အမှတ်စဉ်(၁၆) {သူ့နေရာနဲ့သူ မှန်တယ်၊ ပညတ်ရဲ့ သဘောလက္ခဏာ}

သူ့နေရာနဲ့ သူမှန်တယ်

ပရမတ်နဲ့ ပညတ် အငြင်းအခုန်တွေ အရင်တုန်းက မြန်မာ ပြည်မှာ တော်တော်လေး ဖြစ်ခဲ့ဖူးတယ်၊ သူ့နေရာနဲ့သူ မှန်တယ်လို့ ဒီလို မှတ်ရမယ်၊ ငြင်းစရာ မလိုဘူးနော်၊ သမ္မုတိသစ္စာအတိုင်း လိုက်နာရမယ်၊ သမ္မုတိသစ္စာအတိုင်း မလိုက်နာလို့ရှိရင် ထိုပုဂ္ဂိုလ်သည် စိတ်မမှန်တဲ့ ပုဂ္ဂိုလ်ဖြစ်သွားမယ်၊ အဲဒီတော့ သမ္မုတိသစ္စာကို အသုံးပြုပြီးတော့ ဗုဒ္ဓမြတ်စွာက လူတွေရဲ့ ကျင့်ဝတ်တွေကို ချမှတ်တော်မူခဲ့တယ်၊ ဘာလုပ်သင့်တယ်၊ ဘာမလုပ်သင့်ဘူးဆိုတာ။

ကြည့်လေ လူတွေမှာ အဆင့်ဆင့် မင်းက အဖေ၊ မင်းက သား၊ သမီး၊ မင်းက အမေဆိုပြီး လူတွေမှာ Hierarchy (အနိမ့် အမြင့် အဆင့်ခွဲသည့် စနစ်) အဆင့်ဆင့် ခွဲထားခဲ့တယ်၊ သားသမီး လုပ်တဲ့ ပုဂ္ဂိုလ်က အမေ, အဖေဆိုပြီးတော့ လေးစားရမယ်၊ ဆောင်ရွက် ရမယ့် ၀တ္တရားတွေ ဆောင်ရွက်ပေးရမယ်၊  စော်ကားလို့ မရဘူး၊

 အမေကလည်း အမျိုးသမီးပဲ၊ အဖေကလည်း အမျိုးသားပဲ၊ ဒီပြင် လူတွေကလည်း အမျိုးသားပဲ၊ ဒီပြင်လူတေကွလည်း အမျိုးသမီးတွေပဲလို့ ဒီလိုပြောလို့ ရပါ့မလား၊ မရဘူး၊ သူ့အဖို့မှာ လေးစားရမယ့် အမေ, အဖေဆိုတာ ဖြစ်သွားတယ်၊ ညီအစ်ကို မောင်နှမဆိုလည်း ညီအစ်ကို မောင်နှမလို့ ဒီလို သတ်မှတ်ထားတဲ့ သမ္မုတိသစ္စအတိုင်း အမှန်အကန်ပဲ ဖြစ်တယ်၊ လူချင်း အတူတူ ပါပဲလို့ လုပ်လို့ မရဘူး။

ဒီလိုပါပဲ၊ သောက်ရေအိုးထဲက ရေနဲ့ အိမ်သာထဲက ရေ၊ တူတူထားလို့ ရလား၊ ရေချင်း တူတူပါပဲ၊ သို့သော်လည်း နေရာတို့, အသုံးတို့ကျတော့ ကွာသွားတယ်၊ ကွာသွားသည့် အတွက်ကြောင့် လူတွေရဲ့စိတ်ထဲမှာလည်း ခွဲခြားမှု ဖြစ်သွားတယ်၊ ဒါကြောင့်မို့ သမ္မုတိသစ္စာကို ဖောက်ဖျက်တဲ့ ပုဂ္ဂိုလ်ဟာ လောကမှာ ရူးသွပ်တဲ့ ပုဂ္ဂိုလ်ပဲ ဖြစ်မယ်တဲ့နော်။

မြတ်စွာဘုရားက သမ္မုတိသစ္စာကို အသုံးပြုပြီးတော့ ရှောင်ရမယ့် တရားတွေ၊ ဆောင်ရမယ့် တရားတွေ၊ သိင်္ဂါလောဝါဒသုတ်မှာ မိဘကျင့်ဝတ်တွေ၊ သားသမီးကျင့်ဝတ်တွေ၊ အလုပ်ရှင်ရဲ့ ကျင့်ဝတ်တွေ၊ အလုပ်သမားတွေရဲ့ ကျင့်ဝတ်တွေ ဆိုပြီးတော့ စည်းကမ်းတွေ အမျိုးမျိုး ဟောခဲ့တယ်၊ လောကကြီးပွားရေးတွေ, သံသရာ ကြီးပွားရေးတွေကို ဟောခဲ့တယ်၊ သမ္မုတိသစ္စာပိုင်းက ဟောတာပါတဲ့၊

ဒါကြောင့်မို့ သမ္မုတိသစ္စာဟာ လောကကြီးတစ်ခုလုံးကို စည်းကမ်းကလနားရှိရှိနဲ့ ကြီးပွားတိုးတက်အောင် စွမ်းဆောင်နိုင်တာ ဖြစ်သောကြောင့် သမ္မုတိသစ္စာဟာ ပယ်ရမယ့် အရာမဟုတ်ဘူး၊ သူ့နေရာနဲ့သူ လေးစား လိုက်နာရမယ်လို့၊ ဒီလိုပြောတာနော်။

ပညတ်ရဲ့ သဘောလက္ခဏာ

အဲဒီတော့ ပညတ်တွေ မှန်သမျှဟာ သမ္မုတိသစ္စလို့ဆိုတော့ ပညတ်ရဲ့ အသွင်အပြင် သဏ္ဌာန်လေးကို ကြည့်ရအောင်၊ ဘာကြောင့် ပညတ်လို့ ခေါ်ရသလဲ၊ ဘယ်လို သဘာဝတရားကို ပညတ်လို့ ခေါ်သလဲဆိုတာကို ကြည့်ရမယ်၊ ခုနက ပြောခဲ့ပြီ၊ လူတွေ နေ့စဉ်သုံးနေတဲ့ စကားလုံးတွေ၊ မှည့်ခေါ်ထားတဲ့ အမည်နာမတွေ ထိုအမည်နာမတွေက ဖော်ပြတဲ့ အရာဝတ္ထုတွေ၊ အားလုံးဟာ ပညတ်ချည်းပဲလို့ ဒီလို ပြောခဲ့ပြီ။

ဒါဖြင့် ပညတ်ရဲ့ သဘောလက္ခဏာက ဘယ်ပုံ ဘယ်သဏ္ဌာန် ရှိသလဲလို့ ဆိုရင် ပညတ်ဆိုသည်မှာ “ယသ္မိံ ဘိန္နေ ဉာဏေန၀ါ ၀ိဘေဒိတေ န တံ သမညာ” ဘယ်လိုပဲ general consensus အများက အသိအမှတ် ပြုထားပေမယ့်လို့ ပညတ်ဆိုတာဟာ ပုံပန်းသဏ္ဌာန် ပျက်သွားလို့ရှိရင် အမည်ပြောင်းသွားတက်တယ်၊ ဒါ ပညတ်ရဲ့သဘောပါပဲ၊ ပညတ်ဆိုတာ သဏ္ဌာန်ပျက်သွားလို့ရှိရင် အမည် ပြောင်းသွားတက်တယ်။

ယေဘုယျအားဖြင့် ပြောရအောင်၊ ဘုန်းကြီးတို့တစ်တွေ၊ ၀တ်နေတဲ့ အ၀တ်ဟာ ၀ါဂွမ်းကနေ ရတဲ့ချည်က ဖြစ်လာတာ၊ ပထမဆုံးက အပင်မှာ သီးပွင့်နေတဲ့အရာ ၀ါဂွမ်းလို့ ဒီလို မပြောကြဘူးလား၊ ၀ါပင်ကနေ ပွင့်ပြီးတော့ သီးလာတဲ့ ဒီအရာဝတ္ထုလေးကို လူတိုင်းက ‘၀ါဂွမ်း’၊ အင်္ဂလိပ်လို cotton လို့ ခေါ်တယ်၊ အဲဒီ ၀ါဂွမ်းကို ချည်အဖြစ် သဏ္ဌာန်ပြောင်း လိုက်မယ်၊ ၀ါဂွမ်းလို့ ခေါ်သေးလား၊ ဘယ်သူမှ မခေါ်ဘူး၊ ၀ါဂွမ်းသည် ချည်ဖြစ်သွားပြီ၊ လူတိုင်းလူတိုင်းဟာ ‘ချည်’ ပဲလို့ ခေါ်ကြတယ်၊ အဲဒါ ပညတ်ရဲ့ သဘောပဲ၊ သဏ္ဌာန်ပြောင်းသွားတိုင်း အမည်ပြောင်းသွားရတယ်။

တစ်ခါ ချည်ကို ရက်ကန်းစက်ပေါ်တင်ပြီး ယက်လိုက်တယ်၊ အတိုင်ချည် အဖောက်ချည်နဲ့ ယက်လိုက်တယ်၊ အဲဒါကို ‘အထည်’ တဲ့ ဖြစ်သွားပြန်ပြီ၊ နာမည် ပြောင်းသွားပြန်ပြီ၊ ချည်ဘ၀ကနေ အထည်ဘ၀ရောက်သွားပြန်ရော၊

အဲဒီအထည်ကို တစ်ခါ ပုံစံအမျိုးမျိုးနဲ့ လူတွေဝတ်တဲ့ ၀တ်စုံချုပ်လိုက်တဲ့ အခါကျတော့ နာမည် အမျိုးမျိုး ပြောင်းသွားပြီ၊ ဒါက ‘တီရှပ်’ တဲ့၊ ဒါက ‘ပုဆိုး’ ‘အိင်္ကျီ’ ဆိုပြီး အမျိုးစုံ ခေါ်ကြပြန်ပြီ၊ ဘုန်းကြီးတွေ ၀တ်တာကျတော့ ‘သင်္ကန်း’ တဲ့၊ အမျိုးစုံ ဖြစ်မသွားဘူးလား၊ အဲဒီလို ပုံပန်းသဏ္ဌာန်တွေ ပြောင်းလိုက်တာနဲ့ အမည် ပြောင်းပြောင်းသွားတဲ့ အရာတွေကို ပညတ်လို့ ခေါ်တာပါ။

ထို့အတူပဲ ကြည့်လေ၊ အသားနဲ့ လုပ်ထားတဲ့ စားပွဲကို ပြောရအောင် ပထမတုန်းက ‘သစ်ပင်’ တုန်းက စားပွဲလို့ မခေါ်ပါဘူး၊ ကျွန်းဆိုရင် ကျွန်းပင်ကြီးပဲလို့ ခေါ်မယ်၊ တခြား အပင်တွေဆိုရင် တခြားသူ့နာမည်နဲ့ ခေါ်မယ်၊ ပထမဆုံးက သစ်ပင်လို့ခေါ်တာ၊ လှဲလိုက်တဲ့အခါ ခွဲစိပ်လိုက်တဲ့အခါကျတော့ ‘သစ်သား’ လို့ ဖြစ်သွားပြန်ရော၊ သစ်ပင်လို့ ဘယ်သူမှ မခေါ်ဘူး၊ သစ်သားဖြစ်သွားတယ်၊ အဲဒီသစ်သားကိုမှ တစ်ခါ ပရိဘောဂဆရာက ပုံသဏ္ဌာန်အမျိုးမျိုးနဲ့ စပ်လိုက်မယ်၊ အသုံးအဆောင် ကြည့်ပြီး တော့ စပ်လိုက်မယ်ဆိုရင် ဒါကိုတော့ ‘စားပွဲ’ ခေါ်တယ်၊ ဒါကိုတော့ ‘ကုလားထိုင်’ ခေါ်တယ်နဲ့ လူတွေ အသုံးအဆောင် အမျိုးမျိုး ဖြစ်မသွားဘူးလား၊ ပညတ်ဆိုတာ ရပ်မနေဘူးနော်၊ ပုံသဏ္ဌာန်ပြောင်းတာနဲ့ လိုက်ပြောင်းဦးမှာပဲ။

ခုန အ၀တ်အထည်လေးကို မ၀တ်တော့ဘူး၊ လက်နှီးစုတ်လုပ်မယ်၊ ခြေသုတ်ပုဆိုးလုပ်မယ်ဆိုရင် အ၀တ်လုိ့ ခေါ်သေးလား၊ မခေါ်တော့ပြန်ဘူး၊ အသုံးလိုက်ပြီးတော့ နာမည်ပြောင်းသွားပြန်ရော၊ အိမ်မှာပိုနေတယ်။ ဒီအတိုင်းကြီး အသုံးမကျဘူးဆို ပြီးတော့ မီးဖိုထည့်လိုက်တဲ့ အခါကတော့ ပြာဖြစ်သွားတယ်၊ အဲဒီကျတော့ အ၀တ်အထည် ခေါ်သေးလား၊ ပြာလို့ ဖြစ်သွားပြန်ရော၊ အဲဒီလို တစ်ခုပြီး တစ်ခုပြောင်း လဲပြီးနေတာ မတည်မြဲဘဲနဲ့ ပုံသဏ္ဌာန်ပြောင်းသွားတာနဲ့ အမည် ပြောင်းပြောင်းသွားတာ မှန်သမျှဟာလည်း ပညတ်တဲ့၊ ဒါ စာပေကျမ်းဂန်မှာ ဆိုတာကို ချဲ့ပြီးတော့ ပြောတာ။

 *ဆက်ရန်* ------- ဒေါက်တာ အရှင်နန္ဒမာလာဘိဝံသ၏ အဘိဓမ္မာ မြတ်ဒေသနာ (ပထမတွဲ) -

 {သဏ္ဌာန်ပျက်ရင် အမည်ပြောင်းတဲ့သဘော၊ ပညတ်ကို ဘာအတွက်သုံးကြသလဲ} အား ဆက်လက်ရေးသား ပူဇော်ပါမည်။

တင်ပြသူ Yanan Sanein အချိန် 1:45 PM