ဓမ္မရတနာနိဂုံး
ဤ
ဓမ္မရတနာအခန်း၌ ဗုဒ္ဓရှင်တော်မြတ်၏ လေးနက်လှစွာ ဓမ္မစကြာ စသောတရား ရတနာကိုလည်းကောင်း,
ဗုဒ္ဓလက်ထက်တော်က “အနာဂတဘယ” ဟု ဟောပြထားသော ဘေးများ ယခုအခါ ဆိုက်ရောက်နေကြောင်း ကိုလည်းကောင်း,
သာသနာတော်ကွယ်ခြင်း၏ အကြောင်း မကောင်းတရားများ ယခု ဆိုက်ရောက်နေပုံကိုလည်းကောင်း, ဘုန်းကြီး၏
ဒုက္ခ၌ တရားကိုသာ ကိုးကွယ်ခဲ့ရပုံကိုလည်းကောင်း ပြပြီး၍ ယခုအခါ ဓမ္မရတနာအခန်းအတွက် နိဂုံးချုပ်ရပါတော့မည်။
ဗုဒ္ဓ၏ တရားတော်များသည် ဟောပြော ရွတ်ဖတ်နေသည်ကို ကြားနာနေရလျှင်လည်း
စိတ်ကို ချမ်းသာစေနိုင်၏၊ ရန်ကုန်မှာ ဘာသာခြား လူများ၏ အနီးရှိ
ကျောင်းကလေးဝယ် ဘုန်းကြီးတစ်ပါးတည်း
တည်းခိုနေရာ မဟာသမယသုတ်ကို ညစဉ် ရွတ်၏၊ ကျောင်းအမ လာသောအခါ ဘာသာခြားလူများက ထိုတရားသံကြောင့်
အလွန် စိတ်ကြည်နူးကြောင်း ပြောပြကြပါသတဲ့။
တရားတော်အတိုင်း ကျင့်ကြံ လိုက်နာနေလျှင်လည်း အလွန် ချမ်းသာစေနိုင်၏၊
ဘုန်းကြီး၏ ကိုယ်တွေ့ဒုက္ခများကို တရားတော်က သက်သာစေသကဲ့သို့တည်း၊ ကျောက်မြောင်းက ဒကာမတစ်ယောက်ကား
ခင်ပွန်းသည် ကွယ်လွန်၍ သောကဖြစ်သောအခါ ကိုယ်ကျင့် အဘိဓမ္မာစာအုပ်မှ သောကအကြောင်းကို
သတိထား၍ ဖြေဖျောက် နိုင်ပါသတဲ့၊ မကြာမီက လယ်မြေကိစ္စကြောင့် စိတ်ဒုက္ခရောက်ရသော မြေပိုင်ရှင်
ကျောင်းဒကာတစ်ယောက်လည်း ကိုယ်ကျင့် အဘိဓမ္မာကို ကြည့်ရှုလိုက်နာ၍ စိတ်ဒုက္ခကို ဖြေနိုင်ပါသတဲ့၊
ဤသို့လျှင် ဗုဒ္ဓတရားတော်သည် အများတွေ့နေကျ ဒုက္ခဟူသရွေ့ကို သက်သာစေနိုင်ရုံသာမက ကိုယ်ကျင့်အလေ့အလာ
ရနေသူ ဖြစ်ပါမူ “ဘ၀ကူးဖို့ အချိန်နီးလေ အားကိုးရလေ” ဖြစ်ရုံမက တစ်နည်း အားဖြင့် စဉ်းစားရလျှင်
“ဘ၀ ပြောင်းခါ နီးလေ, ပျော်စရာ ကောင်းလေ” ဖြစ်ပါလိမ့်မည်။
ရှေးခေတ်က ကျန်းမာရေး မကောင်း၍ စာချကိစ္စမှ အနား ယူရင်း, ရေးနေဆဲ
ကျမ်းစာများကိုလည်း တွင်ကျယ်စွာ ရေးရင်း နွေအခါ၌ အောက်ပြည်သို့ တစ်ပါးတည်း သွားလေ့ရှိ၏၊
ထိုသို့ သွားခါနီးဝယ် လိုက်ပို့သော တပည့်များ ပြန်ကြ၍ ဘုန်းကြီးမှာ “ဒုတိယတန်း ရထားလက်မှတ်, စာအုပ်သေတ္တာ,
အိပ်ရာလိပ်နှင့် ဘိလပ်ရည် နှစ်လုံးစာထည့်ထားသော ဓာတ်ဘူး” ဤမျှသာ ရှိရစ်၏၊ ပိုက်ဆံလည်း
မပါ၊ တွဲထဲ၌ တစ်ယောက်တည်း စဉ်းစားမိသည်ကား-“သေတယ်”ဆိုတာ ယခုလို တစ်ယောက်တည်း သွားရတာပဲ၊
ယခု မန္တလေးက ဆိုင်ရာတွေ အားလုံး ကျန်ရစ်ခဲ့ပြီ၊ ငါ၏ လက်မှာ စားစရာဆို၍ ဘိလပ်ရည် နှစ်လုံးစာသာ
ရှိ၏၊ နက်ဖြန်အတွက် စိုးရိမ်ရသလားဟု ကိုယ့်ကိုယ်ကို မေး၏၊ မစိုးရိမ်သည့်အပြင် စိတ်ချမ်းသာသေး၏၊
ဘာ့ကြောင့်နည်း၊… “နက်ဖြန်နံနက်
ပြွန်တန်ဆာ ရထားဆိုက်လျှင် အကြိုလာလိမ့်မည်၊ ပြွန်တန်ဆာ၌ နားနေပြီး နောက် ရန်ကုန်ပို့,
ရန်ကုန်မှ ၀ါးခယ်မ ကျွန်းကုန်းသွားရမည်”ဟု သာယာမည့် လမ်းစဉ်ကို သိသောကြောင့်တည်း။
“နောက်ဘ၀၌ ရောက်ရမည့် လမ်းစဉ်သည် ယခုဘ၀ထက် အောက်မကျနိုင်ပါဘူး“ဟု
တစ်ထစ်ချ သိအောင် ကြိုးစားထားလျှင် “သေခါနီးလေ, ပျော်စရာကောင်းလေ” ဖြစ်မှာပဲဟု တွေးကာ
တစ်ယောက်တည်း ကိုယ်ကျင့်တရား ကုသိုလ်များကို အားကိုးမိပါသည်၊ ထို့ကြောင့် တရားတော်ကို
ယုံကြည်သူတိုင်း အဟောတရား အဖတ်တရား နာတရားတွင် မပြီးစေဘဲ ကိုယ်ကျင့်တရားဖြစ်အောင် စိတ်ထဲ၌
သွားထား၍ ဖြစ်စေ, ကမ္မဋ္ဌာန်းဘာဝနာ ပွားများ၍ ဖြစ်စေ “ဓမံ္မ သရဏံ ဂစ္ဆာမိ” အရ တရားတော်ကို
အားကိုးနိုင်ကြ, အရေး ပေါ်လျှင် တရားတော်ဖြင့် ကာကွယ်နိုင်ကြ, သံသရာအတွက် ကိုယ်ကျင့်တရားလုံအောင်
ကြိုးစား၍ စိတ်ထားကြည်လင် သူတော်စင်များ ဖြစ်နိုင်ကြစေသတည်း။
ဓမ္မရတနာအခန်း ပြီးပြီ။
Credit to
No comments:
Post a Comment