အမှတ်စဉ် (၁) အဘိဓမ္မာ မြတ်ဒေသနာ

ဂုဏ်တော်အမွှမ်း ဘုရားရှိခိုး

    “ ကျန်းဦးပဏာမ ”

            ရွှေဘုန်းတော်သခင် ရှင်တော်မြတ်ဘုရား၏ မဟာကရုဏာတော်ကို အာရုံပြုကာ သီကျူးဖွဲ့ဆိုအပ်သော ၀န္ဒာနာပဏာမ အာသီသဂါထာကို ရွတ်ဆို ပူဇော်ခြင်းဖြင့် တရားပွဲကို စတင်ကြရအောင်။

ယော ကပ္ပကောဋိဟိပိ အပ္ပမေယျံ၊
ကာလံ ကရောန္တော အတိဒုက္ကရာနိ။
ခေဒံ ဂတော လောကဟိတာယ နာထော၊
နမော မဟာကာရုဏိကဿ တဿ။

ယော နာထော - ဝေနေယျများစွာ သတ္တ၀ါ၏ ချမ်းသာစီးပွား လိုလားတောင့်တ ဂုဏ်ပေါင်းခသဖြင့် နာထမည်ငြား အကြင်ရှင်တော်မြတ်ဘုရားသည်၊
ကပ္ပိကောဋီဟိပိ -  ကုဋေကမ္ဘာ အရေအတွက်သချာင်္တို့ဖြင့်သော်လည်း။

အပ္ပမေယျံ - ရေတွက်တိုင်းတာ ဖေါ်ပြခြင်းငှာ မစွမ်းနိုင်ပါသော၊
ကာလံ - လေးအသင်္ချေ သိန်းနေကမ္ဘာ ရှည်ကြာသော ကာလပတ်လုံး၊
လောကဟိတာယ - သတ္တလောက၏ အကျိုးစီးပွားအလို့ငှာ၊
အတိဒုက္ကရာနိ -  ဥစ္စာအသက် ခြေ,လက်အင်္ဂါ မေတ္တာကြီးမားး သမီးသားနှင့် သက်ထားဇနီး စွန့်ခြင်းကြီးဟု ကြက်သီးထဖွယ် ငါးသွယ်အစု အခွန်ခဲယဉ်းသော အမှုတို့ကို၊
ကရောန္တော -  ဘုရားဖြစ်ရန် ရည်သန်ကြိုးကုတ် အားထုတ်တော်မူရသည် ဖြစ်၍၊
ခေဒံ -  လက်ခြေမျက်လုံး အသက်ဆုံးလျက် နှလုံးစိတ်ဝမ်း ကိုယ်တော်၏ ပင်ပန်းခြင်းသို့
ဂတော - ဘ၀အတန်တန် ကြိမ်ဖန်များစွာ ရောက်တော်မူခဲ့ရ ရှာလေပြီ၊
မဟာကာရုဏိကဿ -  သတ္တ၀ါများ ရင်ဝယ်သားကဲ့သို့ သနားချစ်ခင် မဟာကရုဏာရှင် ဖြစ်တော်မူသော၊
တဿ နာထဿ -  ဝေနေယျများစွာ သတ္တ၀ါ၏ ချမ်းသာစီးပွား လိုလားတောင့်တ ဂုဏ်ပေါင်းခသဖြင့် နာထမည်ငြား ထိုရှင်တော်မြတ်ဘုရားအား၊
နမော - ရိုသေပျောင်းပျော့ မာန်ကိုလျှော့၍ ကန်တော့ရိုကျိုး ရှိခိုးခြင်းသည်၊
အတ္တု ဘ၀တု - စင်စစ်မသွေ ဖြစ်ပါစေသတည်း.....။

                                              “ သာဓု - သာဓု - သာဓု ”
                                                              -------------------------

*ဆက်ရန်* -------
ဆရာတော်ကြီးဟောကြားတော်မူသော အဘိဓမ္မာမြတ်ဒေသနာ (ပထမတွဲ) မှ { အဘိဓမ္မာတ္ထသင်္ဂဟကျမ်း } အား ဆက်လက်ရေးသား ပူဇော်ပါမည်။


အဂ္ဂမဟာပဏ္ဍိတ အရှင်နန္ဒမာလာဘိဝံသ (Ph.D)
အဘိဓမ္မာ မြတ်ဒေသနာ (ပထမတွဲ) - မှ ကောက်နှုတ်ရေးသား ပူဇော်ပါသည်။

ရဲဝင်းထွန်း
03.01.2012  (Tuesday)                          12:10 pm       

တင်ပြသူ Yanan Sanein အချိန် 12:29 PM