အဂ္ဂသာဝကနှစ်ပါးအကြောင်း
အရှင်သာရိပုတ္တရာနှင့် အရှင်မောဂ္ဂလ္လာန်
ဗုဒ္ဓရှင်တော်မြတ်၏ လက်ယာဘက်
နေရာ၌ ထိုင်တော်မူရ၍ ပညာဘက်၌ ဧတဒဂ်ရသောကြောင့်… “လက်ယာတော်ရံ”ဟု သမုတ်အပ်သော
အရှင်သာရိပုတ္တရာနှင့် လက်ဝဲဘက် နေရာ၌ ထိုင်တော်မူရ၍ တန်ခိုးဣဒ္ဓိဘက်၌ ဧတဒဂ်ရသောကြောင့်
“လက်ဝဲတော်ရံ” ဟု သမုတ်အပ်သော အရှင်မောဂ္ဂလ္လာန်သည် ဗုဒ္ဓသာသနာတော်ဝယ် အမြတ်ဆုံး တပည့်များ
ဖြစ်ကြသော အဂ္ဂသာဝကပေတည်း၊ [““ဧတဒဂံ္ဂ ဘိက္ခဝေ မမ သာဝကာနံ = ငါ၏ သာဝက (တပည့်) တို့တွင်
ဤသူသည် အသာဆုံး””ဟု ချီးမြှောက် တော်မူရာ၌ ““ဧတဒဂံ္ဂ””ဟူသော ပါဠိတော်ကို ““ဧတဒဂ်””ဟု
မြန်မာ ပြန်ထား၏၊ ထိုသို့ ““ဧတဒဂ်”” စသည်ဖြင့် ချီးမြှောက်ခံရသော ပုဂ္ဂိုလ်သည် ဧတဒဂ်ရပုဂ္ဂိုလ်မည်၏၊
ဧတဒဂံ္ဂ=ဧတံ+အဂံ္ဂ=ဤသူ အသာဆုံး၊ အဂ္ဂ+သာဝက=မြတ်သော+တပည့်၊] ထို အဂ္ဂသာဝက နှစ်ပါးတွင် တရားဟော၍
ဆုံးမရမည့် ပညာရေးကိစ္စ၌ အရှင်သာရိပုတ္တရာသည် လွန်စွာ အကူအညီ ရ၍ တန်ခိုးဖြင့် ဆုံးမရမည့်
အရာဝယ် အရှင်မောဂ္ဂလ္လာန်သည် အလွန် အကူအညီရပေသည်။
အမျိုးနှင့်စိတ်ထား
ထိုအရှင်နှစ်ပါးလုံးပင်
ရာဇဂြိုဟ်မြို့၏အနီး ဗြာဟ္မဏရွာကြီး၌ အမျိုးအဆက်ဆက် သူငယ်ချင်း ဖြစ်လာခဲ့၍ လူပျိုဘ၀
ပွဲကြည့်ရာမှ သံဝေဂရခဲ့ကြ၏၊ ရာဇဂြိုဟ်မြို့၌ ခုနစ်ရက်မျှ တောင်ထိပ်ပွဲသဘင် ကျင်းပလေရာ
အများနည်းတူ ပျော်ရွှင်စွာ ကြည့်ရှုနေကြရင်းပင် “ဒီလို ပွဲသဘင်ထဲ၌ ကြည့်ချင်စရာဟူ၍ ဘယ်မှာ
ရှိတော့မှာလဲ၊ ယခုမြင်ရသော ပွဲကြည့်ပရိသတ်နှင့် ပွဲကသူ အားလုံးပင် အနှစ်တစ်ရာအတွင်း၌
ကြက်ပျောက် ငှက်ပျောက် သေပျောက်ကြရမှာ အမှန်ဖြစ်တယ်၊ ငါတို့ လွတ်လပ်ခွင့်တရားထူးကို
(နိဗ္ဗာန်ကို) ရှာသင့်ကြတယ်”ဟု စဉ်းစားမှု ထိတ်လန့်မှုများ ရောနှော၍ ဖြစ်ပေါ်လာကာ နှစ်ယောက်
လုံးပင် သဘောတူ ရသေ့လုပ်ခဲ့ကြသည်၊ ထို့နောက် (တိတ္ထိဆရာကြီး ခြောက်ယောက်တွင် ပါဝင်ထင်ရှားသော)
သိဉ္စည်းဆရာကြီးအထံ မှာပင်နေကာ ထိုဆရာကြီး၏ တရားဖြင့် အားမရသေးဘဲ “တရား ထူးကို ရှာဖွေ
စုံစမ်း၍ အလျင် တွေ့သူက ပြောလာစတမ်း”ဟု ကတိက၀တ် ပြုလျက် တရားထူးကို ဆက်လက် ရှာကြလေသည်။
ဤစကားဖြင့် “သဒ္ဓါတရားသက်သက် တရားထူးရလိုသော စိတ်ဖြင့် ရသေ့ရဟန်း
ပြုလာခဲ့သူများ ဖြစ်သည်”ဟု ဆိုလိုသည်၊ ထိုအရှင်နှစ်ပါးတို့ ရသေ့ပြုချိန်မှာ ဗုဒ္ဓရှင်တော်လည်း
ပွင့်တော်မမူ သေးချေ၊ ဒုက္ကရစရိယာ ကျင့်ချိန်လောက် ဖြစ်ကောင်းဖြစ်နေပါလိမ့်မည်။ [ထို့နောက်
ပဉ္စ၀ဂ္ဂီငါးပါးတွင် အပါအ၀င်ဖြစ်သော အရှင်အဿဇိနှင့် တွေ့၍ သောတာပန် ဖြစ်ကြပုံ, ဗုဒ္ဓအထံတော်
ရောက်လာကြပုံကို ထိုထိုကျမ်းစာတို့၌ ရှုပါလေကုန်။]
အရှင်သာရိပုတ္တရာ
ထိုအရှင်နှစ်ပါးတွင်
အရှင်သာရိပုတ္တရာသည် ရဟန္တာမဖြစ်မီကပင် စိတ်ထား သဘောထား နူးညံ့ပုံ ရ၏၊ ခန္ဓာကိုယ်တော်လည်း
အလွန် ခံ့ကျန်းတော်မူပုံ မရ၊ အခါတစ်ပါး၌ လေနာထ၍ သပ္ပာယဖြစ်သော ဆွမ်းဟင်းကို အရှင်မောဂ္ဂလ္လာန်
ကိုယ်တော်တိုင် ရှာဖွေရဖူးသေး၏၊ ရောက်လေရာ ကျောင်းတိုက်၌ အများဆွမ်းခံကြွပြီးနောက်
လှည့်ပတ်ကြည့်ရှုကာ မတော်မလျော်ထားအပ်သော အရာများကို သိမ်းဆည်းပြီးမှ ဆွမ်းခံ ကြွတော်မူလေ့ရှိ၏။
အခါတစ်ပါး၌ကား သင်းပိုင်တစ်စွန်း မညီမညွတ် ကျနေပုံကို ခုနစ်နှစ်အရွယ် ကိုရင်ကလေး မြင်၍ “အရှင်ဘုရားရဲ့
သင်းပိုင် အစွန်း ကျနေပါသည်”ဟု လျှောက်ရာ သင့်တော်သော နေရာသို့ ကြွ၍ ညီညွတ်စွာ ပြင်ဝတ်ပြီးမှ
“သည်လိုဆိုလျှင် တော်လောက် ပြီလား ဆရာ”ဟု အဉ္ဇလိံ ပဂ္ဂယှ အဋ္ဌာသိ-လက်အုပ်ချီကာ ရပ်၍ ပြတော်မူပါသတဲ့။
[ဒေ၀ပုတ္တသံယုတ္တအဋ္ဌကထာ]
အရှင်သာရိပုတ္တရာကား ထိုမျှလောက် စိတ်နေကိုယ်ထား နူးညံ့တော်မူပါပေသည်၊
အရှင်အဿဇိ အထံတော်မှ တရားထူးကို သိရ၍ အရှင်အဿဇိ ရှိရာဘက်သို့ ဦးခေါင်းပြုလျက် ကျိန်းစက်လေ့
ရှိတော်မူသည်၊ ဆရာဖြစ်ဖူးသော သိဉ္ဇည်းဆရာကြီးကိုလည်း ဗုဒ္ဓ၏ အထံတော်သို့ ပါအောင် ခေါ်ရှာသေး၏၊
သို့သော် အတင်းငြင်းပယ်သောကြောင့်သာ လက်လျှော့တော်မူရသည်၊ နောက်ဆုံးအချိန်၌မူ ဗုဒ္ဓဘာသာ
မဖြစ်သေးသော မယ်တော်ကြီးကို ချွတ်ဖို့ရန် မိမိ ဖွားတော်မူရာ တိုက်ခန်းသို့ ကြွ၍ သွေးအန်သော
ရောဂါဖြင့် ပရိနိဗ္ဗာန် စံတော်မူရရှာပါသည်။
No comments:
Post a Comment