အနာဂတ်သာသနာရေး အပိုင်း(၅၅) နိရောဓသစ္စာ ရှင်းလင်းချက်

နိရောဓသစ္စာ ရှင်းလင်းချက်   

[နိရောဓ = ချုပ်ရာ, ကုန်ခန်းရာ၊]

ပြခဲ့သော သစ္စာ နှစ်ပါးတို့တွင်  သမုဒယတဏှာသည် ဒုက္ခဖြစ်ဖို့ရန် “အကြောင်းသစ္စာ”ပင်တည်း၊ ဒုက္ခဟူသမျှကား… တဏှာအရင်းခံ၍ ဖြစ်ရသော “အကျိုးသစ္စာ” ပင်တည်း၊ အကြောင်း တဏှာသမုဒယ ချုပ်ဆုံးလျှင် အကျိုးဒုက္ခအားလုံးလည်း ချုပ်ဆုံးရမည်သာ ဖြစ်၏၊ ကမ္မဋ္ဌာန်းကို အားထုတ် နေသူတို့သည် ကမ္မဋ္ဌာန်းလမ်းစဉ်ဖြင့် တက်သွားသောအခါ ဤ “နိရောဓ’’ မည်သော နိဗ္ဗာန်ကို ဉာဏ်ဖြင့် အထင်အရှား မြင်ကြ၏၊

ပထမအကြိမ် မြင်လိုက်လျှင်ပင် (သောတာပန်ဖြစ်၍) သဿတဒိဋ္ဌိ, ဥစ္ဆေဒဒိဋ္ဌိ နှစ်မျိုးနှင့် တွဲဖက်ဖြစ်သော ဘ၀တဏှာ, ၀ိဘ၀တဏှာ နှစ်မျိုးလုံး ထိုပုဂ္ဂိုလ်၏သန္တာန်မှ ကင်းသွားတော့၏၊ ဆက်လက် အားထုတ်၍ ထိုနိဗ္ဗာန်တရားကို ဒုတိယအကြိမ် မြင်လာသောအခါ (သကဒါဂါမ် ဖြစ်၍) ကာမတဏှာသည် အတော်နည်းသွား၏၊ တတိယအကြိမ် မြင်ပြန်သောအခါ (အနာဂါမ် ဖြစ်၍) ကာမတဏှာ အားလုံး ကုန်လေပြီ။

          သို့သော် ဗြဟ္မာ့ဘ၀ကို နှစ်သက်၍ နေသော ဘ၀တဏှာ တစ်မျိုးကား ကျန်နေသေး၏၊ စတုတ္ထအကြိမ် မြင်ပြန်သောအခါ (ရဟန္တာဖြစ်၍) ဗြဟ္မာ့ဘ၀ကိုသော်မှ မနှစ်သက်တော့ဘဲ တဏှာ အားလုံး ကုန်ဆုံးလေတော့၏၊ ထို့ကြောင့် နိဗ္ဗာန်ကို ထို တဏှာ သုံးမျိုး၏ အကြွင်းအကျန် မရှိအောင် ကုန်ရာ ”နိရောဓသစ္စာ”ဟု ဟောတော်မူသည်။

နိဗ္ဗာန်၏သဘော

“နိဗ္ဗာန်သည် သန္တိသဘောရှိ၏”ဟု ကျမ်းဂန်တို့၌ ဆို၏၊ သန္တိဟူသည် ငြိမ်းအေးခြင်းတည်း၊ ယခုလက်ရှိ ရုပ်နာမ်ခန္ဓာကိုယ်နှင့် နိဗ္ဗာန်သည် ဟိုဘက်ကမ်းနှင့် ဤဘက်ကမ်းကဲ့သို့ တစ်ဖက်တစ်လမ်းဖြစ်၏၊ ထို့ကြောင့် နိဗ္ဗာန်၏အေးငြိမ်းခြင်း သန္တိသုခကို ဤရုပ်နာမ်တို့၏ ပူလောင်ခြင်း ဒုက္ခနှင့် နှိုင်းယှဉ်ကြည့်မှ သာ၍ သိသာသည်၊ “ဤခန္ဓာကိုယ် (ရုပ် နာမ်)  အားလုံးသည်  မီးလောင်နေသလို  ပူလောင်နေသည်” ဟု ပြောလျှင် ရုတ်တရက် သဘောပေါက်လိမ့်မည်ဟု မထင်ပေ၊ မိမိ ကိုယ်တိုင် တရားအားထုတ်နေသူ ဖြစ်မှသာ သဘောပေါက်နိုင်စရာ ရှိပါသည်၊

ဥပမာ… နွေအခါ နေပူထဲ၌ အလုပ်လုပ်နေသူသည် ထိုကဲ့သို့ နေပူထဲမှာပင် ခရီးသွားစရာကိစ္စ ရှိပြန်သော်လည်း ထူးခြား ၍ ပူသည်ဟု မထင်၊ အရိပ်၌ နေသူကသာ ထိုအပူများ၏ ပူကြောင်း ကို သိသကဲ့သို့တည်း။

ရုပ်နာမ်ခန္ဓာပူလောင်ပုံ

ရုပ်နှင့်နာမ် နှစ်မျိုးလုံး ပေါင်းစပ်မိနေသောအရာကို ”သတ္တ၀ါ (လူစသည်)” ဟု ခေါ်ထားကြသည်၊ (လူဟု ခေါ်ရသော မိမိခန္ဓာကိုယ်၌ စိတ်စိုက်ထားပါ၊) ဤခန္ဓာကိုယ်သည် အမိဝမ်းခေါင်း အောင်းသည်က စ၍ ဖွားမြင်သည့်တိုင်အောင် ဇာတိဒုက္ခ ဖြစ်နေရသဖြင့် ဇာတိမီး အလောင်ခံရ၏၊ ဖွားပြီးနောက် နုနယ်သောအသားကို ဟိုဟာ သည်ဟာဖြင့် ထိခိုက်ခံရခြင်း, ဆာလောင်မွတ်သိပ်ခြင်း, အတော် ကြီးလာလျှင် လိုတာမရခြင်း, အမိအဖနှင့်ကွဲနေရခြင်း, ၀မ်းနည်းဖွယ် တွေ့နေရခြင်း, ငိုရခြင်း, ကိုယ်ဒုက္ခ စိတ်ဒုက္ခ ဖြစ်ရခြင်း စသည်တို့ ကြောင့် ခန္ဓာကိုယ်မှာ ဒုက္ခမီးပူ အမျိုးမျိုး အလောင်ခံနေရ၏၊  ထိုအတွင်းမှာပင် မကျန်းမမာ ရောဂါမီးပူ အမျိုးမျိုး အလောင်ခံရသေး၏၊ အိုမင်းလာလျှင် ဇရာမီး မရဏမီးတို့က လောင်ပြန်တော့၏။

         

ထိုသို့ အထင်အရှား အပူမီးတွေ အလောင်ခံရရုံသာမကသေး၊ (နှမ်းအိုးကင်းကို မီးကျီးပေါ်တင်လိုက်သောအခါ ဖျစ်ဖျစ် ဖျစ်ဖျစ် မြည်လျက်  နှမ်းလုံးတိုင်း  ကျက်နေသကဲ့သို့)  ဤ ခန္ဓာကိုယ်ဝယ် ရုပ်ဟူသမျှ နေရာမလပ် ပျက်၍နေရကား အချိန်ရှိသမျှ ရုပ်ခန္ဓာကို မရဏမီး လောင်နေ၏၊ နာမ်ခန္ဓာကား ရုပ်ထက်ပင် အပျက်မြန်၍ မရဏမီး လောင်ခံရမှု များပါသေးသည်။

ရောဂါဖြစ်နေသောရွာကြီး

ဤနေရာ၌ ဥပမာတစ်ခုကို စဉ်းစားကြစို့၊… ရွာအိုကြီး တစ်ရွာဝယ် ကူးစက်တတ်သော အနာရောဂါဆိုး ဖြစ်နေ၏၊ လူတွေကား တစ်ယောက်ပြီး တစ်ယောက် သေနေကြသည်၊ ထိုအတွင်းမှာ ကိုယ်ဝန် အရင့်အမာတွေကလည်း ဖွားမြင်နေကြသေး၏၊ မီးဖွားပြီးသည်နှင့် တစ်ပြိုင်နက် အချို့ မိခင်များနှင့် ကလေးများလည်း ထိုကူးစက်သော ရောဂါကြောင့် ပျက်စီးကြ၏၊ တချို့လည်း ကိုယ်ဝန်အရင့်အမာနှင့် မီးဖွားချိန် နီးနေပြီ၊

ဆွေတွေ မျိုးတွေ အတော်များစွာ သေပြီးနောက် ထိုရောဂါကူးစက်လျက် ကျန်နေသေးသော တချို့ ဆွေမျိုးများကို မိမိကိုယ်တိုင် ရောဂါဖြစ်လျက် မြင်နေရသော လူတစ်ယောက်သည် အဘယ်သို့ စိတ်ဖြစ်ရှာမည်နည်း၊ ဒုက္ခတွေ ဗလောင်ဆူနေသော ဤ ရွာကြီးကိုလည်းကောင်း, ကျန်နေသေးသော ဆွေမျိုးတွေကို လည်းကောင်း, မိမိ၏ ကိုယ်ခန္ဓာကိုလည်းကောင်း မျှော်လင့်ချက် ရှိနိုင်ဦးမည်လော၊ ခင်မင်တွယ်တာ သာယာနိုင်ပါဦးမည်လော။

          ကမ္မဋ္ဌာန်းအားထုတ်လျက် တရားပေါက်ခါနီးသူ,တရားပေါက်၍ အရိယာဖြစ်နေသူတို့သည် မိမိတို့ ခန္ဓာကိုယ်ပေါ်မှာ တစ်ခါတစ်ရံ ကမ္မဋ္ဌာန်းစိတ်ဖြင့် ဆင်ခြင်ကြည့်သောအခါ ယခုပြခဲ့သော ဥပမာသည် အကြမ်းစားသာ ဖြစ်သေး၏၊ ဤခန္ဓာကိုယ်၌ ဇာတိမီး အစ မရဏမီး အဆုံးရှိသော မီးများအပြင် အချိန်ရှိသမျှ ခဏတိုင်း ပျက်နေသော ရုပ်နာမ်ခန္ဓာတို့၏ ပျက်နေပုံကို မြင်နေကြသော ယောဂီပုဂ္ဂိုလ်တို့အား တစ်ကိုယ်လုံး ဒုက္ခမီးတွေ လောင်နေပုံကို မြင်ကြသဖြင့် ရရှိဆဲ ခန္ဓာကိုယ်ကိုလည်း မနှစ်သက် မတွယ်တာနိုင်ကြချေ၊

နောင်ရဦးမည့် ခန္ဓာကိုယ်ကိုလည်း မမျှော်လင့် မတောင့်တ ကြတော့ပေ၊ မလွှဲသာ၍ ဖြစ်နေသော ဤ ရုပ်နာမ်ခန္ဓာကိုယ်၌ပင် ငြီးငွေ့လေပြီ၊ သူတို့ အလိုဆန္ဒ ဖြစ်နေကြသည်ကား ဤ ရုပ်နာမ် အားလုံးကို အပြီးသတ် ကုန်ဆုံးစေလိုခြင်းပင်တည်း။

[ဆောင်]        သူသူငါငါ, ဖြစ်လေရာဝယ်, ဦးစွာကြိုဆီး, ဇာတိမီးက, အပြီးပုံသေ, လောင်မြိုက်လေ၏၊ မသွေတစ်သီး, ဇရာ မီးလည်း, အပြီးနောက်မှာ, ကပ်လျက်ပါ၏၊ မကွာစေရ, မရဏဟု, တစ်ဘ၀ဖျက်ဆီး, လောင်သည့်မီးလည်း, ညီးညီးပြောင်ပြောင်, အမြဲလောင်၏၊ လောင်ပုံလောင်အား,  မထင်ရှားလည်း, နုထွားပျိုမျစ်, အရွယ်ဖြစ်သော်, အချစ်ရာဂ, မီးတွေထ၍, ဒေါသထန်ပြင်း, မောဟညှဉ်း၏၊ မကင်းနိုင်အောင်, ထို့နောက် နောင်လည်း, တောက်လောင်ဖိစီး, သောကမီးကြောင့်, ၀မ်းနည်းဖွယ် တွေ, အထွေထွေနှင့်, ပရိဒေ၀, ငိုကြွေးရလျက်, ဒုက္ခလည်းထပ်, ဒေါမနသ်နှင့်, ဆက်စပ်မကွာ, ဥပါယာသ, လွန်ပြင်းပြ၍, သက်မျှမရှူ, တက်အောင်ပူသည်, … ဆူဆူမီးတောက် ဆယ့်တစ်တည်း။

Credit to 

တင်ပြသူ Yanan Sanein အချိန် 9:57 AM