ဘုရားတည်မှု
ဘုရားစေတီတည်ထားရာ၌
ကုသိုလ်ရသည်ကား မှန်ပါ၏၊ သို့သော် အကျိုးရသင့်သမျှ အပြည့်အစုံ ရဖို့ စဉ်းစဉ်းစားစား
တည်ထားသင့်ကြသည်၊ မဟာဝဂ္ဂသံယုတ် ၀ိဟာရ၀ဂ္ဂအဋ္ဌကထာ၌ သမ္မာဒိဋ္ဌိ ဖြစ်ပုံကို ပြရာဝယ် “အပ္ပတိဋ္ဌိတေ
ဒိသာဘာဂေ စေတိယ ပတိဋ္ဌာပနံ=စေတီ မတည်ရသေးသောအရပ် (မြို့, ရွာ) တို့၌ စေတီတည်ထားခြင်းကို
သမ္မာဒိဋ္ဌိ=အယူမှန်ခြင်း”ဟု ဆို၏၊ စေတီရှိပြီး
နေရာ၌ ထပ်၍ တည်ခြင်းကို အဋ္ဌကထာ မလိုလားကြောင်းမှာလည်း ဉာဏ၀ိဘင်္ဂအဋ္ဌကထာ၌… “ဧကသ္မိံ ၀ိဟာရေ
ဒွိနံ္န စေတိယာနံပိ လာဘသက္ကာရော ဥဠာရော န ဟောတိ-တစ်ကျောင်း တစ်တိုက်ဝယ် စေတီတော် နှစ်ဆူရှိရာ၌
လာဘ် ပူဇော်မှု မများ (မကောင်း) နိုင်”ဟူသော စကားဖြင့် သိသာ၏။
ထိုအဋ္ဌကထာစကားကို လက်ရှိအခြေအနေကလည်း ထောက်ခံလျက်ရှိ၏၊ စေတီတော်
များပြားသည့်အတွက် မည်သည့်စေတီ တော်မျှ အစောင့်အရှောက် ကျကျနနနှင့် သားနားသပ္ပာယ်အောင်,
စေတီတော်ရောက်သွားလျှင် စိတ်ကြည်နူးအောင် ကိုးကွယ်ထား သည်ကို မတွေ့ရ၊ မဟာမြတ်မုနိ,
ရွှေတိဂုံ စေတီတော်များ၏ ရင်ပြင်တော်၌သော်မှလည်း လူများ၏ ခြေရာတွေနှင့် ခွေးမစင်, ပန်းအမှိုက်စသည်များကို
တွေ့ရပါသေးသည်။
ဖြစ်ချင်တိုင်းဖြစ်နေပုံ
တချို့စေတီတော်ဝင်းအတွင်း၌
စေတီအငယ်, ဆင်းတုတော် အငယ်တွေ အများအပြား ရှိကြ၏၊
တစ်ဖက်ကို လှည့်၍ ဦးချနေခိုက် များစွာသော စေတီဆင်းတုတော်များကို ကျောပေးထားရာ ရောက်တော့၏၊
နာမည်ကြီးသော ဆင်းတုတော်မှာ ပန်းတွေ ပြည့်နေသော်လည်း ထိုဆင်းတုတော် စေတီတော် အငယ်များ၌
ပန်းတစ်ပွင့်မျှ မရှိကြပေ၊ ကျေးရွာများ၌ ဘိုးဘွား အစဉ်အဆက်က တည်ထားပြင်ဆင်လာသော စေတီတော်များ
ရှိတတ်သေး၏။
သားစဉ်မြေးဆက်တို့ စီးပွားတက်ချိန်၌ ထိုစေတီတော်များ တန်ခိုးတော်
ကြီးမား၍ သားစဉ်မြေးဆက်တို့ ဆုတ်ယုတ်သောအခါ ထိုဘိုးဘပိုင်စေတီများလည်း ညိုမည်း ခြောက်သွေ့၍
(ဆင်းရဲသော ကျောင်းဒကာ၏ ဘုန်းကြီးပမာ) အရှိန်အ၀ါ မတောက်နိုင်ကြချေ။
ကာလအတော်ကြာလျှင်ကား မြက်သစ်ပင်များ
ပေါက်ရောက်ရာ အုတ်ပုံဘ၀သို့ ရောက်၍ တချို့ စေတီများမှာ ဌာပနာ အဖောက် ခံရရုံတွင်မက အုတ်တွေကို
လူတို့က အသုံးပြုကာ ဖြစ်ချင်သလို ဖြစ်နေရရှာလေတော့သည်၊ [စစ်အတွင်းက မြို့ပြစေတီတော်
ဆင်းတုတော်များ၌ ခြင်ထောင်ကြိုး အချည်ခံရပုံ, စစ်သားများ ထမင်းချက်ရာ၌ ဆင်းတုတော်နှစ်ဆူ၏
ပခုံးတော်ပေါ် တုတ်တန်း တင်၍ ချက်ပုံကို လူအများပင် တွေ့မြင်ကြားသိလိုက်ရပေသည်၊၊]
ပြုပြင်ရေး
အနာဂတ်ကာလ၌
ပုဂ္ဂလိက ဘိုးဘပိုင် ဘုရားစေတီ ဆင်းတုတော်များ အသစ်မတည်ဘဲ ရွာလုံး မြို့လုံး ကိုးကွယ်ဖို့ရာ
အဟောင်းစေတီများကို စုပေါင်းပြင်ဆင်၍ ဖြစ်စေ, လုံးလုံး မရှိသေးလျှင် အသစ်တည်၍ ဖြစ်စေ
ကြီးကျယ် ခမ်းနားသော စေတီတော် ဆင်းတုတော်ကိုသာ တည်ထားကိုးကွယ် ၍ မဟာရံတံတိုင်း တံခါးပိတ်များဖြင့်
သားနားသပ္ပာယ်စွာ ဆင်ပြင် ထားသင့်ပါသည်။
အဘိုး အဘွားအရွယ်နှင့် သူတော်ကောင်းစိတ်ဓာတ် အထူးရှိသော ငယ်ရွယ်သူတို့လည်း
နံနက်နှင့် ညနေပိုင်း၌ စေတီဝင်းသို့ သွားရောက် ဖူးမြော်ကာ မြက်သစ်ပင်တို့ကို ရှင်းလင်းခြင်း,
ပန်းပင် စိုက်ခြင်း, ရေလောင်းခြင်းတို့ဖြင့် သက်တော်ထင်ရှား ဘုရားရှိနေ သော ကျောင်းတိုက်လို
သဘောထားကာ (စွမ်းနိုင်ပါမူ) ထိုဘုရား ၀င်းအတွင်းမှာပင် ကမ္မဋ္ဌာန်းထိုင်လျက် နောင်သံသရာရေးအတွက်
ကြိုးစားသင့်ကြပါသည်၊ [ဆင်းတုတော်များကိုလည်း များသော နေရာမှ လုံးလုံး မရှိသေးသော
(ချင်းတောင်ဒေသ စသော) အရပ်များသို့ ပင့်ဆောင် ကိုးကွယ်သင့်ပါသည်။]
No comments:
Post a Comment