(ဂ) သာသနာကွယ်ကြောင်း
သာသနာကွယ်ခြင်း ငါးမျိုး
တစ်နည်း
ဘိက္ခုတို့… အကြောင်းတရား ငါးမျိုးရှိသေး၏၊
၁။
အက္ခရာ ပုဒ် ပါဌ်များ မှားမှားယွင်းယွင်းနှင့် ပိဋကတော်ကို သင်ယူခြင်း၊ (အက္ခရာမှားလျှင်
အနက် အဓိပ္ပာယ် အယူအဆလည်း မှားတော့မည်သာ၊ အနက် အဓိပ္ပာယ် အယူအဆ မှားလျှင် ဘုရား အဆုံးအမတော်များ
ပျောက်ကွယ်သွားဖွယ် ရှိ၏-ဟူလို၊)
၂။
ရဟန်းတို့၏ ပြောဆိုဆုံးမ ခက်ခြင်း၊
၃။ စာချနိုင်လောက်သော ပုဂ္ဂိုလ်တို့က
စာမချခြင်း၊ (ထိုပုဂ္ဂိုလ်များ ကွယ်လွန်သွားကြသောအခါ ထိုပုဂ္ဂိုလ်များ တတ်သိထားသော
တရားများ အဆက်ပြတ်၍ သာသနာကွယ်ကြောင်း တစ်မျိုး ဖြစ်၏-ဟူလို၊)
၎။
ပစ္စည်းလာဘ် ပေါများခြင်းကို အလိုရှိ ကြသဖြင့် အလျော့ဘက်သို့ လိုက်ကာ သာသနာဆုတ်ယုတ်ရေး၌
ရှေ့သွားခေါင်းဆောင်လုပ်၍ သာသနာတိုးတက်မှု၌ကား ဆန္ဒ ၀ီရိယ လျှော့ချခြင်း၊
၅။
သံဃာ ကွဲပြားခြင်း၊ ဤငါးပါးတည်း။ (အင်္ဂုတ္တိုရ်, ပဉ္စကနိပါတ်, စတုတ္ထပဏ္ဏာသက၊ သဒ္ဓမ္မ၀ဂ်)
မှတ်ချက်။ ။ ၂
နံပါတ်အရ ပြောဆို ဆုံးမခက်ခြင်းကို ယခုအခါ တိုက်တာတိုင်းမှာလို တွေ့ကြရ၏၊ စာချရာ၌ ၀ိနည်း
သိက္ခာပုဒ်နှင့်စပ်၍ မသင့်တော်သော အချက်များကို မပြောဝံ့အောင် ရှိနေကြလေပြီ၊
၃
နံပါတ်အရ နဂိုက စာချဝါသနာပါသော ဆရာတော်အများပင် တပည့်များ၏အပြောခက် အဆိုခက်မှု, မိမိတို့
ငယ်စဉ်က ကြိုးစားသလို မကြိုးစားကြမှုကြောင့် စာမချလိုရကား စာချပုဂ္ဂိုလ်လည်း နည်းသည်ထက်
နည်းပါးလာလေပြီ။
၎
နံပါတ် အရ လာဘ်လာဘ ပေါများအောင် လိုက်စားသူတွေ များနေရုံမက ထိုသူတို့ကပင် အလျော့အတင်းနှစ်မျိုးဝယ်
အလျော့ဘက်ကို လိုက်ကာ သာသနာဆုတ်ယုတ်ရေး၌ အားပေးသူများ မရှားတော့ချေ၊
၅နံပါတ်အရ
သံဃဘေဒကကံထိုက်သော သံဃာကွဲပြားမှုမျိုးမဟုတ် သော်လည်း တစ်ဖက်နှင့်တစ်ဖက် မကျေနပ်သော
ကွဲပြားမှုမျိုးကား အရပ်တိုင်းလို ရှိနေကြ၏၊ တစ်ဖက်နှင့်တစ်ဖက် မကြားကောင်း မနာသာ ပြောဆို
စွပ်စွဲကြကာ ဆိုင်ရာ ဒကာ ဒကာမတို့ကိုလည်း မိမိတို့ဘက် ပါအောင် သွေးဆောင်ကြသဖြင့် ဒကာ
ဒကာမ တို့လည်း “ဆန်စဉ်ရာ ကျည်ပွေ့လိုက်”သကဲ့သို့
ရိုက်ကြ နှက်ကြ ရုံးတက်ကြနှင့် အကုသိုလ် များကြလေပြီ၊ သာသနာနှင့်စပ်၍ အစိုးရ
ကိုယ်တိုင် မပြုပြင်လျှင် မကွယ်သော်လည်း အကျိုးနည်းဖို့ ကိစ္စတွေ လက်ငင်း ကြုံတွေ့နေပါပြီ၊
(အောက်ပါ လင်္ကာကို အင်္ဂုတ္တိုရ် ပါဠိတော်အတိုင်း ဆရာတော်ကြီး စီစဉ်ထားသည်။)
(က) အင်္ဂုတ္တိုရ်လာ, သာသနာကွယ်ကြောင်း,
တရားပေါင်း ကား, ရဟန်းများတို့, တရား မနာ, စာပေ မသင်, နှုတ်တွင် မဆောင်, သိအောင် မမှတ်,
ပဋိပတ် ကွာ, ဤ ငါးဖြာတည်း။
(ခ) နောင်လာထို့ပြင်,
စာသင်ပယ်လျော, ကျယ်မဟောကြ, ကျယ် မချနှင့်, ကျယ်စွ မအံ, မကြံမစည်, ဤငါးလီ တည်း။ (““ကျယ်စွမအံ””
ဟူရာ၌ အသံ ကျယ်ကျယ် စာအံခြင်းကို ဆိုလိုသည် မဟုတ်၊ စာတို့၌ အကျယ် ရှိသည်ကို ရှိသည့်အတိုင်း
မအံခြင်းကို ဆိုလိုသည်။)
(ဂ) ၀ါတစ်နည်းမှာ, အက္ခရာပုဒ်ပျက်,
လေ့ကျက်သင်ကြ, ဆုံးမ မယူ, စာချသူ ရှား, လာဘ်များအောင်ကြံ, ခိုက်ရန်ကွဲပြား, ဤ ငါးပါးသည်…
ဘုရားသာသနာ ကွယ်ကြောင်းတည်း။
Credit to
No comments:
Post a Comment