ဂိဇ္ဈကုဋ်ပြိတ္တာများ
ငါတို့ ဗုဒ္ဓလက်ထက်တော်၌ ရာဇဂြိုဟ်မြို့အနီး ဂိဇ္ဈကုဋ်တောင်ကြီးဝယ် ဘုရားရှင်နှင့်
တကွ ရဟန်းတော်များ သီတင်းသုံးတော်မူလေ့ ရှိကြ၏၊ အခါ တစ်ပါး၌… အရှင်လက္ခဏနှင့် အရှင်မဟာမောဂ္ဂလ္လာန်တို့သည်
တောင်ပေါ်မှ ဆွမ်းခံဆင်းကြလေသော် တစ်နေရာ၌ အရှင်မဟာ မောဂ္ဂလ’ာန်သည် တန်ခိုးတော်ဖြင့်
ဆင်ခြင်တော်မူလေရာ လွန်စွာ ထူးဆန်းသော ပြိတ္တာတွေကို မြင်လေသည်၊ ထိုအခါ “မိမိမှာ ဤ ပြိတ္တာအဖြစ်မျိုးမှ
လွတ်ရလေပြီ”ဟု တွေး၍လည်းကောင်း, “ကံ၏ အကျိုးပေးပုံသည် (ကိုယ်တွေ့ မကြုံလျှင် ပြောရုံမျှဖြင့်
မယုံနိုင်ကြ အောင် ဆန်းကြယ်ရကား) မကြံစည်အပ် မကြံစည်နိုင်”ဟူသော ဗုဒ္ဓတရားတော်ကို သတိရ၍လည်းကောင်း
ပြုံးတော်မူသည်။
ပြုံးတော်မူခြင်း၏ အကြောင်းကို အရှင်လက္ခဏက မေးသော အခါ ““ဗုဒ္ဓရှေ့တော်ရောက်မှ
မေးပါ””ဟု ပြောသဖြင့် ဆွမ်းစားပြီး နောက် ဗုဒ္ဓရှေ့တော်ရောက်၍ ထိုိအကြောင်းကို မေးလေသော်
““အရှင်လက္ခဏ ယနေ့ ဂိဇ္ဈကုဋ်တောင်မှ အဆင်းတွင် ရဟန်းပြိတ္တာ တွေကို မြင်ခဲ့ရသည်၊ သူတို့၏ သင်္ကန်းများလည်း မီးတောက်လို့, သပိတ်များလည်း မီးတောက်လို့, ခါးပန်းကြိုးများလည်း
မီးတောက် လို့, တစ်ကိုယ်လုံးလည်း မီးတောက်လို့ သူတို့၏ ပါးစပ်ကလည်း ကယ်ပါ ယူပါ တစာစာနှင့်
နာကျင်သံကို အော်နေကြတယ်၊ ထို ရဟန်းပြိတ္တာတွေကို မြင်ရတဲ့အခါ သြော်…အံ့သြစရာကောင်းပေစွ,
ဒီလို သတ္တ၀ါမျိုး ရှိမှ ရှိရလေတယ်””ဟု တွေးမိတဲ့အကြောင်းကို ပြောပြလေသည်။
ထိုအခါ ဗုဒ္ဓရှင်တော်မြတ်သည် အခြားရဟန်းများကို မိန့်တော် မူသည်မှာ
ငါ၏ သာဝကတို့သည် မျက်စိအမြင် (ဉာဏ်အမြင်) ကျယ်ကြပေစွ၊ သာမန်စက္ခုဖြင့် မမြင်နိုင်သော
အရာကို မြင်နိုင်ကြ ပေစွ၊ ထိုသတ္တ၀ါတွေကို ရှေး (ဗုဒ္ဓဖြစ်ခါနီး ဒိဗ္ဗစက္ခုအဘိညာဉ်ရ) တုန်းကပင်
မြင်တော်မူခဲ့၏၊ သို့သော် ပြော၍ မယုံလျှင် မယုံသူမှာ အကျိုးမဲ့ ဖြစ်စရာ ရှိသောကြောင့်
မည်သူ့ကိုမျှ မပြောဘဲ နေခဲ့ သည်၊ ““ထိုသတ္တ၀ါတွေသည် ကဿပမြတ်စွာ၏ သာသနာတော်၌ ယုတ်မာသော
ရဟန်းများ ဖြစ်ခဲ့ကြ၏၊ ထိုမကောင်းမှုကြောင့် ငရဲ၌ အနှစ်များစွာ ခံခဲ့ရပြီးမှ ပြိတ္တာဖြစ်လာကြရသည်””ဟု
မိန့်တော် မူသည်။
အမှာ ။ ။ အရှင်မဟာမောဂ္ဂလ္လာန်သည်
ဘိက္ခုနီ, သိက္ခမာန်, သာမဏေ, သာမဏေမများနှင့် လူပြိတ္တာအမျိုးမျိုး ကို ဂိဇ္ဈကုဋ်တောင်၌
မြင်ရကြောင်းလျှောက်၍ ဗုဒ္ဓရှင်တော်ကလည်း သူတို့၏ ရှေးမကောင်းမှုကို ဟောပြောတော်မူသည်။
(လက္ခဏသံယုတ်ပါဠိတော်)
မပြင်လျှင် ခက်ဖွယ်
ကဿပရှင်တော်၏
နောက်ပိုင်းသာသနာဝယ် တောင်ပေါ်တက်၍ ရဟန်းတော် ခုနစ်ပါး တရားကျင့်ကြပုံ, မဟာကဏှဇာတ်တော်၌
သိကြားမင်း ကိုယ်တိုင် သာသနာတော်ကို ပြုပြင်ခဲ့ရပုံ, ထိုစဉ်က ကိုယ်ကျင့် မကောင်းသော
ရဟန်း သာမဏေတို့ ငရဲကျ၍ ငရဲမှ လွတ်မြောက် ပြီးနောက် ဂိဇ္ဈကုဋ်တောင်၌ ပြိတ္တာဖြစ်နေကြပုံကို
ကောက်ချက်ချ လိုက်သောအခါ ဤဗုဒ္ဓရှင်တော်မြတ်၏ သာသနာတော် နောက် ပိုင်း၌ နေထိုင်ရသော ငါတို့သည်
အားလုံး အကောင်းချည်းဖြစ် အောင် မပြုပြင်နိုင်စေကာမူ ပေါင်းသင်းသူချင်း ကျေကျေနပ်နပ်
အကောင်းချည်း ဖြစ်ဖို့ရာ ပြုပြင်သင့်ကြပါသည်။
““ထိုသို့ ပြုပြင်၍ မဖြစ်နိုင်တော့””ဟု ဆိုလျှင် မတိုးတက်နိုင်သော
သာသနာကို ပြုပြင်နေရန်မလို၊ ကိုယ်လွတ်ရုန်းကြဖို့သာ တာဝန် ရှိပါတော့သည်၊ ထိုသို့မှ
ကိုယ်လွတ် မရုန်းနိုင်ကြလျှင် မိတ်ဆွေ ကိုယ်တော်တစ်ပါး ပြောသလို နောက်ဘ၀နေရာကို သေချာအောင်
စီစဉ်ရပေလိမ့်မည်၊ စာသင်သားဘ၀တုန်းက ကိုယ်တော်ကြီးတစ်ပါး ပြောပုံကား-““ဟေ့…ငါသေလို့
စာပေးချင်လျှင် (အ၀ီစိဒိစကြိတ်, သိဉ္ဇိုဝ်းအပိုင်, ဂိဇ္ဈကုဋ်တောင်, စောင်ချမ်းပင်အောက်)လို့
လိပ်စာ တပ်လိုက်ပေတော့”” ဟူသည်တည်း၊ ဤ ကိုယ်တော် ပြောသည့် အတိုင်းပင် ယခုအခါ၌လည်း ထိုထိုဤဤ
မြို့ရွာတို့၌ ရဟန်းဘ၀မှ စုတေပြီးနောက် အောက်တန်းရုက္ခစိုး, အညံ့စားလူဝင်စား ဖြစ်ရသူ
များနှင့် ပြိတ္တာ တစ္ဆေ ဖြစ်နေသူများကို တွေ့ရ ကြားရပါသည်။
မျက်မှောက်တစ္ဆေပြိတ္တာများ
[တစ္ဆေဟူသည် ပြိတ္တာအမျိုးတွင်
ပါဝင်သော သတ္တ၀ါတစ်မျိုးတည်း၊၊]
ဆရာတော်ကြီး၏ လည်စေ့ညှစ်သောတစ္ဆေ
အလွန်မဝေးသော ရှေးခေတ်က…ရန်ကုန်မြို့ဝယ် ကုမ္ပဏီတစ်ခု၏ အကိုးကွယ်ခံ ဘုန်းကြီးတစ်ပါးရှိ၏၊ ထိုဘုန်းကြီးသည် လယ်တီပဏ္ဍိတနှင့် ပြိုင်နိုင်လောက်အောင် အရာရာ၌ ထင်ရှားဟန်တူ၏၊ ထိုဘုန်းကြီးနေဖို့ ထိုကုမ္ပဏီက အလွန်လှပသော ကျောင်းကို
ဆောက်လုပ်နေ၏၊ ကျောင်းမပြီးခင် ထိုဘုန်းကြီး ကွယ်လွန်ရှာသည်၊ ကျောင်းပြီးသောအခါ ထိုကျောင်း
တိုက်၏ ဆရာတော်ကြီးကို ကျောင်းလှူရ၏၊ ဆရာတော် ကြလာ၍ ညဥ့်အခါ၌ ကျန်းစက်တော်မူစဉ် ကွယ်လွန်သွားသော
ကျောင်း ဘုန်းကြီးပြိတ္တာက ဆရာတော်၏ လည်စေ့ကို
ညှစ်ပါသည်တဲ့၊ ဆရာတော်ကြီး၏ လည်ကို ညှစ်ဝံ့သော ပြိတ္တာသည် သာမန်မဟုတ်၊ သရဲသဘက်လောက်
ထက်သော ပြိတ္တာ ဖြစ်ဟန် တူသည်၊ ထို သတင်းကို လယ်တီပဏ္ဍိတ ကြား၍ ရှေ့နှစ်ပါဒနှင့်တကွ…
“ဣန္ဒကောပိ ဘူတော အာသိ, ၀ိစိတ္တာ လောကိယာ ဂတိ” ဟု
ရေးသားပါသည်တဲ့၊ [ဣန္ဒကောပိ-သိကြားဆိုသူလည်း၊
ဘူတော အာသိ-တစ္ဆေ မြေဘုတ် ဖြစ်နေပြန်၏၊ လောကိယာ-လောက၌ ပေါ်ပေါက်တတ်သော၊ ဂတိ-ဖြစ်ပုံထွေလာ,
အကြောင်းအရာသည်၊ ၀ိစိတ္တာ-ထူးဆန်းပေသည်တကား။]
ဓမ္မကထိကအကျော် ဆရာတော်တစ္ဆေ
အခြား
တစ်နေရာ၌ နိုင်ငံလုံး ထင်ရှားသော ဓမ္မကထိက ဆရာတော်တစ်ပါးရှိ၏၊ သူ၏ တရားဟောဓမ္မာရုံကြီးသည်ပင်
တရားဟောပလ္လင်နှင့်တကွ အလွန်ခမ်းနားပါသတဲ့၊… ထို ဆရာတော် ပျံလွန်တော်မူပြီးနောက် ပွဲကြည့်လာသော
လူတို့သည် ညဥ့်အခါ၌ မိုးရွာသည့်အတွက် တချို့လူတို့ ထိုဓမ္မာရုံအတွင်းသို့ ၀င်သွားရာ
တရားဟောပလ္လင်ပေါ် ထိုင်နေသော ထိုပုဂ္ဂိုလ်ကို တွေ့ရပါသည်တဲ့။
မှတ်ချက်။ ။““အမြင်ပေါက်သည်””ဟု ဆိုသော ဂိုဏ်းဆရာတော်ကြီးတစ်ပါးကား
ဓမ္မကထိကတချို့၏ နာမည်ဖြင့် ““ဇနကရေ… မည်သူ မည်ဝါတွေ ပြိတ္တာဖြစ်နေကြတယ်””ဟု မိမိ ခပ်ရွယ်ရွယ်က
ပြောဖူး၏၊ သို့သော် မိမိကား မယုံခဲ့ပါ၊ ယခုအခါ၌ကား ထိုစကားလည်း စဉ်းစားစရာ ဖြစ်နေပေသည်။
No comments:
Post a Comment