အနာဂတ်သာသနာရေး အပိုင်း(၉၁) ပထမ၀ါ ရဟန္တာခြောက်ကျိပ်တစ်

ပထမ၀ါ ရဟန္တာခြောက်ကျိပ်တစ်                                             

ယသသတို့သား ရဟန်းပြုသွား ခြင်းကို သူငယ်ချင်းများဖြစ်ကြသော သူဌေးသား လေးယောက်တို့ကြား၍ စဉ်းစားကြသည်မှာ “ယသလို အမျိုးသားကောင်းတစ်ယောက်သည်ပင် ဆံပင်ကို ရိတ်, မုတ်ဆိတ်ကို ပယ်, သုံးထည်မျှ သင်္ကန်းကို ဆင်မြန်း၍ ရဟန်းပြုတယ်”ဆိုလျှင် “ထိုဗုဒ္ဓ၏ အဆုံးအမ သြ၀ါဒ သာသနာတော်သည် ဧကန်မုချ အောက်တန်းစား မဖြစ်တန်ရာ၊ ယသသတို့သားလို အထက်တန်း အမျိုးသားတို့၏ စိတ်ဝင်စား လောက်ဖွယ် ကြီးကျယ်သော အရာသာ ဖြစ်ပေလိမ့်မည်” ဤသို့ တွေးတောကြံဆ၍ အရှင်ယသအထံ သွားကြလေရာ အရှင်ယသမှတစ်ဆင့် ဗုဒ္ဓ၏အထံတော်သို့ ရောက်ကြလျှင် အစဉ်အတိုင်း တရားတော်ကို နာကြရသဖြင့် ရဟန္တာရဟန်းတော်များ ဖြစ်သွား ကြလေသည်။

          ထို့နောက် ဇနပုဒ်မှ အရှင်ယသ၏ သူငယ်ချင်းများဖြစ်ကြကုန် သော ဆွေကောင်း မျိုးကောင်း သတို့သားပေါင်း ငါးကျိပ်လည်း ထိုနည်းအတိုင်းပင် ကြားကြ၍ အရှင်ယသ အထံသို့ လာကြလေရာ ရဟန္တာရဟန်းတော်များ ဖြစ်ကြလေသည်၊ ဤကား မိဂဒါဝုန်တော ပထမ၀ါ၌ ရဟန္တာဖြစ်ကြကုန်သော ရဟန်းတော်များတည်း၊ ဗုဒ္ဓ, ပဉ္စ၀ဂ္ဂီငါးဦး, အရှင်ယသနှင့် အပေါင်းအဖော် ငါးကျိပ်လေးပါး ပေါင်းလျှင် ထိုပထမ၀ါ၌ ရဟန္တာ ခြောက်ကျိပ်တစ်ပါး ရှိလေပြီ၊ ဗုဒ္ဓကို ချန်ထား၍ ထိုခြောက်ကျိပ်သော အထက်တန်း အမျိုးကောင်း သား ရဟန္တာများကား ဗုဒ္ဓ၏ အဆုံးအမသြ၀ါဒ သာသနာ့ဝန်ကို အားသွန် ကြိုးပမ်းမည့် သာသနာ့ဝန်ဆောင် ထိပ်ခေါင်တင် အရှင်မြတ်များချည်း ဖြစ်ကြပါလိမ့်မည်။

အရှင်ယသတို့ ရှေးကောင်းမှု

အရှင်ယသအလောင်းနှင့် သူငယ်ချင်း ငါးကျိပ်  လေးယောက်တို့သည်  တစ်ခုသော  ရှေးဘ၀၀ယ် အသင်းဖွဲ့၍ ကောင်းမှုပြုကာ ကိုးကွယ်ရာမရှိသော သူသေအလောင်းတို့ကိုလည်း မီးသင်္ဂြိုဟ်ပေးလေ့ ရှိကြလေသည်၊ အခါတစ်ပါး၌ကား ကိုယ်ဝန်ဆောင် မိန်းမအလောင်းကို သုသာန်သို့ ယူ၍ အသင်းသား ငါးယောက်ကို မီးသင်္ဂြိုဟ်ရန် ချန်လျက် အခြားသူတို့ ပြန်ကြလေသည်၊ ကျန်ရစ်သော ငါးယောက် တို့တွင် အရှင်ယသအလောင်း သတို့သားသည် မီးသင်္ဂြိုဟ်ရင်း အသုဘကမ္မဋ္ဌာန်း ထင်လာသဖြင့် သူထင်လာသည့်အတိုင်း အခြား လေးယောက်ကိုလည်း ပြောပြလေရာ အားလုံး အသုဘကမ္မဋ္ဌာန်း ပွားများပြီးနောက် ပြန်လာပြီးလျှင် အခြားငါးကျိပ်သော မိတ်ဆွေတို့အားလည်း ပြောပြကြလေသော် အားလုံးပင် အသုဘကမ္မဋ္ဌာန်း ထင်လာကြ၏၊ ယသသတို့သားကား အိမ်ရောက်သောအခါ မိဘနှင့် ဇနီးအားလည်း ပြောပြပြန်သဖြင့် ထိုတစ်ခဏမျှ အသုဘကမ္မဋ္ဌာန်းရကြလေသည်။

          ထိုရအပ်ခဲ့သော အသုဘ ဘာဝနာသည် ယသသတို့သား၏ စိတ်၌ မသိမသာ ဘ၀တိုင်း စွဲကပ်ပါနေလေရာ နောက်ဆုံးဘ၀၌ ခမ်းနားကြီးကျယ် တင့်တယ်သော တိုက်ခန်းဝယ် စံမြန်း၍ နေရစဉ် မှာပင် ၀တ်စားဆင်ပြင်လျက် အိပ်ပျော်နေသော မောင်းမမိဿံ အခြေအရံတွေကို ကြည့်ကာ ရှေးက ရခဲ့သော အသုဘဘာဝနာ သည် အလွန် ထင်ရှားစွာ ပေါ်လာပြန်ရကား ထိုတိုက်ခန်းမှာပင် မနေနိုင် မထိုင်နိုင်အောင် ရှိရလေသည်၊ ထို အသုဘ ဘာဝနာကို အခြေခံ ရခဲ့သောကြောင့် မိဘ ဇနီးနှင့် သူငယ်ချင်း လေးကျိပ် လေးယောက်လည်း အရှင်ယသနောက်သို့ လိုက်ကာ တရားထူး ရကြပါလေသည်။

    သာသနာပြု စေလွှတ်တော်မူခန်း    

ဗုဒ္ဓရှင်တော်သည် ပထမ၀ါကျွတ်သောအခါ ခြောက်ကျိပ်သော ရဟန်းတို့ကို ခေါ်တော်မူ၍ မိန့်တော်မူသည်မှာ-- “ဘိက္ခုတို့ … ငါသည် လူ၌ဖြစ်သော ကာမကျော့ကွင်း, နတ်၌ဖြစ်သော ကာမ ကျော့ကွင်းတို့မှ လွတ်ကင်းခဲ့ပြီ၊ အသင်တို့လည်း ထိုကျော့ကွင်းတို့မှ လွတ်ကင်းကြပြီ၊ ဘိက္ခုတို့…သင်တို့သည် များစွာသော သတ္တ၀ါတို့၏ စီးပွားချမ်းသာ ဖြစ်ဖို့ရာ ဒေသစာရီ လှည့်လည်ကြ၊ (တစ်လမ်းကို နှစ်ပါးသွားလျှင် အရပ်ဒေသ အနှံ့နည်းသောကြောင့်) တစ်လမ်းကို နှစ်ပါး မသွားကြလေနှင့်၊ ကိုယ့်လမ်းနှင့်ကိုယ် ခွဲ၍ သွားကြလေ၊ အစကောင်း အလယ်ကောင်း အဆုံးကောင်းတရားကို ရောက်ရာ အရပ်တိုင်း ဟောပြကြလေ၊ ငါဘုရား၏ သြ၀ါဒသာသနာ တော်ကို အရပ်တိုင်းမှာ ထင်ရှားအောင် အနှံ့အပြား ဟောပြကြလေ။

          ပညာစက္ခု၌ အ၀ိဇ္ဇာတိမ်သလာ နည်းပါးသော သတ္တ၀ါတွေ အများအပြား ရှိကြ၏၊ ထိုသတ္တ၀ါတို့သည် တရားကို မနာရသဖြင့် ရသင့် ရထိုက်သော အသိဉာဏ်မှ ဆုတ်ယုတ်ရှာကြ ပေလိမ့်မည်၊ ဟောပြောသောအခါ သိလွယ်မည့် သတ္တ၀ါတွေ ရှိကြပေလိမ့်မည်၊ ထို့ကြောင့် သင်တို့ အနှံ့အပြား တရားစစ် တရားမှန်ကို ဟောပြော ကြလေ၊ ငါဘုရားကား ဥရုဝေဠတောသို့ ကြ၍ ရသေ့တစ်ထောင်ကို တရားဟောမည်”ဟု မိန့်တော်မူကာ ထိုပထမ၀ါကျွတ်မှ စ၍ သာသနာပြုကိစ္စကြီးကို စတည်တော်မူခဲ့ပေသည်၊ ထိုသို့ စေလွှတ် အပ်သော ရဟန္တာ အရှင်မြတ်တို့လည်း အရည်အချင်းရှိသော အမျိုးသားတို့ကို သာသနာတွင်းသို့ သိမ်းသွင်းတော်မူကြလေရာ ဗုဒ္ဓသာသနာတော် ကျယ်ပြန့်၍လာလေသည်။

မှတ်ချက်။       ။         အရှင်ယသ၏ သူငယ်ချင်း ငါးကျိပ်လေးယောက်တို့သည် အရှင်ယသ ရဟန်းပြုသည်ကို အားကျကြ၏၊ ဘာ့ကြောင့်နည်း၊ … “အလွန် အထက်တန်း ရောက်နေသော ယသသတို့သား၏ ရဟန်းပြုရာ သာသနာသည် အလွန့်အလွန် အထက်တန်းကျပေလိမ့်မည်”ဟု စဉ်းစားမိကြသောကြောင့်တည်း၊ ထို့ကြောင့် မည်သည့်ကိစ္စ၌မဆို အထက်တန်းလူတွေ လုပ်သော အလုပ်သည် အထင်ကြီးခံရသကဲ့သို့ အောက်တန်းလူတွေ လုပ်နေသော အလုပ်မျိုးလည်း (အလုပ်ကောင်းလာသောအခါကျမှ အထင်ကြီးတန်လျှင် ကြီးမည်၊ ပထမသော်) အထင်သေးခံရမြဲပင် ဖြစ်၏၊ ရှေးတုန်းက လက်ရှိဘုရင်ဘ၀မှ ထွက်၍ ရဟန်းပြုတော်မူသော ဗုဒ္ဓနှင့်တကွ အရှင်ယသတို့ကဲ့သို့ အထက်တန်းပုဂ္ဂိုလ် များစွာ ၀င်ရောက်ခဲ့ကြသော ငါတို့ သာသနာတော်ကို အများက မော်၍ ဖူးမြော်ကြရသလောက် ယခုအခါ အတော် များစွာသော လူတွေက ငုံ့၍ အကြည့်ခံနေရချေပြီ။

          ထို့ကြောင့် များစွာသော လူကြီးလူကောင်းဆိုသူတို့၏ သားတွေ ရဟန်းပြုဖို့ စိတ်မ၀င်စားကြ၊ မိဘဖြစ်သူတို့ကလည်း လူ့ဘောင်၌ အဆင့်အတန်း နိမ့်ကျပုံ မရသော သားကို ရဟန်းမပြုစေလိုကြ၊ မိမိကိုယ်တိုင် အားမရ၍ နောင်ခါ အောက်ကျ နောက်ကျဖြစ်မည် စိုးရသော သားကိုသာ “မကောင်း ကျောင်းပို့”ကာ ရဟန်းပြုစေချင်ကြ၏၊ ထို့ကြောင့် သာသနာတော် ပျက်စီးရ, တန်းလျှောရခြင်းသည် သာသနာဝင်တွေနှင့် ကိုးကွယ်သူတွေ ဖျက်ဆီးနေမှုကြောင့် သံကို သံဖျက် သံချေးတက်ရခြင်းသာတည်း၊ ထိုကဲ့သို့ မဖြစ်ရအောင် စနစ်တကျ ငါတို့ ပြုပြင်နိုင်ကြလျှင် ဤသာသနာတော်ကို မြန်မာသာမက ကမ္ဘာကပင် မော်၍ ဖူးရပါလိမ့်မည်။

 

Credit to

တင်ပြသူ Yanan Sanein အချိန် 6:26 AM