အနာဂတ်သာသနာရေး အပိုင်း(၈၅) တရားကိုးကွယ်ပါ၏

တရားကိုးကွယ်ပါ၏             

                      (ကိုး= အားကိုး + ကွယ်= ကာကွယ်။)                                      

လောကတွင် မည်သူမဆို မိမိနှင့် ထိုက် တန်သော အားကိုးစရာ ကာကွယ်စရာ ရှိကြရ၏၊ မရှိသေးလျှင် ရှာထားကြရ၏၊ များစွာသော လူတို့ အားကိုးနေကြသော အရာများ ကား ဆွေမျိုးအားကိုး, ပစ္စည်းဥစ္စာ အားကိုး, ပညာ အားကိုး, ရုပ်ရည် အားကိုး, သတ္တိ အားကိုး, ခွန်အား အားကိုး, မိတ်ဆွေ အားကိုး, ဆရာ အားကိုး, လက်နက်အားကိုး (တိုင်းပြည်များ၌ စစ်တပ် အားကိုး, မဟာမိတ်များ အားကိုး)ဟူ၍ အမျိုးမျိုး ရှိကြ၏၊ ဘေးရန်ပေါ်လာလျှင်, ဆင်းရဲဒုက္ခ ရောက်လာလျှင် ထိုအားကိုးစရာ များဖြင့် ကာကွယ်ကြ၏၊ ထိုများစွာသော ကိုးကွယ် (အားကို+ ကာကွယ်)စရာတို့သည်လည်း တရားတော်ကို ကိုးကွယ်ရသလောက် အရာမရောက်ကြပါ။

          ချဲ့ဦးအံ့…ပြခဲ့သော အားကိုးစရာတို့သည် ဘေးရန်ပေါ်လာလျှင် အထိုက်အလျောက် ကာကွယ်နိုင်သဖြင့် သူ့နေရာနှင့်သူ ကိုးကွယ်ရာ ဖြစ်ကြပါပေ၏၊ သို့သော် ဆွေမျိုး ဥစ္စာ ပညာ ရုပ်ရည်စသည်တို့သည် သူတို့ကိုယ်တိုင် ပျက်စီးတတ်သောကြောင့် မိမိက အားကိုးနေတုန်း မှာပင် သူတို့က ပျက်ပြုန်းသွားတတ်ကြ၏၊ ဆွေမျိုး မိဘ မောင်နှမ သားချင်းတို့၏ သေကျေပျက်စီးမှု, ဥစ္စာ စည်းစိမ် ဂုဏ် သိန် ရာထူး ပျက်စီးမှု စသည်များကြောင့် ဒုက္ခရောက်ရသောအခါ၌လည်း ကောင်း, မိမိကိုယ်တိုင် အိုရ နာရ သေခါနီးကျသောအခါ၌လည်း ကောင်း ထိုထို လောကအားကိုးစရာတွေသည် လုံးလုံး အားကိုးရာ မရဘဲ တရားတော်သာ အားကိုးရာ ရပါတော့သည်။

ကိုယ်ကျင့်တရားမှ အားကိုးရ

“တရား”ဟူရာ၌ ကြားနာရွတ်   ဖတ်ရုံတွင် မကဘဲ ထိုတရား တော် လာသည့်အတိုင်း မိမိစိတ် ဖြစ်အောင် အလေ့အကျင့်ပြုထားသော ကိုယ်ကျင့်တရား ဖြစ်မှသာ အရေးပေါ်လာလျှင် ကိုးကွယ်ရာ ရနိုင်သည်၊ ခန္ဓာကိုယ်ကျန်းမာအောင် အစားအသောက် အနေ အထိုင် စသည်ကို စည်းကမ်းကျကျ ပြုပြင်ပါလျှင် ကျန်းမာနိုင် သကဲ့သို့ စိတ်ကိုလည်း တရားစည်းကမ်းကျအောင် အလေ့အထ ပြုလျှင် စိတ်ချမ်းသာ၍ ဒုက္ခတွေ့သောအခါ ခံနိုင်ရည်ရှိ၏၊ ထိုသို့ စိတ်ကိုပြုပြင်သော ကိုယ်ကျင့်တရားမဟုတ်ဘဲ နားထောင်ကောင်း၍ နာကြသော တရားမျိုးကား အရေးကျလျှင် ကိုးကွယ်ရာ မရနိုင်ချေ။

          ရှင်းပြဦးအံ့…စစ်မဖြစ်မီက မြန်မာပြည်၌ ဟောကြ ပြောကြသော တရားသံတွေသည် မြန်မာပြည်၏ အောက်ဆုံးနယ်နိမိတ်မှ အထက်ဆုံး နယ်နိမိတ်တိုင်အောင် တရားသံချင်း ဆက်တော့မတတ် များပြားကျယ်ပြန့်ခဲ့ပေ၏၊ သို့သော် စစ်အတွင်း၌ကား ထိုတရားသံကို နာခံခဲ့သူ အများပင် ပါဝင်၍ လုကြ ယက်ကြ ဓားပြတိုက်ကြ၏၊ အလုအယက် အတိုက်ခံသော တရားနာပရိသတ်တို့ကလည်း ၀မ်းနည်း ပူဆွေး ငိုကြေးလိုက်ကြသည်မှာ (စကားစပ်မိလျှင်) ယခုပင် မျက်ရည် ကျကြသေး၏၊ ဆိုလိုရင်းကား ထိုဟောခဲ့သမျှ နာခဲ့သမျှ တရားတွေသည် ခန္ဓာကိုယ်တွင်း၌ ကိုယ်ကျင့်တရားတွေ ဖြစ်နေပါမူ လုယက်တိုက်ခိုက်သူလည်း မဖြစ်နိုင်၊ အလုအယက် အတိုက်အခိုက် ခံရစေကာမူ သောက ပရိဒေ၀လည်း ဤမျှလောက် မဖြစ်နိုင်ဟု ဆိုလိုပါသည်။

          ကြားနာသူတွေကို ထားလိုက်ပါဦးတော့၊ ဟောပြောပို့ချ၍ နေသော ဆရာသမားတို့ကိုယ်တိုင်လည်း ကိုယ်ကျင့်တရားလုံလောက် ပါလေ၏လောဟု တွေးတောဖွယ်ရာ အကြောင်းများ ရှိနေ၏၊ ကိုယ်တော်တစ်ပါးသည် လူအများ၏ ဆွေမျိုး မိဘ သေဆုံးသော အခါတိုင်း၌ စိတ်သက်သာအောင် အဟောကောင်းလှ၏၊ သို့သော် သူ့မယ်တော် ဆုံးသောအခါ၌ကား ယူကျုံးမရ ချုံးချုံးချ၍ ငိုလေရာ သူ့တရားဖြင့် သက်သာရာရဖူးသူတို့က “အရှင်ဘုရား…သူများအမေ ဆုံးတုန်းကတော့ တရားဟောပြီး ကိုယ့်မယ်တော် ဆုံးတဲ့အခါ ဒါလောက် ငိုရသလား”ဟု လျှောက်ကြသောအခါ “ဟ…အဲဒါက နင်တို့ အမေ, ဒီဟာက ငါ့အမေ”ဟု ပြန်ပြောပါလေသတဲ့၊ ထို့ကြောင့် “အဟောတရား အနာတရားတို့သည် အရေးကြုံက ကိုးကွယ်ရာ မရဘဲ ကိုယ်ကျင့်တရားသာ ကိုးကွယ်ရာ ရသည်”ဟု သတိပြုကြစေ လိုပါသည်၊ ဤနေရာ၌ တရားအားကိုး၍ တရားဖြင့် ကွယ်ကာခဲ့ရသော ကိုယ်တွေ့ဒုက္ခတချို့ကို ပြပါဦးမည်။

မိဘတို့ ပစ္စည်းဆုတ်ယုတ်ချိန်

ဘုန်းကြီး၏ ဆွေမျိုးများမှာ မိရိုးဖလာ အားဖြင့် ကိုယ်ပိုင် လယ်ယာကို မှီ၍လည်းကောင်း,  အတိုး အပွား ချ၍ လည်းကောင်း အသက်မွေးသူများ ဖြစ်ရကား ရှေးခေတ်ကသော် အသောက်အစား ကစားသမားလည်း မရှိခဲ့၊ ဆင်းရဲ နွမ်းပါးသူ ကြေးတင်သူလည်း မရှိခဲ့၊ (ယခုအချိန်မှာမူ ကြယ်ဝသူများလည်း ရှေးကထက်ပင် ကြယ်ဝကြ၍ ဆင်းရဲသူများလည်း ရှိကြလေပြီ၊) ထို ရှေ့ပိုင်းခေတ်ဝယ် ဘုန်းကြီး၏ ဒကာကြီးနှင့် အဘိုးလေး တော်စပ်သူ နှစ်ယောက်ကား လယ်ယာလုပ်ကိုင်မှုကို ပင်ပန်းသည်ဟု အထင်ရ၍ စပါးကုန်သည်ကြီးများ လုပ်ကာ အသက်မွေးကြလေသည်၊

ထိုအခါ ဘကြီးတော်သူ ဓနရှင်တစ်ယောက်က “ဟဲ့…ငါတို့ အမျိုးဟာ ရိုးရာအလုပ်အကိုင်ဖြင့် မဆင်းရဲခဲ့ကြပါဘူး၊ မင်းတို့ နှစ်ယောက် ထူးထူးဆန်းဆန်း မလုပ်ကြပါနဲ့”ဟု တားမြစ်ဖူးသတဲ့၊ သို့ရာတွင် မန္တလေး ပွဲစား စက်ပိုင်များနှင့် မိတ်ဆွေဖြစ်၍ ထိုအလုပ် ကိုမှ ဟုတ်တယ်လို့ အထင်ရှိကာ အမြတ်အစွန်းရသောအခါ ဖောဖောသီသီ သုံးစွဲ၍ ရှုံးသောအခါ အိမ်က စိုက်ထုတ်ခြင်းဖြင့် နှစ်ပေါင်းအတော်ကြာလေသော် ပထမကမ္ဘာစစ်ပြီးခါနီး ပဲဖြူလေး အရှုံးကြောင့် ဆွေမျိုးဓနရှင်များ၏ကြွေးများ ပတ်လည်ဝိုင်းနေဟန် တူပါသည်၊

ဘုန်းကြီး၏ ချက်မြှုပ်အိမ်ရာလည်း အပေါင်ဆုံးကာ အမွေရ အိမ်ရာတစ်ခုသို့ ပြောင်းရွှေ့ရပါတော့သည်၊ မိဘနှစ်ဦးလည်း ကြည်နူးခြင်းရှိပုံ မရလှ၊ ဘုန်းကြီးကား မန္တလေး၌ စာသင်နေရာက ထိုအကြောင်းကို ကြားရသော်လည်း စိတ်မဆင်းရဲလှသေးပါ၊ နှစ်ဖက်ဘိုးဘွား၏ အမွေအနှစ်များဖြင့် ငါ့မိဘများ မဆင်းရဲနိုင် တန်ရာဟုသာ တွေးတောမိပါသည်။

 

Credit to 

တင်ပြသူ Yanan Sanein အချိန် 11:33 AM