ပြာသိုလ

  

ပြာသိုလ

ပြာသိုသည် မြန်မာပြက္ခဒိန်၏ ဒဿမလ။ ပြာသိုလတွင် ၃၀ ရက်ရှိသည် (ရက်စုံ)။

(ပြာသို) ဆယ်လသည် ဒီဇင်ဘာ၊ ဇန်နဝါရီ အတွင်း ကျရောက်သည်။ 'ပျားကောင်' ကို ရည်ညွှန်းသည်။ 'သိုဝ်' မှာ 'စုဆောင်း သိုလှောင်ခြင်း' ဖြစ်ပါသည်။ ယခုလတွင် ပျားရည်နှင့် ပျားဖယောင်းများကို စုဆောင်းကြသည်ဟု ခန့်မှန်းနိုင်သည်။ ရှေးမြန်မာတို့သည် ပျားရည်ဖြင့်ပြုလုပ်သည့် ယနံ့ (ရနံ့) ကို ကြိုက်နှစ်သက်သဖြင့် ဤကဲ့သို့ စုဆောင်းခြင်းဖြစ်ပါသည်။ အထိမ်းအမှတ် ပန်းအနေဖြင့် ခွာညိုပန်း (Clematis smilacifolia) ကို သတ်မှတ်သည်။
ပွဲတော်

ပြာသိုလတွင် မြင်းခင်းသဘင်ပွဲရှိသည်။

လူ့အထက်တန်း တက်ရာလမ်း အပိုင်း(၁၀)

သားသမီးဝတ် (၅)ပါး

(၁) မိမိအား ကျွေးမွေးပြုစုခဲ့ကြသော မိဘတို့ကို ပြန်၍ ပြုစုခြင်း။
(မိဘတို့သည် မိမိကို ငယ်ရွယ်စဉ်ကစ၍ နို့ချိုတိုက်ကျွေး မွေးခဲ့ကြ၏၊ အညစ်အကြေး နှပ်တို့ကို သုတ်သင်ပေးခဲ့ကြ ၏၊ ရေမိုးချိုးပေး၍ အမွှေးအကြိုင်များကိုလည်း လိမ်းပေးကြ၏၊ တော်တော်ကြီးလာလျှင် စကားသင်ပေးကြ၏၊ ဤသို့ မွေးကျွေး ပြုစုခဲ့သော မိဘတို့ကို အိုမင်းမစွမ်းရှိသောအခါ ကျေးဇူးဆပ်သောအားဖြင့် ပြန်၍ ပြုစုမှ သားသမီးဝတ် ကျေသည်။)
(၂) မိဘတို့၏ မင်းကိစ္စ၊ အရပ်ကိစ္စ၊ စီးပွားရေးကိစ္စ ရှိသောအခါ ထိုကိစ္စကို ပြုပေးခြင်း။
(မိဘတို့ကို ကိုယ်တိုင် မရွက်ဆောင်စေဘဲ မိမိက မိဘတို့တာဝန် ယူ၍ ဆောင်ရွက်ပေးခြင်း။)
(၃) မိဘတို့၏ အမျိုးအနွယ်ကို မတိမ်ကောရအောင် စောင့်ရှောက်ခြင်း။
(ရှေးခေတ်က အမျိုးကောင်းခြင်းကို ကြီးကျယ်သောဂုဏ်ဟု အယူရှိကြ၏၊ ထို့ကြောင့် အမျိုးကောင်းသားသမီးသည် မိမိအမျိုးကို နိမ့်ကျမသွားအောင် ထိန်းသိမ်းရ၏၊ အမျိုးတို့၏ အကျင့်အတိုင်း ကျင့်ရ၏၊ မိဘတို့၏ အမွေအနှစ်ဖြစ် သော လယ်ယာ ရွှေငွေများကို မပျက်စီးအောင် မိဘတို့ အလှူဒါနဝတ်ကို မပျက်စီးအောင် စောင့်ရှောက်ရ၏၊ အယူမှားနေသော မိဘကို အယူမှန်အောင် ပြောပြပေးခြင်းလည်း အမျိုးအနွယ်ကို စောင့်ရှောက်ရာ ရောက်၏။)

လူ့အထက်တန်း တက်ရာလမ်း အပိုင်း(၁၁)

သုခ (၄)မျိုး။ ။ ဗုဒ္ဓမြတ်စွာသည် အနာထပိဏ်သူဌေးအား သုခလေးမျိုးကို ဟောတော်မူ၏။ သုခသည် အတ္ထိသုခ၊ ဘောဂသုခ၊ အာနဏျသုခ၊ အနဝဇ္ဇသုခ- အားဖြင့် လေးမျိုးရှိ၏။
(စတုက္က အင်္ဂုတ္တိုရ်၊ ဒုတိယပံ၊ ပတ္တကမ္မဝဂ်)

အတ္ထိသုခ။ ။ “ ယောက်ျားတို့၏ လုံလဝီရိယအား လက်ရုံးအားတို့ဖြင့် ချွေးကျအောင် ရှာဖွေစုဆောင်းထားအပ်၊ တရားသော နည်းလမ်းဖြင့် ရအပ်သော စီးပွားဥစ္စာတို့သည် ငါ့မှာ ရှိပေသည်တကား ” ဟု စဉ်းစားလိုက်သောအခါ ထိုစီးပွားစုပြီးဖြစ်သူမှာ စိတ်ချမ်းသာမှုတစ်မျိုး ဖြစ်ပေါ်လာ၏၊ ထိုစိတ်ချမ်းသာမှုကို “ အတ္ထိသုခ- ရှိလို့ ချမ်းသာခြင်း ” ဟု ခေါ်သည်။


ဘောဂသုခ။ ။ ထိုသို့ အပင်ပန်းခံ၍ တရားသဖြင့်ရအောင် ရှာဖွေစုဆောင်းထားအပ်သော ဥစ္စာစီးပွားတို့ဖြင့် အိမ် တိုက် တည်ဆောက်ကာ ထိုက်တန်သော အသုံးအဆောင် အစားအသောက်တို့ကို သုံးစွဲ စားသောက်ရသော အခါနှင့် ကုသိုလ်ကောင်းမှု ပြုရသောအခါတို့၌ “ ငါသည် တပင်တပန်း ရှာထားသော စီးပွားတို့ဖြင့် ချမ်းသာစွာ သုံးစွဲ စားသောက်ရပေသည်၊ ကုသိုလ်ကိုလည်း ပြုရပေသည် ” ဟု တွေး၍ စိတ်ချမ်းသာမှု ကိုယ်ချမ်းသာမှု ဖြစ်ရ၏၊ ထိုသုခကို “ ဘောဂသုခ= ခံစားရလို့ ချမ်းသာခြင်း ” ဟု ခေါ်သည်။

အနာဂတ်သာသနာရေး အပိုင်း(၅၂) သမ္မာဝါယာမ....သမ္မာသမာဓိ

သမ္မာဝါယာမ

အားထုတ်မှု ၀ီရိယကို ““၀ါယာမ””ဟု ခေါ်၏၊ မတရားသဖြင့် ပစ္စည်းရှာမှု ပါဏာတိပါတ အမှုစသည်ကို ပြုရာ၌ လုံ့လ ၀ီရိယ ပါကြရသည်၊ ထိုဝီရိယမျိုးကို ““မိစ္ဆာဝါယာမ””ဟု ခေါ်၏၊ ထိုဝီရိယမျိုး မဖြစ်စေဘဲ တရားသော နည်းလမ်းဖြင့် ကြိုးပမ်းအားထုတ်မှုသည် ““သမ္မာဝါယာမ””ချည်း သာတည်း၊ ထိုဝါယာမကို ကျမ်းဂန်တို့၌ လေးမျိုးပြ၏။

          ၁။ သူတစ်ပါး၌ ဖြစ်တတ်သော အကုသိုလ်မျိုးသည် ယခုဘ၀၌ မိမိမှာ တစ်ခါမျှ မဖြစ်ဖူးသေးလျှင် ထိုအကုသိုလ်မျိုး မဖြစ် အောင် ကြိုးစား၍ ရှောင်ရှားခြင်းသည် သမ္မာဝါယာမတည်း။

          ၂။ ထိုအကုသိုလ်မျိုး ဖြစ်မိပြန်လျှင် နောက်ထပ် မဖြစ်အောင် အကုသိုလ် မတိုးပွားအောင် ကြိုးစားခြင်းသည် ဖြစ်ပြီး အကုသိုလ်ကို ပယ်ရှားသော သမ္မာဝါယာမတစ်မျိုးတည်း။

          ၃။ မိမိသန္တာန်၌ မဖြစ်ဖူးသေးသော ကုသိုလ်အထူးကိုရအောင် ဈာန် မဂ် အထိ ကြိုးစားခြင်းသည် မဖြစ်သေးသော ကုသိုလ် ဖြစ်အောင် ကြိုးစားသော သမ္မာဝါယာမ တစ်မျိုးတည်း။

အနာဂတ်သာသနာရေး အပိုင်း(၅၁) သမ္မာဝါစာ---သမ္မာအာဇီဝ

သမ္မာဝါစာ

မုသာဝါဒ =  မုသားပြောမှု  (လိမ်မှု,  လှည့်ပတ်မှု, ညာဖြန်းမှု) ပိသုဏ၀ါစာ=ရန်တိုက်မှု၊ ဖရုသ၀ါစာ= ကြမ်းတမ်းယုတ်မာ ဆဲဆိုမှု၊ သမ္ဖပ္ပလာပ= အဖျင်းစကား အပျက်စကား (သက်သက် ရယ်မောစရာသာ ဖြစ်၍ အကျိုးမရှိသော စကား) ပြောမှုများကို “၀စီဒုစရိုက် = နှုတ်ဖြင့် မကောင်းပြုကျင့်မှု” ဟု ခေါ်၏၊ ““မိစ္ဆာဝါစာ””ဟုလည်း ခေါ်၏၊ ထိုစကားလေးမျိုးကို ပြောခွင့်ကြုံလာလျက်  မပြောမိအောင် ရှောင်ခြင်းသည် သမ္မာဝါစာမည်၏။

          မှန်သောစကားကိုသာ ပြောခြင်း၊ တစ်ယောက်နှင့်တစ်ယောက် မကွဲပြားအောင် ညီညီညွတ်ညွတ် သင့်သင့်မျှမျှ ရှိအောင် ပြောပေးခြင်း၊ နားထောင်သူတို့မှာ အကျိုးများသော စကားကို သာယာ ချေငံစွာ ပြေပြေပြစ်ပြစ် ပြောခြင်း၊ ကြားနာသူတို့၏ ကောင်းကျိုး သက်သက်ကို မျှော်၍ (ဂုဏ်ရဖို့ လာဘ်ရဖို့ကို မမျှော်ဘဲ) တရား ဟောပြခြင်းများလည်း သမ္မာဝါစာပင်တည်း။

"မှတ်ဉာဏ်ကောင်းချင် လျှင် "

…………………………………

ဒေါက်တာ နန္ဒမာလာဘိဝံသ

သင်္ဂါရဝ ဆိုတဲ့ ပုဏ္ဏားကြီးက ဘုရားကို ဗေဒင်
ကျမ်းတွေသင်ယူထားပေမယ့် မေ့ကုန်တယ်
ပျောက်ကုန်တယ် ဘာကြောင့်ပါလဲဘုရား တဲ့။

မြတ်စွာဘုရားက ရှင်းရှင်းလေး ဥပမာ ပေးထား
တာရှိတယ်။ မိမိရုပ်သွင် ကိုဘာနဲ့ ကြည့်လဲ
ရှေးတုန်းက မှန်မရှိလို့  ရေခွက်ထဲရေထည့်ပြီး
အရိပ်ပေါ်လာတာကို ကြည့်တယ်။ဘာလို့ အရိပ်
ထင်တာလဲမေးလို့ ရှိရင် ရေဟာပကတိကြည်လင်
နေလို့ ပဲ။ဒါကို ဘုရားက ဥပမာပေးထားတယ်။

ကိုယ့်စိတ်ကလေးကို ရေလို့ သဘောထားကြည့်


(၁) အရောင်ဆိုးထားတဲ့ရေလို ကိုယ့်စိတ်ဟာလည်း
ပဲ အရောင်ဆိုးခံထားရပြီဆိုရင်တော့ သင်ထားတဲ့
စာတွေဟာပေါ်လာမှာ မဟုတ်ဘူး။

သရဏနှင့် သရဏဂုံ

Dhamma Daythaka with Daw Khin Aye Win and 35 others

{{{ သရဏနှင့် သရဏဂုံ }}}-{{{ ချမ်းမြေ့ဆရာတော် }}}
ရတနာသုံးပါးသည် သရဏ
ဗုဒ္ဓရှင်တော်မြတ်ဘုရား ကိုယ်တိုင် အကျင့်မှန် သိလို့ အဲဒီ အကျင့်မှန်ကို ကျင့်တဲ့အတွက် အရှိသဘာဝကို အရှိအတိုင်း သိမြင်တော်မူတော့ ‘လောဘ’ ‘ဒေါသ’ ‘မောဟ’ ကိလေသာတွေ ငြိမ်းလို့မို့ ဆင်းရဲငြိမ်းတော်မူတယ်။

ရှင်တော်မြတ်ဘုရားက ပြန်ပြီး ဟောကြားတော်မူတဲ့အခါမှာလဲ ဒီဆင်းရဲငြိမ်းကြောင်း တရားတွေကိုပဲ ကျင့်တော်မူ သိတော်မူတဲ့အတိုင်း ဟောကြားတော်မူတော့ ဒီတရားတော်တွေဟာ အမှန်တရားတွေ ဖြစ်လာတယ်။
အမှန်တရားတွေဆိုတော့ တရားတွေဟာလဲပဲ ဆင်းရဲငြိမ်းလိုတဲ့ ပုဂ္ဂိုလ်များ အားကိုး အားထားရာ ကိုးကွယ်ရာ ဆည်းကပ်ရာ အဖြစ်နဲ့ ယုံကြည်ရ လက်ခံရ လိုက်နာကျင့်ကြံရ ကိုးကွယ်ရမည့် ‘သရဏ’တွေပဲ။
အဲဒီ တရားတွေအတိုင်း လိုက်နာ ကျင့်ကြံကြလို့ ဆင်းရဲ တစိတ်တဒေသ ငြိမ်းတဲ့ သံဃာတော်တွေ၊ ဆင်းရဲ များစွာ ငြိမ်းတဲ့ သံဃာတော်တွေ၊ ဆင်းရဲ လုံးဝ ငြိမ်းတဲ့ သံဃာတော်တွေဟာ ဘုရားရှင်ရဲ့ သာသနာတော် နှစ်ပေါင်း ၂၅၇၀ ကျော် ကာလ အတွင်းမှာ များစွာ ပေါ်ပေါက်ခဲ့တယ်။

အနာဂတ်သာသနာရေး အပိုင်း(၅၀) သမ္မာသင်္ကပ္ပ

သမ္မာသင်္ကပ္ပ

**********

ကာမသင်္ကပ္ပ

[သမ္မာ = ကောင်းသော, အပြစ်ကင်းသော+သင်္ကပ္ပ = ကြံစည်မှု, စိတ်ကူးမှု, စဉ်းစားမှု၊]  လောက၌ ““မိစ္ဆာသင်္ကပ္ပ””ဟု ခေါ်ရသော မကောင်းသော အကြံ အစည် စိတ်ကူးစဉ်းစားမှု များသည် ““ကာမသင်္ကပ္ပ, ဗျာပါဒသင်္ကပ္ပ, ၀ိဟိံသာသင်္ကပ္ပ””ဟု သုံးမျိုးရှိ၏၊

ချဲ့ဦးအံ့… လှပသောအဆင်း, သာယာဖွယ်အသံ, မွှေးကြိုင်သောအနံ့, ကောင်းသောအရသာ, ကောင်းသောအတွေ့အားဖြင့် ငါးပါးသော ကာမဆိုင်ရာအာရုံများကို ခံစားချင်သော ဇောစိတ်ဖြင့် တွေးတောကြံစည် စိတ်ကူးနေခြင်း, ခံစားပြီးသည်ကို  မှန်းဆ၍ တမ်းတအောက်မေ့နေခြင်း ထိုအာရုံ များကို ခံစားဖို့ရန် ပစ္စည်းဥစ္စာ, နေရာထိုင်ခင်း, အိမ်ဝင်း ဥယျာဉ် စသည်တို့ကို ရအောင် ရှာဖွေကြံစည်နေခြင်းသည် ကာမဆိုင်ရာကို ကြံစည်နေသော ကာမသင်္ကပ္ပ မည်၏။

အနာဂတ်သာသနာရေး အပိုင်း(၄၉) သမ္မာဒိဋ္ဌိ

သမ္မာဒိဋ္ဌိ

[သမ္မာ = မှန်သော + ဒိဋ္ဌိ = အမြင် (အသိဉာဏ်)]

မှန်သော ဉာဏ်အမြင်ကို ““သမ္မာဒိဋ္ဌိ””ဟု ခေါ်၏၊ ထို သမ္မာဒိဋ္ဌိသည် ကမ္မဿကတာဉာဏ်, ၀ိပဿနာဉာဏ်ဟု နှစ်မျိုးရှိ၏၊ ကောင်းသောအရာဖြစ်စေ, မကောင်းသောအရာဖြစ်စေ သိသိ သာသာ စိတ်ပါလက်ပါ ပြုအပ်သော ကိုယ်မှု နှုတ်မှု စိတ်မှုတို့သည် အမှတ်တမဲ့စိတ်များနှင့် မတူဘဲ ဆိုင်ရာကိစ္စ၌ ဗျာပါရ ရှိနေကြသည်၊ ထိုစိတ်၏ ဗျာပါရ (စိတ်၏လှုံ့ဆော်မှု)ကိုပင် အဘိဓမ္မာသဘော အားဖြင့် ““စေတနာစေတသိက်””ဟု ခေါ်၍ ထိုလှုံ့ဆော်မှု စေတနာ ဗျာပါရကိုပင် ““ကံ=အမှုသည်=လက်သည်””ဟု ဆိုရပါသည်၊ ပြုလုပ် ပြောဆို ကြံစည်စိတ်ကူးပြီးသောအခါ ထို(စေတနာ)ကံသည် ချုပ်ကွယ်သွားသော်လည်း သူ၏သတ္တိကား မပျောက်ကွယ်ဘဲ ခန္ဓာ အစဉ်မှာ တည်ရှိရစ်ပါသည်။

အနာဂတ်သာသနာရေး အပိုင်း(၄၈) အတ္တကိလမထအကျင့်

အတ္တကိလမထအကျင့်

          [အတ္တ = အတ္တဘော = ခန္ဓာကိုယ် +  ကိလမထ=ပင်ပန်းကြောင်းအကျင့်]

ဗုဒ္ဓ ထွန်းပေါ်တော်မမူမီက ရသေ့တို့သည် ခန္ဓာကိုယ်တွင်း၌ ကိလေသာ ကာမစိတ်တွေ သောင်းကျန်းနေခြင်း၏ အပြစ်ကို မြင်ကြ၍ ထိုကာမစိတ်ဓာတ် နည်းပါးစေနိုင်သော အကျင့်ကို ရှာကြလေရာ ““ခန္ဓာကိုယ် ၀၀ဖြိုးဖြိုးနှင့် တိုးတက်စည်ပင်နေလေသမျှ ကာမတဏှာ ကိလေသာ အစိုအစေးဓာတ်လည်း မပြတ်စိုနေစရာ ရှိ၏၊ ဤခန္ဓာကိုယ် မစိုမလန်း ခြောက်ခန်းနေလျှင် ထန်းနို့ခြောက်မှ ထန်းရည် မထွက်နိုင်သကဲ့သို့ ကိလေသာ အစိုဓာတ်လည်း ခြောက်ကပ် ပျောက်ကွယ်ဖွယ် ရှိ၏””ဟု ကြံဆပြီး မိမိ ကိုယ်ခန္ဓာ ပင်ပန်းနွမ်းနယ်အောင် နှယ်ကြလေတော့၏၊ အစာကို ခြိုးခြံကာ ပဲပြုတ်ရည်ကလေးမျှလောက်ကိုသာ စားသောက်၍ ကျင့်ကြ၏၊ (အလောင်းတော်သည်ပင် ထိုအကျင့်ကို ကျင့်ခဲ့သေး၏၊)

အချို့ကား နွေခေါင်ခေါင် နေပူ၌ လေးမျက်နှာက မီးဖိုကြီး လေးဖို ဖိုပြီးလျှင် ထိုအလယ် ၀င်နေ၍ နေပူနှင့်တကွ အပူငါးမျိုးကို ခံကာ ““ပဉ္စာတပ= ပဉ္စ + အာတပ””ခေါ် အကျင့်ဖြင့် ကိလေသာအစို ပျောက်အောင် ခန္ဓာကိုယ်ကို အပူတိုက်ကြလေ၏၊ အချို့ကမူ ခုတင် စသည်၌ ဆူးတွေ စိုက်ပြီးမှ အနာခံ၍ အိပ်ကြလေ၏၊ ထိုသို့ နာကျင်နေလျှင် ကိလေသာစိတ်တွေ မဖြစ်နိုင်တော့ဟု ယူဆကြလေသည်၊ တချို့ ကား ““ချမ်းပါပေ့””ဟု ဆိုရသော ဆောင်းကာလ၀ယ် ရေချိုးကာ ကိလေသာကို ရေ၌ မျှောကြ၏၊ ထိုအကျင့်မျိုးတွေကို ““အတ္တ ကိလမထအကျင့်””ဟု ခေါ်၏။

အနာဂတ်သာသနာရေး အပိုင်း(၄၇) အဓိပ္ပာယ်ရှင်းပြချက်

အဓိပ္ပာယ်ရှင်းပြချက်

ဤအခန်းကို   ကြည့်ရှုသူတို့အား ဓမ္မစကြာတရား စ၍ ဟောတော် မူချိန်ကို ခန့်မှန်းစေလိုပါသည်၊ ရှင်တော်မြတ်သည် ဗုဒ္ဓဖြစ်ပြီးခါစ သက်တော် (၃၅)နှစ် အရွယ်မျှဝယ် ကမ္ဘာလောက၌ ထူးခြားသော တရားတော်ကို ပထမဆုံး ဟောတော်မူရမည့် အခါပေတည်း၊ လူ ပုဂ္ဂိုလ်ထဲက ငါးဦးမျှသောပဉ္စ၀ဂ္ဂီတို့သည် တရားဦးကို နာယူမည်ဟု မျှော်လင့်တောင့်တ စောင့်ဆိုင်းခဲ့ကြသည်မှာ (၃၅)နှစ်လောက်ပင် ကြာပါပေပြီ၊ 

ယခုအချိန်မှာ သူတို့ မျှော်လင့်နေသော အလောင်းတော်မင်းသား၏ ဗုဒ္ဓဖြစ်ကြောင်းကို ယုံကြည်လာကြပြီ ဖြစ်၍ တရားတော်ကို နာလိုသောဆန္ဒလည်း အလွန်ထက်သန်လျက် ရှိကြပေလိမ့်မည်၊ နေရာဌာနမှာလည်း လူသံကင်းဝေး အေးဆေးငြိမ်သက် လှစွာ မိဂဒါဝုန် ရဂုံမြိုင်တွင်းဖြစ်၏၊ အချိန်မှာ ၀ါဆိုလပြည့်နေ့ဝယ် နေစွယ်ယွန်း၍ လ၀န်းပေါ်စအချိန် ဖြစ်ပေသည်၊ ထိုအချိန်ကောင်းဝယ် အရွယ် (၃၅)နှစ်မျှ အားအင်တော်ပြည့်၍ ၀ါဝင်းသပ္ပာယ်သော ကိုယ်ခန္ဓာတော်တွင် ကြည်လင်အေးမြသော မျက်နှာတော်ဖြင့် သာယာသော အသံတော်ကို ထုတ်ဖော်ကာ ““ဒွေမေ ဘိက္ခဝေ အန္တာ ပဗ္ဗဇိတေန န သေ၀ိတဗ္ဗာ”” အစချီသော တရားရတနာကို မိန့်တော်မူပါသည်။

အနာဂတ်သာသနာရေး အပိုင်း(၄၆)ဓမ္မစကြာတရားတော်

ဓမ္မစကြာတရားတော်

အမှာစကား

ဤတရားတော်ကို နဂို ဟောတော်မူရင်း အစဉ်အတိုင်း နားလည်လောက်အောင် ရေးနေရလျှင် ထိုတရားတော်ဖြင့် ဓမ္မအခန်း တစ်ခန်းလုံး ဖုံးသွားဖွယ်ရှိ၏၊ ဤကျမ်းကား တရားတော်၏ လေးနက်ပုံကိုလည်းကောင်း, ထိုတရားတော်ကို ဟောပြတော်မူသော ဗုဒ္ဓ၏ ဉာဏ်တော်ကိုလည်းကောင်း,  (မယုံကြည်တတ်သေးသူတို့) မှန်းဆကြစေလိုသည့်အပြင် ထိုတရားတော်အရ တည်ဆောက်ထားသော သာသနာ့အဆောက်အအုံကြီးကို ခိုင်ဖြီး ခမ်းနားအောင် ပြုပြင်လိုသောကြောင့် စီစဉ်အပ်သော ကျမ်းစာဖြစ်ရကား တရားတော် အစဉ်ကျအောင် လုံးစေ့ပတ်စေ့ ရေးခွင့်မရတော့ပါ၊ ထို့ကြောင့် ထိုထိုသုတ္တန်တော်ကြီးများမှ လိုရင်း အချက်များကိုသာ ထုတ်ဖော်ညွှန်ပြရပါလိမ့်မည်။

အနာဂတ်သာသနာရေး အပိုင်း(၄၅) ဗုဒ္ဓရှင်တော်နှင့်ပဉ္စ၀ဂ္ဂီ

ဗုဒ္ဓရှင်တော်နှင့်ပဉ္စ၀ဂ္ဂီ

ပဉ္စ၀ဂ္ဂီတို့နှင့်တွေ့ပုံ

ထိုသို့  ဆွမ်း စသည်ကို  စားတော်မူလျှင် မကြာခင်နဂိုအသားအရေဖြစ်၍ လမ်းမှန် ကျကျ တရားအားထုတ်တော်မူလေရာ ပထမဈာန်မှ စ၍ လောကီ ဈာန်ကို ရတော်မူပြီးလျှင် အတော်ကြာသောအခါ ဗုဒ္ဓအခန်း၌ ပြခဲ့သည့်အတိုင်း ဗုဒ္ဓအဖြစ်သို့ ရောက်တော်မူပြီးနောက် တရားဦး ဟောဖို့ရန် ပဉ္စ၀ဂ္ဂီတို့ ရှိရာ မိဂဒါဝုန်တောသို့ ကြွတော်မူလေသော် ပဉ္စ၀ဂ္ဂီတို့သည် ဗုဒ္ဓရှင်တော်မြတ်ကို ““ဗုဒ္ဓ မဖြစ်သေး””ဟု အယူရှိ သောကြောင့် ““ငါ့ရှင် ဂေါတမ””ဟု ပြောဆိုကြလေသည်။

ပဉ္စ၀ဂ္ဂီ  ။         ။         ငါ့ရှင် ဂေါတမ… ဥရုဝေလတော၌ ကမ္မဋ္ဌာန်းအား ထုတ်နေစဉ် ကျုပ်တို့က ငါ့ရှင်ရဲ့ သပိတ်, သင်္ကန်းကို ယူပြီး (ဟိုဟိုသည်သည်)လှည့်လည်ခဲ့ကြတယ်နော်၊ မျက်နှာသစ် ရေ, တံပူတို့ကိုလည်း ပေးခဲ့ကြတယ်၊ ငါ့ရှင်နေတဲ့ ကျောင်း တလင်းကိုလည်း တံမြက်လှည်းခဲ့ကြ တယ်၊ သည့်နောက် ကျုပ်တို့ ဒီရွှေ့လာတဲ့အခါ ဘယ်သူက ၀တ်ကြီး ၀တ်ငယ် ပြုပါသလဲ။

အနာဂတ်သာသနာရေး အပိုင်း(၄၄) အတ္တကိလမထအကျင့်

အတ္တကိလမထအကျင့်

ဤသို့ ပင်ပန်းခံ၍ ကျင့်ခြင်းကို ““ အတ္တကိလမထအကျင့် ”” ဟု ခေါ်၏၊ (အတ္တ= ခန္ဓာကိုယ် အတ္တဘောကို + ကိလမထ= ပင်ပန်း ခံကြောင်းအကျင့်) ထိုခေတ်က ထိုကဲ့သို့ ပင်ပန်းခံသော အကျင့် များကို အသားယူ၍ ဘုရားတစ်ဆူ လုပ်နေကြသူတွေရှိ၏၊ ရေပူ ရေချမ်း ကမ်းလှမ်း၍ လုပ်ကျွေးနေကြသော ပဉ္စ၀ဂ္ဂီတို့လည်း ထိုသို့ ပင်ပန်းစွာ ကျင့်၍ နေပုံကို မြင်ရသဖြင့် ဧကန် ဗုဒ္ဓဖြစ်တော့မှာပဲဟု အားရပါးရ မျှော်လင့်နေကြလေသည်၊ အလောင်းတော်မှာကား ထိုမျှလောက် အပင်ပန်းခံမှုကြောင့် ဗုဒ္ဓဖြစ်ခန်းနှင့် ဝေးသော လမ်းမှားကို လိုက်သွားမိလေသည်။

အနာဂတ်သာသနာရေး အပိုင်း(၄၃) အလောင်းတော်ကြိုးစားပုံ

အလောင်းတော်ကြိုးစားပုံ

[ဒုက္ကရ = ခဲယဉ်းစွာ ပြုအပ်သောအကျင့်ကို+စရိယာ=ကျင့်ပုံ၊] ဤ နေရာ၌ ဒုက္ကရစရိယာကျင့်ပုံကို အကျဉ်းမျှ ပြအံ့၊ အလောင်းတော် သည် ကာမအာရုံ၌ ခံစားလိုစိတ် မရှိသဖြင့် အတွင်းဓာတ် မစိုသော ထင်းနှင့် တူ၏၊ ယသော်ဓရာထိပ်ခေါင်တင်နှင့်တကွ မောင်းမမိဿံ အခြွေအရံများကို လွတ်လွတ်ကျွတ်ကျွတ်စွန့်ခဲ့ပြီးဖြစ်၍ ရေမနီးသော  ကုန်းခေါင်ခေါင်ကြီး၌ ပစ်၍ထားအပ်သော ထင်းနှင့်တူသည်၊ ထို့ကြောင့် အလောင်းတော်သည် ထင်လာသော ဥပမာသုံးချက်တွင် တတိယဥပမာနှင့် တူနေပေပြီ၊ ရှေ့ကို ကြိုးစားလျှင် တရားထူးမီး ထွက်ဖို့ရာ အဆင်သင့်ပေတည်း။

          ထို့ကြောင့် ဗုဒ္ဓအလောင်းတော်သည် (ငါလို ပုဂ္ဂိုလ်မျိုးအား ထူးခြားသော အသိဉာဏ်မရဘဲ နေနိုင်မည်လား)ဟု အံကြိတ်၍ တောက်ခေါက်ပြီးလျှင် အကုသိုလ်စိတ်ကို ကုသိုလ်စိတ်ဖြင့် (မီးပွတ်သလို) အတင်းဖိနှိပ်ကာ မဆုတ်မနစ် အပူတပြင်း ကြိုးစားတော်မူလေသည်၊ ထိုအခါ လက်ကတီးကြား (ချိုင်းကြား)တို့မှ ချွေးများ ယိုစီးလာ၏၊ ၀ီရိယကား အလွန်ပြင်းထန်၏၊ ဆုတ်နစ်ခြင်း လုံးဝမရှိ၊ သတိလည်း အကုသိုလ်စိတ် မဖြစ်ရအောင် အလွန်ကောင်းစွာ ထားလျက်ရှိသည်၊ ထိုသို့ ဆင်းရဲပင်ပန်းခံကာ ကြိုးစားအားထုတ်မှုက နှိပ်စက်သဖြင့် ခန္ဓာကိုယ်သည် အေးမြငြိမ်းချမ်းခြင်းမရှိဘဲ ပူလောင် နေသကဲ့သို့ ဖြစ်ရလေသည်။ [ထိုအချိန်မှာ အလောင်းတော်သည် အာနာပါနကမ္မဋ္ဌာန်းကို အားထုတ်တော်မူနေသည်။]

ထွက်သက် ၀င်သက်ချုပ်ပုံ

ထို့နောက် အလောင်းတော်သည် အသက် မရှူမရှိုက်ဘဲ ပါးစပ်နှင့် နှာခေါင်းတို့မှ လေ၀င် လေထွက် မရှိရအောင် ချုပ်တည်းစမ်းတော်မူ၏၊ ထိုအခါ နှာခေါင်းပေါက်တို့မှ လေတွေ ထွက်လာ၏၊ ပန်းပဲဖိုမှ ထွက်သောလေသံကဲ့သို့် ထိုလေသံသည် အလွန်ပြင်းထန်၏၊ ထိုအခါ နှာခေါင်းပေါက်မှလည်း လေမထွက်အောင် ချုပ်တည်းတော်မူပြန်၏၊ ထိုအခါ ထွက်ပေါက်မရ၍ မထွက်ရသော လေတို့သည် ဦးထိပ်သို့ တက်ကာ (ထက်စွာသောစူးဖြင့် မွှေသကဲ့သို့) ဦးထိပ်ကို မွှေနှောက် လေတော့၏။

          ထိုနည်းအတိုင်း ထွက်သက် ၀င်သက်တို့ကို ချုပ်တည်းထားပြန်ရာ အလွန်ပြင်းထန်သော ခေါင်းကိုက်ဝေဒနာ ဖြစ်ပေါ်လာလေ၏၊ အလွန် တင်းကျပ်စွာ သားရေပိုင်းဖြင့် ဦးခေါင်းကို စည်းထားသကဲ့သို့ တင်းကျပ်ကြီး ဖြစ်နေတော့၏၊ ထိုမှ တစ်ဖန် လေတို့သည် ၀မ်းဘက်သို့ လှည့်ကာ (နွားသတ်သမားက ဓားထက်ထက်ဖြင့် နွား၏ ဗိုက်ကို ဖြတ်လိုက်သကဲ့သို့) အလွန်ပြင်းထန်သော လေသည် ၀မ်းကို ဖြတ်လှီးသကဲ့သို့ ဖြစ်၏၊ ထို့နောက် မီးကျီးတွင်းထဲ ဆွဲချ လိုက်သကဲ့သို့ တစ်ကိုယ်လုံး ပူလောင်လာလေသော် စင်္ကြံသွားရင်း မူးမိုက်၍ လဲရှာလေတော့သည်၊ ထိုသို့ လဲ၍ မူးမေ့နေသောအခါ တချို့ နတ်များက ““သေပြီ””ဟု ထင်၍ နတ်အချို့က ““ရဟန္တာဖြစ်၍ သမာပတ်ဝင်စားနေတာ””ဟု ထင်မှားကြလေသတတ်။

အစားလျှော့၍ ဒုက္ခဖြစ်ပုံ

ထို့နောက် သတိရလာ၍ ၀ီရိယ မလျှော့သည့်အပြင်  လုံးလုံး အစာမစားဘဲ ကျင့်ရန် ကြံပြန်လေရာ (အစာမစားလျှင် နတ်တို့က နတ်သြဇာကို သွင်းပေးမည်စိုးသောကြောင့်) တစ်လက်ခုပ်လောက် တစ်လက်ခုပ်လောက် ပဲပြုတ်ရည်ကိုသာ သောက်၍ ကျင့်ပြန်လေသည်၊ ထိုသို့ အစာကို သိပ်လျှော့လိုက်ခြင်းကြောင့် ခန္ဓာကိုယ်သည် အလွန်အမင်း ပင်ပန်းတော်မူ၏၊ အရိုး အဆစ်တွေ ပေါ်နေ၏၊ တင်ပါးသားများပင် မရှိတော့ဘဲ ကုလားအုတ်၏ ခွာကဲ့သို့ ဖြစ်နေ၏၊ ကျောရိုးများလည်း ကိုးရိုးကားရား ဖြစ်နေတော့၏၊ နံရိုးများလည်း မမိုးရသေးသော အိမ်အချင်များကဲ့သို့ ကျိုးတိုးကျဲတဲ ဖြစ်နေ၏၊ မျက်လုံးများလည်း မျက်လုံးအိမ်အတွင်းသို့ဝင်ကာ ရေတွင်းထဲက ရေပွက်ကလေးကဲ့သို့ ထင်ရလေ၏။

          ဦးခေါင်းတော်ကား လေပူ နေပူလောင်ထား၍ ရှုံ့တွနေသော ဘူးခါးသီးကဲ့သို့ ဖြစ်နေ၏၊ ၀မ်းရေလည်း ကျောသို့ ကပ်နေရကား ၀မ်းဗိုက်ကို စမ်းလိုက်လျှင် ကျောရိုးများကို စမ်းသပ်မိတော့၏၊ အားလုံးသော အသားအရေ ရှုံ့တွနေရကား ကျင်ကြီးကျင်ငယ် စွန့်လျှင် လွယ်လွယ်နှင့် စွန့်၍မရဘဲ ထိုင်ရာမှ မှောက်လျက် လဲသွားတတ်လေသည်၊ အလောင်းတော်၏ နဂိုအသားအရေမှာ ၀ါဝင်း စိုပြေလှ၏၊ ထိုစဉ်ကမူ မည်းခြောက်၍ နေလေတော့သည်။

 

Credit to

တင်ပြသူ Yanan Sanein အချိန် 6:36 AM

အနာဂတ်သာသနာရေး အပိုင်း(၄၂) ဒုက္ကရစရိယာကျင့်တော်မူပုံ

ဒုက္ကရစရိယာကျင့်တော်မူပုံ

ပဉ္စ၀ဂ္ဂီငါးယောက်      

ငါးယောက်သော ပုဂ္ဂိုလ်များ၏အစု(အဖွဲ့)ကို ““ပဉ္စ၀ဂ္ဂီ”” ဟု ခေါ်၏၊  ဗုဒ္ဓ အလောင်းတော် ဖွားမြင်တော်မူ၍ မကြာမီ သုဒ္ဓေါဒနမဟာရာဇာသည်  ဗြာဟ္မဏပဏ္ဍိတ်  တရာ့ရှစ်ယောက်တို့ကို  ဖိတ်မန်၍ ကောင်းမွန်စွာ ကျွေးမွေးပြီးလျှင် ထိုဗြာဟ္မဏတို့တွင် ပညာအရှိဆုံး ရှစ်ယောက်ကို ရွေး၍ အလောင်းတော်ကလေး၏ ရုပ်လက္ခဏာ တော်ကို ကြည့်ရှုစေရာ ခုနစ်ယောက်သော ဗြာဟ္မဏတို့က ““ရုပ် လက္ခဏာအလိုအားဖြင့် တောထွက်လျှင် ဗုဒ္ဓဖြစ်ရမည်၊ လူ့ဘောင် နေလျှင် စကြာမင်းဖြစ်ရမည်””ဟု ဟောကြ၍ အငယ်ဆုံး ကောဏ္ဍည ဗြာဟ္မဏကမူ ““ဧကန်မုချ ဗုဒ္ဓ ဖြစ်ပါလိမ့်မည်””ဟု ဟောသည်။

          ထိုတွင် ကောဏ္ဍညဗြာဟ္မဏသည်““အိမ်ရာထောင်၍ လူ့ဘောင်နေလျှင် သားသမီးတွေနှင့် အစွန့်ရခက်မည်””ဟု ယူဆ၍ ထိုဗြာဟ္မဏ တို့၏ သားလေးယောက်နှင့်အတူ တောထွက်ပြီးလျှင် ရသေ့လုပ်ကာ အလောင်းတော်မြတ်၏ တောထွက်လာချိန်ကို စောင့်နေနှင့်၏၊ [ဗြာဟ္မဏရှစ်ယောက်တွင် သုံးယောက်က ဗုဒ္ဓနှင့်စကြာမင်းဟု နှစ်ခွန်း, ငါးယောက်က ဧကန် ““ဗုဒ္ဓဖြစ်ရမည်””ဟု ဟောပြီးလျှင် ထိုငါးယောက်သည်ပင် တောထွက်၍ ရသေ့လုပ်နေကြသည် ဟုလည်း ပါသရာသိသုတ်၌ တစ်နည်းပြ၏၊] ဗုဒ္ဓအလောင်းတော် တောထွက်လာသောအခါ သူတို့သည် ဗုဒ္ဓဖြစ်အောင် အားထုတ်နေ သော အလောင်းတော်ကို ရေပူရေချမ်း ကမ်းလှမ်းလုပ်ကျွေးနေကြလေသည်။

အနာဂတ်သာသနာရေး အပိုင်း(၄၁) သုတ္တန်တရားတော်

သုတ္တန်တရားတော်

သုတ္တန်တရားတော်များ၌  ဗုဒ္ဓနှင့် ဗုဒ္ဓသာဝကတို့၏ ရှေးဖြစ်ဟောင်း(ဇာတ် ကြောင်း) များလည်း ပါ၏၊ မင်္ဂလသုတ်, သိင်္ဂါလောဝါဒသုတ် စသည် ကဲ့သို့ လူအများ၏ ကိုယ်ကျင့်တရားများလည်း ပါ၏၊ လူ နတ် ဗြဟ္မာ တို့၏ အမေးပုစ္ဆာ ပြဿနာကို ဖြေရှင်းထားသော တရားများလည်း ပါ၏၊ ဒါနအကျိုး, သီလအကျိုး စသည်များနှင့်တကွ အကုသိုလ် ဒုစရိုက်များ၏ မကောင်းကျိုးများလည်း ပါ၏၊ သစ္စာလေးပါး, ပဋိစ္စ သမုပ္ပာဒ်, သတိပဋ္ဌာန် စသော အလွန်လေးနက်သော တရားများလည်း ပါ၏၊ ပညာရှိ လူ နတ် ဗြဟ္မာ တို့၏ စိတ်ကို ဆွဲဆောင်နိုင် သော (သတ္တ၀ါတို့ကို အကျွတ်တရားရစေနိုင်သော)တရားတော်ကား (၀ိနည်းနှင့် အဘိဓမ္မာ မဟုတ်) ဤသုတ္တန်တရားတော်များပင်တည်း၊

[ သုတ္တန်ဒေသနာတော်များကို  ဝေါဟာရဒေသနာဟု ခေါ်၏၊ ၀ိသေသေန-၀ိနည်း အဘိဓမ္မာတို့မှ ထူးသောအားဖြင့်၊ မနံ-သတ္တ၀ါ တို့၏ စိတ်ကို၊ ဟရတိ-ဆောင်ယူနိုင်၏၊ ဣတိ-ထို့ကြောင့်၊ ဝေါဟာရော-ဝေါဟာရ မည်၏၊]

မှန်၏၊…  ဓမ္မစကြာတရားတော်သည် သုတ္တန်ပင်တည်း၊ ထိုဓမ္မစကြာတရားတော်၏ အဆုံး၌ အရှင် ကောဏ္ဍညနှင့်တကွ ကုဋေများစွာ နတ် ဗြဟ္မာတို့ ကျွတ်တမ်းဝင်ကြပါသည်။

အနာဂတ်သာသနာရေး အပိုင်း(၄၀) နာမ်ကလာပ်စည်း ၊ ရုပ်ကလာပ်စည်း

နာမ်ကလာပ်စည်း

စိတ်တစ်ခုတစ်ခု ဖြစ်ရာ၌ စိတ်သက်သက် ဖြစ်သည် မဟုတ်၊ စိတ်နှင့်အတူ ဖြစ်၍ အတူ ပျက်ကြသော စေတသိက်ခေါ် တရားစုလည်း ပါဝင်ကြသေး သည်၊ ထိုတရားများကား အာရုံကို ဓာတ်သဘောအလိုက် ထိခိုက် သော ဖဿ, အာရုံအရသာကို ခံစားသော ဝေဒနာ, အာရုံကို မှတ် သားးသော သညာ, တွဲဖက်တရားများကို ဆိုင်ရာကိစ္စများ၌ ဆောင် ရွက်ဖို့ရာ  လှုံ့ဆော်သော စေတနာ,  အာရုံ၌ (တစ်ခဏမျှဖြစ်စေ) ငြိမ်သက်စွာ တည်တံ့နေသော ဧကဂ္ဂတာ (သမာဓိ), ထိုတရားတို့၏ အသက်ဟု ခေါ်ရသော ဇီဝိတိနြေ္ဒ, ထိုအာရုံကို နှလုံးသွင်းသော “မနသိကာရ”ဟု (အနည်းဆုံးအားဖြင့်) ဤတရား ခုနစ်ပါးသည် လည်း အမြဲပါနေပေသည်၊ ဤသို့ စိတ် စေတသိက်တို့ အစုလိုက် အစုလိုက် ဖြစ်ခြင်းကို ““နာမ်ကလာပ်””ဟု ခေါ်ကြစို့။ [နာမ=နာမ်+ ကလာပ=အစု။]