၂။ အနာဂတ်ဘေး တစ်နည်း
ဘိက္ခုတို့…
ယခုအခါ မဖြစ်သေးဘဲ အနာဂတ်ကာလ၌ ဖြစ်မည့် ဘေးငါးမျိုး ရှိသေး၏၊ ထိုဘေးများကို သင်တို့
သိထားနှင့်ကြ, သိထားကြပြီးလျှင် ထိုဘေးတို့ကို စွန့်ပယ်နိုင်ဖို့ရာ ကြိုးစားကြရမည်။
ဘေးငါးမျိုးဟူသည်မှာ …
၁။ အနာဂတ်ကာလ၌ ရဟန်းတို့သည်
သင်္ကန်းကောင်းကောင်း အလိုရှိကြလိမ့်မည်၊ သင်္ကန်းကောင်းကောင်းကို အလိုရှိကြ သဖြင့်
ပံသုကူဓုတင် ဆောင်ကြတော့မည်မဟုတ်၊ တောကျောင်း၌လည်း နေကြတော့မည် မဟုတ်၊ ရွာ, နိဂုံး,
မင်းနေပြည်များ၌ နေထိုင်ကြ၍ သင်္ကန်းကောင်းကောင်း ရဖို့ရာ အမျိုးမျိုးသော မအပ်မရာ နည်းတို့ဖြင့်
ရှာမှီးကြလိမ့်မည်။
၂။ အနာဂတ်ကာလ၌ ရဟန်းတို့သည် ဆွမ်းကောင်းကောင်း အလိုရှိကြလိမ့်မည်၊ ဆွမ်းကောင်းကောင်း စားလိုသဖြင့် ပိဏ္ဍပါတ် ဓုတင်ကိုလည်း မဆောင်, တောကျောင်း၌လည်း
မနေကြ တော့ဘဲ ရွာ, နိဂုံး, မင်းနေပြည်များ၌ နေထိုင်ကြ၍ ဆွမ်းကောင်း, ဟင်းကောင်း, မုန့်ပဲသရေစာကောင်း
ရဖို့ရာ အမျိုးမျိုးသော မအပ် မရာ နည်းတို့ဖြင့် ရှာမှီးကြလိမ့်မည်။
၃။ အနာဂတ်ကာလ၌ ရဟန်းတို့သည် ကျောင်းကောင်းကောင်း အလိုရှိကြလိမ့်မည်၊ ကျောင်းကောင်း၌ နေလိုကြ၍ ရုက္ခမူ ဓုတင်ကို မဆောက်တည်ကြတော့၊
တောကျောင်း၌လည်း မနေကြ တော့ဘဲ ရွာ, နိဂုံး,
မင်းနေပြည်များ၌ နေထိုင်ကာ အမျိုးမျိုးသော မအပ်မရာ နည်းတို့ဖြင့် ကျောင်းရှာမှီးကြလိမ့်မည်။
၎။ အနာဂတ်ကာလ၌ ရဟန်းတို့သည် … ဘိက္ခုနီ သိက္ခမာန် သာမဏေမတို့နှင့်
(ယခုခေတ် - သီလရှင် ရသေ့မတို့နှင့်) ရောရောနှောနှော နေကြလိမ့်မည်၊ ထိုသို့ နေခြင်းကြောင့်
ဖြစ်ဖွယ် အပြစ်တို့ကား မပျော်မွေ့ဘဲသော်လည်း သာသနာတော်၌ နေကြရ လိမ့်မည်၊ ရုန့်ရင်းကြမ်းတမ်းသော
အာပတ်သို့သော်လည်း ရောက် ကြလိမ့်မည်၊ လူသော်လည်း ထွက်ကြလိမ့်မည်။
၅။ အနာဂတ်ကာလ၌ ရဟန်းတို့သည် ကျောင်းတိုက်၌ရှိသော အာရာမ်စောင့်
(ကပ္ပိယ) သာမဏေများနှင့် ရောရောနှောနှော နေကြလိမ့်မည်၊ ထိုသို့နေသဖြင့် ဖြစ်ဖွယ်
အပြစ်တို့ကား …
စားသောက်ဖွယ်ရာများကို နောက်တစ်နေ့
စားသောက်ဖို့ရာ သိမ်းထားမှုကိုသော်လည်း ပြုကြလိမ့်မည်၊ ဟင်းသီး ဟင်းရွက် စိုက်ပျိုးဖို့ရာ
မြေကို ကိုယ်တိုင်သော်လည်း တူးဆွကြလိမ့်မည်၊ (မအပ် မရာသော အသုံးအနှုန်းဖြင့်) အတူးအဆွသော်လည်း
ခိုင်းကြ လိမ့်မည်၊ (မအပ်မရာသော အသုံးအနှုန်းဖြင့်) အဆွတ်အခူးသော် လည်း ခိုင်းကြလိမ့်မည်။
မှတ်ချက်။ ။ ဤဘေးငါးမျိုးလည်း
ယခု ရောက်နေပြီ မဟုတ်ပါလော၊ ဒကာ ဒကာမတို့ကလည်း ဆရာသမားများ ကို ကောင်းကောင်း နေစေလို, ကောင်းကောင်း ၀တ်စေလို, ကောင်း ကောင်း စားစေလိုကြသဖြင့်လည်းကောင်း၊
နောက်ဘ၀၌ မိမိတို့ လည်း ကောင်းကောင်း ရလို၍လည်းကောင်း အကောင်းလှူရမှ ကျေနပ်ရှာကြပေသည်။
(အင်္ဂုတ္တိုရ် ပဉ္စက ဒုတိယပဏ် ယောဓာဇီ၀၀ဂ်)
သာသနာကွယ်ကြောင်းတရား
(က) သာသနာတော်ကွယ်ကြောင်း
ငါးပါး
ဘိက္ခုတို့
… (ပရိယတ် ပဋိပတ် ပဋိဝေဓ သဒ္ဓမ္မခေါ်) သာသနာတော်၏
ကွယ်ဖို့ရာ အကြောင်း ငါးပါး ရှိ၏၊ ငါးပါးကား …
၁။ ရဟန်းများ တရားမနာကြခြင်း၊
၂။ ပိဋကတရားတော်များကို လေးလေးစားစား မသင်ယူခြင်း၊
၃။ ပိဋကတရားတော်များကို သင်ယူပါသော်လည်း လေးလေးစားစား နှုတ်တက်ရအောင် ဆောင်မထားခြင်း၊
၎။ နှုတ်ရ
ဆောင်ရွက်ထားသော်လည်း ထို တရားတော်တို့၏
အနက် အဓိပ္ပာယ်တို့ကို မစဉ်းစား မကြံစည်ခြင်း၊
၅။ စဉ်းစားကြံစည်၍ သိပါသော်လည်း သိသည့်အတိုင်းမကျင့်ခြင်း
ဤငါးမျိုးတည်း။
မှတ်ချက်။ ။ ဤ သာသနာကွယ်ကြောင်း ငါးပါးတွင်…
၁။ “တရားမနာ”ဟူရာ၌ ဆိုင်ရာတိုက်တာကို အုပ်စီးသော ဆရာတော်များ၏
ပါဠိတော်မှ ထုတ်ဖော် ဟောပြသော တရားတော် မျိုးကို မနာကြခြင်းတည်း၊ ယခုအခါ၌ကား ထိုသို့
လေးနက်သော တရားတော်ကို ဟောပြသော ပုဂ္ဂိုလ်ပင် ရှားပါးလေပြီ။
၂။ “စာပေ မသင်ခြင်း” ဟူရာ၌ သဒ္ဒါ သင်္ဂြိုဟ်တို့လို စာမျိုးကို သင်ရုံမျှဖြင့်
အချိန်ကုန်၍ ဗုဒ္ဓရှင်တော်မြတ်၏ လေးနက် သော သုတ္တန်များကို မသင်ကြလျှင် သင်ယူရာပင် မရောက်သေးချေ။
၃။ “နှုတ်ရ မဆောင်ခြင်း” ဟူရာ၌ ပေထက်အက္ခရာ မတင်ရသေးမီအချိန်၌ နှုတ်ရ
မကျက်လျှင် ဧကန် ပိဋကတော်များ ကွယ်ပဖွယ် ရှိ၏၊ ယခုအခါ၌ စာအုပ်များ ရှိနေပြီ ဖြစ်၍ နှုတ်ရ
မဆောင်သော်လည်း သာသနာ မကွယ်နိုင်ခြင်း ဖြစ်သည်။
၎။ “အနက်အဓိပ္ပာယ် မသိခြင်း”ဟူရာ၌ ပါဠိတော်၏ အနက်ကို အဋ္ဌကထာအဆိုဖြင့်
နားလည်ခြင်း၊ အဋ္ဌကထာအဆိုကို ဋီကာဖြင့် သိနိုင်ခြင်းတည်း၊ ထိုသို့ သိရှိနားလည်အောင် ပါဠိ
အဋ္ဌကထာ ဋီကာ ဟူသမျှ၌ အနက်ဉာဏ်ကြီးဖို့ အရေးကြီးလှပေ သည်၊ သဒ္ဒါ သင်္ဂြိုဟ်စသော ယခုခေတ် စာမေးပွဲများဖြင့်
အချိန် မကုန်သင့်ပေ။
၅။ “တရားတော်နှင့်လျော်အောင် မကျင့်ခြင်း” ဟူရာ၌ ၀ိနည်းတော်နှင့်လျော်အောင်
နေထိုင်ခြင်း၊ သုတ္တန် အဘိဓမ္မာနှင့် လျော်အောင် စိတ်ကို ဆုံးမ၍ တရားအားထုတ်ခြင်းများတည်း၊
ယခုအခါ ပြခဲ့သော ငါးပါးလုံးပင် ကြိုးစားမှု နည်းလှပြီ ဖြစ်သောကြောင့် သာသနာကွယ်ဖို့
အရေးသည် ငါးထောင်တိုင်အောင် နှေးတော့မည် မဟုတ်ပါ။
(ခ) သာသနာကွယ်ကြောင်း ငါးမျိုး
တစ်နည်း
ဘိက္ခုတို့ … သာသနာတော် ကွယ်ပဖို့ရာ
အကြောင်းအရာ ငါးမျိုးရှိသေး၏၊
၁။
ပိဋကပါဠိ တော်များကို မသင်ခြင်း၊
၂။
သင်ပါသော်လည်း ထိုသင်အပ်ပြီးသော ပိဋကတရားတော်များကို သူတစ်ပါးအား အကျယ် မဟောခြင်း၊
၃။
ထိုသင်အပ်ပြီးသော ပိဋကတရားတော်ကို အကျယ်ပြောပြ၍ မပို့ချခြင်း၊
၎။
ထိုသင်အပ်ပြီးသော ပိဋကတရားတော်များကို အကျယ်အားဖြင့် မရွတ်ဆို, မအံခြင်း၊
၅။
ထိုသင်အပ်ပြီးသော ပိဋကတရားတော်၏ အနက်အဓိပ္ပာယ်ကို မကြံစည် မစဉ်းစားခြင်း ဤငါးပါးတည်း။
မှတ်ချက်။ ။ဤငါးပါးကား စာပေပိဋကတော်ကွယ်မှုနှင့်ဆိုင်သော အကြောင်များတည်း၊
စာပေပိဋကကွယ်လျှင် အကျင့် ပဋိပတ်လည်း ကွယ်တော့မည်သာ၊ ပဋိပတ် ကွယ်ပါမူ ကျင့်ပြီးမှ သိရမည့်
ပဋိဝေဓသာသနာတော် ကွယ်တော့မည်မှာ ပြောဖွယ်ရာ မရှိပြီ၊ ထို့ကြောင့် စာချပုဂ္ဂိုလ်တို့သည်
အောက်တန်းစာတွေမှာ အချိန်ကုန် မခံစေဘဲ သဒ္ဓါ ပညာ တိုးပွားစေမည့် အထက်တန်း ပိဋက ပါဠိ
အဋ္ဌကထာများကိုသာ ပို့ချသင့်ကြသည်။
ပါဠိတော်များကို မသင်ကြဘဲ သဒ္ဒါ သင်္ဂြိူဟ်လို အောက်တန်း စာတွေကို
မည်မျှလောက် သင်ကြစေကာမူ ဗုဒ္ဓ၏ နှုတ်တော်မှ ထွက်ပေါ်လာသော ပိဋကတရားတော်များကား ဧကန်ကွယ်ပပါ
လိမ့်မည်၊ “အကျယ် မဟော အကျယ် မချ”ဟူရာ၌လည်း ထိုပါဠိ တော်၏ အနက် အဓိပ္ပာယ်ကို အဋ္ဌကထာ ဖွင့်ပြသကဲ့သို့
အကျယ် မဖွင့်ပြခြင်းကို ဆိုလိုပါသည်၊ ယခုကာလ၌ အနုသန္ဓေ အတက် အထွက်နှင့် သဒ္ဒါရေး စိစစ်ချက်တွေကို
ဆိုလိုခြင်း မဟုတ်ပါ။
Credit to
No comments:
Post a Comment