တိတ္ထိများ သာသနာဝင်လာပုံ
သာသနာတော်ဝင် အရှင်မြတ်တို့ဘက်၌ သာသနာဝင်လာပုံ တန်ခိုးဣဒ္ဓိပါဒ်နှင့် ပြည့်စုံသော ရဟန္တာပုဂ္ဂိုလ် အများအပြားရှိ၍ အရှင်မဟိန္ဒကဲ့သို့
အထက်တန်းအမျိုးကောင်း သားများက သာသနာ့ဝန်ကို ထမ်းနေကြ ရုံမက မဟာရာဇာကိုယ်တိုင်ပင် အမြတ်တနိုးပြု၍
ကိုးကွယ်ကာ မဟာရာဇာ၏ အာဏာပျံ့နှံ့ရာ အရပ်တိုင်းဝယ် ဗုဒ္ဓတရားတော်မှ လူဝတ်ကြောင်နှင့်
ဆိုင်သော တရားတော်များကို ရေးသား၍ ကျောက်တိုင်စိုက်လျက်လူအများအားတရားပေးကာ တရားတော်ကို
ယုံကြည်သက်ဝင်လာအောင် ကြိုးစားနေသောအခါဖြစ်၏၊ ထိုအခါ၌ ဗုဒ္ဓသာသနာတော်ဝယ် ပစ္စည်းလေးပါး
ပေါများပြည့်စုံသလောက် ရသေ့တိတ္ထိတို့၌ ပစ္စည်းလေးပါး ရှားပါးရကား များစွာသော ရသေ့တိတ္ထိတု့သည်
အစားအသောက် အနေအထိုင်ကျပ်ကြ၏၊ ထို့ကြောင့် သာသနာတွင်းသို့ တိတ်တိတ်ပုန်း ၀င်ရောက်လာပြီးလျှင်
သံဃာ အစစ်များနှင့် ရောနှောနေထိုင်ကာ တချို့ကမူ မိမိတို့ယူမြဲ မိစ္ဆာအယူ ကို ယူကြခြင်းဖြင့်
သာသနာတော် မသန့်ရှင်အောင် ပြုကြတော့၏၊ ထိုအခါ ရဟန်းစစ် ရဟန်းမှန်တို့သည် သူတို့နှင့်အတူ
သံဃာ့ကံများ ကို မပြုနိုင်ကြသောကြောင့် အသောကာရုံတိုက်ကြီး၌ ခုနစ်နှစ် တိုင်တိုင် ဥပုသ်ပြုကိစ္စ
ရပ်စဲခဲ့ရသတဲ့။
တတိယသင်္ဂါယနာတင်ရပုံ
ထိုအချိန်မှာ
အရှင်မောဂ္ဂလိပုတ္တတိဿမထေရ်လည်း အဓိကရုဏ်း ကြီးကျယ်မည့် အရေးကို မြင်၍ (သူတို့နှင့် နီးကပ်စွာနေလျှင်
နောင် အဆုံးအဖြတ်ပေးသည့်အခါ အလေးမပြုမည် စိုးသောကြောင့်) ဂိုဏ်းသံဃာကို မဟိန္ဒရဟန်းတော်အား
လွှဲအပ်ကာ အဟောဂင်္ဂါ တောင်သို့ ကြရောက်တော်မူလေသည်၊ ထို့နောက် အဓိကရုဏ်း ကြီးသည်ထက် ကြီးလာသောအခါ
မဟာရာဇာသည် အရှင်မောဂ္ဂလိ ပုတ္တတိဿကို ပင့်၍ ထိုထေရ်၏အထံ၌ ဗုဒ္ဓ၀ါဒအစစ်အမှန်ကို လေ့လာပြီးမှ
ရဟန်းစစ် ရဟန်းမှန်ကို ရွေးချယ်ဖို့ရန် အယူဝါဒ တူမျှသူတွေကို တစ်သန့်စီ ထား၍ ဗုဒ္ဓအယူကို
ကျနစွာ မပြောနိုင်သူ အားလုံးကို လူဝတ်လဲစေသည်၊ ထို့နောက် သန့်စင်သောသာသနာ ဖြစ်သည့်အခါ
အရှင်မောဂ္ဂလိပုတ္တတိဿမဟာထေရ်သည် သံဃာ့ ပရိသတ်အလယ်၌ အယူဝါဒအမျိုးမျိုးကို ရှင်းပြသော
ကထာဝတ္ထု ကျမ်းကို ဟောတော်မူ၍ တန်ခိုးဣဒ္ဓိပါဒ်နှင့်ပြည့်စုံသော ရဟန္တာ တစ်ထောင်ကို ရွေးချယ်ကာ
တတိယသင်္ဂါယနာ တင်ရပြန်သည်။
မှတ်ချက်။ ။ အသောကမဟာရာဇာ၏
ချီးမြှောက် ထောက်ပံ့မှုကြောင့် သာသနာတော်၌ ပစ္စည်းလေးပါး ပေါများလာ သောအခါ အစားအသောက်ကျပ်သော
တိတ္ထိတို့တစ်စု သာသနာ၌ အချောင် ၀င်လာကြပုံကို ထောက်၍ မည်သည့် သာသနာမဆို လာဘ်ပေါများလျှင်
အချောင်သမားတွေ ၀င်လာတတ်သည်မှာ ဓမ္မတာတစ်ခုဟု မှတ်ပါ၊ ထိုတိတ္ထိများကြောင့်ပင် သာသနာတော်
ကစဥ့်ကရဲ ဖြစ်ကြရသကဲ့သို့ ထို့အတူ အချောင်သမား ပေါများသော နေရာတိုင်းမှာလည်း ကစဥ့်ကရဲ
ဖြစ်ရမည်မှာ ဓမ္မတာပင်တည်း၊
ထို့ကြောင့် သာသနာပြုရမည့် ပုဂ္ဂိုလ်တို့သည် မိမိတို့ သာသနာ၌
ပစ္စည်းလေးပါးဘက်က ပရိယတ် ပဋိပတ် အလုပ်လုပ်ဖို့ အင်အား မရှိအောင် ရှားပါးခြင်းလည်း မဖြစ်စေသင့်၊
ပစ္စည်းလေးပါး အသုံး အဆောင် အခမ်းအနားတို့ဖြင့် အချောင်သမားတို့ ခိုဝင်လာချင် လောက်အောင်လည်း
မပေါများစေသင့်၊ “မဇ္ဈိမပဋိပဒါ”ဟူသော စကားကို ဤနေရာမျိုး၌လည်း အသုံးပြုကာ အလုပ်လုပ်နိုင်လောက်
အောင် မရှိမရှား အလယ်အလတ်စားသာလျှင် ဖြစ်စေသင့်ကြပေသည်။
သာသနာပြုလွှတ်ခန်း
တတိယသင်္ဂါယနာ
တင်ပြီးနောက် အရှင်မောဂ္ဂလိပုတ္တတိဿမထေရ်သည် နောက်နောင်အခါ သာသနာတည်ရစ်မည့် ဌာနကို စဉ်းစား
တော်မူလေသော် အိန္ဒိယ နယ်စွန်နယ်ဖျားနှင့် သီဟိုဠ်ကျွန်းစသော ဒေသတို့၌ တည်ရစ်လိမ့်မည်ကို
မြင်တော်မူ၍ ကသ္မီရဂန္ဓာရတိုင်း စသော ကိုးတိုင်း ကိုးဌာနသို့ သံဃာတော်များကို သာသနာပြု
စေလွှတ်တော်မူလေရာ အရှင်မဟိန္ဒထေရ် အမှူးရှိသော သံဃာ တော်များကို သီဟိုဠ်ကျွန်းသို့ စေလွှတ်တော်မူသည်၊
ထိုသီဟိုဠ်ကျွန်း၌ကား ဒေ၀ါနံပိယတိဿ မဟာရာဇာသည် အသောကရာဇာနှင့် အပြန်အလှန် အဆွေတော်ဖြစ်ရကား
အသောကမဟာရာဇာ၏ သားတော် အရှင်မဟိန္ဒကို စေလွှတ်တော်မူခြင်းမှာ သာသနာတော် စည်ကားဖို့ရန်
ကြီးမားသောအခြေခံ ဖြစ်ပါပေသည်၊
ထိုမဟိန္ဒထေရ် နှင့် နှမတော်သံဃမိတ္တာဘိက္ခုနီတို့၏အစွမ်းကြောင့်ပင်
သီဟိုဠ်ကျွန်း သာသနာသည် အခြေခိုင်မြဲစွာတည်တံ့ခဲ့ရသည့်အပြင် နောက်နောင် အိန္ဒိယ၌ သာသနာဆုတ်ယုတ်လာသောအခါ
အိန္ဒိယက သာသနာ့ ၀န်ဆောင် ထိပ်ခေါင်တင်တို့သည် သီဟိုိဠ်ကျွန်းကို အခြေခံလုပ်၍ ပေထက်အက္ခရာတင်ကိစ္စကို
ရွက်ဆောင်တော်မူကြရပေသည်။
No comments:
Post a Comment