၃။ သံဃာ့ရတနာအခန်း
သံဃံ သရဏံ ဂစ္ဆာမိ။
သံဃာနှစ်မျိုး “သံဃ”ဟူသော ပါဠိစကားသည် ““အပေါင်း=အသင်း = အဖွဲ့
= အစည်းအရုံး” ဟူသော အဓိပ္ပာယ်ကို ပြ၏၊ ထိုသံဃာတော်သည် “ပရမတ္ထသံဃာ, သမ္မုတိ သံဃာ”ဟု နှစ်မျိုးရှိ၏၊
“သုပ္ပဋိပန္နတာ”စသော ဂုဏ်တော်များနှင့် ပြည့်စုံ၍ အရိယာ ဖြစ်ပြီးသော သံဃာတော်များသည်
ပရမတ္ထသံဃာတော်မည်၏၊ [ပရမတ္ထ-အစစ်အမှန် မဖောက်ပြန်နိုင်သော ရဟန်းတော် သံဃာတော်အဖြစ်မှ
ပြောင်းလဲ၍ လူအဖြစ် စသည်သို့ ဘယ်နည်းနှင့်မျှ မရောက်နိုင်သော+သံဃ=အရိယာအပေါင်းအဖွဲ့]
သုပ္ပဋိပန္နတာ
အစရှိသော ဂုဏ်တော်များနှင့် အထိုက်အလျောက် ပြည့်စုံနိုင်၍ အရိယာသံဃာများနှင့် ၀ိနည်းသိက္ခာ
အကျင့်တူသောကြောင့် ““သံဃာ””ဟု သမုတ်အပ်သော (အစစ်အမှန် မဟုတ်တတ် သော) သံဃာတော်သည် သမ္မုတိသံဃာ
မည်၏။ [သမ္မုတိ= (အစစ်အမှန်မဟုတ်) အများသမုတ်အပ် အသိအမှတ်ပြုအပ်သော+ သံဃ = ပုထုဇဉ် ရဟန်းတော်များ၏
အပေါင်းအဖွဲ့။]
ပရမတ္ထသံဃာ အာရုံပြုရမည့်ကိစ္စ
“သံဃံ
သရဏံ ဂစ္ဆာမိ” ဟု သရဏဂုံ ဆောက်တည်ကိုးကွယ်ရာ၌ ရည်စူးရမည့် “သံဃ” ဟူသည်
ပုထုဇဉ်သံဃာ မဟုတ်၊ အရိယာသံဃာများသာတည်း၊ ဆတ္တမာဏ၀က၀ိမာန၀တ္ထု၌ ဗုဒ္ဓ ရှင်တော်ကိုယ်တိုင်
“အရိယာသံဃာတော်ကို ကိုးကွယ်ဆည်းကပ်လော့”ဟု သရဏဂုံ ပေးတော်မူသည်၊ သံဃာ့ဂုဏ်တော်များကို
ရည်မှန်း၍ သံဃာနုဿတိကမ္မဋ္ဌာန်း စီးဖြန်းသောအခါ၌လည်း “သုပ္ပဋိပန္နော ဘဂ၀တော သာဝကသံဃော ၊ပေ၊
ယဒိဒံ စတ္တာရိ ပုရိသယုဂါနိ အဋ္ဌပုရိသပုဂ္ဂလာ” စသည်ဖြင့် အရိယာသံဃာတော် ရှစ်မျိုး၏ “သုပ္ပဋိပန္နတာ-ကောင်းစွာ
ကျင့်ခြင်း”စသော ဂုဏ်တော်ကို အာရုံပြုရသည်။
ရတနသုတ်ပရိတ်တော်လာ သံဃာ့ရတနာဟူရာ၌ “ယေ ပုဂ္ဂလာ အဋ္ဌသတံ
ပသတ္ထာ, စတ္တာရိ ဧတာနိ ယုဂါနိ” စသည်ဖြင့် အရိယာသံဃာတော်ကိုသာ “သံဃာ့ရတနာ”ဟု ဟောတော်မူသည်၊
ကျမ်းပြုဆရာတော်များ ကျမ်းမပြုမီ သံဃာကို ရှိခိုးကြရာ၌လည်း “နတွာ သံဃံ နိရင်္ဂဏံ=ကိလေသာအညစ်အကြေး
ကင်းဝေးတော်မူသော အရိယာသံဃာတော်ကို ရှိခိုးကြပြီး၍” ဟု ပဏာမ ပြုကြရသည်။
သံဃိကဒါန (ကျောင်းလှူ, ဆွမ်းလှူ စသော အလှူ) ပြုရာဝယ် ရည်စူးရမည့်
သံဃာ၌ကား ပရမတ္ထသံဃာတော်လည်းပါဝင်, ပုထုဇဉ် သမ္မုတိသံဃာများလည်း ပါဝင်ကြသည်၊ ယခုကာလ စေတီပုထိုး
ရုပ်ပွားဆင်းတုတော်များအား ပူဇော်ကြရာ၌ သက်တော်ထင်ရှား ဘုရားရှင်ကိုပါ ရည်စူး၍ ပူဇော်နိုင်ကြသကဲ့သို့
ထို့အတူ ဆွမ်း, ကျောင်း စသော ပစ္စည်းလေးပါးကို
လှူဒါန်းကြရာ၌လည်း မိမိ ဆွမ်းလှူအပ်သော သံဃာတွင် ပုထုဇဉ်ချည်း ဖြစ်စေကာမူ သံဃိကဒါနဖြစ်အောင်
ရည်မှန်းနိုင်ပါမူကား သူ၏ အာရုံပြုရာ သံဃာများတွင် အရိယာဖြစ်ပြီးသော သံဃာတော်များလည်း
ပါဝင်နိုင်၏။
အခါတစ်ပါး၌ ဗုဒ္ဓရှင်တော်အထံသို့ သူကြွယ်တစ်ယောက် ရောက်လာ၏၊ ရှင်တော်မြတ်က
“သင်တို့ အမျိုး၌ အလှူအတန်း ပေးကမ်းကြရဲ့လား”ဟု မေးတော်မူရာ “အလှူအတန်း ပေးကမ်း လှူဒါန်းကြပါကြောင်း,
သို့သော် တောကျောင်းဘုန်းကြီးများ ဓုတင်ဆောင် ဘုန်းကြီးများနှင့် ရဟန္တာဖြစ်ပြီး ပုဂ္ဂိုလ်,
ရဟန္တာဖြစ်အောင် ကျင့်နေသော ပုဂ္ဂိုလ်များကိုသာ လှူဒါန်းပါသည်”ဟု လျှောက်လေရာ အိမ်ရာတည်ထောင်
လူ့ဘောင်၌ နေသူက “ဤဘုန်းကြီးသည် ရဟန္တာပဲ, ရဟန္တာဖြစ်အောင် ကျင့်နေသူပဲ”ဟု သိနိုင်ဖို့
ခဲယဉ်း၏၊ တောကျောင်းနေသူတိုင်း, ဓုတင်ဆောင်သူတိုင်း (စိတ်ရင်း မကောင်းလျှင်) မချီးမွမ်းထိုက်၊
စိတ်ရင်းကောင်းနေလျှင် ရွာနီး ကျောင်းနေသူ ဓုတင်မဆောင်သူများကိုလည်း ချီးမွမ်းထိုက်၏၊
ထို့ကြောင့် “သံဃာတော်ကိုသာ ရည်မှန်း၍
လှူဒါန်းလေ” ဟု မိန့်တော်မူသည်။ [ဆက္က
အင်္ဂုတ္တိုရ်]
သာသနာ့ဝန်ဆောင်များ
ပရမတ္ထသံဃာ ဖြစ်ဖြစ်,
သမ္မုတိသံဃာ ဖြစ်ဖြစ် သာသနာ့တာဝန်ကို ရွက်ဆောင်ခဲ့ကြသော ပုဂ္ဂိုလ်ဖြစ်လျှင် ယခုခေတ်
လူများအထိ ကျေးဇူးများလှပေ၏၊ မှန်၏၊ အရှင်မဟာကဿပ, အရှင်အာနန္ဒာ စသော ပုဂ္ဂိုလ်များသည်
ပရမတ္ထသံဃာအဖြစ်ဖြင့် သာသနာ့ဝန်ကို ဆောင်တော်မူခဲ့ကြ၏၊ အဋ္ဌကထာအကျယ်ကို အကျဉ်းချုံး၍ စီရင်
သော အရှင်ဗုဒ္ဓဃောသ, မူလဋီကာဆရာ အရှင်အာနန္ဒာ, အနုဋီကာဆရာ အရှင်ဓမ္မပါလ စသော ဆရာတော်များသည်
သမ္မုတိသံဃာ အဖြစ်ဖြင့် သာသနာ့ဝန်ကို ဆောင်ခဲ့ကြ၏၊ ထို့ကြောင့် ယခုအခါ ထိုသာသနာ့ဝန်ဆောင်
ထိပ်ခေါင်တင်သံဃာများ၏ အကြောင်းကို အကျဉ်းမျှ ထုတ်ပြပါတော့မည်။
Credit to
No comments:
Post a Comment