဉ်းချုံးပြီးတော့ ဥပနိဿယပစ္စယောကို အကျယ်ဟောပေးပါ့မယ်။

အနန္တရပစ္စယောဆိုတာက ရှေ့စိတ်နဲ့နောက်စိတ် ရှေ့စိတ်နဲ့နောက်စိတ်ဟာ အခြားအကွယ်မရှိပဲနဲ့ ကျေးဇူးပြုတယ်။ အနန္တရဆိုတာ - န အန်တရ ကြားထဲမှာ အခြားတစ်ပါးတရားမခြားဘူးဆိုတဲ့ အဓိပ္ပာယ်ကိုပြောတာ။ Mental Process လို့ ခေါ်တဲ့ ၀ီထိကို ကြည်မယ်ဆိုယင် မျက်စိကို အဆင်းအာရုံလေးက လာတိုက်လိုက်လို့ မျက်စိတံခါးကို ပဉ္စဒွါရ၀ဇ္ဇန်းစိတ်ကလေးက ဖွင့်ပေးလိုက်တယ်။ အဲဒီ ပဉ္စဒွါရ၀ဇ္ဇန်းစိတ် ပြီးသွားတာနဲ့တစ်ပြိုင်နက် စက္ခုဝိညာဏ်စိတ် ချုပ်သွားတာနဲ့တစ်ပြိုင်နက် သမ္ပဋိစ္ဆိုင်း လက်ခံတဲ့စိတ် ၊ လက်ခံတဲ့ သမ္ပဋိစ္ဆိုင်း စိတ် ချုပ်သွားတာနဲ့ သန္တီရဏစိတ်၊ ဒီလို Mental Process မှာ အစဉ်အတိုင်းသွားနေတာ။

ပဋ္ဌာန်းမြတ်ဒေသနာတော် အပိုင်း ၄၊ Dr နန္ဒာမာလာဘိဝံသ

April 25, 2014 at 6:00pm

ပဋ္ဌာန်းမြတ်ဒေသနာတော် အပိုင်း ၄

Dr နန္ဒာမာလာဘိဝံသ

ပဋ္ဌာန်းမြတ်ဒေသနာအပိုင်း၎မှာ အဓိပတိပစ္စယော … ၂၄ပစ္စည်းထဲက လွှမ်းမိုးကြီးစိုးတဲ့ အဓိပတိပစ္စယောကို ရှင်းလင်းပြီးတော့ ဟောကြားပါမယ်။

လူ့ရဲ့စိတ်ကိုလွှမ်းမိုးကြီးစိုးနေတဲ့နေရာမှာ သဘာဝတရားလေးခုဟာ လူ့ရဲ့စိတ်ကို လွှမ်းမိုးကြီးစိုးထားတတ်တယ်။ ကျန်တဲ့သဘာဝတရားတွေက ဒီလောက်မလွှမ်းမိုးဘူး။ ဒီမှာပါတဲ့ သဘာဝတရားလေးမျိုးဟာ လူ့ရဲ့စိတ်ကို လွှမ်းမိုးကြီးစိုးတတ်တယ်။ တစ်ဖက်ကလည်း အာရုံတွေမှာ အချို့ချို့သောအာရုံများက စိတ်ကိုလွှမ်းမိုးကြီးစိုးနိုင်ခြင်းမရှိဘူး။

အချို့ချို့သောအာရုံများက လူ့ရဲ့စိတ်ကို လွှမ်းမိုးကြီးစိုးနိုင်တယ်တဲ့။ ဒါကြောင့်လည်း အဓိပတိပစ္စယောကို - အဓိပတိပစ္စယော အတူဖြစ်ပြန် ရုပ်နှင့်နာမ်ကိုတဲ့ ဧကန်လွှမ်းမိုးကြီးစိုးနိုင်ဘိ အဓိပတိတရား …။ ကြီးစိုးနိုင်တဲ့အဓိပတိတရား
ဆိုတာ ဆန္ဒတို့၊ ၀ီရိယတို့၊ ၀ီမံသာတို့၊ စိတ္တတို့၊
စိတ်ထဲမှာဖြစ်ပေါ်လာတဲ့ ဒီစေတသိက်၃မျိုးနဲ့ စိတ်ဓာတ်ဟာ နာမ်တရားတွေကို ကြီးစိုးလွှမ်းမိုးထားနိုင်တယ်။ အဓိပတိကို နှစ်ပိုင်းခွဲပြီးတော့ ကြည့်ရမှာ ဖြစ်ပါတယ်။

ပဋ္ဌာန်းမြတ်ဒေသနာတော် အပိုင်း ၃၊ Dr နန္ဒာမာလာဘိဝံသ

 

 

April 25, 2014 at 5:51pm

ပဋ္ဌာန်းမြတ်ဒေသနာတော် အပိုင်း ၃

Dr နန္ဒာမာလာဘိဝံသ

အာရမ္မဏပစ္စယော - ထိုအာရမ္မဏပစ္စယောကို ပစ္စယုဒ္ဒေသပါဠိမှာ ပါဠိအပြည့်အစုံဟောထားတယ်။ ထိုအာရမ္မဏပစ္စယောရဲ့ အာရမ္မဏပစ္စည်းဆိုတဲ့နေရာမှာ အာရမ္မဏဆိုတဲ့ပုဒ်က - အာ - ဆိုတာ = လာရောက်ပြီးတော့၊ ရမ္မဏ = မွေ့လျော်တယ် ။ လူတွေရဲ့စိတ်ကလေးဟာ (စိတ်လို့ပြောလိုက်ယင် စေတသိက်လည်းပါတယ်လို့မှတ်ထားပေါ့။) ၊ လူတွေရဲ့ စိတ်ကလေး အတွေးတွေဟာ ဆိုင်ရာအာရုံစီကိုသွားရောက်ပြီးတော့ ပျော်မွေ့နေကြတယ်။ အာရုံမရှိပဲနဲ့ လူ့ရဲ့စိတ်ဟာ ဘယ်တော့မှ မဖြစ်ဘူးး။ နေ့စဉ်နဲ့အမျှ လူတွေပြောနေကြတဲ့ စိတ်ဟာ အာရုံပေါ်မှီပြီးတော့ ဖြစ်တယ်။ ဒါကြောင့်မို့လို့ လူ့စိတ်ထဲမှာ အဓိက အကြောင်းတရားတခုက ဘာတုန်းဆိုယင် ဒီ အာရမ္မဏပစ္စည်း ပဲ ။

အဲဒီ အာရမ္မဏကိုပဲ အဓိပ္ပာယ် တစ်မျိုးနဲ့ပြောလို့ ရှိယင် အာလမ္ဗဏ စိတ်ကလေးဟာ ဘာနဲ့ အလားသဏ္ဍာန်တူတုန်းဆိုယင် မသန်စွမ်းတဲ့လူနဲ့အလားသဏ္ဍာန်တူတယ်။ မသန်စွမ်းတဲ့လူတစ်ယောက်ဟာ ကြိုးတန်းတို့ တုတ်ကလေးတွေတို့ကို အားပြုပြီးမှ ထလို့ရတယ်။ စိတ်ကလေးဟာလည်း အာရုံပေါ်ကိုမှီတွယ်ပြီးတော့မှသာ ထနိုင်တယ်တဲ့။ အာရုံမရှိပဲနဲ့ စိတ်မဖြစ်ဖူးလို့ ဒီလိုပြောလိုတာ။

ပဋ္ဌာန်းမြတ်ဒေသနာတော် အပိုင်း ၂ ၊ Dr နန္ဒာမာလာဘိဝံသ

ပဋ္ဌာန်းတရားကိုစာပေအနေနဲ့လေ့လာသူများအနေနဲ့ ပစ္စည်း၊ ပစ္စယုပ္ပန် တို့ကို ရှေးဦးစွာမှတ်ရမယ်။ ပစ္စည်းဆိုတာ အကြောင်းတရား၊ ပစ္စယုပ္ပန်ဆိုတာ ထိုအကြောင်းတရားကြောင့် ဖြစ်ပေါ်လာတဲ့အကျိုးတရား သို့မဟုတ် ပစ္စယုပ္ပန်ဆိုတာ - (ပစ္စည်းတရား အကြောင်းတရားကနေ) ကျေးဇူးပြုထားတဲ့ အကျိုးတရားလို့ ဒီလို အဓိပ္ပာယ်ရတယ်။ ပစ္စယဆိုတဲ့စကားလုံးကို မြန်မာလိုပစ္စည်းလို့ပြန်လိုက်တာ၊ အကြောင်းတရားလို့ပြောတာ။ ဒီမှာ ပစ္စည်းဆိုတာ အထောက်အကူပြုတဲ့ အကြောင်းတရားလို့ အဓိပ္ပာယ်ရတယ်။ ပစ္စယုပ္ပန်ဆိုတဲ့ စကားလုံးက ပစ္စယုပ္ပန္နဆိုတဲ့ စကားလုံးက ဖြစ်ပေါ်လာတာဖြစ်လို့ အကြောင်းတရားကြောင့်ဖြစ်ပေါ်လာတဲ့ အကျိုးတရား သို့မဟုတ် အကြောင်းတရားကနေ ကျေးဇူးပြုထားတဲ့တရားလို့ ဒီလို အဓိပ္ပာယ်ရတယ်။

ဟေတုပစ္စည်းဆိုတာ ဘယ်သူ့ခေါ်တာတုန်းဆိုယင် ဟိတ်ခြောက်ပါးကိုခေါ်တယ်။ ဟိတ်ခြောက်ပါးလို့ဆိုတာ အဘိဓမ္မာသင်ဖူးတဲ့သူတွေအနေနဲ့တော့ ဒီလောက်ပြောလိုက်ယင်သိတယ်ပေါ့။ အဘိဓမ္မာမသင်ဖူးးတဲ့သူတွေအနေ
နဲ့တော့ ဟိတ်ခြောက်ပါးဆိုတာ ဘာတွေပါလိမ့်လို့ ဒီလိုထင်ကောင်းထင်လိမ့်မယ်။
ဟေတုဆိုတဲ့ အဓိပ္ပာယ်က အကျိုးတရားတွေကို ရှင်သန်နေအောင် ဖွံ့ဖြိုးတိုးတက်နေအောင် ခိုင်မာနေအောင် ကျေးဇူးပြုနေတဲ့ အကြောင်းတရားလို့ အဓိပ္ပာယ်ရတယ်။

ပဋ္ဌာန်းမြတ်ဒေသနာတော် ၁ ၊ ဒေါက်တာနန္ဒာမာလာဘိဝံသ

ပဋ္ဌာန်းမြတ်ဒေသနာတော် ၁

ပဋ္ဌာန်းဆိုတဲ့ ပဋ္ဌာန ရဲ့အဓိပ္ပာယ်က ဘာလဲဆိုယင် ပ = အမျိုးမျိုး လို့အဓိပ္ပာယ်ရတယ်။ ဋ္ဌာန = အကြောင်းတရားတွေ။ အမျိုးမျိုးသောအကြောင်းတရားတွေကြောင့် စုပေါင်းပြီးတော့ အကျိုးတရားတွေ ထုတ်လုပ်နေပုံကို အကြောင်းအမျိုးမျိုးကို ရှင်းလင်းပြတဲ့ ဒေသနာတော်ကြီးကို ပဋ္ဌာနလို့ ဒီလိုနံမည်ပေးတာဖြစ်တယ်။

နောက်တနည်းက ပဋ္ဌာနဆိုတဲ့ စကားလုံးသည် ခွဲချမ်းစိတ်ဖြာကြည့်ရှုခြင်းဆိုတဲ့ အဓိပ္ပာယ်ရတယ်။ ၀ိဘဇ္ဇနတ္ထ (ပါဋ္ဌိစကားလုံးမသေချာပါ) မြတ်စွာဘုရားက အရာခပ်သိမ်းကို ခွဲခြားစိတ်ဖြာပြီး ဟောကြားလေ့ရှိတယ်။ သာမာန်ပုဂ္ဂိုလ်တွေက ကြည့်လိုက်ယင် တစ်ခုလို့ပဲမြင်ကြတယ်ပေါ့။ ဘာဖြစ်လို့တုန်းဆို ခွဲခြားစိတ်ဖြာနိုင်စွမ်းမရှိဘူး။ ပဋ္ဌာန်းဆိုတဲ့ ဒီအဘိဓမ္မာတွေဟာ အရာခပ်သိမ်းကို သဘာဝတရားတွေကို ခွဲခြမ်းစိတ်ဖြာပြီးတော့ မြင်လေ့ရှိတယ်၊ ဟောကြားတော်မူတယ်။

ပဋ္ဌာန်း ​ဒေသနာ​တော်​ နာယူရန်​ ပင့်​ဖိတ်​ခြင်း

အနန္တ စက္ကဝါ​ဠေသု ၊ ဝသန္တ ​ဒေဝတာ ဂဏာ။
ပဋ္ဌာနံ ဓမ္မ ရာဇဿ ၊ သုဏန္တု သုခ ဝဍနံ ။
ပဋ္ဌာန သဝနကာ​လော အယံ ဘဒ္ဒန္တာ ။

အနန္တ စက္ကဝါ​ဠေသု = အဆုံးမထင်​များဖြင်​လှစွာ အနန္တစကြဝဠတို့၌

ဝသန္တ ​ဒေဝတာ ဂဏာ = က္ကုရိယာပထ ၊ မျှတ​နေငြား ၊ နတ်​ဗြဟ္မာ အများတို့သည်​

ဓမ္မ ရာဇဿ = တရာမင်းသခင်​ဘုရားရှင်​၏
သုခ ဝဍနံ = ​လောကီ​လောကုတ္တရာ ချမ်းသာနှစ်​မျိုး ပွားတိုး​စေတတ်​​သော

ပဋ္ဌာနံ = နည်းပင်​လယ်​​ခေါ် ပဋ္ဌာန်း တရား​တော်​တို့ကို
သုဏန္တု = အာရုံ တစ်​ပါး စိတ်​မသွား​ဘဲ တရားကိုသာ စူးစိုက်​ စွာဖြင့်​ နာ​တော်​မူကြပါကုန်​​လော

ဘဒ္ဒန္တာ.= စည်း​ဝေးညီညာ ကြွ​ရောက်​လာငြား အို နတ်​ဗြဟ္မာ အ​ပေါင်းတို့

အယံ = ဤခါသမယ ဤကာလကား

ပဋ္ဌာန သဝနကာ​လော = အ​ကြောင်းအကျိုး နည်းမျိုးစုံဆန်း မြတ်​ပဋ္ဌာန်းကို ရွှင်​လန်းကြည်​သာ နာရမည့်​ အချိန်​အခါပါ​ပေတည်း

ဆရာမ ​ဒေါ်ခင်​သန္တာဦး ၏ ပ​ဋ္ဌာန်း​ဒေသနာ​တော်​ မှတ်စု ​စာအုပ်​မှ ကူးယူ​ဖော်​ပြပါသည်​ ။

ပဋ္ဌာန်း အမွှန်း

နီလာ နီလာ နိစ္ဆရန္တိ ၊ ပီတာ ပီတာ စ ရံသိယော ။
လောဟိတာ လောဟိတာ စာဘာ ၊ သြဒါတောဒါတရံသိယော ။

တမှာ တမှာ စ မဉ္ဇိဋ္ဌာ ၊ ပဘာသန္တိ ပဘဿရာ ။
ဧ၀ံ ဆဗ္ဗဏ္ဏရံသီ သော ၊ ဌာတု မေ ဘဂ၀ါ သိရေ ။

ပဋ္ဌာနံ-နက်နဲထူးဆန်း ပဋ္ဌာန်းကျမ်းကို။ သမ္မသန္တဿ-အနုလုံ ပဋိလုံ အစုန်အဆန် အဖန်ဖန် ဆင်ခြင်တော်မူသော ဘုရားရှင်ကိုယ်တော်မြတ်၏။
နီလာ-ဆံတော် မုတ်ဆိတ်တော် မျက်ဝန်းတော်တခို စိမ်းညိုသောအရပ်ဌာနမှ။
နီလာ-ကြာညို ခွါညို, ရတနာအညိုကဲ့သို့ စိမ်းတစိုစို မြသားလိုဖြင့် ညိုမှောင်သော ရောင်ခြည်တော်တို့သည်။
နိစ္ဆရန္တိ-နေ-အထောင်, လ-အထောင်, ဗြဟ္မာနတ်အရောင် ရတနာန၀ရတ် အရောင်တို့ကို ထိပ်ခေါင်က လွှမ်းမိုး၍ ဖြိုးဖြိုးကြွယ်ကြွယ် အံ့သြဘွယ်လျှင် အဆန်းတကြယ် ကွန့်မြူးတော်မူကြလေကုန်၏။

ကျေးဇူးတော်ရှင် လယ်တီဆရာတော်ဘုရားကြီး၏ ဗုဒ္ဓ၀င် ခုနစ်နေ့ ဘုရားရှိခိုး

၁။ သန္ဓေယူသောနေ့
သုံးလူ့ရှင်ပင်၊ ကျွန်းထိပ်တင်၊ သောင်းခွင်စကြာဝဠာ၊ နတ်ဗြဟ္မာတို့၊ ညီညာရုံးစု၊ တောင်းပန်မှုကြောင့်၊ ရတုနဂို၊ ရွှန်းရွှန်းစိုသည်၊ ၀ါဆိုလပြည့်၊ ကြွက်မင်းနေ့ဝယ်၊ ချမ်းမြေ့ကြည်ဖြူ၊ သန္ဓေယူသည်၊ နတ်လူငြိမ်းဘို့---ကိန်းပါကို။
( မ )။

၂။ ဖွားမြင်တော်မူသောနေ့
သန္ဓေယူခါ၊ ဆယ်လကြာသော်၊ မဟာသက္ကရာဇ်၊ ခြောက်ဆယ့်ရှစ်ကြုံ၊ ကဆုန်လပြည့်၊ သောကြာနေ့ဝယ်၊ ချမ်းမြေ့ စုံညီ၊ လုမ္ဗိနီ၌၊ မဟီလှိုက်ဆူ၊ ဖွားတော်မူသည်၊ နတ်လူအောင်မြို့---လမ်းပါကို။ ( သိ )။

၃။ တောထွက်တော်မူသောနေ့
ဖွားမြင်မြောက်သော်၊ ဆယ့်ခြောက်နှစ်ရွယ်၊ ပျိုနုနယ်၌၊ သုံးသွယ်ရွှေနန်း၊ သိမ်းမြန်းပြီးလစ်၊ ဆယ့်သုံးနှစ်လျှင်၊ ဘုန်းသစ်လျှံလူ၊ စံတော်မူ၍၊ ရွယ်မူနုဖြိုး၊ နှစ်ဆယ့်ကိုးဝယ်၊ လေးမျိုးနိမိတ်၊ နတ်ပြဟိတ်ကြောင့်၊ ရွှေစိတ်ငြင်ငြို၊ သံဝေပိုက၊ ၀ါဆိုလပြည့်၊ ကျားမင်းနေ့ဝယ်၊ ချမ်းမြေ့ရဂုံ၊ တောရပ်လှုံသည်၊ စုံမြိုင်ပင်ရိပ်--ခန်းမှာကို။ ( ကြ )။

ပဋ္ဌာန်းရှိခိုး

ပဋ္ဌာန်းဘုရားရှိခိုး

အနန္တ ပစ္စယာ ကိဏ္ဏံ | အနန္တ နယ မဏ္ဏိတံ
ဒေသကံ နန္တ ပဋ္ဌာနံ | ဝ​န္ဒေဟံ နန္တ ဥာဏိကံ

အနန္တ ပစ္စယာ ကိဏ္ဏံ = ​ဟေတု | အာရမဏ္ဏ စသည်​ဖြင့်​လည်း အနန္တပစ္စည်း တရားတို့ဖြင့်​ ချီးမွမ်း​လောက်​ဖွယ်​ တငိ့တယ်​ ထူးဆန်းအံ့မခန်း​အောင်​ ​ရောပြွမ်း​နေ​ပေထ​သော ။

အနန္တ နယ မဏ္ဏိတံ = အနုလုံ ပစ္စနိက်​ တိက်​ ဒုတ်​များစွာ နည်းအဖြာဖြာ တို့ဖြင့်​ တန်​ဆာ ဆင်​ယင်​ ထား​ပေထ​သော ။

အနန္တ ပဋ္ဌာနံ = ကြီးမားကျယ်​ဝန်း ပဋ္ဌာန်းကျမ်းကြီးကို ။

ဒေသကံ = ​တွေးဆဆင်​ခြင်​ စီစဉ်​မြွက်​ဟ ​ဟောပြတတ်​​ပေထ​သော ။

အနန္တ ဥာဏိကံ = အဆုံးမရှိ မြင်​သိ​ပေထ သဗ္ဗညုတ ဥာဏသခင်​ ဘုရားရှင်​ကို ။

အဟံ = အကျွန်​သည်​ ။

ဝ​န္ဒေ = ယုံကြည်​မြတ်​နိုးလက်​စုံမိုး​၍ ရှိခိုးပါ ၏ ။

ပဋ္ဌာန်းတရားရှိခိုး 

ဒေသိတာ နန္တ ဥာ​ဏေန အနန္တ ပစ္စယံ နယံ ။
ဝ​န္ဒေဟံ နန္တ ပဋ္ဌာနံ ၊ အနန္တ သုခ ​ဟေတုကံ ။

အနန္တ ဥာ​ဏေန = အဆုံးမရှိ မြင်​သိ​ပေထ သဗ္ဗညုတ ဥာဏသခင်​ ဘုရားရှင်​သည်​

ဒေသိတံ = ​တွေးဆဆင်​ခြင်​ စီစဉ်​မြွက်​ဟ ​ဟောပြအပ်​​ပေထ​သော

အနန္တ ပစ္စယံ နယံ = အဆုံးအဖျား ပိုင်းခြား မရ အနန္တပစ္စည်း အနန္တ နည်းရှိ​ပေထ​သော

အနန္တ သုခ ​ဟေတုကံ = အဆုံးမရှိများလှဘိသား ​လောကီ​လောကုတ္တရာ ချမ်းသာဟူသမျှ ရရှိခြင်း၏ အ​ကြောင်းရင်းဖြစ်​​ပေထ​သော

အနန္တ ပဋ္ဌာနံ = ကြီးမားကျယ်​ဝန်း အနန္တ ပဋ္ဌာန်းကျမ်းကြီးကို

အ​ဟံ = အကျွန်​သည်​

ဝ​န္ဒေ = ယုံကြည်​မြတ်​နိုးလက်​စုံမိုး​၍ ရှိခိုးပါ၏ ။.

ပဋ္ဌာန်း​ဆောင်​သံဃာရှိခိုး

ဓာရကာနန္တ ပဋ္ဌာနံ ၊အနန္တ ဥာဏသံဝကံ ။
အနန္တံ သံဃံ ဝ​န္ဒေဟံ၊ အနန္တ ပုည ဒါယကံ ။

အနန္တ ပဋ္ဌာနံ ဓရံ =  ကြီးမားကျယ်​ဝန်း  ပဋ္ဌာန်းကျမ်းကြီးကို ကြိုးပမ်းဆက်​လက်​ မ​ပျောက်​ပျက်​​အောင်​ ရွက်​​ဆောင်​​တော်​ မူခဲ့ကြ​ပေထ​သော ၊

အနန္တ ဥာဏသံဝကံ = အဆုံးမရှိ မြင်​သိ​ပေထ သဗ္ဗညုတ ဥာဏသခင်​ ဘုရားရှင်​၏ ရင်​နှစ်​သီးခြား တပည့်​သား ရတနာလည်း ဖြစ်​​တော်​မူ​ပေကုန်​ထ​သော

အနန္တ ပုည ဒါယိကံ = ဒါန သီလ ဘာဝနာ အစဖြာသည့်​ များစွာ​ပေါင်းစု ​ကောင်းမှု အနန္တ ကိုလည်း ​ပေးတတ်​ကုန်​​ပေထ​သော

အနန္တံ သံဃံ = အဆုံးမရှိ များမြတ်​ဘိသည့်​ မုနိရတနာ မြတ်​သံဃာ ကို

အ​ဟံ = အကျွန်​သည်​

ဝ​န္ဒေ = ယုံကြည်​မြတ်​နိုးလက်​စုံမိုး​၍ ရှိခိုးပါ၏ ။.

ဆရာမ ​ဒေါ်ခင်​သန္တာဦး ၏ ပ​ဋ္ဌာန်း​ဒေသနာ​တော်​ မှတ်စု ​စာအုပ်​မှ ကူးယူ​ဖော်​ပြပါသည်​ ။

လင် မုဆိုး----- မယား သောတာပန်

သူဌေးသမီးတယောက်သည် အပျိုစင်ဘ၀ကပင် သောတာပန်တည်ခဲ့၏၊ အရွယ်ရောက်သောအခါ ကုက္ကုဋမိတ္တ မည်သော မုဆိုး၏ဇနီးဖြစ်လာပြီး နေ့စဉ် လင်မုဆိုးအတွက် လေးမြားတို့ကို ပြင်ဆင်ပေးရ၏။ ထိုမုဆိုးနှင့် သား ၇-ယောက်ရပြီး ချွေးမ ၇-ယောက်နှင့်အတူ ပျော်ရွှင်စွာနေကြ၏။

တနေ့သော် မြတ်စွာဘုရားသည် -- မုဆိုး ကျော့ကွင်းထောင်ထားသော နေရာအနီး သစ်ပင်ရိပ်တွင် ထိုင်နေတော်မူသည်။ မုဆိုးသည် တနေ့လုံး သားကောင် တကောင်မျှ မရ၍ လှည့်လည်ကြည့်ရှုရာ ဘုရားကို တွေ့မြင်သော်-ဤသူကြောင့် ငါ့ကျော့ကွင်းတွင် သားကောင်တကောင်မျှ မမိခြင်းဖြစ်သည်-ဟု တွေးမိကာ မြတ်စွာဘုရားကို မြားနှင့်ပစ်ရန် လေးကိုတင်၍ ချိန်ရွယ်လေသည်။ သို့သော် လေးကို ပစ်၍မရ၊ ပြန်ချရန် ကြိုးစား သော်လည်း မရဘဲ ဒုက္ခကြီးစွာ ခံစားနေရသည်။

ဖခင် ပြန်မလာ၍ သား ၇-ယောက် လိုက်လာရာ ဖခင်၏ဒုက္ခကို မြင်သောအခါ သူတို့လည်း ဘုရားကို မြားနှင့်ပစ်ရန် ချိန်ရွယ်ကြသည်။ သူတို့လည်း ဒုက္ခရောက်ကြပြန်သည်။

အသောကကျောက်တိုင်များ

ကမ္ဘာ့သမိုင်းတွင် ထင်ရှားသော အသောကမင်းကြီး(ခေါ်) သီရိဓမ္မာသောကမင်းကြီးသည် ဗုဒ္ဓဘာသာကို အထူးယုံကြည်သက်ဝင်သူ ဖြစ်သည်။ အထူးကိုးကွယ် ဆည်းကပ်သူလည်း ဖြစ်သည်။ သူသည် ဗုဒ္ဓသာသနာထွန်းကားရေးအတွက် အမှတ်အသားအဖြစ် အိန္ဒိယပြည်၌ ကျောက်တိုင်ကြီး ၄-တိုင် စိုက်ထူထားခဲ့သည်။

အသောကမင်းကြီးသည် ကောလိယတိုင်း ရွာမရွာအနီးတွင် ကျောက်တိုင်ကြီးတခု စိုက်ထူခဲ့သည်။
ထိုကျောက်တိုင်ထိပ်ပေါ်တွင် နွားလားဥသဘရုပ်ကို အထွတ်တင်ထားသည်။
အဓိပ္ပါယ်မှာ "ငါသည် တိုင်းပြည်နှင့် သာသနာအတွက် နွားကဲ့သို့ သည်းခံ၍ ရုန်းကန်တော့မည်"ဆိုသော ရည်ရွယ်ချက်ဖြင့် စိုက်ထူခြင်းဖြစ်သည်။

ထို့ပြင် အသောကမင်းကြီးသည် ဗုဒ္ဓဘုရားရှင် ဖွားမြင်တော်မူရာ လုမ္ဗိနီတွင်လည်း ကျောက်တိုင် စိုက်ထူခဲ့သည်။ ထိုကျောက်တိုင်၏ ထိပ်ပေါ်တွင် သိန္ဓောမြင်းရုပ်ကို အထွတ်တင်ထားသည်။ "ငါသည် သာသနာနှင့် လူသားတို့အတွက် မြင်းကဲ့သို့ လျင်မြန်သွက်လက်စွာ ဆောင်ရွက်မည်"ဟူသော ရည်ရွယ်ချက်ဖြင့် မြင်းရုပ်ကို ထားရှိခြင်း ဖြစ်သည်။

ထို့ပြင် အသောကမင်းကြီးသည် သင်္ကဿ မြို့တံခါးဝတွင် ကျောက်တိုင်တခု စိုက်ခဲ့ပြန်သည်။ သင်္ကဿ မြို့သည် မြတ်စွာဘုရားရှင် အဘိဓမ္မာတရား ဟောကြားပြီးနောက် တာဝတိံသာမှ ဆင်းသက်ရာနေရာ ဖြစ်သည်။ ထိုကျောက်တိုင်ထိပ်တွင် ဆင်ရုပ်ကို အထွတ်တင်ထားသည်။ "ငါသည် တိုင်းပြည်နှင့် သာသနာတော်အတွက် ဆင်ကဲ့သို့ ခွန်အားအပြည့်ဖြင့် ဆောင်ရွက်မည်"ဟူသော ရည်ရွယ်ချက်ဖြင့် ဆင်ရုပ်ကို ထားရှိခြင်းဖြစ်သည်။

ထို့ပြင် အသောကမင်းကြီးသည် ဗာရာဏသီ မိဂဒါဝုန်တွင် ကျောက်တိုင်ကြီးတတိုင် စိုက်ထူထားပြန်သည်။ မိဂဒါဝုန်မှာ ဗုဒ္ဓဘုရားရှင်က ပဉ္စဝဂ္ဂီငါးဦးကို ပထမဦးဆုံးသော တရားတော်ဖြစ်သည့် ဓမ္မစကြာတရားတော်ကို ဟော်တော်မူသောနေရာ ဖြစ်သည်။ ထိုကျောက်တိုင်ထိပ်တွင်ကား သီဟရာဇာ ခြင်္သေ့ရုပ် အထွတ်တင်ထားသည်။ "ငါသည် တိုင်းကျိုးပြည်ကျိုး သာသနာအကျိုး သယ်ပိုးရာ၌၄င်း၊ တိုင်းပြည်အန္တရာယ် သာသနာ့အန္တရာယ် အသွယ်သွယ်ကို ကာကွယ်စောင့်ရှောက်ရာ၌၄င်း၊ ခြင်္သေ့ကဲ့သို့ သတ္တိရှိရှိ ပြုလုပ်ဆောင်ရွက်မည်"ဟူသော ရည်ရွယ်ချက်ဖြင့် ခြင်္သေ့ရုပ်ကို ထားရှိခြင်းဖြစ်သည်။

Copy from

အစစ်ကို ဘာကွယ်နေသလဲ

                         

 ရှေးလူကြီးများက ဘုန်းကြီးကို ပြောဖူးတယ်။
- ဘုရားအစစ်ကို ဆင်းတုတော်တွေက ဖုံးနေတယ်။
- တရားအစစ်ကို အချို့ တရားဟောဓမ္မထိကတွေနဲ့ ကျမ်းစာတွေက ဖုံးနေတယ်။
- သံဃာအစစ်ကို တို့ဘုန်းကြီးတွေက ဖုံးနေတယ်တဲ့။

ဘုန်းကြီးက ဒါတွေ ကိုးကွယ်လို့ အပြစ်ရှိတယ်လို့ မဆိုလိုပါဘူး။ အစစ်ကို ရောက်အောင် အာရုံမပြု
နိုင်လို့ ပြောတာပါ၊ အစစ်ကို အာရုံမရောက်တော့ အကျိုးပေး နည်းတာပေါ့။
 
နောင် လာမယ့်နှစ်ကလေးတွေက ဘာသာကို မယုံတာကအစစ်အမှန်ကို မတွေ့ရလို့ မယုံတာ၊ အစစ်အမှန်ကိုတွေ့ဖို့ကလဲ အဘိုး အဘွားတွေကအရေးကြီးတယ်။

မီးလွတ်စားခြင်း

 

ဗုဒ္ဓဘာသာများထဲတွင်“မီးလွတ်စားခြင်း” ကို သာသနာတော်အကျင့်ဟု
ထင်မှတ်သူများ ရှိပါသည်။မီးလွတ်စားသော ပုဂ္ဂိုလ်များကိုလည်းသူတော်စင် သူတော်မြတ်အလား သဘောထား ကြည်ညိုကြ၏။“မီးလွတ်စားခြင်း”ဟူသည် မီးဖြင့် ချက်ပြုတ်ကြော်လှော်ထားခြင်းမရှိသော
အစားအစာ၊ သစ်သီးသစ်ဥတို့ကိုသာ စားသုံးခြင်းကို ဆိုလိုပါသည်။
မီးလွတ်စားခြင်းဟူသည်-
 
(၁) သာသနာတော်ကျင့်စဉ် ဟုတ်ပါ၏လော။
(၂) ဘုရားရှင်က ထင်းမီးလွတ်သော အစားအစာကို စားခြင်းသည်
“အကျင့်မြတ်”ဟု ဟောတော်မူခဲ့ပါ၏လော။
(၃) ဗုဒ္ဓအလိုကျ “မီးလွတ်စားနည်း”ရှိပါသလော
စသည် စသည်ဖြင့် ဆန်းစစ်ခြင်း၊ သုံးသပ်ခြင်း ပြုလုပ်ရန် လိုပါသည်။

စင်စစ်သော် သရက်သီးစားခြင်း၊ ငှက်ပျောသီးစားခြင်း၊
သစ်သီးသစ်ဥစားခြင်း စသည် ထင်းမီးလွတ်စားခြင်းသည်
သာသနာတော် ကျင့်စဉ်မဟုတ်ပါ။
ဘုရားရှင်က ထင်းမီးလွတ်စားရန်လည်း ညွှန်ကြားတော်မူခြင်း မရှိခဲ့ပါ။

ဗုဒ္ဓါဘိသေက မင်္ဂလာ (အနေကဇာတင် တယ်ဆိုတာ)

********************* ****************************

တစ်ရက်သောနေ့တွင် စာရေးသူ ဆွမ်းခံသွားရင်း ဓမ္မာရုံတခုမှ ဖွင့်နေသော တရားသံတခုကို ကြားလိုက်ရသည်။ ဓမ္မကထိက ဆရာတော်မှ “လူတွေက အနေကဇာတင်တယ်ဆိုတာ ဘုရားကို အသက်သွင်းနေကြတာ အနေကဇာတင်စရာမလိုဘူး” ဟူ၍ ကြားလိုက်ရသည်။

ဘယ်တရားခွေလဲဆိုတာတော့ တိတိကျကျ မသိတော့ပါ။ သွားရင်းလာရင်း ကြားလိုက်ရခြင်းသာ ဖြစ်ပါသည်။ သုံးလောကထွဋ်ထား တန်ခိုးရှင်ဖြစ်သော ဘုရားကို မည်သူမှ အသက်သွင်းစရာမလိုပေ။
အသက်သွင်းခြင်း လုပ်ငန်းသည် ဗုဒ္ဓဘာသာတို့ရဲ့ လုပ်ငန်းမဟုတ်ပေ။

အနေကဇာတင်ခြင်းကို ဘုရားအား အသက်သွင်းသည်ဟု ဆိုသူများသည် တောင်ပြန် တောထွက် ဘုန်းကြီးများသာ ဖြစ်ပေလိမ့်မည်။ လူပုဂ္ဂိုလ်များအနေနှင့်ကား ထိုသို့သိမည်မဟုတ်ပေ ဆရာဘုန်းကြီး၏ အလွဲအမှားကြောင့် ထိုသို့သိထားသည်ဆိုပါက အမှားကို အမှန်ရောက်အောင်ြ ပုပြင်ရမည်မှာ ဘာသာရေးခေါင်းဆောင် ဘုန်းကြီးများတွင်သာ တာဝန်ရှိသည် မဟုတ်ပါလော။
အနေကဇာတင်ဖို့မလိုဟူ၍ကား မဆိုသင့်ချေ၊

ဘ၀ရဲ့လက်တွဲဖော် ရွေးချယ်သောအခါ

                    
လူတစ်ဦးတစ်ယောက်ကို မိမိဘ၀တစ်သက်လုံးအတွက် ဘ၀လက်တွဲဖော်အဖြစ် ရွေးချယ်သောအခါ...
မိမိတစ်ယောက်တည်းအပေါ် သ်ိပ်ချစ်ပြီး ချစ်နေတုန်းအချိန် အနစ်နာခံမှု၊ ဘာမဆိုလုပ်ပေးမှု၊
ကိုယ်တစ်ယောက်တည်းအပေါ် ချစ်နေတုန်းကောင်းခြင်း၊ယုယခြင်း ၊ ရိုးသားခြင်းလောက်နဲ့
ဘ၀ရဲ့လက်တွဲဖော်ဆိုပြီးရွေးချယ်လို့ မရနိုင်ပါဘူး။

ဘာလို့လဲဆိုတော့... လူဆိုတာမိမိသဘောကျနေတဲ့အချိန်၊
မိမိသိပ်ချစ်နေတဲ့အချိန် ၊ မိမိချစ်နေသောသူကို အရာရာအကောင်းပဲမြင်ပြီး
အရာရာခွင့်လွှတ်လုပ်ပေးတတ်ကြတာ သဘာဝဖြစ်တယ်။

ကိုယ်နဲ့ အဆင်မပြေသောတစ်နေ့ မှာ ကိုယ့်အပေါ်မှာကြမ်းတမ်းသော အပြုအမူ ၊ ရိုင်းစိုင်းသောအပြောအဆို ၊ ရက်စက်သောလုပ်ရပ်တွေနဲ့ ထာဝရ ရန်သူကြီးတွေဖြစ်နေကြတာ လောကမှာမြင်နေကြရမှာပါ။

သို့ကြောင့်... လူတစ်ယောက်ကိုဘ၀အတွက်တစ်သက်လုံး ရွေးချယ်သောအခါ...
ကိုယ်နဲ့ လက်တွဲမဲ့သူက တစ်ခြားသူတစ်ဦးပေါ်

အကျိုးရှိစေမည့် သူနာမေးနည်း

ေ


ဆွေမျိုး မိတ်သင်္ဂဟထဲက မကျန်းမာသူတစ်ဦးဦးရှိနေလျှင် သူနာမေးသွားခြင်းသည် လူ့ဝတ္တရားပါ။
ကျန်းမာရေး ချို့တဲ့နေချိန်တွင် ၀န်းကျင်အသိုင်းအ၀န်း၏ အသိအမှတ်ပြုမှု ၊ အားပေးကူညီမှုများကို
တောင့်တတတ်ခြင်းသည် လူ့သဘာဝပင်ဖြစ်ပါ၏။

ဝတ္တရားအရ သူနာမေးသွားသည့်အခါ တာဝန်ကျေသဘောထက် စေတနာအပြည့်အ၀ထားပြီး၊
ထိထိရောက်ရောက်ကူညီနိုင်လျှင်မူ ပို၍ကောင်းပါသည်။

သာသနာရေး ရှုထောင့်မှနေ၍ သူနာအတွက် အကျိုးရှိစေမည့် သူနာမေးနည်းကို
လမ်းညွှန်တော်မူခဲ့သော အရှင်သူမြတ်မှာ စစ်ကိုင်းတောင်
“အနောက်ပရက္ကမ ဆရာတော်” ကြီးဖြစ်ပါသည်။

တစ်နေ့ ဆရာတော်ကြီး မကျန်းမာသည့်အခါ တူ၊ တူမများက သတင်းလာမေးပါသည်။
ထိုအခါ ဆရာတော်ကြီးက-ငါ့အတွက် ဥပုသ်စောင့်ကြရဲ့လား၊ ပရိတ် ရွတ်ကြရဲ့လား၊ ငါ့အတွက် ရှင်တော်ဘုရားအား ဆီမီးသက်စေ့၊ ရေသက်စေ့၊ ပန်းသက်စေ့ လှူကြရဲ့လား စသည်ဖြင့် မေးရာ တူ၊ တူမများက -“ဒီလို လုပ်ရမှန်း မသိ၍ မလုပ်ခဲ့မိပါကြောင်း”ပြန်လည်လျှောက်ထားပါသည်။

အံ့ဖွယ် (၈) ဖြာ သာသနာ ...

December 19, 2012 at 12:57pm

တချိန်သောအခါ မြတ်စွာဘုရားသည် နဠေရုမည်သော တမာပင်ရင်း၌ သီတင်းသုံးနေတော်မူ၏။ အဲဒီအချိန်ခါမှာ ပဟာရာဒလို့ခေါ်သည့် အသူရိန်ကမြတ်စွာဘုရားထံသို့ ရောက်လာပြီး “မြတ်စွာဘုရား၏ သာသနာတော်မှာ ရဟန်းတော်တွေမွေ့လျော်နေကြတာ အဘယ်အံ့ဖွယ်တွေရှိနေလို့ ပျော်မွေ့နေကြတာလဲ” ဟု သိလို၍မေးလို၍ ရောက်လာခြင်းဖြစ်သည်။သို့ပါသော်လည်း မြတ်စွာဘုရားထံသို့ ရောက်လာသည့်အခါကြတော့ မြတ်စွာဘုရား၏ ဘုန်းတန်ခိုး အာနုဘော်တွေ၊မြတ်စွာဘုရား၏ ဘုန်းကံကြီးမားပုံတွေကို တွေ့မြင်ရသောကြောင့် ရှေးဦးစွာမေးခွန်းများကို မလျှောက်ထားဝံ့ပေဘူး။အဲဒါကို မြတ်စွာဘုရားသိတော်မူသောကြောင့် မြတ်စွာဘုရားက ရှေးဦးစွာမေးတော်မူပါတယ်။“ပဟာရာဒ အသူရိန် …အသူရာတို့သည် သမုဒ္ဒရာ၌ ပျော်မွေ့နေကြသည်။ဘာအံ့ဘွယ်တွေရှိ၍ ပျော်မွေ့နေကြတာလဲ” ဟု မြတ်စွာဘုရားက ရှေးဦးစွာမေးတော်မူတဲ့အခါကျမှ ပဟာရာဒ အသူရိန်က “သမုဒ္ဒရာမှာ အံ့ဖွယ် (၈)မျိုးရှိပါတယ်” ဟု လျှောက်ထားပါတယ်။ (၈)မျိုးကို ဖြေပြီးတဲ့အခါ ပဟာရာဒ အသူရိန်ကမြတ်စွာဘုရားကို လျှောက်ထားပြန်ပါတယ်။“မြတ်စွာဘုရား …မြတ်စွာဘုရား၏ သာသနာတော်ကြီးမှာ မြတ်စွာဘုရား၏ တပည့်သားတွေ သာသနာတော်မှာပျော်မွေ့နေကြတာဘာအံ့ဖွယ်တွေရှိနေလို့ ယခုလို ပျော်မွေ့နေကြတာလဲ ဘုရား ”

လယ်တီဆရာတော်ဘုရားကြီး၏ အဆုံးအမ ************************************

( အလောင်းတော်တို့ တောထွက်တော်မူကြပြီ)
ဒီနေရာမှာ အဲဒီလို ရက်ရွှေ့နေတဲ့ ပုဂ္ဂိုလ်တွေအတွက် လယ်တီဆရာတော်ဘုရ
ားကြီးက ဆုံးမထားတဲ့ အဆုံးအမ လင်္ကာကလေး တစ်ခုတော့
ရှိတယ်။ အရှင်ဘုရား ...တပည့်တော်တို့က တရားတော့ အားထုတ်ချင်ပါတယ
်။ "ဒါပေမယ့်လို့"ဆိုတဲ့ ဒီလို စကားကလေးကို ပြောပြောပြီးတော့ ပြုံးပြုံး
ပြုံးပြုံးနဲ့ ဘုန်းကြီးကို လှိမ့်သွားတဲ့ပုဂ္ဂိုလ်တွေက တော်တော် ခပ်များများ ရှိပါတယ
်။ အဲဒီ လှိမ့်သွားတဲ့ ပုဂ္ဂိုလ်တွေထဲမှာ ဒီနေ့ တရားနာနေတဲ့ ပရိသတ်တွေလည်း
ပါချင် ပါ,ပါလိမ့်မယ်။ အဲဒီလို ပရိသတ်တွေအတွက် လယ်တီဆရ
ာတော်ဘုရားကြီးက ဘယ်လို ဆုံးမထားသလဲ?
"အမြိုက်တရား, ဟောတုံငြားလည်း, ဘုရားအကြိုက်, မလိုကိုကိုက်သာဘဲ "
အင်မတန် ကောင်းမွန် မြင့်မြတ်နေတဲ့ သီလကျင့်စဉ်တွေကို ကျင့်ကြံ
ကြိုးကုတ် ပွားများအားထုတ်ပါ၊ သမာဓိကျင့်စဉ်တွေကို ကျင့်ကြံကြိုးကုတ်
ပွားများအားထုတ်ပါ၊ ပညာကျင့်စဉ်တွေကို ကျင့်ကြံကြိုးကုတ် ပွားများအား
ထုတ်ပါဆိုပြီးတော့ ဒီလို ဘုရားရှင်ကိုယ်တော်တိုင်က ဟောကြား တိုက်တွန်း
တော်မူပါတယ်။ ဘုရားရှင် ဟောကြားတော်မူသည့်အတိုင်း ဘုန်းကြီးတို့ကလည်း
ဘုရားရှင်ရဲ့ တရားတော်တွေကို ဒါယကာ ဒါယိကာမတွေကို တစ်ဆင့်
ပြန်ပြီး ဟောကြားပြသပေးတယ်။ မသေရာ အမြိုက်နိဗ္ဗာန် ရောက်ကြောင်း
ကျင့်စဉ်ဖြစ်တဲ့ တရားတော်တွေကို ဘယ်လိုပင် ဟောပေးသော်လည်း ဘာဖြစ်
နေသလဲ?

ဝါခေါင်လပြည့် မေတ္တာအခါတော်နေ့

အရှင် ဥဇ္ဇောတ with Dhammadownload Web Master and 13 others

***************************************
ဝါခေါင်လပြည့် မေတ္တာအခါတော်နေ့အကြောင်းကို မဖော်ပြမီ မြန်မာဗုဒ္ဓဘာသာဝင်တို့၏ တစ်နှစ် (၁၂-လ) ပတ်လုံးရှိ ဗုဒ္ဓဘာသာ အခါတော်နေ့များကို တင်ပြလိုပါသည်။
ဗုဒ္ဓဘာသာဝင်တို့၏ အခါတော်နေ့များမှာ
၁။ တန်ခူးလ နှစ်ဆန်းတစ်ရက် = နှစ်သစ်မင်္ဂလာအခါတော်နေ့
၂။ ကဆုန်လပြည့် = ဗုဒ္ဓအခါတော်နေ့ (ဗျာ၊ဖွား၊ပွင့်၊စံ)
၃။ နယုန်လပြည့် = မဟာသမယအခါတော်နေ့
၎။ ၀ါဆိုလပြည့် = ဓမ္မစကြာအခါတော်နေ့ (သန္ဓေ၊တောထွက်၊ဓမ္မစက်)
၅။ ၀ါခေါင်လပြည့် = မေတ္တာအခါတော်နေ့ (မေတ္တသုတ်)
၆။ တော်သလင်းလပြည့် = ဂရုဓမ္မအခါတော်နေ့
၇။ သီတင်းကျွတ်လပြည့် = အဘိဓမ္မာအခါတော်နေ့
၈။ တန်ဆောင်မုန်းလပြည့် = သာမညဖလ အခါတော်နေ့
၉။ နတ်တော်လပြည့် = ဓမ္မစာဆို အခါတော်နေ့
၁၀။ ပြာသိုလပြည့် = ရှင်တစ်ထောင်နေ့
၁၁။ တပိုတွဲလပြည့် = သြ၀ါဒပါတိမောက်အခါတော်နေ့
၁၂။ တပေါင်းလပြည့် = မြတ်ဗုဒ္ဓပြည်တော်ဝင် အခါတော်နေ့ -ဟူ၍ လအလိုက် အခါတော်နေ့များ သတ်မှတ်ခေါ်ဝေါ်ခဲ့ကြပါသည်။ ထိုနေ့များတွင် ၀ါခေါင်လပြည့် မေတ္တာအခါတော်နေ့သည် တစ်နေ့အပါအ၀င် ဖြစ်ပါသည်။

✩ ”အကောင်းဆုံး ရနံ့” ✩

✩ အကြင်ပန်းရနံ့သည် လေစုံ လေကြေ၌လည်းကောင်း၊ လေဆန်လေညာ၌
လည်းကောင်း၊ အညီအမျှ ရနံ့လှိုင်ပျံ့၏။ သီလဂုဏ်ကြောင့် စုန်ဆန်ပျံ့နှံ့နိုင်သော
ထိုသို့သဘောရှိသော ပန်းနံ့သည် အဘယ်မှာရှိအံ့နည်း။

✩ ဤတွင် ရှင်အာနန္ဒာအမေးနှင့် ဘုရားရှင်အဖြေကို ဖော်ပြလိုပါသည်။ သို့မှ
သာ အထက်ပါဒေသနာတော်၏ သဘောသဘာဝမှာ သာလွန်လှပ၍ ခိုင်လုံတိ
ကျပါမည်။
✩ဘုရားရှင်သာဝတ္ထိပြည် ဇေတဝန်ကျောင်းတော်၌ သီတင်းသုံးတော်မူခိုက် အ
ခါတစ်ပါးတွင်ဖြစ်၏။ ရှင်အာနန္ဒာသည် တစ်နေ့သော ညနေချမ်းအခါ တစ်ပါး
တည်း ကိန်းအောင်းရာမှ ထ၍ ဘုရားရှင်ထံတော်ပါး ဝပ်တွားရှိခိုးပြီး လျှောက်
ထား၏။

ကျက်သရေမင်္ဂလာ အဖြာဖြာရှိစေရန်

 ကုသိုလ်ကောင်းမှူဟူသမျှတို့ တွင် ၀ိပဿနာ ဘာဝနာ ကုသိုလ်သည် အကောင်းဆုံးဖြစ်၏။

ဗုဒ္ဓရှင်တော်မြတ်သည် ကုသိုလ်ကောင်းမှူလုပ်သူ ပုဂ္ဂိုလ်အပေါင်းတို့တွင် ၀ိပဿနာ ဘာဝနာကို

ပွားများသော ပုဂ္ဂိုလ်အားသာလျှင် ချီးမွမ်းတော်အမူဆုံးဖြစ်၏။

  ၀ိပဿနာ ဘာဝနာကား  အဂ္ဂသာဝက  မဟာသာဝကများနှင့်တကွ ဗုဒ္ဓမြတ်စွာ ကိုယ်တော်တိုင်

သဘောတူ ချီးမွမ်းတော်မူခဲ့ကြဖူးသည်။ဝိပဿနာ ဘာဝနာကို သဘောတူချီးမွမ်းတော်မူခဲ့ကြပုံကို

မူလပဏ္ဏာသ ပါဠိတော် ပဟာယမက ၀ဂ် မဟာဂေါသိင်္ဂသုတ်`၌ လာသည်ကို အတိုချုပ်သဘော

အားဖြင့် ဖော်ပြပေအံ့။

 

 အခါတစ်ပါး`၌ အရှင်သာရိပုတ္တရာ အရှင်မြတ်က အရှင်အာနန္ဒာအား မေးတော်မူသည်မှာ

ဤ အင်ကြင်းတောကြီးသည် အပွင့်တို့ ဖြင့် တတောလုံး ကြည့်ရှူတင့်တယ် မွေ့ လျော်ဖွယ်ရာ

ဖြစ်လျှက်ရှိ၏။ ထိုမျှ လှပတင့်တယ် ပင်လုံးကျွတ်ပွင့်ကုန်သော အင်ကြင်းတောကြီးကို ပို၍

ကျက်သရေမင်္ဂလာ အဖြာဖြာနှင့် ပြည့်စုံရန် အဘယ်ကဲ့သို့ ပြုရသော် ကောင်းမည်ထင်သနည်းဟု

မေးတော်မူ၏။