လောကနိဗ္ဗာန် ရွာကလေး
အနာဂတ်သာသနာရေး တစ်ကျမ်းလုံး
ပြီးဆုံးခါနီးဝယ် ပညာရေးဝန်ကြီးစောစံဘိုးသင်ပြောသော စကား၌ ကပ္ပလီရွာကလေးသည် မြန်မာပြည်
တစ်ပြည်လုံးက အတုယူထိုက်သော ရွာကလေး ဖြစ်ပါတယ်၊ ထို ရွာမှာ ခိုးသား ဓားပြ မရှိပါ၊ အိမ်တံခါးဖွင့်ပြီး
အိပ်နိုင်ပါတယ်၊ ရွာသားအချင်းချင်း ဆက်ဆံပေါင်းသင်းမှု အထူးရှိတယ်၊ ဈေးဆိုင်မှာ ရောင်းသူမရှိတဲ့အခါ
အ၀ယ်လာလျှင် ၀ယ်သူက ချိန်တွယ်ပြီး ကျသင့်သော ပိုက်ဆံကို ထားခဲ့ပါတယ်။
ထိုရွာကလေးသည် ၁၉၂၈-ခု (ခရစ်သက္ကရာဇ်)နှစ်က ““ဘီရှော့”” မည်သော
အင်္ဂလိပ်ခရစ်ယာန်ဘုန်းကြီး နေထိုင်သွား၍ ထိုဘုန်းကြီးကပင် ပြုပြင်ပေးသွားပါတယ်၊ တစ်ယောက်နှင့် တစ်ယောက်…ငြူစူခြင်း စောင်းမြောင်းခြင်း
(ပါဠိလို ဣဿာ) မရှိကြပါ၊ ယခုအခါ ထိုရွာသူရွာသားတို့ သမ၀ါယမနည်းကို ထွင်လိုက်ကြပြန်ပြီ၊
သုံးအိမ် ထောင်စုပေါင်း၍ ထမင်းတစ်အိုးတည်း ချက်ကြပါတယ်၊
(ထင်း ရေစသည် အကုန်သက်သာ၍ အိမ်သူ
သုံးယောက်ကုန်မည့်နေရာမှာ တစ်ယောက်တည်းသာ ကုန်ပါတော့တယ်၊) ထိုကဲ့သို့ ဖြစ်လာတာကို မေးတော့…
“ကျွန်တော်တို့ စိတ်ပြောင်းသွားကြပြီ၊ နောက်ကို လူတွေရဲ့စကားကို (နိုင်ငံရေးသမားကို
ဆိုလိုဟန် တူသည်၊) နား မထောင်တော့ဘူး၊ ဘုရားစကားကိုသာ နားထောင်ကြတော့မယ်၊ လူတွေရဲ့စကားကို
နားထောင်လျှင် ကျုပ်တို့လူတွေ ပဋိပက္ခ (ဆန့်ကျင်ဘက်) ဖြစ်ကြလိမ့်မယ်”ဟု ပြောကြပါတယ်။
မှတ်ချက်။ ။ ဤရွာကလေး၏ ထူးခြား ကောင်းမွန်ပုံကို အထူးချဲ့ထွင် ရေးသားဖွယ်
မလိုတော့ပါ၊ အင်္ဂလိပ်ခရစ်ယာန်ဘုန်းကြီးက ပြုပြင်ပေးသွားတယ်ဆိုရာ၌မူ ယဉ်ကျေးသိမ်မွေ့မှု
အရာဝယ် အထက်တန်းအကျဆုံးဟု ဂုဏ်ယူနေကြရသော ဗုဒ္ဓ ဘာသာကို လက်ကိုင်ပြုကာ ဆရာသမား အနေထား၍
အကိုးကွယ် ခံနေကြရသော ဘုန်းကြီးတို့အတွက်ကား ရှက်ဖို့လည်း မဟုတ်၊ ၀မ်းနည်းဖို့လည်း
မဟုတ်၊ အားကျဖို့သာ ဖြစ်ပါပေသည်၊ အနာဂတ် ကာလ၌ ဘုန်းတော်ကြီးများသည် လောကကြောင်း ဓမ္မကြောင်း
ကောင်းသည်ထက်ကောင်းသော နည်းကိုသာ ရပ်သူ ရွာသား တိုင်းသူ ပြည်သားတို့အား ညွှန်ပြသင့်ကြပါသည်။
တောရောမြို့ပါ ပြုပြင်ရေး
ပြခဲ့သော
နည်းများဖြင့် အချိုးအစားကျအောင် ပြုပြင်ရုံတွင်မက တစ်နှစ်တစ်ခါ, နှစ်နှစ်သုံးနှစ်တစ်ခါ
စသည်ဖြင့် လူငယ် လူရွယ်များကို မြို့သို့ တလုံးတစည်းတည်း ကားကြီးများဖြင့် (ရေလမ်းဖြစ်လျှင်
လှေကြီး များဖြင့်) ခေါ်သွားပြီးလျှင် ရက်အတော်ကြာအောင် (ကိုယ့်ဘာသာ ချက်ပြုတ်စားသောက်နေထိုင်ကာ)
မြို့သူမြို့သားတို့ နေထိုင်ရေး စားသောက်လုပ်ကိုင်ရေးများကို လက်တွေ့ပြသင့်၏၊ ဥပမာ-ရွှေဘို
နယ် ကျေးရွာဖြစ်လျှင် မကြာခဏ ရွှေဘိုမြို့၏ အနေအထိုင်ကိုပြ, ထို့နောက် မန္တလေး, ထို့နောက်
ရန်ကုန်ကို ပြသင့်၏၊ ကျေးရွာနေသူများသာ မဟုတ်သေး၊ မြို့ကလေးနေသူများကိုလည်း ထိုနည်းအားဖြင့်
မြို့ကြီးများသို့ ခေါ်ယူပြသသင့်၏၊ နိုင်ငံတွင်းဝယ် ချင်းတောင် ရှမ်းပြည် စသည်သို့လည်း
တစ်ရံတစ်ခါ အများ စုပေါင်း၍ သွားရောက် ကြည့်ရှုသင့်၏၊ ကိုယ့်နိုင်ငံသာမက အိန္ဒိယ သီဟိုဠ်
အင်္ဂလန် အမေရိကန် စသော တိုင်းတစ်ပါးသို့လည်း အစိုးရက သင်္ဘောစင်းလုံး ရှာပေး၍ တော မြို့အားလုံးမှ
လိုက်နိုင်သူ ဓနရှင် တို့ကို (သူတို့စရိတ်ဖြင့် လိုက်စေကာ သင်္ဘောပေါ်မှာပင် ချက်ပြုတ်
စားသောက်၍) ခေါ်ယူပြသင့်၏။
ဤနည်းသည် ဆန် ဆီ ငါးပိ ကြက်သွန် ငရုတ် စသည်များကို မိမိတို့၏ နေရင်းအရပ်မှ
ယူသွားနိုင်သဖြင့်လည်းကောင်း, အားလုံး စုပေါင်း၍ ကားစသည်ကို ငှားရသဖြင့်လည်းကောင်း
အမှန် အကုန်အကျလည်း နည်း၏၊ ပျော်ရွှင်စရာလည်း ကောင်းလှ၏၊ ဒေသန္တရ ဗဟုသုတ ရကြသဖြင့် လူရည်
အတော်ဝလာကြလိမ့်မည်ဟုလည်းယူဆ၏၊ မြန်မာမင်းများလက်ထက် မြန်မာပြည် ဆုံးရှုံးခဲ့ရခြင်းသည်
အကြားအမြင် နည်းပါး၍ (အ-န ထုံ ထိုင်း)ကြသောကြောင့်ပင် ဖြစ်၏၊ ထို့်ကြောင့် ဤနည်းကို
ရပ်ရွာခေါင်းဆောင်အားလုံး စဉ်းစားသင့်ကြပါသည်။
လူများလည်းသာသနာပြုနိုင်ပုံ
သံဃာကွဲပုံ
ဘုရားလက်ထက်တော်၌
ကောသမ္ဗီမြို့ဝယ် ရဟန်းတစ်ပါး အာပတ်သင့်၏၊ သို့သော်လည်း သူ့ကိုယ်သူ အာပတ်မသင့်ဟု အယူရှိ၏၊
အခြားရဟန်းတို့က အာပတ်သင့်၏ ဟု အယူရှိကြလေသည်၊ ထို့ကြောင့် အခြားရဟန်းတို့က “ကိုယ်တော်
အာပတ်သင့်နေပြီ၊ ထိုအာပတ်ကို ရှုပါ”ဟု ပြောသောအခါ “တပည့် တော် ရှုစရာအာပတ် မရှိပါ၊ (တပည့်တော်
အာပတ်မသင့်ပါ)”ဟု ပြန်ပြောလေ၏။
ထိုအခါ အခြားရဟန်းတို့က ထိုရဟန်းကို (အာပတ် မရှုမှုကြောင့်) နှင်ထုတ်ကြကုန်၏၊
[ကံကြီး ကံငယ်ကိစ္စတို့၌ မပေါင်းသင်းရန် ၀ိနည်းကံဖြင့် ကြဉ်ထားခြင်းကို ““နှင်ထုတ်ခြင်း””ဟု
ဆိုလိုသည်၊] ထိုနှင်ထုတ်ခံရသော ရဟန်းသည် စာတတ်ပုဂ္ဂိုလ်ဖြစ်ရကား သူ၏ ပြောပြချက်အရ သူ့ဘက်ပါနေသော
(သူ့ကို မတရားသဖြင့် နှင် ထုတ်ကြသည်ဟု ယူဆနေသော)သံဃာလည်း အတော်များပြားလေရကား သံဃာနှစ်သင်းကွဲပြားကြလေ၏၊
တစ်ဖက်နှင့်တစ်ဖက်ဆဲရေး ကြ, သတ်ပုတ်ကြ၏၊ ဗုဒ္ဓရှင်တော်မြတ် တားမြစ်သော်လည်း မရချေ၊ ထို့ကြောင့်
“သံဃာအား ဘုရား မဆန်သာ”ရကား ကိုယ်တော် တစ်ပါးတည်း ပါလိလေယျကတောသို့ ကြွ၍ ၀ါကပ်တော်မူရ
လေသည်။
လူအများက အကျပ်ကိုင်ပုံ
ဗုဒ္ဓရှင်တော်မြတ်သည်
ဝါကျွတ်၍ ပါလိလေယျကတောမှ သာဝတ္ထိပြည်သို့ ကြွတော်မူလာ၏၊
ထိုအချိန်၌ ကောသမ္ဗီပြည် ဒါယကာတို့ စုဝေးတိုင်ပင် ကြသည်မှာ-“ကောသမ္ဗီပြည်၌ နေထိုင်ကြကုန်သော
ဒီရဟန်းတွေ၏ နှောင့်ယှက်မှုကြောင့် ဗုဒ္ဓရှင်တော် အရပ်တစ်ပါးသို့ ကြွသွားတော် မူရတယ်၊
ကျွန်ုပ်တို့ကို ဘုရားမဖူးရအောင် ဒီကိုယ်တော်တွေ ပြုကြ တယ်၊ ကျွန်ုပ်တို့ အကျိုးမဲ့ကို
ဒီကိုယ်တော်တွေ များစွာ ပြုရာရောက်တယ်၊ ဒီနေ့က စ၍ ကောသမ္ဗီပြည်ရဟန်းတို့အား ရှိခိုးမှု,
သူတို့ လာလျှင် နေရာမှ ထပေးမှု, လက်အုပ်ချီမှု, ရိုသေမှုကို မပြုဘဲ နေကြစို့ရဲ့၊ ဆွမ်းလည်း
မလောင်းဘဲ နေကြစို့ရဲ့၊ ဒီလိုနေလိုက်လျှင် ဘုရားရှင် ကျေနပ်အောင်သော်လည်း နေကြလိမ့်မယ်၊
အခြားတစ်ရပ်သို့သော်လည်း ရွှေ့သွားကြလိမ့်မယ်၊ လူသော်လည်း ထွက်ကြလိမ့်မယ်” ဤသို့ တိုင်ပင်ပြီးလျှင်
ထိုအတိုင်း နေကြလေသည်။
သံဃာများညီညွတ်ပုံ
လူအများ အကျပ်ကိုင်ရာ၌
ရှိမခိုးခြင်းစသည်မှာ များစွာ အရေးမကြီးလှသော်လည်း ဆွမ်းမလောင်းခြင်းကား အတော်အရေးကြီး၏၊
ယနေ့ ဆွမ်း မရလျှင် ယနေ့ပင် ခက်ကြရတော့သည်၊ ထို့ကြောင့် ရက်များစွာ မကြာဘဲ “ဘုရားအထံတော်သို့
သွား၍ ဤအဓိကရုဏ်း (သံဃာကွဲပြားမှု) ငြိမ်းအေးအောင်
ပြုကြပါတော့မည်”ဟု လူတို့အား ၀န်ချ၍ ဗုဒ္ဓရှိတော်မူရာ သာဝတ္ထိပြည်သို့ သွားကြလေသည်၊ ထိုအချိန်ကျမှ
မူလအာပတ်သင့်နေသော ရဟန်းလည်း ၀ိနည်းတော်ကို ပြန်၍ ဆင်ခြင်သောအခါ သူ့မှာ အာပတ်သင့်တာ
အမှန်ဖြစ် ကြောင်း သိ၍ တစ်ဖက်သံဃာ့အထံ အမှန်အတိုင်း ၀န်ခံပြီးလျှင် မူလနှင်ထုတ်သော
ကံကို ရုပ်သိမ်းပါရန် လျှောက်ထားသဖြင့် အများ ကျေနပ်ကာ သံဃာတော်အားလုံး ညီညွတ်စွာဖြင့်
ဗုဒ္ဓအထံသို့ အဖူးမြော်ဝင်ကြလေသည်။
မှတ်ချက်။ ။ ဤ
ဝတ္ထု၌ ကွဲနေသော သံဃာကို ဘုရားရှင်ကိုယ်တော်တိုင် ဆုံးမ၍ မရသော်လည်း လူဒါယကာများက ညီညွတ်အောင်
ပြုပုံထောက်၍ အနာဂတ်ကာလ၌ သာသနာရေးရာဝယ် လူဒကာများကလည်းပါဝင် ပြုပြင်နိုင်ကြောင်း သိစေလိုပါသည်၊
မှန်၏၊ ယခုခေတ်မှာပင် မြို့ကလေးနှင့် ကျေးရွာများ၌ ၀ိနည်းသိက္ခာနားလည်သူ လူကြီးလူကောင်းတို့က
“မည်သည့် အနေအထိုင်မျိုးကို မကြည်ညိုနိုင်ကြ”ဟု သိရှိလျှင် ရဟန်းတော်များ ရှောင် ကြဉ်လေ့ရှိသည်ကို
တွေ့ရပေသည်၊ သို့ရာတွင် သာသနာပြုမည့် လူဒကာများကလည်း ၀ိနည်းတချို့ကို နားလည်ဖို့ လိုပေဦးမည်။
No comments:
Post a Comment