အနာဂတ်သာသနာရေး အပိုင်း(၁၀၉) မဟာထေရ်များ ကြိုးစားတော်မူခဲ့ပုံ

ပေထက်အက္ခရာတင်ခန်း

မဟာထေရ်များ ကြိုးစားတော်မူခဲ့ပုံ

         

သီဟိုဠ်ကျွန်းဝယ်…(ပိတုရာဇာ ဟုလည်း ထင်ရှားသော) ၀ဋ္ဋဂါမဏိမင်း စိုးစံစဉ် တိဿမည်သော ဗြာဟ္မဏတစ်ယောက် က သူပုန်ထသည့်ပြင် စောဠတိုင်းမှ ကျေးမင်းတို့ကလည်း စစ်ဖက်လာကြ၏၊ တိုင်းသူပြည်သားတို့သည် အိမ်ခြေရာခြေ မတည်နိုင်အောင် ရှိရကား သံဃာတော်များ ဆွမ်းခဲယဉ်းစဉ်မှာပင် စိတ္တလပဗ္ဗတကျောင်းတိုက်, မဟာဝိဟာရကျောင်းတိုက် စသည်၌ သုံးနှစ် တိုင်တိုင် စုဆောင်းထားအပ်သော ၀တ္ထုကံ စပါးများကို ကြက်ကြီး များစွာ ဖျက်ဆီးကြသဖြင့် တစ်ညဥ့်အတွင်း၌ပင် ဖွဲမျှသာ ကျန်လေတော့၏၊ ရဟန္တာဖြစ်ပြီးသော ရဟန်းတော်များစွာလည်း ပရိနိဗ္ဗာန် စံကြ၏၊ များစွာသော ရဟန်းတို့သည် ဇမ္ဗူဒိပ် (အိန္ဒိယ)ဘက်သို့ ကူးပြောင်း နေထိုင်ကြရလေသည်။

          ထိုအချိန်၌ ပိဋကကျမ်းစာများကို ပေထက်၌ မရေးကြရသေး သောကြောင့် ဇမ္ဗူဒိပ်သို့ မကူးဘဲ ဖြစ်သလိုနှင့် နေရစ်ခဲ့ကြသော ရဟန်းတော်များသည် မိမိတို့ နှုတ်တက်ဆောင်ထားသော ပါဠိတော် နှင့် အဋ္ဌကထာများကို အလွန် ပင်ပန်းစွာ ရွတ်အံတော်မူရှာကြရ ပေသည်၊ တချို့ ရက်များ၌ကား ဆွမ်းကို မဆိုထားဘိ စားဖွယ်ရာ အာဟာရ တစ်စုံတစ်ရာကိုမျှ မရကြရှာချေ၊ သို့သော် မရွတ်မအံလျှင် ပိဋကတော်များ တိမ်းပါး ချွတ်ယွင်းမည် စိုးသောကြောင့် ၀မ်းမီး ဆောင်သဖြင့် ပူလောင်နေသော ရင်ပေါ်မှာ သဲအစိုများ တင်ထား၍ ကြိုးစား ပမ်းစား ရွတ်အံတော်မူခဲ့ကြပါသတဲ့။ ပေထက်အက္ခရာတင်ခြင်း       ထိုအခြင်းအရာကို ကိုယ်တွေ့ကြုံခဲ့ရသော   မဟာထေရ်တို့သည် နောက်နောင်အခါ ပိဋကတော်များကို နှုတ်တက်ဆောင်နိုင်လောက် အောင် ဉာဏ်အား ကိုယ်အား နည်းပါးကြလိမ့်မည်ကို မြော်မြင်မိရကား ယခုလို ဘေးဖြစ်လာလျှင် ပိဋကတော်များ တိမ်းပါးချွတ်ယွင်း မည့်အချက်ကို လေးနက်စွာ စဉ်းစားတော်မူမိကြသဖြင့် သူပုန်ဘေး ငြိမ်းအေး၍ ၀ဋ္ဋဂါမဏိမင်း နန်းစံသောအခါ အကျိုးအကြောင်းစုံ ပြောပြတော်မူကာ ထိုမင်း၏ အကူအညီဖြင့် ပိဋကတော်များကို ပေ၌ ရေးသားခဲ့ကြပေသည်။

မှတ်ချက်။       ။         ပြီးခဲ့သော ဒုတိယကမ္ဘာစစ်ကြီး အတွင်း၌ များစွာသော စာသင်တိုက်ကြီးများဝယ် သင်အံ ပို့ချမှု ရပ်စဲ ခဲ့ရပုံကို ထောက်၍ ထိုအချိန်၌ ထိုအရှင်မြတ်တို့ ပိဋကဆောင်ခဲ့ကြ ပုံမှာ အလွန် ကြည်ညိုထိုက်ပါပေသည်၊ ထိုအရှင်များသည် ထို အချိန်က ပေထက်အက္ခရာ မတင်ခဲ့ပါမူ ယခုလောက် ကြာလျှင် ပိဋကတော်များ တိမ်းပါး ချွတ်ယွင်းတော့မည်မှာ သေချာသလောက်ပင်ဖြစ်၏၊ ထိုအရှင်များ၏ မြော်မြင်တော်မူချက်မှာ ယခုခေတ် ဘာသာဝင်တိုင်း ကျေးဇူးဆပ်၍ မကုန်နိုင်လောက်သော အချက်ပါပေတည်း။

သံဃာ့ရတနာခန်းနိဂုံး

ဗုဒ္ဓမြတ်စွာသည် ညဥ့်အခါဝယ် အမှောင်ကြီးကို လင်းစေသော လမင်းနှင့်တူတော် မူ၍ အရိယာသံဃာများကား လမင်း၏၀န်းကျင်ဝဲယာ၌ ထွန်းလင်း တောက်ပလျက်ရှိကြသော ကြယ်တာရာများနှင့် တူတော်မူကြ၏၊ ဓမ္မအစစ်အမှန်တို့မှာ ဗုဒ္ဓလမင်းမှ ထွန်းလင်းထွက် ပေါ်လာသော အရောင်အ၀ါများနှင့် တူတော်မူပါပေသည်၊ လမင်းဝင်သွားသော အခါ ကြယ်တာရာရောင်ကိုသာ အားပြုရတော့သကဲ့သို့ ထို့အတူ ဗုဒ္ဓရှင်တော်လရတနာကြီး ကွယ်ပပြီးရာ ယခုလိုအခါ၌ သံဃာ့ ရတနာဝင် အရှင်မြတ်တို့လည်း ယနေ့တိုင်အောင် တရားအရောင်ကို ထွန်းပြောင်စေတော်မူခဲ့ကြသည်မှာ ကျေနပ်ဖွယ်ရာ ကျေးဇူး တင်ဖွယ်ရာကြီးပါပေတည်း။

          ထို့ကြောင့်ပင် ထိုသံဃာ့ရတနာဝင် အရှင်မြတ်များကို ရည်စူး၍ “တံ သံဃံ သရဏံ ဂစ္ဆာမိ-ထိုအရှိယာသံဃာတော်ကို ကိုးကွယ် ဆည်းကပ်ပါ၏”ဟု နှုတ်ဖြင့်လည်း ရွတ်, စိတ်ကိုလည်း ညွတ်စေပြီးလျှင် ထိုအရှင်မြတ်များ၏ သွားလမ်းကို ဖြောင့်တန်းစွာ လိုက်နေသော, လိုက်မည်ဟု ကြိုးစား၍ နေသော အရိယာလောင်း ပုထုဇဉ် ရဟန်းကောင်း သာမဏေကောင်း များစွာတို့ကို အကြောင်းအား လျော်စွာ ထိုက်တန်သလောက် အာပေးချီးမြှောက် နေကြသော သူတော်စင်တို့သည် ယခုလက်ရှိ သာသနာကို အရာရာ အဘက် ဘက်က နက်နက်နဲနဲ ဝေခွဲ စစ်ဆေးကြဖို့ရန် တသီးတခြား တစ်ကန့် ကန့်လိုသောကြောင့် ပေထက်အက္ခရာ တင်ရာအချိန်အထိ သံဃာ့ရတနာများကို ရိုသေစွာ သိမ်းချုပ်၍ နိဂုံးအုပ်ရာဝယ် သံဃာ ကိုးကွယ်နည်းကိုလည်း အကျဉ်းမျှ ပြပါဦးမည်။

      သံဃာနှင့် အသင်းကောင်းဥပမာ                    

“မည်သည့်ပုဂ္ဂိုလ်”ဟု သီးခြားသတ်မှတ်ခြင်း မရှိဘဲ  သံဃာအားလုံး  အပေါ်၌ စိတ်ရောက်နိုင်၍ သံဃာကို ကြည်ညိုသူအတွက် ပုဂ္ဂိုလ်တစ်ပါး နှစ်ပါးကစ၍ ရာထောင်များစွာ အကြည်ညို ပျက်စရာကို တွေ့နေရသော်လည်း သံဃာကြည်ညိုမှုကား မပျက်နိုင်ပါ၊ ဘုန်းကြီးတို့ကိုယ်တိုင် သမ္မုတိသံဃာတွင် ပါဝင်နေကြရသော်လည်း အရိယာသံဃာတော်များကို ရည်စူး၍ “သံဃံ သရဏံ ဂစ္ဆာမိ-သံဃာတော်ကို ကိုးကွယ်ပါ၏” ဟူသော သရဏဂုံကို တည်စေရပါသေးသည်၊ ဤစကားဖြင့် “သံဃံ သရဏံ ဂစ္ဆာမိ” ဟူသော သရဏဂုံ၌ ““သံဃံ””ဟု ဆိုလျှင် အရိယာဖြစ်ပြီးသော သံဃာကို မှန်းလိုက်ပါဟု ဆိုလိုပါသည်။

          ထင်ရှားစေပါဦးမည်၊ တိုင်းပြည်၏ ကောင်းကျိုးကို လိုလား၍ ကြိုးစားနေသော “အသင်းကြီးတစ်သင်း” ရှိနေသည်ဟု ဆိုကြပါစို့၊ ထိုအသင်း၌ ဦးစီးခေါင်းဆောင်များလည်း လုံးဝအပြစ်ကင်းသူများ ဖြစ်ခဲ့၏၊ ထိုအသင်း၏ နာမည်ကောင်းမှုကြောင့် အသင်းဝင်တွေ တိုးပွားများပြားလာလေရာ အတော်ကြာသော် အသင်းသားထဲမှ မတရားသူအချို့ ပေါ်လာကြလေ၏၊ သို့သော် အသင်းကြီး၏ မူလ ရည်ရွယ်ချက်ကောင်းပုံနှင့် ခေါင်းဆောင်များကောင်းပုံတို့ကို ကျနစွာ နားလည်သူတို့က ထိုအသင်းကြီးကို အကြည်ညိုမပျက်ကြသေး၊ ထိုအသင်းကို ယုံကြည်ကိုးစား အားထားလျက်ပင် ရှိကြသေး၏။

          အတော်ကြာလျှင် မတရားအသင်းသား ကိုယ်ကျိုးရှာသမားတွေ ပေါများထင်ရှားလာ၏၊ အသင်း၏ ရည်ရွယ်ရင်းကို နားလည်သူတို့က မတရားသူတွေ ကိုယ်ကျိုးရှာသူတွေကို အလွန်ရွံရှာမုန်းတီးသော်လည်း အသင်းကြီးကိုကား အပြစ်မမြင်နိုင်ပေ၊ သာ၍ ကာလ ကြာသောအခါ အသင်းသားထဲမှ လူကောင်းဆိုလျှင် တစ်ယောက် တလေမျှ ရှာနိုင်မှ ရတော့မည်၊ ထိုမျှလောက် အသင်းသားတွေ ယုတ်မာနေသော်လည်း အသင်းကြီး၏ ရည်ရွယ်ရင်းကို နားလည်သူ အတွက်မှာ အသင်းကြီးကို အကြည်ညို မပျက်ရက်ချေ။

သံဃာတော်များ စီတန်းကြွ

တချို့စာသင်တိုက်၌ တစ်ရံတစ်ခါ သံဃာကုန် လှူဒါန်းဖွယ် ရှိ၍ စီတန်း ကြွသွားသည်ကို မြင်ဖူးကြပါလိမ့်မည်၊ ထိုအခါ မြင်ရသူ လူအများ၏ စိတ်ဝယ် လွန်စွာ ကြည်ညိုကြမည်မှာ အထူးစဉ်းစားဖွယ်ရာ မလိုပါ၊ ဘုန်းကြီးကိုယ်တိုင် ငြိမ်သက်စွာ ကြွတော်မူသော ထို သံဃာ့အတန်းကြီးကို ကြည့်၍ ပီတိ သောမနဿ (နှစ်သက် ၀မ်းမြောက်ခြင်း) ဖြစ်ရရုံမက ဗုဒ္ဓ၏ လက်ထက်တော်က အရိယာ သံဃာတော်အတန်းကြီးကို မျှော်မှန်းစိတ်ကူးကာ ရင်ထဲ၌ ဆို့မတတ် ဖြစ်ဖူးပါသည်၊ ထိုဆို့ခြင်းလည်း ပီတိပျို့လျက် ဆို့ခြင်းဖြစ်ရကား ကောင်းသော ဆို့ခြင်းသာတည်း၊ ထိုသို့ ကြည်ညိုနှစ်သက်ရာ၌ ပုဂ္ဂိုလ်တစ်ပါးပါးအတွက် နှစ်သက်ခြင်း မဟုတ်ပါ၊ သံဃာအားလုံး အပေါ်မှာ အာရုံရောက်နေသော နှစ်သက်ခြင်းသာ ဖြစ်ပါသည်။

တိုက်တွန်းချက်။         ။ ယခုကာလ “သံဃိကဆွမ်းလောင်း, သံဃာအကုန် ဆွမ်းကပ်” စသော ကိစ္စများ၌ သံဃာ့အပေါ်မှာ စိတ်အာရုံရောက်အောင် သတိပြုသင့်ကြပါသည်၊ သံဃာတော်များကလည်း အလှူ့ရှင်များ၏ သဒ္ဓါတရားကို စောင့် ရှောက်သောအားဖြင့် သံဃာ့အစည်းအရုံးကိစ္စ ဟူသမျှဝယ် အထူး ဣနြေ္ဒရသင့်ကြပါသည်။

သံဃာမှန်း၍ လှူဒါန်း

ပြခဲ့သော အစီအစဉ်ဖြင့် သံဃာ့အပေါ်မှာ စိတ်အာရုံ ရောက်နိုင်ကြပါမူ တစ်ကျပ်တန်ပစ္စည်းပင်ဖြစ်သော်လည်း သံဃိကဒါန ဖြစ်နိုင်၏၊ သံဃာကို အမှန်ကြည်ညိုသူတို့ကလည်း လှူစရာရှိလျှင် သံဃာကို ရည်မှန်း၍ လှူဒါန်းမည်သာတည်း၊ ထင်ရှားစေအံ့၊ ပြခဲ့သော အသင်းကြီးကို ရည်မှန်း၍ ငွေတစ်ကျပ် လှူဒါန်းရာ၌ ထိုငွေတစ်ကျပ်သည် အသင်း ကိစ္စ စပ်ဆိုင်ရာ၌သာ သုံးစွဲခွင့်ရ၏၊ အသင်းဝင်တစ်ယောက်၏ ကိုယ်ရေးကိုယ်တာအတွက် သုံးစွဲခွင့် မရ၊ ထိုသို့ သုံးစွဲခွင့်မရဘဲ အချောင်သုံးစွဲလျှင် ထိုငွေတစ်ကျပ်ကို အသင်းမှ ခိုးယူသုံးစွဲရာ ရောက်သဖြင့် ထိုသူ့အတွက် အပင်းဖြစ်ရတော့သကဲ့သို့ ထို့အတူ သံဃိကလှူဒါန်းအပ်သော တစ်ကျပ်တန်ပစ္စည်းသည် သံဃာတော် အားလုံးနှင့်ဆိုင်၍ သာသနာရေး၌သာ သုံးစွဲခွင့် ရ၏၊ သာသနာရေး မဟုတ်သော ကိစ္စ၌ သုံးစွဲမိလျှင် ထိုသူ့အတွက် အပင်းထက်ပင် အပြစ်များသေး၏။

ဗုဒ္ဓရှင်တော် သံဃာကိုညွှန်းပုံ

မိထွေးတော် ဂေါတမီသည် ဗုဒ္ဓရှင်တော်ကို သင်္ကန်းလှူလို၍ ရက်ကန်းသည်တော်များကို သီးခြား အမိန့်ပေးကာ တစ်ခါတစ်ခါလည်း ကိုယ်တိုင် ၀င်၍ မိမိ၏လက်ဖြင့် ပြုရာရောက်အောင် ရက်ကန်း လက်ခတ်ကို ဆွဲကိုင်၍ ရက်သေး၏၊ ထိုသင်္ကန်းပြီး၍ ဗုဒ္ဓအား အလှူ လာသောအခါ ဗုဒ္ဓရှင်တော်သည် ““သံဃေ ဂေါတမီ ဒေဟိ၊ သံဃေ တေ ဒိန္နေ အဟဉ္စေ၀ ပူဇိတော ဘ၀ိဿာမိ သံဃော စ-ဂေါတမီ သံဃာအား လှူလိုက်လော့၊ သံဃာအား လှူလျှင် ငါ့အားလည်း ပူဇော်ရာ ရောက်ပေလိမ့်မည်””ဟု မိန့်တော်မူသည်။

ဒုဿီလလည်း သံဃာ

အာနန္ဒာ… အနာဂတ်ကာလ၌ ရဟန်းတို့၏ အနွယ်ကို ဖျက်ဆီးတတ်, သင်္ကန်း ကို လည်ပင်းပတ်ရုံသာ ပတ်ထားကုန်သော ဒုဿီလရဟန်းတို့ ဖြစ်ပေါ်ကြလိမ့်မည်၊ ထိုဒုဿီလတို့၌ လှူသောအခါ သံဃာကို မှန်း၍ လှူဒါန်းနိုင်ပါမူ မရေမတွက်နိုင်အောင် အကျိုးပေးနိုင်၏ဟု ငါဘုရား ဟောတော်မူသည်။ [ဥပရိပဏ္ဏာသ၊ ဒက္ခိဏ၀ိဘင်္ဂသုတ် ပါဠိတော်။]

သံဃာကို ကိုးကွယ်ပုံ

မိမိဒါနကို သံဃာအားလုံးရောက်အောင် စိတ်ထားခြင်းသည် သံဃာကို အားကိုးခြင်း ဖြစ်၏၊ မကျန်းမမာခြင်း စသော ဒုက္ခရောက်သောအခါ သံဃာ အားလုံး၏ တရားတော်ကို နာခြင်းသည် ထိုဒုက္ခကို သံဃာဖြင့် ကွယ်ခြင်း မည်၏၊ ထိုကဲ့သို့ သံဃာ့အပေါ် စိတ်မရောက်နိုင်သော အလှူဒါနပြုရာအခါ, ရိုသေရာအခါတို့၌ကား ထိုပုဂ္ဂိုလ်၏ သီလ သမာဓိ ပညာဂုဏ်ကို အာရုံပြု၍ ရိုသေသင့်, လှူဒါန်းသင့်ပါသည်၊ ဒုက္ခမကြုံမီ ထိုပုဂ္ဂိုလ်ကို အားကိုး၍ ဒုက္ခကြုံလာလျှင် ထိုပုဂ္ဂိုလ်၏ တရားကို လိုက်နာသောအားဖြင့် ထိုဒုက္ခကို ကာကွယ်သင့်ကြပေ သည်၊ ထိုသို့ အားကိုးရာမရသော ပုဂ္ဂိုလ်များကိုကား သံဃာကို ရည်မှန်း၍ လှူဒါန်းကိုးကွယ်ခြင်းသာလျှင် အပြစ်ကင်း၍ ထိုက်သင့် သော အကျိုးကို ရစေနိုင်ပေလိမ့်မည်၊ အချုပ်မှာ-သီလစသော ဂုဏ်မရှိဘဲ ကိုးကွယ်ခြင်းသည် သရဏဂုံနှင့်ဆိုင်သော ကိုးကွယ်ခြင်း မဟုတ်၊ သီလစသော ဂုဏ်ကို အကြောင်းပြု၍ ကိုးကွယ်မှ သရဏဂုံင့်ဆိုင်သော ကိုးကွယ်ခြင်းဟု မှတ်ပါ။

သံဃာ့ရတနာခန်းပြီးပြီ။

တင်ပြသူ Yanan Sanein အချိန် 7:36 AM